ممكن سوال لو الواحد وضع بنزين 80 على 92 فيه مشاكل

[asfour phon]

ممكن سوال لو الواحد وضع بنزين 80 على 92 اى نص التنك 80 والنصف التانى 92 فيه مشاكل على الماتور مع العلم العربيه تيجو وشكرا

[حسن شرف]

ياراجل حرام عليك انت كدة هتبهدل العربية مع العلم ان العربية هتمشر ومش هتقول لقة ولكن
انت كدة بتقضى على العربية يعنى بتموتها بدرى من الآخر
وعلى فكرة اقراء كتالوج العربية هتلاقى مصرح ومناسب ليها انها تمشى ببنزين 93 وأقرب حاجة ليها هنا فى مصر بنزين 92 شوف انت بقا عاوز تحط كمان كام على كام
وبعدين يارجل انت دفعت آلفات فى العربية ماشاء الله مستخصر تفول العربية بجنيهات بسيطة
عارف أنا هقولك على حاجة أنا عندى عربية وموتوسكل أنا بمون الموتوسكل بنزين 90
وربنا يباركلك فى عربيتك ويحميهالك من كل شر وسوء يارب العالمين ومتنساش تبقى تدينى لفة بالتيجو لما انزل مصر

[asfour phon]

طبعا زى مانتم عرفين ان العربيه بتاكل معايا بنزين اووووووووووووى وزهقت من التوكيل فى الموضوع ده وعشان كده قولت احط 80على 92 يعنى عشان لو كلت بنزين ما يبقى عالى هو انا بعكل كل يوم اكتر من 150 كيلو يعنى 22 لتر كل يوم يعنى 40 جنيه كل يوم مزنيه تانيه اكنك عندك عيله تانيه اى 1200 جنيه كل شهر ده حرام انا والله كرهت العربيه بسبب الاستهلاك

[moslem2]

الكلام ده ينفع اخره مع عربيه موديل تسعينات زى السويفت

[حازم شاهين]

المشاركة الأصلية كتبت بواسطة asfour phon طبعا زى مانتم عرفين ان العربيه بتاكل معايا بنزين اووووووووووووى وزهقت من التوكيل فى الموضوع ده وعشان كده قولت احط 80على 92 يعنى عشان لو كلت بنزين ما يبقى عالى هو انا بعكل كل يوم اكتر من 150 كيلو يعنى 22 لتر كل يوم يعنى 40 جنيه كل يوم مزنيه تانيه اكنك عندك عيله تانيه اى 1200 جنيه كل شهر ده حرام انا والله كرهت العربيه بسبب الاستهلاك

يا باشا سيبك من التوكيل فى مشكلة زيادة اﻹستهلاك دى
التوكيل أخره الصيانات الدورية و تغيير الزيت علشان الحفاظ على الضمان

إنت تشوف ميكانيكى شاطر و بيشتغل فى العربيات الحديثة ممكن تكون مشكلتك فى البوجيهات او الرشاشات أو غيرها

لو حضرتك من القاهرة أنا أرشح لك أحمد مهران ممكن تتعرف عليه فى الموضوع ده

ورشة أحمد مهران لصيانة السيارات اليابانى والكورى والصينى

أما بخصوص خلط البنزين مضر جدا على الموتور
ﻹن المحرك بيضغط الوقود لدرجة معينة قبل ما يحصل اﻹشعال ، و كل نوع بنزين ليه قدرة على تحمل الضغط قبل ما يشتعل ذاتيا نتيجة للضغط ده
فلازم الوقود المستخدم يستحمل الضغط داخل المحرك و ما يشتعلش إلا عن طريق البوجيهات

محرك الإسبيرانزا نسبة اﻹنضغاط فيه عالية زى ما قال اﻷخوة لو حطيت فيه بنزين 80 أو مخلوط إللى هيحصل إن الإشتعال هيحصل بدرى عن ميعاده الطبيعى و تحصل برجله فى الحركة تؤدى لحركة عنيفة تأثر على الأجزاء المعدنية و يخليها تتأكل بسرعة و تسبب مشاكل بعد فترة قصيرة أو ممكن لا قدر الله فى أسوأ الظروف إنها تتكسر أو تتشرخ

فيه حل بلدى بعض سائقى التاكسى بيعملوه
إنهم يقللوا نسبة اﻹنضغاط داخل المحرك عن طريق تركيب جوان وش سيلندر تانى لكن زى ما قلت النظام ده بلدى و بصراحة مش متأكد من نتايجه و أثره إيه