عايز استفسر اصلاح دهان العربية

[khaled_1993m]

هو لو العربية اتخبطت بس خبطة بسيطة و الدهان اتخربش أو وقع مكان الخبطة ينفع اشوفله حل انا ولا لازم اروح لسمكري و خاصة ان كل شوية الدهان بيقع اكثر

[Injection]

لو الخبطة فى الأكصدامات ممكن تودى العربية لسمكرى يصنفرهولك ويرشهولك أو يصنفر مكان الخبطة ويظبط اللون مع الأكصدام.
ولو فى جسم العربية فى أحتمالين.
الأول أن الخبطة موصلتش للصاج, ودى ممكن تتعمل بقلم بوية أو تدهن بفرشة رسم بنفس لون العربية ثم تتلمع بمكنة.
ولو وصلت للصاج يعنى كحتت البرايمر الأبيض وعدته دى يجب أن تتمعج وتتدهن أو تتدهن بس بسرعة, لأن الصاج كده ممكن يصدى.
ولو الدهان بيقشر, بتتشال الحتت اللى ممكن تقع بعد كده والمفروض تتصنفر وتتمعجن وتتصنفرتانى وتتدهن مع الخبطة علشان متسببش مشاكل وده الحل الأحترافى وممكن متعملوش وتشيل الحتت اللى ممكن تقع بعد كده وتدهن مكانها وخلاص.
بس لو الخبطة صغيرة ومش مدايقاك سيبها تاخد العين لحد ما بأذن الله تدهن العربية كلها.

[khaled_1993m]

لأ هي الحمد لله في الاكصدام اللي ورا بس المشكلة اني كل ما اودي العربية تتغسل الاقيها اقشرت أكثر ...... أروح للسمكري و خلاص اصلي العربية لسه تعتبر جديدة (موديل 2009) و صعبان عليا اعرفها طريق السمكري من دلوقتي هههههههه

[Injection]

ولا يهمك ياباشا أوعى تزعل نفسك, السمكرى هيصنفر مكان الخبطة ويحط معجون ويصنفرها تانى ويدهنها نفس لون العربية ومش هتتكلف غيرحوالى 100 بالكتير.
بس الحمد لله أنها فى الأكصدام, لما بتبقى فى الجسم بتبقى موال كبير.

ده أنا عندى العربية كأن أنفجر جنبها قنبلة, مفيش جنب ألا ومفيهوش خبطة و حكة على الأقل, والله لو شفتها هتعيط, رغم أنى بقالى حوالى سنة معملتش بيها أى حوادث لكن أتبهدلت لما كنت بتعلم عليها, وهى موديل 2005 فى عربيات 128 أنضف منها.

[خالدخليفة]

من الأخر لو عربيتك زيرو سيبها متعملش فيها حاجة خليها تاخد العين لان نا جربت الحكاية دى عندى نيسان صنى نبيتى 2008 واللون النبيتى فى الصينى جميل وبقيت ماشى خايف مستنى العين ومش عارف هتيجى منين لحد م كنت على الطريق السريع والطريق وقف لسبب ما وفى سواق لورى كنت انا عديت منه وشايفه بيرغى ويهزر مع سواق لورى ماشى جنب وطبعا م اخدش باله ان الطريق وقف وجاى بسرعته وطراااااااااااااااااااااا خ
خبط الشنطة دخلنى ف بيت وهرب
بعدها اتوضبت العربية ولاحظت ملحوظة
مرة نزلت من البيت وكانت هيا واقفة تحت البيت ولقيت ميكروباس بيفادى عيل صغير دخل فى الباب طبقه والحقيقة بعد موضوع الباب ده كل اللى يشوف العربية قبل ميقول مبروك وعينيه تخش فيها عينه تيجى على خبطة البا ب و اول تعليق / ايه ده انت مبتعرفش تسوق وينسى العربية وشفت واحد دمياطى عنده 4 عربيات وداقق عمود حديد ادام البيت يشترى العربيه زيرو ويطلع بيها من المعرض على العمود ويرجع بضهره يطبق الاكسدام ويسيبه سنة وبعد كده يوضبها
وفعلا لما عربيتى بتبقى مخبوطة بفوت فى الحديد وميحصلش حاجة اول م تتوضب وتتلمع والحركات دى وتبتدى تبرق انزل من البيت الاقى واحد كاتب قصة حياته بمسمار /2 بيلعبو سيجة (اكس او المسمى الحديث) اه والله عندى المربعات بتاعة الاكس او على الباب الامامى يمين