المساعد الشخصي الرقمي

مشاهدة النسخة كاملة : احترسوا من طريق مصر/ أسكندرية الصحراوى


خالدخليفة
02-07-2010, 07:15 AM
للأسف صحفى بجريدة الأهرام / ملحق السيارات كتب من أسبوعين فى الصفحة الأولى من محلق السيارات بانه تم رفع اعمال الاصلاح من طريق مصر اسكندرية الصحراوى لحين الانتهاء من موسم الصيف واصبحت السرعة عليه 120 كيلو متر فى الساعة
وقلت اكيد دى غلطة مطبعية ويمكن الأعتذار عنها لكن ولا حس ولا خبر ولما سافرت على الطريق و من بعد البواباتت فى اكتوبر لم اجد الا اليفط كلها بتقول السرعة القصوى 100 وفهمت ان دى غلطة او بومبة واحتياطى مشيت بسرعة 90 وفوجئت بكتير جايين يجرو على الطريق وتأكدت ان الخبر غير صحيح لما وصلنا لجنة رادار مدينة السادات
وياللهول ( على رأى يوسف وهبى)
وجدت طابور طوييييل اول مرة أشوفه كله ممسوك رادار وفيهم ناس بتتناقش بعصبية وسمعت واحد بيزعق ويقول انتو اعلنتو فى الجرنان ان السرعة 120
وفهمت ان دى بومبة
ثانيا /لعلمكم الخاص طريق مصر اسكندرية الصحراوى الوحيد اللى عليه من 3الى 7 رادارات احيانا كلهم بيشتغلو واحيانا جزء منهم واحيانا مبيشتغلوش خالص وانا شخصيا مرة قابلنى ال7 رادارات دول واستغربت لان اخر رادار فيهم كانت لجنته واقفه قبل بوابات اسكندرية واعتقدت ان ظباط الكمين نقلوه ادام شوية لكن لما عديت البوابات لقيت الكمين كما هو كامل العدد وسالت امين شرطة واقف انتو واقفين قبل البوابات وبعدها فقال التانى رادار
ثالثا / ممنوع الجرى وراء الميكروباس لان معظمهم اما مرخصين رحلات او مدارس او اى حاجة وبالتالى الشرطة بيستخدموهم فى الايقاع بالفرائس من الغلابة اللى زى حالاتنا لما يجرو وراهم لاعتقادنا انهم عارفين الرادار فين ثم تفاجأ انك ممسوك رادار وسواق الميكروباس مشى ولا حد كلمه
رابعا خلى بالك لان ممكن يقف لجنتين رادار ورا بعض وخصوصا من السادات الى مدخل العلمين ومن مدخل العلمين الى النوبارية وطبعا بعض اخواننا اول م يعدى من لجنة الرادار يفتح البرجل ويفاجأ برادار تانى بينادى عليه
دى تجارب شخصية وأرجو انى اكون افدتكم

corsair
02-07-2010, 10:14 AM
هههههههههههههههههههههههههههه

عاملين كامين للناس في الجرايد يقولك تمشي 120 وتتنفخ مع اول ردار

عامل زي مراقب علينا ايام ثانوي قال يا جماعه كل واحد عايز يغش يخلص نفسه بسرعه قبل ما رئيس اللجنه واللي معاه برشام ينقل اللي فيه بسرعه

كل العيال طلعت البرشام وواحد طلع جرنال الجمهورية وبينقل الاجابة بتاعة الاسئلة اللي فيه واول ما الكل طلعوا اللي معاهم راح مدبسلهم كل البراشيم في ورق الاجابة بتاعتهم وتقريبا كدا 90% من اللجنة شالت المادة

بس بيني وبينك العيال عملوله كامين بره المدرسة ونفخوه وكان معاه عربية هيوانداي اكسيل خلينهاله مش محصله سيات


بس انتا يا خلوده مبيهمكش كماين يا عم لان مصر كلها علمت عليك وعلي عربيتك وانتا طبعا ليك علامات في الجبال والطرق الصحراوية عملت ايه صحيح في رخصتك اللي اتسحبت منك في طنطا

خالدخليفة
03-07-2010, 02:45 AM
يخرب عقلك ياكروزير حمدا لله على سلامتك كل ده بتصيف ؟؟؟؟؟؟؟؟؟؟؟ طب قل لى انك جيت بالسلامة
ثم ياعم انا ماشى على الصراط المستقيم دلوقت هو كل اللى هنكسبه هنديه للحكومة والا ايه
وريحت نفسى وعملت فكرة نميسة هقول لك عليها علشان تعرف انك حبيبى بس
شلت الرخص فى البيت وعملت محضر فقد رخص وماشى ومعايا البطاقة والمحضر وكل شهر اروح اعمل محضر بيكلفنى 10 جنيه
لو حد غلس ياخد المحضر والبطاقة فى 2 غيرها فى البيت
اى خدمة

corsair
03-07-2010, 08:49 PM
هههههههههههههههههههههههههههههه يا ابن الايه يا جامد طول عمرك بتغزينا بافكارك

والله يا عم ولا الحوجه لسحب الرخص ولا الكلام الفاضي ده

وبعدين انتا اللي نايم في العسل مع الحكومة انا جيت من المصيف بقالي شهر

خالدخليفة
04-07-2010, 05:15 AM
الرخص موجودة فى البيت عملت بيهم محضر وشايلهم فى درج فى البيت وقفلت عليهم بالمفتاح ورميت المفتاح فى النيل

Nour_peugeot
04-07-2010, 07:42 AM
الله فكره مب
ئيا انا دافع 450 جنيه ردرار و انا رايح الساحل انا عديت علي 8 رادرارت اتقفشت في 3

و الرجل يقولي العربيه دي جابت 170 ازاي اقوه الظرووف يقلي طيب قياده بعونه قولتله عندي امتجان و مستعجل و الغبي ميعرف ان اليوم كان الجمعة ههههههههههههههههه

اكلام ده من 4 شهور خلي بالكم انا في الساحل دلوقتي و الطريق متلغم رادرات

corsair
04-07-2010, 08:01 AM
الرخص موجودة فى البيت عملت بيهم محضر وشايلهم فى درج فى البيت وقفلت عليهم بالمفتاح ورميت المفتاح فى النيل


ههههههههههههههههههههههه

طب لما النيل ميته تخلص المفتاح هيظهر وساعتها هجيبه واسلمه بايدي للحكومه

خالدخليفة
05-07-2010, 04:36 AM
النيل ميته تخلص ؟؟؟؟؟؟ ده من انهار الجنة ياعم وبعدين انت بيخيل عليك كلام اثيوبيا ده تهويش يابنى وعموما الجملة دى عرفتنى اد ايه بتحبنى بقى عايز تنشف النيل وتعطش المصريين علشان تدى الحكومة مفتاح الخزنة اللى فيها الرخص بتاعتى علشان يسحبوها ؟

lol64
05-07-2010, 05:24 AM
الله الله كده فعلا الشرطه فى خدمه الشعب ههههههههه

lost2008
05-07-2010, 05:59 AM
احسن حاجة على طريق اسكندرية الصحراوى انك تسافر باليل, لا رادار و لا وجع دماغ, انا جربته كذا مرة على 160 و كله كان تمام

احمد بدر1978
05-07-2010, 09:50 PM
احسن حاجة على طريق اسكندرية الصحراوى انك تسافر باليل, لا رادار و لا وجع دماغ, انا جربته كذا مرة على 160 و كله كان تمام
ممكن يكون فية تصوير ليلى والمخالفة على الرخصة ب300 جنية

خالدخليفة
06-07-2010, 01:51 AM
فى تصوير ليلى فعلا وانا شخصيا امبارح الكاميرة ضربت فلاش ف وشى وكنت سايق 170 بس دى بتدى فلاش بس يعنى مش بتصور العربية لان الكاميرة دى قديمة شوية الجديدة اللى بتصورك صور ثلاثية الابعاد وتصور اللى جوه العربية كمان من كذا زاوية دى على المحور وفى الاماكن الحيوية زى ميدان رمسيس والمهندسين

احمد بدر1978
06-07-2010, 11:11 AM
فى تصوير ليلى فعلا وانا شخصيا امبارح الكاميرة ضربت فلاش ف وشى وكنت سايق 170 بس دى بتدى فلاش بس يعنى مش بتصور العربية لان الكاميرة دى قديمة شوية الجديدة اللى بتصورك صور ثلاثية الابعاد وتصور اللى جوه العربية كمان من كذا زاوية دى على المحور وفى الاماكن الحيوية زى ميدان رمسيس والمهندسين
يعنى بتتاخد النمرة ولا لا؟
انا متصور على طريق مطروح ميت مرة

بدر بسيونى
06-07-2010, 11:17 AM
بيبقى فى ردار بالليل من بعد الماستر والرست هاوس وليه 3 اماكن واحد بعد الماستر بشوية وواحد فى الكيلو70 تقريبا والثانى قبل البوابة وده بيوقفك عند البوابة ويحصل منك وبيبقى واحد فيهم بس

corsair
06-07-2010, 11:32 AM
النيل ميته تخلص ؟؟؟؟؟؟ ده من انهار الجنة ياعم وبعدين انت بيخيل عليك كلام اثيوبيا ده تهويش يابنى وعموما الجملة دى عرفتنى اد ايه بتحبنى بقى عايز تنشف النيل وتعطش المصريين علشان تدى الحكومة مفتاح الخزنة اللى فيها الرخص بتاعتى علشان يسحبوها ؟


هههههههههههههههههههههههههه

اصل الحكومة افضلها عليا مغرقاني علشان كدا عايز اخدمها زي ما بتخدم الشعب المصر كله

خالدخليفة
07-07-2010, 07:09 PM
يعنى انت بتخدم الحكومة على قفايا طب هقوللك حاجة لذيذة من يومين جاى من اسكندرية الضهر كده واحد شاور لى قلتله رايح فين قال مصر قلتله تعالى خدمة لله يعنى بقول له ايش عرفك انى رايح مصر فقال العربية ملاكى القاهرة وماشية على اتجاه الصحراوى تبقى مسافر مصر
يقوم يطلع ميييييييين
رتبة مهمة فى مرور اسكندرية المهمة لقانى جريت لحد موصلت البوابات وقبل البوابات قال ادخل من ممر الشرطة العسكرية ودخلت واول م شافوه فتحو البوابة المهم لميت نفسى بعد كده وماشى 90 فبيقوللى انتى هديت السرعة ليه قلتله علشان الرادار فقال / عيب عليك يعنى ابقى معاك وتقول الرادار اجرى ياراجل قلتله والغرامة قال متخافش ميجرؤش حد يمسكك
النكتة بقى انى جريت ووصلت 180 ولقيته خاف وقال ايه ده مش اوى كده خف شوية فنزلت ل150 المهم دخلنا على الكمين لقيتهم بيقولولى هات الرخص و قبل م ارد راح صاحبنا قال للظابط انا فلان وطلع له الكارنيه وقال معلش عندى مأمورية ومستعجل فقالوله توصل بالسلامة ياباشا لكن على المحور ماشى 80 مهو على المحور مفيش كماين والكاميرا مش هتعرف مين جوه العربية وداخلين البوابات فى القاهرة نفس القصة من ممرالشرطة العسكرية اتارى ممر الشرطة ده بيطلعك من ورا الكمين ووصلنا القاهرة فى ساعة ونص بالنهار بعد م نزل لقيته قال الشهادتين وقال انت قطعت نفسى لحد موصلنا بقول له ياباشا انت نمت هو انت حسيت قال انا كنت بنوم نفسى علشان انساك انما تجيبنى من محرم بيه للتحرير فى ساعة ونص ؟؟؟ حرام عليك وربنا يستر عليك

corsair
08-07-2010, 02:14 AM
هههههههههههههههههههههههههههههههههههه

انا لو منك اعمل منه COPY واخليه معايا في العربية

حاول كدا تاخد رقم تليفونه وتظبط معاه تجيبوا كل مره وانتا جي من اسكندرية

شوفت يا عم الناس ديه واخده حقها في البلد ازاي

انا الحسنه الوحيدة في الرخصة عندي انها سمحالي اني اعدي من بوابة الشرطة العسكرية

غير كدا زيها زي الرخصة العادية بالظبط

احمد بدر1978
11-07-2010, 09:00 AM
يوم الخميس و انا رايح عيد ميلاد مصر موتورز الردار صبح عليا بعد بوابة اسكندرية تقريبا ب 20 كيلو 150 جنية ادفعوا وانا زى الباشا وكان فية واحد قبل الرست وواحد قبل مصر ب 60 كيلو وواحد عند بوابة القاهرة بس الحمد لله
كان كفاية عليا واحد

corsair
11-07-2010, 10:23 AM
انتا يا عم احمد خليفة خالد باشا في السرعه ادي المقابلة جت عليك بخسارة ينفع كدا المفروض المنتدي يتحمل المخالفة ديه لانك كنت بتعمل عمل بطولي وهو انك جاي من اسكندريه للقاهره

احمد بدر1978
11-07-2010, 10:37 AM
انتا يا عم احمد خليفة خالد باشا في السرعه ادي المقابلة جت عليك بخسارة ينفع كدا المفروض المنتدي يتحمل المخالفة ديه لانك كنت بتعمل عمل بطولي وهو انك جاي من اسكندريه للقاهره
مش مشكلة المهم انى شفت احلى ناس ممكن اقابلها فى حياتى

remomeme
11-07-2010, 01:51 PM
يخرب عقلك ياكروزير حمدا لله على سلامتك كل ده بتصيف ؟؟؟؟؟؟؟؟؟؟؟ طب قل لى انك جيت بالسلامة
ثم ياعم انا ماشى على الصراط المستقيم دلوقت هو كل اللى هنكسبه هنديه للحكومة والا ايه
وريحت نفسى وعملت فكرة نميسة هقول لك عليها علشان تعرف انك حبيبى بس
شلت الرخص فى البيت وعملت محضر فقد رخص وماشى ومعايا البطاقة والمحضر وكل شهر اروح اعمل محضر بيكلفنى 10 جنيه
لو حد غلس ياخد المحضر والبطاقة فى 2 غيرها فى البيت
اى خدمة

هههههههههههههههههههه حلوه اوي الفكره دي يلا كلنا نعملها و نتمسك في قسم و احد جمعااااء :HAPPY_~211:

خالدخليفة
11-07-2010, 02:18 PM
انتا يا عم احمد خليفة خالد باشا في السرعه ادي المقابلة جت عليك بخسارة ينفع كدا المفروض المنتدي يتحمل المخالفة ديه لانك كنت بتعمل عمل بطولي وهو انك جاي من اسكندريه للقاهره
والله ياعم انا محذر من الرادارات على الطريق وقايل قبل كده ان مصر /اسكندرية الصحراوى عليه من 3 الى 7 رادارات واحيانا ولاواحد فيه مبيكونش موجود واحيانا يشتغلو 6 الصبح مش 8 زى م ناس كتير فاهمة طب هعمل ايه تانى وبعدين انا دلوقت مبزيدش عن 130 او 140 بالليل وبالنهار 90 علشان حتى اوفر فى تيل الفرامل لان ليا كل شهرين او 3 تيل جديد

محمد السماني
12-07-2010, 05:51 AM
ههههههههههههههههههههه
ملعوبة يا رادار
بس فيه اخواني كتير من الجهة المقابلة بيعاونوني وبيدوني كشافات عالية وساعات كلكسات
الجميع على الطريق لازم يكونوا متعاونين

خالدخليفة
12-07-2010, 08:48 AM
ههههههههههههههههههههه
ملعوبة يا رادار
بس فيه اخواني كتير من الجهة المقابلة بيعاونوني وبيدوني كشافات عالية وساعات كلكسات
الجميع على الطريق لازم يكونوا متعاونين
الكلام ده ممكن على السويس القاهرة الصحراوى لكن اسكندرية الصحراوى كله شجر فى النص ومنحنياته بقت كتير ومفيش مجال لموضوع الكشافات والكلاكسات ده

محمود محمد محمود موسى
19-07-2010, 02:39 PM
احمد ربنا دفعة مخالفتين فى طريق مرسى مطروح الاولى السرعة 110 والثانية السرعة 75 موسم لحصد الفلوس وكل عام وانت بخير

geuvara_2010
19-07-2010, 02:51 PM
انا روحت اسكندريه لقيت 2 رادار وانا جاي يوم السبت من اسكندريه ماكنش في ولا واحد