المساعد الشخصي الرقمي

مشاهدة النسخة كاملة : سيارة فى حدود 25 ل 30 الف جنية


Doudy
08-06-2010, 08:27 AM
السلام عليكم ورحمة الله وبركاتة
عاوزة عربية فى حدود 25 ل 30 الف بس تكون صغيرة اقصد محندقه :) وتكون اقتصادية بترول وقطع غيار ويا ريت تكون اتوماتيك
والمفروض ايه افضل مكان فى مصر اشترى منه اقصد هل فيه مكان معين ولا من اصحاب السيارة نفسها
فى انتظار اقتراحتكم
شكرا ان ادفانس:GROWIN~12:

المناور
08-06-2010, 09:32 AM
بالنسبة للعربية عليك وعلى الكيا برايد عربية كويسة واقتصادية فى البنزين وممكن تمشىيها على بنزين 80 مش حاتقول لأ ، وعالية عن الارض فمش حاتشتكى من المطبات ، وكمان ثابتة على الطريق لانها عريضة ، وواسعة من جوة سواء للسواق أو للى ورا ، وقطع غيارها فى كل حته واسعارها حنينة يعنى فانوس الاشارات عامل بتاع 15 جنيه والفانوس كله عامل 70 جنيه وسير الكاتينة ب 45 جنيه والدينامو ب 15 والمساعدين الاصلى عامل 450 والصينى 290 ودى اسعار كمثال ، وأول ما حاتقول يا بيع حتلاقى بإذن الله لانها عربية مطلوبة وسعرها فى الرينج اللى انت عايزه ده .

وأنا انصحك انك لما تجيب العربية ماتجيبهاش بكل اللى معاك لانك بعد ما حاتجيبها حاتحتاجلك بتاع 1000 لزوم تسجيل العربية وتظبيطها وتغيير الزيوت والسيور والفلاتر وتظبطلها شوية زيادات حسب ذوقك .

واياك تشترى من السوق لانك حاتندم الاسعار بتبقى غالية والعربيات حالتها مابتبقاش كويسة والتجار هناك اول ما بيشموا ريحة عربية كويسة ما بيعتقوهاش ، انت شوف حد من معارفك يساعدك فى القصة دى احسنلك .

وربنا يوفقك

Doudy
08-06-2010, 03:26 PM
السلام عليكم
الف الف شكر لحضرتك ع الرد المفصل أ.المناور
طيب لو معنديش معارف ممكن يساعدونى فى الموضوع دا وحضرتك بتقول السوق مش كويس طيب اعمل ايه اشف الوسيط او الاعلانات ولا ايه؟
وحاجة كمان هل فيها منها اتوماتيك ولا عادي بس.
انا بقالى 6 سنوات باسوق اتوماتيك ومعرفش هاعرف اسوق عادي ولا لاء
وشكر لتعب حضرتك معايا

المناور
08-06-2010, 09:05 PM
مفيش تعب يا سيدى دانا بحاول ارد ولو جزء من مجهود الاخوة معايا

على حد معلوماتى مافيش اتوماتيك فى الهاتش باك اللى بيبقى فيه البرايد السيدان ، خد بالك كمان انك لو دخلت فى سيدان واتوماتيك يبقى حتلاقيها معدية ال 30000 انا كنت شوفتها فى السوق وقت ما كنت بجيب عربيتى عاملة بتاع 34000 وده كان من 7 شهور.

وكمتان الاتوماتيك بيستهلك بنزين اكتر من المانيوال والاوتوماتيك فى العريبات اللى فى رينج السعر ده حاسس ان فيه مخاطرة خليك فى المانيوال احسن ومع الوقت حاتتعود عليه الموضوع عادى مش معضلة .

بالنسبة للسوق انا جيبت عربيتى منه بس دفعت بتاع 2000 جنيه زيادة وباقل امكانيات واقدم موديل فى البرايد وكمان عدادها كان عامل 170000 الف كيلو ، هى صحيح على الرغم من كل ده عربية اصيلة معايا ومابتعملش مشاكل ولغاية دلوقتى ماصرفتش عليها غير الزيوت والفلاتر والسيور ولله الحمد بس الواحد مستخسر القرشين الزيادة دول لان الواحد مابيبقاش لاقى الفلوس دى فى الشارع وكان ممكن استفيد بالفرق ده فى تظبيط العربية مثلا علشان كده بانصحك بلاش السوق علشان ماتقعش نفس وقعتى .

وعندك الاعلانات اللى بتنزل فى المواقع وفى المنتدى هنا كمان حاول تتابعها واهم حاجة يبقى عندك ميكانيكى كويس علشان لما تروح تعاين ولو زنقت مفيش مانع تنزل السوق بس خليك حريص جدا وماتتسربعش البلد مليانة عربيات خد وقتك خالص فى الاختيار وماتنساش تستخير علشان ربنا يوفقك .

Doudy
09-06-2010, 03:45 PM
طب حد م الاخوة هنا عنده سيارة للبيع ..؟؟

egy4arb
10-06-2010, 07:50 PM
معايا ابيزا للبيع

مو 1994- اللون احمر - فابريكة دواااخل - راشة برا نضاافة - بااااور - تكيف يحتاج صيانة - 2 زجاج كهربا -سنتر- موتور المانى اصلى جديد - كاسيت mp3 - سماعات سونى اصلية - لا تحتاج الا ( مساعدين فقط لاغير ) - سبب البيع ( مش عارف اسوق مانيوال فى الزحمة بصرااحة ) - رخصة سنة و نصف


للبيع بـ 29000


0106189722

Doudy
11-06-2010, 02:04 PM
معايا ابيزا للبيع

مو 1994- اللون احمر - فابريكة دواااخل - راشة برا نضاافة - بااااور - تكيف يحتاج صيانة - 2 زجاج كهربا -سنتر- موتور المانى اصلى جديد - كاسيت mp3 - سماعات سونى اصلية - لا تحتاج الا ( مساعدين فقط لاغير ) - سبب البيع ( مش عارف اسوق مانيوال فى الزحمة بصرااحة ) - رخصة سنة و نصف


للبيع بـ 29000


0106189722


ممكن صورة للسيارة
وسؤال تانى يعنى ايه مساعدين؟

احمد بدر1978
11-06-2010, 08:48 PM
ممكن تلاقى شاريد اتوماتيك فى حدود 25000

egy4arb
12-06-2010, 01:15 AM
اتفضلى صور للعربية بس دى الكوبية ال2 باب اصغر انما بتاعتى زيها بس 4 باب و على فكرة نفس اللون دا و ان شاء الله بكرا اجيبلك الصورة الحقيقية للعربية نفسها من جوا و برا :

http://www.contactcars.com/Images/PostedCars/362010_173914_g7mf8ip.jpg0




اما المساعدين دى الى هيا زى السوست الى بيركب عليها الشاسية عشان المطبات و كدا و بتتغير ال4 مساعدين المانى جداد بالضمان ب 1000 جنية !! و احتمال انا اغيرهم قريب اوى قبل ما ابيعها .

و على فكرة مش هتحتاجى تغيرى اى حاجة تانية لانى لسى عاملها صيانة اصلا و مغيرلها الاتى :

زيووووت ( زيت موتور - فرامل - بااور - فتيس )

سيور و فلاتر ( سير كاتينة - دينامو - فلتر زيت - فلتر بنزين )

و السيارة كلها مغسولة فى بنزينة ب 100 جنية كل جزء فيها مغسول ( موتور - شاسية - صالون - الخ الخ )

جميع العلامات عليها و العواكس الى دايما بتبقى مش موجودة على العربيات المستعملة موجودة فيها


اجمل مايميز العربية ان راكبلها نظام بااور : يعنى الدركسيور بيكون لفة واحدة و خفيف و هيريحك خصوصا فى الركنات لانك بنت .

hazem_khidr
12-06-2010, 09:54 PM
عندك الابيزا كويسه و الكورسا كمان لو عاوزه هاتش باك
لو عاوزه سيدان يبقي السويفت و البرايد

Doudy
12-06-2010, 10:26 PM
ممكن تلاقى شاريد اتوماتيك فى حدود 25000
شوفت صورتها ع النت وشكلها جميل بصراحة ..ولاقيت حد عارضها على 32000 هو المفروض لما حد يقول سعر زى دا مثلا المفروض انزل قد ايه وبناء على ايه ..بصراحة شراء المستعمل دا ازمة كبيرة انا كنت باريح نفسي واجيب زيو افضل عشان محسش حد ضحك على بس انا هاقعد فى مصر سنه فقط ومش عاوزة اجيب جديد
عموما الف شكر لحضرتك.

اتفضلى صور للعربية بس دى الكوبية ال2 باب اصغر انما بتاعتى زيها بس 4 باب و على فكرة نفس اللون دا و ان شاء الله بكرا اجيبلك الصورة الحقيقية للعربية نفسها من جوا و برا :

http://www.contactcars.com/Images/PostedCars/362010_173914_g7mf8ip.jpg0




اما المساعدين دى الى هيا زى السوست الى بيركب عليها الشاسية عشان المطبات و كدا و بتتغير ال4 مساعدين المانى جداد بالضمان ب 1000 جنية !! و احتمال انا اغيرهم قريب اوى قبل ما ابيعها .

و على فكرة مش هتحتاجى تغيرى اى حاجة تانية لانى لسى عاملها صيانة اصلا و مغيرلها الاتى :

زيووووت ( زيت موتور - فرامل - بااور - فتيس )

سيور و فلاتر ( سير كاتينة - دينامو - فلتر زيت - فلتر بنزين )

و السيارة كلها مغسولة فى بنزينة ب 100 جنية كل جزء فيها مغسول ( موتور - شاسية - صالون - الخ الخ )

جميع العلامات عليها و العواكس الى دايما بتبقى مش موجودة على العربيات المستعملة موجودة فيها


اجمل مايميز العربية ان راكبلها نظام بااور : يعنى الدركسيور بيكون لفة واحدة و خفيف و هيريحك خصوصا فى الركنات لانك بنت .


الف الف شكر لحضرتك ..بس شكلها مش مناسبنى..انا عاوزة عربية رخصية وبنت حلال وشكلها كويس :) عموما الف الف شكرا لاهتمام حضرتك
عندك الابيزا كويسه و الكورسا كمان لو عاوزه هاتش باك
لو عاوزه سيدان يبقي السويفت و البرايد
كيا برايد كتير بيمدحونها ويوصونى بيها ان شاء الله انزل اشوفها ..الف الف شكرا لاهتمامكم يا جماعة

egy4arb
12-06-2010, 11:35 PM
العفو يا فندم بس للعلم بالشى الابيزا من ارقى الاشكال فى السياارات من هذة الفئة 30000 يمكن الصورة مش معبرة عن السيارة بس هيا شبابية جدا دا بالعكس الكيا برايد الهاتش باك هيا الى شكلها شئ جدا و غير مقبول بالمرة انما السيدان كويسة بس سعرها فى السووق 34000 و طبعا الموضوع اذوااااق

و دى شوية صور اخرى

\


file:///C:/DOCUME%7E1/fox/LOCALS%7E1/Temp/moz-screenshot.pngfile:///C:/DOCUME%7E1/fox/LOCALS%7E1/Temp/moz-screenshot-1.pngfile:///C:/DOCUME%7E1/fox/LOCALS%7E1/Temp/moz-screenshot-2.png
http://memimage.cardomain.com/ride_images/1/688/2441/1718720001_medium.jpg (http://memimage.cardomain.com/ride_images/1/688/2441/1718720001_large.jpg)http://memimage.cardomain.com/ride_images/1/688/2441/1718720002_medium.jpg (http://memimage.cardomain.com/ride_images/1/688/2441/1718720002_large.jpg)














http://memimage.cardomain.com/member_images/6/web/2226000-2226999/2226879_96.jpg (http://memimage.cardomain.com/member_images/6/web/2226000-2226999/2226879_96_full.jpg) (http://memimage.cardomain.com/member_images/6/web/2226000-2226999/2226879_97_full.jpg)
http://memimage.cardomain.com/member_images/6/web/2226000-2226999/2226879_4.jpg (http://memimage.cardomain.com/member_images/6/web/2226000-2226999/2226879_4_full.jpg) (http://memimage.cardomain.com/member_images/6/web/2226000-2226999/2226879_4_full.jpg)
August 2008 - DTM Mirrors fitted
http://memimage.cardomain.com/member_images/6/web/2226000-2226999/2226879_116.jpg (http://memimage.cardomain.com/member_images/6/web/2226000-2226999/2226879_116_full.jpg) http://memimage.cardomain.com/member_images/6/web/2226000-2226999/2226879_117.jpg (http://memimage.cardomain.com/member_images/6/web/2226000-2226999/2226879_117_full.jpg) (http://memimage.cardomain.com/member_images/6/web/2226000-2226999/2226879_117_full.jpg)
(http://memimage.cardomain.com/member_images/6/web/2226000-2226999/2226879_97_full.jpg)http://memimage.cardomain.com/member_images/6/web/2226000-2226999/2226879_97.jpg (http://memimage.cardomain.com/member_images/6/web/2226000-2226999/2226879_97_full.jpg) (http://memimage.cardomain.com/member_images/6/web/2226000-2226999/2226879_97_full.jpg)[/URL][URL="http://memimage.cardomain.com/member_images/6/web/2226000-2226999/2226879_95_full.jpg"]http://memimage.cardomain.com/member_images/6/web/2226000-2226999/2226879_95.jpg (http://memimage.cardomain.com/member_images/6/web/2226000-2226999/2226879_95_full.jpg) (http://memimage.cardomain.com/member_images/6/web/2226000-2226999/2226879_95_full.jpg)