المساعد الشخصي الرقمي

مشاهدة النسخة كاملة : كل ما تريد معرفته عن البيجو 206


HaShiMoto
03-10-2008, 02:21 AM
انا لاحظت ان كتير بيسألوا عن العربية دى فقلت أكتب كل اللى اعرفه عنها بأمانة و عن خبرة و تجربة 7 سنين

نبذه تاريخية عن هذا الموديل:
فى عام 1998 بدأ إنتاج السيارة 206 تم بيع هذه السيارة فى 121 دولة بلغت مبيعاتها 5 مليون سيارة فى أقل من 7 سنوات و تعتبر هذه السيارة هى أعلى نسبة مبيعات فى تاريخ شركة بيجو
أصدرت موديلات كثيرة من 206 و منها
- الهاتشباك و تم طرحها بمحركين 1100 سى سى يولد 60 حصان و الآخر 1400 سى سى يولد 75 حصان
- SW (Station wagon ) و تم طرحها بمحرك 1400 سى سى
- RC و التى تعتبر سيارة الراليات
- و الآن تم تصنيع النسخة السيدان منها و التى تجمع فى إيران و منتظر وصولها مصر قريبآ
مع العلم ان النسخة الهاتشباك مازال يجمع فى إيران بمحرك 1400 سى سى و متوفر بناقل حركة يدوى و اوتوماتيكى

السعر
العربية إحنا إشتريناها فى اواخر 2000 كانت ب48 الف جنيه – ايام البركة – كانت أغلى من اللانوس الفول اوبشنز ب 3 اللاف جنيه
و العربية 1400 سى سى كانت ب 64000 ... فرق السعر كان كبير اوى وقتها
و آخر سعر وصلتله أعتقد سنة 2006 كان 84 الف جنيه لكن للأسف مبيعاتها كانت قليلة جدآ

أداء الموتور
انا هتكلم عن 1100 لإن للأسف لم تتح لى الفرصة بقيادة 1400
الموتور نقطة أقصى العزم عند 2500 لفة فى الدقيقة (94 نيوتن/م)
العربية طلعتها جامدة و سحبها لحد 120 كويس بعد كده بتبقى بطيئة لحد 160 (أقصى سرعة) مع العلم إنى مش من هواة الجرى و القرص على العربية
العربية دى فى السفر أحلى سرعة ليها و اللى بحس ان العربية بتبقى مسترحة فيها هى 130 بعد كده بيبقى صوت الموتور عالى

الكماليات
تكييف – باور – سنتر بريموت – زجاج كهرباء امامى فقط – أربع سماعات فى الأبواب – عداد رحلات
العربية 1400 بتزيد فوج لايت امامى

بالنسبة للمميزات

1- شكل جذاب لحد دلوقتى رغم ان مضى عليه مدة
2- إستهلاك بنزين رائع حوالى 250 كم فى الصفيحة داخل المدينة فقط
3- تقفيل داخلى و خامات ما شاء الله بتتحمل
4- أدائها ممتاز حتى مع الموتور 1100 سى سى لكن طبعآ ال1400 سى سى هيكون أحسن بكتيير
5- تكييفها يعتبر جيد مش ضعيف حتى فى ساعة الظهر لكن مش فى قوة التكييفات اليابانى زى الهوندا مثلآ نظرآ لحجم الموتور برضه
6- ثباتها فوق الممتاز رغم حجمها الصغير حتى على السرعات العالية و فى الملفات

بالنسبة للعيوب
1- أسعار قطع غيارها مرتفعة لإن المفروض عربية من موديل 2001 لحد دلوقتى تكون قطع غيارها رخصت عن كده
2- قطع غيارها مش متوفرة خارج التوكيل ( الكلام ده فى الإسكندرية )لكن flyingpeugeot وصفلى كذا واحد فى القاهرة عندهم قطع غيارها
3- الدركسيون بتاعها تقيل شوية يعنى الباور مش زى الكورى او اليابانى بس هو فى المقابل بيبقى ثابت على السرعات العالية
4- مفيهاش الكماليات الكتير المبهرة زى اللى موجودة فى العربيات دلوقتى حتى ال207 تعتبر فاضية و هى بتزيد فقط عن 206 مرايات كهرباء لكن طبعآ فى الأداء ففى فرق كبير
5- التكييف بيأثر على سحبها لكن مش بيخنقها يعنى مش هتحس إنها بطة

هى دى العيوب اللى حسيتها فى العربية دى

بالنسبة لحجم العربية
اسرتنا 4 افراد (ربنا يخليهم) و الحمد لله بنركب مستريحين و شالت حاجتنا كتير فى السفر
لكن هرجع و أقول العربية دى مش بتاعة عائلات كبيرة و شنط كبيرة و كتيرة
هى العربية دى بتناسب الشباب أكتر او الأسرة اللى عددها صغير و مش بتشيل كتير

فهى مسألة نسبية و ممكن البعض يراها ميزة و البعض الآخر يراها عيب

التوكيل و مراكز الخدمة
التوكيل يعتبر جيد بصراحة ناس محترمين و مواعيدهم فى التسليم مظبوطة و الحمد لله عمرى ما غيرت حاجة فى العربية و رجعت ليهم تانى بنفس العيب
هم مشكلتهم ان مصنعياتهم غالية يعنى فى اقل حاجة ممكن تدفع 100 جنيه مصنعية
بس فى المقابل هم عندهم العدد اللازمة لفك كل جزء فى العربية يعنى مفيش شغل الميكانيكية و الخبط اللى بيعملوه

و الكلام ده ينطبق على مركزين الخدمة اللى فى الإسكندرية (مصطفى كامل – الطريق الصحراوى)

أسعار بعض قطع الغيار اللى تم تغيرها فى العربية
الفلاتر
فلتر الزيت 34
فلتر بنزين 80
فلتر هواء 123

بوجيهات عدد 4 بوجيهات 140

ما تم تغييره على 70 الف كيلو
سير تقسيمة 165
سير دينامو 95
ماكينة ستوب 30
عدد 2 رولمان بيل عجل امامى 800

ما تم تغييرها على 117 الف كيلو
عدد 1 مساعد امامى (طبعآ تم تغيير المساعدين) 365
عدد 1 مقص امامى (نفس الكلام غيرت المقصين) 740
طقم تيل فرامل امامى (مش اول مرة يتغير بس ده آخر سعر) 300
ما تم تغييره على 124 الف كيلو
طقم دبرياج(اسطانة و ديسك و رولمان بيل) 1790
اويل سيل كوبلنج 35
رولمان بيل كوبلنج 65
كابل دبرياج 245
ذراع ميزان 315

ملحوظة الأسعار غير شاملة ضريبة المبيعات و بالنسبة لصيانة 70 الف كيلو فإحتمال يكون تم تغيير بعض الأسعار بالزيادة او النقص

سعر المستعمل منها حاليآ

الحالة الممتازة – فابريقة – مش ماشية كتير تعمل فى 54 الف جنيه

العربيات المنافسة فى نفس السعر فى المستعمل
سكودا فابيا – بولو – الإبيزا – الكليو الهاتش باك الفرنساوى


نصائح لكل واحد يريد شرائها إستعمال

أولآ صلاة الإستخارة

ثانيآ لابد لابد من الكشف على السيارة و التأكد من انها خالية من العيوب الميكانيكية لإن العربية دى قطع غيارها غالية زى ما انتوا شايفين

ثالثآ لو عايز عربية تجرى و تطلع بيها من اى حد جنبك و تبهرك بتسارعها فالعربية 1100 سى سى مش هتبسطك اوى
يعنى من الآخر دور على ال 1400 سى سى


معلش انا طولت عليكم و يا رب أكون أفادتكم
كل واحد يدعيلى دعوة حلوة على الماشى كده
__________________
صاحب الموضوع الاصلى : عمرو مختار

اكرم ابوعقيل
17-12-2008, 10:03 PM
السلام عليكم ... انا اكرم ابوعقيل - سوهاج - بكالريوس طب ببطري يشرفني اني اتعرف بحضرتك ... لوممكن اعرف تفاصيل كاملة عن البيجو406

hazem_khidr
18-12-2008, 06:03 AM
كلام رائع
و فعلا موضوع لازم يشوفه اي واحد عاوز يشتري 206
شكرا ليك علي الموضوع:)

sam ram
18-12-2008, 08:44 AM
شكرا هاشيموتو ...
يا ريت لو نقدر نشوف صوره للموديل .... و الفرق بينه و بين اللي موجود دلوقتي

mohamed ibiza
23-12-2008, 11:30 PM
موضوع ممتاز الف شكر:):)

Nour_peugeot
25-12-2008, 12:47 AM
انا بقي بعد ازنكم اكمل المعلومات عن السياره

احب اضيف ان السياراه دي ليها6 مواتير

1 1100 سي سي شائع
2- 1300 سي سي شائع
3- 1400 سي سي موجود بس قليل
4- 1600 سي سي في الكابروليه و ال 206 خارج مصر
5- 2000 سي سي في الكابروليه فقط
6- 2200 سي سي نادر جدا جدا


و اكملكم بقي بالصور طبعا خارج مصر اغلب ال 206 2 باب

انا جايب بقي شويه صور يا رب تعجبكم



دي صوره الموتور ال 1400

http://kydrives.net/photos/206engine1.jpg

و دي صوره الموتور ال 2000 سي سي
http://www.autoviva.org/wp-content/gallery/peugeot-206-206cc-20i-gas-cabrio/peugeot-206-206cc-20i-gas-cabrio_engine.jpg




و دي ابعاد السياره

http://car-blueprints.narod.ru/images/peugeot/peugeot-206-3-door.jpg


و دي صور للنسخه الكابروليه منها

http://lauris212.googlepages.com/peugeot206cctuning.jpg/peugeot206cctuning-full.jpg

http://www.carsandtuning.org/wp-content/uploads/2006/11/peugeot-206-cc-2.jpg



و دي صوره الموديل السيدان منها

http://image.automobilemag.com/f/auto_shows/2005_frankfurt/6681457/0509_frankfurt_01+2006_peugeot_206_sedan+rear_side _view.jpg


و دي حبه صور للعربيه و شويه تعديلات كمان يلا محدش واخد منها حاجه ptmnlo123per154


http://autozone4cars.com/autozonenewweb/images/206%20hatchback.jpg




http://designercars.nl/biler/Peugeot-206-15775.jpg


http://robson.m3rlin.org/cars/wp-content/uploads/2007/12/peugeot-206-tuning-copy.jpg





يارب اكون قدرت اوصل كل المعلومات الاعرفها و يارب اكون افدتكم

و العيز حاجه انا تحت امره

sam ram
25-12-2008, 09:58 PM
الهاتشبك حلوه ... بس السيدان نسبها غريبه .. متلفقه
تسلم ايدك يا نور

Nour_peugeot
26-12-2008, 01:54 PM
انا تحت امركم يا رجاله

ahmedshawki
10-02-2009, 11:01 PM
تمام يا راجله وادعولى بقى لانى بدور على واحده كويسه ليا

ahmedshawki
10-02-2009, 11:03 PM
شد حيلك معايا يا نور باشا علشان نخلص من الموضوع ده ptmnlo123per171

Nour_peugeot
10-02-2009, 11:58 PM
انا تحت امرك يا احمد باشا


انا اتمني والله ان انك تخلص في عربيه قريب ان شاء الله

dr/ahmed2007
16-02-2009, 10:48 PM
السلام عليكم,انا طبيب مصري من طنطا, اعمل حاليا في سلطنة عمان,وانوي شراء سيارة بيجو 206اوتوماتيك موديل 2009 في عمان(ان شاء الله),واريد ان اعرف سعرها الحالي في مصر,ونظام الجمارك في حالة نقلها الى مصر(بعد سنتين مثلا),وهل يوجد مراكز خدمة للبيجو في طنطا.
,,,,,,,,,,مع الشكر,,,,,,,,,

Nour_peugeot
25-03-2009, 04:35 AM
يا باشا بالنسبه للبيجو التوكيل هنا عنده اكبر شبكه مراكز خدمه

و ثانيا هنا البيجو 206 مبقيتش تتباع خلاص و جماريكها قليله عشان 1400

و كل صنايعيه البيجو بقو فهمينها خلاص فا توكل علي الله

SaLM!Na
15-04-2009, 02:05 AM
مش عارفة ليه عندي احساس ان هاشيموتو ده واحد اعرفه كده
و اكيد يا نور انت كمان تعرفه
ما علينا

شكرا على المعلومات الجميلة دي
بجد قيمة اوي

و شكرا يا نور على الصور الكتيييييييييييييييير اللي انت حطتها

Nour_peugeot
02-05-2009, 02:08 AM
اي خدمه متتعودوش علي كده

drift
10-05-2009, 03:28 PM
شكرااا جداا انا ليا واحد صاحبي عندة بيجو 206 كوبية اوربي جاية معاقين 1600سي سي موتور قوي جداا هورس باور 130 لكن العزم مش عالي لانة مش مهم لان العربية خفيفة مش بتاخد حمل كتير والتكييف قوي جداا بس عيبها قطع غيارها غالية

Nour_peugeot
10-05-2009, 05:15 PM
يا باشا هي قطع غيارها بالنسبه لعربيات اقل

اما لو قرنها بمثيلتها ف الموديلت هتلاقي الفرق بسيط

و طبعا اعتماديه العربيه عاليه جدا

mahmoudnada80
26-05-2009, 11:15 PM
السلا م عليكم الف شكر للمعلومات الجامده دي
بس ليه تعليق
اولا العربيه ليها 11 موتور وهم :

1.1 60 hp
1.4 75 hp
1.4 16v 90 hp
1.4 hdi 68 hp
1.6 90 hp
1.6 16v 109 hp
1.6 hdi 110 hp
1.9 D 70 hp
2.0 136 hp
2.0 hdi 90 hp
2.0 GTI 180/ RC 177 hp

تيتوو
27-05-2009, 07:18 AM
شكرررراااا جزيلاااااااااااااا علي المجهود

Nour_peugeot
27-05-2009, 12:29 PM
طبعا العربيه ليها موتير كتير بس احنا بنتكلم عن المتوافر في مصر

mohamed ibiza
27-05-2009, 10:43 PM
بس في حاجة مستغربلها مقصات و مساعدين في 117 الف كيلو !! مع ان الراجل بيقول انه مش من هواة الفحت و الردم يعني و دراع ميزان !! اعتقد ان 117 الف قليل اوي

Nour_peugeot
31-05-2009, 12:35 PM
غريبه فعلا بس اكيد مش مقصات ممكن تكون جلب مقصات و مساعدين ممكن في شوراع المحروسه ممكن مساعدين

mohamed ibiza
02-06-2009, 08:58 AM
غريبه فعلا بس اكيد مش مقصات ممكن تكون جلب مقصات و مساعدين ممكن في شوراع المحروسه ممكن مساعدين

ما الراجل قال مقصات هنحمرق بقي ولا ايه ههههههههptmnlo123per122


ولا مساعدين حتي قليل اوي 118 الف تغير مساعدين ليه يعني كوري هوا !

Nour_peugeot
02-06-2009, 02:37 PM
ما انت اكتر واحد ان كل واحد و استخدامه و هكذا و ممكن يبقي اعتماديه المساعدين برده مش اد كده

mohamed ibiza
02-06-2009, 09:48 PM
ما انت اكتر واحد ان كل واحد و استخدامه و هكذا و ممكن يبقي اعتماديه المساعدين برده مش اد كده

الاعتراف بالحق فضيلة ptmnlo123per156 :)

بهاء العنانى
20-06-2009, 10:26 PM
ممكن اعرف من فضلكم سعر بيجو 206 موديل 2009 هاتشباك 1400 cc

Nour_peugeot
20-06-2009, 10:41 PM
باشا مفيش 206 هاتشباك 2009 اخر موديل 2006

الموجود دلوقتي 206 سيدان

و ال 1400 سي سي ب 85 الف

و ال 1600 سي سي ب 105 الف

بهاء العنانى
20-06-2009, 10:59 PM
http://img2.netcarshow.com/Peugeot-206_Plus_2009_800x600_wallpaper_04.jpg

gtr
07-08-2009, 09:57 PM
السلام عليكم.

أنا معاي بيجو 206 - خليجي موديل 2003 و شفت إن أسعار القطع عندكم (في مصر يعني) غالية بصراحة.
حابب أعطيكم الأسعار في السعودية بالريال السعودي و ذلك للاطلاع و المقارنة فقط.
علما أن الريال يساوي 1.5 جنيه (جنيه و نصف) تقريباً.
و احسبوها انتو.
ربما أتعرض لمصطلحات ليست عندكم, و لكن سأوضحها إن شاء الله.

الهوبات الأمامية: 370

الفرامل الأمامية 170 بالوكالة و 180 في المحلات (شيء غريب فعلاً !!)
و يوجد تجاري فرنسي بـ 100 و تجاري صيني بـ 60
(تجاري: يعني تقليدي أو غير أصلي ptmnlo123per136)

سلندر الطبلات (سلندر الطنبور تسمونه كما أعتقد) الخلفية 180

سير المكينة 65

الدينمو 1400

السّـلف self (أنتم تسمونه المارش) بـ 700
و الدقمة (الي هي الجزء الأسطواني الملاصق للمارش) بـ 300
و هو يباع بشكل مستقل فقط بالوكالة.

طقم الكلتش العادي كاملاً 450

و مجموعة كلتشات ناقل الحركة الأوتوماتيك (عددها 21 حلقة) 800

فلتر ناقل الحركة الأوتوماتيك 200

زيت ناقل الحركة الأوتوماتيك 200 (الكمية 4 لتر)
و هو نفس المستخدم في السيارات الألمانية, و لونه أصفر و ليس أحمر.

صوفات ناقل الحركة الأوتوماتيك (4 قطع) بـ 100
أنا لا أعلم ما اسمها عندكم! الي هي بين القير و المكينة تمنع التهريب.

كراسي المكينة و القير بوكس (و عددهم 3 كما اشتريتهم) بـ 380

فلتر الزيت 30 و التقليد (كوري أعتقد) بـ 15

فلتر الهواء 45 و التقليد بـ 25

صفاية البنزين 25

عمود التوازن 150 و التقليد (فرنسي) بـ 70

جلد المقصات الكبيرة الواحدة بـ 60 و الصغيرة بـ 50
(و أنا أخذت الأربعة بـ 200) كان عندي صوت طقطقة و راح الحمد لله لما غيرتهم.

المقص كامل 300

مساعد الباب الخلفي (الذي يقوم برفع الباب) الواحد بـ 85

المساعد الأمامي 220
و هو قليل الخراب على كلام معلم بيجو أعرفه, و يعمّر أكثر من السيارات الأخرى.

البواجي 70 بالوكالة و يوجد تجاري فرنسي بـ 40

ضوء الإشارة الصغير الذي فوق العجل الأمامي بـ 20

الشمعة الأمامية : الأسباني 260 و الروماني ب 280 و الفرنسي مش متأكد و لكن بـ 400 تقريباً.

هذا ما أتذكره الآن.
لم أقم بتغيير كل المذكور من القطع و لكني أسأل الوكالة و المحلات للاطلاع فقط.
و بصراحة البيجو أنا أعتبر قطعها رخيصة! فكيف إذا عرفنا أن السيارة أوربية!! فهي رخيصة جداً.
بل و بعض القطع أرخص من الياباني مثل ميتسوبيشي و نيسان و غيرها.

و عذراً للإطالة.

SaLM!Na
11-08-2009, 12:10 AM
في حاجة غريبة يا نور
انا من كام يوم شفت 206 لسة جديدة نوفي
دي حتى بالمشمع ع الكراسي كانت هاتشباك
فهل دي بقى موديل 2008 و 2009
عايزين نسأل في الموضوع ده
ياريت يكون في 206 هاتشباك لسة بتنزل

hazem_khidr
11-08-2009, 02:00 AM
حمد الله علي السلامه يا سلمي:)
عاوزين نشوف مشاركاتك في قسم البيجو

ayman abdelrazek
11-08-2009, 03:12 AM
السلام عليكم.

أنا معاي بيجو 206 - خليجي موديل 2003 و شفت إن أسعار القطع عندكم (في مصر يعني) غالية بصراحة.
حابب أعطيكم الأسعار في السعودية بالريال السعودي و ذلك للاطلاع و المقارنة فقط.
علما أن الريال يساوي 1.5 جنيه (جنيه و نصف) تقريباً.
و احسبوها انتو.
ربما أتعرض لمصطلحات ليست عندكم, و لكن سأوضحها إن شاء الله.

الهوبات الأمامية: 370

الفرامل الأمامية 170 بالوكالة و 180 في المحلات (شيء غريب فعلاً !!)
و يوجد تجاري فرنسي بـ 100 و تجاري صيني بـ 60
(تجاري: يعني تقليدي أو غير أصلي ptmnlo123per136)

سلندر الطبلات (سلندر الطنبور تسمونه كما أعتقد) الخلفية 180

سير المكينة 65

الدينمو 1400

السّـلف self (أنتم تسمونه المارش) بـ 700
و الدقمة (الي هي الجزء الأسطواني الملاصق للمارش) بـ 300
و هو يباع بشكل مستقل فقط بالوكالة.

طقم الكلتش العادي كاملاً 450

و مجموعة كلتشات ناقل الحركة الأوتوماتيك (عددها 21 حلقة) 800

فلتر ناقل الحركة الأوتوماتيك 200

زيت ناقل الحركة الأوتوماتيك 200 (الكمية 4 لتر)
و هو نفس المستخدم في السيارات الألمانية, و لونه أصفر و ليس أحمر.

صوفات ناقل الحركة الأوتوماتيك (4 قطع) بـ 100
أنا لا أعلم ما اسمها عندكم! الي هي بين القير و المكينة تمنع التهريب.

كراسي المكينة و القير بوكس (و عددهم 3 كما اشتريتهم) بـ 380

فلتر الزيت 30 و التقليد (كوري أعتقد) بـ 15

فلتر الهواء 45 و التقليد بـ 25

صفاية البنزين 25

عمود التوازن 150 و التقليد (فرنسي) بـ 70

جلد المقصات الكبيرة الواحدة بـ 60 و الصغيرة بـ 50
(و أنا أخذت الأربعة بـ 200) كان عندي صوت طقطقة و راح الحمد لله لما غيرتهم.

المقص كامل 300

مساعد الباب الخلفي (الذي يقوم برفع الباب) الواحد بـ 85

المساعد الأمامي 220
و هو قليل الخراب على كلام معلم بيجو أعرفه, و يعمّر أكثر من السيارات الأخرى.

البواجي 70 بالوكالة و يوجد تجاري فرنسي بـ 40

ضوء الإشارة الصغير الذي فوق العجل الأمامي بـ 20

الشمعة الأمامية : الأسباني 260 و الروماني ب 280 و الفرنسي مش متأكد و لكن بـ 400 تقريباً.

هذا ما أتذكره الآن.
لم أقم بتغيير كل المذكور من القطع و لكني أسأل الوكالة و المحلات للاطلاع فقط.
و بصراحة البيجو أنا أعتبر قطعها رخيصة! فكيف إذا عرفنا أن السيارة أوربية!! فهي رخيصة جداً.
بل و بعض القطع أرخص من الياباني مثل ميتسوبيشي و نيسان و غيرها.

و عذراً للإطالة.





هو كده بعض التحويل للجنيه الاسعار بالمقارنه بالأسعار الموجوده فى السوق المصرى

رخيصه جدا بس هنا الناس بيجيبوا القطع فى الغالب استيراد

واسعار تقل قليلا عن اسعار قطع الغيار عندكم

اكيد الوكاله عندكم محترمه مش زى السفاحين اللى فى مصر

لو ما كسبوش 500% يبقى ما ينفعش

gtr
26-08-2009, 05:29 PM
يوم أمس.. كنت عند التوكيل (في السعودية).
فوجدت أن الطراز 206 آخر سنة له سنة 2008

و لكن مازال ينتج حتى عام 2009 بتعديل طفيف على المقدمة (مستوحى من بيجو 207)
و المصابيح الخلفية لونها أبيض شفاف بدل اللون الأحمر المعروف!
و جاءت تحت اسم 206+ و قد كان موجوداً و تحت التسويق!!

206 plus

سألت الأخوة هناك فقالوا نفس مزايا و قطع غيار الـ 206 بدون أي اختلاف.
للأسف حجم الصورة لهذه السيارة غير مسموح للإرفاق.
بإمكانكم مشاهدتها على الرابط:
http://www.flickr.com/photos/orsorama/3826443909/

Nour_peugeot
26-08-2009, 08:46 PM
ايوه يا باشا تغير في الوجه الاماميه و تغير في الكشفات الخلفيه

starmas6
22-10-2009, 10:12 AM
السلام عليكم .
اخي الكريم gtr الاخوه الاعزاء ...
انا شاب فلسطيني اعاني من اعاقه حركيه تمنعني من التنقل بسهوله ولذك قررت اقتناء سيارة بيجو 206 موديل 2007 ولكن بعض اصدقاءي قالو لي ان بها مشاكل كثيره وان الجير الاتومات الخاص بها لا يدوم طويلا ( 3-4 سنوات تقريبا ) ثم يفرط(يخرب) ما صحة هذا الكلام علما انه يوجد امامي الان خيران اما بيجو 206 موديل 2007 استيراد دبي او الهوندا اكسنت 2008 ؟ فبماذا تنصحني ؟
كما اريد ان استفسر عن سعر بيجو 206 موديل 2007 في دبي كم يبلغ ؟
اطلت عليكم فاعذروني .....

gtr
27-10-2009, 10:41 PM
السلام عليكم .
اخي الكريم gtr الاخوه الاعزاء ...
انا شاب فلسطيني اعاني من اعاقه حركيه تمنعني من التنقل بسهوله ولذك قررت اقتناء سيارة بيجو 206 موديل 2007 ولكن بعض اصدقاءي قالو لي ان بها مشاكل كثيره وان الجير الاتومات الخاص بها لا يدوم طويلا ( 3-4 سنوات تقريبا ) ثم يفرط(يخرب) ما صحة هذا الكلام علما انه يوجد امامي الان خيران اما بيجو 206 موديل 2007 استيراد دبي او الهوندا اكسنت 2008 ؟ فبماذا تنصحني ؟
كما اريد ان استفسر عن سعر بيجو 206 موديل 2007 في دبي كم يبلغ ؟
اطلت عليكم فاعذروني .....

معذرة للتأخر عن الرد و غيابي عن المنتدى.
في الحقيقة أنا في السعودية, و أتوقع البيجو المستعمل أرخص عندكم في الإمارات.
البيجو بصراحة مشكلته في دول الخليج العربي أنك بصعوبة تجد من يفهم لهذه السيارة , بعكس الحال في مصر و سوريا و الأردن...
السيارة عملية و خراباتها قليلة بعكس ما قيل لك.
و أنا الي معاي جير أوتوماتيك, و بسبب خطأ في تركيب كراسي المكينة قديمًا
عند أحد الورشات,, صار يهرب زيت الجيربوكس.

و بصراحة أنا الي أهملته.. و ما زودت الزيت (زيت الجيربوكس يعني) لمدة سنة و نصف !!!
أنت معاي ؟؟!! أتحدى أنك تشوف سيارة أمريكية تمشي بدون زيت الجير بمقدار ربع هذه المدة !!

و الآن أنا بصدد توضيب الجير إن شاء الله لأن مجموعة الكلتشات احترقت.

المهم.. ربما لو لم أهمل هذا العطل لبقيت السيارة حتى الآن بدون مشاكل (يعني 6 سنوات بالراحة)

____________________

أما بخصوص الأكسنت .... فو الله من الظلم المقارنة !!

أنا الآن مستأجر هونداي أكسنت 2010 أوتوماتيك (للمعلومية.. الأوتوماتيك أثقل في الوزن).
و لساتها ماشية 21000 كيلو فقط. يعني جديدة.

و السيارة زبالة (عدم المؤاخذة بالكلمة يا شباب) بكل معنى الكلمة !!!!

لا أمان , و لا ثبات , و لا راحة ......
حتى الفرامل سيئة جدًا جدًا.

أقود بسرعة 80 و السيارة ترقص رقص ! الثبات بالمرة صفر !

و امبارح صدمت سيارة كامري من الخلف و لكن صدمة خفيفة جدًا و الحمد لله ما تركت أي أثر.
يعني الفرامل لا تؤدي الغرض, بعكس فرامل البيجو تمامًا.

____________________

أنا أقود البيجو بسرعة تصل إلى 160 و لا أي اهتزاز ما شاء الله تبارك الله.

الأوروبي عمومًا فيه مستوى أمان عالي.

gtr
27-10-2009, 11:05 PM
يا أحبابي لا تظنوا من ردي السابق أني متعصب للسيارة.
و للإنصاف أقول هذه بعض سلبيات سيارتي (بيجو 206):
1- أنك تحتاج إلى جهد للتعرف على من يصلح لك هذه السيارة
(هذا الكلام في دول الخليج العربي فقط , لأن السيارة غير منتشرة عندنا )
2- مساحة صغيرة لركاب الصف الخلفي. و الشنطة الخلفية ليست كبيرة مثل الأكسنت و غيرها.
3- ليست مصممة للأوزان الثقيلة , يعني 4 ركاب و شوية أمتعة في الشنطة.

__________________________

أحب أضيف للأخ الكريم و للجميع أن ناقل الحركة العادي في أي سيارة عملي أكثر من
الأوتوماتيكي. بغض النظر عن نوع السيارة.
و شيء على حساب شيء..
يعني انت في مقابل الراحة في القيادة .. تكون قطع الجيربوكس الأوتوماتيك أغلى
و أجرة اليد أكثر.
مثلا الكلتش (دبرياج بالمصري) العادي ب 400 ريال كامل
و مجموعة الكلتشات الأوتوماتيك ب 800
هذا عدا عن أنه يوجد زيت و فلتر في الأوتوماتيك يجب تغييرهم كل 100 ألف كيلو متر.
و يوجد شيء اسمه المنظم (بلف بادي حسب مصطلح الورشات عندنا) و هو قطعة إلكترونية.
و أن هناك محلات متخصصة فقط في الأوتماتيك , بعكس العادي الذي تتم صيانته في أي ورشة.

و لكن في النهاية أنت محتاجه (عافاك الله) و أنت حافظ عليه و تابع تغيير الزيت و الفلتر زي ما وضحت
لك فوق.

أما الأكسنت ابعد عنها, خراباتها كثيرة بعكس البيجو
فر من الأكسنت فرارك من الأسد
و اسأل مجرب.
و خد بالك... الإكسنت مزودين فيها الإلكترونيات , أحد خبراء الجيربوكس يقول لي
إن الأتوماتيك الهونداي الكورية أعقد من سيارتك (يعني البيجو الي هي أوروبية) !!!!!!!! تخيل !!
و عذرًا للإطالة , و لكن هذه التفاصيل لا بد منها.

starmas6
28-10-2009, 02:56 PM
شكرا لك اخي الكريم . واعذرني لاني اتعبتك في هذا الشرح الرائع والذي من خلاله قررت ماذا سوف اختار .
على فكره انا من فلسطين .
شكرا لك مرة اخرى.

gtr
29-10-2009, 01:03 PM
شكرا لك اخي الكريم . واعذرني لاني اتعبتك في هذا الشرح الرائع والذي من خلاله قررت ماذا سوف اختار .
على فكره انا من فلسطين .
شكرا لك مرة اخرى.

بلدياتك كمان .

حياك الله. و أي خدمة راسلني على الخاص.

samora2s
06-01-2010, 11:38 PM
معلش ياجماعه انا ليا طلب ممكن حد يقلى على اسعار قطع غيار ال206 كلها وبتتباع فين فى القاهره للاهميه

bakr
16-02-2010, 06:50 PM
قطع الغيار موجوده في كل مكان في القاهره و كل الميكانيكيه يقدروا يصلحوها

عندك شارع دمشق في روكسي ورا حريه مول علطول .. وفي شارع عين شمس واحد برضو عندو قطع الغيار
دول اللي اعرفهم

Nour_peugeot
17-02-2010, 03:24 AM
و في في شارع بروسعيد ناحيه السواح

عودة الفارس
22-02-2010, 10:37 PM
بصراحة شوية معلومات مفيدة جدا والف شكر ياقمر

رنوشة
26-03-2010, 02:16 AM
الف شكر على المعلومات بس انا اتعقدت منها لانى كنت ناوية اجيبها دى عيبوها اكتر من مميزتها بجد خسارة
بشكرك على الموضوووع الجامد دااا

اموت في البيجو
25-07-2010, 06:30 AM
السلام عليكم

انا عندي بجو 206 هتش باك في السعودية وانا حاليا في مصر

قبل مااجي مصر عندي التكيف باض
بالتحديد الكمبروسر

وعندنا في السعودية غالي بيعملو 3900 ريال سعودي

ممكن اعرف سعرو هنا في مصر كم ؟؟؟

Nour_peugeot
25-07-2010, 08:43 AM
الموتور كام سي سي ؟؟

اموت في البيجو
26-07-2010, 06:13 AM
1100 سي سي

لاكن بدي اياك تقلي
كم سعر الكمبروسر
بتاع ال 1100 سي سي
وبتاع ال 1400 سي سي

nona123
17-09-2010, 12:52 PM
موضوع هايل شكرا ليك
وياريت حد يساعدنى فى اختيار سياره هاتش باج
يا ترى اشترى بيجو 206 ولا فيه حاجه افضل

د/حسام
17-09-2010, 09:48 PM
ROSE4U رائع
http://kydrives.net/photos/bestari_peugeot_206_1.jpg

rama2000
01-10-2010, 10:43 AM
انا عايزه خدمه انا عايزه معلومات عن البيجو 206+ انا حجزتها انشاء الله لو ليا فيها خير تكون من نصيبى ممكن تفدنى فيها اذا سمحت ضرورى

gtr
02-10-2010, 12:52 PM
انا عايزه خدمه انا عايزه معلومات عن البيجو 206+ انا حجزتها انشاء الله لو ليا فيها خير تكون من نصيبى ممكن تفدنى فيها اذا سمحت ضرورى
الـ 206+ لا تختلف أبدًا في بنيتها و قطعها عن 206 التقليدية. ليس إلا تغيير في التصميم الخارجي (المقدمة + المصابيح الخلفية) و تحسين في شكل التبلوه الداخلي.

fineart607
02-10-2010, 02:22 PM
سعرها كام لان لو سعرها فى السبعينات تبقى ممتازه هتضرب السوق

ali_mikana
18-10-2010, 11:37 PM
عربية روووووووووووووووووووووووووعة

ali_mikana
18-10-2010, 11:38 PM
فلوس كتيرمتشكرين يابرنس على الموضوع الجامد دة

ahmatar
22-11-2010, 08:49 PM
متابع بهتمام

كاظم
24-12-2010, 02:47 PM
معى بيجو 308swخطيره رائعه ومرونه على الطريق فوق الرائعه والله تفوق اليابانى بكثير جداااااااااا ROSE4U

agamemnon
20-01-2011, 08:40 AM
شكرا على الموضوع

ya_broker
22-05-2011, 03:16 AM
ياريت لو فيه كتالوج الصيانات الدوريه يبقى شاكرين

عمرو الشبراوى
23-08-2011, 09:59 PM
ممكن اعرف لو موديل 2006 اوتو 1400 سى سى تعمل كام و رأيك فيها ايه . وشكرا

ezzat2002mo
23-08-2011, 10:27 PM
الله ينور ياباشا بصراحه الفرنساوى ملهوش حل
بس كنت عاوز اعرف رايك فى اللوجان ماهى فرنساوى برضه بس الناس كلها بتشتكى منها ومن قطع غيارها المبالغ فيها جدا جدا جدا

snow biker
02-09-2011, 07:29 AM
:fun_36_1_39[1]:

مسيو نور

تسمحلي ابدي اعجابي الشديد بموضوعاتك

ال 206 دي خرافة عربية صغيرة وجراية وملهاش حل انا سوقتها مرة

بتاعت واحد صاحبي كانت خرافة :joy23:

بجد بجد اصلي يا مان


:1467AC~154:

Nour_peugeot
12-09-2011, 07:08 AM
تحت امرك في اي وقت

samora2s
20-09-2011, 04:39 PM
بص يامان انا معايا 206 من سنتين
العربيه تحفه وبجيب بيها 170 بسهوله رغم انها مويل 2001 وعربيه قويه قويه :GROWIN~12:
بس للاسف فيها عيبين اوحش من بعض بجد
الاول انها مساحتها من جوه صغيره جدا جدا يعنى متنفعش اسره ابدا وشنطتها صغيره جدا يعنى عايزه شخص او اتنين بالكتيرMAD
الثانى وده اللى مخلينى بجد عايز ابيعها برغم انى متعلق بيها جدا ان اسعار قطع غيارها غاليه مووووووووووووووووووت بجد بطريقه غريبه يعنى اقل حاجه تحصل فيها تدفعلك بتاع 1000 جنيه على الاقل

AEF
15-08-2012, 08:38 AM
السلام عليكم و كل سنة و انتم طيبين. أن عندي بيجو 206 و الصراحة مطلعة عيني. الميكانيكية معظمهم ليس لديهم خبرة في الفرنساوي و التوكيل غالي جدا. لذلك بسأل حد يعرف ميكانيكي شاطر متخصص في البيجو أو الفرنساوي بس يكون في القاهرة. ولكم جزيل الشكر.

ashraf09
19-08-2012, 07:53 AM
السلام عليكم جميعا , يا ريت بعد ازنكم يا جماعه انا بدور على بيجو 206 و شوفت كذا واحده بس معظمهم كان فيهم مشاكل و كان فيه واحده شكلها كويس من بره لكن اللى كان هيبعهالى تاجر و بصراحه مستريحتش, اتمنى لو حد يعرف بامانه عربيه حاله نضيفه يقولى , وفى واحده موديل 2004 قدامى بس ليا زميل قالى اى بيجو بعد 2001 تقفيل مصرى و ابعد عنه , اتمنى حد يرد عليا و ياكد النقطه ده او لا .... وشكرااا

Mandour Hikel
31-08-2012, 11:51 AM
الف شكر على المعلومات القيمة والشرح المبسط

Mostyonline
12-03-2013, 08:46 AM
موضوع محترم جدا جدا
مشكور صاحبة عليه بجد ممتازة
:Bravo::Bravo::Bravo::Bravo::Bravo::Bravo: