المساعد الشخصي الرقمي

مشاهدة النسخة كاملة : أبسط و أضمن تعديل لزيادة السرعة و التسارع (تخسيس العربية)


Injection
23-05-2010, 05:39 AM
- طبعا أى حد تصفح المنتدى وقرإ مواضيعه هيبقى عارف تقريبا معظم التعديلات اللى ممكن تتعمل فى عربية علشان تخليها أسرع.
لكن أهم و أبسط تعديل محدش أتكلم عليه وهو تخفيف وزن العربية.

- موتور العربية هو قلبها مينفعش تمشى من غيره لاكن موتور 500 حصان من غير عربية مش هيتحرك من مكانه.

- لكن كل لما العربية وزنها بقى أخف كل لما الموتور قدر يوصل بالعربية لسرعات أعلى ويطلع بالعربية بشكل أسرع زى الفرق بين موتوسيكل هوندا 65 حصان وفيرنا 110 حصان مع ان موتور الفيرنا أقوى لكنها أتقل من الموتوسيكل براكبه مرتين على الأقل ونتيجة الجرى بينهما معروفة.

كلمتين فيزياء ملهمش لازمة: الوزن بالنسبة للقوة power to weight ratio وهى النسبة بين قوة السيارة على وزنها, يعنى كل كيلو من وزن العربية ليه كام حصان من أحصنة الموتور الفيرنا كمثال موتورها 110ووزنها حوالى 1000 كيلو بالقائد النسبة ستكون110/1000 وستساوى0.11 يعنى كل كيلو من ال1000 ليه 0.11 حصان.

- أما الموتوسيكل السابق ذكره فبفرض وزنه بقائده 300 كيلو تكون النسبة 0.22 يعنى ضعف النسبة السابقة.
ولذلك أذا أردنا نظريا أن نزيد من سرعة الفيرنا لتساوى سرعة الموتوسيكل علينا أن نجعل النسبتين موتساويتين أما عن طريق تخفيض وزن الفيرنا أو زيادة قوة محركها.

- كل ذلك نظريا وعلى الورق نظرا لعدم الأخذ بعزم الموتوسيكل والسيارة ونسب تروس ناقل السرعة ومقاومة الهواء لكلا منهما الخ الخ الخ.

- من الأخر لو جبنا عربيتين وزن واحدة 1000 كيلو وموتورها 100 حصان ووزن التانية 2000 وموتورها 200 حصان فالأثنين هيكونوا متساويين فى السرعة القصوى والتسارع نظرا لتساوى النسبة فأذا أراد أحدهما أن يسبق الأخر فعليه بتقليل وزن سيارته حتى ترتفع النسبة وتزداد سرعة السيارة القصوى بدون العبث بأداء السيارة.

- طرق عمل ريجيم للسيارة:-

1- نزع العجلة الأضافية والكوريك وكل مستلزماته.(عمرك شفت عربية فورميلا 1 فيها كوريك وسبير تاير)

2- نزع الكنبة الخلفية والكرسي المجاور للسائق ودى أى حد ممكن يعملها أو حتى سروجى.

3- نزع السجاد الموجود بالسيارة و جميع أنواع البلاستيك الغير ضرورية زى ال panels الموجودة على الأبواب بالأضافة للخشبة اللى كان السبير تاير محطوط تحتها.

4- نزع جميع وسائل الترفيه الموجودة بالسيارة زى السماعات و التسجيل و الزجاج الكهربا ومستلزماته والشاشات وهكذا (وأبقى أديهالى)

5- نزع التكيف بمستلزماته.

6- تبديل الكبوت الأصلى بأخر من الكاربون فايبر خفيف جدا وسعره مش غالى حوالى 2000 حتى 3000 جنيه بس مع تغيير الرفارف الحديد بأخرى فايبر والأبواب بالمرة

7- تغيير الجنوط بأخرى الومنيوم أخف فى الوزن.

8- نزع التابلوه بجميع مشتملاته مع شراء عدادات رياضية بدلا من الأصلية وطارة سبور.

9- نزع الزجاج الجانبى للسيارة.

10- أزالة كل مالا يمت للسيارة بصلة كالدباديب والمساحات و المفكات وأنت وخيالك.

11- عمل ريجيم للسائق نفسه وأنا مبهزرش, فى سباقات الفورميلا العربية بتبقى خفيفة جدا لدرجة أن فرق 5 كيلو وزن زيادة ممكن يكسب عربية ويخسر التانية وأهى صحة برضه.

- ولو التعديلات دى حد هنا كان مجنون كفايه وعملها هتديله تخفيض فى الوزن مش أقل من 400 كيلو وشوفوا دول فى عربية خفيفة وأساسا قوية زى الفيرنا ممكن يعملوا أيه.

- طبعا مفيش حد هيجيب عربيته ويخلع الكاسيت والسماعات والكنبة بتاعتها بس ممكن أى حد يعمل تجربه بسيطة ويجيب تلاتة أصحابه و يركبهم معاه ويشوف الفرق فى السحب والسرعة القصوى وبعدين يروح يوصل كل واحد على بيته ويشوف السحب عامل أزاى.

ملاحظة: الموضوع اللى فوق ده للناس اللى بتعمل عربية سباق لكن مين فينا مفيش فى عربيته حاجات قد كده ملهاش أى لازمة وبتزود وزن العربية على الفاضى وخلاص.

- فوائد تخسيس السيارة:-

1- زيادة فى السرعة القصوى.

2- زيادة فى تسارع السيارة

3- التقليل من أستهلاك الوقود.

4- تحسن أداء السيارة فى المنحنيات على السرعات العالية.

5- معظم التعديلات "ببلاش" ومع ذلك ليها الفوائد السابقة.

أمثلة:-
http://carphotos.cardomain.com/ride_images/1/1506/4261/3764630211_large.jpghttp://i31.photobucket.com/albums/c374/tophe7d/SpecCarPics003.jpg

كبوت كاربون فايبر.
http://www.carbon-fiber-hood.net/pix/carbon-fiber-hood.jpg

و أدى فيديو عن الموضوع:-
http://www.youtube.com/watch?v=e5lHdZ8gF6E

- على فكرة الشباب دول جامدين جدا وعندهم فيديوهات فى القناة بتاعتهم لو حد فاضى وعايز فيديوهات عن التعديل على خفيف.

و أدى القناة عن محد حوش http://www.youtube.com/user/mightycarmods

اشوفكوا بعدين.ptmnlo123per179

فادى
23-05-2010, 05:54 AM
موضوع جميل احييك عليه,
و فعلا حاجات محدش واخد باله منها بتزيد وزن السيارة.
بس معتقدش التعديلات ديه هتشيل 400 كيلو كاملين.
اعتراضى الوحيد مينفعش نشيل الكرسى اليمين, هو العربية الرياضية تبقى ليها لازمة من غير "مزة" جنب السائق.ptmnlo123per118.

Injection
23-05-2010, 06:02 AM
لا ياباشا ده كفاية تغيير الكبوت والرفارف, ده أنت تقريبا هتخلى العربية ماتور وفتيس وشاسيه بس, ووزن الحاجة دى يختلف من عربية لعربية (كبوت اللادا مثلا).

اعتراضى الوحيد مينفعش نشيل الكرسى اليمين, هو العربية الرياضية تبقى ليها لازمة من غير "مزة" جنب السائق.ptmnlo123per118.
هات أنت ال"مزة" وأنا أحطيلها أنتريه مش كرسى.ptmnlo123per193

corsair
23-05-2010, 08:25 AM
يا راجل يا طيب ده الواحد يعمل تخسيس لنفسه ارحم من البهدله اللي هتشوفها عربيته منه وبعدين الفيرنا عندي اساسا مش ملاحق علي سرعتها وهيه بكل مشتملتها كمان هزود البله طينه واشيل منها الكلام ده كله علي كدا العربية هتطير

Injection
23-05-2010, 09:27 AM
علي كدا العربية هتطير

وهو ده المطلوب:BUTTER~183:, بس أيه رأيك فى المثال بتاع الفيرنا والموتوسيكل, ده أنا حطه علشانك مخصوص.

يعنى تخيل معاك فيرنا بتجيب لغاية 220 وتطلع من اى عربية من غير أدنى تعديل على الموتور, لو الواحد مجنون شد يعملها.ptmnlo123per179

medo akef
23-05-2010, 10:48 AM
هههههههههههههههههههه
لا موضوع جامد يا مان بس كدا مش هتبقا عربيه دي هتبقا كنبه!!!!
بس في نقطه واحده موضوع ان العربيه هتكون متجاوبه و افضل عند المنحنيات اظن الي هيحصل العكس لانك هتقلل وزن العربيه فالثبات هيقل!!!!

MEMOO_1ST
23-05-2010, 12:04 PM
هوا فعلا موضوع هايل .
وفعلا في ناس بتهتم فقط بقوة العربية بغض النظر عن وزنها.
وتقبل تحياتي.

abo salem8882
23-05-2010, 12:23 PM
مية مية بس,,,. بلاش تتكلم عن الفيرنا في الموضوع ده بالذات عشان الفيرنا معروف عنها ان هي مكنتها عفية عليها , عشان هيا خفيفة اوي
وربنا يسترها معانا كلنا

Injection
23-05-2010, 06:52 PM
هههههههههههههههههههه
لا موضوع جامد يا مان بس كدا مش هتبقا عربيه دي هتبقا كنبه!!!!
بس في نقطه واحده موضوع ان العربيه هتكون متجاوبه و افضل عند المنحنيات اظن الي هيحصل العكس لانك هتقلل وزن العربيه فالثبات هيقل!!!!

حرام عليك ياراجل, مالعربيات الجيب اللى تعتبر أساسا أتقل عربيات فى السوق المصرى بتتقلب زى الرز (علشان مركز وزنها مش قريب من الأرض).

موضوع الثبات مالوش دعوه بالوزن لكن بالعفشة و المشكلة اللى فالموضوع أنك لما بتخفف وزن العربة السوست بتطول كأنك بترفع العربية بالكوريك ولو العربية عفشتها ناعمة هتزيد نعومة ,و هتقدر تدخل المنحنيات بسرعة أعلى( من غير مالعربية تفقد توازنها وتخمس) وثبات العربية هيزيد لكن هتحس بكل منعطف بتاخده حسب العفشة.

هوا فعلا موضوع هايل .
وفعلا في ناس بتهتم فقط بقوة العربية بغض النظر عن وزنها.
وتقبل تحياتي.


شكرا على المشاركة, والعربية فعلا منظومة متكاملة مش موتور بس.

مية مية بس,,,. بلاش تتكلم عن الفيرنا في الموضوع ده بالذات عشان الفيرنا معروف عنها ان هي مكنتها عفية عليها , عشان هيا خفيفة اوي
وربنا يسترها معانا كلنا

ما أنا كنت بتكلم عليها علشان كده بالظبط لان هى أخف وأقوى عربيات فئتها فتخيل بقى لو وزنها قل كمان 200 كيلو هتبقى عاملة أزاى.

corsair
24-05-2010, 10:34 AM
وهو ده المطلوب:BUTTER~183:, بس أيه رأيك فى المثال بتاع الفيرنا والموتوسيكل, ده أنا حطه علشانك مخصوص.

يعنى تخيل معاك فيرنا بتجيب لغاية 220 وتطلع من اى عربية من غير أدنى تعديل على الموتور, لو الواحد مجنون شد يعملها.ptmnlo123per179




ههههههههههههههه عندك حق والله ياعم انجيكشن بس الواحد مبيحبش يستعرض عضلات عربيته علشان الناس متتخضش بس

Injection
24-05-2010, 08:23 PM
ههههههههههههههه عندك حق والله ياعم انجيكشن بس الواحد مبيحبش يستعرض عضلات عربيته علشان الناس متتخضش بس


تصدق,أنا كل أما أنزل بالعربية الأقى واحد بفيرنا سوداء بيجرى ورايا, والنهرده وهو عما ياخد غرز كان هيلبس فى تاكسى.ptmnlo123per1146

بس برضه مطلعش منى.

تقريبا الديفل والفلتر بياكل دماغ الناس.

medo akef
07-07-2010, 02:58 PM
حرام عليك ياراجل, مالعربيات الجيب اللى تعتبر أساسا أتقل عربيات فى السوق المصرى بتتقلب زى الرز (علشان مركز وزنها مش قريب من الأرض).

موضوع الثبات مالوش دعوه بالوزن لكن بالعفشة و المشكلة اللى فالموضوع أنك لما بتخفف وزن العربة السوست بتطول كأنك بترفع العربية بالكوريك ولو العربية عفشتها ناعمة هتزيد نعومة ,و هتقدر تدخل المنحنيات بسرعة أعلى( من غير مالعربية تفقد توازنها وتخمس) وثبات العربية هيزيد لكن هتحس بكل منعطف بتاخده حسب العفشة.
الجيب دي موضوع تاني انا بتكلم عن السيارات السيدان
الاوبل فكترا وزنها اكثر من 1400 كيلو عشان كدا ثباتها خرافي لو قللنا وزنها الي 400 كيلو بنفس نظام التعليق هل هتدي نفس الثبات بتاع ال1400؟؟؟؟
امال لي الناس بتقول حطو جنط تقيل عشان يثبت العربيه
الانترا 1200 كيلو لكن في نفس الوقت منعدمه الثبات لان نظام تعليق سئ جدا مع انها قريبه من الارض و بتحك في المطبات كمان!!!
الموضوع نسبه و تناسب لا نظام التعليق هو الفيصل ولا الوزن عليه كل الحمل
طبعا لو قللنا وزن العربيه بنفس نظام التعليق طبعا الثبات هيقل و العربيه بتكون معرضه لانها تتقلب او تطير بمعني اصح في اي لحظه لان وزن من 1200 كيلو ل400 طبعا دا يهخلي الموتور طياره بمعني الكلمه
و لو كان اوزن ملهوش عامل كبير كانت مرسيدس و بي ام تعمل عربيتها خفيفه علي قد ما تقدر و كدا كدا انظمه تعليق جباره و هل مرسيدس ليست ليها القدره انها تعمل عربيه 1000 ولا 1200 كيلو تقدر لكن لو تلاحظ عربيتها كلها ثقيله جدا!
و جتي الفورميلا 1 الي وزنها لا يتعدي ال600 كيلو شايف جنط العربيه شكله ايه عشان يثبت العربيه و مع ذلك بتتقلب و بطير عادي جدا!
انا في رائيي الموضوع نسبه و تنساب و انا من عشاق الصناعه الالمانيه اعمل ثبات و بعدين ابقا دور علي اداء الامان اولا فأن ارمي جنط محترم و بار علي المسعدين الي ادام و بعدها ابقا ادور علي اداء و اظبط موتوري و فتيسي زي ما انا عاوز
عموما دي وجهات نظر و فعلا هي فكره زكيه و جميله جدا بس عوزه دماغ رياضيه بحت عشان تتنازل عن كل الحجات دي مقابل الاداء

Injection
07-07-2010, 03:27 PM
أنا معاك فى أن نظام التعليق مهم جدا علشان ثبات العربية.
بس موضوع الثبات موضوع كبير, بيأثر فيه عوامل زى "العفشة" والشكل الخارجى و توزيع الوزن جوه العربية.
وناخد كمثال الفيرنا, موتورها قوى وخفيفة, بي ثباتها قليل جدا على السرعات العالية, نظرا للعفشة السيئة والشكل الغير أنسيابى.
والمرسيدس والألمانى عامة وزنهم تقيل علشان الكماليات اللى فى العربية ووسائل الأمان اللى فيها, ده غير الخامات المصنوع منها الموتور والفوانيس ألخ, أنما عربية زى الفيرنا أكبر كماليتها زجاج بالكهرباء أكيد هتبقى خفيفة ولو لاحظت مرسيدس وبى أم بتعمل عربياتها لفئة معينة من الناس " الأغنياء" ودول بيبقوا عايزين كماليات كتير وسرعة, ومرسيدس بتضحى بجزء من الأداء علشان وزن الكماليات.
وعربيات السباق بتتعمل من الكاربون فايبر علشان وزن العربية يبقى خفيف ويتحسن التسارع والسرعة القصوى والتحكم فى الملفات.
فكرتنى, لو تعرف الg force اللى بتأثر على العربية, لو عندى عربية وزنها 2000 كيلو بتلف فى ملف, العربية هتتشد بعيدا عن مركز الملف و بيحصل ده طرديا مع وزن العربية(لما بتلف بالعربية وتلاقى نفسك بتتشد لبره), على عكس العربيات الأخف اللى الموضوع ده فيها بيقل فبتقدر تاخد ملفات على سرعة أعلى من غير العربية متتسحب لبره(مع عفشة سبور و تهبيط العربية للحفاظ على الثبات).
وفى الفورملا وان, العربيات خفيفة وقوية جدا, والجنط مش تقيل ده خفيف بس مساحة تلامس الكاوتش مع الأرض وخفة وزنه هى اللى بتحدد الثبات.
ده حتى لما تشترى جنط جديد مش مهم حجمه قد ما مهم يكون وزنه أقل من القديم, علشان الموتور يعرف يحركه بسرعة وكفائة من غير ماتجهد الموتورفى تحريك وزن الجنط التقيل.
ودى صورة عربية واطية:)
http://www.roadraceengineering.com/3g/prokit-installedspyder.jpg
و أختلاف وجهات النظر هو اللى المنتديات أتعملت علشانه ياباشا:)
ومعلش أنا طولت المرة دى أوى, أشوفك فى المشاركة الجاية.

rhanna
08-07-2010, 03:01 PM
هي فيين العربية !!!!!!!!!

medo akef
09-07-2010, 01:24 PM
أنا معاك فى أن نظام التعليق مهم جدا علشان ثبات العربية.
بس موضوع الثبات موضوع كبير, بيأثر فيه عوامل زى "العفشة" والشكل الخارجى و توزيع الوزن جوه العربية.
وناخد كمثال الفيرنا, موتورها قوى وخفيفة, بي ثباتها قليل جدا على السرعات العالية, نظرا للعفشة السيئة والشكل الغير أنسيابى.
والمرسيدس والألمانى عامة وزنهم تقيل علشان الكماليات اللى فى العربية ووسائل الأمان اللى فيها, ده غير الخامات المصنوع منها الموتور والفوانيس ألخ, أنما عربية زى الفيرنا أكبر كماليتها زجاج بالكهرباء أكيد هتبقى خفيفة ولو لاحظت مرسيدس وبى أم بتعمل عربياتها لفئة معينة من الناس " الأغنياء" ودول بيبقوا عايزين كماليات كتير وسرعة, ومرسيدس بتضحى بجزء من الأداء علشان وزن الكماليات.
وعربيات السباق بتتعمل من الكاربون فايبر علشان وزن العربية يبقى خفيف ويتحسن التسارع والسرعة القصوى والتحكم فى الملفات.
فكرتنى, لو تعرف الg force اللى بتأثر على العربية, لو عندى عربية وزنها 2000 كيلو بتلف فى ملف, العربية هتتشد بعيدا عن مركز الملف و بيحصل ده طرديا مع وزن العربية(لما بتلف بالعربية وتلاقى نفسك بتتشد لبره), على عكس العربيات الأخف اللى الموضوع ده فيها بيقل فبتقدر تاخد ملفات على سرعة أعلى من غير العربية متتسحب لبره(مع عفشة سبور و تهبيط العربية للحفاظ على الثبات).
وفى الفورملا وان, العربيات خفيفة وقوية جدا, والجنط مش تقيل ده خفيف بس مساحة تلامس الكاوتش مع الأرض وخفة وزنه هى اللى بتحدد الثبات.
ده حتى لما تشترى جنط جديد مش مهم حجمه قد ما مهم يكون وزنه أقل من القديم, علشان الموتور يعرف يحركه بسرعة وكفائة من غير ماتجهد الموتورفى تحريك وزن الجنط التقيل.
ودى صورة عربية واطية:)
http://www.roadraceengineering.com/3g/prokit-installedspyder.jpg
و أختلاف وجهات النظر هو اللى المنتديات أتعملت علشانه ياباشا:)
ومعلش أنا طولت المرة دى أوى, أشوفك فى المشاركة الجاية.

تمام يا مان زي ما قلت لك الالماني بيقول امان اولا ثم اداء ثانيا
فعلا كلام حضرتك صح ان لو العربيه تقيله هترمي بعيد لكن لو خفيفه هتفضل في نفس الحاره لكن دا بردو حسب نظام التعليق و ممكن تجرب ده بسهوله جدا
نظام التعليق في لانسر 1.3 ملتي كل عجله لوحدها و ده طبعا بيكون متطور جدا في السيارات الفاخره و هو افضل من المتصل
و جرب لانسر 1.6 و هي عفشه رايضيه و متصله
احساسك في الاثنين
ال1.3 هتلاقي العربيه بتقرص علي المسعدين ذياده عن المعداد في العربيات العاديه شويه لان كل عجله شيله حملها لوحدها و العربيه مش هتحاول تروح منك في حاره تنيا
اما ال1.6 فتلاقي العربيه ثابته جدا لكن هتحس بأن الدركسيون بيرمي نفسه جامده الجهه المعاكسه
و طبعا موضوع نظام التعليق كبير جدا و الفرق بنهم اكبر مش عوزين نخش فيه
ممكن ان العربيه لما تكون خفيفه تكون مرنه معاك في الملفات لكن مش هتكون ثابته يعني كسره زياده شويه ولا شويت هوا جامد علي سرعه ممكن يضيع الدنيا و انا ضربت لك مثال الفورميلا ون
كانو يعملو جنط رفيع عشان يبقا الاحتكاك اقل يبقا اداء اعلي؟
لا بس لازم جنط عريض عشان يحولو يسدو العجز الي عملوه في الوزن بس بردو العربيه بطير و بتتقلب و بتعوم و لازم الي سيقها يبقا سائق محترف عشان يقدر يتحكم فيها
و بردو لو تلاحظ المني كوبر حجم صغير ثبات عالي وزن ثقيل!
مستحيل يكون في عربيه وزنها صغير و ثباتها عالي
و الفرنا مع انها هوا علي الطريق في ناس بتغرز بيها علي 160 و 180 دا لأنهم محترفين سواقه و فهمين العربيه زي الفورميلا ون لكن مع الناس العاديه مستحيل لعملو كدا طبعا
يعني الفكره الحقيقه الي هي رائعه و حضرتك اول واحد يقول لنا عليها اني اخفف الوزن دي لازم يعملها سائق محترف مش اي واحد عاوز يجري يعملها لان لو حد عادي عملها هنجيبه من علي شجره كفانا الشر
تخفيف الوزن يعطي مرونه لكن يفقدك ثبات
و بمناسبه السياره الوطيه انا عاوز عربيه وطيه مش عشان عوزها تبقا ثابته لا انا عوزها عشان نفسي اعدي من تحت عربيه نقل لاني بعربيتي اقصي حاجه بدخلها تحت النقل هي الكبوت اكثر من كدا هتفرم!
تمام يا مان اختلاف الرئي لا يفسد في الود قديه و اهو احنا بنتبادل معلومات
و اسف علي التأخير

Injection
09-07-2010, 01:35 PM
أخيرا أتفقنا, بس ليا تعليق صغير, أى عربية عادية الفيرنا مثلا, فى ناس فعلا بتاخد بيها غرز على 180, بس دول بيبقى قلبهم ميت, علشان العربية عفشتها متستحملش الكلام ده, وعلشان الطريقة اللى العربية بتعوم بيها تخوف, والعفشة الأسبور وتوطية العربية بيحلوا المشكلة دى.

و بمناسبه السياره الوطيه انا عاوز عربيه وطيه مش عشان عوزها تبقا ثابته لا انا عوزها عشان نفسي اعدي من تحت عربيه نقل لاني بعربيتي اقصي حاجه بدخلها تحت النقل هي الكبوت اكثر من كدا هتفرم!
تمام يا مان اختلاف الرئي لا يفسد في الود قديه و اهو احنا بنتبادل معلومات
و اسف علي التأخير


ههههههههههههه, جامد أوى شغل the fast and the furiousده, بس السواق أول ما هيشوفك بتحاول تعدى, هتلاقيه داس فرامل ووطالك العربية على الأخر:(.

medo akef
09-07-2010, 04:07 PM
أخيرا أتفقنا, بس ليا تعليق صغير, أى عربية عادية الفيرنا مثلا, فى ناس فعلا بتاخد بيها غرز على 180, بس دول بيبقى قلبهم ميت, علشان العربية عفشتها متستحملش الكلام ده, وعلشان الطريقة اللى العربية بتعوم بيها تخوف, والعفشة الأسبور وتوطية العربية بيحلوا المشكلة دى.
تمام يا مان و لازم يكون قلبك ميت و انت بتسوق عشان تعرف تسوق اصلا و لو العربيه عامت في ناس بتعرف ترجع لها توازنها مش تكبس فرامل و تتقلب!!!!
عفشه اسبور يعني مفيش راحه
توطيه عربيه يعني هلمع مطبات البلد
و علي رئي الميكانيكيين انت هتعدل علي الخواجه!
مستحيل نزود اداء و ثبات من نحيه و مش هنقلل راحه او ذياده استهلاك وقود
علي العموم تشرفت بمعرفتك يا مان و ان شاء الله لينا لقائات تنيا

ههههههههههههه, جامد أوى شغل the fast and the furiousده, بس السواق أول ما هيشوفك بتحاول تعدى, هتلاقيه داس فرامل ووطالك العربية على الأخر:(.
ههههههههههههههه
لا يا مان انا في الحاله دي ماشي بمبدء
u can't see me
يعني هو مش هيلحق يشفني عشان يفكر يمسك فرامل
و ربنا يستر معانا جميعا

mostafa galant
13-07-2010, 05:16 PM
اسف مع احترامي لكلامك بس كل ده هياثر علي ثبات السياره وانا في راي ان ثبات السياره اهم من تسارعها وشكرا

Ahmed Anwer
13-07-2010, 07:05 PM
أخف عربيات في العالم و أسرع عربيات في العالم

عربيات الفورمولا وان

و مع ذلك أكثر عربيات ثباتا في العالم

أتقل عربيات في العالم الفور باي فور

و مع ذلك ثباتها ضعيف

مفهوم إن الوزن مرتبط بالثبات مفهوم خاطئ !!!!

Injection
13-07-2010, 08:08 PM
أخف عربيات في العالم و أسرع عربيات في العالم

عربيات الفورمولا وان

و مع ذلك أكثر عربيات ثباتا في العالم

أتقل عربيات في العالم الفور باي فور

و مع ذلك ثباتها ضعيف

مفهوم إن الوزن مرتبط بالثبات مفهوم خاطئ !!!!

حضرتك قلت اللى أنا عايز أقوله, توزيع الوزن داخل السيارة هو مايؤثرعلى الثبات وليس الوزن نفسه.

وشكرا على مرورك يا أستاذ أحمد:)

thebest
23-07-2010, 06:55 PM
- نزع الزجاج الجانبى للسيارة.
اعتقد ان المعلومة دى مش صح لانها هتزود ال AIR RESISTANCE

Injection
23-07-2010, 07:39 PM
معلش أنا نسيت أقول فعلا أن بدل الزجاج بيتركب بلكسى جلاس أو شبكة قماشية زى بتاعت الstock racing cars علشان مقاومة الهوا متزيدش والبلكسى جلاس أخف من الزجاج بحوالى 50%,أعذرنى.

http://upload.wikimedia.org/wikipedia/commons/a/a6/Stock_Car_Brazil_Pace_Car.jpg

PoweRPassioN
23-07-2010, 11:25 PM
شكرا على الموضوع الجميل

Injection
24-07-2010, 12:02 AM
شكرا على الموضوع الجميل
العفو يا باشا.

السيد العيسوى
24-08-2010, 02:47 PM
افضل انجكشن 000 دماغه شغاله

Injection
05-09-2010, 05:53 PM
معلومات غلط - وماتزعلش - انا قلت كده عشان احذر الناس
هو فعلا لو قللت وزن العربية هتبقا اسرع بكتير بس هتبقا ماشيا على الهوا ومش هتبقا ثابتة خالص
لو وزن عربيتك 600 كيلو هتلاقي العربية تكسر ال240 لاكن لو انت ماشي بيها على 160 واتوبيس عدا من جمبك
هتلاقي العربية بتعوم ومش هتقدر تسيطر عليها.
انا معاية فيرنا ووزنها فوق 1000 كيلو و بتعدي ال200 لاكن ممن بعد ماتعدي 140 بجنوط سبور مبتبقاش ثابته

ده بيعتمد على تعريف حضرتك للثبات, أنا تعريفى للثبات هو أنك تبقى ماشى على سرعة عالية وتقدر تاخد مناورات بالعربية من غير ماتحس بأنعدام فى التحكم فى العربية, ولو العربية خفيفة ومتهبطة وعفشتها سبور وخفيفة جدا هتبقى ثابتة جدا على الطريق, وده اللى أنتهى ليه نقاشى أنا وميدو باشا.

وفيه معلومة تانية لسه فاكرها, فى العربيات بالذات مش مهم الوزن قد ما مهم بعد العربية عن الأرض, لو أنا عندى مقطورة وزنها 5 طن, دى عالية عن الأرض جدا, وده بيؤدى لعدم ثباتها على السرعات العالية وأن أصغر خطأ فى سواقتها يتحول لكارثة, ده طبعا بالأضافة لعوامل أخرى.

وبالتالى لو أنا عندى عربية خفيفة جداومتهبطة صح, مستحيل تتقلب الا بحركة غبية أوى من السواق(وبرضه مش هتتقلب, والدريفتينج بيعتمد على أفقاد العربية ثباتها على سرعة قد تكون عالية, ولازم العربية تكون قريبة جدا من الأرض علشان متتقلبش), لأن كل ما مركز ثقل العربية قرب من الأرض كل ما العربية زاد ثباتها.

وحضرتك أتكلمت على الثبات فى عربية عادية غير متعدلة بأى طريق, ده غير أنها واقفة أو حتى وهى بتتحرك, وأكيد لو وزنها خفيف و مقطورة عدت من جنبها هتهزها, وده على فكرة راجع لعوامل تانية وهو المساعدين والعفشة اللينة, اللى بيسمحوا للطاقة أنها تتنقل من خلال العربية كلها الى السوست وبعدين من السوست للعربية تانى, وده بيسبب الأحساس بأضطرابات الهواء بغباء, وبرضه بعد العربية عن الأرض اللى بيخلى الهواء يمر بسرعة من تحتيها وفوقيها, ووزنها, بس الوزن مش عامل مهم زى العوامل التانية الا لو أنت عايز ثبات على حساب السرعة والتحكم فى العربية, ساعتها بتزود الوزن.

وأساسا التعديلات ديه فى الوزن EXTREME ومحدش يقدر يعملها هنا كلها غير لما يكون بيصنع عربية سباق وساعتها أكيد هيغير العفشة بعفشة أنشف وبالتالى هيزود ثبات العربية ويقربها من الأرض.

وزى ما أنتهينا فى المناقشة السابقة, الوزن عامل من عوامل الثبات, لكن بيأثر على التوجيه والتسارع بالسالب (مع الدوران بيخلى العربية تخرج عن مسارها), لكن الثبات بيأثر فيه أكثر شكل العربية وعفشتها ناشفة ولا ناعمة وقربها من الأرض.

وأسف على ردى الطويل والدوامة اللى عملتها, ويمكن فعلا الموضوع كان محتاج شرح أكبر عن العوامل المؤثرة فى الثبات, بس كان هيدخل فى دوامة كبيرة قوى.
ومستنى رد حضرتكROSE4U.

Horsepower
06-09-2010, 02:08 AM
الله ينور ,,, موضوع جميل جدا ,,,
عايز أقول حاجة بخصوص تخفيف وزن العربية و تأثيره ,,, تأثيره هايكون ملحوظ على السرعة القصوى بس مش هايكون له تأثير ملحوظ على التسارع لأن التسارع يقاس بعزم الموتور وليس القدرة الحصانية ,,, طبعا تخفيف وزن العربية هايقلل الفاقد في قدرة الموتور,,,
الميزة الأكبر وإللي أنا شخصيا بأيد تخفيف وزن العربية علشان نحصل عليها هي تحسن يكاد يكون مضاعف لأداء الفرامل ,,, لأن بالبلدي القوة المطلوبة لإيقاف عربية وزنها 1200 كج هايكون تأثيرها مضاعف لو العربية وزنها 900 كج بس ,,,
موضوع تأثير تخفيف وزن العربية على الثبات ده مش مطلق ,,, يعني بيختلف على حسب تخفيف وزن إيه في العربية ,,, إللي بيتكلم عليه Injection تخفيف وزن الصاج وهو ده الكلام الصح ,,, مفهوم خاطيء جدا إن كل ما وزن (صاج) العربية زاد كل ما الثبات زاد ده هندسيا خطاء شائع جدا ,,, زيادة ثبات العربية من خلال زيادة الوزن يكون بتركيز الوزن على مركز ثقل العربية و الأقرب ما يكون للأرض وده بيتمثل في وزن الشاسيه والموتور و التعليق والجيربوكس (الإمبريزا مثلا ,,, الموتور البوكسر مكانه في أوطى نقطه ممكنة ودي بيزود ثبات العربية و ميزة أخرى خارج الموضوع هنا و هي ضمان تغطية زيت الموتور لكل أجزاء الموتور مع تواجد العربية على ميول شديدة) ,,, (مثال ثاني سيارات الجر الخلفي زي ال BMW مجموعة نقل الحركة من الموتور للعجل الخلفي وزنها حوالي 80 كج و مكانها على نفس مستوى الشاسيه تقريبا و طوليه وده سر ثبات العربيات دي).
الفرق بين عربية وزن الصاج بتاعها ثقيل و عربية وزن الصاج بتاعها خفيف ده بالضبط زي واحد بودي بيلد و الثاني مصارع روماني ,,, صحيح البودي بيلد عضلاته أقوى و أضخم و أثقل و لكن مشكلتها إنها مغطية الجسم كله وده ممكن يعمل أكثر من نقطة تمركز ثقل على الجسم الواحد.
آسف للإطالة.

ابو جودة
06-09-2010, 02:35 AM
مشكوررر يعنى عربيه على الحديده

Injection
06-09-2010, 02:40 AM
أستاذ أحمد, شكرا على مشاركتك المفيدة, وأنا نسيت جزئية الفرامل فعلا وأن مع زيادة الوزن بتتدهور كفاءة الفرملة, وشكرا لحضرتك لشرح جزئية مركز الوزن بطريقة أكثر علمية, بس التسارع بيقل مع الوزن, لأنه كلما زاد وزن الجسم زادت القوة المطلوبة لتحريكه وزاد زمن وصوله لسرعة معينة.

وموتور عزمه 50 نيوتن متر مثلا بيشد عربية وزنها 500 كيلو غير نفس الموتور لما يشد عربية وزنها 1000 كيلو, ولا أيه, والعلاقة بين العزم والهورس باور علاقة حسابية ثابتة.

والهورس باور معتمد فى أصله على الوزن, وتقليل الوزن بيخلى نفس الموتور يوصل بالعربية لسرعة قصوى أعلى علشان عدد الأحصنة لكل كيلو من وزن العربية زاد, وبالتالى العزم الخارج من الموتور برضه بيحرك العربية بصورة أسرع نتيجة لأنخفاض وزنها.

ومينفعش نقارن تسارع موتوسيكل موتوره بيطلع 50 حصان ووزنه 200 كيلو بعربية فيها نفس الموتور ووزنها 800 كيلو.

ومنتظر رد حضرتك.

Injection
06-09-2010, 02:42 AM
مشكوررر يعنى عربيه على الحديده

ليه يا باشا نسيت الفتيس والموتور444546.

Horsepower
06-09-2010, 08:59 PM
Injection باشا الله يكرمك أولا,,,
أنا فعلا رجعت قرأت كلامي لاقيته مفهوم غلط ,,, آسف جدا ,,, أنا ماقصدش أكيد إن تخفيف الوزن مالوش علاقة بالتسارع ,,, كل إللي أقصده إن الكلام عن التسارع يكون بذكر عزم الموتور وليس القدرة الحصانية ,,, لأن التسارع بيتعرف من عزم الموتور ,,,
فيه خطأ شائع إن مثلا العربية إللي قدرتها 130 حصان تسارعها أفضل من إللي قدرتها 120 حصان ,,, الكلام ده مش صح ابدا ,,, القدرة الحصانية مش مقياس أبدا.
مثال توضيحي:
السيفيك قدرتها 125 حصان و عزمها 168 نيوتن/م وتسارعها من 0 - 100 كم/س في 12.5 ثانية.
الباسات ال TSI قدرتها 122 حصان وعزمها 200 نيوتن/م وتسارعها 0 - 100 كم/س في 9.5 ثانية.
بس كدة :) حضرتك أخدت بالك إن العزم الأكبر (وليس القدرة الأكبر) هو صاحب التسارع الأعلى.
وشكرا ليك يا باشا و أرجو أن أكون قدرت أوضح النقطة دي.

Injection
07-09-2010, 01:00 AM
Injection باشا الله يكرمك أولا,,,
أنا فعلا رجعت قرأت كلامي لاقيته مفهوم غلط ,,, آسف جدا ,,, أنا ماقصدش أكيد إن تخفيف الوزن مالوش علاقة بالتسارع ,,, كل إللي أقصده إن الكلام عن التسارع يكون بذكر عزم الموتور وليس القدرة الحصانية ,,, لأن التسارع بيتعرف من عزم الموتور ,,,
فيه خطأ شائع إن مثلا العربية إللي قدرتها 130 حصان تسارعها أفضل من إللي قدرتها 120 حصان ,,, الكلام ده مش صح ابدا ,,, القدرة الحصانية مش مقياس أبدا.
مثال توضيحي:
السيفيك قدرتها 125 حصان و عزمها 168 نيوتن/م وتسارعها من 0 - 100 كم/س في 12.5 ثانية.
الباسات ال TSI قدرتها 122 حصان وعزمها 200 نيوتن/م وتسارعها 0 - 100 كم/س في 9.5 ثانية.
بس كدة :) حضرتك أخدت بالك إن العزم الأكبر (وليس القدرة الأكبر) هو صاحب التسارع الأعلى.
وشكرا ليك يا باشا و أرجو أن أكون قدرت أوضح النقطة دي.

ربنا يخليك يا باشا, أنا ساعة مكتبت الموضوع كان فيه فى دماغى معادلة حساب العزم والهورس باور, وقلت أكتب على أساس أن العزم والهورس باور مرتبطين, ده غير أن العزم الناس مش بتهتم بيه فى مصر أد الهورس باور, بس طبعا الأدق والأصح كان أستخدام العزم.

ومحتطش فى دماغى فرق التكنولوجيا فى الموتور وتأثيره على العزم, وخاصة أن معظم أن لم يكن كل كلامى نظرى لأن فيه عوامل تانية كتير جدا مؤثرة فى الأداء غير الوزن,والكلام كان زى فضفضة كده لأن التفاصيل العلمية الكثيرة بتخلى القارئ يمل.

وبرضه مستنى تعليق حضرتك, وموضوع من مواضيعك المفيدةROSE4U.

Horsepower
07-09-2010, 03:11 AM
الله يكرمك يا باشا,,, كلامك سليم إن مش كل الناس بتهتم إنها تعرف عزم الموتور كام وده غريب جدا لأن للأسف مفهوم خطأ إن التسارع يقاس بال Horsepower ,,, و لو سألت أي واحد عربيته كام Horsepower هايقولهولك على طول إنما لو سألته طيب عزم الموتور كام مش هتلاقي إجابة أو هايديك إجابة تقريبية ,,, مع إن العكس هو المفروض ,,, قدرة الموتور نفكر فيها لما نتكلم عن أداء العربية على المطالع أو تأثير تشغيل التكييف أو مقاومة الهواء على العربية.

venom9x2008
07-10-2010, 05:25 AM
دى كده هتبقى موتور بس D:

Injection
07-10-2010, 08:51 AM
دى كده هتبقى موتور بس D:

lulz

http://images.encyclopediadramatica.com/images/2/2f/Lolzturtle.gif