المساعد الشخصي الرقمي

مشاهدة النسخة كاملة : يا جماعة انا زهقت من السيمبول


فاطمة
19-05-2010, 10:37 AM
يا جماعة انا زهقت

بقالي اكتر من شهر حاجزه سيمبول اتوماتيك ولسه لغايه الان لم استلمها
ولما كلمتهم في رينو قالو لسه كمان 3 اسابيع لدرجه اني بفكر اغيرها باي نوع اخر

بليييييييييز لو حد عنده اقتراح لنوع اخر يقولي او يقول كلمتين يصبرني بيهم لان العربية فعلا عجباني
بس في ناس كتير بتقولي انها مش باين على شكلها انها بالمبلغ دا ودي حاجه مضيقاني

سؤال تاني هل اغير واجيب ياريس




وشكرا<!-- google_ad_section_end -->

Dr. Bolbolan
19-05-2010, 10:46 AM
الياريس سياره لا غبار عليها خاصة لواحده بنت !

فاذا كانت بنفس السعر أو أكثر قليلا واستلام فورى !

اتوكلى على الله وهاتى الياريس !

Dr. Bolbolan ptmnlo123per122

anass.sh
21-05-2010, 11:13 AM
أختي الكريمة أنا أستلمت السيمبول من ستة أيام ولم أكن أجيد القيادة بس رح خبرك عن تجربتي بالسيارة
السيارة رائعة ومتينة جدا" محرك رااااااائع ثبات متانة صوت داخل السيارة مافي
والأهم أقتصادبة السيارة المذهلة عملت معي وعم ادرب عليها310كم ب 20ليتر وكل الشباب اللي جربوا سيارتي اندهشوا بالسيارة وعجبتون كتير وفي واحد منون حيبيع سيارتو الكيا على شان ياخد سيمبول
بس المشكلة في السيارة غلاء قطعها وسأوضح لكي بمثال حدث معي
ياسيدتي أنا حصل عندي التواء في الأمتاصور والكف وكسر في البلاستيك المبطن للرفراف أثر دوسة شديدة على مطب لأنو شوارع بلدتنا بهدلة زي مدير البلدة *******الأهم من ذلك أنا راجعت الوكلاء ومركز الصيانة وعرفت كتير أمور مهمة بخصوص السيارة وأسعار قطعها وسأعلمكي بها
أغلب قطع السيارة بتركب بدالها قطع كليو 2005 وهذا أمر جيد جدا"
أسعار القطع اللي مابتركب غير السمبول غالية جدا" ومن الخيال وبعضها غير متوفرة ولا يعرفون سعرها ويطلبونها من المصنع عند الطلب عليها
فمثلا" سعر قطعة البلاستيك تحت الرفراف 5600ليرة سورية أي مايعادل 120 دولار (كونها للسيمبول حصرا")
الأمتاصور 3400 ليرة سورية أي 73 دولار وهي قطعة كليو
هنا كانت دهشتي وصدمتي
قطعة بلاستيكية (يمكن صنعها بأي معمل بلاستيك بتوفر قالب لها وبسعر لايتجاوز 200ليرة سورية )أغلى من أمتاصور ميكانيكي لاحظوا ال00000
كف بسعر5500ليرة سورية أي 120دولارأمريكي
غطاء الجنط الواحد بسعر 1125 ليرة سورية أي 25 دولار علما أنه خارخ الوكالة الطقم كامل 4 قطع بسعر800ليرة سورية17.5 دولار
عموما" انصح من لديه سيمبول التجريب بقطع الكليو 2005 عن حدوث أي مشكلة أو حادث وتعطل أي قطعة معه قبل سؤال الوكيل عن قطع السيمبول وصدقوني 80% يقبل التركيب
إذا كانت السيارة مأمنة تأمين شامل فلا تفكري بغلاء القطع فهم يتحملون كل شئ
وتقبلي احترامي

tarek elbadry
21-05-2010, 11:55 AM
السلام عليكم
اليارس عربية محترمة جدا جدا يعبها انها صجها ضعيف والاكصدام الامامى بلكامل فبر وهوة وش العربيةكلها يعنى لو حد ريح على العربية بيدمر الوش كلو انما كى عربية صاروخ
ام السيمبول فهيا لسة جديدة مفيش حد مجربها كتير الرينو عربيتها حلوة بس قطع الغيار متوفرة فى مصر ورخيصة اسئلى فى الموضوع دة
وربنايكرمك

mahmoud desouky
22-05-2010, 02:25 PM
اصبرى وطالما اخترتى تجبيها من الوكيل ده شى متوكل ولها مميزاته انه هتاخديها ارخص كم الف وكمان بدون اى شك من عدم امانه المعارض بصى اصبرى ومتدخليش فى دوامه انك تغيرى ماركه عربيه وتقعدى تفكرى اجيب ايه تانى

mahmoudnada80
22-05-2010, 02:32 PM
الصبر مفتاح السيمبول :HAPPY_~211:
وكلها كام يوم وتستلمي العربيه وتحكيلنا عنها عن تجربتها

فاطمة
23-05-2010, 08:30 AM
thanks to all of you

اكيد اول ماتيجي هحكلهم عنها كتيرررررررررررررررررر

aymansour
07-06-2010, 03:36 PM
انا استلمت السيمبول من شهر يناير الماضى وعاوز أقولك انى اتعلمت عليها لانى مركبتش على أي عربية قبلها المهم بعد حوالي خمس شهور من الاستخدام انا شايف انها عربية رائعة لانى في بداية تعلمي للسواقة كنت رافع الكرسي علشان أقدر اشوف بداية العربية وطبعا رفع الكرسي مش موجود في عربيات كتير وعاوز أقولك انى عملت بيها أكتر من 7000 ك وسافرت بيها الصعيد حوالي 600 ك رايح وزيهم راجع العربية قيادتها سلسة جدا وممتعة طبعا مقدرش أقارنها بأي عربية تانية لانى مركبتش غيرها
الشيئ الوحيد اللى مريحنيش شوية هو التكييف يعنى باحس انه مش قوى
العربية تستحق المبلغ بالفعل بالمقارنة مع العربيات القريبة منها في السعر (دا رأيي)
في النهاية ارجو لك التوفيق

فاطمة
07-06-2010, 04:01 PM
انا استلمت السيمبول من شهر يناير الماضى وعاوز أقولك انى اتعلمت عليها لانى مركبتش على أي عربية قبلها المهم بعد حوالي خمس شهور من الاستخدام انا شايف انها عربية رائعة لانى في بداية تعلمي للسواقة كنت رافع الكرسي علشان أقدر اشوف بداية العربية وطبعا رفع الكرسي مش موجود في عربيات كتير وعاوز أقولك انى عملت بيها أكتر من 7000 ك وسافرت بيها الصعيد حوالي 600 ك رايح وزيهم راجع العربية قيادتها سلسة جدا وممتعة طبعا مقدرش أقارنها بأي عربية تانية لانى مركبتش غيرها
الشيئ الوحيد اللى مريحنيش شوية هو التكييف يعنى باحس انه مش قوى
العربية تستحق المبلغ بالفعل بالمقارنة مع العربيات القريبة منها في السعر (دا رأيي)
في النهاية ارجو لك التوفيق




شكرا جدا على رايك

بس التكييف سيئ قوي يعني ؟؟؟؟؟؟؟؟؟؟؟
حتى لو شغلتوا على 2 او 3

سؤال تاني
انت كنت حاجزها من امتي واستلمتها ف يناير اصلي كده بقالي اكتر من شهر حاجزه

aymansour
09-06-2010, 08:31 AM
اولا اسف على التأخير في الرد
ثانيا التكييف مش بالسوء اللى انت متخيلاه يعنى شغال على 2 بيكون كويس لو الدنيا مش حر قوي لكن لو درجة الحرارة عالية لازم تشغليه على 3 بس المشكلة انى باحس انه ياخد وقت في اول التشغيل علشان يلطف جو العربية
أما بالنسبة لمسألة الحجز فأنا حجزت في في نهاية بوفمبر واستلمت في بداية يناير يعنى انتظرت شهر وكام يوم وكان ممكن أنتظر أكتر لكن الدفعة اللى كانت محجوز قبلي كان فيها واحد سحب الحجز بتاعه وكان حاجز اللون الاسود نفس الحجز بتاعي فالمندوب اللى حجز معاه كلمنى فرحت استلمت

TeGo
09-06-2010, 03:31 PM
الاكسنت احسن بكتير ومحدش اشتكى منها ابدا
وتوكيله وقطع غيارة فى كل حته

luckyman
09-06-2010, 03:48 PM
اختى العزيزة الواضح الناس اللى بتتكلم على العربية وبيشكروا فيها كلهم من خلال كلامهم هم بحد ذاتة انهم لسة بيتعلموا على السيارة وبالتالى هناك علامة تعجب كبيرة ازاى حد ما جربش قبلها عربية ويعرف يقييم العربية او يقول مميزتها وعيوبها هو امر غريب ولا محل له من الاعراب؟؟؟؟؟؟
انتى زهقتى لانك انتظرت كثيرا؟ مش لسبب تانى
انما لو لسبب الاعتمادية وقوة التشغيل الخ طبعا لانك سالتى فقط هناك بدائلأ كثيرة وربما متفوقة عليها منها التويوتا ياريس او كيا ريو بغض النظر عن شكل السيارة وتصميمها طبع هى سيارات لا يشوبها اى شائبة
بالنسبة للاخ اللى قال ان الواجهة بتاعت الياريس فيبر دى ميزة قوية جدا لان عن تجربة فى بنت صدمتنى من الخلف صدفة فى غاية القوة لدرجة دفعت عربيتى دفعة شديدة وعربيتى كبيرة وهوندا وقوية ورغم ذلك لم يتسبب الحادث لليارس باى شىء لان نوع الاكصطدام الامامى له القدرة على امتصاص شدة الصدمة بعكس السيارات الاخرة التى تتمتع بشبك وواجهة منفصله بكل سهوله تتشوة وشكرا لكم وتحياتى

aymansour
09-06-2010, 04:15 PM
اختى العزيزة الواضح الناس اللى بتتكلم على العربية وبيشكروا فيها كلهم من خلال كلامهم هم بحد ذاتة انهم لسة بيتعلموا على السيارة وبالتالى هناك علامة تعجب كبيرة ازاى حد ما جربش قبلها عربية ويعرف يقييم العربية او يقول مميزتها وعيوبها هو امر غريب ولا محل له من الاعراب؟؟؟؟؟؟

انا بالفعل اتعلمت على العربية وده شيئ انا قلته اما بالنسبة لمسألة التقييم فأنا مفتيش في العربية يعنى مقولتش انها احسن من العربية دي أو في مستوى عربية تانية لان ده شيئ مقدرش احدده لانى زي ما قلت في البداية مركبتش عربية غيرها
انا قلت الحاجات اللي شفتها في العربية وقلت ان ده رأيي
وبالمناسبة لما قررت أشتري عربية دخلت على المندي هنا ولقيت الناس كلها في منتهى الامانة ووبيساعدوا حد طالب المساعدة وبعد تجميع أراء وخبرات مجموعة كبيرة من اعضاء المندي قررت اشتري السيمبول وحسيت انى احسنت الاختيار
وزي الناس ما ساعدتني بدوري حاولت اساعد قدر الامكان وبمنتهى الامانة برضو

انما لو لسبب الاعتمادية وقوة التشغيل الخ طبعا لانك سالتى فقط هناك بدائلأ كثيرة وربما متفوقة عليها منها التويوتا ياريس او كيا ريو بغض النظر عن شكل السيارة وتصميمها طبع هى سيارات لا يشوبها اى شائبة

بالنسبة لاستهلاك البنزين في بتعمل 350 ك في 20 لتر وده في السفر وعن تجربة شخصية اما في وسط البلد فبتعمل حوالي 280 ك
أما الاعتمادية فانا برضو مش هافتي لكن كل اللي أقدر اقوله انى باحس ان العربية بتسعفنى سواء في المطالع او في التسارع سواء كنت لوحد أو كان معايه 3 او 4 راكبين باحس ان العربية مبتخسعش (وده رايي )
بالمناسبة اليارس سعرها اعلى من سعر السيمبول وفرق السعر بيفرق مع ناس كتير .

luckyman
09-06-2010, 04:20 PM
aymansour شكرا لك لاهتمامك وسرعة الرد ودمت بود

aymansour
10-06-2010, 08:19 AM
aymansour شكرا لك لاهتمامك وسرعة الرد ودمت بود

تعبير جميل جداً أول مرة اسمعه ... اشكرك بشدة

superstar2010
17-06-2010, 08:14 AM
جبتيها ولا لسه يا فاطمه برجاء اول ما تجيبها تكلمينا عنها وعن ثبتها وعن أدءها على الطريق

فاطمة
17-06-2010, 12:31 PM
جبتيها ولا لسه يا فاطمه برجاء اول ما تجيبها تكلمينا عنها وعن ثبتها وعن أدءها على الطريق



للاسف اللي نزل المانيوال

وقال ايه
الاتوماتيك لسه ميعرفوش حاجه عنه وناس برده ف نفس التوكيل يقولوا انها ف المينا بس اسمي مش في الدفعة دي


والله ما انا عارفة
انا صبرت كتييييييييييييييير

tarek elbadry
17-06-2010, 01:50 PM
الصبر مفتاح الفرج ممكن تاخيرها يكون خير اصبرى شوية كمان

فاطمة
17-06-2010, 03:19 PM
بجد ربنا يكرمكوا على كلامكوا دا

اكيد اول ما تيجي هكلمكوا عنها حسب معلوماتي طبعا لاني مليش في الميكانيكا

انا كان معايا قبلها ماروتي 2007 بس كنت بحس بيها امتي تكون ماشية كويس وامتي تكون فيها مشكله مع اني مبكونش عارفه ايه هي المشكلة

بس بجد كانت عربية حلوه فعلا واشهدلها بكده للي عايز عربية صغيره ومن غير تكييف

anass.sh
23-06-2010, 12:30 PM
أخت فاطمة انا إشتريت سمبول عادي بتاربخ 16/5/2010 السيارة رائعة ومريحة ومحترمة جدا" ميكانيك السيارة ولاتتوقعي في بروعتوا وأدائوا لنفس الفئة السعرية إقتصادية السيارة ممتازة بتعمل معي 280 داخل المدينة( وهذا مايعجز عنه الكثر) وخارج المدينة 350 بنصحك تضلي على السيمبول ورح تدعيلي بس اضغطي على الوكيل لاني وقعت بنفس المشكلة بسوريا بس لما راجعت أكتر من مندوب مبيعات وحكيت مع رئيس قسم المبيعات بالشركة الوكيلة (عبد الباقي للتجارة) أمن السيارة ب 48 ساعة فقط وكانت عندي فحاولي وهددي بمراسلة شركة رينو الأم أو اوكيل الإقليمي بدبي ورح بتشوفي كيف بيحلوا هل المشكلة بسرعة.

sheekoo
23-06-2010, 03:58 PM
انا شايف انك تصبرى شوية لان الرينو عربية ممتازةوتستاهل التعب شوية انا معايا كليو وهيا مريحانى جدا
ومبروك مقدما على السيارة

فاطمة
23-06-2010, 10:43 PM
أخت فاطمة انا إشتريت سمبول عادي بتاربخ 16/5/2010 السيارة رائعة ومريحة ومحترمة جدا" ميكانيك السيارة ولاتتوقعي في بروعتوا وأدائوا لنفس الفئة السعرية إقتصادية السيارة ممتازة بتعمل معي 280 داخل المدينة( وهذا مايعجز عنه الكثر) وخارج المدينة 350 بنصحك تضلي على السيمبول ورح تدعيلي بس اضغطي على الوكيل لاني وقعت بنفس المشكلة بسوريا بس لما راجعت أكتر من مندوب مبيعات وحكيت مع رئيس قسم المبيعات بالشركة الوكيلة (عبد الباقي للتجارة) أمن السيارة ب 48 ساعة فقط وكانت عندي فحاولي وهددي بمراسلة شركة رينو الأم أو اوكيل الإقليمي بدبي ورح بتشوفي كيف بيحلوا هل المشكلة بسرعة.



سيدي الفاضل
انا عايزه من حضرتك تفاصيل اكتر عن الحجز والاستلام
انت حجزت بتاريخ كام ؟
وهل اعطوك موعد وخلفوه ؟
ولذلك عملت شكوه؟
ايه تليفون رئيس قسم المبيعات ؟؟؟؟؟؟؟؟؟ بس دا بره مصر مش كده ؟؟
طيب تنصحني اعمل ايه قبل ما الفرصة تضيع

خصوصا انهم اخر كلام قالوه ان الشحنه في المينا بس اسمي مش فيها

dr_youssifomar
24-06-2010, 04:20 AM
بصراحة لو انا منك
هغيرها واشترى النترا او نيو اكسنت
الاتنين فى وجهة نظرى افضل من السيمبول
ولو انتى بتحبى الرينو ما تشوفلى رينو سكالا
اعتقد ان مواصفاتها افضل من السيمبول
مع تحياتى

anass.sh
24-06-2010, 11:36 PM
أنا طلبت السيارة في 20/4/2010 رينو سيمبول عادي لون فضي من المعرض بس للأسف ماكان في غير لون أزرق وعدوني إنو بتاريخ 10/6 بتوصل الدفعة الجديدة وانتظرت حتى 11/6 راجعت الوكيل فابلش بنعتذر....بنتاسف وووو .....عندها انفعلت وطلبت رقم الوكيل الحصري وحكيت معو وشرحت كيف انتظرت ومابعتوا لي السيارة وهددتوا إني رح وصل هل الموضوع للوكيل الإقليمي بدبي وللشركة الأم رينو فراح يهدني وأخد رقم هاتفي وبعد 48 ساعة حكي معي مدير المعرض إني استلم السيارة وفعلا" رحت واستلمتا
أما رقم الوكيل الإقليمي عن طريق google اكتبي الوكيل الإقليمي لرينو بدبي
اما رينو فاكتبي العنوان التالي www.renult.comوانشأالله (http://www.renult.comوانشأالله) خير
بس بالنسبة للسكالا أنا شفتا نفس داسيا لوغان تماما مع تغير بسيط وهو التحويل من سيدان الى هتشباك اما من الداخل فهي نفسها تماما" وخصوصا" التابلو لذلك ماحبيتها أما السيمبول فهي تصميم مختلف ورائعة وقوية ومحرك اقتصادي جبار ورح بتشوفي هل الشي والسلام

فاطمة
25-06-2010, 05:16 PM
أنا طلبت السيارة في 20/4/2010 رينو سيمبول عادي لون فضي من المعرض بس للأسف ماكان في غير لون أزرق وعدوني إنو بتاريخ 10/6 بتوصل الدفعة الجديدة وانتظرت حتى 11/6 راجعت الوكيل فابلش بنعتذر....بنتاسف وووو .....عندها انفعلت وطلبت رقم الوكيل الحصري وحكيت معو وشرحت كيف انتظرت ومابعتوا لي السيارة وهددتوا إني رح وصل هل الموضوع للوكيل الإقليمي بدبي وللشركة الأم رينو فراح يهدني وأخد رقم هاتفي وبعد 48 ساعة حكي معي مدير المعرض إني استلم السيارة وفعلا" رحت واستلمتا
أما رقم الوكيل الإقليمي عن طريق google اكتبي الوكيل الإقليمي لرينو بدبي
اما رينو فاكتبي العنوان التالي www.renult.comوانشأالله (http://www.renult.comوانشأالله) خير
بس بالنسبة للسكالا أنا شفتا نفس داسيا لوغان تماما مع تغير بسيط وهو التحويل من سيدان الى هتشباك اما من الداخل فهي نفسها تماما" وخصوصا" التابلو لذلك ماحبيتها أما السيمبول فهي تصميم مختلف ورائعة وقوية ومحرك اقتصادي جبار ورح بتشوفي هل الشي والسلام


ايه رايك اني اروح اشنكي ف حماية المستهلك بمصر لان كلامهم مايع وشكلي مش هصل لحاجه


ولو عندك خطوات اخري لو سمحت قولي

واي حد ياجماعة حاجز اتوماتيك واستلمها الايام دي يقول عشان يساعدني وجزاكم لله خير

او لو حصل معاكوا كده قولي تعاملتم ازاي عشان الموضوع يتحل

yassermedia
13-07-2010, 11:25 PM
انا سألت فى التوكيل وقالوا ان العربيه كان فيها مشاكل مع الشركه الام فى نظام التسعير ، وهى اتحلت خلاص ، ولما سألت عن الحملات الاعلانيه ليه مش موجوده للسياره دى بالذات ؟ كانت الاجابه غير مقنعه للأسف،ولما راسلت مدير التسويق برينو (العالم) على النت كانت الاجابه ان العربيه عليها اقبال شديد ومحجوزه لنهاية العام وبالتالى لا داعى للحملات الاعلانيه الخاصة بها ،<!-- google_ad_section_end --> <!-- / message -->

anass.sh
19-07-2010, 02:02 AM
انا سألت فى التوكيل وقالوا ان العربيه كان فيها مشاكل مع الشركه الام فى نظام التسعير ، وهى اتحلت خلاص ، ولما سألت عن الحملات الاعلانيه ليه مش موجوده للسياره دى بالذات ؟ كانت الاجابه غير مقنعه للأسف،ولما راسلت مدير التسويق برينو (العالم) على النت كانت الاجابه ان العربيه عليها اقبال شديد ومحجوزه لنهاية العام وبالتالى لا داعى للحملات الاعلانيه الخاصة بها ،<!-- google_ad_section_end --> <!-- / message -->
سيدي الكريم اذا ممكن الاميل الخاص او رقم الهاتف الخاص بمدير التسويق برينو علشان حابب ارفع قائمة باسعار قطع الغيار واعرف هل تتوافق مع اسعار الشركة
مثلا" سعر جنط كروم واحد عنا بسوريا 660 دولار امريكي هدا السعر من قبل الوكيل الحصري وهو ضعف سعر جنط الميغان ويعللون السبب بالسيارة جديدة وقطعها حصرا" اصلية فرنسية وبالوكالة فقط

yassermedia
19-07-2010, 10:40 PM
الميل الخاص بالسيد / شريف العالم . مدير التسويق برينو مصر هو sherif.auto@eim-eg.com

anass.sh
19-07-2010, 11:47 PM
الميل الخاص بالسيد / شريف العالم . مدير التسويق برينو مصر هو sherif.auto@eim-eg.com
انا ممنونك كتير بس اذا بتعرف اي شئ عن مدير التسويق بالشركة الام بفرنسا حتى شكوتنا ومشاكلنا توصل للمكان الصح مو لشلة هل الحرامية النصابين اللي مابيهمن اسم الشركة وسمعتها وبحطوا سعر قطعة غيار تافهة جدا" متل ( الجنط كروم)
بـ 660 $
يعني 4 جنوطة كروم لسيارة رينو سيمبول بسوريا بوكالة عبد الباقي للتجارة بسعرنص السيارة بأوربا ومارح أحكي اكترمن هيك لانو شي بوجع الراس فإذا ممكن المساعدة منك أو من أي عضو بالمنتدى ولكم الشكر جميعا" .

tameramin77
16-08-2010, 05:53 PM
4BY4جملبجد

خالد الشريفي
19-08-2010, 02:03 AM
خيرمن بلاش