المساعد الشخصي الرقمي

مشاهدة النسخة كاملة : ** اللي عايز شاشة ملاحة و مالتي ميديا متكاملة داخل تابلوه عربيته **


Ahmed Anwer
26-04-2010, 06:18 PM
أنا طبعا و كلنا بنحلم يكون عندنا شاشة ملاحة و حركات و دي في دي

و تاتش سكرين في التابلوه زي العربيات الفخمة ،،

طبعا المشكلة ان كل عربية بيكون ليها شكل معين

و نضطر نركب اللي بيركب علي الزجاج و بيكون شكله مفتعل جدا غير انه مغري للسرقة

و انا بقلب علي النت وصلت لشركة عندهم الوحدة دي لمعظم موديلات السيارات الحديثة في مصر و بتيجي بكافة مشتمالاتها يعني تفك التابلوه و تركب

و ده موقع الشركة

http://www.videobusegypt.com/

الجهاز ممكن يكون بجي بي اس أو بدون

طبعا بدون ارخص

و الاتنين فيهم كافة الامكانيات بلو توث ، تاتش سكرين ، دي في دي ، ممكن توصل عليه كاميرا ،،، الخ

الاسعار أنا سألت بس علي بتاع الستيروين سي 4 ،، ب 3600 بجي بي اس

و ب 3000 بدون ،، و ده شامل التركيب

و دي اغلي نوعية عندهم هيا و البيجو لأن العربيتين دوول ليهم سوفت وير بيطلع بيانات العربية علي الجي بي اس بيتوصل بكمبيوتر العربية يعني

بتاع الالنترا مثلا ب 2750 جنية بدون جي بي اس

الصناعة صيني و لكن علي كلامه جودة ممتازة و تكنولوجيا عالية و ضمان سنة

و بيقول ان معظم التوكيلات معتمدة الجهاز بتاعهم

السوفت وير للجي بي اس ،، Igo ،، بأحدث الخرائط و بتوجيه صوتي و باحدث سوفت وير ملاحة


الاسعار دي ممكن تقل لأن دي أسعار سؤال في التليفون


و ممكن يطلبلك جهاز معين لماركة عربيتك لو مش عندهم


السعر انا شايفه كتير شوية بس مقارنة انه هياخد نفس شكل التابلوه و هيكون كأنه أوريجنال مع العربية فدي ميزة جامدة جدا و اضافة جامدة لانتريورالعربية

mansoub504
26-04-2010, 06:36 PM
والله يا احمد باشا موضوع جميل
بس انا عاوز اسأل سؤال بس متضحكش يا ريت
انا معايا سيات وكنت هاجيبلها جي بي اس بتاع سيراتو وطبعا مش هيجي بفيشه الضفيرة اقص واركب ولا ادور علي فيشة الضفيرة بتاعته احسن

hazem_khidr
26-04-2010, 08:14 PM
شكرا يا احمد باشا علي الخبر
انا بفكر اركب في اللانسر عندي بس مكنتش عاوز اللي في الشماسه
يا رب الاقي عندهم ولما فتحت السايت لقيت ان لهم فرع عندنا في المحله فاتح بقاله فتره بس عمري ما فكرت اني ادخل ابص علي اللي عنده
لانه من الاسم فكرته انه بتاع اتوبيسات بسptmnlo123per1106

_amr.mostafa_
26-04-2010, 11:17 PM
معلش بس سؤال واحد

يعني ايه بيكون فيه بلوتوث

Ahmed Anwer
27-04-2010, 01:31 AM
أ / mansoub504,

معرفشي الصراحة حاجة عن الحكاية دي ،،

حازم باشا ،،

انتا لو التابلوه عندك فيه مكان لكاسيت دبل دين ،، فأنتا ممكن تركب اي جهاز عادي لأني معتقدشي ان الكريستالة تابولوها معمول بطريقة العربيات الجديدة ان كل حاجة ليها شكل معين تاخده

د/ عمرو ،،

البلوتوث ،، زي الموبايل كده ،، وسيلة اتصال يعني تبعت ملفات و تستقبل ملفات

و ممكن تشغل من علي الموبايل علي الجهاز

و طبعا اهم حاجة انك تقدر تستخدم التليفون من خلال الجهاز يعني يبقي كأنه كار كيت

massoft
28-04-2010, 02:51 AM
مشكور على الموضوع

HaMaDa-ToUBaR
30-04-2010, 11:09 AM
أولا الف شكرا ياباشا على موضوعك انا كنت لسة ناوى اعملة والحمد الله انى لاقيتك عملتة
ثانيا بقى والاهم الجهاز دة يا جماعة ممتاذ جدا
انا حاجز واحد للانسر الشارك بس مستنى بس لما اضبط الكاشات لانة ب 5250 جنية
يشمل اية بقى
طبعا دى فى دى وبلوتوث وجى بى اس وكامرة للرجوع مع الخلف ببرنامج رسام مش عارف للازمتة اية وبرنامج ورد
لو عاوز تسجل كتابة اى كلام من دة البلوتوث بتاعة بيتصل بالتليفون لو حد اتصل بيك بيظهر الاسم ع الشاشة وبترد ع طريق الريموت او عن طريق الشاشة باللمس وبتتكلم عادى فى العربية (هو طبعا معاة ريموت كنترول)
وطبعا راديو وسى ودى 6 اسطوانات وميمورى كارد ويو اس بى والشاشة طبعا تاتش اسكرين
اة وبردة فى رسيفر بيجيب قنوات وشغال ولية انتنة بردة لوحدة بتركب ع الزجاج من ورا ودى ب 250 جنية ولحدها والسعر الى فوق بيشملها
واحلى ما فى الجهاز انة بتاع العرببية بيكرب للعربية كانة جزء من التابلو اتخنها تخين ميقدرش يطلعها انها متركبة
والاحلى من كدة انة بيكرب على فيشة العربية وفيها مكنيات تحكم فى العربية جميلة اوى زى لما تفتح الباب نور اية الى ينور والباب يعمل لوك بعد وقت قد اية والتحكم فى التكيف والكلام دة
كل شاشاة ليا شوفت جميل اوى للعربية بتاعتها
والعربيا الى ليها شاشات متاحة
toyota camry
toyota corolla
toyota vios
toyota innova
toyota crown
honda crv
honda accord
honda civic
mazda 3
mazda 6
ford f series
ford mondeo
ford focus
gm chevrolet
chevrolet captivia
passat
oktavia
elantra
sonata
kia cerato
kia sportage
suzuki swift
lancer shark
cherokee
toyota yaris
liberty

كل دول يا جماعة العربيات الى ليها شاشات بتاعتها بتيجى تركب عليها على طول
التركيب طبعا بيبقى مجانى لانك مش دافع قليل وطبعا انتم فاهمين تمن تركيب مدفوع اكتر منة بكتير
المهم بياخد وقت ساعتين تقريبا

انا كنت سافرت القاهرة مخصوص علشان اشوف الشركة بس مش الى اسمها باص ايجيبت دول كلمتهم فى التليفون وفى اساعر عندهم غالية
وصلت لشركة تانية بقى اسمها (motevo) ودى الوكيل بتاعها مع شركة اسمها الندى للاستيراد شركة محترمة بصراحة ومعاملتهم حلوة
انا روحتلهم طبعا وشوفت الاجهزة هناك بنفسى وطبعا الجهاز علية ضمان سنة

بالنسبة للعنوان فى مدينة نصر فى شارع الطيران الى جمب رابعة العدوية فى هناك مدرسة كدة هى الشركة بقى قصاد المدرسة
ودى تليفوناتهم هى لو عاوزين تتكلموا او تستفسروا على حاجة
22633474
22628430
0102148228

HaMaDa-ToUBaR
30-04-2010, 11:11 AM
وبالنسبة لحضرتك يا استاذ حازم هو مفيش عندى فى الكتالوج شاشاة للانسر البومة او مفيش حاجة غير للشارك عموما
بس انت بردة ممكن تكلمهم وتسألهم عنها اذا كانت موجودة او ممكن يجيبهوالك او لاء
وربنا يوفقك فى الى عاوز توصلة ان شاء الله

احمد بدر1978
30-04-2010, 11:38 AM
موضوع جامد ياباشا
بس الموقع مش عايز يفتح معايا ممكن سؤال ليهم فروع فى الاسكندرية ولا لا

HaMaDa-ToUBaR
30-04-2010, 11:56 AM
اية ياعم احمد ينفع كدة
لهو انت معدى على فكهانى
مفيش شكرا ليا طيب انا كمان ولا اية صاحب الموضوع طبعا على دماغى بس مينفعش تعدى عليا كدة من غير ما تمسى ولا اية ؟؟؟

_amr.mostafa_
30-04-2010, 02:02 PM
شكرا ليك استاذ احمد على التوضيح

HaMaDa-ToUBaR
30-04-2010, 05:28 PM
تسلملى عمرو بك

midoimc
17-09-2011, 04:54 PM
معلش ياجماعه بس انا لو عايز اركب سيستم البلوتوث دا والديفي دي والجيبي اس هل ممكن احط مكان المخدعين الاماميين شاشات ديفي دي عشان لو عايز اشغل افلام كارتون للأولاد هل في حاجه شامله كل دا بالمناسبه العربيه هيونداي فيرنا وياريت اعرف بكام...شكرا جزيلا

طارق السحت
17-09-2011, 05:05 PM
شكرا يا احمد باشا علي الخبر
انا بفكر اركب في اللانسر عندي بس مكنتش عاوز اللي في الشماسه
يا رب الاقي عندهم ولما فتحت السايت لقيت ان لهم فرع عندنا في المحله فاتح بقاله فتره بس عمري ما فكرت اني ادخل ابص علي اللي عنده
لانه من الاسم فكرته انه بتاع اتوبيسات بسptmnlo123per1106
انا من المحله وياريت تقولى العنوان بالظبط علشان ابص عليه ،،وشكرا مقدما

DIVELL
13-10-2011, 05:37 AM
AHLNWSHALN

ابو مخ كبير
14-10-2011, 10:04 PM
فين يا جماعة العنوان فى المحلة؟؟؟؟؟MADDRIVE

خالد الإسكندرانى
25-12-2011, 04:03 AM
طيب انا عندى لانسر 2011 ...... وعايز اركبلها سى دى ف حدود 150 جنية حد يعرف اماكن البيع ف اسكندرية ؟؟؟ او عايز يبدل بكاسيت ؟؟

dramr40
13-01-2012, 04:08 PM
ياترى فيه للسكودا اوكتافيا 2003

ولو موجود سعره هايكون فى حدود كام ومواصفاته ايه ؟؟؟
شكرا جزيلا مقدما