المساعد الشخصي الرقمي

مشاهدة النسخة كاملة : سبب ارتفاع درجة حرارة محرك السيارة اللادا 2107 الروسي


محمد محمود عبد الجابر
22-04-2010, 08:12 AM
السلام عليكم ورحمة الله وبركاته .
اشتريت لادا روسي 2107 موديل 2010 منذ شهر ودائما مؤشر الحرارة بيزيد عن المنتصف اثناء السير في الزحام ثم تعمل المروحة اوتوماتكيا أرجو الحل الامثل لعلاج هذه المشكلة مع العلم بان اثناء السير بسرعة عالية في المسافات الطويلة مؤشر الحرارة ينخفض الي اقل من النصف ويكون مؤشر الحرارة عند اول العلامة الخضراء تقريبا . كذلك فان مستوي المياه في الاربة لم ينقص والحمد لله . ارجو الافادة وجزاكم الله خيرا

tareksakr
22-04-2010, 10:57 AM
ده الطبيعي بتاع العربية طالما المروحة بتشتغل وتفصل فده عادي وغلبا طالما المؤشر بينزل علي السرعات العالية يبقي ثرموستات كوعة المية ملغي ممكن تروح التوكيل وتسألهم في الموضوع ده

خالداعزالناس
22-04-2010, 12:10 PM
باشا
ممكن سؤال
لادا الروسى 1500cc انجكشن
لادا المصرى 1600cc كاراباراتير
مظبوط
ممكن اعرف ليه اشتريت الروسى
ايه الفرق بين المصرى والروسى
وسعر السياره الكامله الروسى كام ؟
وسعر السياره المصرى الكامله كام ؟
ارجو الرد وشكرا

محمد محمود عبد الجابر
22-04-2010, 06:18 PM
اللادا الروسي 1600 cc إنجكشن وليس 1500 cc وسعرها من شركة الامل وكيل اللادا 49000 جنيه بدون أي كماليات واضافة التكييف لها بسعر 3000 جنيه وكذلك الباور 3000 جنيه وسبب شرائي الروسي هو تخمين مني انه الافضل من حيث المتانة والتشطيب والاداء

بدر بسيونى
22-04-2010, 08:18 PM
يابشا انا بعتذر للتاخر فى الرد بس طالما المروحة بتشتغل يبقى المشكلة فى الثرموثتات اكشف عند اى كهربائى عليها او الافض تغيرها والاربة مستوى المياه مناسب تبقى دائرة التبريد تمام والموضوع يتركز بوجود خطأ فى الثرموثتات تحديدا وبالتوفيق وانا تحت امرك

hazem_khidr
22-04-2010, 11:15 PM
مافيش مشكله علي ما اعتقد العربيه كده كويسه
طالما المروحه بتشتغل بعد ما تعدي النص ..

tome22
24-04-2010, 05:40 PM
معلش سؤال مارايك فى اداء السيارة الادا 2010 هلى تعمل بكفاءة ام لا ...؟ وهل تم حل مشكلة السخونة فى السيارة الروسى ..

محمد محمود عبد الجابر
26-04-2010, 04:36 AM
معلش سؤال مارايك فى اداء السيارة الادا 2010 هلى تعمل بكفاءة ام لا ...؟ وهل تم حل مشكلة السخونة فى السيارة الروسى ..

بصراحة السيارة والحمد لله كفاءتها عالية وبالنسبة لمشكلة الحرارة كثير من الناس اقترح علي تغيير ثرموستات كوعة المياه عشان المروحة تشتغل عند النصف ومتعديش النصف يعني الحرارة ما تزيدش عن 90 درجة لأنها الان تصل الي 100 درجة بس مش عارف ايه الصح بالضبط

daliaali2003
29-04-2010, 12:12 AM
نفس المشكلة معاى ..... ارجو الرد
لان احد الاقارب اقترح تغيير الراديتير ب اخر (3 طرف او 3 ماسورة )
مش عرفه ايه الصح اللى ممكن اعملة علشان اخلى الموتور درجة حرارته طبيعية ماتتعداش النص
ارجو الرد وبارك الله فيكم
داليدا

tome22
29-04-2010, 02:34 AM
طيب يا جماعة انتوا ليه محدش راح التوكيل وعرض الموضوع ده عليهم ...؟ العربية لسه جديدة وماينفعش اى حد ميكانيكى يلعب فيها او يخترع فيها حاجة . لازم تتبعو التوكيل أكيد هم عارفين الحل او ممكن يرشدوا الصح .
تمام كدة

احمد على 1999
29-04-2010, 06:05 AM
بالنسبة لمشكلة الحرارة كثير من الناس اقترح علي تغيير ثرموستات كوعة المياه عشان المروحة تشتغل عند النصف ومتعديش النصف يعني الحرارة ما تزيدش عن 90 درجة لأنها الان تصل الي 100 درجة بس مش عارف ايه الصح بالضبط
معلش حضرتك اتاكد تانى هما كان يمكن قصدهم ثرموستات المروحة مش كوعة الميه ؟

كومندا
29-04-2010, 07:49 AM
ربنا يباركلك فيها ..احسن عربيه للطرق المصريه

daliaali2003
02-05-2010, 12:02 AM
المشكلة زى ما هى
انا غيرت الراديتير الاصلى بتاعها براديتير 3 ماسورة زى ما قالو
وبعد التركيب وتكلفت 350ج ثمن الراديتير + 50 اكواع جلد
وظلت درجة الحرارة زى ما هى انا كنت متوقعه ان الراديتير الجديد حيخليها اقل من النصف
ولكن ظلت السخونة تتجاوز النص باكثر من شرطتين
انا حتجنن .......... ارجوكم اعمل ايه ف المشكلة دى
والمشكلة الرئيسية ان العربية من السخونة لما تعدى النص تطفى نفسها
واحد الافاضل قالى يبقى العيب ف البوجيهات لازم ننعير ..... غيرت البوجيهات وكمان كلفتنى طقم البوجيهات 40 ج ولازالت المشكلة قائمة
ارجووووووووووووووكم حد يقولى على حل ارجوووووكم :cry2W9: ptmnlo123per191

احمد على 1999
03-05-2010, 07:48 AM
طيب فى حد جرب يغير ثرموستات المروحة بواحدة اقل و يشيل ثرموستات الكوعة؟
لان بوجود نفس الثرموستات الاصلية + ثرموستات كوعة المية العربية حتوصل لدرجة الحرارة الى من مواصفات الثرموستات حتى لو ركبت رادياتير اد العربية
لان هى نظرية عملهم كدة يعنى الرادياتير الجديد الى ركبته الاستاذة داليا صحيح بيساعد على التبريد اكتر بس العربية مش حتبرد لو ثرموستات الكوعة راكبة لانها لما حتتعرض للبرودة حتقفل و الميه مش حتروح للرادياتير اساسا لغاية لما تسخن و تفتح تانى ( و هى المفروض متصممة كده علشان تقلل زمن التسخين و برضه علشان تجنب التبريد الزائد الى هو برضه مش كويس ) بس من الواضح علشان العربية مواصفات روسى فملخبظة هنا فى مصر
للتجربة يتعمل الاتى :
1- التخلص من ثرموستات الكوعة اولا ( او على الاقل استبدالها بواحدة مواصفات خاصة للاجواء المصرية )
2- لو مفيش نتيجة يبقى تغيير ثرموستات المروحة بواحدة اقل
3- لو مفيش نتيجة يبقى تغيير الرادياتير ( زى ما فعلا اتعمل بس للاسف كان المفروض يبقى اخر حل لو كان الحلين الاولانيين مجبوش نتيجة )

daliaali2003
15-05-2010, 04:07 PM
؟؟؟؟؟؟
والمشكلة الرئيسية ان العربية من السخونة لما تعدى النص تطفى نفسها
واحد الافاضل قالى يبقى العيب ف البوجيهات لازم ننعير ..... غيرت البوجيهات وكمان كلفتنى طقم البوجيهات 40 ج ولازالت المشكلة قائمة
؟؟؟؟؟؟؟
اكتشفت سب طفيان العربية لنفسها
تخيلوا انها طلمبة البنزين الكهربائية كان ضغطها ضعيف .... والسبب هو الشوائب الكثيرة الموجودة ف البنزين ال 80 وغيرت الطلمبة باخرى جديدة ب 110ج.م
والحمد لله انضبطت وبقت تمام ومفيش اى مشاكل
واخذت من مهندس الصيانة بعض الصور لتركيب طلمبة البنزين من الداخل بعدما قام بتفكيكها للتعرف على اسباب تلفها
على الرابط التالى
http://www.4shared.com/file/hnGwJuHe/lada_2107_fuel_pump.html

لانى حاولت ارفاقها على سيرفر مصر موتورز ولكن تظهر رسالة الملف خاطئ بالرغم من ان حجم الملف المضغوط لا يتجاوز 1.8 ميجابايت
مع تحياتى لكل اعضاء المنتدى
داليدا

sayedkhedr
15-05-2010, 10:00 PM
عايزك تشوف مستوى المياة فى القربة قبل ما تدور السيارة الصبح اذا كان منخفض اظبطه لان لو المياة معششة حتريح وتملا الموتورباليل

lost2008
16-05-2010, 01:00 AM
ال128 كانت بتطفى معاية برضة اول ما الحرارة توصل 90, و برضة كانت المشكلة فى طرمبة البنزين

daliaali2003
26-05-2010, 02:00 AM
ارجو من احد الاخوة الافاضل بالمنتدى مساعدتى وابداء الرأى ...........
بس لو سمحتم من غير تريقة ...........
ايه رأيكم لو بقى للعربيةعدد 2 راديتير ............؟؟؟؟؟؟
ازاى ؟؟؟؟؟؟؟؟؟؟
الاصلى اللى راكب فيها فى المكان الطبيعى فى مقدمة السيارة كالعادة .......
والثانى بيكون على سطح العربية ...... يعنى بيتعمل شبكة صغيرة وبينحط عليها الراديتير مسطح بعد غلق فتحة دخول الماء جيدا بصمام لا يسمح بتسريب الماء منه .... حيث ان صمام الراديتير الاصلى هو الذى سيقوم بمهمة تسريب الماء الفائض ......!!!
واعلى الراديتير المسطح عدة ريش الومنيوم بزاوية ميل للامام بحيث تدفع الهواء لاسف اثناء سير السيارة عبر الراديتير
طب والتوصيلات (الخراطيم)؟؟؟؟؟؟؟
ممكن يتوصل الراديتير الثانى مع الاول اما على التوالى ؟؟؟؟؟ اى لن نهاية مسار الماء الذى تم تبريدة بالراديتير الاول يكون بداية مسار للراديتير الثانى المسطح .........
والسؤال هنا هل هذا يسبب اجهاد على طلمبة المياة بالسيارة وما مداة ؟؟؟؟؟؟؟؟
او
على التوازى مع الراديتير الاصلى .... اى عمل مشترك على هيئة حرف Y
ارجو من احد الزملاء الافاضل الاجابة على هذا السوءال الذى افكرة فيه كثيرا ... لان المشكلة ان مفيش حد من الميكانيكية اللى ف المنطقة فاهم المسألة دى
ارجوووووووكم ...... الرد .....
شاكرة لكم مقدما حسن تجاوبكم وتعاونكم معى
داليدا
ptmnlo123per1147 ptmnlo123per1147

sabry9
26-05-2010, 10:31 AM
انا معايا لادا 2107 موديل 2001
مشكلة اللادا الأزلية الحرارة
لازم تتابعها بإستمرار انا جربت كل حاجه
غيرت الترموستات جيت عالي وواطي وكل حاجه غيرت الغطا غيرت الخراطيم كلها حطيط ميه خضرا عملت كل جاه كل حاجه .. ومشكلة ملهاش حل
لازم بإستمرار تراقب الحرارة ومعاك جركن الميه الهمام للإحتياط...

sheko fun
26-05-2010, 03:13 PM
يا جماعة أنا صحيح مليش خبرة فى اللادا قوى بس أنا عندى فكرة بسيطة عنها

وأنا أعتقد إن سبب إرتفاع درجة حرارة اللادا هو :


العربية دى بتيجى من روسيا زى ما كلنا عرفين والطبيعى إن أجواء روسيا ثلج وبرد شديد فى بلادهم , عشان كدة بيصنعوها بثرموثتات يسخن العربية تسخين شديد جداَ بالمقارنة بأى عربية تانية . عشان المياة إللى جوة العربية متتجمدش . فالثرموثتات دى بتسخنها تسخين جامد عشان توصل للأداء العادى إللى يقارن بالعربيات الأخرى فى العالم كله .

لاكن لما العربية دى بتيجى مصر طبيعة مصر إن الجو حر جدا فى الصيف ومعتدل فى الشتاء عشان كدة الثرموثتات بتسخن العربية لدرجة كبيرة جداَ ممكن توصل لأكثر من 100 .

فأقترح على ملاك العربية اللادا الروسى إنهم يغيروا الثرموثتات دى بثرموثتات أخرى تناسب الجو المصرى إذا أمكن . ( والله أعلم ) .


على العموم إسئلوا عليها بره وفى التوكيل وشوفوا الحل دة هينفع ولا لأ . والله المستعان وأتمنى لكم التوفيق بإذن الله .

وبالمناسبة أنا كنت عايز أخد رأيكم فى أنهى واحدة من العربيتين دول أفضل فى اللادا
هل اللادا سمارا 2115 موديل 2010 أفضل
أم اللادا 2107 موديل 2010 مصرى أو روسى .

ولكم جزيل الشـــــــــــــــــــــــــــــــكــــــــــــــر

daliaali2003
27-05-2010, 05:52 AM
وبالمناسبة أنا كنت عايز أخد رأيكم فى أنهى واحدة من العربيتين دول أفضل فى اللادا
هل اللادا سمارا 2115 موديل 2010 أفضل
أم اللادا 2107 موديل 2010 مصرى أو روسى .
-----------------------------------------------------------------
انا كنت حشترى ف الاول لادا سمارا 2115 موديل 2010 ولكن احد المختصين نصحنى بعدم التسرع فى هذا الموضوع ..... بسبب قلة قطع الغيار الخاصة باللادا 2115
ونصحنى بشراء اللادا 2107 الروسى .... لانها متوفرة قطع الغيار وتستحمل وقلة الاعطال
طبعا باستثاء ارتفاع درجة حرارة الموتور .... ودى نقطة الضعف الوحيدة فى اللادا
وفعلا حاليا معى لادا 2107 وحرارة الموتور 100 درجة وفى الاصل انها تكون بين 80-90 علشان كدا غيرت الراديتير .......
وفيما عدا ذلك كله كويس ومفيش اى مشاكل والحمد لله

sheko fun
27-05-2010, 12:51 PM
ألف شكر ليك يا أستاذ ( daliaali2003 ) على نصيحتك وإن شاء الله شكلى كدة رايح على لادا 2107 روسى موديل 2010 لأن هيه إلى تستحمل شوارعنا بكل تأكيد وفى ناس قريبى عندهم اللادا 2107 بس المصرى
ونصحونى بردوا إنى أجيب اللادا وقاللولى هتها ومش هتندم .

وللمرة الثانية ألف شكر ليك يا أستاذ ( daliaali2003 ) .

احمد على 1999
28-05-2010, 06:42 AM
ارجو من احد الاخوة الافاضل بالمنتدى مساعدتى وابداء الرأى ...........
بس لو سمحتم من غير تريقة ...........
ايه رأيكم لو بقى للعربيةعدد 2 راديتير ............؟؟؟؟؟؟
ازاى ؟؟؟؟؟؟؟؟؟؟
الاصلى اللى راكب فيها فى المكان الطبيعى فى مقدمة السيارة كالعادة .......
والثانى بيكون على سطح العربية ...... يعنى بيتعمل شبكة صغيرة وبينحط عليها الراديتير مسطح بعد غلق فتحة دخول الماء جيدا بصمام لا يسمح بتسريب الماء منه .... حيث ان صمام الراديتير الاصلى هو الذى سيقوم بمهمة تسريب الماء الفائض ......!!!
واعلى الراديتير المسطح عدة ريش الومنيوم بزاوية ميل للامام بحيث تدفع الهواء لاسف اثناء سير السيارة عبر الراديتير
طب والتوصيلات (الخراطيم)؟؟؟؟؟؟؟
ممكن يتوصل الراديتير الثانى مع الاول اما على التوالى ؟؟؟؟؟ اى لن نهاية مسار الماء الذى تم تبريدة بالراديتير الاول يكون بداية مسار للراديتير الثانى المسطح .........
والسؤال هنا هل هذا يسبب اجهاد على طلمبة المياة بالسيارة وما مداة ؟؟؟؟؟؟؟؟
او
على التوازى مع الراديتير الاصلى .... اى عمل مشترك على هيئة حرف Y
ارجو من احد الزملاء الافاضل الاجابة على هذا السوءال الذى افكرة فيه كثيرا ... لان المشكلة ان مفيش حد من الميكانيكية اللى ف المنطقة فاهم المسألة دى
ارجوووووووكم ...... الرد .....
شاكرة لكم مقدما حسن تجاوبكم وتعاونكم معى
داليدا
ptmnlo123per1147 ptmnlo123per1147
حضرتك جربتى الاول الاقتراحات الى فى المشاركة 14
لان لو الحل رقم 1 و 2 منفعوش يبقى الاقتراح بتاعك حيبقى الحل المتبقى بس اكيد مش بالصورة دى لان زى ما قولتى حيبقى اجهاد (او مش حتعرف اصلا) على مضخة الميه + ان حيبقى اعاقة على السرعات العالية + ان ممكن يتسرق + معرض للتلف هو و الخراطيم الخارجية
ممكن يتركب مراوح اقوى و اسرع طالما الرادياتير الكبير لسه مش جايب نتيجة بعد الحلول (1 و 2 )

daliaali2003
06-06-2010, 02:19 PM
الحمد لله
توصلت لحل فعاااااال جداااااا لتبريد موتور السيارة بالكامل وتعمل كفاءة 100%
وهو كالتالى
اولا :
قلب مروحة السيارة الكهربائية
يعنى نحط مروحة السيارة الكهربائية خارج الراديتير فيما بين الشبكة الامامية والراديتير
ثانيا :
تركيب مروحة لادا 8 ريشة على المحرك مباشرة باستخدام فلانشة الومنيوم (بتعملها عند اى خراط )
والحمد لله الحرارة فيما بين الابيض والاخضر وفى اقسى الظروف (السير ببط وسط الشوارع المزدحة ووقت الظهيرة حيث حرارة الجو الشديدة ) ولم تتجاوز ال 90 درجة
وقريبا ساقوم بتجهيز صور حقيقية للسيارة والشرح الوافى على تلك الصور خطوة بخطوة
التكاليف : مروحة 8 ريشة لادا اصلى تركى 15 ج
كتلمة الومنيوم ربع كيلو 8 ج
خراطة 20 ج
مسامير 1/2 سن + ورد 2ج
مصنعية فك وتركيب 20 ج
الاجماللى تقريبا 65 جنية
---------------------------------------------------------------------------------------
تكاليف المروحة الكهربائية وقلبها للخارج
ترموستات حرارة 92درجة ب 20 ج
منيم لترموستات الحرارة يتم تركيبة بالراديتير 10 ج
مصنعية لحام 10 ج
مصنعية كهربائى لتركيب المروحة الكهربائية 10ج
الجملة تقريبا 50 ج
==================================
اجمالى التكاليف للمروحتين (الكهربائية + الموجودة على الموتور باستمرار )
50 + 65 = 115 جنية
وبكدا ان شاء الله تتخلص نهائيا من سخونة موتور اللادا علشان يعيش معاك مدة اطول
وجارى تجهيز الشرح والصور لهذه العملية السهلة
كل ما اتمناه هو دعوات اعضاء المنتدى الكرام لى بالتوفيق
ptmnlo123per154

اختكم داليدا

daliaali2003
07-06-2010, 02:58 AM
ودا اللينك اللى عليه ملف مضغوط rar به صور لتركيب القطع
المروحة العادية والكهربائية والترموستات

http://www.4shared.com/file/dMobx5zr/coling_engine_lada_2107.html

اتمنى منكم الدعاء والمشاركة
داليدا

احمد على 1999
10-06-2010, 02:15 PM
ما شاء الله دا انتى خبرة فى العربيات نادرا ما يبقى فى زيك ربنا يباركلك فى علمك

احمد الشناوى1981
28-06-2010, 01:08 PM
بسم الله.هذه أول مشاركه لى فى هذا الموقع الجميل جدا رغم أننى متابع دائم له منذ أكثر من عام و من أشد المعجبين بهذا الموقع وبآراء أعضائه المتحابين و المتعاونين بشكل يبهر أى زائر .فأرجو ان تتقبلو دخولى . و أتمنى أن اساهم به على قدر ما أعرف و أستطيع.
أما بالنسبه لسبب إرتفاع درجه حراره محرك اللادا فهو ما شجعنى للتسجيل لتجربتى الشخصيه فى سيارتين لادا الأولى كانت موديل 1983 و الثانيه و هى الحاليه موديل 2007 مصرى.
وعلاج مشكله الحراره معروف لدى أكثر الفنيين فى طنطا يجوز لكثره عدد العربيات اللادا.
و السبب يرجع لأن العربيه مصممه للمشى فى الأجواء البارده مثل روسيا و يتم طرح السياره في مصر بدون أى تعديل لتناسب الجو الحار فى مصر...
اول مشكله هى أن دوره التبريد المفروض زى أى عربيه أن تكون بخروج الماء الساخن من الموتور الى الريداتير ليتم تبريده ثم يرجع مره أخرى الى الموتور.
إلا أن هذه الدوره فى اللادا لا تبدأ إلا بعد وصول درجه حراره السياره الى 90 درجه و ذلك بسبب الثرموستات الموجوده داخل كوعه الميه و يمكن إستبدالها بكوعه فارغه بدون ثرموستات ودى تمنها 15جنيه وتغيرها سهل.
ثانياً:أن دوره التبريد فى اللادا تكون بأن الماء الساخن بعد خروجه من الموتور لا يذهب الى الريداتير مباشرهً و لاكن يدخل الموتور مره أخرى ثم بعد ذلك يذهب للريداتير ليتم تبريده ثم يخرج من الريداتير الى الموتور وبهذا يكون الماء أخذ دورتين داخل الموتور قبل ما يروح للريداتير ليبرد...وده لانه فى روسيا هو محتاج يحافظ على درجه حراره الموتور عاليه متبردش من الجو الثلج الى بره....وعلاج ده عندنا أننا بنحط طبه أو نسد الفتحه الى بتعيد دخول الماء مره أخرى للموتور و ذلك لكى تكون دوره التبريد زى أى عربيه من الموتور الى الريداتير ثم الى الموتور وهكذا.و إن شاء الله هصور الأماكن باظبط للتوضيح .
الى هذا الحد العربيه مش هتسخن بإذن الله لأن دوره التبريد بدأت مع بدايه تشغيل المحرك و الماء أخذ دوره واحده داخل الموتور.
العربيه موديل 1983عملت فيها التعديل ده + انى شلت المروحه الأوتوماتيك وركبت مروحه على طرمبه الميه مع ملاظه أن الريداتيير فى العربيه دى كان نحاس وأكبر من الموجود حاليا فى الزيرو و العربيه كانت مبتسخنش أبداً مع ملاحظه انه يفضل تجربه المروحه الصغيره الاول لأن فى نوع 8 ريشه جميل لاكن صوتها بيون شويه.
العربيه موديل 2007 لم ينفع معها تركيب مروحه على طرمبه الميه لاقيت العربيه بتسخن يجوز لان الريداتير الألمونيا تبريده أقل من النحاس لاكن عموما العربيه يكفى التعديل الأول وهو شيل الثرموستات فى كوعه الميه ووضع الطبه على فتحه إعاده دخول الماء للموتوروهوالوضع الحالى عندى والعربيه مبتسخنش .
فى تعليق فيه فكره حلوه وهى انه يمكن تركيب مروحه على طرمبه الميه مع تركيب مروحه اوتوماتيك بتاعه تكييف فى الجهه الأماميه للريداتير و توصيلها بالترموستات الموجوده فى الريداتير ولاكن انا مشفتش التعديل ده موجود عند حد لاكن فكرته حلوه.
ملحوظه:
1-لا يفضل تغيير الترموستات بتاعه المروحه الأوتوماتيك بآخر أقل فى درجه الحراره لأن أنا جربت كده و أتفاجئت بأنها قضت على البطاريه فى خلال شهر.
2-إذا كنت هتحط مروحه على طرمبه الميه ضرورى تشترى قميص مناسب للمروحه لضمان جوده التبريد.
3- يفضل الإكتفاء بتغيير الثرموستات الموجوده فى كوعه الميه ووضع الطبه على فتحه إعاده دخول الماء للموتور لأن ده هيعالج مشكله السخونه بطريقه سهله وبدون ما يغير فى شكل الموتور بإضافه تعديلات خارجيه شكلها موش حلو.
الموضوع كده خلص وأرجو ان يكون مفيد وتقبلو تحياتى

احمد على 1999
30-06-2010, 07:09 PM
شكرا ليك يا استاذ احمد لادا
فعلا اسم على مسمى

wsa
30-06-2010, 10:55 PM
very god ya man

احمد الشناوى1981
02-07-2010, 09:51 PM
شكرا ليك يا استاذ احمد لادا
فعلا اسم على مسمى
لا شكر على واجب وأحب أهنيك على الموضوع الجميل بتاع فيشه الأكتان في الانوس فهو فعلاً من اجمل ما قرأت وفى انتظار مواضيع جديده على نفس المستوى

احمد على 1999
03-07-2010, 10:05 PM
لا شكر على واجب وأحب أهنيك على الموضوع الجميل بتاع فيشه الأكتان في الانوس فهو فعلاً من اجمل ما قرأت وفى انتظار مواضيع جديده على نفس المستوى
مرسيى جدا لذوقك يا باشا

mahmoud_mustafas
13-07-2010, 06:39 PM
بس أنا كنت عايز نصيحتك
أنا عايز أشترى عربيه أسريه و عائليه تستحمل ...<?xml:namespace prefix = o ns = "urn:schemas-microsoft-com:office:office" /><o:p></o:p>
و اللى معايا يادوبك يجيب لادا بحوالى 50000 بالتقسيط طبعا<o:p></o:p>
يا ترى أيه رأيك ... ؟؟؟<o:p></o:p>
و إيه الفرق 2105 أو 2107<o:p></o:p>

mahmoud_mustafas
13-07-2010, 06:42 PM
بس أنا كنت عايز نصيحتك
أنا عايز أشترى عربيه أسريه و عائليه تستحمل ...<?xml:namespace prefix = o ns = "urn:schemas-microsoft-com:office:office" /><o:p></o:p>
و اللى معايا يادوبك يجيب لادا بحوالى 50000 بالتقسيط طبعا<o:p></o:p>
يا ترى أيه رأيك ... ؟؟؟<o:p></o:p>

و إيه الفرق 2105 أو 2107<o:p></o:p>

ايمن رجب
14-07-2010, 08:46 AM
انا معايا لادا 2008 مصرى كانت بتسخن لدرجة انى باظ منى 2 ريداتير وعملت الاتى وراحت السخونة نهائى والحمد لله وانصح بالاتى

- تغيير الريداتير باخر نحاس 4 ماسورة (مصنع الشيخ بشبرا)
- الغاء ترموستات المياة فى الكوعة
- وضع مياة خضراء فى الريداتير (اللون حسب نوع الريداتير)
- علبة الشكمان الوسطى الاصلية تحتوى على مصفاة ذات اخرام ضيقة يجب توسيعها (مهم)
- تنضيف الكربوراتير بصفة مستمرة كل 6 شهور ( انصح بالمتخصصين فى جسر البحر بالقاهرة)
- ضبط التاكيهات والموتور

ايمن رجب
14-07-2010, 08:50 AM
ابحث ان الرد بتاعى واسال مجرب

gogofreedome
14-07-2010, 06:48 PM
بسم الله.هذه أول مشاركه لى فى هذا الموقع الجميل جدا رغم أننى متابع دائم له منذ أكثر من عام و من أشد المعجبين بهذا الموقع وبآراء أعضائه المتحابين و المتعاونين بشكل يبهر أى زائر .فأرجو ان تتقبلو دخولى . و أتمنى أن اساهم به على قدر ما أعرف و أستطيع.
أما بالنسبه لسبب إرتفاع درجه حراره محرك اللادا فهو ما شجعنى للتسجيل لتجربتى الشخصيه فى سيارتين لادا الأولى كانت موديل 1983 و الثانيه و هى الحاليه موديل 2007 مصرى.
وعلاج مشكله الحراره معروف لدى أكثر الفنيين فى طنطا يجوز لكثره عدد العربيات اللادا.
و السبب يرجع لأن العربيه مصممه للمشى فى الأجواء البارده مثل روسيا و يتم طرح السياره في مصر بدون أى تعديل لتناسب الجو الحار فى مصر...
اول مشكله هى أن دوره التبريد المفروض زى أى عربيه أن تكون بخروج الماء الساخن من الموتور الى الريداتير ليتم تبريده ثم يرجع مره أخرى الى الموتور.
إلا أن هذه الدوره فى اللادا لا تبدأ إلا بعد وصول درجه حراره السياره الى 90 درجه و ذلك بسبب الثرموستات الموجوده داخل كوعه الميه و يمكن إستبدالها بكوعه فارغه بدون ثرموستات ودى تمنها 15جنيه وتغيرها سهل.
ثانياً:أن دوره التبريد فى اللادا تكون بأن الماء الساخن بعد خروجه من الموتور لا يذهب الى الريداتير مباشرهً و لاكن يدخل الموتور مره أخرى ثم بعد ذلك يذهب للريداتير ليتم تبريده ثم يخرج من الريداتير الى الموتور وبهذا يكون الماء أخذ دورتين داخل الموتور قبل ما يروح للريداتير ليبرد...وده لانه فى روسيا هو محتاج يحافظ على درجه حراره الموتور عاليه متبردش من الجو الثلج الى بره....وعلاج ده عندنا أننا بنحط طبه أو نسد الفتحه الى بتعيد دخول الماء مره أخرى للموتور و ذلك لكى تكون دوره التبريد زى أى عربيه من الموتور الى الريداتير ثم الى الموتور وهكذا.و إن شاء الله هصور الأماكن باظبط للتوضيح .
الى هذا الحد العربيه مش هتسخن بإذن الله لأن دوره التبريد بدأت مع بدايه تشغيل المحرك و الماء أخذ دوره واحده داخل الموتور.
العربيه موديل 1983عملت فيها التعديل ده + انى شلت المروحه الأوتوماتيك وركبت مروحه على طرمبه الميه مع ملاظه أن الريداتيير فى العربيه دى كان نحاس وأكبر من الموجود حاليا فى الزيرو و العربيه كانت مبتسخنش أبداً مع ملاحظه انه يفضل تجربه المروحه الصغيره الاول لأن فى نوع 8 ريشه جميل لاكن صوتها بيون شويه.
العربيه موديل 2007 لم ينفع معها تركيب مروحه على طرمبه الميه لاقيت العربيه بتسخن يجوز لان الريداتير الألمونيا تبريده أقل من النحاس لاكن عموما العربيه يكفى التعديل الأول وهو شيل الثرموستات فى كوعه الميه ووضع الطبه على فتحه إعاده دخول الماء للموتوروهوالوضع الحالى عندى والعربيه مبتسخنش .
فى تعليق فيه فكره حلوه وهى انه يمكن تركيب مروحه على طرمبه الميه مع تركيب مروحه اوتوماتيك بتاعه تكييف فى الجهه الأماميه للريداتير و توصيلها بالترموستات الموجوده فى الريداتير ولاكن انا مشفتش التعديل ده موجود عند حد لاكن فكرته حلوه.
ملحوظه:
1-لا يفضل تغيير الترموستات بتاعه المروحه الأوتوماتيك بآخر أقل فى درجه الحراره لأن أنا جربت كده و أتفاجئت بأنها قضت على البطاريه فى خلال شهر.
2-إذا كنت هتحط مروحه على طرمبه الميه ضرورى تشترى قميص مناسب للمروحه لضمان جوده التبريد.
3- يفضل الإكتفاء بتغيير الثرموستات الموجوده فى كوعه الميه ووضع الطبه على فتحه إعاده دخول الماء للموتور لأن ده هيعالج مشكله السخونه بطريقه سهله وبدون ما يغير فى شكل الموتور بإضافه تعديلات خارجيه شكلها موش حلو.
الموضوع كده خلص وأرجو ان يكون مفيد وتقبلو تحياتى
السلام عليكم ورحمة الله وبركاتة
دة موضوع جميل جداً وفعلاً هو دة الحل المثل فى كل العربيات اليبتسخن مش الادا بس أنا عندى لادا وفعلاً شلت الثرموستات بتاع الكوعة وحطيت طبة والحرارة مبتعلاش غير لما أمشى على السلاسنسة والدنيا زحمة بتجيب 95 اما غير كدة مبتعديش 90 ولا غيرت ريداتير ولا حاجة

احمد الشناوى1981
17-07-2010, 09:25 AM
السلام عليكم ورحمة الله وبركاتة
دة موضوع جميل جداً وفعلاً هو دة الحل المثل فى كل العربيات اليبتسخن مش الادا بس أنا عندى لادا وفعلاً شلت الثرموستات بتاع الكوعة وحطيت طبة والحرارة مبتعلاش غير لما أمشى على السلاسنسة والدنيا زحمة بتجيب 95 اما غير كدة مبتعديش 90 ولا غيرت ريداتير ولا حاجة
شكرا يا باشا على الرد الجميل و انا سعيد ان الموضوع عجبك .
بس انا كنت نسيت أنى اقول انه ضرورى جدا نشيل كوعه الميه الى فيها الترموستات و نستبدلها بواحده فاضيه بدون ترموستات ودا حتى لو مبتشتكيش من مشكله الحراره لأن الترموستات دى لو باظت الحراره بترفع فجأة ولو مخدتش بالك من عداد الحراره العربيه ممكن تضرب جوان وش سليندر ولو خدت بالك من عداد الحراره وبطلت العربيه وجبت ميكانيكى ممكن يقعد يلف حوالين نفسه وما يخدش باله ان ترموستات الكوعه هى الى بايظه .و عموما الترموستات دى لما بتبوظ بتعرفها بأن العربيه بتكون حرارتها بتزيد بسرعه جدا و لو فتحت الريداتير هتلاقى الميه الى فيه بارده لان الترموستات مبتسمحلهاش تخش الموتور أصلا.
فى حاجه كمان ممكن تتعمل لو حبيت وهى انك تغير الطنبوره الى بتلف السير بتاع طرمبه الميه بواحده اصغر ودا بيخلى طرمبه الميه تشتغل أسرع وطبعا تبرد اسرع بس لو عملت كدا اتأكد ان السير بعد الطنبوره الجديده مظبوط بمعنى ان الطنبوره فى فى نفس مستوى طرمبه الميه و السير مش معوج علشان ميصفرش ولا يتقطع بسرعه.

احمد على 1999
17-07-2010, 10:15 AM
حلوة المعلومات شكرا يا احمد لادا باشا

Ahmed Abu El-Fetouh
17-07-2010, 01:07 PM
الاستاذ احمد
مشكور على المجهود الواضح والخبرة الكبيرة-ماشاء الله-وارجو توضيح ان كان هذا التعديل سارى بالنسبة لللادا سمارة 2115 موديل 2008 او 2007
ثم هناك نقطة اخرى
اطراف الكهرباء توصيل ترموستات الكوعة بنعمل فيهم ايه بنعزلهم عن بعض ولا بنقفل الدايرة بتاعتهم يعنى نوصلهم على بعض
ولك الشكر

أحمد أبو الفتوح

احمد على 1999
18-07-2010, 09:33 AM
ثم هناك نقطة اخرى
اطراف الكهرباء توصيل ترموستات الكوعة بنعمل فيهم ايه بنعزلهم عن بعض ولا بنقفل الدايرة بتاعتهم يعنى نوصلهم على بعض
ولك الشكر

أحمد أبو الفتوح
اكيد الاستاذ احمد كان قصده ثرموستات الكوعة الى هى مش كهربية دى شغالة ميكانيكيا عن طريق ارتفاع و انخفاض درجة الحرارة ( بالشمع مثلا فى بعض السيارات)
التانية الكهرباء دى لا غنى عنها لان دى الى بتشغل المراوح

احمد الشناوى1981
18-07-2010, 10:12 AM
اكيد الاستاذ احمد كان قصده ثرموستات الكوعة الى هى مش كهربية دى شغالة ميكانيكيا عن طريق ارتفاع و انخفاض درجة الحرارة ( بالشمع مثلا فى بعض السيارات)
التانية الكهرباء دى لا غنى عنها لان دى الى بتشغل المراوح
ازيك يا أستاذ /احمد على ....انا سعيد انك لسه متابع الموضوع و فعلا زى ما حضرتك وضحت ان ترموستات الكوعه مبتشتغلش بالكهرباء وحلها اننا بنشيل الكوعه الى جواها الترموستات ونشترى كوعه تانيه مصنوعه هنا فى مصر بتكون فاضيه من جوه مفيهاش ترموستات ودى تمنها 15 جنيه .

احمد الشناوى1981
18-07-2010, 10:22 AM
الاستاذ احمد
مشكور على المجهود الواضح والخبرة الكبيرة-ماشاء الله-وارجو توضيح ان كان هذا التعديل سارى بالنسبة لللادا سمارة 2115 موديل 2008 او 2007
ثم هناك نقطة اخرى
اطراف الكهرباء توصيل ترموستات الكوعة بنعمل فيهم ايه بنعزلهم عن بعض ولا بنقفل الدايرة بتاعتهم يعنى نوصلهم على بعض
ولك الشكر

أحمد أبو الفتوح
اهلا بيك يا أستاذ احمد
انا آسف انا معرفش حد عنده لادا سماره 2115 ومش عارف تبريد العربيه دى بيكون ازاى
انا معلوماتى عن لادا سماره تنحصر فى سماره موديل 1991 سوقتها لمده اسبوعين فقط ودى ماكنتش بتسخن و ماشاء الله عربيه ناعمه وجميله و ان شاء الله تكون عربيتك أحسن منها.

احمد على 1999
18-07-2010, 02:56 PM
ازيك يا أستاذ /احمد على ....انا سعيد انك لسه متابع الموضوع .
ازى حضرتك و الله الواحد بيزداد خبره مع متابعة المواضيع بتاعة المنتدى
و بعدين ما شاء الله الموضوع دسم

alkbir
17-10-2010, 09:44 AM
اللادا هى لادا خشونة و سخونة

alkbir
17-10-2010, 09:56 AM
فكرة انك تغير الترموستات بواحد واطى دى مش صح انت كدة بتخلى المروحة المبردة تشتغل عند درجة حرارة اقل و بمعنى اصح انها هتشتغل فترات اكتر و تؤثر على البطارية لكن فكرة انك تصحح دورة التبريد دى صح مظبوط لازم تشيل الترموستات اللى بداخل الكوع و تعمل الطبة اللى على الموتور عشان دورة التبريد تكون كاملة و صحيحة و فكرة انك تركب مروحة لطش او يعنى على الموتور مع الطنبورة ماشى ممكن و تركب قميص للرداياتير وتكون متاكد من جودة طلمبة المياة هى هتفرق بس فى الصوت بنسبة صغير بس و كل موضوع السخونة دة على ان السيارة لسة جديدة مش مستعملة عشان مندخلش فى مواضيع وش السلندر و جوانات وضبط تاكيهات لكن كدة احنا بنتكلم على الجديد اوك

alkbir
17-10-2010, 10:19 AM
من ناحية ان الدركسيون تقيل دة عادى بس ممكن تركب باور او تغير السنارة و تركب بلى و تشوف زيت العلبة كدة يعنى

alkbir
17-10-2010, 10:21 AM
احنا عاوزين نتكلم عن الصيانة اللازمة و الصيانة الدورية و لو حابين نتكلم سيبو ارائكم و تعليقاتكم و نتكلم اكتر اوك

ديزاينر
17-10-2010, 10:58 PM
حد يفيدنى فيه نيفا موديل السنه روسى ولا مصرى بس ؟ والمصرى كويس ولا مشتريش احسن ؟

ديزاينر
18-10-2010, 11:57 PM
ارجو الرد سريعا فيه نيفا روسى موديل السنه ولا مصرى بس وبكام الروسى والمصرى وشكرا للخبراء

mido_4up
19-10-2010, 12:39 PM
أعتقد انه عادى و مفيش مشكله فى العربيه ان شاء الله

ديزاينر
19-10-2010, 10:33 PM
يا اهل الخبره فيه نيفا موديل السنه روسى ولا مصرى بس وبكام كل واحده ؟

sharooo
20-10-2010, 12:46 PM
السلام عليكم
الي هتدفعه ف نيفا ادفعه ف كوري احسنلك بمراحل

sharooo
20-10-2010, 01:04 PM
السلام عليكم
كان معايا بولونيز وعالجت السخونيه بس كلفتني شويه
1-غيرت رديتر وركبته نحاس 3 ماسوره250 تقريبا
2-غيرت المروحه وجبتها بتاعه فيات سيينا كبيييره وريشها كتيير ومقوسه 180 بالتركيب والكتاوت
3-جبت مورحه صفرا وركبتها على مسامير طلمبه المياه وبقت تشتغل مع دوران المحرك20 بالتركيب
4-غيرت الشكمان كامل وركبت شكمان واسع بعلبتين220 بالتركيب
غيرت الثيرموسات بواحد 80كلف 30 بالتركيب
5-جركن مياه خضراء 25

يعني دفعت ف حدود600 جنيه بس بعد كده الحراره فعلا مكنتش بتعلا ابدا ودايما تحت90 وانا كنت بحرق على المتور كتير

أبوطبق
20-10-2010, 08:39 PM
مؤشر الحرارة عادى جداً بس مية القربة تتناقص

ابو جودة
20-10-2010, 09:05 PM
شكرا على المعلومات

sharooo
25-10-2010, 09:41 PM
السلام عليكم
لو سائل التبريد بينقص يبقى لاوم يسيب اثر من مكان تسريبه. افحص الاتي:
1-غطاء الرديتر و شفه زور الرديتر
2-غطاء القربه والخرطوم
3- جميع الكوليهات العلويه والسفليه
4-طبب مياه في جنب المتور ممكن تكون مصديه من جوه ومخرومه خرم صغير
5-كيعان المياه الكوتش ممكن تكون مشققه وبتسرب
6-لو ده كله راجعته ومش عارف سبب التسريب فك الرديتر وطلعه بره خالص وافحصه هتلاقي التسريب من جزء مش بيبان وهو راكب مكانه...
ارجو اكون ساعدتك

ahmedsherif1990
25-10-2010, 10:21 PM
انا كان عندى نفس المشكلة تقريبا بس فى عربية بيجو 504 رحت للميكانيكى قاللى ان امبير الحرارة بيكدب و اثبتلى لما حط ترمومتر ف الريداتير لقيت الحرارة لما كانت ع العداد عالية -طبيعية جدا على الله اكون افدتك اخ /محمد و شكرا

Mr Albert
31-10-2010, 07:18 PM
يا جماعة أرجوكم سؤال بخصوص اللادا 2107 أنا قررت أجيبها زيرو لكن لما سألت في فرع أباظة عندنا في الصعيد قاللي إن الروسي في منه بدون كماليات أو بالتكييف بس لكن مفيش منه بالباور أما المصري ففي منه بكل حاجة هل الكلام ده صح و لا لأ ؟؟؟ أرجوكم تردوا عليا لأني عايز أجيب الروسي و مش عايز أجيب المصري و ألف شكر بجد الموضوع هايل و في معلومات رائعة .

حسن بكر
20-11-2010, 02:37 PM
أخي محمد ..
لك ولجميع الأعضاء تحياتي .
واجهتني تلك المشكلة في 2105 وأصبحت مشكلة مؤلمة جدا فذهبت إلى فني رداتيرات ونصحني بتغير الرداتير بآخر له مخرج ثلاثة مواسير بدلا من أثنين لكي تكون عملية التبريد أسرع فتم فعلا تغييره بآخر شرائحه نحاس بدلا من الحديد وله ثلاثة مخارج للمياه وللعلم ثمنه بتركيبة 260 جنيه وأصبحت العربية بسم الله ما شاء الله زي الفل لدرجة انني أتذكر أنني مشيت بها في أحد الأيام الملتهبة شديدة الحر لمدة 11 ساعة متواصلة نهارا في عز الحر والحمد لله لم أحس بأي مشكلة ومؤشر الحرارة في الزحام الشديد يرفع رأسه ويبتسم لي وينام ثانيا . وتقبل تحياتي

ابن فنان
23-11-2010, 05:29 PM
http://www7.0zz0.com/2010/11/14/13/135351880.jpg

amrodardiry
25-11-2010, 02:37 PM
من رايي يا استاذ محمد عبد الجابر انك تغير سويتش المروحة (الساعة) بواحد واطى يشتغل عند 80 درجة مش 90 درجة وانا جربت ده واتحلت المشكلة واثناء البحث عن حل كان كل الصنايعية عاوزة تعمل شغل على قفايا.
صحيح المروحة حتشتغل كتير بس مش حتقضى على البطارية الا اذا كانت العربية واطيه (يعنى مؤشر الـ RPM قريب جدا من الزيرو والعربية فى السلانسيه ودى حاجه بيعملها اصحاب التاكسي علشان الموتور داير بصفه مستمرة علشان يقلل استهلاك البنزين.
بالنسبه للمراوح الامامية والردياتير الثانى ده مش حيخليك تركب تكييف فى المستقبل واذا كان راكب مش حتعرف تعمل التعديل ده.
بالنسبه لالغاء الترموستات فهذا شئ خطير جدا على الموتور خصوصا في الشتاء ولاحظ ان الموتور لازم يكون سخن بدرجه حرارة ثابته فى جميع اجزاؤه علشان ضمان جودة احتراق البنزين وضمان عدم تلف اجزاؤه الداخليه يعنى الحل ده تعمله لما العربية تقدم معاك وكل تعديل بيقلل سعر البيع!!!!!!!!