المساعد الشخصي الرقمي

مشاهدة النسخة كاملة : عايز تروح اى محافظة او مكا ن داخل مصر


خالدخليفة
16-02-2010, 06:22 AM
عايز تروح اى مكان او محافظة داخل مصر ابعت هنا و قول مكانك فين وانا هبعت لك تروح ازاى من مكانك للمكان المقصود ان شاء الله

Dr. Bolbolan
16-02-2010, 09:17 AM
ماشى يا باشا ! نختبر معلوملتك !

1- وادى الجن !

2- الريسانه !

3- أبو الحسن !

4- بهجوره !

5- بير النص !

6- بير لحفن !

7- قلبشو !

8- تمى !

9- الاسكندريه الجديده !

10- مطاى !

11- ميت الغرقه !


Dr. Bolbolan :HAPPY_~211:

خالداعزالناس
16-02-2010, 09:56 AM
الا الاخ الفاضل خالد شكرا على المجهود
والاخ الفاضل / حكيم المنتدى طيب انا عاوز اعرف الاماكن دى فين لانى بحب الفسح والخروج

Dr. Bolbolan
16-02-2010, 10:04 AM
الا الاخ الفاضل خالد شكرا على المجهود
والاخ الفاضل / حكيم المنتدى طيب انا عاوز اعرف الاماكن دى فين لانى بحب الفسح والخروج


الآخ خالد أعز الناس ! الآماكن دى كلها فى مصر من شرقها لغربها و من شمالها لجنوبها وأنا دستها

كلها وفيه أكثر كثير ! بس الاجابه على سؤالك هو مسئولية الآخ خالد خليفه كبير الصعيديه جبلى !

ولا أنصحك بالذهاب الى هذه الآماكن اذا كنت تحب الفسح و الخروج ! الا اذا كانت خروجه بلا عوده محتمله !

Dr. Bolbolan ptmnlo123per122

الجرئ
16-02-2010, 11:16 AM
شكرا على موضوعك اخ خالد
الاسكندريه شرم الشيخ مع الخريطه لو تسمح
يا حكيم المنتدى الاسكندريه الجديده دى فين لو سمحت ؟

Dr. Bolbolan
16-02-2010, 11:21 AM
شكرا على موضوعك اخ خالد

الاسكندريه شرم الشيخ مع الخريطه لو تسمح

يا حكيم المنتدى الاسكندريه الجديده دى فين لو سمحت ؟


جنوب شرق الزرقاء محافظة دمياط !

Dr. Bolbolan ptmnlo123per122

المناور
16-02-2010, 11:22 AM
أخ خليفة أزاى أروح مرور عين الصيرة اللى قدام جنينة الفسطاط من وسط البلد .

بووووودي
16-02-2010, 12:04 PM
لو حد عايز يسأل عن حاجة في دمياط أنا تحت أمركوا

samko
16-02-2010, 12:16 PM
اولادخلف
الطرحة
الزعاترة
شرمساح
البراشية
الطرحة
كفور الغاب
العطوى


ودول كمان فى دمياط

hesham mansour
16-02-2010, 03:24 PM
لو تمي دي المقصود بيها تمي الامديد
بلاش أحسن زي ما الدكتور بيقول
طريقها يجيب بواسير

كومندا
18-02-2010, 11:54 PM
عزبة ايطاليا

لبشيط

شيوه

الرهبين

القيصريه

عقدة الراجل يا دكتور بلبلان

ميدوستار
19-02-2010, 12:09 AM
ما تخليها بجميلة يا أخي وخلي مصاريف الرحلة عليك علشان ندعي لك.

خالداعزالناس
19-02-2010, 08:34 PM
طيب فى مطعم مشهور جدا
كان قال عليه عادل امام فى احد افلامه (التجربه الدنماركيه)
والمطعم اسمه ((((( زيزو نتانه ))))
مكانه فين ؟
برجاء الرد _ وشكرا للجميع

خالدخليفة
19-02-2010, 08:53 PM
ماشى يا باشا ! نختبر معلوملتك !

1- وادى الجن !

2- الريسانه !

3- أبو الحسن !

4- بهجوره !

5- بير النص !

6- بير لحفن !

7- قلبشو !

8- تمى !

9- الاسكندريه الجديده !

10- مطاى !

11- ميت الغرقه !


Dr. Bolbolan :HAPPY_~211:
ههههههههههههههه تصور انا نسيت اصلا انى كتبت الموضوع ده لانهم بيجيبو اخر 25 رد او موضوع ولازم نشوف طريقة للمنتدى بحيث الناس تعرف تتابع المواضيع وممكن الواحد يقعد يومين تلاتة ميدخلش فينسى الموضوع وانا شخصيا مش عارف اتابع موضوعك مع الاخ بتاع شركة التأمين لانه قال انه هيرد وانا مش لاقى الموضوع مكتوب فين اصلا ده اولا
ثانيا / اقصد من موضوعى ده طرق السفر وكيفيتها والاماكن الكبيره والمحافظات واشهر الاماكن فيها لان دى اللى تهم القارىء بصفة عامة لكن القرى هتهمه فى ايه لكن برضه هرد عى حسب معلوماتى وملاحاظاتى عن القرى لان معظم اللى قلتهم دول قرى وبصفتك رحالة زى حالاتى ممكن تقوللنا قرية بوليفيا تبقى فين ونبدأ باسم الله
1- بهجورة تابعة لمحافظة قنا واشهر من خرج منها للاسف الشاعر البهائى جورج بهجورى
2- مطاى ده احد مراكز المنيا ويبعد عن القاهرة تقريبا 190 كيلو بالقطار
3- ميت الغرقة دى غالبا دقهلية لكن فين مش عارف لانى لم اجد القرى اللى اساميها فيها مئات اللا فى الدقهليه
4 - قلابشو ان كنت تقصد كلابشة اللى قبل اسوان بحوالى 20 كيلو فاسمها الصحيح كلابشة وهى قرية نوبية صغيرة لكن موقعها جميل جدا ولو فى بلد تانية لتم تنميتها سياحيا وهناك رايت اعجب منظر ممكن تشوفه القطار يخترق الجبل والنيل معا يعنى لو معاك كاميرا وصورت القطار من الخلف ستج الجبل لازق فى القطار والنيل تحته مباشرة
5- وادى الجن والريسانة دول غالبا فى سيناء و دى انا مروحتهاش للاسف وهى المكان الوحيد فى مصر اللى لم اذهب اليه
6 - تمى ان كنت تقصد بيها قرية تمى الامديد فهى من قرى الشرقية وغالبا ان لم تخننى الذاكرة ة الزعيم المصرى احمد عرابى اللى للاسف رغم شجاعته لم تكن علاقته بربه جيدة ولذلك هزم فى التل الكبير رغم ان التاريخ يقول ان الشعب كان مستعدا لمساندته والالتفاف حوله حتى اخر رمق ولكن قبل المعركة مع الانجليز حضرت صلاة العصر فققال له الجنود نصلى جماعات متناوبة فقال مفيش صلاة وكلام من ده ومنعهم من الصلاة وهذا الكلام يتم التعتيم عليه حتى لاتهتز صورته كزعيم كبير وهو له تمثال كبير امام محطة قطار الزقازيق وعجبت لان كثير من الناس فى المحافظة ميعرفوش ده تمثال مين
7 - الاسكندرية الجديدة اعتقد تقصد 6 اكتوبر وده بعد الكيلو 21 وهناك اشهر منتجع سياحى بعد مارينا اسمه شاطىء النخيل ولو غير كده اوعدك هسال عليها وارد عليك لانى شبه كل يومين تلاتة فى اسكندرية ومطروح الفترة اللى فاتت دى
اما المكانين التانيين فللاسف لا اعرفهم وكما قلت فالغرض من الموضوع الاماكن الاساسية اللى تذهب اليها الناس وليست الاماكن الفرعية وانا شخصيا كنت لا اعرف بطرة دى تبقى فين رغم انى لى احد اصدقائى منها ولا الشيخ جاد الحق شيخ الازهر السابق يرحمه الله منين حتى رايت صورة الشيخ فى مدخل البلد وانا مسافر من المنصورة لدمياط اللهم ارحمه رحمة واسعة اللهم آمين

خالدخليفة
19-02-2010, 08:58 PM
الا الاخ الفاضل خالد شكرا على المجهود
والاخ الفاضل / حكيم المنتدى طيب انا عاوز اعرف الاماكن دى فين لانى بحب الفسح والخروج
ياسيدى انا اللى اشكر ليك ردك واهتمامك والاماكن اللى قال عليها الدكتور بوبولان دى معظمها قرى عادية جدا بس هو عايز يزنقنى فى خانة ال يك وانا غلبااااااااااااااااااان

خالدخليفة
20-02-2010, 12:13 AM
الآخ خالد أعز الناس ! الآماكن دى كلها فى مصر من شرقها لغربها و من شمالها لجنوبها وأنا دستها

كلها وفيه أكثر كثير ! بس الاجابه على سؤالك هو مسئولية الآخ خالد خليفه كبير الصعيديه جبلى !

ولا أنصحك بالذهاب الى هذه الآماكن اذا كنت تحب الفسح و الخروج ! الا اذا كانت خروجه بلا عوده محتمله !

Dr. Bolbolan ptmnlo123per122
يعنى تنصح الراجل انه ميروحش وطالب منى اقوللك هيا فين (ههههههههههههه) انت شكلك بتحبنى اوى ومع ذلك جاوبنا قدر المستطاع

خالدخليفة
20-02-2010, 12:16 AM
شكرا على موضوعك اخ خالد
الاسكندريه شرم الشيخ مع الخريطه لو تسمح
يا حكيم المنتدى الاسكندريه الجديده دى فين لو سمحت ؟

الاسكندرية شرم الشيخ هتركب عربيتك لحد الدولى فى ابيس وتركب الدولى هتنزل بلد اسمها الزرقا تكمل كأنك رايح دمياط وتدخل من باب الحرس على الدول وتكمل لحد كوبرى الفردان قبل بورسعيد ب5 كيلو وتدخل سينا وطريقك صحراوى بعد كده حتى شرم الشيخ

خالدخليفة
20-02-2010, 12:25 AM
أخ خليفة أزاى أروح مرور عين الصيرة اللى قدام جنينة الفسطاط من وسط البلد .
يعنى انت المناور ومش عارف تعمل مناورة فى الزحمة وتدخل عين الصيرة (هههههههه)
عموما لو انت فى وسط البلد تدخل ميدان التحرير ثم اليمين التانى من جنب جامع عمر مكرم تمشى لاخر الشارع هتلاقى اشارة تدخل بعدها (مش معاها ) يمين هتلاقى فندق سميراميس جنبك على الشمال تكسر شمال مع النيل لحد المنيل تكمل هتلاقى كوبرى ادامك متطلعوش خش من تحته وتكسر يمين لان ملكش شمال هتلاقى سينما فاتن حمامة على شمالك اول يو ترن شمال تلف وترجع هتعدى من تحت الكوبرى هتلاقى ف وشك نفق ادخله وكمل على طول لحد متلاقى المرور وحديقة الفسطاط ولو انت جاى من حتة تانية مصر الجديدة او مدين نصر او الزيتون او عين شمس او المطرية او مدينة السلام او مكان فى شرق القاهرة تدخل من صلاح سالم افضل واسهل بكتير

خالدخليفة
20-02-2010, 12:30 AM
طيب فى مطعم مشهور جدا
كان قال عليه عادل امام فى احد افلامه (التجربه الدنماركيه)
والمطعم اسمه ((((( زيزو نتانه ))))
مكانه فين ؟
برجاء الرد _ وشكرا للجميع
هههههههههههههههههه انتو فعلا عايزين تعقدونى مش تستفيدو من خرايط السير عموما زيزو نتانة ده مطعم فعلا موجود اسمه زيزو ادام بوابة النصر بعربيتك لو جاى من صلاح سالم هتدخل النفق مش الكوبرى اللى بعد مسجد الرحمن الرحيم عند دار المركبات ويمين من عند اتحاد الشرطة الرياضى ثم ميدان الفردوس ثم شمال ثم يمين هتلاقيه ادام بوابة النصر حاطط الترابيزاات فى الشارع ولو جاى من العتبة اول يمين بعد ميدان باب الشعرية هتلاقى بوابة النصر وهو ادامها

خالدخليفة
20-02-2010, 12:35 AM
ما تخليها بجميلة يا أخي وخلي مصاريف الرحلة عليك علشان ندعي لك.
ياعم الصعايدة اهل كرم وتيجى انت والاسرة الكريمة على دماغى من فوق لكن القرى اللى بيقولوها اخواننا دى هتدعى عليا لو روحتها دول بيهزرو معايا رغم ان قصدى اخدمهم لو حد مش عارف السكة لاى مكان والا حاجة لكن نعمل ايه للدكتور بولبولان جاب اماكن الداخل مفقود والخار ج مولو د ولما احد اخواننا قال له اروحها قال له بلاش الا لو كانت رحلة بلا رجعة وقلبوها بهزار والصعايدة زى م انت عارف روحهم طيبة وانا موافق وادينى بضحك اهو ( هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههه)

خالدخليفة
20-02-2010, 12:39 AM
نسيت اقول ان الاسكندرية الجديدة غرب مدينة الاسكندرية بحوالى 40 كيلو فى طريق مطروح بين الكيلو 21 وابو تلات وللى جاى من القاهرة هتمشى صحراوى لحد العامرية وتركب كوبرى العامرية وتنزل منه تانى يمين مدخل ا لساحل الشمالى فى اخره الاسكندرية الجديدة واما القادم من اسكندرية ممكن نفس الطريق او طريق العجمى ثم ال21 ثم يسارا على مطروح هتمشى حوالى 15 كيلو تقريبا

Dr. Bolbolan
20-02-2010, 12:47 AM
ههههههههههههههه تصور انا نسيت اصلا انى كتبت الموضوع ده لانهم بيجيبو اخر 25 رد او موضوع ولازم نشوف طريقة للمنتدى بحيث الناس تعرف تتابع المواضيع وممكن الواحد يقعد يومين تلاتة ميدخلش فينسى الموضوع وانا شخصيا مش عارف اتابع موضوعك مع الاخ بتاع شركة التأمين لانه قال انه هيرد وانا مش لاقى الموضوع مكتوب فين اصلا ده اولا

دى حاجه سهله خالص ! اضغط على اسم الشخص اللى انت عاوز تشوف موضوعاته ! سيفتح لك ملفه الشخصى

ابحث عن احصائيات ! افتحها ! تجد مشاركاته لوحدها و موضوعاته لوحدها ! اضغط على اللى انت عايزه ينفتح

لك كل مشاركاته أو كل موضوعاته واختار بأه اللى انت عايزه !

ثانيا / اقصد من موضوعى ده طرق السفر وكيفيتها والاماكن الكبيره والمحافظات واشهر الاماكن فيها لان دى اللى تهم القارىء بصفة عامة لكن القرى هتهمه فى ايه لكن برضه هرد عى حسب معلوماتى وملاحاظاتى عن القرى لان معظم اللى قلتهم دول قرى وبصفتك رحالة زى حالاتى ممكن تقوللنا قرية بوليفيا تبقى فين ونبدأ باسم الله

1- بهجورة تابعة لمحافظة قنا واشهر من خرج منها للاسف الشاعر البهائى جورج بهجورى

متهيألى جورج البهجورى ده كان رسام فى مجلة صباح الخير و مهاجر فى فرنسـا !

2- مطاى ده احد مراكز المنيا ويبعد عن القاهرة تقريبا 190 كيلو بالقطار

3- ميت الغرقة دى غالبا دقهلية لكن فين مش عارف لانى لم اجد القرى اللى اساميها فيها مئات اللا فى الدقهليه

صح أول قريه فى طريق المنصوره المحله من ناحية المنصوره ! وأسموها كده لانحناء النيل عندها لذلك كانوا غرقى

المنصوره بيرميهم التيار هناك ! لكن دلوقت اسمها ميت الكرمـا !

4 - قلابشو ان كنت تقصد كلابشة اللى قبل اسوان بحوالى 20 كيلو فاسمها الصحيح كلابشة وهى قرية نوبية صغيرة

لآه - قلابشو بلد من أعمال بلقاس دقهليه و هى قريبه من البحر و منطقة انتاج بترول و غازات !

لكن موقعها جميل جدا ولو فى بلد تانية لتم تنميتها سياحيا وهناك رايت اعجب منظر ممكن تشوفه القطار يخترق الجبل والنيل معا يعنى لو معاك كاميرا وصورت القطار من الخلف ستج الجبل لازق فى القطار والنيل تحته مباشرة

5- وادى الجن والريسانة دول غالبا فى سيناء و دى انا مروحتهاش للاسف وهى المكان الوحيد فى مصر اللى لم اذهب اليه

وادى الجن موجود فى الصحراء الغربيه جنوب العلمين !

الريسـانه بلده أو قريه فى منتصف سيناء وقريبه من بلدة الحسنه !

6 - تمى ان كنت تقصد بيها قرية تمى الامديد فهى من قرى الشرقية وغالبا ان لم تخننى الذاكرة ة الزعيم المصرى احمد عرابى اللى للاسف رغم شجاعته لم تكن علاقته بربه جيدة ولذلك هزم فى التل الكبير رغم ان التاريخ يقول ان الشعب كان مستعدا لمساندته والالتفاف حوله حتى اخر رمق ولكن قبل المعركة مع الانجليز حضرت صلاة العصر فققال له الجنود نصلى جماعات متناوبة فقال مفيش صلاة وكلام من ده ومنعهم من الصلاة وهذا الكلام يتم التعتيم عليه حتى لاتهتز صورته كزعيم كبير وهو له تمثال كبير امام محطة قطار الزقازيق وعجبت لان كثير من الناس فى المحافظة ميعرفوش ده تمثال مين هيه بعينها !

7 - الاسكندرية الجديدة اعتقد تقصد 6 اكتوبر وده بعد الكيلو 21 وهناك اشهر منتجع سياحى بعد مارينا اسمه شاطىء النخيل ولو غير كده اوعدك هسال عليها وارد عليك لانى شبه كل يومين تلاتة فى اسكندرية ومطروح الفترة اللى فاتت دى

قلنا اسكندريه الجديده دى بلد فى دمياط و تقع جنوب شرق فارسكور و هى على حدود المنصوره !

اما المكانين التانيين فللاسف لا اعرفهم

بير النص هيه مش بلد لكن منطقه صحراويه بتروليه تقع بين مرسى مطروح وواحة سيوه !

بير لحفن دى فى ســـينا !

وكما قلت فالغرض من الموضوع الاماكن الاساسية اللى تذهب اليها الناس وليست الاماكن الفرعية وانا شخصيا كنت لا اعرف بطرة دى تبقى فين رغم انى لى احد اصدقائى منها ولا الشيخ جاد الحق شيخ الازهر السابق يرحمه الله منين حتى رايت صورة الشيخ فى مدخل البلد وانا مسافر من المنصورة لدمياط اللهم ارحمه رحمة واسعة اللهم آمين

مع تحياتى يا أخ خالد يا خليفه !

Dr. Bolbolan ptmnlo123per122

خالدخليفة
20-02-2010, 01:13 AM
مع تحياتى يا أخ خالد يا خليفه !

Dr. Bolbolan ptmnlo123per122
والله انت ابن حلال انا كتبت اقتراح عن طريقة بحث اسهل عن الموضوعات و ده الرابط بتاعه
http://http://www.masrmotors.com/vb/showthread.php?p=137973#post137973 (http://http//www.masrmotors.com/vb/showthread.php?p=137973#post137973)
وبهجورى ده رسام كاريكاتير فعلا
واما الاسكندرية الجديدة دى بعد البحث والتحقيق وسؤال حبايبنا فى اسكندرية
اجمعو انها بين الكيلو 21 وابو تلات غرب اسكندرية طريق مطروح فدى جات منك اوت يادكتور

خالدخليفة
20-02-2010, 03:19 AM
على فكرة ياجماعة انا بقدم خدمة للاعضاء لو عايز يروح من مكان لمكان اوصف له الطريق مش بقول لكو اعملو لى امتحان وعقدونى ف عيشتى ههههههههه

MANO_War
20-02-2010, 04:15 AM
طيب فى مطعم مشهور جدا
كان قال عليه عادل امام فى احد افلامه (التجربه الدنماركيه)
والمطعم اسمه ((((( زيزو نتانه ))))
مكانه فين ؟
برجاء الرد _ وشكرا للجميع


شارع البنهاوى- باب الشعرية و أسمة زيزو فقط علشان متسئلش علية كدة

خالدخليفة
20-02-2010, 04:23 AM
شارع البنهاوى- باب الشعرية و أسمة زيزو فقط علشان متسئلش علية كدة
اه صحيح عندك حق احسن لو حد ميعرفوش وراح سال بالاسم ده هياكل ضرررررررررررب وييجى يدعى علينا هنا
ده اذا جه اصلا بعد علقة الاسم دى على هنا مش على المستشفى

MANO_War
20-02-2010, 04:32 AM
اه صحيح عندك حق احسن لو حد ميعرفوش وراح سال بالاسم ده هياكل ضرررررررررررب وييجى يدعى علينا هنا
ده اذا جه اصلا بعد علقة الاسم دى على هنا مش على المستشفى
ههههههههههههههههههههههههههههههههههههه
لا يا سيدى من غير ضرب خالص بس ابعد عن سندوتش العاصفة بتاعة بيعمل فعلا عاصفة بس فى التواليت فقط
هعهعهعهع


تحياتى

خالدخليفة
20-02-2010, 04:38 AM
ههههههههههههههههههههههههههههههههههههه
لا يا سيدى من غير ضرب خالص بس ابعد عن سندوتش العاصفة بتاعة بيعمل فعلا عاصفة بس فى التواليت فقط
هعهعهعهع


تحياتى
انا ياعم بطلت اكل عنده من سنة 95 ولا عواصف ولاغيره ربنا يكفينى شر العواصف احسن الاقى نفسى لوحدى فى البيت من العواصف اللى طالعة هيهربو كلهم هههههههههههه

MANO_War
20-02-2010, 04:50 AM
انا ياعم بطلت اكل عنده من سنة 95 ولا عواصف ولاغيره ربنا يكفينى شر العواصف احسن الاقى نفسى لوحدى فى البيت من العواصف اللى طالعة هيهربو كلهم هههههههههههه

هههههههههههههههههههههههههههههههههههههههههههههههه
الحمد لله و الله كويس ان ربنا عفا عنك منة
بس لذيذ و الله
انت ممكن تجرب القنبلة دى بقا أخف و ان كانت الاعراض الجانبية أكثر يعنى أحمرار فى العين
تقلصات مريبة فى اماكن غريبة .....ضيق نفس......ارتفاع فى درجة الحرارة.....حكة بسيطة فى الجلد و احمرار

لكن متقلقش كل دة بيروح فى ظرف 48 ساعة و لا ينصح بة مرضى القلب:260309~146:
ياعم دة بيقلك ان السندوتش تم ضمة اخيرا لقسم الحرب الكيميائية فى الجيش الهنــــــدىptmnlo123per1147


تحياتى

خالدخليفة
20-02-2010, 07:07 AM
هههههههههههههههههههههههههههههههههههههههههههههههه
الحمد لله و الله كويس ان ربنا عفا عنك منة
بس لذيذ و الله
انت ممكن تجرب القنبلة دى بقا أخف و ان كانت الاعراض الجانبية أكثر يعنى أحمرار فى العين
تقلصات مريبة فى اماكن غريبة .....ضيق نفس......ارتفاع فى درجة الحرارة.....حكة بسيطة فى الجلد و احمرار

لكن متقلقش كل دة بيروح فى ظرف 48 ساعة و لا ينصح بة مرضى القلب:260309~146:
ياعم دة بيقلك ان السندوتش تم ضمة اخيرا لقسم الحرب الكيميائية فى الجيش الهنــــــدىptmnlo123per1147


تحياتى
ايه الاسماء العجيبة دى مكانش على ايامنا الاسماء دى وبعدين لو ظابط قابلنى ماشى فى الشارع متربس كده اقول له ايه اصلى واكل قنبلتين من عند زيزو هيقبض عليا وعلى امن الدولة عدل وعينك متشوف الا النور يابا وهيخلونى اعترف انى اسامة بن لادن اللى مش لاقياه امريكا

Ahmed Hashem
20-02-2010, 07:10 AM
طيب يا خالد لو عايز اروح مكان حلو وبعيد وطريقه حلو اروح فين ؟؟

للعلم انا من القاهره

خالدخليفة
21-02-2010, 05:46 AM
طيب يا خالد لو عايز اروح مكان حلو وبعيد وطريقه حلو اروح فين ؟؟

للعلم انا من القاهره
اى مكان فيه حبايبك يبقى حلو
حدد المكان اللى انت رايحة وبفضل الله اقول لك تروح ازاى واسهل طريق ليه ان شاء الله

Ahmed Hashem
21-02-2010, 10:33 AM
ان شاء الله

خالدخليفة
04-03-2010, 08:44 AM
انا فعلا مش بهزر يمكن اخونا الكبير الدكتور بلبولان بدأها بهزار لما عمل اختبار معلومات ليا لكن القصد مكانش ده وانما مساعدة اخواننا فى المنتدى بحيث لو رايح اى مكان داخل جمهورية مصر ماعدا سينا لانى مدخلتهاش فانا اقدر اوصف لك اقرب واسرع واسهل طريق اليها مع الاشارة الى بعض الخدمات ان امكن و ده للتسهيل على اخواننا هنا فى المنتدى

Dr. Bolbolan
04-03-2010, 02:02 PM
انا فعلا مش بهزر يمكن اخونا الكبير الدكتور بلبولان بدأها بهزار لما عمل اختبار معلومات ليا لكن القصد مكانش ده وانما مساعدة اخواننا فى المنتدى بحيث لو رايح اى مكان داخل جمهورية مصر ماعدا سينا لانى مدخلتهاش فانا اقدر اوصف لك اقرب واسرع واسهل طريق اليها مع الاشارة الى بعض الخدمات ان امكن و ده للتسهيل على اخواننا هنا فى المنتدى


يا عم بارك الله فيك ! أنا فعلآ كنت بأهزر !
أصلى بأحب الصعايده مـــوت ! ptmnlo123per1106
Dr. Bolbolan ptmnlo123per122

خالدخليفة
05-03-2010, 07:11 AM
يا عم بارك الله فيك ! أنا فعلآ كنت بأهزر !
أصلى بأحب الصعايده مـــوت ! ptmnlo123per1106
Dr. Bolbolan ptmnlo123per122
والله واحنا بنحبك يادكتور تتصور انى مشيت طريق المنصورة المحلة ده كتير جدا ومخدتش بالى من ميت الغرقى دى والمرة دى افتكرتك وانا رايح قلت لازم اشوفها وفضلت من بعد سمنود عينى على اسامى القرى لحد م وصلت المنصورة ومشفتهاش
وبعدين كلمة الموت كبيرة كده ليه شكلك بتحبهم جددااااااااااااااااا لدرجة انك مش طايقهم ههههههه
ثم ياريت تجيب لى تفسير للمئات اللى فى الدقهلية دى والا هيا تهويش لينا والا ايه خد عندك مثال صغير/
ميت غمر / ميت الكرما / ميت عنتر/ ميت سلسيل الخ لدرجة انى خايف تكون ميت ابو الكوم بلد السادات دقهلية مش منوفية والمنايفة لطشوها منكو ولعلمك ميت عنتر دى مفيهاش ميت بيت على بعض يبقى ازاى فيها 100 عنتر هههههههههههههههههه

خالدخليفة
06-03-2010, 07:52 AM
ميت بره/ ميت عساس / ميت القايد او القائد /
ايه علاقة الدقهليه بالمئات دى كلها

Dr. Bolbolan
06-03-2010, 09:46 AM
والله واحنا بنحبك يادكتور تتصور انى مشيت طريق المنصورة المحلة ده كتير جدا ومخدتش بالى من ميت الغرقى دى والمرة دى افتكرتك وانا رايح قلت لازم اشوفها وفضلت من بعد سمنود عينى على اسامى القرى لحد م وصلت المنصورة ومشفتهاش
وبعدين كلمة الموت كبيرة كده ليه شكلك بتحبهم جددااااااااااااااااا لدرجة انك مش طايقهم ههههههه
ثم ياريت تجيب لى تفسير للمئات اللى فى الدقهلية دى والا هيا تهويش لينا والا ايه خد عندك مثال صغير/
ميت غمر / ميت الكرما / ميت عنتر/ ميت سلسيل الخ لدرجة انى خايف تكون ميت ابو الكوم بلد السادات دقهلية مش منوفية والمنايفة لطشوها منكو ولعلمك ميت عنتر دى مفيهاش ميت بيت على بعض يبقى ازاى فيها 100 عنتر هههههههههههههههههه

ميت بره/ ميت عساس / ميت القايد او القائد /
ايه علاقة الدقهليه بالمئات دى كلها

لآ واضح انك لاففها كعب داير ! بس يا هل ترى البلاد دى فيها ناس بتشترى بارفانات ؟؟

متهيألى كبيرهم تلت خمسات أو بنفسج !! أو ايسانس ماركة ( اف ) على رأى فؤاد

المهندس !


والله أعلم كلمة ( ميت ) دى تعنى بلده أو قريه أو ناحيه باللغه الفرعونيه !

أمال يا باشا ! ماهو الفراعنه كانوا فى الدلتا برده زى آثار صان الحجر و تمى الآمديد !

بس برده من قبل مينا ما يوحد القطرين يبدوا ان لهجة القطر الشمالى كانت مختلفه عن

لهجة القطر الجنوبى الصعيدى !

الصعايده أنا اشتغلت معاهم 10 سنين فى الصحراء و بصراحه شفت منهم الآمرين !

خصوصآ بتوع ( المخادمه ) و ( البسارطه ) و غيرهم ! و مش عايزين نجيب

سيرة الآشراف والبراهمه و أظنك فاهمنى !

Dr. Bolbolan ptmnlo123per122

خالدخليفة
07-03-2010, 03:47 AM
لآ واضح انك لاففها كعب داير ! بس يا هل ترى البلاد دى فيها ناس بتشترى بارفانات ؟؟

متهيألى كبيرهم تلت خمسات أو بنفسج !! أو ايسانس ماركة ( اف ) على رأى فؤاد

المهندس !


والله أعلم كلمة ( ميت ) دى تعنى بلده أو قريه أو ناحيه باللغه الفرعونيه !

أمال يا باشا ! ماهو الفراعنه كانوا فى الدلتا برده زى آثار صان الحجر و تمى الآمديد !

بس برده من قبل مينا ما يوحد القطرين يبدوا ان لهجة القطر الشمالى كانت مختلفه عن

لهجة القطر الجنوبى الصعيدى !

الصعايده أنا اشتغلت معاهم 10 سنين فى الصحراء و بصراحه شفت منهم الآمرين !

خصوصآ بتوع ( المخادمه ) و ( البسارطه ) و غيرهم ! و مش عايزين نجيب

سيرة الآشراف والبراهمه و أظنك فاهمنى !

Dr. Bolbolan ptmnlo123per122
لا طبعا انا مببيعش فى البلاد دى ولكن ببقى عايز اعرف اسماء البلاد والاسماء الغريبة بتعلق معايا ومن كتر م انا بعدى عليها باخد بالى منها يعنى بعدى عليها فقط
ولذلك انا شفت اسماء غريبة جدا طسي عندك فى بنى سويف مثلا اسماء غريبة والكارثة انها اسماء مراكز مش قرى يعنى مثلا
اشمنت(مش اسمنت) / قـمـن العروسة / بوليفيا / بـمـها(مش بنها)
اما الصعايدة فانا هفهمك بقى
الواحد من دول جاى من بلدهم عارف وفاهم انه هيبقى معرض للسخرية ووالتريقة والنصب عليه فبيبقى حريص جدا فى المعاملة وميمشيش الا اللى فى دماغه لاعتقاده انك بتتريق عليه او بتضحك عليه لانه صعيدى ولذلك متعرفش تتعامل معاه و تقنعه بحاجة طالما هو مش مقتنع فهو لايقبل اى حجة الا تفكيره هو الشخصى ومع الوقت او ل م يعرفك ويعرف شخصيتك يبتدى يلين وخاصة صعايدة قنا فهم اصعب انواع الصعايد ة فى المعاملة وعصبيين جدا وتقدر تستفزهم بسهولة لكن هما فيهم الشهامة والرجولة وطالما انت غريب يحاول يخدمك قدر الطاقة او يدلك على اللى يخدمك او يساعدك
ده سبب انك شفت الأمرين واعتقد بعد م تقرا الكلمتين دول هتلاقى تفسير ليه شفت الأمرين
واما بتوع اسوان فهما من اطيب الناس اللى شفتهم طيبين جدااااااااااااا
لكن من الفيوم حتى اسيوط هتلاقيهم متعاونين وخاصة ان الفقر طاحن البلاد دى فهو بيقبل اى شىء مقابل العمل الا اهانته
سوهاج بقى خليط من قنا واسيوط تعاون وشهامة وعصبية
قرايبى وانا عارفهم بقى ههههههههههههه

Dr. Bolbolan
07-03-2010, 08:33 AM
اما الصعايدة فانا هفهمك بقى
الواحد من دول جاى من بلدهم عارف وفاهم انه هيبقى معرض للسخرية ووالتريقة والنصب عليه فبيبقى حريص جدا فى المعاملة وميمشيش الا اللى فى دماغه لاعتقاده انك بتتريق عليه او بتضحك عليه لانه صعيدى ولذلك متعرفش تتعامل معاه و تقنعه بحاجة طالما هو مش مقتنع فهو لايقبل اى حجة الا تفكيره هو الشخصى

بس الكلام ده أيام لما كان فريد شوقى فى سوق الجمله فى روض الفرج هوه و الغزولى !

ومع الوقت او ل م يعرفك ويعرف شخصيتك يبتدى يلين

عزيزى خالد " أنت لا تكذب ولكن تتجمل " مع انه واضح انك مختلف أو متعالج ! هههههاههههه

وخاصة صعايدة قنا فهم اصعب انواع الصعايد ة فى المعاملة وعصبيين جدا وتقدر تستفزهم بسهولة

أهه همه دول اللى أنا أعرفهم ! والمخادمه دى قاعدة عمالة البترول فى مصر و تعرف البلده من برجين

براريم قدام على مدخل البلد بجوار 3 مآذن لمساجد ! اللهم " قنا " عذاب النار !

لكن هما فيهم الشهامة والرجولة وطالما انت غريب يحاول يخدمك قدر الطاقة او يدلك على اللى يخدمك او يساعدك

لا تعليق ؟؟؟؟ علشان أنا مش مستغنى عن عمرى !

ده سبب انك شفت الأمرين واعتقد بعد م تقرا الكلمتين دول هتلاقى تفسير ليه شفت الأمرين

واما بتوع اسوان فهما من اطيب الناس اللى شفتهم طيبين جدااااااااااااا

بتوع أسوان فعلآ طيبين ! بس همه مش صعايده و همه نفسهم بيقولوا كده ! همه دول نسل الفراعنه الحقيقيين

و كذلك أهل النوبه ! أما الصعايده فهم مهاجرين من الجزيره العربيه من زمان ! مثال الآشراف و جهينه و غيرهم !

لكن من الفيوم حتى اسيوط هتلاقيهم متعاونين وخاصة ان الفقر طاحن البلاد دى فهو بيقبل اى شىء مقابل العمل الا اهانته

معاك ان الفقر و حاجه تانيه طاحنه البلاد دى ! وأنا شفتها بلد بلد و حزنت والله ! رغم انهم لما بيحكوا عنها للغريب

بيصوروها انها ولا لوس أنجلوس و ميامى و بيحكوا عن العز و الوز وان بلاد بحرى دى أى كلام وأحيانآ كثيره

الكلام يتطرق الى الحريم هنا و هناك الخ ....الخ .....الخ ......

سوهاج بقى خليط من قنا واسيوط تعاون وشهامة وعصبية
قرايبى وانا عارفهم بقى ههههههههههههه

ما دام دول قرايبك ( يبقوا أجدع ناس ) !


على فكره حاولت كثيرآ أمس أتصل بك على موبايلك لكن بدون رد ! لذلك ستجد ميسد بنمر السعوديه !

Dr. Bolbolan ptmnlo123per122

خالدخليفة
07-03-2010, 08:48 AM
على فكره حاولت كثيرآ أمس أتصل بك على موبايلك لكن بدون رد ! لذلك ستجد ميسد بنمر السعوديه !

Dr. Bolbolan ptmnlo123per122
اه والله تصور انا لقيت ميسد بنمر السعودية وتصورت انه من بعض التجار اللى بتعامل معاهم هناك لانى فاهم انك هنا وطلبت النمرة رد عليا الكومبيوتر بالانجليزى وحسيت ان شكله بيشتمنى فدوست واحد للغة العربيه فحسيت انه اتعصب وهيضربنى رحت قافل المهم 3 جنيه ونص وشتيمتين من الكومبيوتر فداك يادكتور
وحكاية فريد شوقى دى موجودة فعلا ماعدا موضوع الضرب على القفا والاهانة لايقبلها ابدااااااااااا هو ممكن يقبلها فى السعودية لانه دافع هنا 10 الاف جنيه لمكتب السفريات وصارف زيهم علشان يسافر السعوديه وهيتكسف يرجع البلد من غير م يجيب على الاقل الفلوس اللى صرفها وعليهم قرشين لكن معاملاته هنا فى مصر او بره مصر مع المصريين اساسها الريبة والشك
لكن فعلا بتوع قنا يخدموك واول مرة نزلت قنا سالت على عنوان فالراجل اللى سالته قال عايز مين هناك فقلت يبقى من هناك فقلت عايز فلان فقال مقاللكش من عيلة مين قلت لا والله ولا من بيت مين قلت لا والله فقال طيب ونادى على واحد معدى تعرف فلان قال له لا فنادى واحد تانى فقال لا فلما غلب حماره خاااالص قال طيب تعالى وراح مركبنى ميكروباس وقال للسواق نزله عند مديرية الامن وفعلا هناك روحت لقيت المحل اللى رايح له لكن هو كان عايز يعرف قصة حياة الراجل ليه مش عارف صراحة لكن اهل قنا عصبيين جدااااا وتستفزهم بسهولة ومرة فى القطار كانو هيرمونى من القطار لانى قلت لواحد هولعهالك حريقة دلوقت وقلت كلمتين وحصلت مشكلة لكن لميت الدور ففوجئت بيهم تفهمو الموقف وسكتو وشوية وروحت مولعها تانى فزعلو وبعدين هديت الجو فسكتو فواحد فيهم لاحظ فقال بص انت من الصبح عمال تولعها حريجة (حريقة) يابو ى عليا الطلاج (الطلاق) لو فتحت خشمك (فمك )تانى لاكون راميك من الجطر (القطار) فضحكنا وفهمناه اننا بنهزر وبقينا اصحاب وعزمنا على شاى كمان
ثم انا مولود فى القاهرة يعنى من 45 سنة فى القاهرة فاتعالجت بنسبة 90% فى 45 سنة ومعلش الصعايدة كده بيتعالجو ببطء شديد ههههههه
وياسيدى ربنا يخليك ده انتو اللى اجدع ناس
وحكاية لوس انجلوس دى تدل على مدى القناعة اللى هما عايشين بيها والصعيدى بالذات (واديك فى السعودية واكيد لاحظتها ) لو حوش قرشين بنى بيت بالمسلح زى مبيقولو عندنا واشترى لامؤاخذة كام بهيمة وحتة ارض صغيرة حتى ولو قيراطين هيسيب السعودية باللى فيها
وفعلا اصل معظم الصعايدة عرب وانا شخصيا اصل عيلتنا من حوالى 400 سنة او اكتر من الشام ومن حلب تحديدا ولذلك لو شفتنى هتقول عليا من سوريا او فلسطين لكن مش صعيدى ههههه

إبراهيم عثمان
15-08-2010, 02:42 AM
السلام عليكم ورحمة الله وبركاته

عايز أعرف أفضل طريق للزقازيق من المعادى

وجزاكم الله خيرًا

ahmed_menaiem
15-08-2010, 02:57 AM
بجد و موضوع حلو و معلومات قيمة و اظن ممكن احتاجك قريباااااااااا

خالدخليفة
15-08-2010, 04:58 AM
السلام عليكم ورحمة الله وبركاته

عايز أعرف أفضل طريق للزقازيق من المعادى

وجزاكم الله خيرًا
انا اسف للتاخر فى الرد لكن ده بسبب ان الموضوع قديم وانا نسيته
عموما
افضل طريق من الزقازيق للمعادى بعيدا عن الزحام والسالك علشان ممكن تسمع فتاوى كتير
الزقازيق / منيا القمح / بنها / ثم يسارا حتى قليوب / ثم الطريق الدائرى يمينا حتى محور المريوطية الجديد هتنزل جوه المعادى يابطل
وتيجى بالسلامة

خالدخليفة
15-08-2010, 04:59 AM
بجد و موضوع حلو و معلومات قيمة و اظن ممكن احتاجك قريباااااااااا
انا تحت أمرك واتشرف واتنور بيك فى اى وقت

إبراهيم عثمان
15-08-2010, 07:15 AM
جزاك الله خيرًا

بس أنا قصدى أفضل طريق للزقازيق من المعادى

ولو فيه رخامة ياريت التفاصيل

إبراهيم عثمان
15-08-2010, 07:24 AM
أنا متهيألى هاخد نفس طريق ميت غمر اللى هو انى انزل من كوبرى بنها وكأنى رايح المنصورة

بس سمعت انها من طريق الاسماعيلية اقرب واحسن

ياريت حضرتك تفيدنى

هل هو ده الطريق اللى حضرتك وصفته بس بالعكس ولا لأ؟

خالدخليفة
15-08-2010, 08:25 AM
جزاك الله خيرًا

بس أنا قصدى أفضل طريق للزقازيق من المعادى

ولو فيه رخامة ياريت التفاصيل
هههههههههههههه مهو نفس الطريق بس بالعكس تسأل على طلعة الدائرى وتطلعه وتمشى عليه حتى منزل شبرا الخيمة وقبل المنزل هتلاقى يفط على اليمين من قبلها ب2 كيلو بتقول لك منزل شبرا 2 كيلو الزم اليمين اول متقرا يافطة بتقول منزل شبرا 1 كيلو الزم اليمين تمسك اليمين على طووووول لان فى رصيف طويييييييل معمول ولو عديته هتنزل المنزل اللى بعده وانت نازل من المنزل متكملش على طول تكسر شمال فى النفق واول متطلع من النفق هتلاقى نفسك مسكت الزراعى طوالى حتى بنها وبعد كوبرى الشموت هيقابلك كوبرى كبير وعالى متطلعوش تنزل من تحته وتكسر يمين عند التقاطع وقبل المزلقان متعديش المزلقان بتاع السكة الحديد وتمشى طوالى هيكون القطار على شمالك حوالى 45 كيلو حتى الزقازيق مارا بشبلنجة ومنيا القمح والزنكلون والعزيزية ثم الزقازيق وتوصل برضه بالسلامة

خالدخليفة
15-08-2010, 08:30 AM
أنا متهيألى هاخد نفس طريق ميت غمر اللى هو انى انزل من كوبرى بنها وكأنى رايح المنصورة

بس سمعت انها من طريق الاسماعيلية اقرب واحسن

ياريت حضرتك تفيدنى

هل هو ده الطريق اللى حضرتك وصفته بس بالعكس ولا لأ؟
اولا ميت غمر الزقازيق حوالى 35 كيلو ثم ميت غمر حتى الدائرى 84 كيلو باجمالى 119 كيلو متر
لكن الزقازيق بنها الدائرى 81 كيلو وهو الاقرب
اما الزقازيق الاسماعيليه الدائرى 169 كيلو ثم 13 كيلو حتى توصل تقاطع الدائرى مع الزراعى
وبالتالى الوصفة الاسهل اللى قلتها لك

elensaan
07-09-2010, 03:24 AM
ربنا معانااااااااااااااامين

ابوشروق
07-09-2010, 08:37 PM
عايزاروح الغردقه من روكسى مصر الجديده بلتفصيل عشان مسئلش حد والمسافه كام بلظبط وتنصحنى اعمل رست فين وانسب ميعاد للسفر ولك الشكرROSE4U

خالدخليفة
07-09-2010, 09:45 PM
من روكسى تمشى حتى ميدان المحكمة ثم يمينا حتى نادى الجلاء ثم يمينا فيسارا يوتيرن ثم يمينا فتجد نفسك عند موقف السوبر جيت بألماظة تكمل على طول حتى آخر الشارع فيمينا مسافة 300 متر ثم يو تيرن تمسك طريق السويس تمشى حتى يقابلك كوبرى تمر من تحته وتكمل فيقابلك كوبرى تانى تمر من جنبه ويقطع الطريق عليك كوبرى ثالث هو كوبرى الدائرى اطلع يمين من قبله لتركبه لتمسك الطريق الى القاهرة الجديدة وتكمل حتى مدخل طريق القطامية /العين السخنة وهو بعد كارفور ب 5 كيلو وتمشى فيه مسافة 120 كيلو حتى العين السخنة ثم الى الزعفرانة بمسافة 70 كيلو ثم الزعفرانة رأس غارب وهى مسافة حوالى 120 كيلو ثم رأس غارب الغردقة وهى مسافة حوالى 100 كيلو واجمالى المسافة حوالى 500 كيلو تقريبا وزمن الرحلة حوالى 5 ساعات
اما انسب مواعيد السفر فأنا شخصيا احب سفر الليل لقلة السيارات لكن سينا لا انصح بها ليلا ولو عربيتك اتوماتيك يفضل بالنهار

إبراهيم عثمان
08-09-2010, 12:45 AM
السلام عليكم ورحمة الله وبركاته

عدنا للسؤال عن الطريق مرة أخرى

بس المرة دى عايز أعرف الطريق إلى قرية الطحاوية - بلبيس - الشرقية

الكلام ده لو من الإسكندرية ( أو الكيلو 21 )

علمًا بأنى عمرى ماروحت الشرقية

خالدخليفة
08-09-2010, 01:58 AM
حبيبى ياعم ابراهيم
قرى مش هقدر ادلك لكن مراكز ومدن دى بسيطة ان شاء الله
ومن الكيلو 21 اسكندرية بعد م تقول دعاء الركوب والاذكار وتتوكل على الله
هتلاقى عامود كبير ضخم فى وسط ميدان ال21 تخليه على شمالك وتاخد فى وشك على طول لايمين ولاشمال حتى تصل الى الطريق الصحراوى القاهرة /اسكندرية ثم يمينا فيسارا مع اول يوتيرن وتعود الى الاسكندريه حتى كوبرى محرم بك وتنزل من تحته يمين على الطريق الزراعى (انا عارف ان للزراعى مدخل من الصحراوى بس هتمشى 35 كيلو ملهومش لازمة كده احسن)
المهم
مسكت الزراعى تكمل الى بنها تطلع كوبرى بنها هتلاقى يافطة بتقول مدخل الزقازيق تروح داخل يمين فى يمين وتكمل لحد الزقازيق ثم ستسأل على مدخل بلبيس من هناك لانى مدخلتوش من الزقازيق فمش عارفة
فى طريقة تانية
انك بعد م توصل الصحراوى تكمل فيه كأنك رايح على القاهرة وتمشى لحد مدينة السادات واول متشوف السجن على شمالك تدخل اول يو تيرن ثم يمينا مع سور السجن طوالى لايمين ولاشمال هتلاقى حتة هيصة كده اسمها كفر داود تكمل وتركب الكوبرى هيلف شمال ثم يمين وتكمل على طول لحد م تلاقى كمين تكسر شمال انت الان داخل على شبين الكوم هتمشى حوالى 20 كيلو تصل شبين الكوم ثم 13 كيلو الى الطريق الزراعى ستجد نفسك عن قويسنا
بس بصراحة الاول افضل لانه فيه حوالى 55 كيلو مقرفين من السادات حتى شبين الكوم
وتيجى بالسلامة ان شاء الله

إبراهيم عثمان
08-09-2010, 07:21 AM
جزاك الله خيرًا ياخالد باشا

إن شاء الله آخد الزراعى

أنا بقالى كتير مامشيتش عليه بس سمعت انه بقى كويس حتى اسمع ان فى ناس بتفضله عن الصحراوى

hatem_taia
08-09-2010, 09:07 AM
عايز اروح بنها من مدينة نصر و يا ريت الطريق بالتفصيل و المسافة مع الشكر

خالدخليفة
08-09-2010, 10:45 AM
انت مقلتش فين فى مدينة نصر لكن ماشى
هنعتبرك فى الحى السابع او السادس هتمشى حتى ذاكر حسين ثم تمشى ذاكر حسين حتى آخره زهراء مدينة نصر ستجد ميدان لف الصينية شمال ثم يمينا دخلت الطريق الدائرى امشى على طول سيقابلك نفق انزله كمل على طول حتى يقابلك كمين المرج كمل بعده وعينك على اليفط ستجد يافطة تقول اسكندرية الزراعى 1 كيلو عند هذه اليافطة ظبط نفسك وامسك اليمين لان فى رصيف طويل مسافته حوالى 300 متر لو عديته مش هتعرف تنزل عند الفتحة انزل يمين ثم لايمين ولاشمال حتى يقابلك كوبرى بنها العلوى انزل تحته ولاتعبر السكة الحديد وادخل شمال ان كنت متجه الى المنشية او العادلى او المحطة
واعبر السكة الحديد وادخل شمال ثم يمين ان كنت ذاهبا الى مناطق المستشفى او مستشفى الايمان او الاشارة او كفر الجزار
ان كنت فى الماظة او ارض الجولف فانك ستسير حتى دار الاشارة ثم تأخذ بدايةطريق السويس وتمشى كأنك متجها الى مدينة بدر او السويس سيقابلك كوبرى بعرض الشارع تمشى من تحته ثم كوبرى لايزال البناء فيه مستمرا امشى من جنبه ثم يقابلك كوبرى الدائرى بعرض الشارع امشى من تحته ثم يمينا لتطلع عليه ثم نفس الوصف السابق
المسافة حوالى 70 كيلو تقريبا

sad-bird
08-09-2010, 11:32 AM
انا اسف للتاخر فى الرد لكن ده بسبب ان الموضوع قديم وانا نسيته
عموما
افضل طريق من الزقازيق للمعادى بعيدا عن الزحام والسالك علشان ممكن تسمع فتاوى كتير
الزقازيق / منيا القمح / بنها / ثم يسارا حتى قليوب / ثم الطريق الدائرى يمينا حتى محور المريوطية الجديد هتنزل جوه المعادى يابطل
وتيجى بالسلامة

جزاك الله خيرًا

بس أنا قصدى أفضل طريق للزقازيق من المعادى

ولو فيه رخامة ياريت التفاصيل

أنا متهيألى هاخد نفس طريق ميت غمر اللى هو انى انزل من كوبرى بنها وكأنى رايح المنصورة

بس سمعت انها من طريق الاسماعيلية اقرب واحسن

ياريت حضرتك تفيدنى

هل هو ده الطريق اللى حضرتك وصفته بس بالعكس ولا لأ؟

هههههههههههههه مهو نفس الطريق بس بالعكس تسأل على طلعة الدائرى وتطلعه وتمشى عليه حتى منزل شبرا الخيمة وقبل المنزل هتلاقى يفط على اليمين من قبلها ب2 كيلو بتقول لك منزل شبرا 2 كيلو الزم اليمين اول متقرا يافطة بتقول منزل شبرا 1 كيلو الزم اليمين تمسك اليمين على طووووول لان فى رصيف طويييييييل معمول ولو عديته هتنزل المنزل اللى بعده وانت نازل من المنزل متكملش على طول تكسر شمال فى النفق واول متطلع من النفق هتلاقى نفسك مسكت الزراعى طوالى حتى بنها وبعد كوبرى الشموت هيقابلك كوبرى كبير وعالى متطلعوش تنزل من تحته وتكسر يمين عند التقاطع وقبل المزلقان متعديش المزلقان بتاع السكة الحديد وتمشى طوالى هيكون القطار على شمالك حوالى 45 كيلو حتى الزقازيق مارا بشبلنجة ومنيا القمح والزنكلون والعزيزية ثم الزقازيق وتوصل برضه بالسلامة

اولا ميت غمر الزقازيق حوالى 35 كيلو ثم ميت غمر حتى الدائرى 84 كيلو باجمالى 119 كيلو متر
لكن الزقازيق بنها الدائرى 81 كيلو وهو الاقرب
اما الزقازيق الاسماعيليه الدائرى 169 كيلو ثم 13 كيلو حتى توصل تقاطع الدائرى مع الزراعى
وبالتالى الوصفة الاسهل اللى قلتها لك


لا معلش
عندددددددك
هنا واستوووووووووووووووب
الزقازيق القاهرة دي بتاعتي 10 سنين رايح جااااااااااااااااااااي


طبعا اسف على الرد متأخر لكني اول مرة اشوف الموضوع
لكن استاذ ابراهيم لو لسه مروحتش او هتروح في المستقبل تاني اقولك اقصر الطرق

1. حضرتك هتطرع الدائري من بعد صقر قريش اتجاه مدينة السلام او المطار وتخرج من الدائري في نقطة من اتنين اما طريق مصر اسماعيلية واما نزلة السلام
2. لو خرجت من طريق مصر اسماعيلية هتمشي اتجاه اسماعيلية لغايه مدينة العبور وتدخل العبور على محور مبارك لغااااااااااااااااايه اخره هتلاقي الكارتة على طريق بلبيس تدفع الكارته وتخرج يمين على بلبيس تمشي الطريق 15 او 20 كيلو لغايه الكارتة التانية وتخرج هتلاقي ميدان الطيارة يمين تدخل العاشر من رمضان ودش مش عاوزها حضرتك يبقى تلف حوالين الطيارة وتكمل الطريق بلبيس/ بردين / العصلوجي/ الزقازيق تقريب من الكارتة التانية للزقازيق نص ساعه ومسافة 30 او 35 كيلو اتجاهات

اتجاهات الزقازيق بقى لو عاوز اول البلد او شارع فاروق او وادي النيل او الزراعة هتدخل يمين بعد المرور ، لو عاوز وسط البلد والمحافظة يبقى تكمل على طول وتعدي المزلقان وتمشي كيلو واحد هتلاقي نفق تعديه وترجع 200 متر هتلاقي شارع يدخلك على المحافظة
الطريق من موقف العاشر او نزلة طريق اسماعيلية تقريبا 60 كيلو اما 169 كيلو اللي قال عليها استاذ خالد ده لأنه افتكر انك هتروح اسماعيلية ومن هناك ترجع الزقازيق وكمان فيه لفة تانيةاطول مننفس الطريق بدل ما تدخل من العبور تكمل لغايه العاشر وتدخل الطريق من عند تقاطع كوبري طريق الروبيكي مع مصر اسماعيلية الطريق ده يعمل تقريبا 100 كيلو يعني اطول ب 40 كيلو من التاني ووده تستخدمة لو انت في الشروق وجاي الزقازيق تبقى المسافة 60 كيلو تقريبا


3. نرجع لورا شوية انا عارف انك نسيت لكن حاول تركز
لو انت منزلتش نزلة طرق اسماعيلية بتنزل من الدائري من مخرج مدينة السلام وتاخد الشارع لاخره وتلف يمين اول يو ترن وترجع تاني وتفضل ماشي السلام شمالك والنهضة يمينك لغايه لما توصل الكارتة الأولى على طريق بلبيس تعديها وتكمل الطريق زي طريق العبور لكن الكارتة دي قبل العبور ب 10 كيلو تقريبا وكمل الطريق زي الوصفة الأولى

sad-bird
08-09-2010, 11:50 AM
السلام عليكم ورحمة الله وبركاته

عدنا للسؤال عن الطريق مرة أخرى

بس المرة دى عايز أعرف الطريق إلى قرية الطحاوية - بلبيس - الشرقية

الكلام ده لو من الإسكندرية ( أو الكيلو 21 )

علمًا بأنى عمرى ماروحت الشرقية

حبيبى ياعم ابراهيم
قرى مش هقدر ادلك لكن مراكز ومدن دى بسيطة ان شاء الله
ومن الكيلو 21 اسكندرية بعد م تقول دعاء الركوب والاذكار وتتوكل على الله
هتلاقى عامود كبير ضخم فى وسط ميدان ال21 تخليه على شمالك وتاخد فى وشك على طول لايمين ولاشمال حتى تصل الى الطريق الصحراوى القاهرة /اسكندرية ثم يمينا فيسارا مع اول يوتيرن وتعود الى الاسكندريه حتى كوبرى محرم بك وتنزل من تحته يمين على الطريق الزراعى (انا عارف ان للزراعى مدخل من الصحراوى بس هتمشى 35 كيلو ملهومش لازمة كده احسن)
المهم
مسكت الزراعى تكمل الى بنها تطلع كوبرى بنها هتلاقى يافطة بتقول مدخل الزقازيق تروح داخل يمين فى يمين وتكمل لحد الزقازيق ثم ستسأل على مدخل بلبيس من هناك لانى مدخلتوش من الزقازيق فمش عارفة
فى طريقة تانية
انك بعد م توصل الصحراوى تكمل فيه كأنك رايح على القاهرة وتمشى لحد مدينة السادات واول متشوف السجن على شمالك تدخل اول يو تيرن ثم يمينا مع سور السجن طوالى لايمين ولاشمال هتلاقى حتة هيصة كده اسمها كفر داود تكمل وتركب الكوبرى هيلف شمال ثم يمين وتكمل على طول لحد م تلاقى كمين تكسر شمال انت الان داخل على شبين الكوم هتمشى حوالى 20 كيلو تصل شبين الكوم ثم 13 كيلو الى الطريق الزراعى ستجد نفسك عن قويسنا
بس بصراحة الاول افضل لانه فيه حوالى 55 كيلو مقرفين من السادات حتى شبين الكوم
وتيجى بالسلامة ان شاء الله

جزاك الله خيرًا ياخالد باشا

إن شاء الله آخد الزراعى

أنا بقالى كتير مامشيتش عليه بس سمعت انه بقى كويس حتى اسمع ان فى ناس بتفضله عن الصحراوى


فعلا الطريق الزراعي بقى نضيف وواسع خصوصا بعد ما عملوا اكتر من كوبري عليه
وزي ما وصفلك استاذ خالد الطريق من الاسكندرية للزقازيق هتمشي لغايه بنها تطلع اول كوبري يقابلك وتكمل وتطلع تاني كوبري هتلاقي اشار هبتقولك الزقازيق وهتلاقي مصانع توشيبا العربي قدامك على اليمين بعد حوالي 500 متر من نزله الكوبري انت مش هتكل لغايه عندها انت هتنزل الكوبري وتلف يمين 100 متر وهتلاقي الطريق تحت الكوبري تدخل فيه يمين اتجاه الزقازيق / منيا القمح
تمشي في الطريق ده هتلاقي قري مش حافظ اسمائها اخر حاجة في محاظفة القليوبية شبلنجة وكمين شبلنجة تعدي وتكمل العزيزية / منيا القمح تدخل منيا القمح هتلاقي بنزينة التعاون عند مفترق الطريق تخليها شمالك وتدخل الطريق لغايه كشري الزعيم ووتلاقي الطريق الرئيسي ماشي شمال تكمل معاه ومعلش الزحمة لغايه لما تخرج من منيا القمح تخرج من الطريق تكمل في طريقك عادي لغايه الزقازيق مرورا بالجديدة / الزنكلون لما تعدي خزانات البترول وبعدين قاعة حفلات مش عارف اسمها دلوقتي بيتغير كل سنة وبعدين بتلاقي الطريق ماشي يمين يا اما تدخل الزقازيق بعد اول يوترن قدام المطاحن وده طبعا لو داخل الزقازيق وهتلاقي شاارة بتقولك الجامعة / المحافظة
طبعا انت رايح بلبيس يبقى هتكمل الطريق بعد الملف من غير ما تعمل يوترن هتلاقي يافطة بتقولك القاهرة الصحراوي / اسماعيلية
تمشي على الطريق ده حوالي 5 كيلو هيتقاطع مع طريق تاني بتاع الزقازيق القاهرة وفيه سكة حديد تاخد الطريق ده يمين لغايه بلبيس
القرية نفسها معرفش طريقها
ممكن تتصل على قرايبك اللي هناك وتعرف منهم مكانها فين ويوصفولك الطريق او تقولي هيا في اي اتجاه في بلبيس واقولك تروح منين




2. نرجع لورا شوية في منيا القمح
فيه طريق من منيا لاقمح بلبيس مباشرة بس بيلف حوالين القرى بتاعت بلبيس ومنيا القمح هو مش سريع شوية لكنه معقول وفي نفس الوقت انت في الجزء ده مش هتمشي بسرعة لانك مش عارف طرقك ايه
برضة ممكن تسأل الناس اللي رايحلهم هل الطريق ده ينفع والا لأ
يبقى بعد لما تعدي كشرري الزعيم تسأل في الموقف هناك هتلاقي موقف شرق الدلتا وفيه خط المطريه/ منيا القمح / شبين وحافظين هما الحتت دي كلها
ولو العملية بايظة معااك خالص ابعتلي وانا اجيلك في اقرب نقطة نتفق عليها

sad-bird
08-09-2010, 11:54 AM
بالنسبة لوصفة الزقازيق المعادي على الصحراوي
طريق بلبيس القاهرة واسع وسريع وبيشجع على الجري
بس اوعي تعملها
علشان فيه رادار وبيستخبي في اماكن غرييييييييييييييييبة

الرادار بيشتغل من 7.30 صباحا حتى 5 أو 6 مساءا
طبعا المواعيد بتختلف في الصيف والشتا
لكن 7.30 يعني 7.30 بيتنصب مرة يبقى قبل العبور مره بعدها مره عند المعهد مرة عند جونسون مرة عند الصاعقة
فلو رايح في المواعيد دي بلاش تجري او شوف الميكروباصات بتمشي ازاي وامشي زيها

ابوشروق
08-09-2010, 12:17 PM
من روكسى تمشى حتى ميدان المحكمة ثم يمينا حتى نادى الجلاء ثم يمينا فيسارا يوتيرن ثم يمينا فتجد نفسك عند موقف السوبر جيت بألماظة تكمل على طول حتى آخر الشارع فيمينا مسافة 300 متر ثم يو تيرن تمسك طريق السويس تمشى حتى يقابلك كوبرى تمر من تحته وتكمل فيقابلك كوبرى تانى تمر من جنبه ويقطع الطريق عليك كوبرى ثالث هو كوبرى الدائرى اطلع يمين من قبله لتركبه لتمسك الطريق الى القاهرة الجديدة وتكمل حتى مدخل طريق القطامية /العين السخنة وهو بعد كارفور ب 5 كيلو وتمشى فيه مسافة 120 كيلو حتى العين السخنة ثم الى الزعفرانة بمسافة 70 كيلو ثم الزعفرانة رأس غارب وهى مسافة حوالى 120 كيلو ثم رأس غارب الغردقة وهى مسافة حوالى 100 كيلو واجمالى المسافة حوالى 500 كيلو تقريبا وزمن الرحلة حوالى 5 ساعات
اما انسب مواعيد السفر فأنا شخصيا احب سفر الليل لقلة السيارات لكن سينا لا انصح بها ليلا ولو عربيتك اتوماتيك يفضل بالنهار
الف شكر على اهتمامك لاكن نسيت تنصحنى اعمل رست فين لان عربيتى على قدها ولازم على الاقل اعمل رست مره اومرتين تقلت عليك معلشROSE4Uوياريت اماكن الراداروموعيدهPOLICEE

خالدخليفة
08-09-2010, 12:35 PM
اهو للاسف دى العادة السيئة فيا طالما حطيت رجلى على دواسة البنزين مبشيلهاش الا فى المكان اللى انا رايح فيه مهما كانت مسافته وانا شخصيا سافرت بلدنا فى قبلى وهى تبعد نفس المسافة تقريبا (450 كيلو بالصحراوى الغربى) ولم استرح فى الطريق حتى وصلت
فاعذرنى فى مسألة الريست

خالدخليفة
08-09-2010, 12:38 PM
فعلا الطريق الزراعي بقى نضيف وواسع خصوصا بعد ما عملوا اكتر من كوبري عليه
وزي ما وصفلك استاذ خالد الطريق من الاسكندرية للزقازيق هتمشي لغايه بنها تطلع اول كوبري يقابلك وتكمل وتطلع تاني كوبري هتلاقي اشار هبتقولك الزقازيق وهتلاقي مصانع توشيبا العربي قدامك على اليمين بعد حوالي 500 متر من نزله الكوبري انت مش هتكل لغايه عندها انت هتنزل الكوبري وتلف يمين 100 متر وهتلاقي الطريق تحت الكوبري تدخل فيه يمين اتجاه الزقازيق / منيا القمح
تمشي في الطريق ده هتلاقي قري مش حافظ اسمائها اخر حاجة في محاظفة القليوبية شبلنجة وكمين شبلنجة تعدي وتكمل العزيزية / منيا القمح تدخل منيا القمح هتلاقي بنزينة التعاون عند مفترق الطريق تخليها شمالك وتدخل الطريق لغايه كشري الزعيم ووتلاقي الطريق الرئيسي ماشي شمال تكمل معاه ومعلش الزحمة لغايه لما تخرج من منيا القمح تخرج من الطريق تكمل في طريقك عادي لغايه الزقازيق مرورا بالجديدة / الزنكلون لما تعدي خزانات البترول وبعدين قاعة حفلات مش عارف اسمها دلوقتي بيتغير كل سنة وبعدين بتلاقي الطريق ماشي يمين يا اما تدخل الزقازيق بعد اول يوترن قدام المطاحن وده طبعا لو داخل الزقازيق وهتلاقي شاارة بتقولك الجامعة / المحافظة
طبعا انت رايح بلبيس يبقى هتكمل الطريق بعد الملف من غير ما تعمل يوترن هتلاقي يافطة بتقولك القاهرة الصحراوي / اسماعيلية
تمشي على الطريق ده حوالي 5 كيلو هيتقاطع مع طريق تاني بتاع الزقازيق القاهرة وفيه سكة حديد تاخد الطريق ده يمين لغايه بلبيس
القرية نفسها معرفش طريقها
ممكن تتصل على قرايبك اللي هناك وتعرف منهم مكانها فين ويوصفولك الطريق او تقولي هيا في اي اتجاه في بلبيس واقولك تروح منين




2. نرجع لورا شوية في منيا القمح
فيه طريق من منيا لاقمح بلبيس مباشرة بس بيلف حوالين القرى بتاعت بلبيس ومنيا القمح هو مش سريع شوية لكنه معقول وفي نفس الوقت انت في الجزء ده مش هتمشي بسرعة لانك مش عارف طرقك ايه
برضة ممكن تسأل الناس اللي رايحلهم هل الطريق ده ينفع والا لأ
يبقى بعد لما تعدي كشرري الزعيم تسأل في الموقف هناك هتلاقي موقف شرق الدلتا وفيه خط المطريه/ منيا القمح / شبين وحافظين هما الحتت دي كلها
ولو العملية بايظة معااك خالص ابعتلي وانا اجيلك في اقرب نقطة نتفق عليها
ايه الجديد هنا غير كشرى الزعيم واانا قلت من الزقازيق يسأل طريق بلبيس فين
لان من قواعد الوصفة انها تكون سهلة ومختصرة بحيث يستوعبها بدون تفاصيل كتير
هو انا عارف اخلص منك فى ادب الرحلات لما هتطلعلى هنا ؟؟؟؟؟؟؟؟هههههههههههههه

احمد بدر1978
08-09-2010, 01:09 PM
ايه الجديد هنا غير كشرى الزعيم واانا قلت من الزقازيق يسأل طريق بلبيس فين
لان من قواعد الوصفة انها تكون سهلة ومختصرة بحيث يستوعبها بدون تفاصيل كتير
هو انا عارف اخلص منك فى ادب الرحلات لما هتطلعلى هنا ؟؟؟؟؟؟؟؟هههههههههههههه
معلش يا عم خالد هو عايز اى حاجة ويقعد يقلبها فول وكشرى

sad-bird
08-09-2010, 02:10 PM
ايه الجديد هنا غير كشرى الزعيم واانا قلت من الزقازيق يسأل طريق بلبيس فين
لان من قواعد الوصفة انها تكون سهلة ومختصرة بحيث يستوعبها بدون تفاصيل كتير
هو انا عارف اخلص منك فى ادب الرحلات لما هتطلعلى هنا ؟؟؟؟؟؟؟؟هههههههههههههه


ربنا يسهل وظروفي تتحسن وانا اجي اكبس على نفسك في المحل ويمكناجي اشوف شقة جنبك واجيلك ارخم عليك كلي يوم واسيب شغلي واجي اشتغل معاك كمان علشان تبقى لازقة بغراء



مهو سعادتك لو كنت ركزت في كلام استاذ ابراهيم كويس كنت عرفت انه طلب الوصف بالتفصيل الممل علشان هو ميعرفش اي حاجة في اي حاجة وانا خوفا من الفتاوي الكتير اللي ممكن يقابلها قلتله يسأل فين


ثانيا كشري الزعيم ده اللي قلت عليه مش في الزقازيق في منيا القمح وقلت كمان ان فيه طريق من منيا القمح لبلبيس على طول لو الطحاوية قريبه من الطريق ده يبقى ده افضل بدل ما ياخد المسافة للزقازيق ويرجع يمشي طريق بلبيس ويدخل بلبيس وبالتالي بوفر عليه 30 كيلو ملهمش لازمة
زي ما حضرتك عملت كده لما قولتله يطلع الصحراوي وبعدين يرجع على الزراعي علشان يوفر ال 35 كيلو الزيادة

sad-bird
08-09-2010, 02:12 PM
معلش يا عم خالد هو عايز اى حاجة ويقعد يقلبها فول وكشرى


ما انت بتدخل تاكل انت كمان معانا
والا يعني حلال ليك وحرام علينا
وبعدين فين وصفة الفول بتاعتك انت كمان بس مش هنا خليها في الموضوع تاني علشان مش نعمل د مراجيح هو كمان

احمد بدر1978
08-09-2010, 02:16 PM
ما انت بتدخل تاكل انت كمان معانا
والا يعني حلال ليك وحرام علينا
وبعدين فين وصفة الفول بتاعتك انت كمان بس مش هنا خليها في الموضوع تاني علشان مش نعمل د مراجيح هو كمان
لا ياعم ولا هنا ولا هناك انت عايز عم خالد يولع فينا

خالدخليفة
08-09-2010, 02:21 PM
مهو سعادتك لو كنت ركزت في كلام استاذ ابراهيم كويس كنت عرفت انه طلب الوصف بالتفصيل الممل علشان هو ميعرفش اي حاجة في اي حاجة وانا خوفا من الفتاوي الكتير اللي ممكن يقابلها قلتله يسأل فين


ثانيا كشري الزعيم ده اللي قلت عليه مش في الزقازيق في منيا القمح وقلت كمان ان فيه طريق من منيا القمح لبلبيس على طول لو الطحاوية قريبه من الطريق ده يبقى ده افضل بدل ما ياخد المسافة للزقازيق ويرجع يمشي طريق بلبيس ويدخل بلبيس وبالتالي بوفر عليه 30 كيلو ملهمش لازمة
زي ما حضرتك عملت كده لما قولتله يطلع الصحراوي وبعدين يرجع على الزراعي علشان يوفر ال 35 كيلو الزيادة
ابقى سيادتك اوصف الطريق السالك وخلص بدون م تقول فى 30 طريق ولو عايز توصف انت بعد كده اتفضل وريحنى
تلاتة بالله العظيم اللى هيتكلم هنا فى الاكل هتصرف معاه انتو احرار

sad-bird
08-09-2010, 02:22 PM
لا ياعم ولا هنا ولا هناك انت عايز عم خالد يولع فينا


هو اصلا مجهز البندجة ومعمرها علشان اول ما نطب عليه احنا التلاته يفرغها فينا

sad-bird
08-09-2010, 02:27 PM
ابقى سيادتك اوصف الطريق السالك وخلص بدون م تقول فى 30 طريق ولو عايز توصف انت بعد كده اتفضل وريحنى
تلاتة بالله العظيم اللى هيتكلم هنا فى الاكل هتصرف معاه انتو احرار


انا ساكت اهوووووووووووووووووو
احمد بدر هو اللي بيقولي عاوز يعمل صينية بطاطس وانا اقوله لأ شوف ازاي بيستفزني اهو وانت ساكتله


يا باشا انما بقوله كل الاحتمالات وبعدين هما طريقين وقلتله أسأل الناس ايهما اقرب للبلد
هيعمل تليفون صغير يقولوله من منيا القمح او من الزقازيق وانا اقوله الباقي

وبعدين انا خبرتي متجيش 1/100 من خبرتك ياعم خالد
ده انا غلبان بس مقاوح شوية

واهو بنصحيلك الموضوع بدل ما ينام جنب اخواته وترجع تدور عليه راح فين وتنساه

nour_nrc
07-10-2010, 02:23 PM
طريق القاهرة اسوان الصحراوي الغربي عايز معلومات عنه

خالدخليفة
07-10-2010, 05:30 PM
يعنى ايه معلومات عنه ؟؟؟
وضح حضرتك جاى منين ورايح فين وانا اوصف لك الطريق
اما المعلومات من حيث الكافتيريات والاستراحات وخلافه
فأعذرنى لانى بركب عربيتى مش بنزل منها الا فى المكان اللى انا رايح له حتى ولو كان اسوان وعملتها مرة ولم اتوقف من القاهرة حتى كوم امبو الا فى سوهاج لتموين البنزين فقط وكملت المسير حتى كوم امبو شربت شاى هناك وكملت على اسوان

sad-bird
07-10-2010, 06:33 PM
عاوز اروح بيت خالد خليفة من الزقازيق اركب ايه واروح ازاي
ههههههههههههههههههههههههههه



لا بجد
عاوز اروح اسكندرية من الزقازيق مواصلات انا روحت قبل كده بالطريق التالية
1. بيجو الصبح بدري الفجر تحسبا لو هياخد وقت للتحميل وبياخد ساعتين او ساعتين ونص تقريبا
2. اتوبيس شرق الدلتا وده ليه ميعادين بس الصبح اعتقد 8 ونص و10 ونص
3. فيه قطار بيطلع من الزقازيق اعتقد بيكون جاي من بورسعيد او اسماعيلية وبيروح اسكندرية بس مش عارف مواعيده ايه لاني مركبتهوش قبل كده

بفكر انزل بنها واخد من بنها القطر اللي طالع من القاهرة اسكندرية لكن معرفش مواعيده ايه
الكلام ده الصبح بدري
وكذلك العودة بالليل اخر حاجة امتى علشان مرخمش على احمد بدر واروح ابيت عنده
ههههههههههههههه

الدملاوي
07-10-2010, 06:49 PM
أما أنا أخواني الكرام فقد أحتاج للذهاب من الغردقة لأسوان قريباً قاصداً معهد القلب الخاص بالدكتور مجدي يعقوب وذلك بسيارتي أن شاء الله

أطيب تحية

ROSE4U

sad-bird
07-10-2010, 07:02 PM
أما أنا أخواني الكرام فقد أحتاج للذهاب من الغردقة لأسوان قريباً قاصداً معهد القلب الخاص بالدكتور مجدي يعقوب وذلك بسيارتي أن شاء الله

أطيب تحية

ROSE4U


الف سلامة على حضرتك
اعتقد ان افضل الطريق بالنسبة لحضرتك طريق قنا الغردقة وده هتلاقي له علامات ارشاديه عندكم في الغردقة
ومن قنا تسأل عن الطريق لاسوان

وياريت تفيدنا اكتر عن معهد القلب لان ابن خالتي تعبان برضة وعاوز اخده اوديه هناك

الدملاوي
07-10-2010, 07:05 PM
الف سلامة على حضرتك
اعتقد ان افضل الطريق بالنسبة لحضرتك طريق قنا الغردقة وده هتلاقي له علامات ارشاديه عندكم في الغردقة
ومن قنا تسأل عن الطريق لاسوان

وياريت تفيدنا اكتر عن معهد القلب لان ابن خالتي تعبان برضة وعاوز اخده اوديه هناك

شكراً لك على الاهتمام والرد وتمني السلامة ولكن المريض ليس انا ولكنه أبني ذو الست اعوام يحتاج لقسطرة بالقلب لسد ثقب قد ولد به

أما عن الطريق فما أخباره؟؟؟؟ هل هو مزدوج أم فردي؟؟ هل هو أمن أم لا؟؟؟؟ وهل هناك خيارات اخرى؟؟؟؟؟

أطيب تحية

ROSE4U

sad-bird
08-10-2010, 01:35 AM
شكراً لك على الاهتمام والرد وتمني السلامة ولكن المريض ليس انا ولكنه أبني ذو الست اعوام يحتاج لقسطرة بالقلب لسد ثقب قد ولد به

أما عن الطريق فما أخباره؟؟؟؟ هل هو مزدوج أم فردي؟؟ هل هو أمن أم لا؟؟؟؟ وهل هناك خيارات اخرى؟؟؟؟؟

أطيب تحية

ROSE4U


الف سلامة على ابن حضرتك شافاه الله وعافاه
ان شاء الله يقوم بالسلامة وتفرح بيه

اما عن طريق الغردقة الصعيد
ده طريق لسه معمول قريب ومعمول علشان تنمية الوادي الشرقي وربط الصعيد بالبحر الاحمر وشكرات البرتول لذا فاعتقد انه اتجاهين لست اكيد ولكن طوله حوالي 400 كيلو يعني لازم تكون العربية حالتها كويسة ومفوله بنزين

وللأسف مفيش بدايل تانيه لحضرتك غير الطريق ده لو حبيت تروح بالعربية لكن عندك اتوبيس الوجه القلبي بيعمل اكتر من رحلة في اليوم لاسوان واعتقد ده حل اسهل وممكن حضرتك توصل لغايه الموقف بتاع الوجه القبلي وتسأل حد من السواقين يفيد حضرتك اكتر خصوصا باماكن الكافتريات لانهم بيعملو استراحه عليها وكذلك محطات البنزين
وعلشان عامل الامان ممكن تعرف ميعاد الاتوبيس وتتحرك معاك يبقى لو لا قدر الله حصل حاجة او احتجت حاجة سهل انك تلاقي مساعده منهم


يا اما بقى طائرة من الغردقة لاسوان ساعة زمن وتكون هناك

khaled khaled
08-10-2010, 01:42 AM
السلام عليكم ورحمة الله وبركاته

أكيد طبعا باستخدام الجي بي اس تقدر تروح اى مكان

وشكراااا إلي ميعرفش ايه هو الجي بي اس

يسأل وانا أجاااااااااااااااااوب

sad-bird
08-10-2010, 01:50 AM
السلام عليكم ورحمة الله وبركاته


أكيد طبعا باستخدام الجي بي اس تقدر تروح اى مكان

وشكراااا إلي ميعرفش ايه هو الجي بي اس


يسأل وانا أجاااااااااااااااااوب



الف شكر استاذ خالد وياريت تعملنا موضوع عن الجي بي اس
لكن فيه مواقف ش ينفع فيها موضوع الجي بي اس
يعني موقف زي بتاع استاذ اسد الله عاوز يعرف الخدمات الموجوده على الطريق قبل الطريق نفسه وجودتها ونوعية الطريق
وفيه اماكن وطرق مش هتلاقيها على جي بس اس على الاطلاق لانها سراديب ودهاليز محدش يقدر يعرفها واظزن حضرتك لو تابعت الموضوع من الأول هتلاقي مواقف زي كده حصل للبعض


مرة تانية متشركين على فكرة الجي بي اس واتمني نلاقي شرح وافي ليها في موضوع منفصل للافادة لكل الاعضاء

khaled khaled
08-10-2010, 02:50 AM
بسم الله الرحمن الرحيم

يا جماعة الخير انا مقيم بالسعوديه ومعي جهاز جي بي اس البورده الماني وتجميع صيني لكن في غاية الروعه وبصراحه نزلت أجازه لمصر وما اخذوتش معايا يعني مجربتوش في مصر لكنه من أمكانياته انه بيعمل في مصر وهذا جهاز صراحه عاجبني لانه شاشه 6بوصه ناطق في الطريق حسب تحديد اللغه باللغه الي انتا عايزها عربي / انجليزي وهكذا بصوت رجل او صوت أمراة
طبعا الصوت بيكون ارشادات حسب الاتجهات وتجاوز السرعه يعني يقولك اسلك المسار الايمن بعد 30 متر وفعلا تلاقي طريق يمين وتدخل فيه وهكذا ولما توصل لمكانك الي انت حددته من الاول في بدايه تحركك وظبطك للجهاز يقلك انك وصلت ولو مشيت في طريق غلط يقولك بالصوت انك ما شي غلط أضافه الي السهم الي ع الشاشة والاهم انه مرتبط بالاقمار الصناعيه وكمان يبين الخدمات الي ع الطريق من محطات وقود ومستشفيات وصراف الي فنادق وخلافه وكمان من إمكانياته حفظ الرحله الي انتي مشيتها يعني ممكن تحفظ الرحله بالجهاز مثلا من بيتك في القاهرة الي المصيف بالاسكندريه وترسل السواق أو ابنك أو اخوك ويمشيه الجهاز زي ما انتي مشيت بالظبط لحد ما يوصل هيقلك اقف انت وصلت وده سعره هنا حوالي 900 ريال يعني حوالي 1300 جنيه والي عايز انا اعرف التوكيل بتاعه صاحبي ممكن ارسله له واكيد يا بخت من نفع واستنفع هههههههههههههه بس إزاي نتأكد انه بيشتغل 100% في مصر تحياتي لكم
اعتقد ما في احسن من كدا رفيق علي الطريق يعني عمرك ما تتوه او تتضيع أبد ااا
وشكرااااااا لكم

خالدخليفة
08-10-2010, 03:23 AM
عاوز اروح بيت خالد خليفة من الزقازيق اركب ايه واروح ازاي
ههههههههههههههههههههههههههه



لا بجد
عاوز اروح اسكندرية من الزقازيق مواصلات انا روحت قبل كده بالطريق التالية
1. بيجو الصبح بدري الفجر تحسبا لو هياخد وقت للتحميل وبياخد ساعتين او ساعتين ونص تقريبا
2. اتوبيس شرق الدلتا وده ليه ميعادين بس الصبح اعتقد 8 ونص و10 ونص
3. فيه قطار بيطلع من الزقازيق اعتقد بيكون جاي من بورسعيد او اسماعيلية وبيروح اسكندرية بس مش عارف مواعيده ايه لاني مركبتهوش قبل كده

بفكر انزل بنها واخد من بنها القطر اللي طالع من القاهرة اسكندرية لكن معرفش مواعيده ايه
الكلام ده الصبح بدري
وكذلك العودة بالليل اخر حاجة امتى علشان مرخمش على احمد بدر واروح ابيت عنده
ههههههههههههههه
اركب قطار 570 من الزقازيق ويقوم العاشرة صباحا الى الاسكندرية
او قطارات الزقازيق بنها وهى كل نص ساعة تقريبا او كل ساعة ثم حدد المعاد وانا اقول لك تركب ايه من بنها
لكن 570 فيه عربيات عادية وسريع وبيدخل من الزقازيق على ميت غمر على طنطا وتذكرته حوالى 8 ونص فى العادية وحوالى 20 فى المكيفة

خالدخليفة
08-10-2010, 03:27 AM
بسم الله الرحمن الرحيم

يا جماعة الخير انا مقيم بالسعوديه ومعي جهاز جي بي اس ا

جى بى اس ايه ياعمنا الكلام ده فى السعودية ماشى لكن الخرايط المصرية صعبة شوية ده اولا
ثم فكر المصريين نفسه ثانيا وقلة قليلة هما اللى ممكن يفكرو فى الجى بى اس وخصوصا انه بيشتغل على احداثيات
لكن هنا اللى بتقوله ده صعب
ثم واحد رايح مشوار هيشترى جهاز جى بى اس علشانه صعبة اوى الحكاية دى
وترجع لنا بالسلامة ان شاء الله

sad-bird
08-10-2010, 12:01 PM
بسم الله الرحمن الرحيم


يا جماعة الخير انا مقيم بالسعوديه ومعي جهاز جي بي اس البورده الماني وتجميع صيني لكن في غاية الروعه وبصراحه نزلت أجازه لمصر وما اخذوتش معايا يعني مجربتوش في مصر لكنه من أمكانياته انه بيعمل في مصر وهذا جهاز صراحه عاجبني لانه شاشه 6بوصه ناطق في الطريق حسب تحديد اللغه باللغه الي انتا عايزها عربي / انجليزي وهكذا بصوت رجل او صوت أمراة
طبعا الصوت بيكون ارشادات حسب الاتجهات وتجاوز السرعه يعني يقولك اسلك المسار الايمن بعد 30 متر وفعلا تلاقي طريق يمين وتدخل فيه وهكذا ولما توصل لمكانك الي انت حددته من الاول في بدايه تحركك وظبطك للجهاز يقلك انك وصلت ولو مشيت في طريق غلط يقولك بالصوت انك ما شي غلط أضافه الي السهم الي ع الشاشة والاهم انه مرتبط بالاقمار الصناعيه وكمان يبين الخدمات الي ع الطريق من محطات وقود ومستشفيات وصراف الي فنادق وخلافه وكمان من إمكانياته حفظ الرحله الي انتي مشيتها يعني ممكن تحفظ الرحله بالجهاز مثلا من بيتك في القاهرة الي المصيف بالاسكندريه وترسل السواق أو ابنك أو اخوك ويمشيه الجهاز زي ما انتي مشيت بالظبط لحد ما يوصل هيقلك اقف انت وصلت وده سعره هنا حوالي 900 ريال يعني حوالي 1300 جنيه والي عايز انا اعرف التوكيل بتاعه صاحبي ممكن ارسله له واكيد يا بخت من نفع واستنفع هههههههههههههه بس إزاي نتأكد انه بيشتغل 100% في مصر تحياتي لكم
اعتقد ما في احسن من كدا رفيق علي الطريق يعني عمرك ما تتوه او تتضيع أبد ااا

وشكرااااااا لكم




بصراحة كنت عارف انك مش في مصر علشان كده اتكلمت على الجي بي اس
عرفت منين بقى

اولا خدمات الجي بي اس في مصر محدودة وده علشان عليها حظر خوفا من انتشار عمليات التهريب اللي هيا اصلا من غير جي بي اس مش عارفين يسيطروا عليها

ثانيا كام واحد في مصر محتاج الجي بي اس اللي محتاجينها اليل رايحين في طرق صحراوية وطرقومسافات طويلة وده نادر زي الاستاذ اسد الله عاوز يروح اسوان بالعربية وده لظروف خاصة بيه لكن في المعتاد اللي مش عارف مكان بيتحرك بوسائل مواصلات او بيسأل ناس على الطرق دي
لكن في السعودية منك للصحراء كلمها وهيا تكلمك


ثالثا قبل ما اشتغل على جهاز جي بي اس مش المفروض اني اتعلم الاحداثيات بتاعتنا اذا كان الناس متعرفش اصلا ان مصر على خط عرض 30 على سبيل المصال عاوزهم يشتغلوا على احداثيات ازاي وقبل كده قراءة البوصلة وتحديد الاتجاهات والمنطقة
ومتقوليش الجهاز هيقولك تتحرك ازاي لان الجهاز مش متغذي بخرائط مصرية في الاغلب وكمان فيه خرائط مستحيل انك تحصل عليها لاسباب امنية فالجهاز في الحالة دي هيطلعلك نقاط واحداثيات وانت عليك تتصرف فيها في الوقت ده هتعمل اييييييييييييييييييه

لو تفتكر من كام سنة كان تليفون نوكيا 96 ممنوع في مصر وده لان كان فيه جي بي اس


جى بى اس ايه ياعمنا الكلام ده فى السعودية ماشى لكن الخرايط المصرية صعبة شوية ده اولا
ثم فكر المصريين نفسه ثانيا وقلة قليلة هما اللى ممكن يفكرو فى الجى بى اس وخصوصا انه بيشتغل على احداثيات
لكن هنا اللى بتقوله ده صعب
ثم واحد رايح مشوار هيشترى جهاز جى بى اس علشانه صعبة اوى الحكاية دى
وترجع لنا بالسلامة ان شاء الله


ياعم خالد خرائط مصر اسهل من السعودية لكن هل الشعب المصري عنده ثقافة الاطلاع وهل الدولة بتسمح بالاطلاع ده انت مش فاكر صافي ومشوار طريق شركات البترول في الصحراء الغربية

وفعلا الناس مش هتعرف تتعامل بالاحداثيات لو اتزنقت



مجاوبتش على سؤال استاذ اسد الله الطريق من الغردقة لاسوان ازاي وايه الخدمات اللي عليه

sad-bird
08-10-2010, 12:06 PM
اركب قطار 570 من الزقازيق ويقوم العاشرة صباحا الى الاسكندرية
او قطارات الزقازيق بنها وهى كل نص ساعة تقريبا او كل ساعة ثم حدد المعاد وانا اقول لك تركب ايه من بنها
لكن 570 فيه عربيات عادية وسريع وبيدخل من الزقازيق على ميت غمر على طنطا وتذكرته حوالى 8 ونص فى العادية وحوالى 20 فى المكيفة


حبيبي يا ابو عمر
بس فيه مشكلة
انا عاوز اكون هناك الساعه 10 يعني اتحرك من هنا مش اكتر من 7 بالكتير او انزل بنها واخد من بنها اسكندرية
يا اما اتبع الاسلوب الرخم بتاعي اوتو ستوب وعملتها اكتر من مرة قبل كده حتى في طريق الزقازيق القاهرة

فلو مفيش مواعيد تناسب هطلع ميت غمر ومن ميت غمر طنطا ومن طنطا اسكندرية
او بنها ومن بنها اسكندرية او من بنها طنطا ومن طنطا اسكندرية واهو ممكن بدل ما اخدها قص انزل من طنطا المحلة ارخم على حازم خضر شوية اورجع اكمل اسكندرية

خالدخليفة
09-10-2010, 04:40 AM
امرى لله ياتاعبنى
اركب 944 وهو قطار بدايته الزقازيق ويقوم منها الساعة 6:05 صباحا ويصل بنها الساعة 6:50 ثم اركب من بنها قطار رقم 7 القادم من القاهرة ويصل بنها 7:20 وهو مراكز ويقف جميع المحطات حتى اسكندرية ويصلها الساعة 10:05 صباحا ان شاء الله
ثم انا شفتك جاوبت سؤال اخونا اسد الله هقول ايه بعدها ؟؟؟؟؟
وخصوصا انى مدخلتش سينا ومعرفش طرقها وسككها وانا قلت الكلام ده قبل كده
واما من قنا لاسوان فانت ماشى وعلى شمالك السكة الحديد دائما ماعد المسافة من قنا وحتى الاقصر فالسكة الحديد على يمينك

sad-bird
09-10-2010, 11:43 AM
امرى لله ياتاعبنى
اركب 944 وهو قطار بدايته الزقازيق ويقوم منها الساعة 6:05 صباحا ويصل بنها الساعة 6:50 ثم اركب من بنها قطار رقم 7 القادم من القاهرة ويصل بنها 7:20 وهو مراكز ويقف جميع المحطات حتى اسكندرية ويصلها الساعة 10:05 صباحا ان شاء الله
ثم انا شفتك جاوبت سؤال اخونا اسد الله هقول ايه بعدها ؟؟؟؟؟
وخصوصا انى مدخلتش سينا ومعرفش طرقها وسككها وانا قلت الكلام ده قبل كده
واما من قنا لاسوان فانت ماشى وعلى شمالك السكة الحديد دائما ماعد المسافة من قنا وحتى الاقصر فالسكة الحديد على يمينك


انا برضة اللي تاعبك
ربنا يسامحك هسكت علشان انت اخويا الكبير بس



على فكرة معلوماتي اغلبها نظري ما عدا الطرق الخاصة بوجه بحري ومش كلها لكني زمان كنت محب للخرائط والرسوم البيانية وكنت بجيب الاطلس بتاع زماااااااااااااااااااااااااااااااااااان معرفش فيه منه النهاردة والا لأ وكنت امسك الخرائط واقراها كويس جدااااااااااا بشبكة الطرق بتاعتها والهضاب اللي فيها والوديان وكان جدي الله يرحمه شغال في الري فكان حافظ شبكات الري والطرق في مصر وكلها وانت نازل لغايه الخرطوم فكان يقولي على شوية حاجات منها ووالدي اخد منه المعلومات دي وبقى كل كااااااااااااااااااااام سنة يديني شوية قشور منها


وبعدين انا خوفت لحسن اتوهه معايا وانت عارف اني رغاي كتير وبتوه بلد

خالدخليفة
09-10-2010, 08:56 PM
ولما انت رغاى ومعترف بكده م تقول معرفش وخلاص
هيا معرفش وحشة؟؟؟
يا اخى الامام مالك سئلوه فى 48 مسألة وقال لا اعلم
ووقتها كان هو اعلم اهل الارض

علبه ألوان
20-10-2010, 07:53 PM
السلام عليكم

انا سعيده جدا انى لقيت موضوعك ده
طبعا علشان عايزه منك خدمه مهمه اوى
انك توصفلى اسافى ازاى من اسيوط لحد القنطره غرب
انا هركب قطر طبعا

عايزه افهم انزل اى محطه
اركب من اى موقف لبورسعيد

واكون شاكره جدا جدا

sad-bird
21-10-2010, 09:01 AM
السلام عليكم

انا سعيده جدا انى لقيت موضوعك ده
طبعا علشان عايزه منك خدمه مهمه اوى
انك توصفلى اسافى ازاى من اسيوط لحد القنطره غرب
انا هركب قطر طبعا

عايزه افهم انزل اى محطه
اركب من اى موقف لبورسعيد

واكون شاكره جدا جدا

الموضوع مش صعب كده طالما بالقطر

طالما رايحة بالقطار يبقى تنزلي بورسعيد على طول
اما لو نازلة القنطرة يبقى هتنزلي القنطرة

ولو نازلة القنطرة مشوار وترجعي تكملي بورسعيد فيه مجمع مواقف قريب من المحطة وقريب من السوق في القنطرة بتركبي منه بورسعيد وفيه موقف شرق الدلتا فيه اتوبيسات مكيفة بورسعيد

إبراهيم عثمان
22-10-2010, 02:26 AM
السلام عليكم ورحمة الله وبركاته

عايز أعرف الطريق من المعادى إلى العريش

بالسيارة

خالدخليفة
22-10-2010, 03:08 AM
الموضوع مش صعب كده طالما بالقطر

طالما رايحة بالقطار يبقى تنزلي بورسعيد على طول
اما لو نازلة القنطرة يبقى هتنزلي القنطرة

ولو نازلة القنطرة مشوار وترجعي تكملي بورسعيد فيه مجمع مواقف قريب من المحطة وقريب من السوق في القنطرة بتركبي منه بورسعيد وفيه موقف شرق الدلتا فيه اتوبيسات مكيفة بورسعيد
اسكت ياواد وبطل فتاوى فى غيابى بتقول لك جاية من اسيوط عايز تبهدلها فى السفر حرام عليك يا أخى
شوفى
تركبى 971 من اسيوط ويصل اسيوط الساعة 7:25 صباحا ويقوم منها 7:35 صباحا ويصل القاهرة 1:15 ظهرا ويستأنف مسيره الى بورسعيد فى الساعة1:45 ظهرا ويصل القنطرة غرب الساعة 5:10 قبل المغرب وهى المحطة التى تلى الاسماعيلية مباشرة ويسير 35 دقيقة من الاسماعيلية كى يصل القنطرة
وفى العودة
تركبى 970 من القنطرة 10:30 صباحا ويصل القاهرة 1:40 ظهرا ويقوم منها الساعة 2 ظهرا ويصل اسيوط 7:40 ليلا
تروحى وترجعى بالسلامة ان شاء الله

sad-bird
22-10-2010, 04:22 AM
اسكت ياواد وبطل فتاوى فى غيابى بتقول لك جاية من اسيوط عايز تبهدلها فى السفر حرام عليك يا أخى
شوفى

ربنا يسامحك ياعم خالد
اناغلطان كنت بسد غيبتك مه الهارد بتاعك
عموما مختلفناش كتر انت حددت المواعيد وبعدين مهو نفس كلامي انا قلت انتي قلتي بورسعيد وقلتي القنطرة هتركبي القطر يا تنزلي بورسعيد يا تنزلي القنطرة وهيا تقرر هيا رايحة فين


تركبى 971 من اسيوط ويصل اسيوط الساعة 7:25 صباحا ويقوم منها 7:35 صباحا ويصل القاهرة 1:15 ظهرا ويستأنف مسيره الى بورسعيد فى الساعة1:45 ظهرا ويصل القنطرة غرب الساعة 5:10 قبل المغرب وهى المحطة التى تلى الاسماعيلية مباشرة ويسير 35 دقيقة من الاسماعيلية كى يصل القنطرة
وفى العودة
تركبى 970 من القنطرة 10:30 صباحا ويصل القاهرة 1:40 ظهرا ويقوم منها الساعة 2 ظهرا ويصل اسيوط 7:40 ليلا
تروحى وترجعى بالسلامة ان شاء الله


ردت في المشاركة

sad-bird
22-10-2010, 04:29 AM
السلام عليكم ورحمة الله وبركاته

عايز أعرف الطريق من المعادى إلى العريش

بالسيارة


استاذ ابراهيم انت ناوي تلف مصر كلها والا ايه
ههههههههه

عموما لغايه لما يدخل الزعيم اقولك اللي اعرفه
هتطلع من عندك على الدائري وتخرج من طريق اسماعيلية الصحراوي تمشي لغايه اسماعيلية بعد البوابة بشوية صغيرة بتلاقي صينية عندها محطة غاز فيها اتجاهين امتداد الطريقد يدخل اسماعلية تلف شمال حوالين الصينية وتطلع على طريق بورسعيد لما توصل كوبري مبارك السلام ( في حدود علمي مكنش فيه ملف قدامه على طول بتمشي شوية وتلف يمكن بقى فيه ملف قصاده دلوقتي هتعرف لما تشوف الطريق بنفسك ) تطلع الكوبري وتنزل الناحية التانية بقيت في سيناء بتاخد الطريق الشمالي وعيش حياتك بقى لغايه العريش

خالدخليفة
22-10-2010, 05:01 AM
بالنسبة للاخت / علبة الوان لو عايزة توصلى فى مواعيد تانية قولى عايزة تكونى فى القنطرة امتى وانا اقول لك توصلى ازاى اما الأخ اللى عايز الطريق من المعادى للعريش فهو زى م قال ساد بيرد بالظبط

varasa
30-10-2010, 12:47 AM
شكــــــــــــــــــــــــــــــــــــــــــــــــ ـــــــــــــــــــــــــــــــرا

varasa
30-10-2010, 01:09 AM
شكــــــــــــــــــــــــــــــــــــــــــــــــ ـــــــــــــــــــــــــــــــــــــرا

خالدخليفة
30-10-2010, 05:01 AM
العفو و أى خدمة فى اى وقت

إبراهيم عثمان
31-10-2010, 10:52 PM
شكرا على المعلومات والحمد لله الطريق طلع سهل

وأنا فعلا للأسف بلف مصر (قرايبى منتشرين فى الجمهورية هههههههههه)

ويارب العربية تستحملنى

tabeb
21-01-2011, 09:13 PM
موضوع رائع:THUMBS~220: خصوصا للي ثقافته الجغرافية مفيش زيي:bb127bc6eab060e3e23
كنت عايز اسأل عن الطريق للمدن دي من العمرانية (انا ساكن بجوار دائري الطالبية)
وياريت المسافة والوقت تقريبيا
معلش اخوكم احتمال ياخد تكليفه في واحدة من المدن دي ومش عارف اكتب ايه الاقرب ليا الاول!

-طنطا
-ميت غنر
-اسماعيلية
-دمياط
-البحيرة

sad-bird
21-01-2011, 09:38 PM
موضوع رائع:THUMBS~220: خصوصا للي ثقافته الجغرافية مفيش زيي:bb127bc6eab060e3e23
كنت عايز اسأل عن الطريق للمدن دي من العمرانية (انا ساكن بجوار دائري الطالبية)
وياريت المسافة والوقت تقريبيا
معلش اخوكم احتمال ياخد تكليفه في واحدة من المدن دي ومش عارف اكتب ايه الاقرب ليا الاول!

-طنطا
-ميت غنر
-اسماعيلية
-دمياط
-البحيرة


أولا مبروك التخرج
ثانيا ربنا يعينك على الشقا اللي هتشوفه

ثالثا حدد انت عاوز تروح بالعربية والا مواصلات والا بالقطر

koashraf
21-01-2011, 09:55 PM
[QUOTE=MANO_War;138028]ههههههههههههههههههههههههههههههههههههه
لا يا سيدى من غير ضرب خالص بس ابعد عن سندوتش العاصفة بتاعة بيعمل فعلا عاصفة بس فى التواليت فقط
بمناسبه سندوتش العاصفه فيه محل فى الاسكندريه فى بحرى اسمه صواريخ كل السندوتشات اللى عنده نظام ساندوتش العاصفه واشد منه.
وتقبلو مرورى على الموضوع

:14369D~149:GIFT4U:fun_36_3_3[1]:

tabeb
21-01-2011, 10:00 PM
أولا مبروك التخرج
ثانيا ربنا يعينك على الشقا اللي هتشوفه

ثالثا حدد انت عاوز تروح بالعربية والا مواصلات والا بالقطر
الله يبارك فيك
الله المستعان
انا معايا عربية هروح بيها ان شاء الله

koashraf
21-01-2011, 10:09 PM
واما الاسكندرية الجديدة دى بعد البحث والتحقيق وسؤال حبايبنا فى اسكندرية
اجمعو انها بين الكيلو 21 وابو تلات غرب اسكندرية طريق مطروح فدى جات منك اوت يادكتور.

اسمحلى يادكتور ان اؤيد كلام الاستاذ /خالد بان الاسكندريه الجديده تقع غرب مدينه الاسكندريه بعد العجمى بصفتى اسكندرانى عايش فى الاسكندريه ،
وده مايمنعش وجود مدينتين بنفس الاسم يعنى واحده فى الاسكندريه والتانيه فى دمياط .

sad-bird
21-01-2011, 10:18 PM
-البحيرة


افتكرت حاجة عن البحيرة
هيا ليها 3 طرق واحد منهم من طريق اسكندرية الزراعي وده من بعد طنطا بتاخد شمال لكن معرفش الوصف بالضبط ممكن اخونا نوح يدخل يدلنا عليه او الاستاذ خالد خليفة
الطريق الثاني وده الاسرع طبعا هتطلع من عندك على طريق اسكندرية الصحراوي وتاخد الطريق كأنك رايح اسكندرية هتعدي على مدينة السادات ومن هناك فيه طرق بيدخلك يمين على شبين ومنه على البحيرة ( من عند مدينة السادات تسأل هناك افضل )
الطريق الثالث وانا مشيت فيه فعلا لكن لغايه الخطاطبة وده تطلع من عندك اتجاه المرج زي ما قلنا قبل كده وتنزل نزله الوراق تنزل تمشي في الطريق الرئيس لما تدخل طريق القناطر لما توصل منشية القناطر ( منشأة القناطر ) وتعدي القناطر الخيرية النهاحية التانية وتستلم من هناك طريق الخطاطبة
الطريق ده مليان قري وعزب وفحامين ( بتوع الفحم ) وكل كيلو أو أقل هتلاقي مطب من اول الوراق لغايه القناطر بعد القناطر الموضوع كويس المسافات بتكون ابعد بين المطبات هتفضل ماشي الرياح البحيري على شمالك والمزارع ولاعزب على يمينك لما توصل الخطاطبة كده انت بقيت في البحيرة وحمد الله على السلامة
الكدب خيبة لو قلت اعرف اكتر من كده
GIFT4UGIFT4U

sad-bird
21-01-2011, 10:53 PM
اسمحلى يادكتور ان اؤيد كلام الاستاذ /خالد بان الاسكندريه الجديده تقع غرب مدينه الاسكندريه بعد العجمى بصفتى اسكندرانى عايش فى الاسكندريه ،
وده مايمنعش وجود مدينتين بنفس الاسم يعنى واحده فى الاسكندريه والتانيه فى دمياط .


دكتور عبد السلام شكله زعلان مننا يا استاذ اشرف ياريت حضرتك تكلمه يمكن يشرفنا بارائه اللي نفتقدها من زمان

خالدخليفة
21-01-2011, 10:56 PM
ماشى ياطبيب ومبروك التخرج
ونبتدى
بطنطا

هتمسك الدائرى لحد م توصل عند نقطة مكتوب عليها يافطة اسكندرية الزراعى او المهندسين او محور 26 يوليو ادخل يمين وكمل على طول حتى منزل شبرا الخيمة
هيقابلك منازل المهندسين ثم روض الفرج او امبابة ثم الوراق ثم باسوس ثم شبرا الخيمة
امسك اليمين بعد منزل باسوس ب حوالى 2 كيلو ستجد لافتات ارشادية على سور الدائرى على اليمين باللون الاصفر تقول / شبرا الخيمة الزم اليمين 1500 متر ثم اخرى تقول 500 متر ثم اخرى تقول 300 متر انزل يمين وانت نازل احترس متكملش ولكن ادخل شمال فى النفق وكمل على طوووووووول (متدخلش شمال تانى لانك هتركب الدائرى مرة تانية )لحد م تخرج من النفق ثم امشى على طول مع الطريق
ستمر على مدن قها / طوخ / بنها / قويسنا / بركة السبع ثم اخيرا طنطا
وبعد بركة السبع مباشرة ستجد بوابة كبيرة بعرض الطريق مكتوب عليها (محافظة الغربية ترحب بكم ) انت الأن فى طنطا هتنزل النفق بعدها وتمشى حتى يقابلك مطب صناعى اطلعه وانت نازل من المطب ادى اشارة شمال لكى تدخل طنطا انتظر حتى يفتح لك الطريق ثم ادخل فى الشارع المواجه لك وكمل فيه على طول حتى تعبر تحت القطار المتجه للمنصورة وهو نفق صغير
بعد النفق
ان دخلت شمال فانت متجه الى مناطق الحلو والجلاء والمحطة (محطة القطار ) والسيد البدوى وسيجر والجملة ووسط المدينة بصفة عامة
وان كملت على طول فانت ذاهب الى مناطق شارع البحر وشارع سعيد وسوق الفسيخ والجامعة وشارع سعد الدين وهو صرة المدينة تقريبا (فـفيه وحوله يتركزمعظم تجارة الجملة فى كافة المجالات ) والمحافظة وسبرباى
والمسافة تقريبا من عندك حتى طنطا حوالى 102 كيلو تقريبا

ميت غمر

اعتـقـد انها المقصودة لانى لا اعتقد انك تعرف ميت عنتر وهى قرية بعد المنصورة فى طريق شربين /كفر سعد / دمياط
ستسير نفس الطريق حتى شبرا الخيمة ثم تنزل يمينا منزل شبرا الخيمة ثم يسارا داخل النفق
وعلى طووووول حتى بنها ستجد ككوبرى صغير مكتوب قبله يافطة كوبرى الشموت بعد م تنزل من عليه هتلاقى الطريق لافـف يمينا فيسارا على شكل حرف s وستجد امامك كوبرى بنها العلوى اطلع عليه وكمل مع الطريق مسافة حوالى 5 كيلو تقريبا او اقل ستجد يافطة على اليمين مرسوم عليها سهم يشير اتجاه اليمين ومكتوب عليها المنصورة / دمياط اول يمين بعدها انزل فيه وخد الملف على واسع لان اليمين والوسط مكسر او بمعنى أدق مضعضع ستجد السيارة ترقص
ستجد امامك طريق طوله حوالى 300 متر تقريبا امشى فيه حتى أخره وادخل شمال فى الأخر مع الحرص من القادم من اليسار اولا ثم من اليمين ثانيا بعد عبورك للطريق
لان الطريق طريقهم ولايوجد هناك اى حد لتنظيم المرور الا قليلا ستمشى حتى يقابلك كمين ادخل عليه وانت رابط الحزام وميهمكش وكمل على طول حتى تعبر شريط السكة الحديد وخلى بالك من العلامة دى لانه لن يقابلك على هذا الطريق اى سكة حديد غير دى وبعد عبورك لشريط القطار ستجد امامك كوبرى عربيات كبير بعرض الطريق عدى من تحته واول يوتيرن لف وارجع تانى وادخل ثم امشى مسافة حوالى 200 متر واعبر شريط السكة الحديد مرة اخرى وادخل يمينا بعد عبورك لشريط القطار مباشرة وامشى مسافة حوالى 2 كيلو ستجد نفسك داخل مدينة ميت غمر
المسافة من عندك حتى ميت غمر تقريبا حوالى 85 كيلو
بمرورا بمدنتى بنها وكفر شكر ثم ميت غمر

الأسماعيلية
نفس الطريق حتى شبرا الخيمة ولكنك هتكمل على الطريق الدائرى على طول بعد منزل شبرا الخيمة (متنزلش كمل على طول ) ستمر طبعا عالى منازل ميت نما وبهيتم ومسطرد والخصوص والمرج ومؤسسة الزكاة
ثم يقابلك مخرج مدينة السلام
عند هذا المخرج تحديدا ستجد أمامك نفـق ادخله واخرج منه واخرج من مخرج الاسماعيلية وهو يمينا ثم تلف من تحت الدائرى وارجع ثم ادخل يمينا
انت الأن فى اول طريق الاسماعيلية
أو يمكنك الخروج من مخرج السلام يمينا ثم تمشى حتى يقابلك كوبرى متطلعوش لف من تحته وارجع لتكون فى اول طريق الاسماعيلية
ستمشى حتى تقابلك بوابة رسوم وهى قبل الاسماعيلية بحوالى 30 كيلو تقريبا ثم فى نهاية الطريق ادخل يمين وكمل على طول ستمشى حوالى 3 كيلو لتجد نفسك فى الاسماعيلية
ولتما م الفائدة
فى آخر الطريق لو دخلت يمين ولفيت مع الصينية ورجعت ودخلت يمين تانى انت الأن متجه الى بورسعيد
فى طريقك الى الاسماعيلية ستمر بمدن العبور ثم الشروق ثم العاشر من رمضان

والمسافة من عندك حتى االاسماعيلية تقريبا 120 كيلو متر

دمياط
هو نفس الطريق حتى ميت غمر مع الفارق البسيط انك هتكمل مع الطريق حتى تصل الى مدينة المنصورة
الطريق يلف يمين تلف معاه / يلف شمال تلف معاه
وبعد كمين المنصورة وهو امام محطة كهرباء المنصورة ستجد امامك كوبرى امشى من تحته ثم ادخل يمين لتطلع فوق الكوبرى وامشى على طول حتى تجد يافطة تقول طلخا او دمياط انزل بعدها يمين وعلى طووووووووووووووول حتى مدينة دمياط فى مدخل مدينة دمياط ستجد تمثال كبير لشخص لايعرف الكثيرون من هو لكنه ان لم تخننى الذاكرة تمثال عبد المنعم رياض قائد الجيش المصرى فى حرب الاستنزاف او تمثال مصطفى مشرفة العالم النووى المصرى الكبير لا اتذكر بالضبط
المهم
بعد هذا التمثال وهو فى مدينة كفر البطيخ مسقط رأس عصام الحضرى ستجد مزلقان للقطار على اليمين والشارع العمومى ينقسم قسمين قسم يدخل مع شريط القطار والأخر يدخل يسارا
ادخل يسارا لتجد نفسك فى منطقة السنانية على بعد كيلو تقريبا سيقابلك كوبرى اطلعه وانزل من عليه
ان كملت على طول ستصل الى مناطق باب الحرس وعزبة البرج
وان دخلت يسارا ستجد نفسك متجها الى مناطق سوق السمك والتجارى والشرباصى والكباس وميدان سرور
وان عملت يوتيرن بعد الكوبرى ورجعت ودخلت تحت الكوبرى يمينا فانت متجه الى المعهد الأزهرى وامن الدولة (سلم قولا من رب رحيم )
وان عملت يوتيرن من امام أمن الدولة ورجعت تحت الكوبرى فانت متجه الى مناطق عمر افندى والتجارى وجامع البحر وميدان سرور والمطافى ثم طريق بورسعيد وفارسكور والزرقا ايضا لو كملت على طول

البحيرة
انت مقلتش رايح فين فى البحيرة
لان بلاد الفلاحين ماعدا المحافظات الساحلية اسم على غير مسمى
فلايوجد مكان محدد اسمه الشرقية او مكان اسمه البحيرة او المنوفية او مكان اسمه الدقهلية او مكان اسمه الغربية وهكذا
والبحيرة عبارة عن مراكز /التوفيقية وهو مركز صغير بعد كفر الزيات وايتاى البارود وابو المطامير ودمنهور وحوش عيسى وابو حمص وكفر الدوار والدلنجات وشبراخيت (بلد الشيخ كشك رحمة الله عليه ) وكوم حمادة /رشيد / ادكو / الرحمانية (فى موقعة مشهور فى التاريخ بأسمها ) /النوبارية / وادى النطرون /المحمودية وأخيرا مركز بدر
وكلهم مداخلهم من على طريق اسكندرية الزراعى ماعد النوبارية ووادى النطرون ومركز بدر فمداخلهم من على طريق اسكندرية الصحراوى
وأبو المطامير لها مدخلان
احدهما من الزراعى ولكنه يبعد عن الزراعى حوالى 50 كيلو
والثانى من الطريق الصحراوى وهو الأقرب ويبعد عن الصحراوى حوالى 30 كيلو

وحوش عيسى لها مدخلان
الاول من الزراعى وهو الاقرب ستمشى مساافة 25 كيلو تقريبا
والثانى من الصحراوى ستمشى بمسافة 50 كيلو
عموما هنشرح لك الطريق على اساس انك رايح دمنهور عاصمة المحافظة
وهو نفس طريق طنطا ولكن حتى بركة السبع فقط (منوفية ) أو مدينة دفرة تحديدا
وهناك ستجد قبلها يافطة تقول المتجه الى الاسكندرية يلزم اليمين
وفعلا اول يمين تطلع كوبرى مدينة دفرة لتمشة مسافة حوالى 50 كيلو لتد نفسك عند مدينة كفر الزيات سيقابلك فى وسط ها الطريق بوابة رسوم ستدفع فيها 3 جنيه
وكمل بعد كمين كفر الزيات فى الطريق الزراعى
ودمنهور لها مدخلان
الاول ستجد قبله يافطة تقول المدخل الجنوبى لمدينة دمنهور
والثانى بعد هذه المدخل مباشرة بحوالى 2 كيلو و
هنقول لك على علامة مميزة له
الطريق الزراعى من كفر الزيات ضيق فهو حارتان فقط وحين يتسع الى 4 حارات وتجد على يمينك سور ابيض فأنت داخل على مدينة دمنهور وستقابلك اشارة وتقاطع مرورى
عند هذا التقاطع وهذه الاشارة ادخل يمينا ستجد امامك كوبرى
لو طلعته فانت ستعبر شريط السكة الحديد ثم يسارا الى منطقة المحافظة وهى منطقة راقية وليس بها محلات كثيرة
او يمينا منطقة مقام الدمنهورى وخلف السكة الحديد والحى التجارى هناك
وان نزلت من تحته ستذهب الى محطة السكة الحديد وشركة السجاد والموقف
والمسافة من عندك حتى دمنهور حوالى 165 كيلو تقريبا
وستمر بمدن قها / طوخ / بنها / قويسنا / بركة السبع / كفر الزيات / ايتاى البارودى ثم دمنهور

ومبروك التخرج وعقبال م نشوفك احد علماء مصر الكبار
مثل مجدى يعقوب وزويل ومصطفى السيد وعصام حجى ومشرفة وغيرهم

خالدخليفة
21-01-2011, 11:02 PM
افتكرت حاجة عن البحيرة
هيا ليها 3 طرق واحد منهم من طريق اسكندرية الزراعي وده من بعد طنطا بتاخد شمال لكن معرفش الوصف بالضبط ممكن اخونا نوح يدخل يدلنا عليه او الاستاذ خالد خليفة
الطريق الثاني وده الاسرع طبعا هتطلع من عندك على طريق اسكندرية الصحراوي وتاخد الطريق كأنك رايح اسكندرية هتعدي على مدينة السادات ومن هناك فيه طرق بيدخلك يمين على شبين ومنه على البحيرة ( من عند مدينة السادات تسأل هناك افضل )
الطريق الثالث وانا مشيت فيه فعلا لكن لغايه الخطاطبة وده تطلع من عندك اتجاه المرج زي ما قلنا قبل كده وتنزل نزله الوراق تنزل تمشي في الطريق الرئيس لما تدخل طريق القناطر لما توصل منشية القناطر ( منشأة القناطر ) وتعدي القناطر الخيرية النهاحية التانية وتستلم من هناك طريق الخطاطبة
الطريق ده مليان قري وعزب وفحامين ( بتوع الفحم ) وكل كيلو أو أقل هتلاقي مطب من اول الوراق لغايه القناطر بعد القناطر الموضوع كويس المسافات بتكون ابعد بين المطبات هتفضل ماشي الرياح البحيري على شمالك والمزارع ولاعزب على يمينك لما توصل الخطاطبة كده انت بقيت في البحيرة وحمد الله على السلامة
الكدب خيبة لو قلت اعرف اكتر من كده
GIFT4UGIFT4U

سيبك من الوصفة دى لانها وصفة تهجيصى ولو مشيت عليها هتكره اليوم اللى اشتريت فيه العربية لان الطريق من مدينة السادات حتى كفر داوود 30 كيلو معقولة لكن مابعدها محتاج حاوى لكى يقود السيارة او واحد حاصل على بكالوريوس ميكروباس زى حالاتى
ثم انه طريق طويل جداا وهتمشى اكتر من 80 كيلو زيادة حسب المكان اللى انت رايحه
ثم ان الطريق من عندك حتى منطقة سجون وادى النطرون اللى هتدخل من بعدها مدخل مدينة السادات الصناعية حوالى 110 كيلو فقط غير 30 كيلو حتى كفر داوود ثم 25 كيلو حتى كمين كوم حمادة
أيه الوش ده
وبطل فتاوى يامحمد ياعلى

sad-bird
21-01-2011, 11:39 PM
ماشى ياطبيب ومبروك التخرج
ونبتدى
بطنطا

هتمسك الدائرى لحد م توصل عند نقطة مكتوب عليها يافطة اسكندرية الزراعى
ميت غمر

اعتـقـد انها المقصودة

الأسماعيلية
نفس الطريق حتى شبرا الخيمة ولكنك هتكمل على الطريق الدائرى على طول بعد منزل شبرا الخيمة (متنزلش كمل على طول )
فى طريقك الى الاسماعيلية ستمر بمدن العبور ثم الشروق ثم العاشر من رمضان

والمسافة من عندك حتى االاسماعيلية تقريبا 120 كيلو متر

دمياط
هو نفس الطريق حتى ميت غمر مع الفارق البسيط انك هتكمل مع الطريق حتى تصل الى مدينة المنصورة



سيبك من الوصفة دى لانها وصفة تهجيصى
أيه الوش ده
وبطل فتاوى يامحمد ياعلى

معتقدش ان فيه اختلاف كبير او فرق جوهري او كبير بين وصف ال3 مناطق اللي حضرتك ذكرتهم يا استاذ خالد وبين الوصف اللي انا ذكرته في المشاركة اللي اتشالت علشان يكون وصفي تهجيصي او اكون بفتي بدون علم
حتى الجزء اللي قلت اللي اعرفه عنه كان خاص بالبحيرة وقلت في اخره ان هذا ما اعرفه ويستني لما حضرتك ترد عليه
وعموما انا اسف لو كنت بضايق حضرتك بمشاركاتي وان شاء الله مش يتكرر (التهجيص والفتوي) ده مني تاني

م/محمد نعيم
22-01-2011, 12:10 AM
ربنا يقويك

خالدخليفة
22-01-2011, 12:20 AM
اولا انا معرفش اتشالت ليه المشاركة ولا مين شالها ثم ياعم ماهى موجودة فى الاقتباس بتاعى
ثم المقصود بكلمة تهجيصى والفتاوى دول الهزار معاك
ولكن لان فلاح شرقاوى مبتعرفش تهزر فزعلت
لكن لو انت صعيدى من اللى الناس هارياهم نكت ومستحملين وبيألفو نكت على انفسهم كمان
كنت اخدتها بروح رياضية
فهمت يافلاح
ثم ان طريق البحيرة فعلا اللى قلت عليه طويل جدااااااااا ومرهق جدا لانى مشيته كذا مرة وهو مقرف
ثم يعنى أيه البحيرة
هو فى مكان اسمه البحيرة
دول 16 مركز متنطورين انت بتتكلم عن محافظة فى وسط الدلتا يعنى ليها كذا طريق

اختشى..... وخلى افــقـك واسع

الصعايدة اجدع من الفلاحين

AbOnOrA
22-01-2011, 02:03 AM
معتقدش ان فيه اختلاف كبير او فرق جوهري او كبير بين وصف ال3 مناطق اللي حضرتك ذكرتهم يا استاذ خالد وبين الوصف اللي انا ذكرته في المشاركة اللي اتشالت علشان يكون وصفي تهجيصي او اكون بفتي بدون علم
حتى الجزء اللي قلت اللي اعرفه عنه كان خاص بالبحيرة وقلت في اخره ان هذا ما اعرفه ويستني لما حضرتك ترد عليه
وعموما انا اسف لو كنت بضايق حضرتك بمشاركاتي وان شاء الله مش يتكرر (التهجيص والفتوي) ده مني تاني
استاذ خالد بيحب الهزار وطبعا حضرتك من حقك تقبله او لاء بس انا اؤكدلك انه انسان طيب وبيتكلم بطيبة وحسن نيه يمكن تكون زيادة عن اللزوم شوية بس من منطلق العشم
ياريت متزعلش منه وانا اسف بالنيابة عنه :angel2W22:

عمى خالد حبيب الملايين : بلاش موضوع صعايدة وفلاحين ده مش ناقصين تفرقة وتمييز وبعدين لا بقى فيه فلاحين ولا عمال كلنا بقينا فئات خلاص ROSE4U

احمد بدر1978
22-01-2011, 02:12 AM
احنا كلنا ولاد بلد سواء كنا فلاحين او صعايدة او سواحلية استهدوا بالله عشان انا لسة راجع من طنطا وحموت وانام واللى زعلان يمسحها فيا انا

خالدخليفة
22-01-2011, 02:14 AM
اولا انا مش بهزر عمال على بطال انا بس بحب اكتب المعلومة وفيها نوع من القفشة او الضحكة علشان توصل للذهن بسرعة ومتتنسيش ويمكن ده اسلوبى فى موضوع ادب الرحلات وانا فعلا لو لاحظت وصفت الموضوع بطريقة سهلة وبسيطة وكان لازم احط شوية بهارات على الكلام علشان يبقى فيها نوع من روح الدعابة

ثم ان محمد على ده نفسه وانا اكبر منه مرة ونص فى السن ادانا بومبة واحنا فى القاهرة انا واحمد بدر واحمد كورسير وبعد فاصل من الجرى فى وسط الزحام سابنا ومشى ومردش علينا لما طلبناه بالموبايل وقال ساعتها ان صوته راح منه
ومع ذلك مزعلناش
للاننا بنعتبره اخونا ومفيش مجال بيننا للزعل اصلا

يس هو محمد على كده ...........ليه طلعات جوية بورجوازية تكهرب اى موضوع
(اهو هيزعل من بورجوازية دى ..........مع ان ملهاش علاقة بالموضوع)

ثم تعالى هنا
اذا كان مجلس الشعب عمال وفلاحين وفئات مستقل
وانا من هذا المنطلق صعيدى يعنى لافلاح ولافئات مستقل

احمد بدر1978
22-01-2011, 02:18 AM
خلاص يا عم خالد انا عايز انام ربنا يهديكم :crazyW14:

AbOnOrA
22-01-2011, 02:38 AM
عندى انا يا عم خالد وامسحها فى احمد بدر وات كيبوردك ابوسها ... انا كمان لسه جاى وعايز اناااااااااام :hd:

خالدخليفة
22-01-2011, 02:43 AM
خلاص يا عم خالد انا عايز انام ربنا يهديكم :crazyW14:
م تنام ياعم انت محسسنا اننا بنتخانق فوق دماغك
ثم كنت ف طنطا بتعمل ايه ؟؟؟؟
على فكرة كنت عندكوامبارح فى اسكندرية بس بقى عند ابيس او نهاية الزراعى لانى كنت مسافر زراعى علشان هعدى على واحد فى بنها
وعند البوابة اللى فى مدخل المدينة لقيت خناقة بين سواق عربية نقل جامبو وسواق ميكروباس وقافلين الطريق
والعبد الفقير فضل يتحب من على يمين الطابور ودخلت ممر ضيق قبل البوابة ورا طابور تانى ولقيت كوبرى طلعت عليه وفوجئت بنفسى فى ابو قير
وطبعا اخدت اسكندرية من أول السطر
وعلى م وصلت المنشية كنت اخدت ساعة
بس معديتش عليك لانى خلصت متأخر على 12 بالليل كده وكنت مرهق فمكانش ليا مزاج اسوق بسرعة فوصلت القاهرة على الساعة 3 بالليل
انت مزوغ بقى لك مدة خير اللهم اجعله خير

خالدخليفة
22-01-2011, 02:46 AM
طيب لما اشوفك يامحمد على ولعتها ومشيت
يابرجوازى يا امبريالى يافلاح مستقل
ههههههههههههههههههههههههههه

احمد بدر1978
22-01-2011, 02:48 AM
م تنام ياعم انت محسسنا اننا بنتخانق فوق دماغك
ثم كنت ف طنطا بتعمل ايه ؟؟؟؟
على فكرة كنت عندكوامبارح فى اسكندرية بس بقى عند ابيس او نهاية الزراعى لانى كنت مسافر زراعى علشان هعدى على واحد فى بنها
وعند البوابة اللى فى مدخل المدينة لقيت خناقة بين سواق عربية نقل جامبو وسواق ميكروباس وقافلين الطريق
والعبد الفقير فضل يتحب من على يمين الطابور ودخلت ممر ضيق قبل البوابة ورا طابور تانى ولقيت كوبرى طلعت عليه وفوجئت بنفسى فى ابو قير
وطبعا اخدت اسكندرية من أول السطر
وعلى م وصلت المنشية كنت اخدت ساعة
بس معديتش عليك لانى خلصت متأخر على 12 بالليل كده وكنت مرهق فمكانش ليا مزاج اسوق بسرعة فوصلت القاهرة على الساعة 3 بالليل
انت مزوغ بقى لك مدة خير اللهم اجعله خير
انهاردة كان فى مقابلة فى طنطا يا عم خالد
بالنسبة انك ما عديتش عليا امبارح فا اللى حصل فيك دة جزائك انك تكون فى الاسكندرية وما عديتش عليا وكدة عليك حق عرب كبيررررررررررررر

خالدخليفة
22-01-2011, 02:54 AM
اعدى عليك فين الساعة 12 وخصوصا انى راكب العربية من 9 صباحا وكان شوية النافوخ والاعصاب اللى فاضلين يادوب يودونى القاهرة
امبارح كان يوم طوويـيـيـيـيـيـيـيـيـيـيـيـيـيـيـيـيـيـيـيـيـيـيـي ـيـيـيـيـيـيـيـيـيـيل
من اكتوبر لبنها لطنطا لاسكندرية ثم اكتوبر مرة تانية ثم الزيتون

احمد بدر1978
22-01-2011, 02:55 AM
انت اية اللى مقعدك فى اكتوبر؟؟؟؟

خالدخليفة
22-01-2011, 03:02 AM
عندى شغلانة هناك ومطولة شويتين وبكون مرهق وانا راجع فبدور على شقة فى اكتوبر اقعد فيها مؤقتا لحد م الشغلة دى تخلص

احمد بدر1978
22-01-2011, 09:41 AM
ربنا يكون فى عونك ياباشا

خالدخليفة
22-01-2011, 11:44 AM
احتمال اكون فى اسكندرية على الثلاثاء هبقى اتصل بيك قبلها وهنكلفك واحد شاى تقيل

corsair
22-01-2011, 12:13 PM
معتقدش ان فيه اختلاف كبير او فرق جوهري او كبير بين وصف ال3 مناطق اللي حضرتك ذكرتهم يا استاذ خالد وبين الوصف اللي انا ذكرته في المشاركة اللي اتشالت علشان يكون وصفي تهجيصي او اكون بفتي بدون علم
حتى الجزء اللي قلت اللي اعرفه عنه كان خاص بالبحيرة وقلت في اخره ان هذا ما اعرفه ويستني لما حضرتك ترد عليه
وعموما انا اسف لو كنت بضايق حضرتك بمشاركاتي وان شاء الله مش يتكرر (التهجيص والفتوي) ده مني تاني


ايه ده محمد علي بيتقمص انا مش مصدق نفسي

ههههههههههههههههههههههههه

انتا هتزعل من عم خالد ولا ايه اوعي تفكر في كدا ازعل منك ده جنن الناس اللي ماشيه في الشارع علشان يجيلك في سراي القبة وانتا خلعت

خالد ده اخونا الكبير يعني زي والدنا في المنتدي محدش يقدر يزعل منه وانتا عارف عم خالد صعيدي وهو ده اسلوبه في الكلام لما بيحب يهزر اومال لو كنت مكان جمال مع ابو موسي كنت عملت ايه

tabeb
22-01-2011, 10:04 PM
شكرا يا جماعة
وصف تفصيلي رائعGIFT4U

خالدخليفة
23-01-2011, 12:19 AM
انت تؤمرنى ياطبيب بس ياريت لو عرفتنا بنفسك

mo3tazabeslami
24-01-2011, 01:37 PM
جزاك الله خيرا على الموضوع المفيد
كنت اريد استفسر من حضرتك عن المسافة بين مدينة قليوب والشوق او العبور ام اكتوبر وايهما اقرب لاننا نريد شقة اسهل في الطريق لقليوب نتيجة عمل زوجي
وشكرا جزيلا

خالدخليفة
24-01-2011, 04:05 PM
وجزاكم الله خير الجزاء
اللهم اجعله فى ميزان حسناتى........ اللهم آمين
مبدئيا نقول
ان الطريق الى المدن ال 3 لابد ان يمر عبر الطريق الدائرى وبالتالى
فهناك مسافة مشتركة هى 4 كيلو من قليوب للدائرى
ثم
من قليوب للمخرج المحور14 كيلو تقريبا ثم المحور طوله 11.5 كيلو ثم من المحور حتى هايبر وان وهو بداية الحى المتميز بأكتوبر حوالى 5 كيلو
اى ان المسافة من قليوب حتى بداية اكتوبر = 30 كيلو تقريبا

ومن قليوب للدائرى 4 كيلو ثم من مدخل الدائرى حتى طريق الاسماعيلية 18 كيلو تقريبا ثم من موقف العاشر وحتى كارفور وهو مدخل العبور حوالى 15 كيلو تقريبا
اى ان المسافة من قليوب وحتى مدخل العبور = 37 كيلو تقريبا

ومدينة الشروق تبعد عن العبور ب 15 كيلو تقريبا فى نفس الطريق
اى ان المسافة من قليوب للعبور = 52 تقريبا

نيجى بقى لمشاكل الطريق
بالنسبة للطريق حتى العبور والشروق لاتوجد اى مشاكل على الدائرى حتى مدينة السلام (طريق الاسماعيلية ) اللهم الا توقف مدته لاتزيد عن 10 دقايق عند كمين المرج وعند مخرج الطريق يوجد 2 موقف (ميكروباس واقاليم) فيتوقف توقف مؤقت ثم عند موقف العاشر ايضا توقف مؤقت مدة كل منهما على اى حال لاتزيد عن ربع ساعة بالكتير هذا طوال اليوم ماعدا الفترة من الثامنة صباحا وحتى التاسعة فهى تحتاج الى حاوى ويجب ان تعملى حسابك فى ساعة زيادة فى زمن الرحلة
واما رحلة العودة فالطريق ممل من بعد العبور وحتى موقف العاشر وهو توقف مزمن ليس له حل الا.......تخريمة كده من مدينة السلام مرورا بالنهضة والحرفيين ثم العودة الى الطريق مرة اخرى او تكملة التخريمة من الحرفيين الى مطلع مؤسسة الزكاة فى طريق وعر وغير ممهد لكى تهرب من كل هذه الدوشة ثم تركب الدائرى مرة اخرى ليقابلك بطء الططريق نظرا للزحام الرهيب عليه ولكنه يسير بسرعة لاتزيد عن 60 وهى معقولة نسبيا حتى تدخل كمين الخصوص فيتوقف الطريق تماااااااااااااااااما لمدة تزيد عن الربع ساعة ثم مخرج اسكندرية الزراعى وهو يتوقف ايضا بسبب ميكروباسات اكتوبر التى تقف هناك فتغلق الطريق بالاضافة الى الجهابذة الذين يسلكون الجانب الشمال لانه ماشى ثم يدخل يمينا الى مخرج الزراعى فيتوقف الطريق

الطريق الى اكتوبر مشكلته كلها تتركز صباحا من السابعة والنصف حتى التاسعة فقبل المحور بحوالى 2 كيلو يتوقف الطريق تمااااااااما ويمكن ان تأخذ هذه المسافة وحدها فى اكثر من ساعة
والعودة فان المحور يتوقف هذه الايام من الواحدة ظهرا وحتى السادسة فتجد نفسك اخذت المحور فى ساعة الا ربع بدلا من 10 دقايق ثم تطلع الدائرى فسيعطلك كمين روض الفرج حوالى ربع ساعة ثم كمين الوراق حوالى ربع ساعة مثلها ثم اصلاحات الطريق هذه الايام (وهى مؤقتة بالطبع ) لمدة نصف ساعة
وفى كل الأحوال المسافة من مخرج الدائرى على اسكندرية الزراعى حتى قليوب دائما مكتظة بالسيارات وتستهلك حوالى تلت ساعة وحدها
هذا ان كنتم تملكون سيارة
طيب لنفترض انكم ليس لديكم سيارة
الحل
بالنسبة للعبور والشروق
ميكروباس حتى الدائرى ثم ميكروباس حتى موقف العاشر او السلام ثم ميكروباس من العاشر وحتى العبور او الشروق
ولكن ان كان عمل زوجك يتطلب التأخير بعد 10 ليلا فلا افضل لكم مدينة الشروق لان مواصلاتها بعد العاشرة ليلا شتاءا تقل ثم تختفى
واما العبور فمواصلاتها تختفى بعد 12 ليلا

بالنسبة لاكتوبر
تركبى ميكروباس حتى الدائرى ثم من فوق الدائرى ميكروباس حتى اكتوبر
ومواصلات اكتوبر كثيرة وشغالة طول الليل ماعدا اكتوبر الشيخ زايد ( ألاحياء البعيدة / مثل ال16 وال 15 وغيرها ) فبعد 12 بالليل شتاء ليس لها حل الا تاكسى من عند هايبر وان

انا عرضت على حضرتك كافة جوانب الموضوع من مسافات ومشاكل الطرق ومواصلات وحضرتك تحسبـيـها
ايهما افضل بالنسبة لك
اخيرا
لو قررتى البحث عن شقة فى اكتوبر فاسمحى لى اساعدك في البحث عنها
فقط ابعتى على الخاص مواصفاتها وامكانياتك المادية والمطلوب وان شاء الله نجدها لك

mo3tazabeslami
25-01-2011, 01:00 PM
شكرا جزيلا على الشرح

خالدخليفة
25-01-2011, 05:14 PM
عفوا وتحت امرك وامر أى حد عايز يروح اى مكان ان شاء الله نساعده قدر المستطاع

ولانطلب الا دعوة خالصة لوجه الله بظهر الغيب لاخوكم العبد الضعيف الفقير الى الله تعالى

احمد عبد الغفار
15-02-2011, 06:11 PM
ماشى ياطبيب ومبروك التخرج
ونبتدى
بطنطا

هتمسك الدائرى لحد م توصل عند نقطة مكتوب عليها يافطة اسكندرية الزراعى او المهندسين او محور 26 يوليو ادخل يمين وكمل على طول حتى منزل شبرا الخيمة
هيقابلك منازل المهندسين ثم روض الفرج او امبابة ثم الوراق ثم باسوس ثم شبرا الخيمة
امسك اليمين بعد منزل باسوس ب حوالى 2 كيلو ستجد لافتات ارشادية على سور الدائرى على اليمين باللون الاصفر تقول / شبرا الخيمة الزم اليمين 1500 متر ثم اخرى تقول 500 متر ثم اخرى تقول 300 متر انزل يمين وانت نازل احترس متكملش ولكن ادخل شمال فى النفق وكمل على طوووووووول (متدخلش شمال تانى لانك هتركب الدائرى مرة تانية )لحد م تخرج من النفق ثم امشى على طول مع الطريق
ستمر على مدن قها / طوخ / بنها / قويسنا / بركة السبع ثم اخيرا طنطا
وبعد بركة السبع مباشرة ستجد بوابة كبيرة بعرض الطريق مكتوب عليها (محافظة الغربية ترحب بكم ) انت الأن فى طنطا هتنزل النفق بعدها وتمشى حتى يقابلك مطب صناعى اطلعه وانت نازل من المطب ادى اشارة شمال لكى تدخل طنطا انتظر حتى يفتح لك الطريق ثم ادخل فى الشارع المواجه لك وكمل فيه على طول حتى تعبر تحت القطار المتجه للمنصورة وهو نفق صغير
بعد النفق
ان دخلت شمال فانت متجه الى مناطق الحلو والجلاء والمحطة (محطة القطار ) والسيد البدوى وسيجر والجملة ووسط المدينة بصفة عامة
وان كملت على طول فانت ذاهب الى مناطق شارع البحر وشارع سعيد وسوق الفسيخ والجامعة وشارع سعد الدين وهو صرة المدينة تقريبا (فـفيه وحوله يتركزمعظم تجارة الجملة فى كافة المجالات ) والمحافظة وسبرباى
والمسافة تقريبا من عندك حتى طنطا حوالى 102 كيلو تقريبا

ميت غمر

اعتـقـد انها المقصودة لانى لا اعتقد انك تعرف ميت عنتر وهى قرية بعد المنصورة فى طريق شربين /كفر سعد / دمياط
ستسير نفس الطريق حتى شبرا الخيمة ثم تنزل يمينا منزل شبرا الخيمة ثم يسارا داخل النفق
وعلى طووووول حتى بنها ستجد ككوبرى صغير مكتوب قبله يافطة كوبرى الشموت بعد م تنزل من عليه هتلاقى الطريق لافـف يمينا فيسارا على شكل حرف s وستجد امامك كوبرى بنها العلوى اطلع عليه وكمل مع الطريق مسافة حوالى 5 كيلو تقريبا او اقل ستجد يافطة على اليمين مرسوم عليها سهم يشير اتجاه اليمين ومكتوب عليها المنصورة / دمياط اول يمين بعدها انزل فيه وخد الملف على واسع لان اليمين والوسط مكسر او بمعنى أدق مضعضع ستجد السيارة ترقص
ستجد امامك طريق طوله حوالى 300 متر تقريبا امشى فيه حتى أخره وادخل شمال فى الأخر مع الحرص من القادم من اليسار اولا ثم من اليمين ثانيا بعد عبورك للطريق
لان الطريق طريقهم ولايوجد هناك اى حد لتنظيم المرور الا قليلا ستمشى حتى يقابلك كمين ادخل عليه وانت رابط الحزام وميهمكش وكمل على طول حتى تعبر شريط السكة الحديد وخلى بالك من العلامة دى لانه لن يقابلك على هذا الطريق اى سكة حديد غير دى وبعد عبورك لشريط القطار ستجد امامك كوبرى عربيات كبير بعرض الطريق عدى من تحته واول يوتيرن لف وارجع تانى وادخل ثم امشى مسافة حوالى 200 متر واعبر شريط السكة الحديد مرة اخرى وادخل يمينا بعد عبورك لشريط القطار مباشرة وامشى مسافة حوالى 2 كيلو ستجد نفسك داخل مدينة ميت غمر
المسافة من عندك حتى ميت غمر تقريبا حوالى 85 كيلو
بمرورا بمدنتى بنها وكفر شكر ثم ميت غمر

الأسماعيلية
نفس الطريق حتى شبرا الخيمة ولكنك هتكمل على الطريق الدائرى على طول بعد منزل شبرا الخيمة (متنزلش كمل على طول ) ستمر طبعا عالى منازل ميت نما وبهيتم ومسطرد والخصوص والمرج ومؤسسة الزكاة
ثم يقابلك مخرج مدينة السلام
عند هذا المخرج تحديدا ستجد أمامك نفـق ادخله واخرج منه واخرج من مخرج الاسماعيلية وهو يمينا ثم تلف من تحت الدائرى وارجع ثم ادخل يمينا
انت الأن فى اول طريق الاسماعيلية
أو يمكنك الخروج من مخرج السلام يمينا ثم تمشى حتى يقابلك كوبرى متطلعوش لف من تحته وارجع لتكون فى اول طريق الاسماعيلية
ستمشى حتى تقابلك بوابة رسوم وهى قبل الاسماعيلية بحوالى 30 كيلو تقريبا ثم فى نهاية الطريق ادخل يمين وكمل على طول ستمشى حوالى 3 كيلو لتجد نفسك فى الاسماعيلية
ولتما م الفائدة
فى آخر الطريق لو دخلت يمين ولفيت مع الصينية ورجعت ودخلت يمين تانى انت الأن متجه الى بورسعيد
فى طريقك الى الاسماعيلية ستمر بمدن العبور ثم الشروق ثم العاشر من رمضان

والمسافة من عندك حتى االاسماعيلية تقريبا 120 كيلو متر

دمياط
هو نفس الطريق حتى ميت غمر مع الفارق البسيط انك هتكمل مع الطريق حتى تصل الى مدينة المنصورة
الطريق يلف يمين تلف معاه / يلف شمال تلف معاه
وبعد كمين المنصورة وهو امام محطة كهرباء المنصورة ستجد امامك كوبرى امشى من تحته ثم ادخل يمين لتطلع فوق الكوبرى وامشى على طول حتى تجد يافطة تقول طلخا او دمياط انزل بعدها يمين وعلى طووووووووووووووول حتى مدينة دمياط فى مدخل مدينة دمياط ستجد تمثال كبير لشخص لايعرف الكثيرون من هو لكنه ان لم تخننى الذاكرة تمثال عبد المنعم رياض قائد الجيش المصرى فى حرب الاستنزاف او تمثال مصطفى مشرفة العالم النووى المصرى الكبير لا اتذكر بالضبط
المهم
بعد هذا التمثال وهو فى مدينة كفر البطيخ مسقط رأس عصام الحضرى ستجد مزلقان للقطار على اليمين والشارع العمومى ينقسم قسمين قسم يدخل مع شريط القطار والأخر يدخل يسارا
ادخل يسارا لتجد نفسك فى منطقة السنانية على بعد كيلو تقريبا سيقابلك كوبرى اطلعه وانزل من عليه
ان كملت على طول ستصل الى مناطق باب الحرس وعزبة البرج
وان دخلت يسارا ستجد نفسك متجها الى مناطق سوق السمك والتجارى والشرباصى والكباس وميدان سرور
وان عملت يوتيرن بعد الكوبرى ورجعت ودخلت تحت الكوبرى يمينا فانت متجه الى المعهد الأزهرى وامن الدولة (سلم قولا من رب رحيم )
وان عملت يوتيرن من امام أمن الدولة ورجعت تحت الكوبرى فانت متجه الى مناطق عمر افندى والتجارى وجامع البحر وميدان سرور والمطافى ثم طريق بورسعيد وفارسكور والزرقا ايضا لو كملت على طول

البحيرة
انت مقلتش رايح فين فى البحيرة
لان بلاد الفلاحين ماعدا المحافظات الساحلية اسم على غير مسمى
فلايوجد مكان محدد اسمه الشرقية او مكان اسمه البحيرة او المنوفية او مكان اسمه الدقهلية او مكان اسمه الغربية وهكذا
والبحيرة عبارة عن مراكز /التوفيقية وهو مركز صغير بعد كفر الزيات وايتاى البارود وابو المطامير ودمنهور وحوش عيسى وابو حمص وكفر الدوار والدلنجات وشبراخيت (بلد الشيخ كشك رحمة الله عليه ) وكوم حمادة /رشيد / ادكو / الرحمانية (فى موقعة مشهور فى التاريخ بأسمها ) /النوبارية / وادى النطرون /المحمودية وأخيرا مركز بدر
وكلهم مداخلهم من على طريق اسكندرية الزراعى ماعد النوبارية ووادى النطرون ومركز بدر فمداخلهم من على طريق اسكندرية الصحراوى
وأبو المطامير لها مدخلان
احدهما من الزراعى ولكنه يبعد عن الزراعى حوالى 50 كيلو
والثانى من الطريق الصحراوى وهو الأقرب ويبعد عن الصحراوى حوالى 30 كيلو

وحوش عيسى لها مدخلان
الاول من الزراعى وهو الاقرب ستمشى مساافة 25 كيلو تقريبا
والثانى من الصحراوى ستمشى بمسافة 50 كيلو
عموما هنشرح لك الطريق على اساس انك رايح دمنهور عاصمة المحافظة
وهو نفس طريق طنطا ولكن حتى بركة السبع فقط (منوفية ) أو مدينة دفرة تحديدا
وهناك ستجد قبلها يافطة تقول المتجه الى الاسكندرية يلزم اليمين
وفعلا اول يمين تطلع كوبرى مدينة دفرة لتمشة مسافة حوالى 50 كيلو لتد نفسك عند مدينة كفر الزيات سيقابلك فى وسط ها الطريق بوابة رسوم ستدفع فيها 3 جنيه
وكمل بعد كمين كفر الزيات فى الطريق الزراعى
ودمنهور لها مدخلان
الاول ستجد قبله يافطة تقول المدخل الجنوبى لمدينة دمنهور
والثانى بعد هذه المدخل مباشرة بحوالى 2 كيلو و
هنقول لك على علامة مميزة له
الطريق الزراعى من كفر الزيات ضيق فهو حارتان فقط وحين يتسع الى 4 حارات وتجد على يمينك سور ابيض فأنت داخل على مدينة دمنهور وستقابلك اشارة وتقاطع مرورى
عند هذا التقاطع وهذه الاشارة ادخل يمينا ستجد امامك كوبرى
لو طلعته فانت ستعبر شريط السكة الحديد ثم يسارا الى منطقة المحافظة وهى منطقة راقية وليس بها محلات كثيرة
او يمينا منطقة مقام الدمنهورى وخلف السكة الحديد والحى التجارى هناك
وان نزلت من تحته ستذهب الى محطة السكة الحديد وشركة السجاد والموقف
والمسافة من عندك حتى دمنهور حوالى 165 كيلو تقريبا
وستمر بمدن قها / طوخ / بنها / قويسنا / بركة السبع / كفر الزيات / ايتاى البارودى ثم دمنهور

ومبروك التخرج وعقبال م نشوفك احد علماء مصر الكبار
مثل مجدى يعقوب وزويل ومصطفى السيد وعصام حجى ومشرفة وغيرهم
انا عايز ارخح النوباري و انا في بنها موصلات

خالدخليفة
15-02-2011, 06:52 PM
انا عايز ارخح النوباري و انا في بنها موصلات

اعتقد انك تقصد النوبارية
هتركب القطار حتى رمسيس وهناك امام باب محطة مصر ستجد ميكروباسات اسكندرية
تركب وتقول له نزلنى النوبارية
بس طبعا هتدفع اجرة اسكندرية
اما لو عايز تدفع اقل شوية هتركب الميكروباس من بنها حتى شبرا الخيمة وهتاخد ميكروباس الى خلوصى ثم تنزل عند موقف اتوبيس السادات
هتركب اتوبيس للسادات ب 6 جنيه او ب8 جنيه على حسب اللى طالع
ومدينة السادات لها كل نص ساعة اتوبيس ثم من قبل ان يدخل مدينة السادات ستنزل او اسأل السائق ان كان من الموقف توجد مواصلات للنوبارية
هذه الطريقة ستكلفك كام
3 جنيه من بنها لشبرا
75 قرش من شبرا حتى موقف السادات ( مطار المنوفية )
6 جنيه من القاهرة للسادات
2 جنيه من السادات للنوبارية (تقريبا )
الاجمالى / حوالى 12 جنيه
وستكلفك من الوقت حوالى 6 ساعات
واما الطريقة الأولى ستكلفك الأتى
3.5 جنيه حتى محطة القاهرة
25 جنيه اجرة اسكندرية بالميكروباس من امام محطة القاهرة
وستكلفك من الوقت حوالى 4 ساعات
واحسبها انت اما توفير الوقت او توفير الفلوس

tabeb
03-03-2011, 02:30 AM
السلام عليكم
ازيكم يا جماعة
يا ريت تشرحولي الطريق الي طامية في الفيوم وقليوب
انا من العمرانية وجنب الدائري
يا ريت تنصحوني اختار ايه فيهم اخد تكليفي فيهم من حيث الاقرب

خالدخليفة
03-03-2011, 03:18 AM
اولا طامية بعد المنيب بحاجة بسيطة وممكن تركب لها ميكروباس من امام محطة الجيزة وهى اقرب لك من قليوب لانك من العمرانية هتخرم على ساقية مكى وتخلى قطار الصعيد على شمالك وتمشى جنب قطار الصعيد حوالى تلت ساعة او نص ساعة بالكتير
أم قليوب فمن عندك مشوارها عويص وطويلوخصوصا ان الدايرى اللى جنبك هو محور المريوطية يعنى لسه هتطلع منه على الدائرى القديم وهات ياطحن لحد مخرج شبرا الخيمة وهى مسافة حوالى 45 كيلو وحدها واهم من طولها الزحام الرهيب عند كمين امبابة ثم كمين الوراق ثم مخرج شبرا واقل واجب لو انت واخد بكالوريوس ميكروباس زى حالاتى وقلبك جامد وسايب الاكسدام مدلدل زى حالاتى لاقناع الباقيين انهم يوسعولك لخوفهم منك فهتاخد لك فيها ساعة الا ربع
اما لو سواقتك سواقة طبيب يبقى فيها ساعتين وشوية
ثم من الدائرى الى قليوب وهى مسافة 4 كيلو تاخد وقت الذروة تلت ساعة
لكن من عندك مشوار طامية أخره نص ساعة بسبب زحمة المنيب لانك مفروض تخرم من ترعة الزمر وتركب الكوبرى فوق محطة ساقية مكى ثم تصل المنيب وفى المنيب ستتأخر بسبب الفوضى حوالى ربع ساعة بالكتير
وباقى مشوارك من ترعة الزمر حتى المنيب ومن بعد المنيب الى طامية كبيره 45 دقيقة ساعة الذروة وخصوصا ان ترعة الزمر كله مسالك
وهسألك سؤال سألته لك قبل كده
ومرديتش عليه
انت اسمك ايه ؟؟؟؟

tabeb
03-03-2011, 04:27 AM
اولا طامية بعد المنيب بحاجة بسيطة وممكن تركب لها ميكروباس من امام محطة الجيزة وهى اقرب لك من قليوب لانك من العمرانية هتخرم على ساقية مكى وتخلى قطار الصعيد على شمالك وتمشى جنب قطار الصعيد حوالى تلت ساعة او نص ساعة بالكتير
أم قليوب فمن عندك مشوارها عويص وطويلوخصوصا ان الدايرى اللى جنبك هو محور المريوطية يعنى لسه هتطلع منه على الدائرى القديم وهات ياطحن لحد مخرج شبرا الخيمة وهى مسافة حوالى 45 كيلو وحدها واهم من طولها الزحام الرهيب عند كمين امبابة ثم كمين الوراق ثم مخرج شبرا واقل واجب لو انت واخد بكالوريوس ميكروباس زى حالاتى وقلبك جامد وسايب الاكسدام مدلدل زى حالاتى لاقناع الباقيين انهم يوسعولك لخوفهم منك فهتاخد لك فيها ساعة الا ربع
اما لو سواقتك سواقة طبيب يبقى فيها ساعتين وشوية
ثم من الدائرى الى قليوب وهى مسافة 4 كيلو تاخد وقت الذروة تلت ساعة
لكن من عندك مشوار طامية أخره نص ساعة بسبب زحمة المنيب لانك مفروض تخرم من ترعة الزمر وتركب الكوبرى فوق محطة ساقية مكى ثم تصل المنيب وفى المنيب ستتأخر بسبب الفوضى حوالى ربع ساعة بالكتير
وباقى مشوارك من ترعة الزمر حتى المنيب ومن بعد المنيب الى طامية كبيره 45 دقيقة ساعة الذروة وخصوصا ان ترعة الزمر كله مسالك
وهسألك سؤال سألته لك قبل كده
ومرديتش عليه
انت اسمك ايه ؟؟؟؟
بجد سألتني قبل كده؟:hd:
اخوك محمد
يا فندم عاجزين عن الشكر علي التوضيح الجامد ده
بس معلش اخوك ميح حبتين
لو نزلت نزلة المنيب من الدائري اخده لاخره وبعدين؟
فيه ناس اقترحت عليا طريق الرماية ؟
اي الطريقين اسرع؟

خالدخليفة
03-03-2011, 04:41 AM
سأ لتك قبل كده عن اسمك وقت لك ياريت لو عرفتنا بنفسك وطبعا م سألتش فينا
وكنت وقتها سألتنى عن الطريق لدمياط وطنطا وبورسعيد والبحيرة وميت غمر وبرضه كان بمناسبة تخرجك
وانا مش فاهم بصراحة انت ناوى لما تتخرج هتقضيها كلها أوامر تكليف فى كل المدن دى والا ناوى تـنـقى منهم مكان تروح فيه ؟؟؟؟
والله انا شامم ريحة كده انك بتختبرنى وبتشوف الخريطة فى دماغى والا نسيتها
بس يارب انجح فى امتحان جوجل ايرث ده........أو محمد ايرث
ههههههههههههههههههه

tabeb
03-03-2011, 11:31 AM
سأ لتك قبل كده عن اسمك وقت لك ياريت لو عرفتنا بنفسك وطبعا م سألتش فينا
وكنت وقتها سألتنى عن الطريق لدمياط وطنطا وبورسعيد والبحيرة وميت غمر وبرضه كان بمناسبة تخرجك
وانا مش فاهم بصراحة انت ناوى لما تتخرج هتقضيها كلها أوامر تكليف فى كل المدن دى والا ناوى تـنـقى منهم مكان تروح فيه ؟؟؟؟
والله انا شامم ريحة كده انك بتختبرنى وبتشوف الخريطة فى دماغى والا نسيتها
بس يارب انجح فى امتحان جوجل ايرث ده........أو محمد ايرث
ههههههههههههههههههه
ياباشا مخدتش بالي ساعتهاGIFT4U
اخوك محمد من العمرانية
اعزب ولا اعول
طبيب تكليف بطامية-الفيوم
انا كنت بسأل قبل كده عشان ارتب الرغبات من حيث الاقرب
والحمد لله واضح ان طامية دي مش بعيدة

michohat
09-03-2011, 05:47 PM
طريق من الزقازيق الى شارع الهرم محطه حسن محمد

السلام عليكم ورحمه الله وبركاته

ان شاء الله تعالي هنزل مصر يوم الجمعه القادم الموافق 11-3-2011 واتجاهي هيكون شارع الهرم محطه حسن محمد

وقت التحرك ان شاء الله قبل صلاه الجمعه وفي نيه اني اصلي الجمعه فى مصر

السكه هتكون ازاي وامشي انهي طريق الزراعي ولا صحراوي بلبيس و بعد كده امشي ازاي

و هل الطريق آمن؟؟؟

وهل فى الامكان انى بعد ما اروح الهرم اروح عزبة شلبي

خالدخليفة
10-03-2011, 01:13 AM
شوف ياميشو
اولا مصر هتنور بيك
ثانيا / هتمشى من الزقازيق حتى بنها طبعا القطار هيكون على يمينك
ثم سيقابلك كوبرى بنها بالعرض فى نهاية الطريق .....قبله مباشرة تكسر يمين تعبر مزلقان السكة الحديد ثم يسارا بعد المزلقان مباشرة لتمر تحت الكوبرى ثم اول يمين (مفيش غيره لان الشارع منحنى )حتى أخر الشارع ثم يمينا
ستجد نفسك على طريق القاهرة تمشى حوالى 40 كيلو
خلى بالك من العلامات دى كويس
ستكون السكة الحديد على يمينك حتى قها
قبل قها هتطلع كوبرى هيعديك السكة الحديد .....وبعده كوبرى تانى
بعد هذين الكوبريـين
ستقابل السكة الحديد مرة أخرى ولكن ستكون على شمالك
عند قليوب علامة مميزة جدا سيقابلك كوبرى يبعدك عن السكة الحديد 5 حارات (خلى بالك منه ده مصروف عليه 12 مليون جنيه )
هذا الكوبرى لاتـغـتـر باتساعه لان نهايته سيلف الطريق منحنى خطر
بعد هذا الكوبرى ستقابل السكة الحديد مرة اخرى
اول كوبرى بعدها سيقابلك بالعرض هو كوبرى الطريق الدائرى (عند غبور)
عند غبور بالظبط ادخل المدخل اللى على يمينك
وامشى حتى يقابلك محور المريوطية اتركه حتى تجد يافطة تقول ميدان الرماية انزل من المخرج اللى على شمالك
واستمر فى الطريق حتى نهايته
سيقابلك سور فى أخر الطريق........ ادخل شمال مع السور
انت الأن فى أخر شارع الهرم امشى سيقابلك كوبرى محور المريوطية...... مر من تحته واكمل حتى محطة مشعل ثم حسن محمد
وتوصل بالسلامة ان شاء الله
وأما عزبة شلبى
دى جنبنا فى المطرية
وانت راجع من حسن محمد
هترجع تانى حتى ميدان الرماية ثم يمينا حتى نهاية الطريق
سيتفرع الطريق يمينا ويسارا وستجد يافطة عبيطة بتشاور شمال وتقول (طريق أسكندرية الصحراوى )
سيبك منها وأمشى على طول (لانها محطوطة غلط ) اول مدخل شمال بعد اليافطة هو طريق اسكندرية الصحراوى هتمشى حتى مدخل المحور وهو ثانى كوبرى بالعرض هيقابلك تدخل يمين على المحور هتمشى 11 كيلو حتى يقابلك كوبرى بالعرض هو كوبرى الطريق الدائرى عدى من تحته وادخل يمين من تحته مباشرة وامشى عليه حتى تصل الى مخرج مسطرد اخرج منه يمينا واستمر فى المسير حتى يقابلك كوبرى بالعرض ادخل يمينا مع الكوبرى بحيث يكون فوقك ولكن على يسارك ومع اول يوتيرن لف وارجع اطلع الكوبرى وانزل من عليه واستمر فى المسير حتى نهاية الشارع لف مع الشارع يمينا ثم لف تانى يسارا ثم يمينا حتى تصل الى محطة التعاون
عند محطة التعاون ادخل يمينا وامشى حوالى 500 متر
انت الأن فى وسط عزبة شلبى

عند عودتك للزقازيق ستعود من عزبة شلبى الى التعاون ثم يمينا ثم اول يسار وهو قريب جدا ثم تلف وترجع على اخر الشارع ثم يمينا لمسافة 10 او 15 متر ثم يسارا فيمينا الى نفس الطريق الذى جئت منه حتى الدائرى

طبعا انا خليتك تلف شوية

لكن ده ليه
بدلا من المرور بمناطق الكورنيش والدقى والجيزة خصوصا ان الجمعة القادم هناك اخبار عن مظاهرة مليونية لاعلان المسلمين والأقباط نسيج واحد

وطبعا لن تستطيع ان تترك منطقة وسط البلد ولا فى 5 ساعات لانك ليس لك طريق الا من كوبرى اكتوبر او كوبرى 15 مايو وكلهم يومها سيكونون مزدحمين جدا
واحمد بدر غلبنى على م خرج من التحرير

tom_gr
10-03-2011, 01:43 AM
طيب لو تسمح
عاوز اروح - من اسكندرية الى السويس ( منظقة كيس بريد المعمل ) بالعربية طبعا
- من اسكندرية الى القاهرة ( منطقة التوفيقية )

خالدخليفة
10-03-2011, 03:13 AM
انت م قلتش جاى منين من اسكندرية
لكن دى بسيطة لإنك اكيد عارف كارفور وبداية الطريق الصحراوى

أولا : الاسكندرية / السويس
هتمشى حتى نهاية الصحراوى وبوابات القاهرة هتعدى البوابات وتمشى حتى يقابلك كوبرى بالعرض وهو المحور تدخل يمين من تحته وتطلعه وتمشى على المحور 11 كيلو بالظبط حتى تصل كوبرى الدائرى تمر من تحته ثم تدخل يمينا وتطلعه وتمشى مسافة حوالى 35 كيلو تقريبا ستصل عند مخرج المطار بعدها ستجد يافطة مكتوب عليها مخرج ألماظة انزل من المخرج الذى يليه وهو مخرج طريق السويس تنزل منه ثم تسير مع الطريق حوالى 120 كيلو لتدخل مدينة السويس

وهناك طريق اخر للسويس
هتمشى على طريق اسكندرية / القاهرة الزراعى حتى أبيس
ثم تركب الطريق الدولى حتى تعبر منطقة كـفـر البطيخ بدمياط وتكمل الطريق حتى تنزل من الكوبرى وتمشى حتى تجد امامك كوبرى اخر قبل مطلعه تنزل يمين وتمشى بجوار الكوبرى بحيث يكون على يسارك وهو مدق طوله نص كيلو تقريبا ثم يمينا مع الطريق الاسفلت مع ترعة السلام وهى ستكون على يسارك وتمشى مسافة 120 كيلو تقريبا حتى تصل كوبرى السلام بالقرب من بورسعيد ثم يمينا ومتكملش مع الكوبرى تدخل يمينا الى الاسماعيلية وتمشى مسافة حوالى 80 كيلو حتى تصل الى الأسماعيلية وتكمل بعدها مسافة حوالى 25 كيلو حتى مدخل السويس ثم يسارا الى السويس
ولكنى لا أنصح بهذا الطريق
لأنه غير مضاء وملىء بالمطبات التى تقطم وسط أى سيارة لان اخواننا الفلاحين بكل بساطة كل اللى عايز يروى أرضه من الترعة عمل نفق تحت الطريق وطبعا لما خلص شغله منهم اللى ردم مكان الشغل بدون رصف ومنهم اللى انتهز الفرصة وعمل مطب صناعى غبى يكسر أى عربية
ومنهم اللى ردمها أى كلام فكان الناتج حفرة غبية فى وسط الشارع
بالأضافة الى أن هذا الطريق أطول قليلا وظروف البلد لاتسمح بالمرور فيه وخصوصا ان كان الوقت مبكرا جدا أو متاخر جدا فأنت لو خطفوك بعربيتك فلن تستطيع الاستنجاد باحد فالسيارات عليه قليلة
وترعة السلام خلفكم والحقول امامكم وبيوت الفلاحين بعيدة جدا عن الطريق

وأما منطقة كيس بريد المعمل فأنا لا اعرفها ..... وأعتقد ان الأسم غلط
او ان كيس البريد لسه مجاش لان البريد بـيـتـنـقـل بالقطار والقطار واضح انه متأخر
وانا اعتقد انك بتهزر معايا
لانه لو منطقة صغيرة فلن يعرفها اى حد الا من أهل المنطقة نفسهم
لان احياء السويس 5
هم
حى السويس القديم
وحى الأربعين
وحى عتاقـة
وحى فيصل
حى الجناين

أما الأسكندرية / القاهرة ( التوفيقية)
هتمشى حتى المحور كما شرحنا سابقا حتى تصل الى الطريق الدائرى وتمر من تحت الدائرى
وتكمل حتى يقابلك كوبرى تطلعه وانت فوق هيقابلك مخرج على اليمين الى ميدان لبنان اتركه وادخل يمين على تكملة الكوبرى ثم انزل من عليه وامشى على طول هيقابلك كوبرى أمامك تركبه وتمشى عليه حتى أخره وتمسك الشمال المرة دى وتكمل مع الكوبرى متنزلش حتى اخره وتعبر النيل وتمسك الشمال برضه وتنزل من عليه حتى أخر الشارع ستجد نفسك فى منطقة الأسعاف
حين ينتهى الشارع ادخل يمين ثم تشغل الأشارة اليمين واول يمين يقابلك ادخله ستجد أمامك شارع ضيق طوله حوالى 50 متر (منطقة معروف ) ادخل حتى أخره ثم شمال في يمين
كده قطعت شارع رمسيس بالعرض
وستكون نقابتى المحامين الصحفـيـين على يسارك ونقابة الصحفيين هناك تسأل على منطقة التوفيقية لانى انا شخصيا بدخلها على رجلى وبالمترو

ملحوظة صغيرة
منطقة التوفيقية بالقاهرة نرجو عدم زيارتها يوم الجمعة (أى جمعة ) لان الجمعة بتبقى البلد فى حالة بلبلة مرورية ......بسبب المظاهرات

وترجع بالسلامة وهتنور مصر

tom_gr
11-03-2011, 07:12 PM
يااااااااااااااااااااه
تسلم والله ايدك الى تعبت كل ده فى الرد عليا

توضيح بسيط بخصوص منطقة كيس بريد المعمل
لا والله مش بهزر معاك ولا حاجة
كل الموضوع ان انا عاوز اروح شركة هناك فيه شغل المفروض يتم عن طريق طرفهم
وانا عمرى ماروحت السويس دى ولا اعرف عنها اى حاجة اساسا
فا انا جبت العنوان الى كان مكتوب عن الشركة دى وكاتبته هنا
انا نفسى مستغرب من العنوان وشكيت انهم يقصدوا حاجة زى الرقم البريدى او الرمز البريدى كده يعنى

بس متشكر مرة تانية اوى اوى

وهاتلاقينى كل شويه بقى اطلب منك خط سير شكل فى كل حته فى مصر

بس ليا طلب
امانة ادام ربنا انك تكون متاكد تماماااااااااااااااااااااااااااااااااااااااااااااا اااااااااااااااااااا من الوصفة الى تقولها
جزاك الله خير ا

خالدخليفة
11-03-2011, 10:38 PM
شوف
انا لما بوصف وصفة ببقى عارفها بنسبة 150% لانى غالبا بكون مشيتها او سافرت على الطريق اللى بوصفه وبختار ليك الطريق الأسهل
بدليل انى قلت لك معرفش كيس بريد المعمل واعتقدت انها منطقة وهمية
ولكن لتمام الفايدة فبقول كافة الطرق المؤدية للمكان المطلوب ومشاكل كل طريق والمواصلات الأسهل طبعا
لانى عارف ان فى ناس تانية هنا من اماكن مختلفة
فلازم اعمل حسابهم لانهم ممكن يستفيدوا طبعا

وطبيعى انى كبشر ممكن أغلط المهم انى اعترف بغلطى لانه مش عيب
ولو فيه حاجة مش عيب حد يقول لى
فقد قال سيدنا عمر بن الخطاب فى اول يوم من توليه الحكم
وليت عليكم ولست بخيركم .........أن رايت فى اعوجاجا فقومونى
وهو انا هطلع احسن من سيدنا عمر؟؟؟؟

topspider
24-03-2011, 02:04 AM
لو سمحت عايز أروح شرق العوينات قرب توشكى كده
على اعتبار نقطة التحرك من نزلة المنيب على الدائري
ياريت الوصف التفصيلي

وياريت لو تقدر تفيدني في استفسار بسيط
هل يلزم سيارة 4 × 4 أم سيارة سيراتو موديل 2010 تقوم بالرحلة؟؟
وشكراً جزيلاً لك مقدماً

s0144862631
24-03-2011, 02:37 AM
للاسف ماحدشهيقدر يفيدك
استاذ خالد خليفه توفاه الله
الله يرحمه

نبيل عبدالرحمن
24-03-2011, 07:59 AM
الله يرحمك يا أستاذ خالد كنت مالى المكان ده ومش هانعوضك ولا هانلاقى حد فى أدبك وذوقك ومساعدتك للغير

MIDO-SPICY
24-03-2011, 10:01 AM
للاسف ماحدشهيقدر يفيدك
استاذ خالد خليفه توفاه الله
الله يرحمه

انا لله وانا اليه راجعون

لا اله الا انت سبحانك .. انى كنت من الظالمين

Bendary
24-03-2011, 12:55 PM
عن سعيد المقبري عن أبي هريرة أن رسول الله صلى الله عليه وسلم قال: يقول الله تعالى<?xml:namespace prefix = o ns = "urn:schemas-microsoft-com:office:office" /><o:p></o:p>
" ما لعبدي المؤمن عندي جزاء إذا قبضت صفيه من أهل الدنيا ثم احتسبه إلا الجنة" صدق رسول الله.<o:p></o:p>
فأكثروا من قول إنا لله و إنا إليه راجعون، تكن لكم الجنه باذن الله تعالى .<o:p></o:p>

رحمك الله ياخالد

إنسانة
24-03-2011, 10:23 PM
يارب اجعل هذا التوبيك فى ميزان حسناته

amr elkholy
29-03-2011, 02:46 AM
انا لله وانا ايه راجعون
ربنا يرحمه برحمته ويسكنه فسيح جناته
فعلا مع انى اعتبر عضو جديد بس كل موضوعات استاذ خالد(رحمه الله)كانت من اهم الموضوعات الى بتجذبنى عشان اقرأها وكانت بتفدنى جدا المعلومات دى
مره تانيه انا لله وانا اليه راجعون

قلب يرىء
30-03-2011, 12:37 PM
انا كنت عايز اسال اروح ازاى من المؤسسه لميدان سانت فاتيما بمصر الجديده

hananelhosiny
30-03-2011, 01:03 PM
الشرح فى مداخلة ( من المؤسسة لمصر الجديدة )

كريم حبيب
05-04-2011, 12:34 AM
لو سمحتوا عايز اروح جراند مول المعادي
بالعربية
وانا ساكن في ميدان سانت فاتيما
امشي ازاي
:fun_36_3_3[1]:

momen_bondok
05-04-2011, 01:19 AM
انا كنت عايز اسال اروح ازاى من المؤسسه لميدان سانت فاتيما بمصر الجديده


الشرح فى مداخلة ( من المؤسسة لمصر الجديدة )


لو سمحتوا عايز اروح جراند مول المعادي
بالعربية
وانا ساكن في ميدان سانت فاتيما
امشي ازاي
:fun_36_3_3[1]:

جزاكم الله خيرا على المشاركة
ويؤسفُنى إبلاغكم إن صاحب الموضوع قد أفضى الى ماقدم
الله يرحمك يا استاذ خالد

elsaket
07-09-2011, 05:33 PM
عاوز طريق من بنها الى الاسكندرية بس ياريت بالتفصيل عشان اول مرة امشى علية وشكرن

corsair
08-09-2011, 12:57 AM
عاوز طريق من بنها الى الاسكندرية بس ياريت بالتفصيل عشان اول مرة امشى علية وشكرن

انا هجاوبك بنأءُ علي ان صاحب الموضوع توافاه الله

حضرتك هتطلع من بنها علي الطريق الزراعي اتجاه الاسكندرية ولا يمين ولا شمال طوالي لحد قبل طنطا هتلاقي يافطه بتقولك الزم اليمين الي الاسكندرية والطريق ده طولي هتلاقي نفسك ان شاء الله في الاسكندرية

وربنا يوصلك بالسلامه ورجاء الدعاء لصاحب الموضوع الاصلي خالد محمود خليفة

رحمه الله

Eng/salwa
17-09-2011, 12:24 AM
رحمك الله و غفر لك و اسكنك الفردوس الاعلى
و انار قبرك الى يوم القيامه

elkitane
14-10-2011, 01:37 PM
ماشى يا باشا ! نختبر معلوملتك !

1- وادى الجن ! محافظة مطروح

2- الريسانه !

3- أبو الحسن !

4- بهجوره !

5- بير النص ! طريق مطروح سيوة

6- بير لحفن ! الصحراء الغربية بجوار بير النص

7- قلبشو ! الصحراء الغربية بجوار بير النص

8- تمى !

9- الاسكندريه الجديده ! أول طريق الإسكندرية مطروح الساحلى ك 25

10- مطاى !

11- ميت الغرقه !














Dr. Bolbolan]

fadymedhat
21-11-2011, 02:29 PM
عايز اروح من المنصورة لمساكن صقر قريش فى المعادى على الاوتوستراد أنا معايا عربيتى...و لما بوصل قليوب..فى عندى الطريق الدائرى بتاع الهرم ة الطريق الصحراوى..وفى طريق بتاع القطامية و فى احمد حلمى...امشى فى ايه منهم و ازاى..

oceanboy425
21-11-2011, 02:37 PM
عاوز اروح
كياد
بير عميرة
عزبة الصفيح
الكننه

sherif_farouk
21-03-2012, 02:05 PM
انا لله وانا اليه راجعون

noureymo
26-03-2012, 07:33 PM
سلام عليكم
يا جماعة عاوز أروح بورتو السخنة ومش عارف الطريق
انا ساكن في مصر الجديدة - ميدان الحجاز
اطلع من فين ويا ريت لو توصفولي الطريق
شكرا جزيلا

cartech
25-07-2012, 01:13 AM
الاسكندرية الجديدة
لو كنت من أهل الأسكندرية فهى على طريق أسكندرية - مطروح ...
وعموما فهى تقع فى غرب الأسكندرية بعد الكيلو 21
:joy23:

MrGeologist2012
26-08-2012, 05:18 PM
إزاى أوصل لمدينة بدر من رمسيس مع ذكر مدة المسافة لو سمحت ولك جزيل الشكر

علاى فى دينى
30-08-2012, 02:24 AM
ازاى اروح من عين شمس لوسط البلد ؟؟ ينفع مترو؟؟

samou07xp
07-09-2012, 07:52 PM
عايز اروح مسجد السيده زينب من ش بورسعيد

KERO25
12-09-2012, 01:54 PM
انا ان شاء الله مسافر حتى اسمها رأس شيطان فى نوبيع على ما اعتقد عاوز اعرف اقرب طريق وظروف الطريق اية

محمد الزكي
20-10-2012, 11:02 PM
عايز اروح لشركة الرزق للصيانة ميتسوبيشي العنوان 24 ك طريق الاسكندرية القاهرة الصحراوي علما انني قادم من دمياط

محمد ابو فيصل
27-05-2013, 03:46 PM
انا من المنوفية من شبين الكوم تحديدا عايز اعرف ازاي اروح محافظة قنا يا ريت حد يفيدني ولو بالقطار حيكون الساعة كام يطلع من شبين وحيوصل في وقت اد ايه وبكام جنيه

mohamed19
29-05-2013, 03:30 PM
عايز تروح اى مكان او محافظة داخل مصر ابعت هنا و قول مكانك فين وانا هبعت لك تروح ازاى من مكانك للمكان المقصود ان شاء الله

بعد اذنك لو سمحت انا مسافر مطروح لاول مره لوحدى بالعربيه انا ساكن فى حلوان وعايز اعرف ايه افضل طريق ...انا معايا لانسر كريستاله 1300 cc عايز اعرف بردو هفول بنزين كام مره وانا رايح ....وياريت تقولى علامه مميزه اعرف بيها دخله طريق العالمين .وشكرا
اخى الكريم:Wkiss5:

Ahmed_Esmail
30-05-2013, 10:22 AM
بسم الله الرحمن الرحيم

انا من ساكنى دار السلام وعايز اروح النادى الاهلى بمدينة نصر

ممكن تقولى اركب ايه بالظبط عشان اوصل هناك

Medz
07-09-2014, 05:31 PM
السلام عليكم

أنا عندي استفسار بالنسبة لأأمن الطرق للسفر من القاهرة للأقصر ومن ثم أسوان بالعربية.
مع العلم أن هيبقى معي سياح، وأول مرة أطلع على الطريق دا.


شكراً جزيلاً
<center> </center>