المساعد الشخصي الرقمي

مشاهدة النسخة كاملة : حد يفيدني يا شباب , البرادو ولا الباثفندر


homosh
13-02-2010, 07:06 PM
السلام عليكم
يا شباب انا بجد محتار بين كذا عربيه أرجو الافاده كهم في نفس الرينج
أولا هامر H3 ثانيا التويتا البرادو ثالثا نيسان باثفندر رابعا ميتسوبيشي باجيرو
ارخصهم الهامر وبصراحه صرفت نظر عنها لعدة عيوب فيها
والميتسوبيشي الباجيرو برضو صرفت عنها نظر لا ن عفشتها ناشفه وقطع غيارها غاليه هيا والفولكس الطواريء
وانحصر الاختيار ما بين نيسان باثفندر 2010 وتويوتا برادو 2010
ثانيا عايز أعرف أسعارهم في مصر كام والجمرك بتاعهم لو هشحنهم من بره مصر كام؟؟؟
أرجو الافاده يا شباب

waleed116
14-02-2010, 02:17 PM
انا لو مكانك طبعا واكيد ا لالماني فولكس طوارق و 2011 الشكل الخرافي الجديد ....

والالمانني ركوبه بكل معانيه والياباني شئ تاني خالص ....

اما عن الجمارك عن نفسي مش بنصحك .... هتها من مصر اوفر واسرع وتبع التوكيل والصيانه والضمان ....وده غير ان عفشتها بتختلف عن العفشه الخليجي (اقوي وامتن )

شكرا ...

homosh
15-02-2010, 08:50 AM
انا لو مكانك طبعا واكيد ا لالماني فولكس طوارق و 2011 الشكل الخرافي الجديد ....

والالمانني ركوبه بكل معانيه والياباني شئ تاني خالص ....

اما عن الجمارك عن نفسي مش بنصحك .... هتها من مصر اوفر واسرع وتبع التوكيل والصيانه والضمان ....وده غير ان عفشتها بتختلف عن العفشه الخليجي (اقوي وامتن )

شكرا ...
بصراحه هيا فعلا الفولكس الطوارق أقرب حاجه للبورش الكيان في شكلها سواقتها وفيها كتير منها مع الفارق طبعا فكرت فيها كتير بس بصراحه انا بحب الياباني مع اني مركبتوش كتير ومعظم ركوبي كان الماني وامريكي ptmnlo123per1127
الحاجه التانيه اني غالبا هبقي مضطر اني اجيبها خليجي مش من مصر نظرا لظروف شغلي
الف شكر ليك يا waleed116 ولو في حد عندو معلومات عن العربيتين يا ريت يتفضلptmnlo123per154

بدر بسيونى
15-02-2010, 10:01 AM
احنا لو حنتكلك حنتكلم عن مصر التويوتا البرادوا على الاقل موجودة بمصر بصورة مش كتير بس موجودة على عكس الباثفيندر نادرا ماحتلاقيها فبرشحلك البرادو حتكون اسهل بالصيانة

horas3000
15-02-2010, 11:08 AM
مع اني مبحبش شكل الاتنين بس اختياري هيكون البرادو لانها الانسب لمصر لانها موجودة كتير دلوقتي بس اتوبيس طبعا.
معلش الباجيرو عفشتها ناشفة ازاي. الفئة دي كلهم عفشتهم ناشفة لانهم مخصصين للطرق الورعرة فانسى موضوع الراحة ده. طبعا البرادو معروف انها احسن من الباجيرو لان متورها اقوي و عزلها احسن بس فرق السعر بين الاتنين كبير بصراحة (في الكويت) و ميعبرش عن الفرق ده خصوصا ان بنفس سعر البرادو البيسك هتركب الباجيرو الكاملة و مع نافجيشن كمان.

طبعا انا مش هكلم عن الطوارق لان شهادتي فيها مجروحة بس فكر تاني خصوصا انهم عاملين عروض عليها عشان الشكل الجديد قرب ينزل.

انصحك برضة تبص علي الهوندا البايلوت عربية حلوة بصراحة

بالنسبة للاسعار في مصر فحدث و لا حرج
الباجيرو 690 الف
البرادو ملاكي 720 الف
الطوارق 950 الف
و ده طبعا لان الجمارك عليهم 300%

homosh
15-02-2010, 03:20 PM
مع اني مبحبش شكل الاتنين بس اختياري هيكون البرادو لانها الانسب لمصر لانها موجودة كتير دلوقتي بس اتوبيس طبعا.
معلش الباجيرو عفشتها ناشفة ازاي. الفئة دي كلهم عفشتهم ناشفة لانهم مخصصين للطرق الورعرة فانسى موضوع الراحة ده. طبعا البرادو معروف انها احسن من الباجيرو لان متورها اقوي و عزلها احسن بس فرق السعر بين الاتنين كبير بصراحة (في الكويت) و ميعبرش عن الفرق ده خصوصا ان بنفس سعر البرادو البيسك هتركب الباجيرو الكاملة و مع نافجيشن كمان.

طبعا انا مش هكلم عن الطوارق لان شهادتي فيها مجروحة بس فكر تاني خصوصا انهم عاملين عروض عليها عشان الشكل الجديد قرب ينزل.

انصحك برضة تبص علي الهوندا البايلوت عربية حلوة بصراحة

بالنسبة للاسعار في مصر فحدث و لا حرج
الباجيرو 690 الف
البرادو ملاكي 720 الف
الطوارق 950 الف
و ده طبعا لان الجمارك عليهم 300%
انا روحت وكاله النيسان النهارده في عروض نازله عالباثفندر والاكستيرا والأرمادا . تصور أرمادا 2007 زيرو من أول 118 والباثفندر 2008 من اول 90 ألف بس فاضيه طبعا الموديل اللي عايزو في الباثفندر 2010 رينجات 17 وكاميرا وفرش مخملي وساوندسيستم بوز عامله 130 ألف ريال والبرادو أسعارها في وكاله عبد الله عبد الغني كالتالي:
4 سلندر
122 الف ريال قطري

6 سلندر
141 الف ريال قطري مكيفين + رنج 17 - بدون فتحة - بدون ثلاجة

160500 ريال قطري مكيفين + فتحة + ثلاجة + رنج 18

183 الف ريال قطري مكيفين + فتحة + ثلاجة + رنج 18 + كاميرا خلفية + شاشة

206 الف ريال قطري مكيفين + فتحة + ثلاجة + رنج 18 + كاميرا خلفية + شاشة + جلد
فيا باشا لو ينفع تحسبلي بالظبط الجمرك بس غير شامل السعر بتاع االباثفندر 130000 ريال قطري والبرادو 160500 ريال قطري يبقي كتر خير ptmnlo123per1127
الهوندا البايلوت جامده جدا بس غاليه أوي دي هنا بتمن كروزر تقريبا والباجيرو بصراحه انتا عارف بعد اربع خمس سنين بتبقي عامله ازاي صاحبي كان جايبها 2006 زيرو باعها في 2009 والله ب 14000 ريال
بخصوص العفشه بصراحه الأنعم كانت في الباثفندر بس موتور التويوتا هوا اللي حيرني بين الاتنين ماشاء الله موتور البرادو قوي جدا وده اللي مخليني بقارن بين الاتنين
يا باشا اسف عالاطاله وارجو الافاده بخصوص قيمه الجمرك وتسلم ايدك يا جميل

horas3000
15-02-2010, 06:15 PM
رينج الاسعار مقارب للموجود في الكويت مع اختلاف الكماليات طبعا لان معروف الكويت اعلي كماليات في الخليج
عموما علي بركة الله و ربنا يوفقك للي فيه الخير
بالنسبة للجمارك يا زعيم معرفش احسبهالك بالظبط بس هتبقي تتراوح في حدود ال 500 الف جنية قابلة للزيادة والنقص حسب سعر الين ساعتها (لانهم بيحسبوا الجمارك علي اساس السعر في بلد المنشا) و حسب الاوبشنز اللي في العربية و طبعا زي ما انت عارف في خصم علي سنوات الاستعمال و طبعا كللللل ده ممكن يتغير لو تعرف حد او رشيت رشة جريئة

bmkbmk
15-02-2010, 10:59 PM
انا كمان يا باشا مابحبش الاتنين بس بردو انصحك بالبرادو علشان هى اكتر حاجة بتمسك سعرها .... و ربنا يوفقك للى فيه الخير

homosh
16-02-2010, 09:48 AM
رينج الاسعار مقارب للموجود في الكويت مع اختلاف الكماليات طبعا لان معروف الكويت اعلي كماليات في الخليج
عموما علي بركة الله و ربنا يوفقك للي فيه الخير
بالنسبة للجمارك يا زعيم معرفش احسبهالك بالظبط بس هتبقي تتراوح في حدود ال 500 الف جنية قابلة للزيادة والنقص حسب سعر الين ساعتها (لانهم بيحسبوا الجمارك علي اساس السعر في بلد المنشا) و حسب الاوبشنز اللي في العربية و طبعا زي ما انت عارف في خصم علي سنوات الاستعمال و طبعا كللللل ده ممكن يتغير لو تعرف حد او رشيت رشة جريئة
lمعلش شا استاذ شريف سؤال اخير الباثفندر الجديد كله made in USA ده معناه انو هيتحسب جمركها عالدولار مش الين؟؟ ولا النيسان ماركه ياباني فبيبقي بالين مهما كانت بلد المشأ؟؟؟
وهل كده هيبقي في فرق بين الاتنين ولا كلو في الاخر بيبقي واحد؟؟

horas3000
16-02-2010, 09:53 AM
lمعلش يا استاذ شريف سؤال اخير الباثفندر الجديد كله made in USA ده معناه انو هيتحسب جمركها عالدولار مش الين؟؟ ولا النيسان ماركه ياباني فبيبقي بالين مهما كانت بلد المشأ؟؟؟
وهل كده هيبقي في فرق بين الاتنين ولا كلو في الاخر بيبقي واحد؟؟

و الله يا باشا معنديش فكرة
بس سؤال في محلة بصراحة بس معتقدش هتفرق كتير

homosh
20-02-2010, 09:28 AM
كده أنا دخلت مع تمن العربيه في مليون الا حاجات بسيطه والعمليه بالشكل ده فعلا هتوسع مني واحد صاحبي اقترح عليا اني اغير عربيتي هنا بحاجه مستعمله نضيفه مش لازم زيرو واجيب زيرو من مصر علطول ولو هنزل عربيه زيرو يبقي اوكتافيا A5 أو مرسيدس c الجديده ال1600 بصراحه الفكره عجبتني واقتنعت بيها الي حد كبير وربنا يسهل قريبا هقولكو علي اخر الاخبار :HAPPY_~211:
متشكر جدا لكل الاعضاء اللي دخلو وشاركو واللي دخلو ومشاركوشptmnlo123per122

bmkbmk
20-02-2010, 10:38 AM
كده أنا دخلت مع تمن العربيه في مليون الا حاجات بسيطه والعمليه بالشكل ده فعلا هتوسع مني واحد صاحبي اقترح عليا اني اغير عربيتي هنا بحاجه مستعمله نضيفه مش لازم زيرو واجيب زيرو من مصر علطول ولو هنزل عربيه زيرو يبقي اوكتافيا A5 أو مرسيدس c الجديده ال1600 بصراحه الفكره عجبتني واقتنعت بيها الي حد كبير وربنا يسهل قريبا هقولكو علي اخر الاخبار :HAPPY_~211:
متشكر جدا لكل الاعضاء اللي دخلو وشاركو واللي دخلو ومشاركوشptmnlo123per122

انت كدة جبت من الاخر يا باشا
اى عربية نظيفة (المانى يعنى :) ) بس ماتزيدة عن 1600 سى سى

homosh
20-02-2010, 06:04 PM
انت كدة جبت من الاخر يا باشا
اى عربية نظيفة (المانى يعنى :) ) بس ماتزيدة عن 1600 سى سى
متشكر يا كيمو علي نصايحك الغاليه والله اني كسبت كتيييييييييير أوي من يوم ما عملت ريجست عالمنتدي ptmnlo123per122

horas3000
21-02-2010, 03:25 AM
كده أنا دخلت مع تمن العربيه في مليون الا حاجات بسيطه والعمليه بالشكل ده فعلا هتوسع مني واحد صاحبي اقترح عليا اني اغير عربيتي هنا بحاجه مستعمله نضيفه مش لازم زيرو واجيب زيرو من مصر علطول ولو هنزل عربيه زيرو يبقي اوكتافيا A5 أو مرسيدس c الجديده ال1600 بصراحه الفكره عجبتني واقتنعت بيها الي حد كبير وربنا يسهل قريبا هقولكو علي اخر الاخبار :HAPPY_~211:
متشكر جدا لكل الاعضاء اللي دخلو وشاركو واللي دخلو ومشاركوشptmnlo123per122

عين العقل يا زعيم
انا كنت عايز اقولك كده من الاول بس ترددت بصراحة
و هقولك كمان متجبش عربية من برة اصلا هات من مصر و اخلص لانها مش هتفرق كتير و مش هينوبك الا وجع الدماغ
و المثل بيقولك اسال مجرب و انا مجرب و عارف

homosh
21-02-2010, 07:42 AM
تسلم يا رب يا أستاذ شريف وربنا يسهل مبدأيا أغير العربيه اللي معايا الاول في قطر وبعد كده لما ميعاد الأجازه يقرب أكون أخدت قرار إني هعمل إيه بالظبط ptmnlo123per1127
دا انتا شكلك اتبهدلت فعلا في تنزيل عربيه مصر واضح إنها إجراءات مقرفه بجد والواحد بيبقي نازل يادوب عايز يلحق كل دقيقه من الاجازه ومبيبقاش طايق اصلا اي حاجه تعطلو ptmnlo123per1116 منكم نستفيد طبعا يا استاذ شريف .

horas3000
21-02-2010, 01:33 PM
تسلم يا رب يا أستاذ شريف وربنا يسهل مبدأيا أغير العربيه اللي معايا الاول في قطر وبعد كده لما ميعاد الأجازه يقرب أكون أخدت قرار إني هعمل إيه بالظبط ptmnlo123per1127
دا انتا شكلك اتبهدلت فعلا في تنزيل عربيه مصر واضح إنها إجراءات مقرفه بجد والواحد بيبقي نازل يادوب عايز يلحق كل دقيقه من الاجازه ومبيبقاش طايق اصلا اي حاجه تعطلو ptmnlo123per1116 منكم نستفيد طبعا يا استاذ شريف .

اه و الله يا باشا
بهدلة و اي بهدلة 3 مشاوير للسويس الانتظار لساعات في الشارع في عز الصيف.
ده غير انك حاطط قي بقك جزمة قديمة و معفنة و مش قادر تفتحة لاحسن الليلة تبوظ و شوية شخصيات ميسوش 3 تعريفة و بيعاملك بمنتهي الدونية ولا كانك جي تشتغل خدام عند اللي خلفوه.
ده غير طبعا النظرة ليك كانك قارون شخصيا و فيها ايه يعني لما تدفع 30 ولا 40 الف للناس عشان تمشي حالك ما انت علي قلبك قد كده و منزل عربية بالشيئ الفلاني و لا كانهم عارفين ان العربية اللي انت منزلها ده مرطرطة في البلد اللي انت جاي منها و انها تعتبر ولا حاجة.
و طبعا لازم تخف عشان تعوم و تشخشخ جيبك كده عشان الموضوع يمشي و اقل فئة في العملة عندهم هي الورقة ام 50 جنية. يا راجل ده اللي علق لنا النمرة بص لل 20 جنية و كانها ربع جنية و بيصلنا بذهول و اللي علي لسانة مش قليل ده يا باشا و مش عارف والدي استحملة ازاي و انا كنت عايز اشوطة.

و بعد كلللللل ده العربية في 6 شهور شافت اللي مشفتوش في 3 سنين برة و حوادث و تكحيتات بالجملة و في الاخر فيها مشكلة و التوكيل مش عارف يحلها و يا عالم.

صدقني سيبك من الحوار ده كله و اعمل اللي نويت عليه و طول ما انت مش عايش في مصر متجبش عربية فيها خالص.
مشي حالك باي طريقة و لما تنزل و تستقر هات اللي انت عايزه

homosh
21-02-2010, 03:21 PM
يا نهار ابيض دا حوار..ptmnlo123per144 أنا كان كل أملي إني أركب عربيه نضيفه في بلدي وأتمتع بيها يعني مش هيبقي لابره عارفين نتمتع من الاشكال اللي معاشرنها ولا حتي جوا بلدنا هنعرف نتمتع بالحاجه ..طب نروح فين؟؟؟؟
عموما كلامك عين العقل ودي في الاول وفي الاخر عربيه وانا مش ناقص حد من اهلي يجرالو حاجه عشان حتت عربيه خدتلها عين محترمه وربنا يسترها عالجميع ويباركلك يا رب يا أستاذ شريف علي نصايحك ويقدرك عاللي انتا فيه من مشاكل العربيه .ptmnlo123per144

horas3000
21-02-2010, 04:37 PM
يا نهار ابيض دا حوار..ptmnlo123per144 أنا كان كل أملي إني أركب عربيه نضيفه في بلدي وأتمتع بيها يعني مش هيبقي لابره عارفين نتمتع من الاشكال اللي معاشرنها ولا حتي جوا بلدنا هنعرف نتمتع بالحاجه ..طب نروح فين؟؟؟؟
عموما كلامك عين العقل ودي في الاول وفي الاخر عربيه وانا مش ناقص حد من اهلي يجرالو حاجه عشان حتت عربيه خدتلها عين محترمه وربنا يسترها عالجميع ويباركلك يا رب يا أستاذ شريف علي نصايحك ويقدرك عاللي انتا فيه من مشاكل العربيه .ptmnlo123per144

مش قولتلك يا زعيم
للاسف لو عايز تتمتع بعربية فاكيد مش هيكون في مصر و الحمد لله انك في الخليج عشان يبقي عندك الفرصة دي. و طالما تقدر اركب العربية اللي نفسك فيها لان الفرصة دي مش هتتعوض. و بعدين لو ربنا كرمك و عرفت تنزلها مصر خير و بركة معرفتش اديك اتمتعت بيها و خدت اللي انت عايزة. و علي فكرة لو عملت كده الناس هتحترمك و فكرتها عنك انت شخصيا و عن المصريين بشكل عام هتختلف و صدقني ده عن تجربة. لما ننزل مصر يبقي يحلها الف حلال مش يمكن تحصل معجزة و يلغوا الجمارك و لا حاجة (عشم ابليش في الجنة :)) و ربنا يتوب علينا.

homosh
21-02-2010, 05:29 PM
هههههههههههههههههههههههههههههههههههههههههههههههههه هههههههه
ده فعلا عشم ابليس في الجنه هههههههههههههههههههههههههههههههه
بس علي كلامك فعلا لو حتي بقي مفيش جمرك مش هنزل عربيه من برا ههههههه
بس والله الفكره مش كده بس انتا عارف ان الحاجه في مصر ليها طعم تاني الحمد لله من ساعت ماجيت وانا بركب عربيات نضيفه بس معظمها كان الكفيل هوا اللي بيوفرهالي يعنيptmnlo123per1127 كروزر باترول بي ام يوكون اقل موديل كان 2006 ماعدا الشيروكي اللي صورتها محطوته دي هيا الوحيده اللي 99 بس برضو في مصر حاجه تانيهptmnlo123per122
عموما كانت حاجه نفسي اعملها بس اصطدمت بالواقع وفعلا هجيب العربيه اللي نفسي فيها ولما ابقي لنزل يبقي يحلها ربنا

horas3000
22-02-2010, 12:27 AM
تمام كده يا باشا
و مبروك مقدما علي العربية الجديدة
و مستنين تقريرك عنها باذن الله
و خليك في الالماني و انت هتدعيلي

homosh
22-02-2010, 09:00 AM
تمام كده يا باشا
و مبروك مقدما علي العربية الجديدة
و مستنين تقريرك عنها باذن الله
و خليك في الالماني و انت هتدعيلي
أكيد يا باشا
ان شاء الله هتكون اول واحد يعرف في المنتدي
تحياتي ليك ولكل مصري في الكويت

miam0502788391
24-02-2010, 08:39 PM
السلام عليكم
يا شباب انا بجد محتار بين كذا عربيه أرجو الافاده كهم في نفس الرينج
أولا هامر H3 ثانيا التويتا البرادو ثالثا نيسان باثفندر رابعا ميتسوبيشي باجيرو
ارخصهم الهامر وبصراحه صرفت نظر عنها لعدة عيوب فيها
والميتسوبيشي الباجيرو برضو صرفت عنها نظر لا ن عفشتها ناشفه وقطع غيارها غاليه هيا والفولكس الطواريء
وانحصر الاختيار ما بين نيسان باثفندر 2010 وتويوتا برادو 2010
ثانيا عايز أعرف أسعارهم في مصر كام والجمرك بتاعهم لو هشحنهم من بره مصر كام؟؟؟
أرجو الافاده يا شباب
بص يا سيدى انا هقولك على اللى أعرفه عن الجمارك
العربيات اللى اكتر من 2000 سى سى عليها جمرك 135% طبعا السعر محسوب على بلد المنشأ ملهمش دعوة بالسعر اللى انت شارى بيه من قطر
ثانيا ليك خصم اول سنه 10% من تمن العربيه وده فى أول اكتوبر يعنى موديل 2010 يأخد 10% خصم فى اول اكتوبر 2010
ثالثا ليك خصم بعد كده 5%عن كل سنه بحد اقصى خصم 30% من كل تمن العربية
رابعا يتم إضافة ضريبة مبيعات 45% من سعر العربية بعد إضافة الجمارك يعنى لو العربية ب 100 تكون ضريبة المبيعات محسوبة على 235
خامسا تدفع 4% رسوم إدارية من تمن العربية الأصلى

مثال عربية ب 100.000 عليها
135000 جمارك و 94000 ضريبة مبيعات و 4000 رسوم ادارية يكون تمن العربية بعد ده كله 333000