افيدونى يرحمكم الله (شراء عربيه هوندا سيفيك)

[m_m_m_M_taha]

السلام عليكم و رحكة الله و بركاته

انا يصراحه بشكر كل الاعضاء القائمين على المنتدى بصراحه انا استقدت كتير جدا من المنتدى و جميع اعضاءة بجد جزاكم الله خيرا

انا ان شاء الله ناوى شراء هوندا سيفيك lxi موديل 2007 او 2008 انا معاى 120,000 جنيه

فانا كان عندى عدة اسئله ارجوكم جاوبونى علبها

1← هل يوجد فرق كبير بين موديل 2007 و 2008 ؟؟؟

2← اريد افضل مكان لعمل كشف كامل على العربيه
و ما هى الاشياء التى اهتم بها فى الكشف ؟؟؟

3← ما هو افضل مكان لشراء العربيه و ما هى العلامات الاوليه لمعرفة ازاى كانت العربيه جيده ام لا؟؟؟

4← انا قرأت ان فى مشكله عامه فى صوت عند لف الدريكسون فهل هى فى كل المودلات ؟؟؟

5← هل بالفعل العربيه واطيه لدرجة انها بيحك فى كل مطب ؟؟؟

6 ← انا سمعت كتير عن لون جلاكسى جرى هل هو نفس لون الشامبين ام لون مختلف ؟؟؟

[@واحد من الناس@]

شكرا على ثقتك بالمنتدي
1- تقريبا لا

2-عند التوكيل وأظن الموضوع ده هيفيدك بإذن الله
http://www.masrmotors.com/vb/showthread.php?t=1349

3-نفس الإجابة بالسؤال الثاني لاكن لو ناوي تجيبها كسر زيرو أو مستعمل زي مهو واضح يبقي روح بورسعيد هتلاقي هناك الورش اللي إنت عاوز تكشف عندها والمعارض كمان بورسعيد بلد الهوندا السيفيك
وبالنسبة للشق التاني من سؤالك السيارة المستعملة الجديدة يجب أن تكون فابريقة جوة وبرة ده لأنها ممشتش كتير

4-لا لا لا العربية دي عشقي يا راجل وأول مرة أسمع بالموضوع ده وبعدين حتى لو زي ما بتقول يبقي عيب موديل معين وإنتهت خلاص

5- للأسف أه بس ممكن تتغلب على الموضوع ده بتعلية العربية أو حتى تاخد المطب بجنب مكل الناس بتعاني برضه مع الفيرنا

6- بص متركزش أوي في حكاية الألوان دي سيبها على الله إنت مش هتجيب العربية جديد إنت هتجيبها مستعمل كالجديد (نضيف يعني) يبقي ممكن تلاقي لون تاني بحالة أنضف

أخيرا أتمنى إني أكون أفدتك وعايز أقولك أحسنت الإختيار وبالتوفيق وربنا يباركلك
بس خد بالك من نقطتين العربية دي تكنولوجي عالي و إستهلاك بنزين قليل في فئتها لاكن قطع غيارها تعتبر عالية في أي حتى في العالم مش مصر بس زي مابيظن البعض