المساعد الشخصي الرقمي

مشاهدة النسخة كاملة : الجمارك تقف في طريق أرخص سيارة في العالم!


_amr.mostafa_
17-12-2009, 04:56 PM
http://contactcars.com/Images/News/Large/tata_tata_1.jpg
"تاتا نانو"
قالت شعبة السيارات أن أرخص سيارة في العالم "تاتا نانو" ستواجه صعوبات كبيرة في السوق المصرية بعد أن تفقد ميزة سعرها المنحفض بسبب الجمارك والضرائب، وغيرها من الرسوم.

وأوضح اللواء عفت عبد العاطي رئيس شعبة السيارات في تصريحات لموقع قطاع الأخبار بالتلفزيون المصري يوم الخميس أن إنتاج السيارة "نانو" بمصر سيشكل طفرة في سوق السيارات، لأنه إذا تم تصنيعها محلياً بنفس السعر العالمي الذي يوازي حوالي 14 ألف جنيه سيغري فئات واسعة من الشباب والأسر المتوسطة لشرائها.

ويرى عبد العاطي أن هناك صعوبة كبيرة في تصنيع تلك السيارة الصغيرة داخل مصر وهو ما سيجعل الإستيراد هو وسيلة وصولها للسوق المصرية.

وأكد عبد العاطي أنه في حالة استيراد تلك السيارة فإنها ستفقد ميزة رخص الثمن التي تتمتع بها، حيث ستقدر بعد إضافة الجمارك والضريبة التي تبلغ حوالي 66 % والتخليص والخدمات وعائد الربح بحوالي 40 ألف جنيه مما يفقدها ميزة المنافسة مع سيارات أخرى.

يشار إلى أن مصر تسعى للحصول على موافقة "تاتا" لإنتاج السيارة "نانو" ذات عجلة القيادة اليسرى في مصر حيث توجد سوق ضخمة متوقعة ليس محلياً فقط، وانما على مستوى سوق السيارات ذات عجلة القيادة اليسرى في الشرق الأوسط وأوروبا.

يشار إلى أن الشركة الهندية صنعت طرازها الجديد الذي يحمل اسم "نانو" من الصاج لتحمل أقصى ظروف التشغيل، كما وضع في تصميم هيكل السيارة تفادي أضرار المطبات العشوائية، بالإضافة إلى إطارات حديثة معالجة ضد الثقوب .

وزودت "تاتا" طرازها بمحرك ثنائي الإسطوانات بقوة 33 حصانا سعة 623 سي سي، بقدرة على بلوغ سرعة قصوى بمقدار 105 كيلومترات في الساعة، أما طول الجسم الخارجي الكلي فيصل إلى 3.1 متر .


كونتكت كار

محمد حمزه2000
17-12-2009, 06:10 PM
جمارك+ ضرائب على الجمارك + ضرائب على الضرائب
هيّ دي مصر
شكرا اخي على الموضوع

_amr.mostafa_
17-12-2009, 06:25 PM
العفو الشكر ليك على الدخول

Ahmed Anwer
17-12-2009, 09:17 PM
فيه حاجة مش مضبوطة في كلامة في حكاية الجمارك ؟

طب مالماروتي موجودة ب 35 ألف

إزاي بقه النانو توصل 40ألف ؟؟

_amr.mostafa_
17-12-2009, 09:26 PM
جاري التاكد من المصدر ...واسف على الخطا

خبر المصدر كونتكت كار

ganash
17-12-2009, 10:19 PM
شكرا اخى الكريم جزاك الله وايانا كل خير بس الى يخلينى اجيب عربيه زى دى ب 40 الف ليه يعنى انا اجيب عربيه احسن منها بكتير بمبلغ زى ده حتى لو هدفع قسط بس هتبقى عربيه محترمه تعيش معايا

محمد حنفى
17-12-2009, 10:21 PM
هو انت فكرك ان الحكومة جتسيب اللى دخلهم متوسط يجيبوا عربية
طبعاً لأ حتحط جمارك وضرائب علشان تغلى العربية
وأى رسوم تنكد على الشعب الغلبان

attef1
17-12-2009, 10:31 PM
اللى اعرفه ان لو افترضنا ان سعر العربيه النانو 14000 جنيه فى بلدها
فيبقى الجمارك = 14000* 40% ( دى الجمارك على اى عربيه 1600 سى سى فيما اقل) =5600
ضريبة المبيعات = (ثمن العربيه + الجمارك) *15%
=(14000+5600) *15%
=2940
يببقى تمن العربيه = 14000+5600+2940=22540
ده غير مصاريف النقل و هامش الربح
اعتقد انه من الظلم ان العربيه دى والماروتى و ما يماثلهم من الفئه دى انه يخضع لنفس الشريحه الجمركيه مع 1600 سى سى

tigernet
17-12-2009, 10:39 PM
اجيب عربية ب 40000 33 حصان لية

_amr.mostafa_
17-12-2009, 10:51 PM
شكرا على الدخول

33 حصان وحمارين

haitham2010
17-12-2009, 11:12 PM
وزودت "تاتا" طرازها بمحرك ثنائي الإسطوانات بقوة 33 حصانا سعة 623 سي سي، بقدرة على بلوغ سرعة قصوى بمقدار 105 كيلومترات في الساعة
كونتكت كار

طب منا أجيب أي حاجة مستعملة بالمبلغ ده .... سرعة قصوى 105 ptmnlo123per111 دي الموتوسيكلات الصيني ارحم ptmnlo123per1106

pro mada
18-12-2009, 02:30 AM
اللى اعرفه ان لو افترضنا ان سعر العربيه النانو 14000 جنيه فى بلدها
فيبقى الجمارك = 14000* 40% ( دى الجمارك على اى عربيه 1600 سى سى فيما اقل) =5600
ضريبة المبيعات = (ثمن العربيه + الجمارك) *15%
=(14000+5600) *15%
=2940
يببقى تمن العربيه = 14000+5600+2940=22540
ده غير مصاريف النقل و هامش الربح
اعتقد انه من الظلم ان العربيه دى والماروتى و ما يماثلهم من الفئه دى انه يخضع لنفس الشريحه الجمركيه مع 1600 سى سى

الاول بنضيف ضريبه المبيعات و بعدين الجمرك
يعني
14000 * 15% = 16100 جنيه
و ده تمن العربيه بعد اضافه ضريبه المبيعات
و بعدين
16100 * 40% = 22540 جنيه
انا عارف ان الناتج واحد
او نحسبها بطريق سهله خالص
14000 * 61 % = 22540 جنيه
نفس الناتج برضه

pro mada
18-12-2009, 02:34 AM
طب منا أجيب أي حاجة مستعملة بالمبلغ ده .... سرعة قصوى 105 ptmnlo123per111 دي الموتوسيكلات الصيني ارحم ptmnlo123per1106

علي رأيك و الله
اصل العربيه دي توكتوك متقفل ptmnlo123per111

luckyman
18-12-2009, 02:39 AM
انا مش عارف ليه نجمع السيارات فى مصر دة بيحرمنا من ميزة الجودة بادنى المستويات كله بيصب فى خانة ومصلحة صاحب المصنع او التوكيل وكمان مفيش فرق فى السعر مغرى ؟؟؟ والله حرام انا مستغرب ازاى كل الصانعين العالمين يققبلوا بمستوى الخامات والموردين فى الصناعات المصرية انا مستعد ادفع 15000 او 5000 او 10000 جنية فرق ولا انى اخد عربية مستوى التقفيل فضيحة والله ان الفروقات بين الابواب كلها واضحة وغير متوافقة الخ فين Qa
QA ,والكلام دة كله يعنى مفيش فرق فى السعر اللى بيوفر الوحيد واللى مستفيد هو المجمع المحلى الموردين اصحاب الذمم الواسعة اقل المواصفات باسعار مرتفعة دون فارق سعر افترى وشكرا

Ahmed Anwer
18-12-2009, 03:45 AM
بالضبط كده

أنا متأكد تماما إن العكس صحيح و إن الإستيراد من الهند أكثر اقتصادية حتي بالجمارك

الموضوع فيه سبوبة

مثال بسيط الفيرنا ال 1500 لما اتوقف تجميعها في مصر و بقت تستورد من الهند باسم الفيفا ،، نزلت بنفس السعر بتاع التجميع المصري

و ده يدل علي حاجتين إن التصنيع في الهند أكثر إقتصادية حتي مع الجمرك

و إن غبور و زملائه من ورش التجميع بيضربوا فرق ال40في المئة في جيوبهم بدون عائد علي المستهلك الغلبان

و تابعوا سعر البي واي داي بعد تجمعيها في مصر

و احنا عارفين سعرها لما كانت صيني باشا

horas3000
18-12-2009, 04:08 AM
هي زي ما انتم قلتك شطحة جديدة من شطحات كونتاكت
يعني بالورقة بالقلم مش هتعدي 30000 مع الارباح و السلاطات و الباباغنوج جابوا هما ال 40000 منين محدش يعرف

انا شايف انها فرقعة في صالح النايل تك (النانو المصرية) واللي بتتجمع في الصين و اللي كونتاكت واضح انهم احد رعاتها

EgyZizo
18-12-2009, 03:37 PM
يعنى ايه اطارات معالجة ضد الثقوب ؟؟
وليه ماسمعناش عنها غير فى نانو؟

_amr.mostafa_
18-12-2009, 06:01 PM
يعني تتخرم وتلحم ptmnlo123per1106


شكرا على الدخول .....وارئكم المميزه

ahmed107
12-03-2011, 01:16 AM
جمارك+ ضرائب على الجمارك + ضرائب على الضرائب
هيّ دي مصر
شكرا اخي على الموضوع


نفسى أعرف ليه كل دا موجود !!!
أتمنى الحاجات دى تنتهى فى الفترة القادمة

nadeem55
12-03-2011, 03:13 PM
أراهن أن السيارة دية متحصلش نصف جحش موش حصان أو 33 حصان

والمشكلة لو الواحد ركب سيارة شكل دية الأولاد يزفوني في الشارع

على العموم هية أحسن من التوكتوك اللي نغص علينا حياتنا وبيخبط فينا ليلا ونهارا وعقدنا من ركوب السيارت ، كل شوية شكلة مع عيل من اللي ركبينه