المساعد الشخصي الرقمي

مشاهدة النسخة كاملة : مقارنه شامله: رينو لوجان ولا بروتون ساجا


m_o_sakr
07-12-2009, 05:32 PM
عربيتين طال انتظارهم فى اكثر الفئات مبيعاً فى مصر بعد ان كانت مقتصره على لانوس و فرنا و نازعمهم بعد سنوات فى الملك سيارة اسبيرانزا a516
و اتت اللوجان و السافى لتنافسان بقوه فى هذه الفئه الأكثر مبيعاً

حاضر حاضرptmnlo123per1127 حبطل كلام كتير و نخش فى الموضوع


المحرك و ناقل الحركه والأداء



رينو لوجان


محرك 1600سى سى 90حصان عند 5500لفه و 124ن.م عند 3000لفه ptmnlo123per172
فتيس يدوى 5 سرعات وللأسف لا تتوافر السياره بفتيس اوتوماتيك ptmnlo123per144
وزن السياره: 1115كج
اقصى سرعه: 175كم/س
تسارع 0-100كم/س: 13,5ثانيه
خزان الوقود 50 لتر
متوسط الإستهلاك الوقود: مانيوال 7ل/100كم



بروتون ساجا


محرك 1300سى سى 94حصان عند 6000لفه و 120ن.م عند 4000لفه :HAPPY_~211:
فتيس يدوى 5 سرعات او 4 سرعات اوتوماتيك
وزن السياره: مانيوال 1035كج و اوتوماتيك 1065كج
اقصى سرعه: مانيوال 160كم/س و اوتوماتيك 155 كم/س
تسارع 0-100كم/س: مانيوال 13ثانيه و اوتوماتيك 14,5ثانيه
خزان الوقود 40 لتر
متوسط إستهلاك الوقود: مانيوال و اوتوماتيك 6,1ل/100كم



موتور الساجا اكثر قوه و تطور و اقل فى استهلاك الوقود بشكل ملحوظ و لكن بدون إختلاف كبير فى الأداء




الأبعاد بالملى


رينو لوجان


الطول 4250
العرض 1735
الإرتفاع 1525
قاعدة عجلات 2630
الإرتفاع عن الأرض 15,5سم
الحقيبه الخلفيه 510لتر




بروتون ساجا


الطول 4257
العرض 1680
الإرتفاع 1502
قاعدة عجلات 2465
الإرتفاع عن الأرض 15سم
الحقيبه الخلفيه 413لتر



تتفوق اللوجان فى وسع الصالون الداخلى قليلاً و لكن الشنطه الخلفيه فى اللوجان اوسع بكتيييير




الضمان


رينو لوجان ضمان 3 سنوات او 100الف كم
بروتون ساجا 3 سنوات او 60الف كم




الأسعار و التجهيزات



رينو لوجان


طراز E0 بسعر 55900
العربيه فيها موتور و عجل و دريكسيون وابواب و و و و حجات كتير ptmnlo123per172 (بدون اى كماليات)
- جنط معدنى عادى و كاوتش مقاس R15


طراز E1 بسعر 63900
- تكييف عادى
- باور
- 2 زجاج كهرباء امامى
- سنتر لوك
- جنط معدنى عادى و كاوتش مقاس R15
-كاسيت سى دى


طراز E2 بسعر 66900
-تكييف عادى
- باور
- 4 زجاج كهرباء
- ايرباج للسائق
- مرايات كهرباء
- سنتر لوك بريموت
- كاسيت سى دى
- مسند يد امامى و خلفى
- فوج لايت
- كمبيوتر رحلات
- حليات داخليه بطلاء معدنى و نواكل خارجيه
- جنط معدنى عادى و كاوتش مقاس R15

- و يوجد تعديل لارتفاع مستوى الاضاءه من الداخل كمثيلتها موديل 2009




بروتون ساجا
عز العرب عامل مقلب فى موضوع الكماليات علشان الأسعار دى بتاعت الطراز الباسيك و دى الكماليات الحقيقيه ptmnlo123per111



مانيوال (باسيك) 62900
- انـذار وامبـلويزر
- تكييـف عادى
- ايرباج للسائق
- باور
- سنتر لوك بريموت
- كاسيت عادى 2 سماعه
- جنط معدنى عادى و كاوتش قياس R13-175/70





اوتوماتيك (باسيك) 68900
- انـذار وامبـلويزر
- تكييـف عادى
- ايرباج للسائق
- باور
- سنتر لوك بريموت
- كاسيت عادى 2 سماعه
- جنط معدنى عادى و كاوتش قياس R13-175/70





و يوجد باقه من التجهيزات الإضافيه لطراز Luxury مانيوال او اوتوماتيك و تتضمن

- مرايات كهرباء
- 2 زجاج كهرباء
- راديو سى دى 4 سماعات
- فوج لايت
- بارك سينـسور
- كاسيت سى دى 4 سماعات
- مرايات كهـرباء
- فوج لايت
- باركنج سنسورز
- مقابض الابواب, المرايات الجانبيه و الإكصدامات بنفس لون السيــاره
- جنط سبور و كاوتش قياس R14-185/60
و سعر الباقه غير معروف









بالنسبه للشكل الخارجى و الداخلى الصور توضح اكتر

http://indianautosblog.com/wp-content/uploads/2008/09/116221.jpg
http://kuchingcarrental.com/wp-content/uploads/2009/05/new-proton-saga.jpg
http://www.drivearabia.com/news/wp-content/uploads/2008/07/renault-dacia-logan-1.jpg
http://hsudarren.files.wordpress.com/2008/01/new_proton_saga_1.jpg
http://www.drivearabia.com/news/wp-content/uploads/2009/07/renault-logan-3.jpg
http://img.worldcarfans.com/2008/1/medium/9080125.002.1M.jpg
http://pictures.topspeed.com/IMG/crop/200807/2009-dacia-logan-facelift-12_1600x0w.jpg
http://keretabagus.com/wp-content/uploads/2009/03/new_proton_saga_2.jpg
http://www.wheelosphere.org/wp-content/uploads/2009/07/RenaultLoganUpIsCheapButWithLowPower_13C32/image_3.png

http://www.allautomobilereview.com/blog/wp-content/uploads/2009/05/r.jpg
http://www.dancewithshadows.com/autoindia/wp-content/uploads/2008/09/logan-3.jpg
http://www.ez4win.net/proton/images/New_Proton_Saga_18_Large.jpg
http://i148.photobucket.com/albums/s10/maximus1300/01082007128.jpg
http://2.bp.blogspot.com/_lYGmyP9d4XM/R-CFMBLn5oI/AAAAAAAASa0/FEBVbePzAjk/s320/0000saga.JPG
http://skurudo.ru/entry/494/file/renault_logan_2.jpg
http://www.automagazined.com/wp-content/uploads/2009/07/saga-se-2_770-468x351.jpg
http://www.autoluxa.com/images/cars/logan6.jpg
http://www.mycen.com.my/sightings_pics/new_proton_saga03.jpg
http://upload.wikimedia.org/wikipedia/commons/thumb/d/d8/Renault_Logan_interior_2007_Curitiba.jpg/800px-Renault_Logan_interior_2007_Curitiba.jpg
http://star-motoring.com/archives/2008/1/18/motornews/Saga%20interior%201.jpg



العدادات فى رينو لوجان

http://www.renault-dacia-logan.com/photo-renault-logan/renault-logan-gauges.jpg\



العدادات فى بروتون ساجا

http://images.paultan.org/images/Proton_Saga/New_Proton_Saga_23.jpg




و اخيراً دى صوره للساجا ال MCV يا ترى ممكن نشوفها هنا ولا !!!!
http://farm4.static.flickr.com/3647/3461751415_362abbcd35.jpg
http://farm4.static.flickr.com/3559/3462566276_ccdd5c042f.jpg

مستنى الردود و يا ريت تقول رأيك لو حتشترى عربيه فى حدود 70 الف تشترى انهى وليه


ptmnlo123per122

dola1985
07-12-2009, 05:54 PM
ربنا يكرمك ياباشا وكل سنه وانت طيبptmnlo123per112

m_o_sakr
07-12-2009, 06:19 PM
ربنا يكرمك ياباشا وكل سنه وانت طيبptmnlo123per112

و حضرتك طيب يا استاذ دولا و ربنا يخليك

ashraf mahmoud
07-12-2009, 06:21 PM
شكرا على المقارنه الرائعه انا هختار ساجا ان شاء الله لو معايا المبلغ دا
بالنسبه للكماليات فى شخص اشترى العربيه بالكماليات كلها ب 63 الف ياريت تتاكد من موضوع الكماليات دى لان دا برة على اما اعتقد البيسك والليكشرى لكن هنا العربيه نازله بجميع الكماليات عايزين نتاكد برضه من الموضوع دا

m_o_sakr
07-12-2009, 07:02 PM
شكرا على المقارنه الرائعه انا هختار ساجا ان شاء الله لو معايا المبلغ دا
بالنسبه للكماليات فى شخص اشترى العربيه بالكماليات كلها ب 63 الف ياريت تتاكد من موضوع الكماليات دى لان دا برة على اما اعتقد البيسك والليكشرى لكن هنا العربيه نازله بجميع الكماليات عايزين نتاكد برضه من الموضوع دا


حضرتك المعلومات دى من برشور العربيه هنا فى مصر, ممكن يكون الوكيل عامل عرض و منزل الليكشرى بسعر الباسيك فى الأول لحد مالعربيه تنتشر شويه, زى بريليانس ال frv كانو عملين كده بردو, اول مالعربيه نزلت كانو منزلين الفول اوبشنز بسعر العاديه و بعد فتره رفعو السعر, و الله اعلم

POP EL GAMED
07-12-2009, 07:24 PM
سيدى الفاضل احب اعرف حضرتك حاجه ان اللوجان مقاس كاوتشها 15 مش 14
غير كده الفئه الهاف اوبشن فيها كاسيت سى دى برضه
ومفيهاش ABS لموديل 2010 فى اى فئه
وتعديل ارتفاع الكشافات ده موجود فى الموديل 2009 مش حاجه جديده نازله فى ال2010
واحب اشكر حضرتك على المجهود

EgyZizo
08-12-2009, 02:08 AM
شكراً على تعبك فى اعداد الموضوع

وأنا اختار الفرنساوى من غير تفكير

m_o_sakr
08-12-2009, 06:43 AM
سيدى الفاضل احب اعرف حضرتك حاجه ان اللوجان مقاس كاوتشها 15 مش 14
غير كده الفئه الهاف اوبشن فيها كاسيت سى دى برضه
ومفيهاش ABS لموديل 2010 فى اى فئه
وتعديل ارتفاع الكشافات ده موجود فى الموديل 2009 مش حاجه جديده نازله فى ال2010
واحب اشكر حضرتك على المجهود

شكراً ليك يا استاذ بوب
ويا ريت لو حد من المشرفين يعدا الغلطه دى فى الموضوع ptmnlo123per1127 , و انا أسف لو فى خطاء غير مقصود و شكراً لحضرتك

EgyZizo
08-12-2009, 07:50 AM
وأعتقد برضه ان تسارع اللوجان أحسن من 13.5ثانية

m_o_sakr
08-12-2009, 08:37 AM
شكراً على تعبك فى اعداد الموضوع

وأنا اختار الفرنساوى من غير تفكير

عفواً يا إيجى باشا

وأعتقد برضه ان تسارع اللوجان أحسن من 13.5ثانية

موضوع التسارع من 0 - 100كم ده من برشور العربيه

pro mada
08-12-2009, 04:30 PM
تقرير في الجون
ملكش تقرير في التسلل
و تسلم ايدك يا صقر

m_o_sakr
08-12-2009, 06:34 PM
تقرير في الجون

ملكش تقرير في التسلل
و تسلم ايدك يا صقر


الله يخليك يا مادا باشا

mostafa2000
08-12-2009, 07:01 PM
انا شايف ان الساجا شكلها اشيك واحدث بكتير من اللوجان
بس الوكيل عز العرب مش في قوة وانتشار وكيل رينو

ehab 49
08-12-2009, 07:20 PM
شكرا اولا علي التقرير الجميل والكافي حتي الوقت الحاضر .
اما العربية هي البروتون ساجا بس شكلة هيكون حظة مثل حظ السيارات البروتون الي في مصر اي بدون دعاية كافية او انتشار قطع غيار كافي . الوضع في صالح لوجان

aleem
08-12-2009, 07:52 PM
انا رحت التوكيل و اللي نازل بس الفول اوبشن مانويل62900 و اتوماتيك 68900 و مافيش بيسك نزل مصر من الساجا بروتون

m_o_sakr
08-12-2009, 09:09 PM
انا شايف ان الساجا شكلها اشيك واحدث بكتير من اللوجان
بس الوكيل عز العرب مش في قوة وانتشار وكيل رينو

انا مع حضرتك بخصوص الوكيل

شكرا اولا علي التقرير الجميل والكافي حتي الوقت الحاضر .
اما العربية هي البروتون ساجا بس شكلة هيكون حظة مثل حظ السيارات البروتون الي في مصر اي بدون دعاية كافية او انتشار قطع غيار كافي . الوضع في صالح لوجان


ربنا يسهل ونحس بتغيير فى سياسة الوكيل, ولا كل الى إسمهم عز كده ptmnlo123per144

m_o_sakr
08-12-2009, 09:10 PM
انا رحت التوكيل و اللي نازل بس الفول اوبشن مانويل62900 و اتوماتيك 68900 و مافيش بيسك نزل مصر من الساجا بروتون

معلش نتعب المشرفين معانا, يا ريت تتعدل فى الموضوع الاصلى
لمل لنتو مش اد الموضوع بتكتبوه ليه!! ptmnlo123per111 انا برد بالنيابه عن المشرفين

hazem_khidr
08-12-2009, 09:43 PM
الف شكر يا صقر باشا انك عرفتنا بالساجا
بصراحه كشكل افضل من اللوجان بكتير
و محرك اقوي
بصراحه اللي حيفرق بينهم الانتشار و قطع الغيار و سهوله الصيانه
خصوصا في الفئه السعريه دي.
انا لو بشتري حشوف اللي قطع غيارها ارخص و اشتريها
بس قلبي ميال للساجا بصراحه

hazem_khidr
08-12-2009, 09:47 PM
معلش نتعب المشرفين معانا, يا ريت تتعدل فى الموضوع الاصلى
لمل لنتو مش اد الموضوع بتكتبوه ليه!! ptmnlo123per111 انا برد بالنيابه عن المشرفين

ماهو السعر مكتوب اهو يا هندسه
ايه المطلوب تعديله بس و انا اعدلهولك
حنشتغل بقي في موضوعك بس تعديلات و نسيب المنتدي:HAPPY_~211:
ههههههههههههههههه

m_o_sakr
08-12-2009, 09:49 PM
الف شكر يا صقر باشا انك عرفتنا بالساجا
بصراحه كشكل افضل من اللوجان بكتير
و محرك اقوي
بصراحه اللي حيفرق بينهم الانتشار و قطع الغيار و سهوله الصيانه
خصوصا في الفئه السعريه دي.
انا لو بشتري حشوف اللي قطع غيارها ارخص و اشتريها
بس قلبي ميال للساجا بصراحه

شكراً ليك يا حازم باشا
انا شايف ان الساجا متطوره اكتر, كفايه إن موتورها 1300سى سى و اقوى من ال 1600 سى سى بتاع اللوجان, و لو العفشه بتاعت الساجا و ثباتها كويس مثل باقى سيارات بروتون اكيد حتكون ممتازه, بس عايزه الوكيل يهتم بيها و إلا يكون حسبى الله و نعم الوكيل ptmnlo123per111

m_o_sakr
08-12-2009, 09:52 PM
ماهو السعر مكتوب اهو يا هندسه
ايه المطلوب تعديله بس و انا اعدلهولك
حنشتغل بقي في موضوعك بس تعديلات و نسيب المنتدي:HAPPY_~211:
ههههههههههههههههه

معلش يا حازم باشا, قدرك كده ptmnlo123per1106
اصلى كاتب إن الساجا باسيك و ليكتشرى حسب البرشور و كل حاجه بمواصفاتها طبعاً و بعدين لقيت أعضاء بيقولو انهم سألو الوكيل و قالهم مفيش باسيك و كله لكتشرى و السعر ده بتاع اللكتشيرى مش الباسيك
و شكراً ليك مقدماً على التظبيط ptmnlo123per122

خلودةباشا
08-12-2009, 09:58 PM
لساجا امكانياتها ممتازة والسوق فعلامحتاجها ياريت الوكيل يدعمها بكل قوة وهى هتكون الحصان الاسود لسوق السيارات

hesham mansour
08-12-2009, 10:00 PM
أنا شايف ان الساجا أحدث و أقوي و شكل أفضل بكتيييييييييييييييييييييير
و بصراحه لو انتشرت تبقي حلوه أوي

m_o_sakr
08-12-2009, 10:09 PM
لساجا امكانياتها ممتازة والسوق فعلامحتاجها ياريت الوكيل يدعمها بكل قوة وهى هتكون الحصان الاسود لسوق السيارات

يا ريت والله, انا شايف انها ممكن تعمل شغل جامد فى السوق

أنا شايف ان الساجا أحدث و أقوي و شكل أفضل بكتيييييييييييييييييييييير
و بصراحه لو انتشرت تبقي حلوه أوي

فعلاً بس يا ريت الوكيل يهتم بيها كدعايه و قطع غيار

hazem_khidr
09-12-2009, 01:54 AM
انا اتمني يكون مستوي تقفيلها افضل
بس مش عارف شكل العربيه كده مقتبسه او شاريين خط انتاج عربيه قديمه
مش عارف كده حاسسها قريبه من الاوبل كورسا سيدان شويه
يا تري فيه معلومات تاريخيه عنها

ringoo
09-12-2009, 03:28 AM
للاسف سمعه الساجا سيئة جدا بالخارج عكس اللوجان اللى انتشرت انتشار كبير فى اوروبا

m_o_sakr
09-12-2009, 06:20 AM
انا اتمني يكون مستوي تقفيلها افضل
بس مش عارف شكل العربيه كده مقتبسه او شاريين خط انتاج عربيه قديمه
مش عارف كده حاسسها قريبه من الاوبل كورسا سيدان شويه
يا تري فيه معلومات تاريخيه عنها


ساجا القديمه كانت بتنتج بخطوط إنتاج ميتسوبيشى الجيل الثانى (تقريباً) و كان شكلها قبيح على سيارهتنتج حتى موديل و بدون اى تطوير فى السياره القديمه منذ طرحها ptmnlo123per172 و حتى عام 2008!! و الموجوده حالياً ساجا2
و دى شوية صور للساجا1
http://kuchingcarrental.com/wp-content/uploads/2009/05/iswara.jpg
http://images.paultan.org/uploads/2007/03/protonsaga.jpg
http://upload.wikimedia.org/wikipedia/commons/thumb/7/7f/Proton_Saga_(re-release%3B_second_facelift)_(front),_Serdang.jpg/800px-Proton_Saga_(re-release%3B_second_facelift)_(front),_Serdang.jpg


للاسف سمعه الساجا سيئة جدا بالخارج عكس اللوجان اللى انتشرت انتشار كبير فى اوروبا

حضرتك بتتكلم عن ساجا1 ولا ايه ؟؟
اعتقد إن الساجا1 لم تسوق سوى بماليزيا و دول الجوار فى اسيا و كانت عربيه سيئه علشان تكنووجيا و شكل قديم جداً لكن الوضع مختلف مع الجيل الجديد

attef1
09-12-2009, 07:16 AM
مشكور على المقارنه
وعلى نشاطك الدائم

m_o_sakr
09-12-2009, 08:15 AM
مشكور على المقارنه
وعلى نشاطك الدائم

شكراً لحضرتك يا استاذ عاطف و ربنا يخليك

lol64
09-12-2009, 08:49 AM
شكرا على الموضوع الرائع
انا راييى اللوجان على الاقل ليها تاريخ لكن ساجا حتى اسمها مش لذيذ يعتى لو حد سالنى اقوله معايا ساجا؟:HAPPY_~211:

melrefay
09-12-2009, 11:39 AM
بصراحة اشترى بروتون ساجا لان كان معايا بروتون ويرا وكانت كويسة جدا
وانا شوفت الرينو والبروتون فرق كبييير فى الفنش والتركيبات

EgyZizo
09-12-2009, 02:57 PM
بمناسبة موضوع التابلوهات والأذواق .. فبصراحة أنا اتصدمت من تابلوه الساجا الجديدة ..
وسيبكم من رأيي علشان مابقاش متجنى على العربية

الفقرة دى من ريفيو محايد لواحد من خبراء السيارات الماليزيين :

سوف تجد التابلوه مصنوع من البلاستيك الرخيص ، كما يشعرك الكونصول وفتحات التكيييف كما لو كانت لعب أطفال مقلدة تقيداً رديئاً مصنوعة فى دولة من دول العالم الثالث

http://wei-zhu.blogspot.com/2009/07/proton-saga-test-drive-review.html

مظهر صفوت
09-12-2009, 04:21 PM
بمناسبة موضوع التابلوهات والأذواق .. فبصراحة أنا اتصدمت من تابلوه الساجا الجديدة ..
وسيبكم من رأيي علشان مابقاش متجنى على العربية

الفقرة دى من ريفيو محايد لواحد من خبراء السيارات الماليزيين :

سوف تجد التابلوه مصنوع من البلاستيك الرخيص ، كما يشعرك الكونصول وفتحات التكيييف كما لو كانت لعب أطفال مقلدة تقيداً رديئاً مصنوعة فى دولة من دول العالم الثالث

http://wei-zhu.blogspot.com/2009/07/proton-saga-test-drive-review.html الرابط اكد برضه ان الساجا افضل وياريت تراجع الsummaryفى نهاية الموضوع هاتلاقى ان المميزات اكتر وان العيوب معظمها تشترك معها اللوجان فى نفس العيوب(خاصة عدم وجود absاوebdاوairbagده انت حتى حاتلاقى واحد ماليزى بيعلق على حتة المكونات والفينيش بيقول انها ممتازة للسعر وممكن بعض الاكسسوارات اللى الواحد يضيفها من عنده هاتبقى ممتازة.وبعدين لو الواحد هايدور على عوامل الامان فى سيارات مصر مش هالاقيها غير فى الفئات اللى فوق ال110الف (ومنهم لله اللى بيعملوا فينا كده . ومنهم لله اللى سمحوا ليهم بعمل كده فينا)فى اوروبا لا توجد سيارة من اقل سعر حتى اكتر سعر لا يوجد بها عوامل امان. علشان كده يا اخوانا مصر اكبر معدل حوادث سيارات فى العالم للاسف فى مصر الحبيبة الطيبة اللى للاسف عشرات من ابنائها بيموتوا كل يوم نتيجة جشع برضه ابناء تانيين ptmnlo123per111

ringoo
09-12-2009, 06:02 PM
حضرتك بتتكلم عن ساجا1 ولا ايه ؟؟
اعتقد إن الساجا1 لم تسوق سوى بماليزيا و دول الجوار فى اسيا و كانت عربيه سيئه علشان تكنووجيا و شكل قديم جداً لكن الوضع مختلف مع الجيل الجديد
لا مش بتكلم على الساجا 1 الموضوع بيتكلم عن الساجا الجديدة
ومن غير ما نجيب تقارير ولا حاجة عشان خاطر الناس اللى اشترت العربية مرعاة لشعورهم انا حسيب الايام تثبت
انا كل اللى عايزه من اى حد حيشترى العربية سواء الساجا او اللوجان
ما يتسرعش ما يتسرعش ما يتسرعش
يسأل كويس ويقارن بنفسه كويس ويبحث كويس جدا قبل ما يشترى
لان الفئة دى من العربيات على الرغم من رخص تمنها الا ان فئة المستهلك اللى بتقبل عليها من اكتر الفئات اللى يهمها تكون العربية معمرة وذات جودة جيدة
وربنا يباركلنا فى عربياتنا جميعا

ashraf mahmoud
09-12-2009, 08:14 PM
ان شاء الله يجماعه العربيه هتثبت كفائتها انا اعتقد انها هتبقى زى الويرا وانتوا عارفين الويرا مع الناس من 99 وفى ناس بتشكر فيها وانا اعتقد المقارنه صعبه للغايه بين السيارتين لكن ايضا لفئع العمر ما بين 20 لحد 35 اعتقد انه سيختار الساجا عشان الشكل وممكن يتحمل بعض العيوب لكن الفئه من 40 الى 50 مثلا سيختار اللوجان عشان الاعتماديه ويتغاضى عن الشكل الخارجى .

m_o_sakr
09-12-2009, 09:39 PM
شكرا على الموضوع الرائع
انا راييى اللوجان على الاقل ليها تاريخ لكن ساجا حتى اسمها مش لذيذ يعتى لو حد سالنى اقوله معايا ساجا؟:HAPPY_~211:

شكراً يا باشا, بس اكيد مش الإسم الى حيحدد العربيه !!!

بصراحة اشترى بروتون ساجا لان كان معايا بروتون ويرا وكانت كويسة جدا
وانا شوفت الرينو والبروتون فرق كبييير فى الفنش والتركيبات

شكراً لحضرتك على المشاركه

aleem
09-12-2009, 10:23 PM
طيب هو تابلوه اللوجان مصنوع من ايه؟

EgyZizo
10-12-2009, 12:34 AM
الرابط اكد برضه ان الساجا افضل وياريت تراجع الsummaryفى نهاية الموضوع هاتلاقى ان المميزات اكتر وان العيوب معظمها تشترك معها اللوجان فى نفس العيوب(خاصة عدم وجود absاوebdاوairbagده انت حتى حاتلاقى واحد ماليزى بيعلق على حتة المكونات والفينيش بيقول انها ممتازة للسعر وممكن بعض الاكسسوارات اللى الواحد يضيفها من عنده هاتبقى ممتازة.وبعدين لو الواحد هايدور على عوامل الامان فى سيارات مصر مش هالاقيها غير فى الفئات اللى فوق ال110الف (ومنهم لله اللى بيعملوا فينا كده . ومنهم لله اللى سمحوا ليهم بعمل كده فينا)فى اوروبا لا توجد سيارة من اقل سعر حتى اكتر سعر لا يوجد بها عوامل امان. علشان كده يا اخوانا مصر اكبر معدل حوادث سيارات فى العالم للاسف فى مصر الحبيبة الطيبة اللى للاسف عشرات من ابنائها بيموتوا كل يوم نتيجة جشع برضه ابناء تانيين ptmnlo123per111
أنا مش جايب الرابط ده علشان أثبت ان الساجا وحشة ..
أنا جايبه بس علشان أثبت ان تابلوه الساجا هو اللى وحش ..
والعربية بصفة عامة معقولة وان لم ترقى لمستوى اللوجان من وجهة نظرى ..

وعلى فكرة اللوجان فيها airbag

EgyZizo
10-12-2009, 12:37 AM
طيب هو تابلوه اللوجان مصنوع من ايه؟

شوف حضرتك ، مش هينفع الكلام كده فى النقطة دى ..
فأرجو ان تتاح ليك فرصة قريباً تشوف تابلوه العربيتين ، وساعتها هتدرك أنا قصدى ايه ..

محمد عليوه
10-12-2009, 12:42 AM
السلام عليكم:
النوعين دول تقريبا الفرق بينهم مش مؤثر وخصوصا انهما دمهم ثقيل اقصد الطراز العائلي لاني مش متخيل انى هكون سايق عربيه ملاكي وديلها طويل قوي كده ياريت تشوف لنا ماركه اشيك من كده وتكون طراز عائلي ايضا لانى الانواع دي عاملها زى الاسعاف
وجزاك الله خيرا

EgyZizo
10-12-2009, 12:59 AM
قصدك هاتشباك؟؟

ما كل السيدان له ديل مش النوعين دول بس ؟؟

aleem
10-12-2009, 01:21 AM
انا مش قصدي حاجة .....انا بسأل فعلا . تابلوه اللوجان مصنوع من ايه؟

zkralla
21-12-2009, 11:18 PM
انا مش قصدي حاجة .....انا بسأل فعلا . تابلوه اللوجان مصنوع من ايه؟
بلاستيك بس اغلى شويه يعنى اغلى ثلاثة جنيه وربع كده ههههه
المقصود أن البلاستك بتاع تابلوه الساجا بلاستيك رخيص منخفض الجوده بس طبعا الاثبن من البلاستك
اللوجان شكلها حلو من - وجهة نظرى - ويا ريت محدش يتكلم على الشكل يقول وحش قوى ووحش خالص واخر حاجة لان ديه اذواق يعنى لما حضرتك تقول (بتكلم على اى حد بيتكلم عن الشكل ) ما تبقاش تقول كأنك بتقرر حقيقة واقعة عشان موضوع الشكل ما فيهوش حقائق , ديه مساءله احساس وخبرات
والساجا برضه عربية محترمة مش وحشه بس للاسف وكيلها لو ما اهتمش بيها هيدمرها ويخليها ما تتبعش وعيب تانى فى البرتون بصفه عامة تقفيل تعبان

أنا افضل اللوجان

rahieb_100
22-12-2009, 02:05 PM
السلام عليكم
بعد الاطلاع على التقارير الخاصة ب "لوجان" و "ساجا" كلا فى القسم الخاص به ( التقارير اللى بالصور للسيارات اللى موجودة فى مصر و الناس شافتها او اشترتها )
انا افضل "لوجان" للاسباب الاتية:
1- اوسع
2-امكانيات اكتر (اوبشنز)
3- شكل و خامات التابلوه والفرش الداخلى افضل من وجهة نظرى
اتفق مع موضوع ان شكل "ساجا" قريب من "كورسا" وخصوصا من الخلف
رأى الشخصى ان البروتون مش قد كده فى الخامات الداخلية والتقفيل حتى فى "جين 2"
قد يكون موتور "ساجا" احدث من "لوجان" بس مش شرط كل ما هو احدث يعطى افضل اداء

retaliation
22-12-2009, 02:46 PM
اولا شكرا جدا على التقرير
ثانيا انا زعلان اوىptmnlo123per144الصور مش ظاهر عندى

yaseen mohamed
22-12-2009, 03:56 PM
السلام عليكم
في البدايه انا سعيد جدا بانضمامي للمنتدي لانه افضل المنتديات
انا عايز حضراتكم تشاركوني لاني محتار
دي اول عربيه اشتريها في حياتي وانا عاشق لبروتون لان 3 زملائي عندهم الواجا وواحد معاه جين2
فهل الساجا عربيه كويسه؟
لان سعرها علي اد امكانياتي (اوتوماتيك)
بس اللي مقلقتي انها لسه جديده وبالتالي قطع الغيار مش متوفره الا في التوكيل (وما ادراك ما التوكيل)
الحاجه التانيه ان لسه جديد في القياده فعايز اجيب الاوتوماتيك فهل ممكن يكون فيها مشاكل وايه سمعه البروتون في الاوتوماتيك؟
برجاء الرد بسرعه والف شكر:waving:

EgyZizo
29-12-2009, 06:55 PM
طالما انت عايز أوتوماتيك ، يبقى الساجا اختيار مناسب للفئة السعرية دى ..
بس توقع بعض مشاكل التقفيل ، ودى بتتحل فى أول صيانة
ومشكلة قطع الغيار قائمة فى كل العربيات الجديدة على مصر مش فى الساجا بس
وتوكيل بروتون بصفة عامة اداؤه متوسط.

eng_waelsaad
30-12-2009, 07:27 PM
السلام عليكم دى أول مشاركة ليا.....على فكرة أنا رحت التوكيل عشان أشوف الساجا بصراحة العربية جميلة وواسعة كمان بس صوت الموتور عالى شوية بسيطة أنا بفكر أشتريها(الاوتوماتيك) ولكن انا كنت بفكر فى الفرنا ولكن لما شوفت الساجا أبتديت أغير رأي بس ممكن حد يفيدنى فى الموضوع دة.....شكرا

m_o_sakr
31-12-2009, 12:36 AM
شكراً للكل على التفاعل و الرد

jamal jalal
31-12-2009, 04:05 PM
جزاك الله خيرا على الموضوع و المقارنة الهايلة دي
انا استفدت فعلا
ربنا يكرمك

بس انا عاوز اقول انى لسه راجع من معرض و شوفت اللوجان النهاردة ع الحقيقة
بس مشفتش الساجا

فى رأيي ان لوجان تعتبر مناسبة للشوارع المصرية ..اللى عاوزة عربية قوية ..اعتقد ان لوجان تشبه الشاهين فى القوة و المتانة
كمان بصراحة شكلها جميل مش وحش ده رأيي
العربية عالية عن الارض و ده المطلوب ف مصر

بس خايف جدا من اسعار قطع الغيار ..يا ريت يا جماعة حد يقولى نسبة وتناسب مثلا الفانوس الامامى او تيل الفرامل او اى حاجة يكلف كام بالنسبة لعربية زي الفيرنا ؟؟
نسبة و تناسب يعني مش مهم رقم
ثانيا يبقى كتر خيركم قوى لو قلتولى الصيانة بتاعتها مكلفة قد ايه ...حتى نسبة وتناسب برضه ....بمنتهى الامانة العربية عجبتني جدااااااااااااا و نفسي اشتريها بس خايف من قطع الغيار
و تكاليف الصيانة...

شكراااااااااااا ..اتمنى الرد

ringoo
31-12-2009, 06:32 PM
جزاك الله خيرا على الموضوع و المقارنة الهايلة دي
انا استفدت فعلا
ربنا يكرمك

بس انا عاوز اقول انى لسه راجع من معرض و شوفت اللوجان النهاردة ع الحقيقة
بس مشفتش الساجا

فى رأيي ان لوجان تعتبر مناسبة للشوارع المصرية ..اللى عاوزة عربية قوية ..اعتقد ان لوجان تشبه الشاهين فى القوة و المتانة
كمان بصراحة شكلها جميل مش وحش ده رأيي
العربية عالية عن الارض و ده المطلوب ف مصر

بس خايف جدا من اسعار قطع الغيار ..يا ريت يا جماعة حد يقولى نسبة وتناسب مثلا الفانوس الامامى او تيل الفرامل او اى حاجة يكلف كام بالنسبة لعربية زي الفيرنا ؟؟
نسبة و تناسب يعني مش مهم رقم
ثانيا يبقى كتر خيركم قوى لو قلتولى الصيانة بتاعتها مكلفة قد ايه ...حتى نسبة وتناسب برضه ....بمنتهى الامانة العربية عجبتني جدااااااااااااا و نفسي اشتريها بس خايف من قطع الغيار
و تكاليف الصيانة...

شكراااااااااااا ..اتمنى الرد
الموضوع دة فيه بعض اسعار قطع الغيار اللى حضرتك ان شاء الله مش حتحتاجها غير بعد 4 5 سنين
http://www.masrmotors.com/vb/showthread.php?t=5378
اول صيانة ليك ان شاء الله حتكون على 5000 كيلو مجانا
ثانى صيانة 10000 ...... 129 جنيه
ثالث 15000 ..............مجانا
رابع 20000 .................... 362
25 الف كيلو.............. مجانا
30 ................... 269 جنيه
35 ................... مجانا
40 ................... 362 جنيه
45 ................... مجانا
50................... 129 جنيه
55 .................. مجانا
60 ................... 1133 جنيه
65.................... مجانا
70 ................... 129جنيه
75................... مجانا
80................... 362 جنيه
85................... مجانا
90................... 269 جنيه
95.................. مجانا
100................... 362 جنيه
دى اسعار الصيانات للوجان الاسعار دى من غير ثمن الزيت (ليك الحق تغير الزيت كل 5000 كيلو او 10000 كيلو ) زى ما انت عايز
ووالاسعار من غير ضريبة المبيعات
سعر الزيت العادى 120 جنيه 5000 كيلو يعنى
سعر الزيت التخليقى 292 جنيه 10000 كيلو

jamal jalal
02-01-2010, 08:52 AM
بصراحة مش عارف اقولك ايه يا ringo
الف الف شكر
بس هيا الاسعار دي عند الاربع مراكز خدمة بتوع رينو ولا بتختلف الاسعار من واحد للتانى؟؟

شكرا بجد على الرد

corexz
06-01-2010, 09:24 AM
بصراحة شكرا جدا على المشاركات
دى اول مشاركة ليا
انا حاسس كدة ان لكفة ميالة للوجان مش عارف ليه
مع انى بحب البروتون و ركبت الواجا و عجبتنى قبل كدة
طيب لو حد يقارن بين اسعار قطع الغيار يكون مشكور

falak
06-01-2010, 03:01 PM
أنا شايف إن الاثنين متقاربين جداً
ولو كانت اللوجان أتوماتيك كنت أشتريتها
لإنها أوسع وأعلى عن الأرض
ولو إني عرفت إن الساجا برضه مش منخفضة
وبالنسبة للتقفيـــل
أعتقد إن تقفيل ماليزيا أحسن من تأليف المغرب ( لو كانت اللوجان تقفيل مغربي زي مانا عارف )
أعتقد إن اللي هايفرق بينهم هو توافر وأسعار قطع الغيـــــــــار
ولــذا أتمنى من حضراتكم جميعاً
اللي يعرف أسعار قطع غيار كلا منهما يكتبها عشان المقارنة تكتمل بشكل أوضح وأشمل
تحياتي للجميــــــــع :waving:

m_o_sakr
28-01-2010, 10:25 AM
جزاك الله خيرا على الموضوع و المقارنة الهايلة دي
انا استفدت فعلا
ربنا يكرمك

بس انا عاوز اقول انى لسه راجع من معرض و شوفت اللوجان النهاردة ع الحقيقة
بس مشفتش الساجا

فى رأيي ان لوجان تعتبر مناسبة للشوارع المصرية ..اللى عاوزة عربية قوية ..اعتقد ان لوجان تشبه الشاهين فى القوة و المتانة
كمان بصراحة شكلها جميل مش وحش ده رأيي
العربية عالية عن الارض و ده المطلوب ف مصر

بس خايف جدا من اسعار قطع الغيار ..يا ريت يا جماعة حد يقولى نسبة وتناسب مثلا الفانوس الامامى او تيل الفرامل او اى حاجة يكلف كام بالنسبة لعربية زي الفيرنا ؟؟
نسبة و تناسب يعني مش مهم رقم
ثانيا يبقى كتر خيركم قوى لو قلتولى الصيانة بتاعتها مكلفة قد ايه ...حتى نسبة وتناسب برضه ....بمنتهى الامانة العربية عجبتني جدااااااااااااا و نفسي اشتريها بس خايف من قطع الغيار
و تكاليف الصيانة...

شكراااااااااااا ..اتمنى الرد

شكراً لحضرتك يا استاذ جمال

الموضوع دة فيه بعض اسعار قطع الغيار اللى حضرتك ان شاء الله مش حتحتاجها غير بعد 4 5 سنين
http://www.masrmotors.com/vb/showthread.php?t=5378
اول صيانة ليك ان شاء الله حتكون على 5000 كيلو مجانا
ثانى صيانة 10000 ...... 129 جنيه
ثالث 15000 ..............مجانا
رابع 20000 .................... 362
25 الف كيلو.............. مجانا
30 ................... 269 جنيه
35 ................... مجانا
40 ................... 362 جنيه
45 ................... مجانا
50................... 129 جنيه
55 .................. مجانا
60 ................... 1133 جنيه
65.................... مجانا
70 ................... 129جنيه
75................... مجانا
80................... 362 جنيه
85................... مجانا
90................... 269 جنيه
95.................. مجانا
100................... 362 جنيه
دى اسعار الصيانات للوجان الاسعار دى من غير ثمن الزيت (ليك الحق تغير الزيت كل 5000 كيلو او 10000 كيلو ) زى ما انت عايز
ووالاسعار من غير ضريبة المبيعات
سعر الزيت العادى 120 جنيه 5000 كيلو يعنى
سعر الزيت التخليقى 292 جنيه 10000 كيلو

ألف شكر يا استاذ رينجو على المعلومات

بصراحة مش عارف اقولك ايه يا ringo
الف الف شكر
بس هيا الاسعار دي عند الاربع مراكز خدمة بتوع رينو ولا بتختلف الاسعار من واحد للتانى؟؟

شكرا بجد على الرد

أعتقد أسعار قطع الغيار ثابته, ممكن المصنعيات تختلف

m_o_sakr
28-01-2010, 10:27 AM
بصراحة شكرا جدا على المشاركات
دى اول مشاركة ليا
انا حاسس كدة ان لكفة ميالة للوجان مش عارف ليه
مع انى بحب البروتون و ركبت الواجا و عجبتنى قبل كدة
طيب لو حد يقارن بين اسعار قطع الغيار يكون مشكور


شكراً لحضرتك

أنا شايف إن الاثنين متقاربين جداً
ولو كانت اللوجان أتوماتيك كنت أشتريتها
لإنها أوسع وأعلى عن الأرض
ولو إني عرفت إن الساجا برضه مش منخفضة
وبالنسبة للتقفيـــل
أعتقد إن تقفيل ماليزيا أحسن من تأليف المغرب ( لو كانت اللوجان تقفيل مغربي زي مانا عارف )
أعتقد إن اللي هايفرق بينهم هو توافر وأسعار قطع الغيـــــــــار
ولــذا أتمنى من حضراتكم جميعاً
اللي يعرف أسعار قطع غيار كلا منهما يكتبها عشان المقارنة تكتمل بشكل أوضح وأشمل
تحياتي للجميــــــــع :waving:

شكراً لحضرتك
اللوجان لو فى منها اوتوماتيك حتفرق مع ناس كتير

بدر بسيونى
28-01-2010, 10:35 AM
موضوع متكامل وشامل كعادة موضوعاك استاد صقر بجد شكر التجميهة تحفة

moslem2
28-01-2010, 11:49 AM
السيارتان متشابهتان وكلاهما افضل من الفيرنا ولا نوس ولكن يبقى بلد المنشأ هو شىء اساسى عند المستهلك المصرى لتأثيره الكبير على سعر اعادة البيع وبالطبع الفرنسى يكسب .,,,علاوه على اتساع اللوجان خاصة فى صندوق الأمتعه

corexz
11-02-2010, 07:28 PM
يا ريت يا شباب اللى جرب اللوجان
يحط الرفيو بتاعتو هنا
التقفيل و قطع الغيار اخبارهم اية ؟ و بعدين فى ناس يقولك ابعد عن الفرنساوى عشان غالى
مش عارف الكلام دة صح ولا لا

m_o_sakr
15-03-2010, 06:34 PM
موضوع متكامل وشامل كعادة موضوعاك استاد صقر بجد شكر التجميهة تحفة

ربنا يخليك يا بدر باشا و شكراً على المجامله

السيارتان متشابهتان وكلاهما افضل من الفيرنا ولا نوس ولكن يبقى بلد المنشأ هو شىء اساسى عند المستهلك المصرى لتأثيره الكبير على سعر اعادة البيع وبالطبع الفرنسى يكسب .,,,علاوه على اتساع اللوجان خاصة فى صندوق الأمتعه

بلد المنشاء ليس اهم العوامل فى هذه الفئه, الناس بتدور على سعر قطع الغيار و انتشارها, سعر اعادة البيع, سهوله الصيانه

يا ريت يا شباب اللى جرب اللوجان
يحط الرفيو بتاعتو هنا
التقفيل و قطع الغيار اخبارهم اية ؟ و بعدين فى ناس يقولك ابعد عن الفرنساوى عشان غالى
مش عارف الكلام دة صح ولا لا

اللوجان نسبياً مش غاليه, بس الفرنساوى فى مصر سمعته مش حلوه فى سعر اعادة البيع و اسعار قطع الغيار, ولكن اعتقد الساجا فيها نفس المشكله بتاعت قطع الغيار و اعادة البيع

nightbat_88
16-03-2010, 09:46 PM
basha a7eb asla7 ma3loma bas en elsaga 1400CC mish 1300

فارس مصر
16-03-2010, 10:05 PM
100 100 بس فيه مقارنه مهمه وهي اسعار قطع الغيار و الوكيل ايه اخباره

m_o_sakr
17-03-2010, 08:43 AM
basha a7eb asla7 ma3loma bas en elsaga 1400CC mish 1300

انا الى اعرفه انه 1300سى سى و ده من برشور العربيه !!!

100 100 بس فيه مقارنه مهمه وهي اسعار قطع الغيار و الوكيل ايه اخباره

بالنسبه للوكيل اعتقد توكيل رينو افضل من بروتون انا قطع الغيار مش عارف

m_o_sakr
17-04-2010, 10:03 PM
basha a7eb asla7 ma3loma bas en elsaga 1400CC mish 1300

حضرتك هيا اكيد 1300سى سى

nightbat_88
18-04-2010, 06:02 AM
http://www.ezz-elarab.com/proton/index.php?option=com_content&view=article&id=6&Itemid=15

ده لنك توكيل العربية :عز العرب انا راجعت الموقع وتاكدت انها 1300 واسف علي الازعاج حصل لبس معايا

tarek_wahba
23-04-2010, 11:50 PM
شكراً أخي الكريم على موضوعك اكيد إن شاء الله سوف اختارالرينو لأنها اكثر امانا في رأيي و اكثر في الوزن و اعرض في قاعدة العجلات لذا اعتقد انها اكثر ثباتا

NaderSafwat
29-04-2010, 10:56 AM
شكرا لحضرتك

د/حسام
11-05-2010, 04:09 PM
ضريبة الساجا فى المرور ارخص لانها 1300
اما اللوجان اغلى لانها 1600

د/حسام
11-05-2010, 04:15 PM
السيارات جميع الموديلات من 1030 إلى 1330 سي سي :
143 جنيه
السيارات جميع الموديلات من 1330 إلى 1630 سي سي :
175 جنيه

mikelms2001
16-05-2010, 08:33 PM
thank youu

m_o_sakr
19-05-2010, 11:32 AM
شكراً أخي الكريم على موضوعك اكيد إن شاء الله سوف اختارالرينو لأنها اكثر امانا في رأيي و اكثر في الوزن و اعرض في قاعدة العجلات لذا اعتقد انها اكثر ثباتا

عفواً يا سيدى الفاضل و ربنا يباركلك فيها ان شاء الله

شكرا لحضرتك

عفواً يا استاذ نادر

ضريبة الساجا فى المرور ارخص لانها 1300
اما اللوجان اغلى لانها 1600

اعتقد ان الفرق مش كبير

السيارات جميع الموديلات من 1030 إلى 1330 سي سي :
143 جنيه
السيارات جميع الموديلات من 1330 إلى 1630 سي سي :
175 جنيه

شكراً لحضرتك على الإضافه القيمه

thank youu


You are welcome

m_o_sakr
19-05-2010, 11:34 AM
http://www.ezz-elarab.com/proton/index.php?option=com_content&view=article&id=6&Itemid=15

ده لنك توكيل العربية :عز العرب انا راجعت الموقع وتاكدت انها 1300 واسف علي الازعاج حصل لبس معايا

حضرتك نورت الموضوع و شكراً ليك

jamal jalal
20-05-2010, 04:20 PM
السلام عليكم ورحمة الله
الحمد لله اشتريت اللوجان
طبعا انا مقتنع بيها جدا
فيه حاجة هقولكم عليها يمكن تفيد اللي عاوز يشتري
كنت سايق ف مرة و مش واخد بالي من اللي قدامي فدخلت فيه و طبقتله شنطة العربية
يا حرام كانت اكسنت الجديدة
انا والله زعلت جدا جدا عليه بصراحة
المهم
بالنسبة للوجان ..انا مشفتش غير ان لوحة الارقام بس اطبقت و اتكسرت حتة من الفانوس
لكن لما العربية سخنت اكتشفت ان الراديتير اتخرم
و الراجل السمكري رد الاكصدام بصعوبة وقالي بالحرف الواحد :"العربية دي ماشاء الله قوية جدا ، عارف لو لانسر او عربية من العربيات دي كنت لقيت الرفارف سلموا على بعض واحتجت تغير كل الحاجات دي"
بصراحة قلت الحمد لله لأن كمان سربنتينة التكييف مجرالهاش حاجة
اما عن العيوب:
لما اديتها لواحد فاهم ركبها قاللي هيا ماشاء الله عليها ف كل حاجة ..لكن مش بتسحب
لأني لما اديتها الغيار التاني "ما شبتش" زي الانوس اللي معايا و الفيرنا
قلتله انا عارف بس ده مش عيب بالنسبة ليا انا مشتريها وعارف ان سحبها مش زيهم
قاللي ع البركة كده انت مية مية
انا اشتريت العربية من اوتو سمير ريان ب 67250 كاملة
كان قاللي ب67000 بس لكن لما روحت ..اكتشف ان السعر رفع
وهو بياخدها من الوكيل ب67000
قلتله مليش فيه واديته 250ج :D:D
ف النهاية عاوز اقول حاجة
اللي مقتنع بعربية ايا كان نوعها يتوكل على الله
و اللي قاسمهولو ربنا هياخدوا
و ميقلقش من اى حاجة
عاوز اقول ان الزيت اللى ف اللوجان 10 الا كيلو مش 1000 او 5000 زي ما كنت فاكر

zkralla
26-05-2010, 01:32 PM
لما اديتها لواحد فاهم ركبها قاللي هيا ماشاء الله عليها ف كل حاجة ..لكن مش بتسحب
لأني لما اديتها الغيار التاني "ما شبتش" زي الانوس اللي معايا و الفيرنا
قلتله انا عارف بس ده مش عيب بالنسبة ليا انا مشتريها وعارف ان سحبها مش زيهم
قاللي ع البركة كده انت مية مية

سحب العربيه بيتحسن جدا بعد الالف الاول بتاع التليين وبتوصل للاداء الطبيعى بعد ال 5000 كيلو

jamal jalal
26-05-2010, 02:12 PM
سحب العربيه بيتحسن جدا بعد الالف الاول بتاع التليين وبتوصل للاداء الطبيعى بعد ال 5000 كيلو

طيب الحمد لله
كده موضوع السحب اتحل اهو
شكرا ع الرد يا باشا
بس لو ممكن حد يقولي المرايات سعرها ايه الاصلية و الفوانيس الامامي و الخلفي دلوقتي سعرها كام
وهل نزل سعرها عن الاول ولا زي ما هيا

diaaradwan
30-05-2010, 06:35 AM
عاوز مقارنة بين البونتو 2010 والساجا 2010

p3_ahmed
30-05-2010, 10:25 AM
انا عامل بيها 5000 كيلو انا حاسس ان عيبها الوحيد انها رخيصه 68000جنيه يعتبر رخيصه يعني مش عارف اتفشخر واقول ان انا ركب عربيه ب 100000 او 120000بس لكن بجد العربيه جامده جدا بس لو كانت اغلى شويه كان الناس هتحترمها اكتر

diaaradwan
30-05-2010, 03:19 PM
محتار بين السيارتين وعاوز حد يفدني ايهما افضل من حيث قوة المحرك الاعتمادية الثبات قلة الاعطال قطع الغيار

السيد العيسوى
09-08-2010, 06:10 PM
حاجه جميله خالص00 شكرا

abd0000
29-08-2010, 06:31 PM
اشكرك على الموضوع بس انا مبحبش اللوجان مش عارف لية

د/حسام
15-09-2010, 09:51 PM
ساجا اوتوماتك سعرها مناسب
4BY4

SuccessCre8or
15-09-2010, 10:04 PM
بصراحة اختار بروتون ...لأن بروتون بتتقدم ... و الفرنساوي بيتأخر و سمعته بقت زفت في نظري

تيسير ممدوح
16-09-2010, 01:12 PM
انا هأختار الرينو لوجان لانى سألت عليها كتير وعلى رأى زميلنا الفرنساوى يكسب وهتأكل السوق فى القريب العاجل
مع وجود بعض الغيوب فيها لكن سعرها لقطة

الدملاوي
16-09-2010, 01:56 PM
هل تعلمون سيادتكم أن عمر شركة رينو بالأسواق العالمية تعدى ال115 عاماً

خلص الكلام ..... تعظيم سلام للجميلة اللوجان



ROSE4U

خالداعزالناس
16-09-2010, 02:34 PM
مقارنه جميله
لكن يعيب
الساجا واللوجان
ان التابلوه الداخلى باهت جدا وغير انيق بالمقارنه بتابلوه لانوس وفيرنا

د/حسام
16-09-2010, 04:25 PM
اللوجان اصبحت منتشرة جدا وشوفت كل الوانها لكن الساجا لا تزال محدودة الانتشار

SuccessCre8or
16-09-2010, 04:56 PM
هل تعلمون سيادتكم أن عمر شركة رينو بالأسواق العالمية تعدى ال115 عاماً

خلص الكلام ..... تعظيم سلام للجميلة اللوجان



ROSE4U

ما احنا حضارة 7000 سنة ...عملنا اية ؟
انا شايف اننا نبص للحاضر احسن و نشوف الشركات اللي بتطور .. الموضوع مش بالتاريخ بس

و دي وجهة نظري و حضرتك لك مطلق الحرية تقتنع بيها او لأ

hosamsamy
16-09-2010, 08:30 PM
بصراحه الرينو لوجان فيها عيوب طفيفه لكن هيا اللي تكسب بدون تفكير

mainz
17-09-2010, 03:19 AM
انا شايف ان الاتنين احسن من الفيرنا والانوس
لكن اللوجان من وجهه نظرى احسن شويه فى منظر التابلوه والمنظر العام افضل شويه مع تحفزى الشديد للوجان عموما

ahmed khaled said
17-09-2010, 03:45 AM
سؤال رخم - هوه يعني كمبيوتر رحلات؟

الدملاوي
17-09-2010, 08:13 AM
ما احنا حضارة 7000 سنة ...عملنا اية ؟
انا شايف اننا نبص للحاضر احسن و نشوف الشركات اللي بتطور .. الموضوع مش بالتاريخ بس

و دي وجهة نظري و حضرتك لك مطلق الحرية تقتنع بيها او لأ


عندك حق أحنا حضارة 7000 عام ومعملناش حاجة

ولكن رينو تطور نفسها بأستمرار وأندماجها مع نيسان خير دليل ونزولها السوق بالموديل الجديد اللوجان دا معناه أنهم مستمرين بالتطوير ودا مع تاريخهم العريض كما سبق وأشرت

يبقى هنا الموضوع مش تاريخ وبس

مش كده ولا أيه؟؟؟؟

ايه ياترى

mmz85
17-09-2010, 03:27 PM
ما احنا حضارة 7000 سنة ...عملنا اية ؟
انا شايف اننا نبص للحاضر احسن و نشوف الشركات اللي بتطور .. الموضوع مش بالتاريخ بس

و دي وجهة نظري و حضرتك لك مطلق الحرية تقتنع بيها او لأ


والله الراجل دة بيقول كلام زى الفل !! معاك حق فعلا التاريخ مالوش علاقة بالموضوع, بالعكس دة ممكن يكون ضدك أحيانا

الدملاوي
18-09-2010, 12:05 PM
والله الراجل دة بيقول كلام زى الفل !! معاك حق فعلا التاريخ مالوش علاقة بالموضوع, بالعكس دة ممكن يكون ضدك أحيانا


وهو حد قال حاجة بس لما يبقى التاريخ مقترن بالتطوير المستمر والسمعة الجيدة

دا أكيد بيفرق كتير

مش كده ولا ايه؟؟؟

ايه ياترى

SALAHHAKIM
06-10-2010, 06:37 PM
السلام عليكم
السيارة ليست فرنساوى ولكنها رومانى واسمها فى العالم كله داتشيا ولكن فى الشرق الاوسط رينو لوجان

النسر الاخضر
14-10-2010, 10:02 PM
ياريت لو نرى مقارنة بين التويوتا ياريس 1500 سي سي و النيسان تيدا 1600 سي سي و سوبارو 1600 سي سي و الانسر 1600 سي سي وجميع السيارات اعلى فئة

AHMED HALEEM
22-10-2010, 02:42 PM
ولا اللوجان ولا البروتون

aryme
22-10-2010, 09:12 PM
يا جماعة انا محتار يعنى الساجا احسن ولا الدايو الانوس؟ ارجوكوم ساعدونى دى اول عربية

hamada accent
22-10-2010, 09:23 PM
لا دى ولا دى الاتنين تعبانين
واحدة مغربى والتاني ماليزى يعنى كله فى الاونطه وانا لو معايا 70 الف اجيب لانسر مكوه ب60 والعشرة الباقيين اتولت العربيه بيهم

ahmedsamy90
26-10-2010, 12:56 AM
ما شاء الله عليك ......... تقرير رائع جداً

asalacenter
26-10-2010, 02:26 AM
ليه الفيرنا مش فالمقارنة هيا نفس الفئة السعرية وكمان اللانوس عشان تبقى مشرحة

حازم عامر
01-11-2010, 04:56 PM
رينو لوجان طبعا على الاقل تمنها فيها عشان جمركها بسيط جدا

pito phone
24-11-2010, 09:00 AM
شكرا على المقارنة دى
لكن من وجهة نظرك انهى الاحسن فى الطرق المصرية وقطع الغيار والتوكيل

SALAHHAKIM
26-11-2010, 04:58 PM
مقارنه جميله
لكن يعيب
الساجا واللوجان
ان التابلوه الداخلى باهت جدا وغير انيق بالمقارنه بتابلوه لانوس وفيرنا
السلام عليكم
اى حد بيقول الكلام ده ماشفش تبلوه البروتون سجا ولا حتى الداتشيا لوجان
على العموم نسبه الحجز الى على بروتون خير دليل على انها ستكون السياره رقم 1 فى مصر . واحنا الى عملنا سوق للانوس والفيرنا وخلينا قطع غيارهم رخيصه من كتر شراء العربيه وده بتعمل دلوقتى معا البروتون اما كلام على الفاضى واى عك
ملوش لازمه لازم الى يتكلم على عربيه تكون معاه
بروتون ساجا السياره الى تحترم امن وسلامه وعقليه الراكب بدون عمل فرقعه اعلاميه
http://www.youtube.com/watch?v=-wCV3f6DNOU (http://www.youtube.com/watch?v=-wCV3f6DNOU)

تكنولوجيا مش تكنو لوبيا
http://www.youtube.com/watch?v=KkE6oQnCuWI&feature=related (http://www.youtube.com/watch?v=KkE6oQnCuWI&feature=related)

بروتون ساجا السياره التى لا تقهر HUUM

nour_nrc
26-11-2010, 05:45 PM
logan w bas

EgyZizo
26-11-2010, 05:57 PM
على العموم نسبه الحجز الى على بروتون خير دليل على انها ستكون السياره رقم 1 فى مصر HUUM

أنا مش معاك فى النقطة دى ..
والأمور بدأت تبان بعد مرور سنة على نزول العربيتين ..
حضرتك لاحظ مدى الانتشار فى الشوارع
أنا فى البلد اللى أنا فيها (شبين الكوم) شفت عشرات اللوجان وتتزايد مع الوقت ومافيش مرة أنزل مشوار إلا لما أشوف اتنين تلاتة، وحتى الآن لم أشاهد ساجا واحدة.

MmFFoR
26-11-2010, 11:07 PM
واضح ان الموضوع قديم شوية لأننا اكتشفنا ان الساجا اللي بتنزل مصر هي الفئه ال LUXURY بالشبورة و الايرباج و السينسور بارك و الكاسيت سي دي
اعتقد ان الانوس راحت عليها خلاص و لو حنتكلم عن قطع غيار يبقى اللي عايز يشتري 128 ارخص في قطع الغيار
الفيرنا لو اللي يشتريها يركب جنوط 15 تبقى منافس شرس مع اعتبار ان سعرها رفع تاني الف جنيه و باقت ب 65 للهاف بدل 62 الف معرض اوتوماك ( مع ان الموديل عمال يقدم اكتر بس في ناس بتستهبل ) الساجا فل اوبشن تكنولوجيا حديثه و شكل مميز ب 63 الف يعيبها عدم توافر قطع غيارها بالشكل الكافي ! اللوجان يميزها ارتفاعها و وسع صالونها و شنطتها و وكيلها المحترم جدا برغم زيادة سعرها برضه الف جنيه ( 64.900 بدل 63.900 للهاف اوبشن )

انا من رأيي لو شبابي يبقى ساجا او فيرنا لو عائلي يبقى لوجان بلا منازع

sasa911
30-11-2010, 09:41 AM
بصراحة لو اللوجان فى منها اتوماتيك تكسب بلا منافس

SALAHHAKIM
09-12-2010, 03:34 PM
بصراحة لو اللوجان فى منها اتوماتيك تكسب بلا منافس
السلام عليكم
ممكن اضيف حاجه موجوده فى البروتون ساجا ومش موجوده فى الداتشياااااااا لوجان
سنسور بارك + جنط اسبور + تحكم فى ارتفاع مقعد السائق ايمو بلايزر ضد السرقه
شاسيه 75% من الفولاذ صناعه محترمه جدا جدا
<?xml:namespace prefix = o ns = "urn:schemas-microsoft-com:office:office" /><o:p> </o:p>
http://www.youtube.com/watch?v=-wCV3f6DNOU (http://www.youtube.com/watch?v=-wCV3f6DNOU)

1332 سى سى 94 حصان
اما الداتشيا لوجان 1600 سى سى 87 حصان حصاوى والى مش مصدق يبلغ التوكيل عنى
والاهم ان البروتون سجا احسن فى حاجه تانيه وهى التكييف مع الموتور عادى طبعا بيقل من السحب انما مش زى الداتشيا لوجان خالص
طبعا الداتشيا لوجان غير موضوع خبط فى العفشه وموضوع العزل الاى كلام وموضوع دخول الحراره عند السائق وموضوع سماع صوت البنزين الى فى التنك واكن واحد قاعد وراك بيرج ازازه وغير موضوع مكان المفتاح والكلاكس الغبى جدا جدا وموضوع مكان ازرار الزجاج الاغبى فـ اعتقد ان كلام اى حد عن البروتون والداتشيا لازم يكون عن تجربه يا عالم عن تجربه مش عن بطيخ
شعب غريب جدا شعب حب البطيخ

Mohamed Bakr
09-12-2010, 07:58 PM
السلام عليكم
ممكن اضيف حاجه موجوده فى البروتون ساجا ومش موجوده فى الداتشياااااااا لوجان
سنسور بارك + جنط اسبور + تحكم فى ارتفاع مقعد السائق ايمو بلايزر ضد السرقه
شاسيه 75% من الفولاذ صناعه محترمه جدا جدا
اللوجان فيها تحكم فى ارتفاع مقعد السائق وايمو بلايزر ضد السرقه GIFT4U

karem shrif
10-12-2010, 10:14 PM
الموضوع فعلا شيق و مهم لان العربيتان جداد في مصر و انا شايف ان الاثنين احسن من اللنوس و الفيرنا .....
الساجا جميله و ابشن كويس بس لازم ترح المعرض و تشوف الاثنين علي الطبيعه من حيس الشكل الخارجي و الداخلي المتانه الخامات جوده التقفيل صدقني هتلاحظ الفرق , اللوجان افضل بكثير جدااا ,
حضرتك اتكلمت عن السعر بس نيسيت تذكر ان اللوجان معليهاش جمارك يعني كده انا هاخد عربيه بأقل من سعرها 1500 جنيه مثلا,
ايضا قطع غيار الساجا في التوكيل غاليه جدا اكثر من الرينو مره و نص او اكثر كمان و الكلام ده عن ثقه و عن تجربه سواء الجين2 او الساجا,,,,
شكرا

SALAHHAKIM
11-12-2010, 03:01 AM
الموضوع فعلا شيق و مهم لان العربيتان جداد في مصر و انا شايف ان الاثنين احسن من اللنوس و الفيرنا .....
الساجا جميله و ابشن كويس بس لازم ترح المعرض و تشوف الاثنين علي الطبيعه من حيس الشكل الخارجي و الداخلي المتانه الخامات جوده التقفيل صدقني هتلاحظ الفرق , اللوجان افضل بكثير جدااا ,
حضرتك اتكلمت عن السعر بس نيسيت تذكر ان اللوجان معليهاش جمارك يعني كده انا هاخد عربيه بأقل من سعرها 1500 جنيه مثلا,
ايضا قطع غيار الساجا في التوكيل غاليه جدا اكثر من الرينو مره و نص او اكثر كمان و الكلام ده عن ثقه و عن تجربه سواء الجين2 او الساجا,,,,
شكرا
السلام عليكم
دى وجهه نظر حضرتك انت حر فيها انما انا شايف ان العربيه اقوى من ناحيه الكماليات والقوة والتقفيل والتحمل كل حاجه لصالح البروتون
الاستاذ اللى بيتكلم عن الصاج احب اقله ان فى السيارات الحديثه وجود الصاج اصلا او عدمه لا يفرق فى الامان للسياره نهائى وذاللك للاعتماد على الشاسيه والقوائم والعوارض الجانبيه . والدليل وجود البيجو رفرف فيبر
رينو ميجان رفرف فيبر والخ .
معلوماتى ان السياره فول اوبشن المفروض بعد اضافه ربح التوكيل تياع بـــ55 الف
مش 67500
والله اعلى واعلم
بروتون السياره التى لاتقهر

محمد اشرف
27-08-2011, 05:29 PM
الساجا احلى بكتير

herlom
29-03-2012, 02:59 PM
thank you very much