المساعد الشخصي الرقمي

مشاهدة النسخة كاملة : تقرير حقيقي عن جراندتيريوس


الصفحات : [1] 2

ahmedebed
28-11-2009, 08:08 PM
بسم الله الرحمن الرحيم

بعد اذن الساده اعضاء المنتدي ومشرفيه انقل لكم مشاركاتي بخصوص الجراندتيريوس وخبرتي فيها للان 00 لاني وجدت ان هذه السياره لم

تأخذ حقها وكل من تكلم عنها لم يتكلم الا بالسئ 00 فأردت ان انقل لكم تجربتي عنها بما يرضي الله والله اعلي واعلم بما في القلوب000


ها انا ذا الجمعه التاسع من اكتوبر الفان وتسعه

استلمت الجراند تيريوس يوم الاربعاء الماضي وااثرت الا اكتب عنها شئ الا بعد مرور فتره من الوقت حتي تضح

الرؤيه الاوليه لي0 سأحكي بالتفصيل الممل وذلك لاني لم اجد في المنتدي مايشبع رغبتي في البحث عندما

كنت احاول ان استقر علي سياره وقررت ان املك الجراند وعليه نويت ان اكتب كل مابها من حسنات وسيئات

علي مر الايام من الاستعمال:

1-اتصال تليفوني اتفضل السياره جاهزه تعالي استلم وحانرخص بكره

2-وقفت امام السياره مبهورا من وقفتها الشرسه وجمال لونها الاسمر ذو الشريط الجانبي الجميل

3-وقعت الاوراق علي وعد بالذهاب لطوسون بالاسكندريه صباحا للترخيص

4-ثم توجهت للداخل معهم لاستلام الهدايا تليفزيون 32 بوصه ال سي دي و بلاي ستايشن تو و2 مخدع بشاشه
دي في دي

5-ركبت السياره وسميت الله وقرأت قران ووضعت سي دي القران الخاص بي ولا اسمع غيره وانا قلبي يرتعد

حاسوقها ازاي دي بالحجم ده وانا مش متعود 0 والموتور ال 1500 حايكون زي اللانسر 1600 اللي كنت راكبها

اسئله كثيره تدور في ذهني0

6-استعنت بالله ودورت المارشونقلت عال دي وتحركت السياره0 لم اشعر بها وهي تشب وتقوم ويادوبك لمست

دواسه البنزين ولقيت الاسد خرج من عرينه وانطلق

7-خرجت للشارع وانا خايف جدا عالعربيه افتكرن يوم ما استلمت اللانسر كان نفس الشعور

8-دوست بنزين وجدت صوت الموتور يتزايد ثم عندال 20 فصل ار بي ام وصوت الموتور في لحظه هدئ

ثم شد تاني لحد ال35 ثم هدئ وهكذا في ال 50 وماقدرتش ازود عن ال 60 كيلوا خوفا علي الموتور

9-ملحوظاتي في اول ساعه قياده ان السياره ناعمه جدا وقعدتها مريحه جدا ومرتفعه عن الارض وكاشفه للرؤيه

وصوت الموتور مش عالي زي مابيتقال

10-اخدت الاولاد افرحهم بقه باعربيه ثلاث بنات وامهم ههههههههه المهم ركبنا الجراند وقولت اشوف بقه

الوزن مع السياره اخباره ايه00 بسم الله ماشاء الله 00 الاداء ثابت هو هو

11- فيه حاجه بقه لاحظتها ومش عارف انا صح ولا غلط وخبراء المنتدي يفيدوني اكتر فيها الا وهي :

لما الاوتوماتيك بيفصل اثناء تحويله بين السرعات طبعا الار بي ام بيفصل وينزل المؤشر لتحت فانا فكرت وقولت

كانه بينقل لوحده زي المانيوال طب ما اشيل رجلي من عالبنزين اول مايفصل واحطها تاني يعني كاني بنقل معاه

يدوي لقيت حاجه غريبه مافييش صوت نهائي للموتور اللي كان كله بيشتكي من انه عالي غريبه كررتها

مع النقله اشيل رجللي من الدواسه واكبس زياده بنزين لقيتها زي الفل هو ده طريقه شغلها 000

تفصل اشيل رجلي00 وادوس تاني كابس زياده لقيت الجراند اسد ومقتحم للطريق ووصلت للسرعه 75

والار بي ام لم يتجاوز 2.2 يعني مش 2.5 ولا 3 علي عداد الار بي ام زي ماقرأت والناس بتشتكي

12-ذهبت للتراخيص وفحصت وذهبت وركبت الديفندرات ورجعت تاني اركب النمر ركبت الفندر الامامي

الاسمر الفيبر القطعه الواحده مثل سياره اخي الموجود هنا في المنتدي وعلقت النمره عليه وربنا يستر

السياره اصبحت جراند شيروركي مش جراند تيريوس ااااابداااااا


حتي الان كله علي مايرام وسأوافيكم بالتفاصيل اولا باولا ومستعد لاجابه اي سؤال افيدكم بتجربتي

كما استفدت منكم قبل الشراء0 لكم جزيل الشكر 0 وساتابع معكم


<!-- google_ad_section_end -->

ahmedebed
28-11-2009, 08:10 PM
التكييف بعد اول الف كيلو ان شاء الله

ولغايه دلوقتي العربيه عاليه 000مطبات مين وحفر مين

وعلي فكره انا استلمت من هنا وعبيت نيتروجين من هنا

العجل حلااااااااوه ومظبطه علي 30 ده اللي في القايم

ahmedebed
28-11-2009, 08:11 PM
اخواني واحبائي

والله مش عارف اقول ايه لكل فرد عالاسد الجراند تيريوس

لكم الف شكر ويارب يدي كل واحد اللي محتاجه يارب

لليوم الرابع علي التوالي القياده ممتعه ويسيره جدا وسلسله

وبرضه بسوق الاسد الجراند بطريقه اشيل رجللي من علي دواسه ابنزين مع فصل

الهيدروماتيك لحظه واضعها ثانيه مع كبس بسيطه 0 لقيت فعلا الطريقه دي حتي الان

لاني مخللي طريقه القياده تحت الاختبار المهم ان الطريقه دي حتي الان جميله في حاجتين

1-بمجرد فصل الهيدروماتيك وشيل الرجل من الدواسه ال ار بي ام بينخفض علي طول

2-مع اعاده الكبس عالدواسه بتشد العربيه معاك مع النقله وصوت الموتور بيبقي ناعم جدا

ولا يوجد اي ملحوظااات حتي الان كله موووز موووز موووز فله شمعه منوره

وربنا هو الستااااااااااااار


اي سؤال انا حااااااضر<!-- google_ad_section_end -->

ahmedebed
28-11-2009, 08:13 PM
الدفندر الامامي الفيبر الجميل ده انا ركبته وركبوللي

النمره الجديده عليه كمان شكله اكتر من رائع وكأنه قطعه من العربيه

ahmedebed
28-11-2009, 08:15 PM
كده انا اكملت اكسسوارات اللازمه للجراند بالنسبه ليا

1- دفندرات

2-سلم جانبي

3-اريال سقف

4-جهازانذار

5-وحده رفع

6-صدادات للابواب

7-شريط اسود رفيع علي شفه زجاج الابواب الامامي

8-حساسات ركن<!-- google_ad_section_end -->

ahmedebed
28-11-2009, 08:16 PM
بعد مساء الفل

الاضافات دي مابتجيش مع السياره ولكن في التوكيل قسم للمبيعات به كل ماتريد

وسأضيف لك اسعار كل شئ هنا

1-دفندر امامي فيبر اسمر بدون جناحات طبعا شيك جدا=1630 +163ضريبه+90تركيب

2-دفندر خلفي قضيبين وسطهما درجه سلم 858+86ضريبه+90 تركيب

3-جهاز انذار دايهاتسو اصلي 725+73 ضريبه+100 تركيب

4-غطاء خارجي دايهاتسو 235+25 ضريبه

5-فرش جلد دايهاتسو اصلي اسود بعلامه جراند دايهاتسو 400 +40 ضريبه +100 تركيب

6-وحده رفع سيمفوني للاربع نوافذ 130+13 ضريبه +80 تركيب

7-وحدات حساس ركن عدد اربعه 235 +25 ضريبه +80 تركيب

8-عتبتين جانبيتين درجه سلم 700 +70 ضريبه+100 تركيب

9- اريال سقف 10 جنيه

10-صدادات ابواب 10 جنيه

ahmedebed
28-11-2009, 08:18 PM
والله عايز الحق


انا ندمت فعلاااااااااااااااااا



اني انتظرت كل ده وبفكر اشتري ايه


العربيه مش تحفه لا والله جميله جدا فوق الخيال


عزم ايه وسحب ايه وقوه ايه فوق الممتازه واي كلام غير كده

يبقي تشكيك وتضليل انا جبت بيها جوه البلد (عالبحر بالليل) 90 كيلوا

والار بي ام لسه 2200 يعني مش الكلام اللي كنت بنقرئه من المشككين


توكل علي الحي الواحد القهار واشتري السياره والحق قبل اخر الشهر

علشان تاخد الهدايا التلاته دول يساوو حوالي 8000 جنيه ويعنبر كده

خصم من سعر العربيه الاساسي<!-- google_ad_section_end -->

ahmedebed
28-11-2009, 08:21 PM
السياره ياباني


التقفيل اندونيسي


الشغل الاندونيسي اللي فيها هو الضفيره والكاوتش


يعني مش الاساسيات فهي ياباني والتقفيل اندونيسي<!-- google_ad_section_end -->

ahmedebed
28-11-2009, 08:23 PM
والله طلعت الرخصه اتأكد لقيتها 1498 برغم اني متأكد000 حاقولك علي معلومه

دايهاتسو لم تنتج موتور ملاكي اكبر من ال 1500 ابدا هو ده موتور دايهاتسو الدائم الصنع

وعلشان كده تبقي مطمئن من جوده الانتاج00 والحمدلله

بالنسبه للفيميه مش عايز اقولك عييييييييشه عيشه

وكامير الرجوع للخلف حاركبها بأذن الله لاني قريت عنها كتير حلوه للاشياء المنخفضه فعلا


الحمدلله الذي وهبنا هذا وربنا يبارك لنا فيه يارب

ahmedebed
28-11-2009, 08:26 PM
امبارح اتحطيت في موقف لازم اذهب للقاهره الساعه اتنين وطبعا الجمعه مش ممكن تلاقي حجز قطارات

فاضطرييييييت غصب عني اسافر بالسياره وكنت خايف بس لقيت اصحابي بيقولولي بالعكس ده التليين

في المشوار الطواالي افضل من داخل البلد وانا لسه الكيلو 498 فقط 00 المهم اعتمدت علي الله واخدت اتنين

اصحابي معايا في العربيه وتوكلت عليه وقلت للي جالس خلفي تبقي تتابع عداد السرعه لو قربت لل 100

كيلو كسرعه نبهني00 وفعلا حصل مازودتش عن ال95 وكل مالاقي العربيه تسرح بيا ورايحه عال100 كيلو والله

بكل سلاسه ويسر كده ارجع تاني لل 90 او 95 المهم ملاحظاتي

ماشاء الله ولا قوه الا بالله 000 مين اللي كان بيقول صوت الموتور عالي مش عارف الصوت عادي جدا وناعم

مافيش حاااااجه والامبير كان عال98 كيلو والار بي ام عامل 2700ل3000 حسب كبستي عالدواسه

(طبعا عاوز حد من احبائنا الاخصائيين هنا يوضح لي النقطه دي صح ولا فيه حاجه)

المهم قضيت مشاويري والدنيا زي الفل وحسيت بفرق القاعده الطويله في السياره غير اللانسر اللي

كانت معايا(موديل 2005 حيثه برضه) لالا نزلت من السياره غير مجهد تماما من السواقه والسياره والله

ماحسستني في المشوار 0 المهم كده عداد الكيلو عندي اصبح 1220 ومش حاقدر اعمل الصيانه الا

يوم السبت القادم ان كان في العمر باقي يعني عال 1500 تقريبا فهل هنا فيه مشكله لا عادي مافيش

مشاكل اولا بالنسبه للصيانه في الوكيل وثانيا بالنسبه للسياره<!-- google_ad_section_end -->

ahmedebed
28-11-2009, 08:28 PM
امبارح ركبت كاميرا للركن الخلفي


ولكن باختراع غير حكايه الكاميرا اللي في المرايه

جبت كاميرا الرؤيه الخلفيه وشاشه بالشماسه مكان الشماسه يمين

والكهربائي ظبطلي تردد الكاميرا علي قناه استقبال تفضل مفتوحه علي طول

بدون الحاجه لعمل المارشدير يعني ممكن تبقي ماشي عادي وشايف العربيات

اللي جايه وراك 0 دي حاجه والحاجه التانيه ان القناه التانيه للشاشه ظبطها مع

الفيديو سي دي بكده بقه عندي رؤيه للاتنين حبيت اشوف الخلفي ادوس علي زرار التحويل

في الشاشه او زرارز رؤيه الفيديو 0

ملحوظه الكاميرا مش مفيده قوي في الركنه الخلفيه بس هي كويسه في انك

ممكن يبقي وراك طفل او حجر اكيد حاتشوفه وهو ده المهم<!-- google_ad_section_end -->

الكاميرا 165 والشماسه بالشاشه 325 والتركيب 80

هي مش مفيده في الركنه الخلفيه ولكنها مفيده جدا وانت بتركن تقدر تشوف


اي حجر او طفل او عمود حديدي قصير خلفك وده مفيد جدا طبعا

غبر بقه وانت واقف في اشاره او راكن في حته تقدر تشوف كل حاجه وراك

ولو الفيديو شغال طبعا بتبقي النظره خطف كده مش علي طول

وربنا يستر طريقنا جميعا<!-- google_ad_section_end -->

ahmedebed
28-11-2009, 08:29 PM
صيــــــــــــــــــــــــــانه الالـــــــــــــــــــــــف


ذهبت اليوم لعمل صيانه الاف وكنت حاجز من يوم الاربعاء علي صباح اليوم


تواجدت في المركز الساعه التاسعه صباحا تمت الاجرائات بسهوله ويسر من الباشمهندس

مجدي في الاستقبال وعليه تم ادخال السياره للسرفيس ودخلت معاها قالولي انتظر في

الاستراحه قلتلهم لاء انا عايز اجابات علي شويه اسئله من الفنيين معلش انا داخل معاها

وفعلا استلمها الكهربائي وشييك علي الانوار والاشارات والزجاج سئلني بتشتكي من حاجه

قلتله عندي صدااااع علشان صاحي بدري ههههههههههه قاللي لاء العربيه قلتله لالا كله تمام

فأستلمها الميكانيكي وسئلني ورديت نفس الرد0

المهم راجع عالسوائل واكتشفت ان سائل التبريد بيها لونه احمر وهم بيزودوه بالماء المقطر

المهم انا مازودتش الماء لانه مش محتاج بس حاجيب جركن ماء احمر معايا للزياده منه

سئلته عن تحديد الزيوت وعلاماتها وافهمني كل شئ عنها بسلاسه ويسر

نزع فلتر الهواء ونضفه ثم رفع السياره عالكوريك وربط العفشه وفجئه احضر علبه اسبراي

ورش بيها العفشه وفصلات الابواب والمرايات (للاسف نسيت اسئله اجيبها منين حد هنا يعرف)

المهم قاللي نوديها تتغسل اعتذرت له لاني مستعجل والدنيا بتشتي يبقي الغسيل مالوش لزوم

المهم كله تمام 00 اخرجولي العربيه واستلمت دفتر الضمان وركبت السياره 00 الله لالالا السياره

فيها حاجه غريبه العربيه انعم والباور اسهل فيه ايه دول ماعملوش حاجه زياده كنت واقف مش عارف

مايكونش الاسبراي السحري ده ممكن حد يعرف الاسبراي ده ايه يا جماعه ولا اسئل عليه

ونتااااااااااابع<!-- google_ad_section_end -->

ahmedebed
28-11-2009, 08:30 PM
هوايااااااااااااات علي زجاااااااااااج النوااااااااااافذ

ركبت 4 هوايات علي الاربع ابوب فوق النوافذ بحيث تستطيع حجب الامطار وانت فاتح الزجاج

علي الاقل 10 سم فتدخل الهواء الخارجي وتمنع دخول الامطار0

الوحيد المتواجد عنده الهوايات البلاستيك دي هو محمد السجان في التوفيقيه

تمنهم 125 جنيه و5 جدعنه للتركيب


لالالا الهوايات دي عباره عن قطعه بلاستيك فوق النوافذ الاربعه


وعليه تقدر تفتح الزجاج حوالي 10 سنتيمتر والامطار ماتدخلش


ليك بداخل السياره


ان شاء الله اصور لكم السياره واضعها بالمنتدي<!-- google_ad_section_end --> <!-- google_ad_section_end -->

ahmedebed
28-11-2009, 08:32 PM
التكيييييييييييييييف


علي كيف كيفك ويكيفك زي ماكيفك يتكيف


هههههههههههههههههههههههههههههههههههههههههههههههه

عموما من الامس والجو في الاسكندريه مترب قليلا ودرجه الحراره الي حد ما مرتتفعه

وعموما انا من اصحاب الدماء الساخنه يعني ما استغناش عن التكييف ابدا لا بمنزلي او عملي

مابالك بقه بالسياره 0000 المهم من امس وانا مشغل التكييف امامي فقط وعلي المنتصف

فقط يعني لاهو سخن ولا هو بارد وبصراجه مووووز مووووووووز موووووز التكييف تمام

والتبريد فله شمعه منوره وبطبيعه الحال صوت الموتور عالي بالتبعيه شويه انما ده عادي

الللانسر كانت كده برضه معايا0000 المهم النهارده اخدت الاولاد معايا ومشغل تكييف خلفي

كوووماااااااان اييييييييييه عظمه الاولاد كانوا مبسوطين ددا ددا ددا ههههههههههههههه


بصراحه فعلا انا مبسوط والحمد لله ان كان اختياري بعد بحث للجراند تيريوس


ربنا يسترها معانا ومعاكوااااااااااا


ونتاااااااااااااابع<!-- google_ad_section_end -->

ahmedebed
28-11-2009, 08:34 PM
اقول لحضرتك طبعا ده من واقع بحثي قبل الشراء وبعد البحث اشتريت المصري

او من الوكيل وده الصح وحاقول لحضرتك:

1-الخليجي وده اهم سبب بدوووووووون ضماااااااااااااااااااان ولا تستطيع ان تدخله الضمان

بأي طريقه لاني سئلت


2-بدون زجاج فيميه خلفي او جوانب

3-بدون جنوط اسبور بل بطاسات علي العجل

4-بدون كاسيت او سي دي

وهذه اهم الاسباب

اما مميزات الخليجي فها هي:

1- ارخص من الوكيل بحوالي 15 الف جنيه

2- بها اللون الابيض الناااااصع وده كان نفسي فيه ولكن مبينزلش مصر للاسف فاخدت الاسود

3-بها مكان للطفايه في خلف كرسي السواق توضع فيه


والله المستعااااااان

ونتااااااااابع<!-- google_ad_section_end -->

ahmedebed
28-11-2009, 08:35 PM
العربيه والله ممتازه انا سافرت بيها القاهره للان

مرتين 0مره قبل الالف كيلو للتليين والاخري من يومين

السياره جميله متزنه وايه رايك كان معايا 6 افراد وانا ذاهب

للقاهره من يومين والسرعه 120 كيلو وزي الفل

لالالا دي حاجه تانيه خالص والحمد لله

ahmedebed
28-11-2009, 08:36 PM
مساحه العربيه من الداخل جميله والله فعلا

وانا سافرت بيها ومعايا سته اشخاص قاعدين زي الفل

واخر تمام والسرعه 120 كيلومتر والتكييف تمام والله

السياره ممتازه فعلا بس مش واخده حقها كفايه واعتقد

ان ده يرجع لسوء الترويج الاعلامي ليها بس العربيه

ماشاء الله فعلا<!-- google_ad_section_end -->

ahmedebed
28-11-2009, 08:38 PM
هذه مشاركاتي في منتدي اخر يخص الدايهاتسو ويها مشاركاتي للجراندتيريوس


واي سؤال انا حاضر ومتابع 00 انطقنا الله بالحق والله اعلم بما في القلوب

ومطلع علي النوايا

وكل عام وانتم بخير

oceanboy425
28-11-2009, 11:15 PM
مشكووووووووووووووووووووووووور والله على التقرير

حازم شاهين
29-11-2009, 11:12 AM
شكرا على نقل تجربتك عندنا هنا
يا رب تفيد الأعضاء
أنا من المعجبين بالتيريوس و حاسس إنها عربية ممتازة

m_o_sakr
29-11-2009, 11:42 AM
الف شكر ليك و مبروك العربيه
و انت حببتنى فى العربيه زياده

ahmedebed
29-11-2009, 07:21 PM
مشكووووووووووووووووووووووووور والله على التقرير

الله يكرمك واي خدمه

متواجد باذن الله

ahmedebed
29-11-2009, 07:22 PM
شكرا على نقل تجربتك عندنا هنا
يا رب تفيد الأعضاء
أنا من المعجبين بالتيريوس و حاسس إنها عربية ممتازة


الاحساس شئ والتجربه شئ اخر فعلا


اسئل مجرب وماتسئلش حاسس

ههههههههههههههه

مرحب بيك اخي الكريم

ahmedebed
29-11-2009, 07:41 PM
الف شكر ليك و مبروك العربيه
و انت حببتنى فى العربيه زياده


الشكر لله وربي يبارك فيك


والله انا ماكانش هدفي غير اني اوضح العربيه مميزات وعيوب


وانا حتي الان مش لاقي عيب الا حاجه واحده بس

عااااااااااااوز مكان اركن فيه يا جدعااااااااااااااااااااااان

هيثم شاهين
29-11-2009, 08:14 PM
الف الف مبروك ربنا يملهالك بركه و يكفيك شرها و ياتيك خيرها

ahmedebed
29-11-2009, 08:24 PM
الف الف مبروك ربنا يملهالك بركه و يكفيك شرها و ياتيك خيرها



الله يبارك ليك وفيك اخي الكريم


مشكور مرورك الكريم

ahmedebed
30-11-2009, 07:49 PM
هذه مشاركه من اخ كريم في منتدي اخر انقلها لكم للافاده

انت بصراحة مشجعنى اشترى الجراند بس فيه حاجة محيرانى انا قرأت تعليقات كثيرة عن التيريوس فى المنتدى وكلها متناقضة جدا يعنى مثلا ناس تقول التكييف سيئ والثبات والسحب ضعيف الضوضاء عالية من الموتور ومجموعة تقول العكس تماما مش عارف ده سببه ايه هل عيوب صناعة بتظهر فى بعض السيارات وكل واحد و حظه ام من باب لولا اختلاف الاذواق لبارت السلع-الموضوع ده محيرنى خصوصا ان خبرتى عن السيارات لسه جديدة-انا معى فيات 31 وهغير على شهرمارس لما ادوس اوى فى السواقه وكنت بفكر فى الكارينز بس لما قرأت تجربتك مع الجراند شجعتنى عليها-اسف للاطالة مع خالص تحياتى وتهنأتى مرة اخرى


اخي الكريم انا حاجاوبك نقطه بنقطه


1-التعليقات عن التيريوس كلها متناقضه خصوصا هنا في المنتدي وده ليه اقولك ملاحظتي

ان اللي بيتكلم عن التيريوس فهو بيتكلم عن الموديلات القديمه من 2000ل2006 وكان زي

ماسمعت ماشوفتش طبعا وماجربتش ان فيها عيوب انا الموديلات الاحدث فلا تجد شكوي

2-التكييف ممتاز والجراند فيها منفذين للتكييف الامامي وواحد سقفي للمساحه الخلفيه

وزي الفل مراوح وتبريد وعن تجربه ومن حقكك تروح التوكيل وتشغل العربيه وتجرب

3-العربيه طن وربع طن وهي فاضيه شوف بقه مع الركاب يبقي ثياتها ازاي خصوصا

مع الملفات وده كان عيب فعلا في الموديلات القديمه لقصر طول المسافه بين العجلتين الاماميتين

وقد تم تعديل العيب ده في الموديلات من اول ال 2007

4-السحب جميل جدا وبعمل بالجراند غرز كمان تخيل عربيه بالطول ده وبتعمل غرز

بيها بين العربيات وكنت محمل ست افراد وانا السابع ومسافر القاهره 120 كيلوا

5-الضوضاء كانت عاليه لان الكاتينه كانت حديد الان لاء ليه الكاتينه بقت سير

كاوتش عادي جدا والعزل اصبح احسن

6- توكل علي الله وجرب العربيه عند الوكيل الاول وده من حقك قبل الشراء

وستجدها ممتعه

7- الكارينز شكلا حلوه فعلا وسعرا تعتبر رخيصه انما كوري والتقفيل الداخلي

تحس انك مع لعب اطفال صيني كده والزراير غريبه تحس انها حاتتكسر تحت ايدك

لقد لفيت المنتديات لمده خمسه اشهر وشوفت معارض للسيارت كتير لغايه ماأستقريت

علي الجراند<!-- google_ad_section_end -->

ahmedebed
30-11-2009, 09:54 PM
طيب ياريت تقولنا ايه اخبار التوكيل بتاعها

مستوى الخدمة ... المعاملة .. الكفاءة .. قطع الغيار ... الخ

لان في عربيات ممتازة جدا بس توكيلها زفت ومعاملة سيئة والذي منه

ياريت التوكيل وقطع الغيار يا باشا وكمان لو فيها فئات تقولنا ايه اخبار الاسعار

بص ياسيدي

انا اتعاملت مع التوكيل 3 مرات في خلال شهر

الاولي:لما ركبت الاكسسوارات وطبعا في اسكندريه انا التوكيل عند الرزق في الكيلو

24 الصحراوي اتصلت الاول بالرقم 16168 وادوني ميعاد الساعه 9.15 الصبح

ذهبت استقبلني المهندس واستلم العربيه وشاف الاكسسوارات المطلوب تركيبها

وارشدني لمكان الاستراحه بالاعلي (كوفي شوب وبه انترنت مجاني وتي في كبير)


وبعد 3 ساعات نادوا علي اسمي نزلت ذهب معايا المهندس وسلمني العربيه وجربللي

جهاز الانذار وكله تمام وسلام000 تاني مره ذهبت لتركيب الدفندرات وخلافه

ونفس الشئ بالمعامله الجميله 000 ثم صيانه الالف ودي انا قلت للمهندس معلش

انا حاكون معاها جوه المركز علشان اتفرج عالعربيه لانها جديده بالنسبه ليا

قاللي انت تؤمر وفعلا دخلت مع الصنايعيه زي الفل كلهم وفاهمين قوي وكنت بسئلهم علي كل حاجه

دي اربه ميه ايه وده زيت ايه وكده وكانوا بصدر رحب مرحبين بوجودي وردوا علي استفساراتي

كلها

بالنسبه لقطع الغيار طبعا انا معرفش لسه بس انا شوفت سيارات موجوده بالتوكيل جاري اصلاحها

وناس وانا بدفع في الخزينه بتدفع اسعار لقطع تم تغييرها

المركز حلو والناس حلوين وربنا يكفينا شر الطريق قولوا يااااااااارب

ahmedebed
30-11-2009, 10:02 PM
بالنسبه لفئات السياره التيريوس00 الجراند تيريوس فئه واحده وسعرها

كان 156 الف من التوكيل فول اوبشن طبعا وليس بها دفع رباعي

التيريوس الصغيره او العاديه ليها فئتين واحده هيدروماتيك وهي فول

اوبشن دفع رباعي والاخري مانيوال وينقصها بعض الكماليات والاسعار

من 115 ل 145

يوجد تيريوس بلاتينيوم بسعر 148 الف جنيه فول اوبشن بتكييف تتش

وطاره دريكسيون مالتي فنكشن وهي شكلها منفوخه شويه من

الاكصدامات عن التيريوس العاديه

ahmedebed
01-12-2009, 12:34 PM
كيفك احمد باشا يارب تكون بخير--------- معلش كم سؤال عالماشى==== بالنسبة للدفندرات هل فيه مشاكل مع المرور؟ وهل هى قانونية؟ ====== اخباراللون الاسود الملكى ايه مع التراب؟== هل تستعمل منظفات معينة ام بتوديها المغسلة وخلاص؟ =============

بص يا حبيب قلبي 000

اولا ربك ستار

ثانيا انا روحت فحصت وركبت النمر والدفندر راكب عالعربيه

طبعا انا مركب الدفندر الاسود زي عربيه اخونا الكريم اللي في المنتدي هنا

وانا ماشي اهو وربكم ستار بقه

ومن ناحيه اللون الاسود فهو ارقي لون تراب بقه مش تراب قول يارب

الغسيل لالالالا عادي جدا بس فيه مناديل مبلله بأجيبها من فتح الله سعر الباكو

اربعه جنيهات للفرش الجلد والتابلوه واجناب الابواب تحفه

ahmedebed
01-12-2009, 12:38 PM
بالمرة ياباشا اخبار شنطة الجراند خصوصا فى وجود ال3 صفوف وشكرا جزيلا


بص ياسيدي

الشنطه كلها علي بعضها حوالي 30 سنتيمتر تقريبا بس في العيد انا قلبت الكنبه

الخلفيه لانها بتطبق في ضهر الكنبه الوسطي وحطيت والله الخروفين فيهاااااااااااااا


ههههههههههههههه وصبي الجزار قعد معاهم كمان ههههههههههههههه

ahmedebed
01-12-2009, 12:42 PM
ألف مبروك على العربية وبنا يبارك لك فيها وانا كنت بفكر من فترة فى الكارينز وحضرتك غيرت راى وبفكر دلوقتى فى الجراند

مرة تانية ألف مبروك


بص فيه فرق بين العربيتين كبير 000 الجراند عاليه قاعد قعده ملوكي كده

التقفيل اندونيسي اه بس المنشأ والصنع ياباني ده يفرق كتير حتي الاكسسوارات

الداخليه من تابلوه وخلافه فيها فروقات اذهب للمعارض وشوف بنفسك

واحكم زي ما انا عملت دي فلوس يا سيدي ولازم تتأكد انك حاتحطها في

المكان اللي يستحقه

ahmedebed
13-12-2009, 11:37 PM
http://up4.m5zn.com/9bjndthcm6y53q1w0kvpz47xgs82rf/2009/12/13/02/nqdrcprt9.jpg (http://www.tobikat.com)

ahmedebed
13-12-2009, 11:39 PM
http://up4.m5zn.com/9bjndthcm6y53q1w0kvpz47xgs82rf/2009/12/13/02/qmh3xuibu.jpg (http://www.tobikat.com)

ahmedebed
13-12-2009, 11:41 PM
http://up4.m5zn.com/9bjndthcm6y53q1w0kvpz47xgs82rf/2009/12/13/02/j4ksklt93.jpg (http://www.tobikat.com)

ahmedebed
13-12-2009, 11:42 PM
http://up4.m5zn.com/9bjndthcm6y53q1w0kvpz47xgs82rf/2009/12/13/02/n4dcztwai.jpg (http://www.tobikat.com)

ahmedebed
19-12-2009, 06:27 PM
فين الردود يا جماااااااااعه


لعله خيررررررررررررررر

ahmedebed
28-01-2010, 02:50 PM
يا مسهل ياااااا كريم صيانه ال5000 قريباااااا

ahmedebed
07-02-2010, 09:02 PM
حاجة غريبة قوي ....التريوس ال7 راكب الـ 2010 نازلة من غير كاسيت خااااالص .... وما فيش كونسول بين الراكب الامامي والسائق اية العبقرية دي..

بس الصراحة العربية ما شاء الله شكلها فخم وممتازة وواسعه جدااا...انا روحت اتفرجت عليها امبارح في التوكيل....وركبت بنفسي في اخر كنبة علشان اشوف راحة الكنبة الاخيرة...والفنينشينج بتاعها ممتاز جداا وما يفرقش خالص عن الـ 5 راكب الياباني..



المعلومه صح الصح

وبالاستفسار تم معرفه السبب

عدم وجود الكاسيت بالسي دي يرجع بسبب

الابقاااااااء علي سعر العربيه بنفس سعر ال 2009


الاااااااااا وهو 156000 وهذا للعلم


اما الكونسول فهو اساسا مش موجود في الموديلين


انا جبت واحد ده كله علي بعضه ب 120 جنيه

ahmedebed
12-02-2010, 02:33 PM
ملحووووووووووظه هاااااااااااااامه


قياس ضغط الكاوتش 29


يبقي لازم الكاوتش يكون بارد ويتم قياس ضغط النيتروجين

او الهواء ويكون القياس 29

echonight
20-02-2010, 01:08 PM
هل التريوس و الجراند تيريوس الفرق بينهم كماليات وبس ولا الشنطه أوسع لاني شوفت التريوس العاديه شنطتها صغيره جدا

ahmedebed
22-02-2010, 07:16 PM
هل التريوس و الجراند تيريوس الفرق بينهم كماليات وبس ولا الشنطه أوسع لاني شوفت التريوس العاديه شنطتها صغيره جدا


اخي انت لم تقرء الموضوع


رجاء اقرء الموضوع ستعلم كل شئ عن الجراند وشنطتها


الجراند شنطتها 30 سم فقط زلكن الكنبه الاخيره ممكن طيها بالكامل


تتسع الشنطه لخروفين وصبي الجزار كمان


تؤمرني

Devill Blood
22-02-2010, 09:16 PM
مجبتش ليه اللون الليمونى الجديد ولكن على العموم الأسود جميل وعلى فكرة أنا شفت اللون الأبيض من الجراند قبل كده فى المنصورة,بسم الله ما شاء الله , اللهم لا حسد بارك الله لك فيها

ahmedebed
27-02-2010, 06:29 PM
مجبتش ليه اللون الليمونى الجديد ولكن على العموم الأسود جميل وعلى فكرة أنا شفت اللون الأبيض من الجراند قبل كده فى المنصورة,بسم الله ما شاء الله , اللهم لا حسد بارك الله لك فيها

اخي الكريم

الليمووووني حريمي قوي--من وجهه نظري


والابيض خليجي وليس من الوكيل وطبعا الوكيل اضمن


وربنا يبارك ليك وفيك

ahmedebed
27-02-2010, 07:39 PM
لله الامر من قبل ومن بعد


المرايه الشمااااااال اتكسرت يا منز


الحمدلله --اتصلت بالتوكيل قاللي

موجوده وثمنها 700 جنيه


نروح ونركبها مع صيانه ال5000 يوم السبت

ahmedebed
08-03-2010, 07:50 PM
والان نضع مشاركه صيانه ال 5000 بالصور




http://m7ml.com/uploads6/5988bc2c6b.jpg (http://m7ml.com/)





http://m7ml.com/uploads6/51953b65d0.jpg (http://m7ml.com/)

ahmedebed
08-03-2010, 08:24 PM
اتصلت بالصيانه بمركز الرزق يوم الثلاثاء الماضي وابلغتهم برغبتي في عمل صيانه ال 5000 كيلو وشراء مرايه يسار


وابديت رغبتي في عمل الصيانه يوم السبت الماضي 6/3/2010 --تمت الاستجابه وتحديد ميعاد في الساعه التاسعه


صباحا -- المهم وصلت المركز الساعه 9.1 ص دخلت فورا لمهندس الاستقبال المهندس مجدي صالح وهو راجل


جنتل جدا وذووق ذووق ذووق المهم سجل العربيه وقاللي بتشتكي من حاجه قلتله صداااااع علشان صاحي بدري


هههههههه المهم قلتله الابواب بتزيق قاللي بسيطه ده تراب الشارع للاسف وكله حايتظبط وعايز زيت 5000 كيلو



ولا 10000 قلتله خليه 5000 علشان يبقي الغيار مع كل صيانه طب العربيه بتشتكي من حاجه قلتله لع اللع


المهم تم دخول العربيه الورشه واترفعت عالكوريك وتم تفريغ الزيت وتم تربيط العفشه وتم رش الاجزاء المفصليه


والاكسات والمسامير باسبريهات مختلفه ثم انزلوها من عالكوريك وتم مراجعه الاضواء ووضع الزيت والفلتر الجديد


ومراجعه الفرامل والمراجعه عالتكييف والكشف علي كل السوائل الموجوده


وخلااااااااااص وتم اخراج العربيه للمغسله وبعد نص ساعه غسيل وصلت العربيه عروسسسسسسسسسسسسه



استلمت العربيه والفاتروره كالااااااااااااتي:


1-مرايه يسار(مرايه السائق)675 جونيه

2-240 جونيه صيااااااانه ال5000 كيلوا مع غيار زيت 5000 والفلتر


وشكرااااااااااااا


سنوافيكم بالمستجداااااااااااااااات

sanghin
09-03-2010, 06:09 PM
باشا كنت عايز اسالك التابلوه شكله شيك ولا مش اد كده ولو بفاضل بين السوزوكى الاتنين باب والجراند تيريوس ترشح ايه

mshaheen
10-03-2010, 03:32 PM
بجد تقرير رائع ربنا يبارك لك فيها

ahmedebed
15-03-2010, 03:03 PM
بجد تقرير رائع ربنا يبارك لك فيها



بارك الله في عمرك

ahmedebed
29-03-2010, 04:16 PM
يا مسهل



ياااااااااارب

emam_a
05-04-2010, 11:37 PM
أخي الكريم ،
شكرا جزيلا لك علي كل ملاحظاتك القيمه
انا عندي تويوتا ياريس 2008 و كنت افكر في شراء التريوس ال 2wd ، ولكن عند روئيتها في المعرض شعرت ان التابلوه الخاص بها افقر من الياريس.
كنت اريد معرفه هل هي اقل في المتانه ايضاً؟؟ . الأزرار و الشبابيك و الشماسات (الجوده). هي يمكن افادتي بذلك حيث اني ارغب في الشراء قريبا انشا ء الله

ahmedebed
07-04-2010, 06:51 PM
أخي الكريم ،
شكرا جزيلا لك علي كل ملاحظاتك القيمه
انا عندي تويوتا ياريس 2008 و كنت افكر في شراء التريوس ال 2wd ، ولكن عند روئيتها في المعرض شعرت ان التابلوه الخاص بها افقر من الياريس.
كنت اريد معرفه هل هي اقل في المتانه ايضاً؟؟ . الأزرار و الشبابيك و الشماسات (الجوده). هي يمكن افادتي بذلك حيث اني ارغب في الشراء قريبا انشا ء الله

اخي الكريم لا احدد يشكك في جوده السياره التويوتا ولا متانتها ولكن هناك فرق بين السيارتين بالتاكيد


الياريس سياره تعتبر هاتش باك بموتور 1300 فهي شبابيه شويه ولاخلاف علي جمالها طبعا ولاااااكن


الجراند تيريوس وااااااااااو اسد ياباشا وسوف اضع لك صور للتابلوه بعد ما اجريت له اناره بنفسي

عند الكهربائي الخاص بي ومعك هنا موضوع كامل تصفحه وانت تعلم

ahmedebed
09-04-2010, 07:19 PM
بسم الله الرحمن الرحيم

مشكله التيريوس والجراند ان التابلوه حجمه كبير فعلا ومعتم


حتي العدادات ومفاتيح التكييف الاضائه بهم مش عاطفيه يعني تحس

كده انها خافته مش مبهجه وده يتاخد شويه علي دايهاتسو انا بقه

فكرت ازاي اعمل اضائه للتابلوه ده فكرت كتير ازاي اضئ التابلوه ده من غير

ما العب في التابلوه نفسه (يعني ما اثقبش فيه) او من غير ما العب في ضفيره

الكهربا الامر ده في دماغي من يوم ما اشتريت العربيه لان شكل التابلوه كان

مضايقني خصوصا من بعد المغرب وتحتاج تولع النور الصغير -- المهم 000

وانا ماشي مره بالليل لقيت تاكسي حاطط سريه كهربا عالزجاج الخلفي عجبتني

هي عباره عن شريط بلاستيك طوله 30 سم تقريبا وبه ليدات صغيره جدا مضيئه

فكرت انها ممكن تتحط علي التابلوه خصوص انها بتلصق بدوبل فيس طيب كده

خلصنا من عدم تخريم التابلوه طيب الضفيره خلاااااااص وصلنا اننا نوصل بالولاعه

طب ازاي اشتريت شاحن موبيل واخدنا السوكيت اللي بيدخل في الولاعه ورمينا

الشاحن ووصلنا السيريات بيه كده كله تمام لا خرمنا التابلوه ولا لعبنا في ضفيره

الكهربا (يعني علشان منوصلهوش بالنور الصغير وده ممكن)طيب كده حلو وعسل

كماااااااااااااان وركبنا والشكل بقه جميل جداااااا0

ولكن لقيت ان مكان التسجيل وزراير التكييف الاضائه بقي شكلها مش باين ابدا

طب نعمل ايه والله انا والكهربائي بتاعي كنا بنخترع 0طب شريط السيريا نلفه

حول الزرار طب والسللك حايمشي ازاي مع لفه الزرار و--و---و----

لغايه ماهدانا التفكير اننا نجيب الرينجات اللي بتتحط في فوانيس الاستوب ونحطها

حول الزرار اهي مدوره ومجوفه هي كمان وجيبنا رينج واحد وحطيناااااااه ايه

ده رووووووعه ولكن المشكله ان الاضائه قويه جدا بتاعته وده واحد طب لوركبت

تلاته حاتعمي من الاضائه وداخل العربيه بقي زي الضهر---طب وبعدين راح

الكهربائي قالي سهههههههله قولت ازااااااااي قاللي حلها بسيط جدا

زرااار تعليه وتوطيه اضائه ونحطه في مكان طبه من الطبات وحصل

اوعي وشك00000 تعللي وتوطي اضائه التابلوه وبدون خرم وبدون توصيل

بالضفيره والاسلاك كلها مستخبيه في دواخل التابلوه--- واي خودعه000لا

وكماااااااان حطيت سريه تحت التابلوه لاناره مكان

الرجلين للراكب بجواري وانا ره دواسات الفرامل والبنزين كمان علي رجليا

ههههههههههههههه فله


التكلفه:السيريه الواحده 10 جنيه

الرينج الواحد 15 جنيه

المفتاح مستعمل 50

سوكيت للولاعه 12

مصنعيه حلفت عليه بالطلاق علشان ياخد فلوس 40 جنيه مني جدعنه

حق اقتباس الفكره ليكوا في المنتدي دعااااااء لي بالستر بظهر الغيب



واليكم الصووووووووووور




<!-- google_ad_section_end -->

ahmedebed
09-04-2010, 07:21 PM
http://img541.imageshack.us/img541/9135/photo312.th.jpg (http://img541.imageshack.us/i/photo312.jpg/)

http://img696.imageshack.us/img696/7308/photo313wp.th.jpg (http://img696.imageshack.us/i/photo313wp.jpg/)

http://img696.imageshack.us/img696/1963/photo314e.th.jpg (http://img696.imageshack.us/i/photo314e.jpg/)

ahmedebed
09-04-2010, 07:22 PM
http://img696.imageshack.us/img696/4618/photo315.th.jpg (http://img696.imageshack.us/i/photo315.jpg/)

http://img696.imageshack.us/img696/8369/photo316.th.jpg (http://img696.imageshack.us/i/photo316.jpg/)

http://img696.imageshack.us/img696/7628/photo317y.th.jpg (http://img696.imageshack.us/i/photo317y.jpg/)

ahmedebed
09-04-2010, 07:23 PM
http://img696.imageshack.us/img696/7784/photo318b.th.jpg (http://img696.imageshack.us/i/photo318b.jpg/)

http://img696.imageshack.us/img696/3043/photo319.th.jpg (http://img696.imageshack.us/i/photo319.jpg/)

http://img696.imageshack.us/img696/3459/photo322o.th.jpg (http://img696.imageshack.us/i/photo322o.jpg/)

ahmedebed
09-04-2010, 07:39 PM
طـــــــــــــــــــــــلب

طالب من الله ولا يكتر علي الله

تثبيت الموضوووع حتي لايضيع

المجهووود 000 مشكوريييين

ahmedebed
13-04-2010, 07:51 PM
انااااااااااااره حجيرات التكييف



ان شاء الله سنضع صور لانااااره حجيرات التكييف التي اسفل الكاسيت


ولقد وضعنا بكل فتحه خلف الرييش بالدوبل فيس رينج لونه ازرق تمنه

6 جنيييييييه يا خواااانا وتم توصيله بالوصلات السابقه واليكم الصور

ahmedebed
13-04-2010, 08:07 PM
http://img685.imageshack.us/img685/5199/photo3fd.th.jpg (http://img685.imageshack.us/i/photo3fd.jpg/)

http://img685.imageshack.us/img685/5184/photo4av.th.jpg (http://img685.imageshack.us/i/photo4av.jpg/)

http://img685.imageshack.us/img685/3639/photo5og.th.jpg (http://img685.imageshack.us/i/photo5og.jpg/)

ahmedebed
13-04-2010, 08:09 PM
وكمااااااااااااااااااااااااااااااااااان

تغيير لمبه الصالون الخلفيه برينج لونه ازرق لاضفاء جو من الرومااااااانسيه

بالصووووووور

ahmedebed
13-04-2010, 08:12 PM
http://img685.imageshack.us/img685/8500/photo1ct.th.jpg (http://img685.imageshack.us/i/photo1ct.jpg/)

http://img685.imageshack.us/img685/4806/photo2sq.th.jpg (http://img685.imageshack.us/i/photo2sq.jpg/)

mady 2001
16-04-2010, 11:45 PM
ممكن اسالك هى 4*4 و لا نظام الدفع فيها ايه؟

ahmedebed
17-04-2010, 04:06 PM
ممكن اسالك هى 4*4 و لا نظام الدفع فيها ايه؟



تحت امرك اخي الكريم


الجراند تيريوس دفع خلفي ثنائي

محمد عرفة
18-04-2010, 01:52 AM
ربنا يبارك لك فيها

waelfarid
18-04-2010, 02:35 AM
ربنا يعطيك خيرها ويكفيك شرها والموضوع يستاهل التثبيت هو جميل كيوميات باقي له شوية صنفرة في الاول باضافة المعلومات الفنية للسيارة واسعار قطع الغيار جوة وبرة التوكيل وتبقي عنب وموز وتفاح كمان

ahmedebed
18-04-2010, 08:23 PM
ربنا يبارك لك فيها


يبارك ليك وفيك ربنا اخي الكريم

ahmedebed
18-04-2010, 08:33 PM
ربنا يعطيك خيرها ويكفيك شرها والموضوع يستاهل التثبيت هو جميل كيوميات باقي له شوية صنفرة في الاول باضافة المعلومات الفنية للسيارة واسعار قطع الغيار جوة وبرة التوكيل وتبقي عنب وموز وتفاح كمان



بص اخي وائل انا بحاول ارد علي الاسئله اولا باول حتي ابقي الموضوع حي ونشيط

وده سبب عدم كتابه كل شئ عن العربيه بالاضافه ان فيه حاجات معرفهاش مثلا الا بالسؤال

عليها وده يستجد مع سؤال اي زميل هنا

لك احتراماتي وتحياتي اخي الكريم

emam_a
19-04-2010, 11:30 PM
اريد استئجار سياره تريوس و يفضل 2010 او 2009 لعمل تجربه قياده قبل الشراء.

ahmedebed
20-04-2010, 02:13 PM
اريد استئجار سياره تريوس و يفضل 2010 او 2009 لعمل تجربه قياده قبل الشراء.


فكره جميله فعلا


اعتقد انه من حقك انك تروح المعرض وتطلب منهم تجربه قياده

emam_a
21-04-2010, 09:14 AM
هل احد من ملاك التريوس يرغب في ايجار سيارته باي مبلغ ليوم واحد فقط حيث اني سألت في التوكيل فقالو انه لا يوجد عندهم تجربه قياده

ahmedebed
21-04-2010, 07:44 PM
هل احد من ملاك التريوس يرغب في ايجار سيارته باي مبلغ ليوم واحد فقط حيث اني سألت في التوكيل فقالو انه لا يوجد عندهم تجربه قياده


طيب حاول اخي الكريم في مكاتب استئجار السيارات


وتااااابعنا بالمستجدات

رياح التغيير
23-04-2010, 05:33 AM
ماشاء الله لا قوة الا بالله ربنا يبارك لك فيها بااستاذنااااااااا بجد طريقتك جميلة في سرد الموضوع والليدات ماشاء الله ينور بس انوار التابلوه دي كلها متوصلة عالولاعة ولا ايه وياريت صورة لوصلة الولاعة جزاك الله خير

ahmedebed
23-04-2010, 02:07 PM
ماشاء الله لا قوة الا بالله ربنا يبارك لك فيها بااستاذنااااااااا بجد طريقتك جميلة في سرد الموضوع والليدات ماشاء الله ينور بس انوار التابلوه دي كلها متوصلة عالولاعة ولا ايه وياريت صورة لوصلة الولاعة جزاك الله خير



بارك الله ليك وفيك اخي


مشكور عالمجامله الجميله


فعلا كل الليدات متوصله عالولاعه وقد شرحت ازاي التوصيله برجاء منك مراجعه المشاركه

الخاصه بيها والصوره موجوده ايضا

ahmedebed
27-04-2010, 02:58 PM
انتظرواااااااااااااااااا الجدييييييييييييييييييييييييييييييد

ahmedebed
28-04-2010, 07:18 PM
بسم الله الرحمن الرحيم


لاحظت ان الجيب شيروكي فيها في بعض الموديلات ضهر نيكل للاكره بتاعه الباب


واحنا في الجراند مفييييييييش طب اشمعني يعني وبعدين لقيت بعض موديلات الاسكودا كده


برضه طب واحنا لااااااااء لييييييه ده لازم واكيد نكون زيهم واحسن 0

المهم فكرت فيها ولفيت علشان الاقي ليها ضهر نيكل ابدا مالقيتش قلت يبقي نشغل الفهامه

اللي خلتني انور التابلوه حاعجز يعني عن حتت نيكل المهم اشتريت الضهر النيكل بتاع

الاسكودا ب 50 جنيه الاربع حتت وطبعا هم مايركبوش علي الجراند لكن بيدخلو معصلجين

شويه المهم حطيت واحده وعلمت علي الجوانب المعصلجه بقلم رصاص ونشرتهم بمنشار اركت


ونعمتهم بمبرد وواحده وجربت ركبت ولكن لسه معصلجه شغلت المبرد تاني وهكذا لغايه

ما اخدت مكانها وعملت اللي عملته في الاربعه بس هي اول واحده اللي تعبتني وبعد كده التلاته


التانيين زيها وخلصت الشغلانه زودت دوبل فيس عليهم ولزقتهم ولقيت فراغ فيهم من اعلي


بعد التصاقهم مليته سيليكون مطاطي ودهنته بلون اسود لاكيه بفرشه رسم بعد جفافه

تابع الصور الشغلااااااااااااانه فله شمعه منوره

ahmedebed
28-04-2010, 07:20 PM
http://img203.imageshack.us/img203/7691/photo341x.th.jpg (http://img203.imageshack.us/i/photo341x.jpg/)

http://img203.imageshack.us/img203/4741/photo342.th.jpg (http://img203.imageshack.us/i/photo342.jpg/)

http://img203.imageshack.us/img203/6059/photo345f.th.jpg (http://img203.imageshack.us/i/photo345f.jpg/)

http://img203.imageshack.us/img203/5699/photo346.th.jpg (http://img203.imageshack.us/i/photo346.jpg/)

Marawan Mohammed
28-04-2010, 09:20 PM
السلام عليكم

شكرا يا أستاذ أحمد على هذا التقربر الرائع . بصراحة أنا متردد جدا فى الإختيار بين تويوتا كرولا و جراند تيريوس . أرجو منك نصيحة أخيرة

ahmedebed
29-04-2010, 02:50 PM
السلام عليكم

شكرا يا أستاذ أحمد على هذا التقربر الرائع . بصراحة أنا متردد جدا فى الإختيار بين تويوتا كرولا و جراند تيريوس . أرجو منك نصيحة أخيرة


اخي الفاضل

الفرق كبير بين الكورولا والجراند فالاولي عربيه صالون شبيهه باي عربيه اخري وطبعا لها مميزاتها

ولكن الجراند عربيه عائليه تتسع لسبعه افراد غير السائق كبيره الحجم ولها هيبه كده وانت ماشي وسط

العربيات ---الامر مختلف


انت واحتياجاتك طبعا اولا واخيرا وعلي فكره تيوتا ودايهاتسو شبه مندمجين يعني الجوده تقريبا واحده


اللي يفرق في الشراء انت وذوقك واحتياجاتك هو ده الفرق

احمد بدر1978
29-04-2010, 03:24 PM
اية رايك فى الافانزا

ahmedebed
29-04-2010, 03:59 PM
اية رايك فى الافانزا


اخي الكريم


انا موووش خبير سيارات والله ولكنني من مشتريين الجراند وقد تعبت فعلا في المنتديات بحثا عن موضوع


للجراند يفيدني للاستعلام عنها ولم اجد الا قليل القليل ولم استفد الا في بعض المنتديات الاجنبيه


وعليه قررت ان ابدء انا الموضوع عن الجراند حتي استطيع تيسيير الامر من تجربتي مع العربيه للغير


وهذا للعلم

emam_a
18-05-2010, 02:57 PM
سيدي الفاضل
شكرا علي التقرير الرائع.
انا مشتري حديث لتريوس بلاتينوم 2010. اليوم هو اول يوم ترخيص للسياره.
و لكني اشعر ان سحب السياره بطيئ جدا، هل هذا طبيعي لأن السياره جديده او في التليين ؟؟ ام ان هناك خلل ما في السياره؟

Bendary
18-05-2010, 03:58 PM
استاذ احمد عبيد الاسكندرانى
بصراحة موضوع هايل وتقرير ممتاز عن الجراند تيريوس
ربنا يباركلك فيها ويكفيك شرها

والمفروض تاخد عمولة من التوكيل لانك بهذا التقرير بتعملهم دعاية لللعربيه وكمان لمركز الصيانه .

bashirsa
11-06-2010, 12:39 AM
استاذ احمد عبيد الاسكندرانى
بصراحة موضوع هايل وتقرير ممتاز عن الجراند تيريوس
ربنا يباركلك فيها ويكفيك شرها

والمفروض تاخد عمولة من التوكيل لانك بهذا التقرير بتعملهم دعاية لللعربيه وكمان لمركز الصيانه .

فعلا التقرير لطيف و جميل...صح؟

ahmedebed
18-06-2010, 07:08 PM
سيدي الفاضل
شكرا علي التقرير الرائع.
انا مشتري حديث لتريوس بلاتينوم 2010. اليوم هو اول يوم ترخيص للسياره.
و لكني اشعر ان سحب السياره بطيئ جدا، هل هذا طبيعي لأن السياره جديده او في التليين ؟؟ ام ان هناك خلل ما في السياره؟


اخي امااااااااااااااام


بص يا سيدي العربيه لسه بتقول ياهادي واكيد انت لسه لم تتأقلم علي قيادتها


واكيد بعد اول 1000 كيلو وصيانتها حاتحس يبالفرق


اااااااسف لتأخير الردود نظرا للظرووووووف

ahmedebed
18-06-2010, 07:09 PM
استاذ احمد عبيد الاسكندرانى
بصراحة موضوع هايل وتقرير ممتاز عن الجراند تيريوس
ربنا يباركلك فيها ويكفيك شرها

والمفروض تاخد عمولة من التوكيل لانك بهذا التقرير بتعملهم دعاية لللعربيه وكمان لمركز الصيانه .

هههههههههههههههههه


الله كريم


خلاص نعملوا حزب ونسموه عاوز حقي ونروح نعتصم اما مقر الشركه



ههههههههههههه اصلها بقت موضه

ahmedebed
18-06-2010, 07:11 PM
فعلا التقرير لطيف و جميل...صح؟



ههههههههههههههههه




صح الصح كوماااااااااااااااااااااااااان



هالوووووووو عليك هونااااااااااااااااا

ahmedebed
26-06-2010, 01:48 PM
عرررررررض صياااااااااااااااااااانه مجااااااااااااااني




توكيل دااااااايهاتسوووووو الرزق بالاسكندريه




حتي يوم 15-7-2010



واناااااا راااايح يوم 10-7-2010



لعمل صيانه العشر الااااااااف واستفااااااد



من ابو بلاااااااااااااااااش<!-- google_ad_section_end -->

Alioz
03-07-2010, 03:25 AM
انا اشتريت حالياً دايهاتسو تيريوس 2010 ب 126 ألف جنيه ....

العربية في حد ذاتها أسد و من جوه واسعة واسعة واسعة .....
اللي خنقني شكل التابلوه البسيط جداً .... لكن دا مش غريب ع الياباني .... الياباني بتاع كفاءة اكتر ما يكون بتاع شكل ...

و اللي احسن من كدا ... ان العربية تقفيل ياباني 100% من الألف إلى الياء ...

اللي قلقان منه كذا حاجة :
- قطع الغيار و اسعارها المولعة نسبياً و توافرها .
- التوكيل .
- سعر اعادة البيع ...

و التقرير بتاع حضرتك انا قريته من الألف الى الياء و بيؤكد ان العربية نسبياً مفيهاش مشاكل كبيرة للدرجة يعني ....

العربية انا ح استلمها يوم الاحد اللي جاي

و بصراحة .... رغم انها دايهاتسو و رغم انها ياباني و رغم انها عربية جامدة .... الا اني قلقااااان جداً منها ... و مش عارف القلق دا جاي منين يعني ؟! :) :) :)

ياريت حضرتك تفيدني باختصار ..... و تطمني ...

جزاك الله خيراً

وائل السويفي
03-07-2010, 11:47 AM
استاذ أحمد
ماشاء الله عليك دمااااااغ مع عربيتك
ربنا يباركلك فيها ويديك خيرها ويكفيك شرها آمين

المهم انا قريت الموضوع الرائع كله مفيش اي ذكر لاستهلاك البنزين فيا تري ممكن تفيدنا؟

ahmedebed
03-07-2010, 07:13 PM
انا اشتريت حالياً دايهاتسو تيريوس 2010 ب 126 ألف جنيه ....

العربية في حد ذاتها أسد و من جوه واسعة واسعة واسعة .....
اللي خنقني شكل التابلوه البسيط جداً .... لكن دا مش غريب ع الياباني .... الياباني بتاع كفاءة اكتر ما يكون بتاع شكل ...

و اللي احسن من كدا ... ان العربية تقفيل ياباني 100% من الألف إلى الياء ...

اللي قلقان منه كذا حاجة :
- قطع الغيار و اسعارها المولعة نسبياً و توافرها .
- التوكيل .
- سعر اعادة البيع ...

و التقرير بتاع حضرتك انا قريته من الألف الى الياء و بيؤكد ان العربية نسبياً مفيهاش مشاكل كبيرة للدرجة يعني ....

العربية انا ح استلمها يوم الاحد اللي جاي

و بصراحة .... رغم انها دايهاتسو و رغم انها ياباني و رغم انها عربية جامدة .... الا اني قلقااااان جداً منها ... و مش عارف القلق دا جاي منين يعني ؟! :) :) :)

ياريت حضرتك تفيدني باختصار ..... و تطمني ...

جزاك الله خيراً

اولا سلام الله عليك


ثانيا انا حامشي معاك خطوه خطوه زي مانا محدد اللون الاحمر

1-شكل التابلوه البسيط انا حاولت فيه وعندك الصور هنا 00تقول التغيير ايه

ولما تستلم انت حاول تفكر وحط افكارك هنا ويالا بينا ننفذ وانا جدع قوي في التنفيذ


2-ربنا يكفيك ويكفينا شر الوحش يارب 00بص يا سيدي قطع الغيار مولعه للي عمل حادثه

وربنا يستر يبقي مافيش مشكله ماهي خسرانه خسرانه اما ماعدا كدااااااا فانت مش محتاج تفكر(وبعدين قوللي فين الاسعار الرخيصه)

حتي فيها

3-التوكيل الناس محترمه وملتزمه جدا جدا

4-سعر اعاده البيع حايكون زيها زي اي عربيه بتبيعها وبتخسر فيها حق ماركبتها

5- انت قلقان ليه توكل علي الله واستخيره وان شاء الله لماتستلم العربيه وتركب

قلقك حايروووووووووووح

ahmedebed
03-07-2010, 07:25 PM
استاذ أحمد
ماشاء الله عليك دمااااااغ مع عربيتك
ربنا يباركلك فيها ويديك خيرها ويكفيك شرها آمين

المهم انا قريت الموضوع الرائع كله مفيش اي ذكر لاستهلاك البنزين فيا تري ممكن تفيدنا؟


الله يكرمك حبيبي قلبي


بص ياسيدي الاستهلاك في السفر مش عايز اقولك

انا سافرت القاهره ورجعت ولفيت جوه حوالي 100 كيلو

وفولت تانك تاني في اسكندريه حوالي 37 لتر


يعني كان الاستهلاك في الطوالي ومعظمه بالتكييف تقريبا من 10 ل 11 ك في اللتر


اما داخل البلد من غير تكييف حوالي 8 ونص كيلو وبالتكييف حوالي

7 ونص ل 8 كيلو لليتر

Alioz
03-07-2010, 11:22 PM
اولا سلام الله عليك


ثانيا انا حامشي معاك خطوه خطوه زي مانا محدد اللون الاحمر

1-شكل التابلوه البسيط انا حاولت فيه وعندك الصور هنا 00تقول التغيير ايه

ولما تستلم انت حاول تفكر وحط افكارك هنا ويالا بينا ننفذ وانا جدع قوي في التنفيذ


2-ربنا يكفيك ويكفينا شر الوحش يارب 00بص يا سيدي قطع الغيار مولعه للي عمل حادثه

وربنا يستر يبقي مافيش مشكله ماهي خسرانه خسرانه اما ماعدا كدااااااا فانت مش محتاج تفكر(وبعدين قوللي فين الاسعار الرخيصه)

حتي فيها

3-التوكيل الناس محترمه وملتزمه جدا جدا

4-سعر اعاده البيع حايكون زيها زي اي عربيه بتبيعها وبتخسر فيها حق ماركبتها

5- انت قلقان ليه توكل علي الله واستخيره وان شاء الله لماتستلم العربيه وتركب

قلقك حايروووووووووووح

الف شكر يا باشا على ردودك المختصرة المفيدة ..... و انا بعد ما شفت عربيات كتير ..... فعلاً لقيت ان انا جبت العربية الصح ...... و بسعر مش بطال بالنسبة لعربية ياباني .....

الصراحة الكل بيشكر فيها .... و الدايهاتسو ميختلفش عليه اتنين ....

ان شاء الله نستلمها بكرا ..... و ربنا يحفظنا من شرها ان شاء الله ....

الف شكر مرة تانية :)

ahmedebed
04-07-2010, 06:23 PM
الف شكر يا باشا على ردودك المختصرة المفيدة ..... و انا بعد ما شفت عربيات كتير ..... فعلاً لقيت ان انا جبت العربية الصح ...... و بسعر مش بطال بالنسبة لعربية ياباني .....

الصراحة الكل بيشكر فيها .... و الدايهاتسو ميختلفش عليه اتنين ....

ان شاء الله نستلمها بكرا ..... و ربنا يحفظنا من شرها ان شاء الله ....

الف شكر مرة تانية :)


الله ينور عليييييييييك


ويبارك لك فيهاااااااااااا


بس بقه يا معلم اوعي تسيبنا عايزين ملاحظاتك عالعربيه


اول بأول اأحيااااااااااااااااااات ابووووووووووووك

Alioz
05-07-2010, 03:38 AM
الله ينور عليييييييييك


ويبارك لك فيهاااااااااااا


بس بقه يا معلم اوعي تسيبنا عايزين ملاحظاتك عالعربيه


اول بأول اأحيااااااااااااااااااات ابووووووووووووك\


و ادي اول ملاحظاتي..... :)

الحمد لله استلمنا العربية الساعة 5 بعد الضهر ( يوم الاحد ) ...
اشتريناها من ( شركة الرزق التجارية اللي في داون تاون في اسكندرية ) الصراحة ناس محترمين ...
طبعاً سألناهم على قطع الغيار و الصيانة و الذي منه ..
قالوا لنا : اول صيانة ( صيانة الالف كيلو ) مجانية .... و في تخفيضات على قطع الغيار ( لمدة غير محدودة ) ..... و سلمونا شنطة هدية فيها غطا للعربية .....
المهم ....
لسه بنطلع بالعربية , قلنا نستنى لما نشوف علقوا نمر التجاري و لا لأ .....
نزلت اشوف النمر ..... لقيتها متعلقتش ....
قمنا رجعنا لهم تاني ..... قاموا ركبوا لنا نمر التجاري ...... انا قلت يمكن بس مش مركزين حبتين و لا حاجة ..... علشان في نفس الوقت كانت في بيعة جديدة لزبون جديد يعني ...
المهم , علقوا النمر .... و قمنا طالعين على دمنهور ( انا من دمنهور اصلاً :) ) .....

العربية تكييفها حلو جداً .... و القعدة مريحة ...... طبعاً الطريق الزراعي السفلتة بتاعته مش كويسة خالص ...... يعني تلاقي حتة عالية و حتة واطية وانت ماشي على الطريق ..... لكن العربية الحمد لله استحملت ..... الكاسيت صوته عالي ( يكفي انه سوني , و تمنه يساوي 2000 جنيه او اكتر ) ... الشاشات بتاعت الفيديو سي دي شغالة ......

العربية لا هى ناعمة و لا هى ناشفة , او يمكن اقول انها ناعمة بنسبة ضئيلة ....... العزل مش قوي , لكنه مقبول .....

طبعاً رجعنا دمنهور بالعربية .... و قابل بقى ..... اللي يمشي يمسح لي ايده في العربية ... و اللي يركن عجلته جنب العربية بالظبط ..... حاجة يعني تعل و تجيب شلل ... لكن ح اقول ايه ..... و النبي لو انا قاعد في الزمالك , برده ح الاقي اللي يمسح لي ايده و اللي شوية شوية ح ينام لي على سقف العربية ...
لكن انا برده مش زعلان للدرجة يعني .... لان عندنا في الشارع عربيات جيب و شيفروليه كروز و مرسيدس و اوكتافيا و ماتريكس مركونة في الشارع و عادي ..... و برده الواحد لازم يتكيف مع البيئة :) :)

و انتهت رحلتنا لحد كدا .....

التراخيص ح تخلص على يوم التلات ......

ملاحظات أخرى :

- طبعاً سألناهم على طقم الديفندرات و الأُكر النيكل و الذي منه ..... الطقم عامل 4000 جنيه ..... فاحنا حالياً يا إما نفاصل مع التوكيل .... أو نشوف حاجة ارخص من كدا , لانه حرام 4000 جنيه ( الطقم شامل جنوط سبور ) ...
- العربية تريوس بلاتينيوم 5 راكب بس الفئة التانية .... اللي ناقصها ايرباج - جنوط سبور - فرامل ABS ...
حكاية الايرباج ممكن يركبوها ... لكن طبعاً نظام الفرامل لا يمكن تغييره ( و بصراحة مش ح تفرق ... يمكن هوا عامل امان كويس ... بس لا تبك على اللبن المسكوب و الميزانية كانت 130 , و آخر فئة ب 136 ألف .... و من غير لا كاسيت و لا شاشات و لا الكلام دا ..... انا اخترت الفئة التانية , و على الرغم من انها ناقصة الايرباج و الكلام دا .... لكن الفروق ح اقول انها طفيفة جداً .... و برده انا مخسرتش كتير :) )
- طبعاً العربية مش عاوزة ميكانيكي اطلاقاً يلعب فيها .... منك للتوكيل على طول ..... :)

العربية عموماً ممتازة ...... و بارك الله فيما رزق ..... :)

Alioz
05-07-2010, 03:49 AM
أها نسيت اقول حاجة برده ....

- قبل ما نسافر و نتكل على دمنهور .... فولنا بنزين 92 ...... 50 لتر ...... و السعر غير قابل للمنافسة 90 جنيه !!!!!!

الحكاية دي يعني ح تعمل ربكة عندي من دلوقتي ....... و غلطة ان انا فولت 92 , كنت فولت 90 .... :)

Marawan Mohammed
05-07-2010, 06:16 PM
ألف مبروك وفى انتظار ملاحظاتك على السيارة . أنا إن شاء الله سوف أشترى Grand Terios 7 seats فى أكتوبر

ahmedebed
05-07-2010, 08:17 PM
\


و ادي اول ملاحظاتي..... :)

الحمد لله استلمنا العربية الساعة 5 بعد الضهر ( يوم الاحد ) ...
اشتريناها من ( شركة الرزق التجارية اللي في داون تاون في اسكندرية ) الصراحة ناس محترمين ...
طبعاً سألناهم على قطع الغيار و الصيانة و الذي منه ..
قالوا لنا : اول صيانة ( صيانة الالف كيلو ) مجانية .... و في تخفيضات على قطع الغيار ( لمدة غير محدودة ) ..... و سلمونا شنطة هدية فيها غطا للعربية .....
المهم ....
لسه بنطلع بالعربية , قلنا نستنى لما نشوف علقوا نمر التجاري و لا لأ .....
نزلت اشوف النمر ..... لقيتها متعلقتش ....
قمنا رجعنا لهم تاني ..... قاموا ركبوا لنا نمر التجاري ...... انا قلت يمكن بس مش مركزين حبتين و لا حاجة ..... علشان في نفس الوقت كانت في بيعة جديدة لزبون جديد يعني ...
المهم , علقوا النمر .... و قمنا طالعين على دمنهور ( انا من دمنهور اصلاً :) ) .....

العربية تكييفها حلو جداً .... و القعدة مريحة ...... طبعاً الطريق الزراعي السفلتة بتاعته مش كويسة خالص ...... يعني تلاقي حتة عالية و حتة واطية وانت ماشي على الطريق ..... لكن العربية الحمد لله استحملت ..... الكاسيت صوته عالي ( يكفي انه سوني , و تمنه يساوي 2000 جنيه او اكتر ) ... الشاشات بتاعت الفيديو سي دي شغالة ......

العربية لا هى ناعمة و لا هى ناشفة , او يمكن اقول انها ناعمة بنسبة ضئيلة ....... العزل مش قوي , لكنه مقبول .....

طبعاً رجعنا دمنهور بالعربية .... و قابل بقى ..... اللي يمشي يمسح لي ايده في العربية ... و اللي يركن عجلته جنب العربية بالظبط ..... حاجة يعني تعل و تجيب شلل ... لكن ح اقول ايه ..... و النبي لو انا قاعد في الزمالك , برده ح الاقي اللي يمسح لي ايده و اللي شوية شوية ح ينام لي على سقف العربية ...
لكن انا برده مش زعلان للدرجة يعني .... لان عندنا في الشارع عربيات جيب و شيفروليه كروز و مرسيدس و اوكتافيا و ماتريكس مركونة في الشارع و عادي ..... و برده الواحد لازم يتكيف مع البيئة :) :)

و انتهت رحلتنا لحد كدا .....

التراخيص ح تخلص على يوم التلات ......

ملاحظات أخرى :

- طبعاً سألناهم على طقم الديفندرات و الأُكر النيكل و الذي منه ..... الطقم عامل 4000 جنيه ..... فاحنا حالياً يا إما نفاصل مع التوكيل .... أو نشوف حاجة ارخص من كدا , لانه حرام 4000 جنيه ( الطقم شامل جنوط سبور ) ...
- العربية تريوس بلاتينيوم 5 راكب بس الفئة التانية .... اللي ناقصها ايرباج - جنوط سبور - فرامل ABS ...
حكاية الايرباج ممكن يركبوها ... لكن طبعاً نظام الفرامل لا يمكن تغييره ( و بصراحة مش ح تفرق ... يمكن هوا عامل امان كويس ... بس لا تبك على اللبن المسكوب و الميزانية كانت 130 , و آخر فئة ب 136 ألف .... و من غير لا كاسيت و لا شاشات و لا الكلام دا ..... انا اخترت الفئة التانية , و على الرغم من انها ناقصة الايرباج و الكلام دا .... لكن الفروق ح اقول انها طفيفة جداً .... و برده انا مخسرتش كتير :) )
- طبعاً العربية مش عاوزة ميكانيكي اطلاقاً يلعب فيها .... منك للتوكيل على طول ..... :)

العربية عموماً ممتازة ...... و بارك الله فيما رزق ..... :)



مبرووووووووووووووووووووك مبروووووووووووووووووووووك


ايوه كده حس بينا وشاركنااااااااااااا يا عمونااااااااااااااااااااااااااااااااا



ياله بقه توكل علي الله واحكيلنا اولا باول



المهم ماتشغلش التكييف يا باشا ا لا لما تعمل صيانه الاف كيلو


وكمان ماتمشيش اكتر من 97 كيلو للساعه كسرعه الا بعد الصيانه دي


انت موووش بتقول قريت التقرير كله ازاااااااااااي بجاااااااااااااااااااااااا

ahmedebed
05-07-2010, 08:21 PM
أها نسيت اقول حاجة برده ....

- قبل ما نسافر و نتكل على دمنهور .... فولنا بنزين 92 ...... 50 لتر ...... و السعر غير قابل للمنافسة 90 جنيه !!!!!!

الحكاية دي يعني ح تعمل ربكة عندي من دلوقتي ....... و غلطة ان انا فولت 92 , كنت فولت 90 .... :)



لالالا انت كده صح البنزين ال 90 بيعمل كربون مع الاستعمال عالاجزاء الداخليه


للمش عارف ايه انا نسيت الاسم ياريت حد من خبراء المنتدي يشرح لنا


الفرق في الاستعمال بين بنزين 90 وال 92 في التيريوس


اللي انا فاكره انه علشان نسبه الرصاص فيه زياده فبيعمل طبقه كربون غير مرغوب فيها

علي اجزاء معينه انا موووووش فاكر الفاااااااكر يقووووووووووووول

Alioz
05-07-2010, 10:29 PM
مبرووووووووووووووووووووك مبروووووووووووووووووووووك


ايوه كده حس بينا وشاركنااااااااااااا يا عمونااااااااااااااااااااااااااااااااا



ياله بقه توكل علي الله واحكيلنا اولا باول



المهم ماتشغلش التكييف يا باشا ا لا لما تعمل صيانه الاف كيلو


وكمان ماتمشيش اكتر من 97 كيلو للساعه كسرعه الا بعد الصيانه دي


انت موووش بتقول قريت التقرير كله ازاااااااااااي بجاااااااااااااااااااااااا


واحدة واحدة عليا ... :)

بالنسبة للتكييف , فانا مشغلتوش ساعة كاملة مثلاً ... انا قلت اجربه بس , اصلاً مشغلناهوش طول السكة يعني ....

لكن بعد كدا .... ح اعمل ايه لو الدنيا حر خنقة ..... و خصوصاً ان احنا في شهر 7 ... و اللي جاي 8 .... اسؤا شهور الصيف في حكاية الحر دي ....

انا لو مبنزلش غير بالليل , كنت قلت التكييف فعلاً ملوش لزمة ...... لكن شغلي و الذي منه بالنهار ..... ف حاتصرف ازاي لو انا اتخنقت من الحر دا يعني ؟!! :)

بالنسبة للسرعة , انا كنت ماشي على 80 , و المسافة 60 كيلو ....
مدة المسافة العادي لأي عربية : ساعة إلا ربع ....

التقرير انا مقريتوش كله , انا بس يعني قريت بعض المقتطفات كدا منه .....

و بالنسبة للبنزين .... لو انا ح افضل املا 50 لتر بنزين 92 , يبقى ح يتخرب بيتي و لا مؤاخذة يعني ..... و خصوصاً ان البنزين ح يغلى !!!!!! :)

الف شكر يا استاذ احمد على متابعتك معايا ...... :)

Alioz
05-07-2010, 10:45 PM
امبارح ركبت كاميرا للركن الخلفي


ولكن باختراع غير حكايه الكاميرا اللي في المرايه

جبت كاميرا الرؤيه الخلفيه وشاشه بالشماسه مكان الشماسه يمين

والكهربائي ظبطلي تردد الكاميرا علي قناه استقبال تفضل مفتوحه علي طول

بدون الحاجه لعمل المارشدير يعني ممكن تبقي ماشي عادي وشايف العربيات

اللي جايه وراك 0 دي حاجه والحاجه التانيه ان القناه التانيه للشاشه ظبطها مع

الفيديو سي دي بكده بقه عندي رؤيه للاتنين حبيت اشوف الخلفي ادوس علي زرار التحويل

في الشاشه او زرارز رؤيه الفيديو 0

ملحوظه الكاميرا مش مفيده قوي في الركنه الخلفيه بس هي كويسه في انك

ممكن يبقي وراك طفل او حجر اكيد حاتشوفه وهو ده المهم<!-- google_ad_section_end -->

الكاميرا 165 والشماسه بالشاشه 325 والتركيب 80

هي مش مفيده في الركنه الخلفيه ولكنها مفيده جدا وانت بتركن تقدر تشوف


اي حجر او طفل او عمود حديدي قصير خلفك وده مفيد جدا طبعا

غبر بقه وانت واقف في اشاره او راكن في حته تقدر تشوف كل حاجه وراك

ولو الفيديو شغال طبعا بتبقي النظره خطف كده مش علي طول

وربنا يستر طريقنا جميعا<!-- google_ad_section_end -->

:) ... اديني بابتدي اقرأ تقريرك واحدة واحدة ... :) :)

السؤال : حضرتك ركبت الكاميرا دي فين ؟ .... اصل السعر حلو جداً صراحة .... :)

ahmedebed
06-07-2010, 07:46 PM
واحدة واحدة عليا ... :)

بالنسبة للتكييف , فانا مشغلتوش ساعة كاملة مثلاً ... انا قلت اجربه بس , اصلاً مشغلناهوش طول السكة يعني ....

لكن بعد كدا .... ح اعمل ايه لو الدنيا حر خنقة ..... و خصوصاً ان احنا في شهر 7 ... و اللي جاي 8 .... اسؤا شهور الصيف في حكاية الحر دي ....

انا لو مبنزلش غير بالليل , كنت قلت التكييف فعلاً ملوش لزمة ...... لكن شغلي و الذي منه بالنهار ..... ف حاتصرف ازاي لو انا اتخنقت من الحر دا يعني ؟!! :)

بالنسبة للسرعة , انا كنت ماشي على 80 , و المسافة 60 كيلو ....
مدة المسافة العادي لأي عربية : ساعة إلا ربع ....

التقرير انا مقريتوش كله , انا بس يعني قريت بعض المقتطفات كدا منه .....

و بالنسبة للبنزين .... لو انا ح افضل املا 50 لتر بنزين 92 , يبقى ح يتخرب بيتي و لا مؤاخذة يعني ..... و خصوصاً ان البنزين ح يغلى !!!!!! :)

الف شكر يا استاذ احمد على متابعتك معايا ...... :)


عموما ربنا يبارك لك فيها


ويديك خيرها ويكفيك شرها


عييييييش يا عم وماتقلقش


المهم لو حطيت بنزين 90 حاقولك بقه تعمل ايه يا معلم


فيه عبوه لتنضيف الكربون بتتباع ب 15 جونيييييه في البمزيمه حيلووووو الكلام


اعمل حسابك كل 3 شهور مثلا تحط عبوه منها عالبنزين ال90 لما تيجي تفول

دي حاتخليلك الانجيكشن والكاربيراتير نضيف اول باول

واي خوووووووووودعه

ahmedebed
06-07-2010, 07:49 PM
:) ... اديني بابتدي اقرأ تقريرك واحدة واحدة ... :) :)

السؤال : حضرتك ركبت الكاميرا دي فين ؟ .... اصل السعر حلو جداً صراحة .... :)


دي برضه انا كاتب فين وازاي في المشاركات ياعم اقراااااااااااااا



عموما من عند سعيد نصار في سموحه(عزبه سعد) والكهربائي كمان من عنده

Alioz
07-07-2010, 02:43 AM
عموما ربنا يبارك لك فيها


ويديك خيرها ويكفيك شرها


عييييييش يا عم وماتقلقش


المهم لو حطيت بنزين 90 حاقولك بقه تعمل ايه يا معلم


فيه عبوه لتنضيف الكربون بتتباع ب 15 جونيييييه في البمزيمه حيلووووو الكلام


اعمل حسابك كل 3 شهور مثلا تحط عبوه منها عالبنزين ال90 لما تيجي تفول

دي حاتخليلك الانجيكشن والكاربيراتير نضيف اول باول

واي خوووووووووودعه

و الله يا باشا مش عارف اقول لحضرتك ايه ....... الحمد لله انه بعت لي راجل محترم زي حضرتك يساعدنا في مشاكل التريوس ..... :) :) :)

دي برضه انا كاتب فين وازاي في المشاركات ياعم اقراااااااااااااا



عموما من عند سعيد نصار في سموحه(عزبه سعد) والكهربائي كمان من عنده

و الله الواحد ما عاد ياخد باله ...... على العموم الف شكر يا باشا و ان شاء الله انا كدا كدا نازل اسكندرية بكرا و ح اسأل ان شاء الله .....

-----

تقرير جديد ....

النهارده نزلت الساعة 9 الصبح علشان ارخص العربية .....
رحنا المرور ..... و كالعادة زحمة .......

قعدت هناك من الساعة 9 لحد الساعة 3 بعد الضهر بخلص في اوراق و بارخص ...

معظم اليوم قعدته في الشمس ....... فقلت بدل ما انا قاعد فاضي , اشوف بقى العربية ايه امكانياتها ......

اولاً كان كل همي على الكنبة و الشنطة ..... فاكتشفت ان الكنبة زي ما ممكن تضمها , زي ما ممكن تعملها سرير للنوم ....... و دي حاجة بسطتني اوي .....

ثانياً الكاسيت , بما انه سوني و بما انه مليان زراير .... قلت اشوف وظيفة كل زرار ايه علشان اللعبكة ...... المهم قعدت اقرا في الكتالوج و فهمته .....

ثالثاً اكتشفت حاجة غريبة جداً ..... العربية فيها نظام مانيوال و اوتوماتيك ( برغم ان العربية اوتوماتيك ) .....
و اللي اكتشف لي الحكاية دي واحد صاحبي كان جاي معايا يعني ......

قلت له ازاي ؟!!!

اولاً فتحنا كتالوج العربية و قلنا نشوف نظام السرعات ايه ....

لقينا جزء في الكتالوج بعنوان ( مفتاح السحب الزائد ) ... طب دا بيعمل ايه و مكانه فين ؟!

تحت زرار الفتيس الكبير .... في زرار صغير , هوا دا مفتاح السحب الزائد ...

المفتاح ده بيحول لك العربية مانوال , بس المانوال دا مش انتا اللي بتتحكم فيه , لأ , العربية هيا اللي بتتحكم فيه زي الاوتوماتيك ....

بس الفرق ... ان في نظام السحب الزايد دا العربية بتتحكم على تلات سرعات , فتقدر تحس بالأول و التاني و التالت و في كمان على اربع سرعات ..... و بيظهر لك في الشاشة العربية اذا كانت على الاول او التاني ..... و كدا كدا الكتالوج محدد السرعات بتاعت السحب الزايد , بحس انك لو شفت مثلاً السرعة 20 يبقى دا الأول ... و هكذا ...

و ده بلجأ له لو في حمل او لو انا عاوز سواقة هادية ... لان الاوتوماتيك انت متعرفش اذا كان اول و لا تاني و لا تالت ....

رابعاً ..... حكاية امتى ادوس على زرار الفتيس و امتى ما ادوسش ...

زرار الفتيس الكبير له استخدامات معينة بس لابد منها و لا يمكن الاستغناء عنها في الحالات الآتية :

- لما تيجي تنقل من وضع p لوضع r لازم تدوس على الزرار ...
من وضع r لوضع n برده لازم تدوس على الزرار ...
من وضع n الى d و من d الى 2 ...... هنا متدوسش الزرار و لو دوسته عادي برده .... بس الاساسي انك متدوس الزرار يعني تنقل عادي ....
من وضع 2 لوضع l .... تدوس الزرار , لأن الوضع L ده وضع تاني خالص ....

و العكس صحيح .....

خامساً استخدامات التكييف ..... ( للعلم انا كان معايا لادا 2105 , يعني وضع التكييف جديد عليا نسبياً ) ..... عرفت استخداماتها و اوضاعها .....

سادساً عدد الكيلوات اللي عملتها العربية .... و دي حاجة لخبطتني جداً بس فهمتها ... ازاي ؟

الشاشة في العربية فيها حاجتين , حاجة اسمها Trip A و حاجة اسمها Trip B .... الاتنين معناهم واحد يعني سفر او مشوار جوا المدينة او .. او ....

طيب ايه لزمتهم ؟

Trip A .... دي لأي مسافة انت مشيتها ..... دي بتحسب لك عدد الكيلوات اللي العربية عملتها في المسافات دي ...... بس دي مش عدد الكيلوات الأساسية بتاعت العربية .... دي زي ما تقول كدا حسبة ...... عايز تحسب العربية قضيت قد ايه مثلاً في اليوم الواحد .....

Trip B نفس نظام Trip A ....

و دول مش معتمد عليهم في عدد الكليوات ....

امال ح اعرف منين عدد الكيلوات الاساسي اللي عملته العربية ككل ؟ ....

في الشاشة ح تلاقي زرار اسود ..... لو دوست عليه مرة يجيب لك Trip A , التانية يجيب لك Trip B ... التالتة يجيب لك عدد الكيلوات الاساسية اللي عملتها العربية و اللي تعتمد عليها في حكاية الصيانة ....

العربية حالياً عاملة 135 كيلو ......

سابعاً .... الاستبن ..... معرض للسرقة ... نتصرف ازاي ؟

يوم ما اشتريت العربية , التوكيل قال لي انه ممكن نعمل لها قفل بسيط جداً ..... و الحكاية ممكن تبقى مكلفة , لان التوكيل حاجة نضيفة ....

امال اعمل ايه ؟ ..... اشتريت جنزير رفيع طوله تقريباً 80 سم او متر .... و جبت له قفل كبير شوية ..... الحكاية كلها 10 جنيه .... ( الحكاية دي بعد الترخيص )

ثامناً ... غطا العربية .....

غطا العربية اخدناه مجاناً من التوكيل ...... و الغطا مثير فعلاً و لافت للأنظار ..... و ممكن يتسرق برده في اي لحظة .... طب اتصرف ازاي ؟

الفكرة بسيطة ....

اي حتة كرتون مرمية في اي شارع ..... قمت جايبها و قمت فاتح مسافة بسيطة تعمل 4 سم او 2 سم ..... و قمت حاشر الغطا في المسافة دي , الجزء اللي انحشر دا ح نلاقيه داخل لجوا , قمت حاطط فيه حتة الكرتون دي ... و قمت قافل الازاز عليها لحد الآخر ..... بالطريقة دي محدش يقدر يسرق الغطا :) ( و الحكاية دي تمت برده بعد الترخيص ) ....

تاسعاً .... بداية تظبيط العربية .....

اولاً : فرشنا العربية على فرش الموكيت الأصلي .... لأن الموكيت بيتوسخ بسرعة , المهم فرشنا الأرضية كلها بفرش عادي جداً ( من وجهة نظري ) .... لما سألت السروجي اللي فرش , قال لي انه جلد الماني اصلي ...... قلت خير ....
الحكاية اتكلفت 400 جنيه .... و اعتقد ان فرش التوكيل بعلامة دايهاتسو ب 600 جنيه ( على حد ما سمعته يعني ) ..... لكن انا قلت الرخيص ميضرش برده , ما دا فرش و دا فرش .....

ثانياً : جبت غطا للدريكسيون ...... غطا زي ما تقول كدا اطار للدريكسون اسود و فيه شريط فضي ....

ثالثاً : جبنا فوطة :) :) :) ..... ما هو مش ح نضف العربية بصوابعنا ...

رابعاً : جبت 2 استيكر صغير مكتوب عليه دايهاتسو .... علقت كل واحد فوق الكشاف الصغير اللي جنب الباب الأمامي من اليمين و من الشمال ....

الكلام دا كله حصل النهارده .....

كان المفروض اجرب الشاشات اللي في الكراسي و اجرب اسطوانه فيديو و اشغلها .... بس الوقت مكنش مساعد ......

و المفروض كمان كنت اسأل على طقم الديفندرات ..... ضروري جداً اجيبه ...

ملاحظة أخيرة : بالنسبة للأُكر ..... طقم الأكر النيكل لوحده غالي من التوكيل , و الطريقة اللي شرحتها حضرتك حلوة , بس المشكلة ان حضرتك واخد الأُكرة بالمساحة بتاعتها كلها نيكل ... فانا قلت يعني لو اخلي الأكر لوحدها يبقى شكلها ألطف ...

طقم النيكل زي ما قلت غالي .... و الأفضل اني ادهن نيكل , ارخص لي ..... لأن الحكاية صراحة مش ناقصة مصاريف :) :)

و دي كانت رحلتي مع التيريوس النهارده :) :)

ahmedebed
07-07-2010, 02:59 AM
يالااااااااااااااااااااااااااااااااا وابتداااااااا الشغل



عييييييييش ياعم وعيشناااااااااااا معاااااااااااااااااااك

Alioz
07-07-2010, 07:55 AM
يالااااااااااااااااااااااااااااااااا وابتداااااااا الشغل



عييييييييش ياعم وعيشناااااااااااا معاااااااااااااااااااك

:) :)

اضافات جديدة :

- بالنسبة لطقم الأُكر النيكل ...... فيُقال انه متوفر برا التوكيل ... و انا كدا كدا وصيت واحد عنده محل اكسسوارات عندنا انه يشوف لي أُكر نيكل .... لاني اكتشفت ان الأُكر دي مينفعش تحط عليها طبقة نيكل ....

- بالنسبة لطقم الديفندرات ...... الديفندر الأمامي دلوقتي بقى ممنوع ممنوع ممنوع .... كان في الأول الناس كانت بتدفع فلوس للمرور كمصالحة علشان يعرفوا يركبوا الديفندر , اما دلوقتي فالمرور منع الحكاية دي بتاتاً ....
لكن لو ديفندر خلفي و من الجوانب , فدا مُتاح و يمكن تركيبه عادي جداً .....
ربنا يستر على وش العربية ..... :) :)

- المفروض ان شاء الله اني اروح التوكيل اسأل على بعض الاكسسوارات و اسعارها تاني ان شاء الله ......

و ان شاء الله اي اخبار ح اكتبها اول بأول ... :)

ahmedebed
10-07-2010, 02:01 PM
صياااااااااااااااانه ال عشررررررررررر الاااااااااااااااااف كيلووووووووووووووووووووو



لقد اتممنا صيانه العشر الاف كيلو بحمد الله

تكلفتها كا لااااااااااااااااتي:


1-اجوووووور عماله للصيانه 150 جونيه(تربيط عفشه وكشف كهربا وتزويد سوائل وكشف عجل مع رصرصه


ورش سوائل مذيبه وغسيل)


2-زيت موبيل ون عشر الاااااف 228 جونيه


3-فلتر زيت 51 جونيييييييييييييه


4-سوائل وخامات 35 جونيييييييه


5-ضريبه مبيعات وشغل فبركه 30 جونيييييييييييه


يبقي الاجمالي 490 جونييييييييييييييييييييييه


واي خودعه



بس برضه الاحساس بعد الصيانه بيختلف


الفرامل شدت شويه وفرامل اليد وطيت شويه والصوت بقي انعم والعفشه انعم


وكولووووووووه توماااااااااااااااام<!-- google_ad_section_end -->

abo salem8882
12-07-2010, 03:45 AM
وكولووووووووه توماااااااااااااااام ............
طيب الحمد لله , على قد مانا بحب العربية دي على قد مانا بخاف من التوكيلات و مصارفها اللي مابتخلصش

ahmedebed
13-07-2010, 07:06 PM
وكولووووووووه توماااااااااااااااام ............
طيب الحمد لله , على قد مانا بحب العربية دي على قد مانا بخاف من التوكيلات و مصارفها اللي مابتخلصش



والله بص يا اخي الكريم


زياره كل 10000 كيلوااااااااااااا


تغير زيت وفيلتر وتشيك عالعربيه


موووووش كتيررررررررررررر

esam.sona4
13-07-2010, 10:15 PM
عايزأعرف سعرها وشكلها

ahmedebed
14-07-2010, 05:56 PM
عايزأعرف سعرها وشكلها



يا سوناااااااااااااااا يا سوووووووونسون


هات الموضوع من اول صفحه حاتلااااااقي الصور


بالهبل والاسعاااااااار وكل اللي انت عاوزه

Alioz
18-07-2010, 05:31 PM
سلام عليكم

بقى لي كتير مكتبتش في الموضوع دا ... :)

تم بحمد الله وصول العربية ل 1100 كيلو في أقل من شهر ....

و ما أسفرت عنه نتائج الألف كيلو :

- استهلاك البنزين موفر جداً جداً ........ كل اسبوعين او تلاتة تحتاج تملا التنك ..... و دي مده معقولة .....
- ثبات العربية في المطبات ...
- تكييف لا يتأثر بدرجة الحرارة مهما كانت ......

الصيانة بإذن الله المفروض انه يوم الخميس القادم ....

خلال الصيانة , ح نعمل الآتي :
- فرش الكراسي بالجلد .
- ضبط شاشات ال lcd الخلفية .

:)

ahmedebed
18-07-2010, 06:26 PM
سلام عليكم

بقى لي كتير مكتبتش في الموضوع دا ... :)

تم بحمد الله وصول العربية ل 1100 كيلو في أقل من شهر ....

و ما أسفرت عنه نتائج الألف كيلو :

- استهلاك البنزين موفر جداً جداً ........ كل اسبوعين او تلاتة تحتاج تملا التنك ..... و دي مده معقولة .....
- ثبات العربية في المطبات ...
- تكييف لا يتأثر بدرجة الحرارة مهما كانت ......

الصيانة بإذن الله المفروض انه يوم الخميس القادم ....

خلال الصيانة , ح نعمل الآتي :
- فرش الكراسي بالجلد .
- ضبط شاشات ال lcd الخلفية .

:)



والعبي يااااااااا العااااااااااااااااااااااااب


وشهد شاااااااااااهد من اهلهااااااااااااااااا


مبرووووووووك يا عم علي وعييييييييييييش

Alioz
18-07-2010, 09:57 PM
والعبي يااااااااا العااااااااااااااااااااااااب


وشهد شاااااااااااهد من اهلهااااااااااااااااا


مبرووووووووك يا عم علي وعييييييييييييش

:)

الله يبارك فيييييك يا باشا

kiko2007
19-07-2010, 03:54 AM
هل ممكن تغيير الدركسيون بواحد فية ازرار تحكم

kiko2007
19-07-2010, 03:55 AM
هل فية جراند تريوس 4*4

kiko2007
19-07-2010, 03:57 AM
هل في التوكيل او اي مكان ثاني تركيب GPS و CAR-PC

Alioz
19-07-2010, 02:28 PM
هل ممكن تغيير الدركسيون بواحد فية ازرار تحكم
ما اعتقدش ...... الدركسيون متصل بكمبيوتر .... لو غيرته يبقى ح تغير نظام العربية ... :)

بالمناسبة ...... علشان استعوض عن حكاية الدركسيون و أزار التحكم بالكاسيت ...

اشتريت MP3 للعربية ب 65 جنيه ..... معاه ريموت بتحطه على اي جنب من الدريكسون و بتقدر تتحكم في ال mp3 من الريموت .... بالظبط اكنك بتتحكم من الدركسيون نفسه ... :)

هل فية جراند تريوس 4*4

التريوس الموجودة حالياً كلها 2*4 , بس دفع خلفي مش أمامي ... و ترتيب الثبات للعربيات كدا ( من الأقوى للأضعف ) :

دفع رباعي - دفع خلفي - دفع أمامي

هل في التوكيل او اي مكان ثاني تركيب GPS و CAR-PC

اللي اعرفه التوكيل ...... بس ح تلاقي الاسعار في المعقول مش غالي غالي يعني .... برا التوكيل بقى , اسأل صاحب الموضوع الاستاذ ahmed هوا اللي عارف قرار التريوس :) :)

aseoudi
19-07-2010, 08:24 PM
السلام عليكم يااخوانا
اولا اشكرم على المجهود الرائع
ثانيا : ان شاءالله ناوى اشترى تيريوس G فل اوبشن من مصر بدون CD ,وريموت
انا موجود بالسعودية وناوى اجيب CD والريموت من السعودية واركبهم بمصر السؤال هنا :

1- لازم اجيبهم من التوكيل
2- ممكن اجيب اي نوع اصلى اخر برة التوكيل وهل ممكن اركبهم خارج التوكيل ولا الضمان يروح ولو ركبتهم فى التوكيل السعر كام تقريبا

الرجاء الرد ... ربنا يكرمكم
اخوكم : أيمن السعودي

Alioz
19-07-2010, 11:34 PM
السلام عليكم يااخوانا
اولا اشكرم على المجهود الرائع
ثانيا : ان شاءالله ناوى اشترى تيريوس G فل اوبشن من مصر بدون CD ,وريموت
انا موجود بالسعودية وناوى اجيب CD والريموت من السعودية واركبهم بمصر السؤال هنا :

1- لازم اجيبهم من التوكيل
2- ممكن اجيب اي نوع اصلى اخر برة التوكيل وهل ممكن اركبهم خارج التوكيل ولا الضمان يروح ولو ركبتهم فى التوكيل السعر كام تقريبا

الرجاء الرد ... ربنا يكرمكم
اخوكم : أيمن السعودي

ح ارد على اسئلة حضرتك :

- التوكيل اصلاً جايب الكاسيت السي دي من شركة سوني ........ مش مدمج .... يعني مش لازم تجيبهم من التوكيل , الكاسيت ده بيبقى حاجة اضافية .....
لكن لو السي دي دا مدمج بشاشات ال سي دي , لازم تلجأ للتوكيل ... لان انا اول ما جبت العربية الشاشات مكنتش شغالة و رحت المعرض اللي اشتريت منه و جابوا كهربائي من مركز الخدمة و صلحه ...

- حضرتك لو عاوز كاسيت سي دي من غير تشغيل فيديو سي دي و شاشات ... ممكن تجيب اي نوع اصلي برا التوكيل عادي ..... عندك الكلاريون و الجي في سي و البيونير .... و ممكن تركبهم برا التوكيل ( بس ناس بتفهم في كهربية العربيات الجديدة عموماً ) .... او ممكن تركبه من الشركة اللي انت ح تشتري منها ....
و الضمان مش ح يتأثر ... لأن في ناس بتشتري التريوس مانوال او اوتوماتيك من غير كاسيت على اساس ان سعرها أرخص و بيركبوا برا التوكيل عادي و لو عاوز تجيب انت الكاسيت من عندك و التوكيل يركبهولك مفيش مشاكل ... توكيل دايهاتسو من التوكيلات اللي ح تستريح معاها جداً جداً ناس محترمة ....
اما بالنسبة لسعر تركيب التوكيل فمعنديش فكرا .....

ahmedebed
19-07-2010, 11:35 PM
السلام عليكم يااخوانا
اولا اشكرم على المجهود الرائع
ثانيا : ان شاءالله ناوى اشترى تيريوس G فل اوبشن من مصر بدون CD ,وريموت
انا موجود بالسعودية وناوى اجيب CD والريموت من السعودية واركبهم بمصر السؤال هنا :

1- لازم اجيبهم من التوكيل
2- ممكن اجيب اي نوع اصلى اخر برة التوكيل وهل ممكن اركبهم خارج التوكيل ولا الضمان يروح ولو ركبتهم فى التوكيل السعر كام تقريبا

الرجاء الرد ... ربنا يكرمكم
اخوكم : أيمن السعودي


بص يا سعووووووودي يا خويا


حاتلعب في ضفيره الكهربا خارج التوكيل حايقولولك بح بح بح

يعني حاتخرج دائره الكهربا بره الضمان


اشتري اللي انت عاوزه وركبه في التوكيل علشان ماتخرجش من الضمان


وبعدين التركيب داخل التوكيل حتي لو زياده 50 جنيه عن بره بيبقي احسن

لانك معاهم في الامان لو حصل اي حاجه في دائره الكهربا

aseoudi
20-07-2010, 09:56 AM
صباح الخير
اشكركم جدا
بس هل السي دي دا المدمج بشاشات ال سي دي اللى ممكن اشترية من خارج التوكيل هو ثابت الحجم ويمكن تركيبة على .... التريوس ؟

لأن فى الحقيقة مالقتهوش عند التوكيل

تحياتي

ahmedebed
20-07-2010, 06:51 PM
صباح الخير
اشكركم جدا
بس هل السي دي دا المدمج بشاشات ال سي دي اللى ممكن اشترية من خارج التوكيل هو ثابت الحجم ويمكن تركيبة على .... التريوس ؟

لأن فى الحقيقة مالقتهوش عند التوكيل

تحياتي


ممكن جدا عند بتوع كماليات السيارات سهله قوووووووي

Alioz
21-07-2010, 12:32 AM
صباح الخير
اشكركم جدا
بس هل السي دي دا المدمج بشاشات ال سي دي اللى ممكن اشترية من خارج التوكيل هو ثابت الحجم ويمكن تركيبة على .... التريوس ؟

لأن فى الحقيقة مالقتهوش عند التوكيل

تحياتي

بص يا باشا ...

التريوس ( 5 راكب ) منها موديلات ...

منها موديل اسمه بلاتينيوم Platinum هوا دا اللي فيه شاشات ال سي دي .... دا بينزل منه عدد محدود ... و الكلام دا مصدق عليه :

- من التوكيل
- ومن العربية نفسها ...... ح تلاقي على ضهر الكاوتش بتاع الاستبن من ورا غطا مكتوب عليه Terios Platinum GX Limited Edition ...

و فعلاً سألت التوكيل ... قال لي انت حظك حلو انك اشتريتها .... لأنه مبينزلش منها غير عدد محدود جداً ..... فممكن تلاقيه و ممكن متلاقيهوش ...

و قال لي مادام نزل كاسيت سوني في العربيات دي لازم بتنزل معاها شاشات .... لأن الكاسيت السوني فيه ميزة تشغيل اسطوانات vcd ...... ( التريوس البلاتينيوم بيبقى فيها كاسيت سي دي و فيديو سي دي ماركة سوني و ياباني 100 % )

و رحت سألت عن الكاسيت السوني دا .... لقيت ان سعره اكتر من 3000 جنيه ....

ممكن اصور لكم عربيتي و احطها لكم في الموضوع للي عاوز يستفيد و يتفرج برده ... :)

------------------

حضرتك زي ما قال كبيرنا الاستاذ ahmedebed ممكن تشتري دي في دي كمان و شاشات و تروح بيها للتوكيل و هما يركبوها لك .... و لو طلبت منهم يركبوا لك السوني مع الشاشات ح يبقى اضمن ..... ح اصور لحضرتك الكاسيت لان شكله يبهر و يستحق تمنه ......

هوا عيب الكاسيت دا حاجة انه مبيشغلش اسطوانات دي في دي .... لازم vcd فيديو سي دي ..... و بيشغل اسطوانات mp3 و wma عادي

كمان مفيهوش وصلة usb ....... ده ميعتبرش عيب مهول , لان في فتحة للولاعة في العربية ممكن احط بدلاها mp3 للعربية بفلاشة و انتهى الأمر ....

فيها طبعاً وصلة aux و ده علشان توصل من الكاسيت لجهاز mp3 مثلاً .... أو iPod أو موبايل ( شرط الموبايل انه يكون فيه فتحة للتوصيل بمقاس 3.5 مم ) ...

قريب ح اصور لكم العربية من الألف للياء ...... و بجد اكتشفت ان اللي اشترى تريوس مندمش .... عربية قوة - كفاءة - أمان - رفاهية - منظر - مش أي حد يركبها الا اللي فاهمها ..... و سعرها كمان لوووز بالنسبة لعربية ياباني :)

aseoudi
21-07-2010, 12:58 PM
اشكرك ياباشا على الرد
لو تخدمنا تقولنا سعر التريويس G اوتوماتيك 2010 زيرو
اللى هى اقل الموصفات(بدون كاسيت وفوانيس شبورة و خلافة) بكام دلوقتى ومين المعارض الموثوقة اللى نشترى منها وتليفوناتها ...
اشكركم جدا

Alioz
21-07-2010, 01:16 PM
اشكرك ياباشا على الرد
لو تخدمنا تقولنا سعر التريويس G اوتوماتيك 2010 زيرو
اللى هى اقل الموصفات(بدون كاسيت وفوانيس شبورة و خلافة) بكام دلوقتى ومين المعارض الموثوقة اللى نشترى منها وتليفوناتها ...
اشكركم جدا

التريوس G 2010 .... اعتقد ب 115 الف تقريباً .....

دي لا فوانيس شبورة و لا كاسيت و لا شاشات و لا جنوط سبور و لا فرامل abs و لا اير باج و لا حاجة خالص ... :)

الكلام دا كله ممكن تركبه ...... ما عدا abs لان انتا كدا ح تغير في نظام العربية ككل ...

نظراً لأني من دمنهور - بحيرة و اقرب مدينة ليا هيا اسكندرية ... فاشتريت من اسكندرية ...

عندك في اسكندرية :

- معرض دايهاتسو مصر ( التوكيل ذاته ) في سموحة قدام جامع علي بن ابي طالب .
- معرض الرزق ( شركة الرزق التجارية ) و ده على سور الداون تاون ( و ده اللي اشتريت منه عربيتي ) الحقيقة ناس لطاف جداً و محترمين جداً و حتنبسط من التعامل معاهم .... طبعاً اي عربية بتشتريها منهم ح يدولك عليها شنطة عربية و تخفيضات على اسعار قطع الغيار و الصيانة طوال فترة الضمان و صيانة الألف كيلو مجانية ...

ح اجيب لك نمرة التليفون قريب , لان هما ادوني كذا كارت لكذا واحد شغال هناك ... انا ح اجيب لك احسن واحد ممكن تتعامل معاه هناك ان شاء الله ..... :)

بس انت ليه عاوز تجيب اول فئة اوتوماتيك ....... يعني مفيهاش حاجة و سعرها كتير عليها ..... حاول بس تسأل التوكيل على ال Limited Edition Platinum GX 2010 .... دي فئة مناسبة جداً و مفيهاش لا ايرباج و لا abs ... و ممكن يركبوا لك ايرباج لو حبيت .....

و سعرها 126 الف .... اطلبها من التوكيل و هما ح يجيبوها لك لازم ...

Alioz
21-07-2010, 01:21 PM
السلام عليكم

استكمالاً لتقريرنا ...

اتصلت النهارده بمركز الخدمة الساعة 10 الصبح علشان أحجز صيانة الألف كيلو , لأن الخميس مكنش نافع معايا ....

المهم ...

سألت على فرش العربية .... قالوا لي مش موجود عندنا , ممكن تلاقيه الاتنين الي جاي ان شاء الله ...

قلت خلاص نحجز التلات اللي جاي ...

قالت لي جملة عجيبة قوي : الساعة 9 الصبح بالدقيقة تكون عربية حضرتك موجودة .... 9 و خمسة ح تبيت العربية لتاني يوم ..... !!!!!!!!!!

و قبل ما اختم ... عاوز حد يفسر لي الجملة دي ؟ ..... اذا كانت هيا نفسها بتتأخر عشر دقايق عن شغلها ..... و لا هو حب التحكم في البني آدمين ؟

و ح اوافيكم بالتفاصيل اول بأول ...

ان شاء الله ح اصور لكم العربية النهارده .... و حانزلها لكم بكرا ....

و ان شاء الله الخطوة الجاية بعد الفرش ...... الديفندرات الخلفية و الجانبية و الحوامل الفيبر او الالومنيوم و الأُكر النيكل ..... ح نبتدي يعني عمليات التظبيط :)

ahmedebed
21-07-2010, 06:46 PM
السلام عليكم

استكمالاً لتقريرنا ...

اتصلت النهارده بمركز الخدمة الساعة 10 الصبح علشان أحجز صيانة الألف كيلو , لأن الخميس مكنش نافع معايا ....

المهم ...

سألت على فرش العربية .... قالوا لي مش موجود عندنا , ممكن تلاقيه الاتنين الي جاي ان شاء الله ...

قلت خلاص نحجز التلات اللي جاي ...

قالت لي جملة عجيبة قوي : الساعة 9 الصبح بالدقيقة تكون عربية حضرتك موجودة .... 9 و خمسة ح تبيت العربية لتاني يوم ..... !!!!!!!!!!

و قبل ما اختم ... عاوز حد يفسر لي الجملة دي ؟ ..... اذا كانت هيا نفسها بتتأخر عشر دقايق عن شغلها ..... و لا هو حب التحكم في البني آدمين ؟

و ح اوافيكم بالتفاصيل اول بأول ...

ان شاء الله ح اصور لكم العربية النهارده .... و حانزلها لكم بكرا ....

و ان شاء الله الخطوة الجاية بعد الفرش ...... الديفندرات الخلفية و الجانبية و الحوامل الفيبر او الالومنيوم و الأُكر النيكل ..... ح نبتدي يعني عمليات التظبيط :)



لالالالالالالالالالا---ده انت لعبت معاك قووووووووي

يااااابا شكلك بقيت معووووووووج عليناااااااااااااااا

والعبي يا العاااااااااااااااااااااااااب

ماشي يا عم مبررررررررررروك عليك

المهم بالنسبه للمواعيد لازم تاخد بالك انك داخل علي رمضان وكله بيحاول

يخلص صيانته قبل رمضان انت عارف كده تبقي زحمه جدا وكل عام وانتم بخير


وفرررررررجني فرررررجني عايزين الصور ياباشا

Alioz
21-07-2010, 08:22 PM
لالالالالالالالالالا---ده انت لعبت معاك قووووووووي

يااااابا شكلك بقيت معووووووووج عليناااااااااااااااا

والعبي يا العاااااااااااااااااااااااااب

ماشي يا عم مبررررررررررروك عليك

المهم بالنسبه للمواعيد لازم تاخد بالك انك داخل علي رمضان وكله بيحاول

يخلص صيانته قبل رمضان انت عارف كده تبقي زحمه جدا وكل عام وانتم بخير


وفرررررررجني فرررررجني عايزين الصور ياباشا

:) :) :)

يا باشا حد يقدر ينعوج على سعادتك ؟

دا انت البريمو :)

- بالنسبة للمواعيد هوا طبعاً كله عاوز يخلص قبل رمضان ..... بس انت حط نفسك مكاني و تخيل انك رايح مركز الصيانة الساعة 9 و في ناس جات بعديك الساعة 9 ونص و اخدت عربياتها برده في يوميها .......... احساسك ح يبقى ايه ؟

- و الله انا حالياً منزلتش اشوف مشاويري النهارده علشان العبد لله واخد دور برد رخم حبتين ..... الصور ان شاء الله ح انزلها الاسبوع دا .... بس مش النهارده .. يعني على الجمعة الجاية ح تلاقوها ان شاء الله ....

و ربك لما يريد :)

ahmedebed
21-07-2010, 10:07 PM
:) :) :)

يا باشا حد يقدر ينعوج على سعادتك ؟

دا انت البريمو :)

- بالنسبة للمواعيد هوا طبعاً كله عاوز يخلص قبل رمضان ..... بس انت حط نفسك مكاني و تخيل انك رايح مركز الصيانة الساعة 9 و في ناس جات بعديك الساعة 9 ونص و اخدت عربياتها برده في يوميها .......... احساسك ح يبقى ايه ؟

- و الله انا حالياً منزلتش اشوف مشاويري النهارده علشان العبد لله واخد دور برد رخم حبتين ..... الصور ان شاء الله ح انزلها الاسبوع دا .... بس مش النهارده .. يعني على الجمعة الجاية ح تلاقوها ان شاء الله ....

و ربك لما يريد :)


ماتقلقش ده كله هزااااااااار مش ممكن يمشي اللي بعدك

قبلك بصراحه ماشوفتش فيهم ده اللاربع خمس مرات اللي روحت

هناك فيهم

Alioz
27-07-2010, 03:49 PM
صيانة الألف كيلو ... أخيراً و ليس آخراً ....

النهارده رحت مركز الصيانة .....


كنت جاي تقريباً خامس واحد ... حمدت ربنا .... لأن الزحمة بدأت ....

المهم و باختصار شديد .....

سألت على الفرش الجلد ....

- الفرش الجلد الأصلي ب 600 جنيه .... قلت عال

قالوا لي لازم حضرتك تسيب العربية لبكرا , و بكرا تستلمها ... لأننا ح نفك الكراسي و دي عاوزة وقت كبير ..... و بكرا ان شاء الله تستلمها على الساعة 1 الضهرية و برده ح نكشف على العربية ........

طبعاً الكلام اللي قالوه غير الكلام اللي قالتهولي البنت في التليفون ... لأنها قالت لي انك ح تستلمها في يوميها ......

هذا ما تم ..... و في انتظار الغد , و سنوافيكم بالتفاصيل كاملة :) :)

ahmedebed
27-07-2010, 09:28 PM
صيانة الألف كيلو ... أخيراً و ليس آخراً ....

النهارده رحت مركز الصيانة .....


كنت جاي تقريباً خامس واحد ... حمدت ربنا .... لأن الزحمة بدأت ....

المهم و باختصار شديد .....

سألت على الفرش الجلد ....

- الفرش الجلد الأصلي ب 600 جنيه .... قلت عال

قالوا لي لازم حضرتك تسيب العربية لبكرا , و بكرا تستلمها ... لأننا ح نفك الكراسي و دي عاوزة وقت كبير ..... و بكرا ان شاء الله تستلمها على الساعة 1 الضهرية و برده ح نكشف على العربية ........

طبعاً الكلام اللي قالوه غير الكلام اللي قالتهولي البنت في التليفون ... لأنها قالت لي انك ح تستلمها في يوميها ......

هذا ما تم ..... و في انتظار الغد , و سنوافيكم بالتفاصيل كاملة :) :)


طبيعي الفرش الجلد بياخد يوم بحاااااااله حتي عند الصنايعيه

بره بياخدوا حوالي 5 ساعات كامله انما الاضمن ياعم داخل التوكيل

ده فيها فك كراسي ووجع قلب ااااااااه ياقلبي

Alioz
27-07-2010, 10:04 PM
طبيعي الفرش الجلد بياخد يوم بحاااااااله حتي عند الصنايعيه

بره بياخدوا حوالي 5 ساعات كامله انما الاضمن ياعم داخل التوكيل

ده فيها فك كراسي ووجع قلب ااااااااه ياقلبي

اكيد التوكيل اضمن .......

اديني رايح بكرا .... و ربك يسترها :) :)

معلومة : المرور دلوقتي مانع تركيب اي ديفندرات لا أمامية و لا خلفية ...... بس ح اسأل اكتر علشان الموضوع دا شكله مش أكيد ....

Alioz
28-07-2010, 05:10 PM
صيانة الألف كيلو .....

بإختصار ....

أولاً : تم تركيب الفرش الجلد ... هوا ب 600 و في تخفيض 5 % بقيت ب 550 ......
الفرش حلو و مكتوب عليه كلمة Terios كأنها محفورة عليه يعني ....

ثانياً : كان في مشكلة في العربية اني كل ما ابتدي اطلع بيها الاقي صوت تزييقة ... ساعات بحس انها فرامل و ساعات بحس انها مش من الفرامل ....
المهم ظبطوها و مبقيتش اسمع صوت التزييقة دي .....

ثالثاً : كان في برده مشكلة في الشاشات ... الشاشات فيها مكان تدخل فيه سماعات هيد فون .... كل ما ادخل السماعات دي اسمع صوت وش ....
المهم سألتهم عليها ... قالوا لي دي محطوطة منظر كدا ... مالهاش حل ....

رابعاً : صيانة الألف كيلو عموماً مجانية ..... يعني مخدوش حاجة فوق سعر الفرش ....

حسيت بعد الصيانة دي ان العربية بقيت احسن ....... رغم ان الصيانة دي كلها كشف ....

لقيتهم الساعة 2 مخلصينها ....... و استلمتها و روحت بيها ......

و آدي قصة الألف كيلو باختصار ....... :)

ahmedebed
28-07-2010, 06:50 PM
مبروووووووووووووووك


وربنا يكفيك شرها ويديك خيرها يارب



وافينا بالتفاصيل أأحياااااااااااات ابوووووووووووووك

lRatedl
09-08-2010, 02:10 PM
موضوع اكتر م رائع

استمروا بكل الاحداث لان الواحد بيفكر يشتريها وربنا يقدم اللى فيه الخير :)

nice_manz
11-08-2010, 10:33 AM
والله يا استاذ احمد انا كنت ناوي اشتري التيريوس بس لما دخلت على المنتديات اتصدمت بالتقارير المسيئة للعربية .... فغيرت راي على طول
لكن بعد ما شفت التقرير بتاع حضرتك قولت خلاص حتوكل على الله واشتري الجراند تيريوس بس عايز اسال سؤال : الجرند تيريوس 2011 نزلت ؟ وسعرها كام ؟ وفيها كماليات زيادة ؟
واشكر حضرتك على التقرير الجميل بتاعك

Alioz
11-08-2010, 11:04 AM
والله يا استاذ احمد انا كنت ناوي اشتري التيريوس بس لما دخلت على المنتديات اتصدمت بالتقارير المسيئة للعربية .... فغيرت راي على طول
لكن بعد ما شفت التقرير بتاع حضرتك قولت خلاص حتوكل على الله واشتري الجراند تيريوس بس عايز اسال سؤال : الجرند تيريوس 2011 نزلت ؟ وسعرها كام ؟ وفيها كماليات زيادة ؟
واشكر حضرتك على التقرير الجميل بتاعك

موديلات 2011 لسه منزلتش على ما اعتقد ....

بس مش ح تفرق كتير عن 2010 .....

اما بالنسبة للتقارير المسيئة عن العربية ..... فمعلهش , في ناس مبتفهمش في التريوس اصلاً ......

لازم حضرتك تجربها و تشوف بنفسك :) لأن العربية فيها ثبات فظيييع .... و الدايهاتسو معروف عنها كفاءتها :)

ahmedebed
11-08-2010, 10:30 PM
موضوع اكتر م رائع

استمروا بكل الاحداث لان الواحد بيفكر يشتريها وربنا يقدم اللى فيه الخير :)



توكل علي الله ولن تندم

ahmedebed
11-08-2010, 10:33 PM
والله يا استاذ احمد انا كنت ناوي اشتري التيريوس بس لما دخلت على المنتديات اتصدمت بالتقارير المسيئة للعربية .... فغيرت راي على طول
لكن بعد ما شفت التقرير بتاع حضرتك قولت خلاص حتوكل على الله واشتري الجراند تيريوس بس عايز اسال سؤال : الجرند تيريوس 2011 نزلت ؟ وسعرها كام ؟ وفيها كماليات زيادة ؟
واشكر حضرتك على التقرير الجميل بتاعك


اولا العفو يا سيدي

ثانيا دايهاتسو موديلات السنه الجديده بتنزل في شهر مارس وساعات ابريل

من نفس السنه يعني 2011 دي لسه بدري

Alioz
15-08-2010, 11:27 PM
سلام عليكم

أولاً كل سنة و انتم طيبين ... :)

ثانياً : آخر الأخبار :

- تم تركيب طقم أُكَر نيكل ( زي اللي ركبه الاستاذ ahmedebed ) و الحقيقة هى كسوة نيكل للأُكَر الأصلية ...
طبعاً بعد السؤال في التوكيل عن الأُكر النيكل و امكانية تركيبها .... قال انه معندهوش الأُكر دي و انها بتتباع برا ككسوة ....

طقم الكسوة عموماً 300 جنيه .... شامله أُكر الأبواب و الفوانيس الخلفية و المرايات .....

طبعاً في اختلاف في فتح الباب بعد تركيب الكسوة ... حسيت انه بيفتح بالعافية :)

ربنا يستر ....... و دي آخر المستجدات

و كل سنة و انتم طيبين :)

ahmedebed
20-08-2010, 11:32 PM
سلام عليكم

أولاً كل سنة و انتم طيبين ... :)

ثانياً : آخر الأخبار :

- تم تركيب طقم أُكَر نيكل ( زي اللي ركبه الاستاذ ahmedebed ) و الحقيقة هى كسوة نيكل للأُكَر الأصلية ...
طبعاً بعد السؤال في التوكيل عن الأُكر النيكل و امكانية تركيبها .... قال انه معندهوش الأُكر دي و انها بتتباع برا ككسوة ....

طقم الكسوة عموماً 300 جنيه .... شامله أُكر الأبواب و الفوانيس الخلفية و المرايات .....

طبعاً في اختلاف في فتح الباب بعد تركيب الكسوة ... حسيت انه بيفتح بالعافية :)

ربنا يستر ....... و دي آخر المستجدات

و كل سنة و انتم طيبين :)


مبرووووووووووووووك


عموما فعلا الاكره بيبقي فيها عضه شويه

انما ماتخوفش--وعلي فكره الاكر عندي نيكل فابريكه من المنبع


ضهر الاكر النيكل بس هو اللي من اخترااااااااااااعي

محمد مصر
02-09-2010, 01:58 PM
السلام عليكم ورحمة الله وبركاته

كل سنة وأنتم طيبين لكل القراء والأعضاء وخاصة

الأخ أحمد والأخ علي

وشكرا علي التقرير الهايل الحقيقه

وتسمحولي أنضم لكم في هذا الصرح

أنا من مستخدمي التريوس 2008 لكن الشركة مشتريها في يناير 2009 وأنا مقيم حاليا بالسعوديه ، وأعمل مهندس إنشائي

السيارة معايا مطحونه بجد ، طبعا هي نظام شركات ، وشركة ديهاتسوا منزلة موديل نظام شركات بس ،

جير أوتوماتيك ، وزجاج كهرباء ، دفع رباعي ، جنوط عريضة
لكن كاسيت عادي مش سي دي ، وإريال خلفي فيبر صغير ،

السيارة بصراحة عملت بيها 60 ألف كيلو بالتمام ، طلعت بيها الجبل أكثر من عشر مرات ، ودخلت بيها الصحراء والدفع الرباعي بتاعها عن طريق زرار في الطابلون علي يسار الدركسيون ،

4BY4

وبصراحة أول ما إستلمتها من التوكيل مكنتش مقتنع إنها هتطلع من الصحراء والرمال الغزيرة الناعمه ،

والمفاجئة أن مرة عربية تويوتا هايلكس تبع للشركة غرزت ونامت خالص علي جنبها في الرمل ، والفني إتصل عليا ،

بصراحة أول مارحت وشوفت المنظر قولت لو أنا ربطت عربيتي فيها هنزل جنبها هههههههه ، وسيبت العربية في الجبل وأخدت الفني ومشيت ،

تاني يوم رحت تاني وقولت هجرب وهيا وحظها ، يا تنام جنبها يا نطلع ههههههههه

والله دي حقيقه يا جماعه ، أنتم عارفين أن قوة الماطور 1500 سي سي ، وأن الهايلكس 2700 سي سي ، والهايلكس كابينتين ،

يعني عربية كبيرة بالنسبة للتريوس ، وإستعنا بالله وربنطا العربيتين ببعض ، وبسم الله

هوب هوب هوب ، وسحبت التيريوس التويوتا هايلكس وطلعتها من كثبان الرمال ،
4BY4

بجد أنا مكونتش مصدق اللي بيحصل ولا اللي كان معايا ، سبحان الله ،

ومرة تانية كان طريق مزحلق جامد جدا وطين وكان فيه شتاء سيول ، وأيضا الهايلكس إتزحلقت من الفني ونزلت في قناة صرف يعني بعمق 70 سم عن الطريق ، وبحمد الله التيريوس طلعتها ،

بجد يا جماعه العربية دي تحفة ، وماشاء الله عمليه جدا جدا ،

لكن هو فيها عيب ظهر معايا للآن وبحكم عملي والطحن اللي هي شافته معايا والطرق الصخرية اللي ممكن توقع أي إكصدام ،:(

الفحمات ، بتاعة الفرامل تقريبا غيرتها 3 مرات :cool:،الأمامي مرتين ، والخلفي مرة ،:cool:

والباب الخلفي فيه صوت رجه بس:rolleyes: ،
لكن العربيه ماشاء الله تحفهyesyes

وطبعا بغير زيت كل 5000 كيلو ، وغيرت الكفرات الأمامي مرة واحدة ، والسبب كتر المسامير اللي بتدخل فيها ،

وشكرا لكم ، وأي جديد هكون معاكم علي الخط

وتقبلوا فائق تحياتي
ROSE4U

محمد مصر
02-09-2010, 02:20 PM
لكن عندي سؤال بسيط جدا ،،

أكيد بإذن الله بفكر أجيب واحده جراند لمصر ، لكن مش عارف أشتريها من هنا من السعوديه ، ولا لما أنزل مصر أحسن ،

وخاصة أنها هنا سعـرها بالتوكيل بس بدون شاشات بـــ 69 ألف ريال كاش ، طبعا مع الجمارك 65 ألف جنية :rolleyes:
يعني هتقف عليا بــ 165 ألف جنية تقريبا

وفي مصــر بـــ155 ألف جنية تقريبا ، لكن أنتم عارفين المواصفات الخليجيه أحسن من المواصفات المصريه ، وشركة عبد اللطيف جميل ليها فرع في القاهرة ،

وأنا سمعت أن الضمان والصيانة تكون هناك عادي ، لكن ممكن أحد يفيدني ،

أشتري من مصــر ولا السعوديه ؟؟

وجزاكم الله خيـر

ahmedebed
02-09-2010, 10:32 PM
لكن عندي سؤال بسيط جدا ،،


أكيد بإذن الله بفكر أجيب واحده جراند لمصر ، لكن مش عارف أشتريها من هنا من السعوديه ، ولا لما أنزل مصر أحسن ،

وخاصة أنها هنا سعـرها بالتوكيل بس بدون شاشات بـــ 69 ألف ريال كاش ، طبعا مع الجمارك 65 ألف جنية :rolleyes:
يعني هتقف عليا بــ 165 ألف جنية تقريبا

وفي مصــر بـــ155 ألف جنية تقريبا ، لكن أنتم عارفين المواصفات الخليجيه أحسن من المواصفات المصريه ، وشركة عبد اللطيف جميل ليها فرع في القاهرة ،

وأنا سمعت أن الضمان والصيانة تكون هناك عادي ، لكن ممكن أحد يفيدني ،

أشتري من مصــر ولا السعوديه ؟؟


وجزاكم الله خيـر




اولا مشكور علي التقرير اللي فوووووق

وثانيا انت طمنتنا كده علي اداء العربيه في الطرق الوعره

واطمئنينا ان كده في الطرق بتاعتنا حايكون اداء العربيه احسن

ومبروووووووك عليك


ولكن النصيحه اشتري من مصر العربيه اساسا بتيجي متقفله

يعني مابتتجمعش في مصر لالالا--- دي حاجه و الضمان هايكون ساري

معاك لو انت شاري من مصر انما لو اشتريتها من خارج مصر لك

حق الصيانه في التوكيل ولكنك بدون ضمان

Alioz
04-09-2010, 05:50 AM
ألف شكر للأستاذ محمد على تقريره الرائع و المختصر و المفيد :)

و كلامي مش حيزيد عن كلام الأستاذ احمد في حكاية انك طمنتنا على اداء التريوس ..
و بالمناسبة انا شوفت في توب جير اختبار للتريوس , بس اختبار عنيف , العربية مشيت في طرق مليانة طين و طوب و زلط و جوا غابات و على بحيرات كمان :) :)

العربية بجد فرموها , اللي باظ فيها ان الطين مغطي نص العربية تقريباً , لكن في الآخر شغالة زي الفل و ثباتها في الطرق دي بجد ملوش حل ..

بجد ممكن اقول ان دايهاتسو ابدعت في التريوس , موتور صغير بس كفاءة رهيييبة :)

---

اما بالنسبة لموضوع انك تشتري جراند من مصر ..

مشكلة الجراند في مصر انها تقفيل اندونيسي على ما اعتقد , الا ان لحد دلوقتي مفيش عيوب ظهرت من التقفيل و الدليل الأستاذ أحمد معاه جراند تيريوس و يمكن يقدر يفيد حضرتك اكتر مني :)

اما عموماً ... لو اشتريتها من مصر و من وكيل مصر يبقى احسن لأن الخليجي ممكن تعمل له صيانة في التوكيل لكن ح تدفع مبالغ ! :) .. بالرغم من ان مواصفات الخليجي افضل من من اللي موجود في مصر بمراحل :)

و مرة تانية الاستاذ احمد يقدر يفيد حضرتك في الجراند اكتر مني :)

و مبرووووووك عليك التريوس يا باشمهندس :)

ahmedebed
10-09-2010, 10:24 PM
كل عام وانتم بخير

eggroup
15-09-2010, 12:24 AM
الحقيقة انا لسه خارج من توكيل دايهاتسو فى مدينة نصر فى العمارة اللى جنبى عدل و معايا كاتلوجات التريوس و الجراند.

بعد قراءة التقرير بأذن الله الصبح حاسحب الفلوس و اشتري الجراند.

شكرا لكم جزيل الشكر.

ahmedebed
16-09-2010, 02:31 PM
الحقيقة انا لسه خارج من توكيل دايهاتسو فى مدينة نصر فى العمارة اللى جنبى عدل و معايا كاتلوجات التريوس و الجراند.

بعد قراءة التقرير بأذن الله الصبح حاسحب الفلوس و اشتري الجراند.

شكرا لكم جزيل الشكر.



ربنا يبارك لك


ويديك خيرها ويكفيك شرها


قوووووول امين

mohamed_rhem
16-09-2010, 04:38 PM
بالتوفيق انشاء الله

هي الجراند فعلا فيها حاجات مش موجوده في التريوس العاديه

كمان شمل الفتيس مختلف

وشكلها اكبر يديك ايجاء انها جيب كبير عكس التريوس العاديه

لكنها ليست تقفيل ياباني رغم انها من مصانعهم

khalloda77
28-09-2010, 10:13 AM
انا لاحظت ان مفيش عداد لقياس درجة حرارة الموتور زي معظم العربيات، ليه؟؟؟؟
وازاي تسيطر على حاجة زي دي؟؟؟
حد يجاوبني يا جماعة...رجاء

ahmedebed
28-09-2010, 06:38 PM
انا لاحظت ان مفيش عداد لقياس درجة حرارة الموتور زي معظم العربيات، ليه؟؟؟؟
وازاي تسيطر على حاجة زي دي؟؟؟
حد يجاوبني يا جماعة...رجاء

اخي خلوده

عداد الحراره في الجراند عباره عن مؤشر علي نصف قوس

اعلاه شريط احمر والمؤشر يرتفع الي نصف القوس عند تمام تشغيل

العربيه وفي حاله لاقدر الله ارتفاع درجه الحراره ستجد ان المؤشر

سيرتفع ليلامس الشريط الاحمر

sharif mokhtar
03-10-2010, 11:33 PM
سؤال للأخ العزيز أحمد ....بعد التحية
هل لو رجع الزمن لورا هتشترى برضة جراند تريوس عشان انا متردد ف شرائها و خايف من موضوع انها بتقلب و مفيش ثبات
اكون شاكر لو افدتنى و فى رايك ما هى البدائل فى نفس السعر

ahmedebed
04-10-2010, 03:56 PM
سؤال للأخ العزيز أحمد ....بعد التحية
هل لو رجع الزمن لورا هتشترى برضة جراند تريوس عشان انا متردد ف شرائها و خايف من موضوع انها بتقلب و مفيش ثبات
اكون شاكر لو افدتنى و فى رايك ما هى البدائل فى نفس السعر


ههههههههههههه تقلب ايه بس انا اخدت ملفات بيها

وانا مش محمل معايا كمان عال 90 كيلو تخيل


عموما انا لو اشتري تاااااااني اجيبها تاااااااني

والله كده

sharif mokhtar
05-10-2010, 12:22 AM
شكرا يا ابو حميد على الافادة و دايما بلغنا باخر الأخبار و متشكر على ذوقك

TheSantos128
05-10-2010, 02:09 AM
ربنا يعطيك خيرها ويكفيك شرها والموضوع يستاهل التثبيت هو جميل
بس ليا استفسار حضرتك قولت ان العربيه وزنها طن ونص فاضيه وانها دفع ثنائى خلفى وان سرعتها 1500 سى سى ..
طب ازاى العربيه دى بتسحب ده كده مفيش عزم خالص ولا ايه !!! ياريت تشرحلى
وشكرا

ahmedebed
06-10-2010, 09:00 PM
ربنا يعطيك خيرها ويكفيك شرها والموضوع يستاهل التثبيت هو جميل
بس ليا استفسار حضرتك قولت ان العربيه وزنها طن ونص فاضيه وانها دفع ثنائى خلفى وان سرعتها 1500 سى سى ..
طب ازاى العربيه دى بتسحب ده كده مفيش عزم خالص ولا ايه !!! ياريت تشرحلى
وشكرا


بالنسبه لأداء السياره فهى مذوده بمحرك طرازه
3SZ VE
من اربع اسطوانات In line
وتبلغ سعته 1.5 لتر ( تحديداً 1495 سى سى ) وهذا المحرك الاقتصادى ( الذى يستهلك يولد قوه تصل الى 115 حصان عند 6000 د / د ويولد عزم لى يصل الى 141 نيوتن متر عند 4400 د / د ومتوفر بناقل حركه يدوى من 5 سرعات اماميه مع تكنولوجيا
DVVT
التحكم فى توقيت الصمامات ونظام حقن الوقود بها دايركت انجكشين وهذا المحرك مذود بعدد 2 عامود كامات يعنى توين كام والشئ الذى ادهشنى هو ان هذا المحرك يستطيع السير مسافة 100 كلم بحوالى 8.1 لتر وقود وقد تأكدت من هذه المعلومه

وتتوفر هذه السياره بنظام دفع ثنائى امامى

اما الوزن فهو 1170 كيلوجرام

الشئ الجميل ان اليابانيين متفوقيين فهم يعلمون وزن السياره والملائم لسحبها

TheSantos128
07-10-2010, 04:01 PM
بالنسبه لأداء السياره فهى مذوده بمحرك طرازه
3SZ VE
من اربع اسطوانات In line
وتبلغ سعته 1.5 لتر ( تحديداً 1495 سى سى ) وهذا المحرك الاقتصادى ( الذى يستهلك يولد قوه تصل الى 115 حصان عند 6000 د / د ويولد عزم لى يصل الى 141 نيوتن متر عند 4400 د / د ومتوفر بناقل حركه يدوى من 5 سرعات اماميه مع تكنولوجيا
DVVT
التحكم فى توقيت الصمامات ونظام حقن الوقود بها دايركت انجكشين وهذا المحرك مذود بعدد 2 عامود كامات يعنى توين كام والشئ الذى ادهشنى هو ان هذا المحرك يستطيع السير مسافة 100 كلم بحوالى 8.1 لتر وقود وقد تأكدت من هذه المعلومه

وتتوفر هذه السياره بنظام دفع ثنائى امامى

اما الوزن فهو 1170 كيلوجرام

الشئ الجميل ان اليابانيين متفوقيين فهم يعلمون وزن السياره والملائم لسحبها



كل ده جميل جدا وينفع كمان يتحط فى اعلان فى الجرايد بجد انت ممتاز فى الشرح والعرض....بس برضه السؤال عزم المتور من خلال تجربتك شايف ايه
انا بصراحه هجيبها الشهر الجاى ...وبقارن بينها وبين الخمسه راكب

ahmedebed
08-10-2010, 01:57 PM
كل ده جميل جدا وينفع كمان يتحط فى اعلان فى الجرايد بجد انت ممتاز فى الشرح والعرض....بس برضه السؤال عزم المتور من خلال تجربتك شايف ايه
انا بصراحه هجيبها الشهر الجاى ...وبقارن بينها وبين الخمسه راكب


هههههههههههه حلوه


تخيل اني بحثت في المواقع لاجد لك هذه المقاله لتتعرف علي خصائص

تقنيه العربيه0

المهم الجراند والتيريوس الفرق الاساسي بينهم نقطتين مهمين وهما علي

حسب احتياجاتك

الاولي ان الجراند 7 راكب وذات حجم اكبر فهل عدد ركابك كتير حتي

تحتاج هذا الحجم---ده انت بس تقدر تحدده

الثانيه ان التيريوس ال5 راكب ذات دفع رباعي فهل انت تحتاج هذا

الاوبشن في تحركاتك---ده انت اللي تقدر تحدده0000انت فقط

وعليه اقدر اقولك الدايهاتسو يعتبر ارخص فئه يابانيه

اشتري دي او دي علي حسب احتياجك وتوكل علي الله

نقطه اخيره انا مش فاهم ماذا تقصد بعزم الموتور

انا بسافر بالعربيه القاهره وبوصل بيها لل 130 كيلوساعه

وطبعا في داخل البلد انت شايف الدنيا فاضيه ازاي هههههههههه

طيب انا مش عارف ايه عزم 00هي اليابان حاتركب موتور علي هيكل

سياره ميعرفش يجرها برضه ده كلام طبعا مش ممكن

دي سياره معتمده القياسات الاوروبيه نقول ايه معرفش

TheSantos128
08-10-2010, 02:27 PM
هههههههههههههههههههههههههههههههههه

ماشى يا جميل انا فهمتك ..يبقى كده الكلام هيكون على الخمسه ال 4*4
وشكرا كتييييييير ليك يا قمر

محمد مصر
08-10-2010, 02:38 PM
أحب أفيد الكل بأن السيارة ضمانها إنتهي ، من شهر تقريبا

والحمد لله الأداء طيب ، رغم الطرق المكسرة ، والإكصدام الأمامي ريح شويه ،

ودعامات الإكصدام الداخلية اللي قدام الردياتير لقيتهـا سايبه وربطها بنفسي تاني ،

ووجدت بعض الكلبسات الأمامية مكسرة وبإذن الله هغيرها وهحاول أرجع الإكصدار لمكانه تاني ،

بس طبعا السبب أن واحد إبن حلال ف إشارة وقف مرة واحده ودخلت فيه من الوراء ، وسيارته صني 2010

لكن الحمد لله سيارتة مجراش فيها حاجة وعندي اللوحة إتكرمشت هههههه ، والإكصدام ريح كما قولت سابقا.

شكــرا لكم جميعـــا

TheSantos128
08-10-2010, 04:22 PM
فداك يا باشا قول الحمد لله انها جات على كده
بس كنت حابب اعرف اعلى فئه فى التريوس الخمسه بكام
:)

ahmedebed
09-10-2010, 03:07 PM
هههههههههههههههههههههههههههههههههه

ماشى يا جميل انا فهمتك ..يبقى كده الكلام هيكون على الخمسه ال 4*4
وشكرا كتييييييير ليك يا قمر

ربنا يديك خيرها ويكفيك شرها



أحب أفيد الكل بأن السيارة ضمانها إنتهي ، من شهر تقريبا



والحمد لله الأداء طيب ، رغم الطرق المكسرة ، والإكصدام الأمامي ريح شويه ،

ودعامات الإكصدام الداخلية اللي قدام الردياتير لقيتهـا سايبه وربطها بنفسي تاني ،

ووجدت بعض الكلبسات الأمامية مكسرة وبإذن الله هغيرها وهحاول أرجع الإكصدار لمكانه تاني ،

بس طبعا السبب أن واحد إبن حلال ف إشارة وقف مرة واحده ودخلت فيه من الوراء ، وسيارته صني 2010

لكن الحمد لله سيارتة مجراش فيها حاجة وعندي اللوحة إتكرمشت هههههه ، والإكصدام ريح كما قولت سابقا.


شكــرا لكم جميعـــا



ههههههه طب الحمدلله طمنتنا علي مستقبل العربيه
فداك يا باشا قول الحمد لله انها جات على كده
بس كنت حابب اعرف اعلى فئه فى التريوس الخمسه بكام
:)

ايوه كده بعد انتهاء الضمان يعني 3 سنين او ال 100 الف كيلو

تبقي النتيجه حلوه جدا جدا

اعلي فئه في التريوس 149 الف جونييييييييييييه

TheSantos128
11-10-2010, 01:15 PM
صبح صبح يا باشا
اخبار العربيه معاك ايه اليومين دول؟؟
لا جديد,ملاحظات..

ahmedebed
11-10-2010, 10:13 PM
صبح صبح يا باشا
اخبار العربيه معاك ايه اليومين دول؟؟
لا جديد,ملاحظات..


احمد الله

والله زي الفل


الحمدلله


صبااااااااحوااااااا سكررررررررر

sharif mokhtar
20-10-2010, 11:57 PM
الأخ العزيز أحمد
انا شايف عربية اسمها داستر من رينو و كنت عايز أعرف رايك فيها بالمقارنة بالتريوس الجراند و على فكرة سعر داستر الدفع الرباعى 130ألف جنية بس مش اتوماتيك يا ترى تعرف عنها حاجة و اية رايك ؟؟

medooo99
21-10-2010, 12:09 AM
تسلم يديك تقر ير اكتر من رائع
وكنت عايزك تساعدنى
يا ترى ممكن اعرف التريوس ال5 راكب 2011 هتنزل امتى
وسعرها؟
وهل هيبقى فيها اختلاف عن 2010
لانى عايز اشتريها بس بقول احنا ف اخر السنه يعنى لو استنيت شويه هجيب موديل 2011
يا ترى رأيك ايه

ahmedebed
21-10-2010, 08:24 PM
الأخ العزيز أحمد
انا شايف عربية اسمها داستر من رينو و كنت عايز أعرف رايك فيها بالمقارنة بالتريوس الجراند و على فكرة سعر داستر الدفع الرباعى 130ألف جنية بس مش اتوماتيك يا ترى تعرف عنها حاجة و اية رايك ؟؟


من قااااااال لا اعلم فقد افتي

ahmedebed
21-10-2010, 08:30 PM
تسلم يديك تقر ير اكتر من رائع
وكنت عايزك تساعدنى
يا ترى ممكن اعرف التريوس ال5 راكب 2011 هتنزل امتى
وسعرها؟
وهل هيبقى فيها اختلاف عن 2010
لانى عايز اشتريها بس بقول احنا ف اخر السنه يعنى لو استنيت شويه هجيب موديل 2011
يا ترى رأيك ايه



بص يا سيدي التيريوس بلاتينيوم لسه نازله وعليه مش حاتغير شكل

الا بعد سنتين او تلاته كمان بس هو الاسم من 2011ل2010

والموديلات الجديده مابتنزلش قبل شهر فيراير

medooo99
22-10-2010, 12:52 AM
بص يا سيدي التيريوس بلاتينيوم لسه نازله وعليه مش حاتغير شكل

الا بعد سنتين او تلاته كمان بس هو الاسم من 2011ل2010

والموديلات الجديده مابتنزلش قبل شهر فيراير
شكرا يا نجم
يعنى لو انت مكانى تتكل على الله وتشترى دلوقتى
وللا الافضل استنى الشهرين دول واشترى 2011
لانى محتار جدا

ahmedebed
22-10-2010, 10:38 PM
شكرا يا نجم
يعنى لو انت مكانى تتكل على الله وتشترى دلوقتى
وللا الافضل استنى الشهرين دول واشترى 2011
لانى محتار جدا



والله ده علي حسب احتياجك للسياره

اللي حايفرق اسم الموديل بس من 2010لل2011


كسنه صنع فقط وبكده حاتستني لفبراير القادم او مارس

medooo99
25-10-2010, 11:29 PM
والله ده علي حسب احتياجك للسياره

اللي حايفرق اسم الموديل بس من 2010لل2011


كسنه صنع فقط وبكده حاتستني لفبراير القادم او مارس

انا سمعت ان ال 2011
هتنزل بتنك غاز وتنك بنزين
هل دى حقيقه

Marawan Mohammed
26-10-2010, 03:19 PM
تيريوس 2011 موجودة فى توكيل الإمارات فى بداية نوفمبر

BASSEM BESO
26-10-2010, 05:53 PM
اعتقد ان الكماليات غالية جداا

medooo99
29-10-2010, 01:07 AM
تيريوس 2011 موجودة فى توكيل الإمارات فى بداية نوفمبر
يا ترى ايه الجديد فيها
يعنى التعديلات

b A d R
29-10-2010, 01:23 AM
ألف ألف ألف مليون مبروووووووووك ربنا يباركلك فيها

ahmedebed
01-11-2010, 06:23 PM
ألف ألف ألف مليون مبروووووووووك ربنا يباركلك فيها



مشكووووووووور نيابه عن الكل

TheSantos128
04-11-2010, 02:43 PM
بسم الله الرحمن الرحيم


مشكله التيريوس والجراند ان التابلوه حجمه كبير فعلا ومعتم


حتي العدادات ومفاتيح التكييف الاضائه بهم مش عاطفيه يعني تحس

كده انها خافته مش مبهجه وده يتاخد شويه علي دايهاتسو انا بقه

فكرت ازاي اعمل اضائه للتابلوه ده فكرت كتير ازاي اضئ التابلوه ده من غير

ما العب في التابلوه نفسه (يعني ما اثقبش فيه) او من غير ما العب في ضفيره

الكهربا الامر ده في دماغي من يوم ما اشتريت العربيه لان شكل التابلوه كان

مضايقني خصوصا من بعد المغرب وتحتاج تولع النور الصغير -- المهم 000

وانا ماشي مره بالليل لقيت تاكسي حاطط سريه كهربا عالزجاج الخلفي عجبتني

هي عباره عن شريط بلاستيك طوله 30 سم تقريبا وبه ليدات صغيره جدا مضيئه

فكرت انها ممكن تتحط علي التابلوه خصوص انها بتلصق بدوبل فيس طيب كده

خلصنا من عدم تخريم التابلوه طيب الضفيره خلاااااااص وصلنا اننا نوصل بالولاعه

طب ازاي اشتريت شاحن موبيل واخدنا السوكيت اللي بيدخل في الولاعه ورمينا

الشاحن ووصلنا السيريات بيه كده كله تمام لا خرمنا التابلوه ولا لعبنا في ضفيره

الكهربا (يعني علشان منوصلهوش بالنور الصغير وده ممكن)طيب كده حلو وعسل

كماااااااااااااان وركبنا والشكل بقه جميل جداااااا0

ولكن لقيت ان مكان التسجيل وزراير التكييف الاضائه بقي شكلها مش باين ابدا

طب نعمل ايه والله انا والكهربائي بتاعي كنا بنخترع 0طب شريط السيريا نلفه

حول الزرار طب والسللك حايمشي ازاي مع لفه الزرار و--و---و----

لغايه ماهدانا التفكير اننا نجيب الرينجات اللي بتتحط في فوانيس الاستوب ونحطها

حول الزرار اهي مدوره ومجوفه هي كمان وجيبنا رينج واحد وحطيناااااااه ايه

ده رووووووعه ولكن المشكله ان الاضائه قويه جدا بتاعته وده واحد طب لوركبت

تلاته حاتعمي من الاضائه وداخل العربيه بقي زي الضهر---طب وبعدين راح

الكهربائي قالي سهههههههله قولت ازااااااااي قاللي حلها بسيط جدا

زرااار تعليه وتوطيه اضائه ونحطه في مكان طبه من الطبات وحصل

اوعي وشك00000 تعللي وتوطي اضائه التابلوه وبدون خرم وبدون توصيل

بالضفيره والاسلاك كلها مستخبيه في دواخل التابلوه--- واي خودعه000لا

وكماااااااان حطيت سريه تحت التابلوه لاناره مكان

الرجلين للراكب بجواري وانا ره دواسات الفرامل والبنزين كمان علي رجليا

ههههههههههههههه فله


التكلفه:السيريه الواحده 10 جنيه

الرينج الواحد 15 جنيه

المفتاح مستعمل 50

سوكيت للولاعه 12

مصنعيه حلفت عليه بالطلاق علشان ياخد فلوس 40 جنيه مني جدعنه

حق اقتباس الفكره ليكوا في المنتدي دعااااااء لي بالستر بظهر الغيب



واليكم الصووووووووووور




<!-- google_ad_section_end -->


حركه صايعه اخر 30 حاجه بس اعمل حسابك لما استلم التريوس هجايكل الاسكندريه تعملى الحوار ده والله مش بهزر علشان لامواخذه معرفش كهربائى بيفهم هنا فى كايرو كله عايز يضرب القرشين ويعمل السبوبه وخلاص
لكن شكلك طلعت كيريتف ودماغك صاحيه
انا خلاص توكلت على الله وهجيب بقى تعبت من القديم واللى بالى بالك 444546

ahmedebed
05-11-2010, 02:06 PM
حركه صايعه اخر 30 حاجه بس اعمل حسابك لما استلم التريوس هجايكل الاسكندريه تعملى الحوار ده والله مش بهزر علشان لامواخذه معرفش كهربائى بيفهم هنا فى كايرو كله عايز يضرب القرشين ويعمل السبوبه وخلاص
لكن شكلك طلعت كيريتف ودماغك صاحيه
انا خلاص توكلت على الله وهجيب بقى تعبت من القديم واللى بالى بالك 444546




هههههههههههههههههههههههههههههههههههه


ماشي ياعم الجن احنا تحت امرك تعالي وحنكرموووووووووووووووك

TheSantos128
06-11-2010, 11:01 AM
حنكرموووووووووك ازاى يعنى
ههههههه لا اوعى
انا كل اللى انا عايزه تظبطتلى المهرباء وتعزمنى على الغذا اكتر من كده لااااااااااااااااا

medooo99
07-11-2010, 09:46 PM
كنت عايز اسألك يا نجم
هى الدفندرات الامامى والخلفى وكمان العتب
كلفوك كام يعنى سعرهم ايه

medooo99
08-11-2010, 02:46 AM
كنت عايز اسألك يا نجم
هى الدفندرات الامامى والخلفى وكمان العتب
كلفوك كام يعنى سعرهم ايه
خلاص يا باشا انا قريت من اول الموضوع وعرفت
مشكور

TheSantos128
10-11-2010, 10:47 AM
الدفندر الامامي الفيبر الجميل ده انا ركبته وركبوللي

النمره الجديده عليه كمان شكله اكتر من رائع وكأنه قطعه من العربيه




سؤال تكتيكى يا باشا
انا هستلم يوم السبت ان شاء الله وهعلق لوحه تجاريه وهرخص بعد العيد باذن الله ...
السؤال بقى .اشترى الديفندر الامامى ولما اروح ارخص اركب اللوحه عليه ولا ارخص الاول وبعدين اركب الديفندر!!!!
من الاخر يا جميل انت عملت ايه؟؟؟؟
ملجوظه انا قدمت على البلاتنيم 2011 VXR
اعلى فئه444546

Mr V.I.P
11-11-2010, 06:44 AM
مبروك عليك ياباشا

الجراند تيرويوس تحس فيها بالقوه كدا

ahmedebed
11-11-2010, 03:15 PM
سؤال تكتيكى يا باشا
انا هستلم يوم السبت ان شاء الله وهعلق لوحه تجاريه وهرخص بعد العيد باذن الله ...
السؤال بقى .اشترى الديفندر الامامى ولما اروح ارخص اركب اللوحه عليه ولا ارخص الاول وبعدين اركب الديفندر!!!!
من الاخر يا جميل انت عملت ايه؟؟؟؟
ملجوظه انا قدمت على البلاتنيم 2011 VXR
اعلى فئه444546


اولاااااااااا مبرووووووووك عليك

وربنا يديك خيرها ويكفيك شرها

ثانيا ركب الديفندرات وروح رخص علشان يركبوا

النمر عليه لانهم مش حايرضوا يركبوا النمر علي ديفندر

مش متركب عالعربيه--انا روحت المرور وانا مركب الديفندرات


مبروك عليك ياباشا


الجراند تيرويوس تحس فيها بالقوه كدا





فعلااااااااااااااااااااااااا

رمضان الحناوي
11-11-2010, 08:45 PM
الف مبروك وربنا يحميها لك مالعين.بس انا عايز اعرف ال5 راكب بلاتينيوم فو اوبشن هاي لاين 2011 بكام وفين وهل نزلت ولا لسه وهل فيه فرق في الوقت بين الدفع والاستلام كاش والف الف مبروك

osama_2096
12-11-2010, 12:52 PM
السلام عليكم ورحمة الله

فعلا عربية جميلة جدا

انا نويت الحمد لله اشتري جراند تريوس بس لفيت معارض كتير والتوكيل ما لقيتش جراند فول اوبشن 2010 مش عارف الاقيها فين ولا استني لما ينزل 2011 ونشوف الاسعار عامله ايه الواحد محتار

ahmedebed
12-11-2010, 01:55 PM
السلام عليكم ورحمة الله

فعلا عربية جميلة جدا

انا نويت الحمد لله اشتري جراند تريوس بس لفيت معارض كتير والتوكيل ما لقيتش جراند فول اوبشن 2010 مش عارف الاقيها فين ولا استني لما ينزل 2011 ونشوف الاسعار عامله ايه الواحد محتار


استني بقي 2011


خلاااااص هاااااانت

medooo99
13-11-2010, 01:22 AM
اولاااااااااا مبرووووووووك عليك

وربنا يديك خيرها ويكفيك شرها

ثانيا ركب الديفندرات وروح رخص علشان يركبوا

النمر عليه لانهم مش حايرضوا يركبوا النمر علي ديفندر

مش متركب عالعربيه--انا روحت المرور وانا مركب الديفندرات






فعلااااااااااااااااااااااااا

هو الدفندر الامامى مسموح بيه دلوقتى
وللا المرور مانعه

ahmedebed
13-11-2010, 02:24 PM
هو الدفندر الامامى مسموح بيه دلوقتى
وللا المرور مانعه


والله هو مفيش قانون بمنعه لانه عباره عن اكصدام للعربيه

انا مش فاهم هم بيمنعوه ليه حاجه فعلا غريبه زيه زي اي اكصدام

بس اللي لاحظته ان الناس فعلا بتستغله في حجب الرؤيه عن النمر

وده هو الممنوع

ahmedebed
15-11-2010, 06:43 PM
كل عاااااااااااام وانتم بخيرررررررررررررر

BASSEM BESO
16-11-2010, 02:09 PM
وحضرتك بخير يااستاذ احمد

midooooooo12
19-11-2010, 03:49 PM
طب لو سمحت هيا احسن ولا الماهيندرا سكوربيو 2011
؟؟؟؟؟

asser3
26-11-2010, 01:53 AM
اخر اخبار السياره ايه وانت لسه علي رايك

ahmedebed
26-11-2010, 01:10 PM
طب لو سمحت هيا احسن ولا الماهيندرا سكوربيو 2011
؟؟؟؟؟


والله اخي انا معرفش عن الماهيندرا اي حاجه عن استعمالها

انما انا لما نويت اشتري كانت من ضمن اختياراتي هي والكومودو والتيجو

ولكن ما جعلني اشتري التيريوس انها ياباني وخبره عريقه ومراكز

صيانه متوفره وعااااااااوز ابييييييع مش حاغلب اني الاقي اللي يشتري

مني ومش حايقوللي دي هندي ولا دي صيني ولا تقفيل مصري

بس خلاااااااااص

اخر اخبار السياره ايه وانت لسه علي رايك


الحمد لله العربيه دخلت في سنه وشويه معايا واحمد الله

لسه بحاله الزيرو

Limoway
27-11-2010, 09:02 AM
حاسوقها ازاي دي بالحجم ده وانا مش متعود 0 والموتور ال 1500 حايكون زي اللانسر 1600 اللي كنت راكبها


السياره اصبحت جراند شيروركي مش جراند تيريوس ااااابداااااا




<!-- google_ad_section_end -->


أولا أود أن أهنئك علي السيارة وربنا يديلك خيرها ويكفيك شرها

بالنسبة لموضوع الجراند شروكي ده عندي إستفسار؟

هو حضرتك إستلمتها في الصيف ؟!!!
(ملهاش تفسير تاني غير إن المعادن تتمدد بالحرارة وتتبربر بالبرودة) ايه ياترى

ahmedebed
27-11-2010, 10:47 PM
أولا أود أن أهنئك علي السيارة وربنا يديلك خيرها ويكفيك شرها

بالنسبة لموضوع الجراند شروكي ده عندي إستفسار؟

هو حضرتك إستلمتها في الصيف ؟!!!
(ملهاش تفسير تاني غير إن المعادن تتمدد بالحرارة وتتبربر بالبرودة) ايه ياترى

مااااااااشي يا عم الشقي مشكوووووووووور


بس هو فيه حاجه اساسا اسمها جراند شيروكي


دي كانت فرحه الغلبان لما ركب العربيه اللي بيتمناها يااا اخي


انت مابتفوتش حاجه ابدا لازم يعني نسيح علي بعض

وبعدين انت عندك غلطه

اسمها المعادن تتمرمر بالحراره وتتبربر بالبروره

البرووووره اتعلموها بجااااااااااااااااااا

Limoway
28-11-2010, 10:30 AM
مااااااااشي يا عم الشقي مشكوووووووووور


بس هو فيه حاجه اساسا اسمها جراند شيروكي


دي كانت فرحه الغلبان لما ركب العربيه اللي بيتمناها يااا اخي


انت مابتفوتش حاجه ابدا لازم يعني نسيح علي بعض

وبعدين انت عندك غلطه

اسمها المعادن تتمرمر بالحراره وتتبربر بالبروره

البرووووره اتعلموها بجااااااااااااااااااا
انا بس حبيت أنكشك
الموضوع أكثر من رائع ولا يسعني إلا أن أشكرك شكرا مربع (زي السلام المربع)
ومتابعتك له أكثر من ممتازة

علي فكرة في جراند شروكي (شبه التريوس في الصيف) ربنا يوعدنا ويوعدك وصورتها مرفقة

ahmedebed
30-11-2010, 05:56 PM
انا بس حبيت أنكشك
الموضوع أكثر من رائع ولا يسعني إلا أن أشكرك شكرا مربع (زي السلام المربع)
ومتابعتك له أكثر من ممتازة

علي فكرة في جراند شروكي (شبه التريوس في الصيف) ربنا يوعدنا ويوعدك وصورتها مرفقة



يعععععععععععععععععععععع


اخيييييييييييييييييييييييييييييييه


وحششششششششششه جوي جووووووووي


ههههههههههه

Limoway
30-11-2010, 06:25 PM
يعععععععععععععععععععععع



اخيييييييييييييييييييييييييييييييه


وحششششششششششه جوي جووووووووي



ههههههههههه


أنا قولت كده برضو

إبعد عن الشر وغنيلو

بس يا تري دي بقي نغنيلها نقولها ايه؟؟!!!!


أيوه عرفت
"يا غزال ..... يا غزااااااال "

ahmedebed
30-11-2010, 10:50 PM
أنا قولت كده برضو

إبعد عن الشر وغنيلو

بس يا تري دي بقي نغنيلها نقولها ايه؟؟!!!!


أيوه عرفت
"يا غزال ..... يا غزااااااال "


لااااااااااااااااااااااااااا


دي يتقالهااااااااااااااا


يا حييلوه يا بلحه يا مقمعه


ههههههههههههههههههههه

ahmedebed
12-12-2010, 05:57 PM
كل عام وانتم بخير

وائل عبد اللطيف
26-12-2010, 08:26 PM
الى الاستاذ / Ahmedebed
كل الكلام اللى قلته جميل لكن المهم
السحب من 0 الى 100 لم تذكره
الثبات على الطريق بعد 100 كم
هل السيارة خشنة فعلا ؟
اخبار الصالون ايه واسع ولا ضيق ؟

ahmedebed
27-12-2010, 02:32 PM
الى الاستاذ / Ahmedebed
كل الكلام اللى قلته جميل لكن المهم
السحب من 0 الى 100 لم تذكره
الثبات على الطريق بعد 100 كم
هل السيارة خشنة فعلا ؟
اخبار الصالون ايه واسع ولا ضيق ؟


السحب من زيرو ل100 كيلو اخي تقصد به التسارع طبعا

السياره اساسا ليست سياره للتسارع مامعناه انها سياره عائليه

متزنه كبيره وليست سياره سباق وده للقياده الهادئه المتزنه

وثباتها عالطريق ممتاز جدا عن تجربتي الشخصيه بها عالسفر

فانا اقودها مابين ال 130لل140 كيلو ساعه ومحمل بها 5 او 3

او 6 افراد لاني بسافر بها انا واصدقائي او العائله سرعه جميله

ثابته عالارض باحكام لا تستشعر السرعه وانت بها وحكايه خشنه دي

مش عارف افسرها ازاي السياره سلسه عالطريق داخل او خارج البلد

الصالون والله بالنسبه لي جميل جدا

مسافر ومعايا 7 رجااااااله وانا الثامن وكلنا قاعدين زي الفل

غير مسجل
30-12-2010, 12:37 AM
شكرا جدا استاذ احمد علي الموضوع الاكثر من رائع والحمد لله ربنا قدرنا وجبت جراند تريوس ما شاء الله عليها اسد علي الطريق بس عندي شوية اسئلة كده معلش بقي حازعجك كل شوية ههههههه بالنسبة للعزل بتاعها كويس قوي بس لما كنت باقفل كل الشبابيك مفيش اي صوت تسمعه من الدوشة اللي بره بس الوحد يحس انه العربية مكتومة فلازم اما اشغل التكييف او افتح الشباك تاني ولا في حل تاني
يالنسبة للكرسي هل في امكانية انه يعلي ويوطي من ارتفاعه
وبالنسبة للبنزين احط 90 ولا 92 في فرق ولا مش حياثر في حاجة
عايز اركب ديفندر امامي وخلفي لانه المنطة عندنا زحمة وميكروباصات ممكن يخبطوها فعايز احميها بس مقلق من موضوع المرور ده ممكن اركبه ولا حيعملي قلق في المرور
معلش بقي استحملي في اخر حاجة ههههههه ايه الصيانه اليومية بتاعتها
وشكرا جدا استاذ احمد وربنا يبارك لك

osama_2096
30-12-2010, 12:39 AM
<hr style="color: rgb(124, 206, 253); background-color: rgb(124, 206, 253);" size="1"> شكرا جدا استاذ احمد علي الموضوع الاكثر من رائع والحمد لله ربنا قدرنا وجبت جراند تريوس ما شاء الله عليها اسد علي الطريق بس عندي شوية اسئلة كده معلش بقي حازعجك كل شوية ههههههه بالنسبة للعزل بتاعها كويس قوي بس لما كنت باقفل كل الشبابيك مفيش اي صوت تسمعه من الدوشة اللي بره بس الوحد يحس انه العربية مكتومة فلازم اما اشغل التكييف او افتح الشباك تاني ولا في حل تاني
يالنسبة للكرسي هل في امكانية انه يعلي ويوطي من ارتفاعه
وبالنسبة للبنزين احط 90 ولا 92 في فرق ولا مش حياثر في حاجة
عايز اركب ديفندر امامي وخلفي لانه المنطقة عندنا زحمة وميكروباصات كتيرممكن يخبطوها فعايز احميها بس مقلق من موضوع المرور ده ممكن اركبه ولا حيعملي قلق في المرور
معلش بقي استحملي في اخر حاجة ههههههه ايه الصيانه اليومية بتاعتها
وشكرا جدا استاذ احمد وربنا يبارك لك

ahmedebed
30-12-2010, 01:54 PM
شكرا جدا استاذ احمد علي الموضوع الاكثر من رائع والحمد لله ربنا قدرنا وجبت جراند تريوس ما شاء الله عليها اسد علي الطريق بس عندي شوية اسئلة كده معلش بقي حازعجك كل شوية ههههههه بالنسبة للعزل بتاعها كويس قوي بس لما كنت باقفل كل الشبابيك مفيش اي صوت تسمعه من الدوشة اللي بره بس الوحد يحس انه العربية مكتومة فلازم اما اشغل التكييف او افتح الشباك تاني ولا في حل تاني
يالنسبة للكرسي هل في امكانية انه يعلي ويوطي من ارتفاعه
وبالنسبة للبنزين احط 90 ولا 92 في فرق ولا مش حياثر في حاجة
عايز اركب ديفندر امامي وخلفي لانه المنطة عندنا زحمة وميكروباصات ممكن يخبطوها فعايز احميها بس مقلق من موضوع المرور ده ممكن اركبه ولا حيعملي قلق في المرور
معلش بقي استحملي في اخر حاجة ههههههه ايه الصيانه اليومية بتاعتها
وشكرا جدا استاذ احمد وربنا يبارك لك


اهلااااااااا بيك

مبروك العربيه وربنا يديك خيرها ويكفيك شرها

يعني ياراجل يا طيب يتقفل الشبابيك ومش عاوز العربيه يبقي جوها مكتوم

ههههههههه طب تيجي ازاي بس ماهو لازم طبعا ده انت لو في البيت وقفلت

الشبابيك الدنيا تولع هههههههه ده الطبيعي عموما ممكن تشغل المروحه مش

التكييف وبراحتك بقي

الكرسي لاصق فيه قرص علي يدك الشمال يعليه ويوطيه انت مشفتوش ولا ايه

انا شغاااااال 92 انضف واحسن للموتور طبعا

وال90 مش حايزعلك ولكني بعتبره بنزين مش نضيف

والله بالنسبه للدفندرات انا مركبهم وربك ستار بس انا مركب الامامي

والنمره راكبه عليه والخلفي مركبه بحيث ان النمره واضحه جدا

وانا اعتقد ان الاعتراض علي الدفندر لانه بيغطي النمر هي دي المشكله

وطبعا مفيش حاجه اسمها صيانه يوميه ماتقلقش

osama_2096
31-12-2010, 03:48 PM
شكرا علي ردك السريع استاذ احمد
بالنسبة للكرسي فيه تحت المقعد دراع تطلع الكرسي قدام او وراء وفيه يد علي الشمال تخلي ظهر الكرسي تتحرك قدام او وراء
اللي انا اقصد هل في امكانية اني اجعل الكرسي يرتفع عن مستواه لاني حاسس انه واطي بالنسبة لي و علشان اقدر اشوف مقدمة السيارة بوضوح
وفي مشكلة صغيرة صادفتني السيارة ليها مفتاحين في واحد منهم غيرت له حجر البطارية لريموت السنتر لوك وبعدها لما ادوس عليه السيارة مش بتستجيب له والريموت التاني شغال عادي هل اروح لاي واحد بتاع سنتر لوك يظبطه ولا لازم التوكيل - انا قريت في منتدات انه لما البطارية تتغير بتاعه السيارة لازم تبرمج الريموت من جديد وكل نوع سيارة ليها طريقتها

ahmedebed
31-12-2010, 07:42 PM
شكرا علي ردك السريع استاذ احمد
بالنسبة للكرسي فيه تحت المقعد دراع تطلع الكرسي قدام او وراء وفيه يد علي الشمال تخلي ظهر الكرسي تتحرك قدام او وراء
اللي انا اقصد هل في امكانية اني اجعل الكرسي يرتفع عن مستواه لاني حاسس انه واطي بالنسبة لي و علشان اقدر اشوف مقدمة السيارة بوضوح
وفي مشكلة صغيرة صادفتني السيارة ليها مفتاحين في واحد منهم غيرت له حجر البطارية لريموت السنتر لوك وبعدها لما ادوس عليه السيارة مش بتستجيب له والريموت التاني شغال عادي هل اروح لاي واحد بتاع سنتر لوك يظبطه ولا لازم التوكيل - انا قريت في منتدات انه لما البطارية تتغير بتاعه السيارة لازم تبرمج الريموت من جديد وكل نوع سيارة ليها طريقتها


اخي الفاضل علي يدك الشمال في قاعده الكرسي(الشلته نفسها) يوجد تاره

مستديره شبه الدفه بتاعه المركب يمكنك لفها يمينا ويسارا فترفع الشلته

او تخفضها


لالالا اكيد حجر البطاريه اللي وضع في الريموت مش نفس فولت ولا امبير

الحجر اللي اتشال الحاجات دي قبل ماتتغير لازم تقراها بنفسك

ahmedebed
10-01-2011, 02:07 PM
ايه اللي حصل ياجماعه

الموضوع كان متثبت ولاكن اتفك تثبيته

هل الاداره شايفه انه لا يستحق ولا محتوياته غير مجديه

مع اني شايف ان فيه موضوع متثبت عن الجراند لا يرقي

لموضوعي

ارجوا من الاداره ان تراجع الموضوعين

ahmedebed
10-01-2011, 07:16 PM
ارجو اهتماااااااااااااام

ahmedebed
11-01-2011, 06:42 PM
هو المنتدي كان واقع

ولا انا مكنتش عارف ادخل

tham1010
09-02-2011, 11:29 PM
أستاذ أحمد موضوعك رائع ويستحق التثبيت للأبد. الحقيقة لو معايا فلوس التريوس كنت جبتها أنا معايا هيونداى ماتريكس كورى يعنى فيها كل الكمليات وفرامل ABS وحاجات كتيرة ولكن بشكل عام العربية مش هنقارنها بالتريوس رغم ان الماتور واحد ولكن التريوس اعلى عن الأرض. الماتركس أرتفاعها عن الأرض 16 سنتى. حضرتك العربية أرتفعها كام عندك. الماتركس اقصر فى الطول فالمناورة بتاعتها أفضل شوية. أكيد لو هشترى فى المستقبل هجيب تريوس.....

cheetosmini
10-02-2011, 12:39 AM
موضوع مميز جدا ومجهود رائع

karem ali
10-02-2011, 03:20 AM
شكرا على التقرير الرائع ده عن الجراند تيريوسGIFT4U

خالداعزالناس
10-02-2011, 07:03 AM
تقرير ممتاز GIFT4U
لكن السياره .... احس انها ..... غير اعتماديه
لارتفاعها عن الارض الزائد..... وقله عرض السياره ..... تحس ان السياره وهى ماشيه .... غير ثابته اطلاقا

alhossiny
28-02-2011, 04:18 PM
السلام عليكم
تيريوس 2011 نزلت السوق، هل يعرف أحد ما الجديد فيها عن 2010؟؟
مع الشكر

kheir1980
17-03-2011, 01:15 AM
انا ناوى ان شاء الله اجيب الجراند بس خليجى هصورها فى التوكيل وتعرفنى الفرق بالموجود فى مصر 2011GIFT4U

mito-
29-03-2011, 12:56 PM
كده انا اكملت اكسسوارات اللازمه للجراند بالنسبه ليا

1- دفندرات

2-سلم جانبي

3-اريال سقف

4-جهازانذار

5-وحده رفع

6-صدادات للابواب

7-شريط اسود رفيع علي شفه زجاج الابواب الامامي

8-حساسات ركن<!-- google_ad_section_end -->
الاخ احمد
سامحنيان كنت شفت الموضوع متاخر كتير
بس انا معايا تيريوس 2009 طلبية من اليابان ومقيم فى السعودية
عندى مشكلة كبيرة جدا فى الاكسسوارات عموما عشان مطولش


1- دفندرات سعرة كام فى مصر ؟

2-سلم جانبي موجود من الوكالة

3-اريال سقف موجود من الوكالة مختلف عن التريوس الى في السوق

4-جهازانذار موجود من الوكالة

5-وحده رفع موجود من الوكالة

6-صدادات للابواب

7-شريط اسود رفيع علي شفه زجاج الابواب الامامي

8-حساسات ركن - موجود من الوكالة

ولو تقدر تفدنى بحد معين يكون شغال فى اكسسوارات التريوس يبقى كدة تمام

وسامحنى لو طولت عليك:crazyW14:

mito-
29-03-2011, 01:07 PM
صيــــــــــــــــــــــــــانه الالـــــــــــــــــــــــف


ذهبت اليوم لعمل صيانه الاف وكنت حاجز من يوم الاربعاء علي صباح اليوم


تواجدت في المركز الساعه التاسعه صباحا تمت الاجرائات بسهوله ويسر من الباشمهندس

مجدي في الاستقبال وعليه تم ادخال السياره للسرفيس ودخلت معاها قالولي انتظر في

الاستراحه قلتلهم لاء انا عايز اجابات علي شويه اسئله من الفنيين معلش انا داخل معاها

وفعلا استلمها الكهربائي وشييك علي الانوار والاشارات والزجاج سئلني بتشتكي من حاجه

قلتله عندي صدااااع علشان صاحي بدري ههههههههههه قاللي لاء العربيه قلتله لالا كله تمام

فأستلمها الميكانيكي وسئلني ورديت نفس الرد0

المهم راجع عالسوائل واكتشفت ان سائل التبريد بيها لونه احمر وهم بيزودوه بالماء المقطر

المهم انا مازودتش الماء لانه مش محتاج بس حاجيب جركن ماء احمر معايا للزياده منه

سئلته عن تحديد الزيوت وعلاماتها وافهمني كل شئ عنها بسلاسه ويسر

نزع فلتر الهواء ونضفه ثم رفع السياره عالكوريك وربط العفشه وفجئه احضر علبه اسبراي

ورش بيها العفشه وفصلات الابواب والمرايات (للاسف نسيت اسئله اجيبها منين حد هنا يعرف)

المهم قاللي نوديها تتغسل اعتذرت له لاني مستعجل والدنيا بتشتي يبقي الغسيل مالوش لزوم

المهم كله تمام 00 اخرجولي العربيه واستلمت دفتر الضمان وركبت السياره 00 الله لالالا السياره

فيها حاجه غريبه العربيه انعم والباور اسهل فيه ايه دول ماعملوش حاجه زياده كنت واقف مش عارف

مايكونش الاسبراي السحري ده ممكن حد يعرف الاسبراي ده ايه يا جماعه ولا اسئل عليه

ونتااااااااااابع<!-- google_ad_section_end -->
يا ابو حميد اسف انى هقاطعك فى موضوع الضمان الخليجى بيخش الضمان عادي جدا لو معاك كارت الوكيل الى هوة عبد اللطيف جميل الى هوة بردة اساسا وكيل ديهاتسو مصر ووكيلها فى الشرق الاوسط عموما انا معايا خليجى ودخلتها صيانة العشرين فى مصر لما كنت فى اجازة

ahmedebed
02-04-2011, 02:45 PM
أستاذ أحمد موضوعك رائع ويستحق التثبيت للأبد. الحقيقة لو معايا فلوس التريوس كنت جبتها أنا معايا هيونداى ماتريكس كورى يعنى فيها كل الكمليات وفرامل ABS وحاجات كتيرة ولكن بشكل عام العربية مش هنقارنها بالتريوس رغم ان الماتور واحد ولكن التريوس اعلى عن الأرض. الماتركس أرتفاعها عن الأرض 16 سنتى. حضرتك العربية أرتفعها كام عندك. الماتركس اقصر فى الطول فالمناورة بتاعتها أفضل شوية. أكيد لو هشترى فى المستقبل هجيب تريوس.....

بارك الله فيك وليك اخي

ارتفاع التريوس من 17.5 ل 20.00 سم

ahmedebed
02-04-2011, 02:52 PM
موضوع مميز جدا ومجهود رائع

بارك الله فيك وليك

شكرا على التقرير الرائع ده عن الجراند تيريوسGIFT4U

بارك الله فيك وليك

يا ابو حميد اسف انى هقاطعك فى موضوع الضمان الخليجى بيخش الضمان عادي جدا لو معاك كارت الوكيل الى هوة عبد اللطيف جميل الى هوة بردة اساسا وكيل ديهاتسو مصر ووكيلها فى الشرق الاوسط عموما انا معايا خليجى ودخلتها صيانة العشرين فى مصر لما كنت فى اجازة


حلو جدا جدا

ahmedebed
02-04-2011, 02:54 PM
تقرير ممتاز GIFT4U
لكن السياره .... احس انها ..... غير اعتماديه
لارتفاعها عن الارض الزائد..... وقله عرض السياره ..... تحس ان السياره وهى ماشيه .... غير ثابته اطلاقا

لالالالالا راجع التقرير وانت تعرف

السلام عليكم
تيريوس 2011 نزلت السوق، هل يعرف أحد ما الجديد فيها عن 2010؟؟
مع الشكر



لاجديد نفس المواصفات


انا ناوى ان شاء الله اجيب الجراند بس خليجى هصورها فى التوكيل وتعرفنى الفرق بالموجود فى مصر 2011GIFT4U


موجود في التقرير راجعه

ahmedebed
02-04-2011, 02:56 PM
الاخ احمد
سامحنيان كنت شفت الموضوع متاخر كتير
بس انا معايا تيريوس 2009 طلبية من اليابان ومقيم فى السعودية
عندى مشكلة كبيرة جدا فى الاكسسوارات عموما عشان مطولش


1- دفندرات سعرة كام فى مصر ؟

2-سلم جانبي موجود من الوكالة

3-اريال سقف موجود من الوكالة مختلف عن التريوس الى في السوق

4-جهازانذار موجود من الوكالة

5-وحده رفع موجود من الوكالة

6-صدادات للابواب

7-شريط اسود رفيع علي شفه زجاج الابواب الامامي

8-حساسات ركن - موجود من الوكالة

ولو تقدر تفدنى بحد معين يكون شغال فى اكسسوارات التريوس يبقى كدة تمام

وسامحنى لو طولت عليك:crazyW14:

اخي راجع التقرير الاسعار والاماكن موجوده

وحضرتك في اي محافظه للاماكن

zoom man
06-04-2011, 02:03 AM
مشكووووووووور على التقرير الاكثر من رائع وكنت عاوز اعرف المانيوال بتاعة الصغيرة سعرها كام 2011 حاليا فاضية وربنا يوفقنا كلنا انت حببتنا فى العربية بعد كلامك عنها

Dem0n
09-04-2011, 07:03 PM
بجد موضوع حلو اووووي و طريقتك خلتي اوصل لي الصفحة ٢٠ ( هكمل اكيد قرايتهم بعدين )
ربنا يباركلك في العربية

ahmedebed
10-04-2011, 03:51 PM
مشكووووووووور على التقرير الاكثر من رائع وكنت عاوز اعرف المانيوال بتاعة الصغيرة سعرها كام 2011 حاليا فاضية وربنا يوفقنا كلنا انت حببتنا فى العربية بعد كلامك عنها



<TABLE id=NewCarList_Table border=0 cellPadding=0 width="100%"><TBODY><TR><TD colSpan=5>


</TD></TR><TR class=NewCar_list_names><TD>تريوس (http://www.contactcars.com/NewCars_Profile.asp?EngineID=2404)</TD><TD>1.5 2WD A/T </TD><TD>2011 </TD><TD>118400</TD><TD> (http://www.contactcars.com/CarPayment.asp?MakeID=30&ModelID=93&EngineID=2404)</TD></TR><TR class=NewCar_list_names_light><TD>تريوس (http://www.contactcars.com/NewCars_Profile.asp?EngineID=2405)</TD><TD>1.5 2WD F/O A/T </TD><TD>2011 </TD><TD>125400</TD><TD> (http://www.contactcars.com/CarPayment.asp?MakeID=30&ModelID=93&EngineID=2405)</TD></TR><TR class=NewCar_list_names><TD>تريوس (http://www.contactcars.com/NewCars_Profile.asp?EngineID=2406)</TD><TD>1.5 2WD F/O A/T LTD </TD><TD>2011 </TD><TD>128400</TD><TD> (http://www.contactcars.com/CarPayment.asp?MakeID=30&ModelID=93&EngineID=2406)</TD></TR><TR class=NewCar_list_names_light><TD>تريوس (http://www.contactcars.com/NewCars_Profile.asp?EngineID=2407)</TD><TD>1.5 4WD F/O A/T High Line </TD><TD>2011 </TD><TD>151500</TD><TD> (http://www.contactcars.com/CarPayment.asp?MakeID=30&ModelID=93&EngineID=2407)</TD></TR><TR class=NewCar_list_names><TD>تريوس (http://www.contactcars.com/NewCars_Profile.asp?EngineID=2408)</TD><TD>1.5 2WD F/O A/T High Line </TD><TD>2011 </TD><TD>139000
</TD></TR></TBODY></TABLE>

واي خووووووووووودعه

بجد موضوع حلو اووووي و طريقتك خلتي اوصل لي الصفحة ٢٠ ( هكمل اكيد قرايتهم بعدين )
ربنا يباركلك في العربية



عييييييييش يا عم وادعيللي بالستر والصحه

ahmedlion599
16-04-2011, 05:55 AM
موضوع أكتر من رائع....تسلم الأيادى

medooo99
20-04-2011, 04:11 AM
انا محتار شوفت السوزوكى sx4 ال 2x4
النهارده وعجبتنى اوى وانا كنت خلاص ناوى اشترى تيريوس GXR
بس احتارت ومحتاج النصيحه من اهل الخبره

ahmedebed
20-04-2011, 06:47 PM
انا محتار شوفت السوزوكى sx4 ال 2x4
النهارده وعجبتنى اوى وانا كنت خلاص ناوى اشترى تيريوس GXR
بس احتارت ومحتاج النصيحه من اهل الخبره


الاتنين حلوين

الاتنين طعمين

حدد اختياراتك بين الاوبشنز والحجم

وسعه الموتور

ahmedebed
09-05-2011, 06:59 PM
اتصلت بمركز الصيانه وحجزت لصيانه ال 20000 كيلووووووووووووووووز


ونتابعكم بالاخباااااااااااااااااااار


علي فكره صوت موتور العربيه بقي عالي ومش عاجبني في حاله واحده

لما اكون واقف في اشاره ومشغل التكييف ودايس فرامل ومعشق الدي


ماكانش عالي الاول نروح ونشوف ونتابعكم بالتفاصيل

ahmedebed
12-05-2011, 08:51 PM
http://img542.imageshack.us/img542/8995/20000x.th.jpg (http://imageshack.us/photo/my-images/542/20000x.jpg/)
Uploaded with ImageShack.us (http://imageshack.us)

ahmedebed
12-05-2011, 08:52 PM
السااااااااااااااااابق فاتوره صيانه ال20000


العربيه الان ناعمااااااااااااااا زي الحرير

والصوت اللي كنت بشتكي منه كان بسبب فلتر الهوا

طاااااالع اسووووووووووووووووود

طبعا مش حاقول علي نضافه وحسن استقبال الناس في مركز الرزق

عالم جميله جميله جميله

وكل المهندسين والله زي العسل

hyundai2005
13-05-2011, 01:34 PM
والله موضوع جبار وشكرا علي مجهودك الوفير فيه واسف لاني اول مره اشوفهGIFT4U

ahmedebed
13-05-2011, 07:44 PM
والله موضوع جبار وشكرا علي مجهودك الوفير فيه واسف لاني اول مره اشوفه
GIFT4U


كددددددددده بررررررررضه

يا عموناااااااااا المشرررررررررف

موضوع مثبت وبقاله سنه ونص ولسه شاااااايف

ده اناااااا زعلااااااااااااااااان وعاوزك تصاااالحني بجاااااااااااا

hyundai2005
13-05-2011, 09:03 PM
كددددددددده بررررررررضه

يا عموناااااااااا المشرررررررررف

موضوع مثبت وبقاله سنه ونص ولسه شاااااايف

ده اناااااا زعلااااااااااااااااان وعاوزك تصاااالحني بجاااااااااااا

لا ماقدرش علي زعلك انت تامر وانا انفذ وحكمك نافذ:crazyW14::crazyW14:

ahmedebed
13-05-2011, 10:13 PM
لا ماقدرش علي زعلك انت تامر وانا انفذ وحكمك نافذ
:crazyW14::crazyW14:


ما يأمرش عليك وعلينا ظالم يارب

بص يا سيدي انا خرابيش العيال عالعربيه حاتتجنني

ومش عاوز ارششششششش وبيقولوا فيه كومبوند الوان

ايشي اسود وايشي احمر واديني في الالعاااااااااب

ودايخ عليه معندكش معلومه يا عمونااااااااااااااااااااا

وكان فيه اعلان علي قناه اجنبيه ولا ايه مش فاكر عن قلم

ومعاه كريم تلون الخربوش بالقلم وتدعك مكانه بالكريم

وكله في التمااااااااااام برضه معندكش معلومه اهو كله

خدمه للاعضاااااااااااااااء

hyundai2005
13-05-2011, 10:22 PM
ما يأمرش عليك وعلينا ظالم يارب

بص يا سيدي انا خرابيش العيال عالعربيه حاتتجنني

ومش عاوز ارششششششش وبيقولوا فيه كومبوند الوان

ايشي اسود وايشي احمر واديني في الالعاااااااااب

ودايخ عليه معندكش معلومه يا عمونااااااااااااااااااااا

وكان فيه اعلان علي قناه اجنبيه ولا ايه مش فاكر عن قلم

ومعاه كريم تلون الخربوش بالقلم وتدعك مكانه بالكريم

وكله في التمااااااااااام برضه معندكش معلومه اهو كله

خدمه للاعضاااااااااااااااء

بص يا غالي بالنسبه للخرابيش لو سطحيه حتجيب علبه كامبوند عادي ب5 جنيه وعلبه بولش ب 5 جنيه وبعدين تجيب قطن وتدعك الكامبوند دواير لحد مايروح خالص وبعدين تخش عالبولش ونفس الطريقه حتلاقي كله تمام
لاكن لو الخرابيش عميقه وواصله للصاج يبقي حتجيب قلم دوكو بلون العربيه ب 12 جنيه وتلون الخرابش وبعدين تعمل الخوات السابقه بالبولش والكامبوند عشان تطبع مع بعض وبعدين هو حضرتك منين ولون عربيتك ايه ؟

ahmedebed
13-05-2011, 10:28 PM
يا حلااااااااااوتك يا مشرفنا وحلاوه ردودك وسرعتها

انا من اسكندريه ولون العربيه سودااااء

واديني معلومااااات مااااااااات ماااااااااااااات هههههههههههههه

hyundai2005
13-05-2011, 10:30 PM
يا حلااااااااااوتك يا مشرفنا وحلاوه ردودك وسرعتها

انا من اسكندريه ولون العربيه سودااااء

واديني معلومااااات مااااااااات ماااااااااااااات هههههههههههههه

بس كده عليك وعلي عزبه سعد في سموحه .
في 15 محل جنب بعض فيهم الاقلام بجميع الالوان

ahmedebed
13-05-2011, 10:49 PM
بس كده عليك وعلي عزبه سعد في سموحه .


في 15 محل جنب بعض فيهم الاقلام بجميع الالوان




ماهي سهله حكايه القلم والكومبوند والبوليش

تمام التمام

عموما حاجربها علي خربوش واحد ويكون خلفي علشان لو مش حلو

يبقي مخسرناش حاجه

وانا برضه مصمم علي القلم بتاع الاعلان ربنا يسهل واتكعبل فيه

ونعلن عنه هناااااااااااااااا

ومشكووووووور فضلك يا جمييييييييييييل

وياريت ماتحرمناش من زياراتك هناااااااااااا

hyundai2005
13-05-2011, 10:54 PM
تسلملي يا غالي ومنور المكانGIFT4UGIFT4UGIFT4U

ahmedebed
18-05-2011, 04:14 PM
المفااااااااااااااااجئه القااااااااااااادمه










معااااااااااااااااااالج الخراااااااااااااااابيش





انتظرووووووووووووونااااااااااااااااااااااا

ahmedebed
18-05-2011, 07:30 PM
المفااااااااجئه عبوه لاخفاء الخرابيش

عباره عن عبوه بلاستيك بها سائل بلون العربيه منها الاسود والاحمر والاخضر والفضي و00و0000

العبوه ثمنها 40 جنيه وطريقه الاستعمال مكتوبه عليها وسهله جدا الاااا وهي

غسيل العربيه كويس والتنشيف ايضا ثم استعمال قطنه ووضع السائل عليها

ثم مسح الخرابيش وماحولها بالقطنه مع تشريب مكان الخربوش

تترك لمده نص ساعه تقريبا ثم تمسح بقطنه اخري جااااافه

وادعيللي عالنتيجه

ومعاك الصور<!-- google_ad_section_end -->

ahmedebed
18-05-2011, 08:02 PM
http://img12.imageshack.us/img12/9529/55399248.th.jpg (http://img12.imageshack.us/i/55399248.jpg/)

ahmedebed
18-05-2011, 08:05 PM
http://img819.imageshack.us/img819/5792/80519248.th.jpg (http://img819.imageshack.us/i/80519248.jpg/)


قبل التلميع والخرابيش ظاهره علي امتداد البنطلون لاموأاااخذه ههههههههههههه

ahmedebed
18-05-2011, 08:06 PM
http://img402.imageshack.us/img402/8743/60573320.th.jpg (http://img402.imageshack.us/i/60573320.jpg/)


بعد التلميع واللون واللمعه فله شمعه منووووووووره

ahmedebed
18-05-2011, 08:09 PM
انت فين يااااااا عموناااااااااااا الموووووشرف

hyundai2005
18-05-2011, 08:24 PM
ايه الجمال والحلاوه دي عترت فين علي البتاع السحري ده
اسمه ايه ؟ وجيبته منين بالظبط ؟
والف مبروك عالتلميعه ولا عزاء للخرابيش

MASalex
18-05-2011, 09:05 PM
شكرا أستاذ أحمد على موضوعك الجميل
طبعا أنت خلتنا نجيب التريوس يا عموناااااااGIFT4U
بس المفروض انك تاخد عمولة من التوكيل