المساعد الشخصي الرقمي

مشاهدة النسخة كاملة : انواع الفرامل


abo adhm
04-11-2009, 10:59 PM
ما هو الفرق بين الفرامل الديسك والطنابير وايهما افضل؟

2- كيف استطيع ان اعرف ان عربيتي فيها فرامل خلفيه؟

3- وكيف اعرف انها ديسك او طنابير؟---- وهل تفرق العربيه فيها فرامل خلفيه او لأ؟

pro mada
05-11-2009, 12:03 AM
الفرامل الي في عربيه زي الفيرنا مثلا ديسكات ورا وطنابير قدام عشان مفيهاش abs و لكن السيراتو مثلا ديسكات ورا و ديسكات قدام برضه مش طنابير عشان فيها فرامل abs
ارجو ان اكون قد افدتك

POP EL GAMED
05-11-2009, 02:01 AM
ما هو الفرق بين الفرامل الديسك والطنابير وايهما افضل؟

2- كيف استطيع ان اعرف ان عربيتي فيها فرامل خلفيه؟

3- وكيف اعرف انها ديسك او طنابير؟---- وهل تفرق العربيه فيها فرامل خلفيه او لأ؟

الفرق بين الفرامل الديسكات والطبل ان الديسكات بتفرغ الحراره اسرع واحكام غلقها افضل
والافضل الديسكات
2-عربيتك لازم يكون فيها فرامل خلفيه كل العربيات فيها فرامل اماميه وفرامل خلفيه
3-الديسك بتكون قدام زى ورا اللى ورا بتكون طبل(بتكون مقفله) مش زى الاماميه
ومعظم العربيات الفئات العاديه طبل ورا وديسكات قدام

mohamed ibiza
05-11-2009, 02:22 AM
الفرامل الي في عربيه زي الفيرنا مثلا ديسكات ورا وطنابير قدام عشان مفيهاش abs و لكن السيراتو مثلا ديسكات ورا و ديسكات قدام برضه مش طنابير عشان فيها فرامل abs
ارجو ان اكون قد افدتك


للتوضيح فقط ..

لا علاقة بين كون الفرامل ديسكات او طبلات و بين وجود الabs او عدم وجوده

هناك سيارات فراملها الامامية ديسكات و الخلفية طبلات و بها abs

و هناك سيارات بها فرامل امامية و خلفية ديسكات و ليس بها abs

http://www.cars-club.com/up/8-2-1/carsclub_25734252.JPG

ده مثال دي ابيزا 1994 موتور 2000 سي سي بعفشته كامله بفرامله كامله ادام ديسكات و ورا طبلات الطبلات او drums هو الاسم العلمي الصحيح للي موجود في العجله الخلفية في الصورة

pro mada
05-11-2009, 02:28 AM
للتوضيح فقط ..

لا علاقة بين كون الفرامل ديسكات او طبلات و بين وجود الabs او عدم وجوده ازاااااااااااي ؟؟؟؟

هناك سيارات فراملها الامامية ديسكات و الخلفية طبلات و بها abs ازاااااااااااااااااي ؟؟؟؟؟؟؟

و هناك سيارات بها فرامل امامية و خلفية ديسكات و ليس بها abs ازااااااااااااااي ؟؟؟؟؟؟؟

http://www.cars-club.com/up/8-2-1/carsclub_25734252.JPG

ده مثال دي ابيزا 1994 موتور 2000 سي سي بعفشته كامله بفرامله كامله ادام ديسكات و ورا طبلات الطبلات او drums هو الاسم العلمي الصحيح للي موجود في العجله الخلفية في الصورة


ازاي تقول ان مش لازم تكون الفرامل ورا و قدام ديسكات عشان ال abs ??????

انامتأكد من كلامي مليون الميه و كل الناس عارفه موضوع الفرامل ده


فرامل الفيرنا ( قدام ديسكات و ورا طبلات ) و دي فرامل عاديه
فرامل السيراتو ال ABS ( قدام ديسكات و ورا ديسكات )

mohamed ibiza
05-11-2009, 02:35 AM
ازاي تقول ان مش لازم تكون الفرامل ورا و قدام ديسكات عشان ال abs ??????

انامتأكد من كلامي مليون الميه و كل الناس عارفه موضوع الفرامل ده


فرامل الفيرنا ( قدام طبلات و ورا ديسكات ) و دي فرامل عاديه
فرامل السيراتو ال ABS ( قدام ديسكات و ورا ديسكات )



حضرتك انا مش بقول كلام من فراغ انا مش جديد في العربيات عشان اقول حاجة انا مش واثق منها:)

قبل ما تقول مليون% حضرتك غلطت غلطه :)

حضرتك بتقول طبلات ادام في الفيرنا

سعادتك الطبلات مبتبقاش ادام اصلا !

الديسكات بتبقي دايما ادام و الطبلات ورا :) و ده معروف من قديم الازل !

طب ايه رأي حضرتك في الفيات 124 موديل 1973 الفرامل ادام و ورا ديسكات و مفهاشabs :)

و لو حضرتك لسه واثق بنسبة مليون% من كلامك اعمل موضوع و اسأل خبراء المنتدي و لو حضرتك كلامك صح اوعدك مش هفتح بقي بكلمة في اي موضوع يخص السيارات مرة تانية:)

و للعلم:

نظامabs يعتمد علي ضخ الزيت للعجل عن طريق النبضات و النبضات دي بتتحس لما تدوس علي بدال الفرامل :)

pro mada
05-11-2009, 02:43 AM
ازاي تقول ان مش لازم تكون الفرامل ورا و قدام ديسكات عشان ال abs ??????

انامتأكد من كلامي مليون الميه و كل الناس عارفه موضوع الفرامل ده


فرامل الفيرنا ( قدام ديسكات و ورا طبلات ) و دي فرامل عاديه
فرامل السيراتو ال ABS ( قدام ديسكات و ورا ديسكات )

حضرتك انا مش بقول كلام من فراغ انا مش جديد في العربيات عشان اقول حاجة انا مش واثق منها:)

قبل ما تقول مليون% حضرتك غلطت غلطه :)

حضرتك بتقول طبلات ادام في الفيرنا

سعادتك الطبلات مبتبقاش ادام اصلا !

الديسكات بتبقي دايما ادام و الطبلات ورا :) و ده معروف من قديم الازل !

طب ايه رأي حضرتك في الفيات 124 موديل 1973 الفرامل ادام و ورا ديسكات و مفهاشabs :)

و لو حضرتك لسه واثق بنسبة مليون% من كلامك اعمل موضوع و اسأل خبراء المنتدي و لو حضرتك كلامك صح اوعدك مش هفتح بقي بكلمة في اي موضوع يخص السيارات مرة تانية:)

و للعلم:

نظامabs يعتمد علي ضخ الزيت للعجل عن طريق النبضات و النبضات دي بتتحس لما تدوس علي بدال الفرامل :)


اولا انا كاتب ان الطبلات ورا و بص كويس علي كلامي
ثانيا انا متأكد ان نظام ال ABS لازم تكون الفرامل ورا و قدام ديسكات
موضوع الفيات انت بتقول بنفسك موديل 73 يعني لسه مكنوش اخترعوا الفرامل ال abs من اساسه و فعشان كده عادي ان العربيه الفيات دي ديسكات قدام و ورا و مفيهاش نظام ال abs

و الاختلاف في الرأي لا يفسد للود قضيه

mohamed ibiza
05-11-2009, 02:54 AM
اولا انا كاتب ان الطبلات ورا و بص كويس علي كلامي
ثانيا انا متأكد ان نظام ال ABS لازم تكون الفرامل ورا و قدام ديسكات
موضوع الفيات انت بتقول بنفسك موديل 73 يعني لسه مكنوش اخترعوا الفرامل ال abs من اساسه و فعشان كده عادي ان العربيه الفيات دي ديسكات قدام و ورا و مفيهاش نظام ال abs

و الاختلاف في الرأي لا يفسد للود قضيه


انا باصص كويس يا استاذ :) لكن حضرتك عدلت المشاركة و ده مكتوب تحت مشاركتك انك عدلتها و تحديد الساعة 1:32 دقيقة :)

و ادي اللي حضرتك كنت قايله قبل التعديل

http://www.cars-club.com/up/8-2-1/carsclub_80944701.JPG

يعني انا باصص كويس و قاري كلامك كويس :)

ما انا قلتلك لو متأكد اوي كده ليه منسألش خبراء المنتدي مش يمكن انا اطلع غلط ؟!

غير كده :)


شركة بورشه طورت نظام abs عام 1930

و الفيات دي كانت موديل 1973 !

يعني بعد تطوير النظام ب 43 سنة :)

و الكلام ده نتيجة البحث في الانترنت

غير كده اللي اتشاف علي ارض الواقع

الابيزا 2006

و البروشور بتاعها معايا :)

فيهاabs رغم انها ديسكات ادام و طبلات ورا و انا شفتها بنفسي و لي صديق كان عندهم واحده و كانت طبلات خلفية و ديسكات اماميه

و طبعا الخلاف في الرأي لا يفسد للود قضية

و لو مازلت مصر علي رأيك يا ريت الناس تقول رأيها في الكلام ده

هل نظامabs ليه علاقة بكون فرامل السيارة ديسكات امامي و خلفي ام ديسكات امامية و طبلات خلفيه؟!؟!

hazem_khidr
05-11-2009, 03:05 AM
سوري يا برو انت غلط
الديسكات و الطبلات مالهاش علاقه اذا كان العربيه فيها abs ام لا
عندك مثل البي ام الفئه التالته
ال316 و 318 و 320 حتلاقي ديسكات امامي و طبله خلفي
من اول 325 و 330 و الام 3 بتبقي ديسكات امامي و خلفي لانها بتبقي اقوي
رغم ان كل الفئات دي فيها abs!!!!
و حنروح بعيد ليه
الياريس مثلا و دي انا عندي منها مانيوال و ابن خالي معاه اتوماتيك
المانيوال مافيهاش abs لكن الاتوماتيك فيها
و الاتنين ديسكات قدام و طبلات في الخلف!!!!!!!!!
الخلاصه:
ميكانيكيه الفرامل ليس لها علاقه بالاجهزه الكهربائيه المضافه اليها

pro mada
05-11-2009, 03:07 AM
انا باصص كويس يا استاذ :) لكن حضرتك عدلت المشاركة و ده مكتوب تحت مشاركتك انك عدلتها و تحديد الساعة 1:32 دقيقة :)

و ادي اللي حضرتك كنت قايله قبل التعديل

http://www.cars-club.com/up/8-2-1/carsclub_80944701.JPG

يعني انا باصص كويس و قاري كلامك كويس :)

ما انا قلتلك لو متأكد اوي كده ليه منسألش خبراء المنتدي مش يمكن انا اطلع غلط ؟!

غير كده :)


شركة بورشه طورت نظام abs عام 1930

و الفيات دي كانت موديل 1973 !

يعني بعد تطوير النظام ب 43 سنة :)

و الكلام ده نتيجة البحث في الانترنت

غير كده اللي اتشاف علي ارض الواقع

الابيزا 2006

و البروشور بتاعها معايا :)

فيهاabs رغم انها ديسكات ادام و طبلات ورا و انا شفتها بنفسي و لي صديق كان عندهم واحده و كانت طبلات خلفية و ديسكات اماميه

و طبعا الخلاف في الرأي لا يفسد للود قضية

و لو مازلت مصر علي رأيك يا ريت الناس تقول رأيها في الكلام ده

هل نظامabs ليه علاقة بكون فرامل السيارة ديسكات امامي و خلفي ام ديسكات امامية و طبلات خلفيه؟!؟!


هو حضرتك متضايق اوي كده ليه ؟؟؟؟؟؟؟؟؟
اولا انا مختش بالي اني كتبت المشاركه غلط فعدلتها و انا افتكرت انك شوفتها بعد التعديل فعشان كده قولتلك بص كويس علي كلامي و انا مكنتش اعرف انك شوفت المشاركه قبل ما تتعدل بالرغم اني عدلتها علي طول

ثانيا : المعلومات اللي عندي من المنتدي ده اللي حضرتك عايز تحكم الاعضاء بتوعه

الخلاصه لو عايز تخلي الاعضاء يقولوا رأيهم مفيش مشكله عندي
بس انا خايف ان الموضوع يتحول لخلاف شخصي و لو حضرتك متابع في بعض الاعضاء شتمتني عشان اختلفت معاهم في الرأي ( انا مش قصدي حاجه عليك و الله بس انا خايف من الاعضاء التانيين ) حضرتك و نعم الاخ اللي بيختلف مع اخوه و انا اول مره اخش جدال مع حد محترم زي حضرتك و مفيش مشاكل من اي حاجه و لو عايز تحكم الاعضاء حكمهم

mohamed ibiza
05-11-2009, 03:13 AM
هو حضرتك متضايق اوي كده ليه ؟؟؟؟؟؟؟؟؟
اولا انا مختش بالي اني كتبت المشاركه غلط فعدلتها و انا افتكرت انك شوفتها بعد التعديل فعشان كده قولتلك بص كويس علي كلامي و انا مكنتش اعرف انك شوفت المشاركه قبل ما تتعدل بالرغم اني عدلتها علي طول

ثانيا : المعلومات اللي عندي من المنتدي ده اللي حضرتك عايز تحكم الاعضاء بتوعه

الخلاصه لو عايز تخلي الاعضاء يقولوا رأيهم مفيش مشكله عندي
بس انا خايف ان الموضوع يتحول لخلاف شخصي و لو حضرتك متابع في بعض الاعضاء شتمتني عشان اختلفت معاهم في الرأي ( انا مش قصدي حاجه عليك و الله بس انا خايف من الاعضاء التانيين ) حضرتك و نعم الاخ اللي بيختلف مع اخوه و انا اول مره اخش جدال مع حد محترم زي حضرتك و مفيش مشاكل من اي حاجه و لو عايز تحكم الاعضاء حكمهم

يا باشا انا مش مضايق اضايق ليه كل واحد عنده رأيه و هو حر فيه :) بس انا اتعلمت من تجربة المنتديات اني لما اشوف معلومة غلط اصلحها بس مش اكتر و انا مش جديد انا في حوارات العربيات من 5 سنين فا الحمد لله عندي اساسيات و كمية معلومات تخليني اعرف انا بتكلم في ايه :)

و انا خدت سكرين شوت و ورتهالك عشان انت كتبت اني مبصتش علي كلامك كويس فا بقولك بس اني قريت :)


مش مشكلة يا باشا المعلومة منين و ادي واحد من فطاحل المنتدي حازم خضر و هو ليه خبرة بالميكانيكا اكتر مني و اهو رد و اكيد حضرتك شوفت رده

و متخافش مفيش خلافات ولا حاجة ده اختلاف رأي مش اكتر :)

و هما بيقولو رايهم في الموضوع اهو :)

pro mada
05-11-2009, 03:23 AM
سوري يا برو انت غلط
الديسكات و الطبلات مالهاش علاقه اذا كان العربيه فيها abs ام لا
عندك مثل البي ام الفئه التالته
ال316 و 318 و 320 حتلاقي ديسكات امامي و طبله خلفي
من اول 325 و 330 و الام 3 بتبقي ديسكات امامي و خلفي لانها بتبقي اقوي
رغم ان كل الفئات دي فيها abs!!!!
و حنروح بعيد ليه
الياريس مثلا و دي انا عندي منها مانيوال و ابن خالي معاه اتوماتيك
المانيوال مافيهاش abs لكن الاتوماتيك فيها
و الاتنين ديسكات قدام و طبلات في الخلف!!!!!!!!!
الخلاصه:
ميكانيكيه الفرامل ليس لها علاقه بالاجهزه الكهربائيه المضافه اليها


يمكن يا جماعه اكون غلطان
بس انا اللي اتعلمته من 3 سنين ان الفرامل ديسكات ورا و قدام عشان ينفع يبقي فيها abs
و هو ده اللي الناس اللي فاهمه كانت بتردده علي مسامعي
انا اسف يا محمود اني اتجادلت معاك بس انا ليا خبرتي المتواضعه اللي بتخليني انصح الاعضاء هنا بهذا او بذاك و شكر ليك يا حازم باشا

حبيب الناس
05-11-2009, 03:42 AM
ههههههههههههههه

ايه يا جماعه الخناقه ده الباش هندس احمد والاستاذ محمد ابيزا بتخانقو علشان الفرامل

هههههههههه
يا خب احنا اساسا المفروض نفيد الاستاذ ابو ادهم

اجابتي علي الاستاذا ابو ادهم
بنسبة للفرامل يختلف من سياره لسياره ...

وهناك فرق بين ايقاف السياره بدواسه الفرامل وعصا الفرامل الهند بريك
بالنسبه للدواسه بالقدم توقف الاربع عجلات اما الهند بريك يوقف العجلتين الخلفييتين فقط

وأنا رااح أعطيك معلومه شااملة للفرامل ..

الفرمل Brakes :-

تعتبر الفرامل من الاجزاء الحيوية جدا فى السيارة بل لا ابالغ اذا قلت انه اهم الاجزاء على الاطلاق

هل يمكن ان تتخيل سيارة تسير بدون فرامل .. ( لا اعتقد هذا لان النتيجة سوف تكون غير سارة بالتأكيد)

وفى هذا الموضوع سوف اتكلم بالتفصيل عن الفرامل وطريقة عملها وانواعها وارجوا ان يكون موضوع يستفيد
به الجميع ان شاء الله.

نبذة تاريخية:-

بالطبع كلنا نعرف ان السيارة لم تخترع مرة واحدة او على يد عالم معين ولكنها تطوير لاكثر من قرنيين من الزمان

بداية من الثورة الصناعية واختراع اول محرك وهو محرك هيفنس (Highes's Engine ) عام
1680 مرورا بمحرك اوتو ( Otto's Engine ) عام 1876 ثم واخيرا محرك ديزل ( Diesel's Engine )
فى عام 1892

وكان الفضل فى محرك اوتو و ديزل فى تطور السيارات و القاطرات

وغنى بالذكر ان القاطرات كانت تعتبر اول اله متحركة بمحرك صنعها الانسان اى ان ظهور
القاطرات كان قبل ظهور السيارت بفترة وكان هذا بسبب عدة اسباب منها عدم ايجاد طريقة
لايقاف السيارة اى ان سبب من اسباب تأخر صناعة السيارت كان الفرامل

______________________________________________


فرامل الحجر ( Rocks Brake):-


كانت اول نوع فرامل تم استخدامه فى القاطرات وهو بالطبع نوع بدائى جدا وغير معروف اطلاقا حيث انه كان يعتمد
على ربط مجموعة من الاحجار الكبيرة الحجم والثقيلة فى مؤخرة القاطرة بسلاسل معدنية وقبل الوصول الى المكان المراد
يتم ايقاف المحرك و رمى الاحجار التى تعمل على ايقاف القاطرة بقوة احتكاكها بالارض

مميزتها:- لا يوجد اى مميزات اطلاقا

عيوبها:- 1- طريقة غير عملية
2- لا يصلح استخدمها فى السيارات
3- غير دقيقة حيث انها تعتمد على تقدير السائق فى ميعاد رمى الاحجار


___________________________________


الفرامل الميكانيكية( Mechanic Brake ):-


وهى تعتبر من اهم واكثر انواع الفرامل المستخدمة حتى وقتنا الحالى وبالطبع
لا يوجد سيارة تخلو منها حيث ان فرامل اليد ( Hand Brake ) تعتبر نوع من انواع الفرامل الميكانيكية

فكرتها :-

تشبة بكل بساطة فرامل العجلات حيث يوجد تيل فرامل( Fraction Part ) و قابض مربوط بسلك
طويل على رافعة ( حتى يقلل من الجهد المبزول ) وعندما يتم شد هذا السلك
يعمل على الضغط على القابض الذى بالتالى يضغط على التيل فيتم عمل ايقاف للسيارة عن طريق
احتكاك التيل بالعجلات

وقد ساعد على انتشارها فى ذلك الوقت انها كانت عملية وقتها وكذلك كانت سرعة السيارات مازلت
نسبيا بطيئة فكانت تلك الفرامل قادرة نوعا ما على ايقاف السيارة بقوة شد السلك عن طريق زراع

مميزاتها:- 1- سهلة التصميم
2- سهلة الصيانة
3- تتوافق مع جميع انواع السيارات والمركبات

عيوبها:- 1- لا تعمل الا عند السرعات البطيئة
2- تعتمد على القوة اليدوية
3- احتكاك التيل بالعجلات يؤثر عليه
4- نوعا ما غير دقيقة

________________________________________


الفرامل الهيدروليكة ( Hydrualic Brakes ):-

وهى النوع الشائع و المستخدم حاليا وتعتمد على ضغط الموائع ( Fluids ) وتنقسم الى نوعان

1- فرامل الزيت (Oil Brakes )

2- فرامل هوائية (Air Brakes )
_____________________________

اولا :- فرامل الزيت ( Oil Brakes ):-

وهى تستخدم فى جميع السيارات فى الوقت الحالى

وفكرتها بكل بساطة تعتمد على انه عندما يتم الصغط على الفرملة يتم ضغط زيت فى انابيب
حتى يصل الى ماستر الفرامل الرئيسى وهو الجزء الخاص بتوزيع مقدار الزيت على
الاربعة عجلات وبالتالى فى النهاية الزيت يصل الى الماستر الفرعى فى كل عجله
ويعمل على ضغط تيل الفرامل على طنبورة الفرامل التى تكون موصلة بالعجلات
وتعمل على ايقافها

ويجب التنويه ان الزيت المستخدم فى المستخدم هو زيت من نوع خاص ( باكم ) حيث يكون به
مقاومة عالية للانضغاط و مقاومة لعمل الرغاوى حتى لا يتسرب الهواء الى الماستر فيفسد
عمل الفرمله لا قدر الله

مميزاتها:- 1- عملية جدا
2- قوية فى ادائها
3- لا تحتاج الى مجهود كبير

عيوبها:- 1- صعوبة الصيانة نوعا ما
2- احتمال تسريب الزيت و افساد عمل الفرامل فى اى وقت لذا وجب الصيانة الدورية والفحص

________________________________________

ثانيا :- الفرامل الهوائية(Air Brakes ):-

وهى فى المعتاد يتم استخدامها فى العربات الكبيرة و المعدات الثقيلة نظرا لقوتها الشديدة

وهى عبارة عن ضاغط هواء (Compresor ) يوصل بالمحرك وياخذ حركته منه ويتم سحب الهواء
عن طريق مرشح هواء (Air Filter ) لكى يسير فى انابيب بنفس الكيفية حتى يصل الى الماستر الفرعى
ويضغط على التيل الذى يضغط على الطنبورة فيتم ايقاف السيارة

مميزاتها:- 1- قوتها الشديدة جدا
2- سهولة صيانتها بالمقارنة بفرامل الزيت
3- عدم احتياجها الى تغير زيت
4- لا يوجد بها امكانية لتسريب زيت او شئ من هذا القبيل مما يعنى قلة الصيانة

عيوبها:- 1- حجمها كبير جدا جدا لذا لا تصلح فى السيارات الصغيرة
2- ضاغط الهواء الذى بها (Compersor ) يأخذ قوته من المحرك مما يستهلك بعض من
طاقة المحرك وبالتألى تقل القدرة المستفادة ويزداد استهلاك الوقود

__________________________________
ملحوظة:-

يوجد نوعان اخران فى الفرامل المساعدة غير مستخدمة وغير معروفة

1- فرملة العادم 2- الفرملة التى تعمل بالخلخلة

______________________________________


فرامل ABS (Anti Lock brake System

http://autorepair.about.com/library/graphics/abs.gif


http://www.sundevilauto.com/images/diagrams/abs-brakes.jpg

وهى تعتبر ثورة فى عالم الفرامل وتعتبر نوع من انواع فرامل الزيت وسوف اقوم بالكلام عنها
بالتفصيل الممل اوى

تعتبر فكرة فرامل الABS فكرة رائعة جدا حيث انها تعتبر فرامل امان داخل المركبة
وتعتبر اقوى فى الاداء وتقلل من الحوادث ولكى نعرف كيف هذا سوف اقوم بشرح
هذا المثال اولا

فلنفترض ان سيارة تسير بسرعة 100 كم فى الساعة على طريق اسفلتى ويوجد بعض من
بقع المياة على الطريق وفجأة اراد السائق الفرملة فماذا سوف يحدث فى الفرامل
العادية سوف يتم ايقام العجلات الاربعة ولكن السيارة تسير على طريق اسفلتى ملوث بالمياة
اذن فلنفترض ان عجلة من العجلات على الاسفلت والاخرى على الاسفلت الملوث بالمياة

فمعنى هذا ان معامل التماسك بين العجلات والاسفلت اقوى من معامل التماسك بين
العجلات والاسفلت الملوث بالمياة وهذا يعنى ان الفرملة سوف تكون نسبيا اقوى على العجلة الاولى
اكثر من الثانية مما يعنى توقف عجلة قبل الثانية وبالتالى تنحرف السيارة على الاتجاة الثابت بالنسبة لها
وهو العجلة التى على الاسفلت ويمكن ان تنقلب السيارة لا قدر الله اذا كانت تسير بسرعة عالية

وايضا الفرامل العادية تقوم بالفرملة فقط فاذا نحن قمنا بضغط الفرامل مرة واحد لن تستطيع ان تتحكم فى عجلة
القيادة ( الدركسيون ) وهذا امر سوف يلاحظة سائقى السيارات منكم انه بمجرد الضغط على الفرامل تنخفض القدرة
على المناورة تماما .

ومن هنا جائت فكرة الفرامل ABS التى تقوم بوظيفتين اساسيتين:-

1- تقوم عند الفرملة بعمل غلق و فتح للفرملة مرات عديدة فى الثانية الواحدة ومن هنا لا يتأكل
الاطار بسبب الفرامل و يعطينا قدرة على المناورة اثناء الفرامل

2- تقوم بارسال اشارات معينة تجعل فرامل العجلات بنفس النسبة فلا تنحرف السيارة
عند الفرملة فى طريق رملى و اسفلتى او اسفلتى ملوث بالمياة الى اخرة

طريقة العمل:- تتكون من مضخة زيت رئيسية وصمامات تحكم وحساسات( Sensors ) عند كل عجلة
تقوم بقياس سرعة العجل عند الفرملة وترسلها فى جزء من الثانية الى وحدة
المعالجة المركزية (ECU ) التى بالتالى يقوم بمعرفة اذا كانت العجلات تسير بنفس
السرعة عند الفرامل واذا كانت لا تسير بنفس السرعة يرسل امر الى مضخة الزيت
لكى تزيد من نسبة الزيت الواصلة الى الفرامل وهكذا

مميزاتها:-
1- يمنع انقباض العجلات
2- يسمح بالفرملة فى مسافة قليلة خاصة فى الطرق المبتلة
3- يسمح للسائق بعملية توجية السيارة اثناء الفرملة بسهولة
4- تقلل من معدل تأكل الاطارات

عيوبها:-
1- تكلفتها العالية
2- صيانتها الصعبة

اجزاء من الرد منقوله للفائده

mohamed ibiza
05-11-2009, 04:21 AM
احنا مش بنتخانق يا حبيب الناس احنا بنتجادل بس مش اكتر احنا عقلنا اكبر من اننا نتخانق علي حاجة زي دي :)

و الحمد لله ادي الخلاف جاب معلومات كتير :)

POP EL GAMED
05-11-2009, 09:55 AM
احب اضيف للقائمه اللى قالها استاذ محمد واستاذ حازم
اللانسر البووووووووووووومه اللى هى من اكتر العربيات المنتشره فى مصر
يعنى عربيه مرجع بالنسبه للشعب المصرى قدام ديسكات وورا طبل وفيها ABS

moslem2
05-11-2009, 10:20 AM
انا كان معايا فورد فوكس فيها abs ودلوقتى معايا لانسر 2006 مفيهاش abs ومعرفش الفرق بصراحه فمش رضيت ارد علشان مش افتى فياجماعه احنا كلنا بنتعلم من بعض اكيد مش كلنا واخدين دكتوراه فى الميكانيكا ومعظمنا بيعتمد على خبرته والخلاف فى الرأى مش مشكله بس المهم هو الاسلوب فى الحوار وفيه ناس الواحد بيثق فى كلامهم زى الاخ حازم خضر والاخ ابو نورا ونيسان وكتير علشان مش انسى حد والاخ حازم حل الخلاف ورينا يصلح حال الياريس ويسترها انها حلت الخلاف دهptmnlo123per154,,

POP EL GAMED
05-11-2009, 10:33 AM
انا كان معايا فورد فوكس فيها abs ودلوقتى معايا لانسر 2006 مفيهاش abs ومعرفش الفرق بصراحه فمش رضيت ارد علشان مش افتى فياجماعه احنا كلنا بنتعلم من بعض اكيد مش كلنا واخدين دكتوراه فى الميكانيكا ومعظمنا بيعتمد على خبرته والخلاف فى الرأى مش مشكله بس المهم هو الاسلوب فى الحوار وفيه ناس الواحد بيثق فى كلامهم زى الاخ حازم خضر والاخ ابو نورا ونيسان وكتير علشان مش انسى حد والاخ حازم حل الخلاف ورينا يصلح حال الياريس ويسترها انها حلت الخلاف دهptmnlo123per154,,

هو حضرتك معاك لانسر بومه لكن ايه مواصفاتها؟؟؟؟
ممكن بس حضرتك تقولى مواصفاتها ايه؟؟؟؟

moslem2
05-11-2009, 01:39 PM
هو حضرتك معاك لانسر بومه لكن ايه مواصفاتها؟؟؟؟
ممكن بس حضرتك تقولى مواصفاتها ايه؟؟؟؟
انا معايا لانسر بومه 2006 خليجى توكيل الكويت انا مش شوفت فى التابلوه علامة ال ABS وجايب العربيه بقى لى 6 شهور مثلا فمش عارف هى فيها ABS ولا لاء ,انا كان عندى فى الفورد فى التابلوه علامة ال ABS فمعرفش بقى البومه مفيهاش العلامه دى ولا هى اصلا مفيهاش ABS وشكرا ياباشا على ردك وبرده هروح كده اشوف فى الكتالوج بتاع العربيه بس المتاكد منه هو ان مفيش فى التابلوه العلامه,,,وشكرا جزيلا

MO
05-11-2009, 01:45 PM
ههه براحة يا جماعة
صلو علي النبي
كلام نهائي كل واحد يقول ال عندو ف 1 2 3 :)

POP EL GAMED
05-11-2009, 01:49 PM
انا معايا لانسر بومه 2006 خليجى توكيل الكويت انا مش شوفت فى التابلوه علامة ال ABS وجايب العربيه بقى لى 6 شهور مثلا فمش عارف هى فيها ABS ولا لاء ,انا كان عندى فى الفورد فى التابلوه علامة ال ABS فمعرفش بقى البومه مفيهاش العلامه دى ولا هى اصلا مفيهاش ABS وشكرا ياباشا على ردك وبرده هروح كده اشوف فى الكتالوج بتاع العربيه بس المتاكد منه هو ان مفيش فى التابلوه العلامه,,,وشكرا جزيلا

باشا بالنسبه للخليجى هى موتور 1300 ولا 1600
ال1300 مفيهاش ABS
أل1600 بعض الخليجى فيه وبعضه مفيهوش واللى بتتزل من الوكيل بيبقى فيها
يعنى لو جبت 1600 اوتوماتيك او هاف سبورت او سبورت بيكون فيها ABS ده من الاصدار اللى عند الوكيل وبصراحه مش فاكر ال1600 مانيوال فيها ولا لاء بس متأكد من ال1600 اوتوماتيك فيها ABS
وهو ده سبب كلامى ان معظم الخليجى بيكون فيه ABS بالاضافه للى بتنزل من الوكيل عشان كده كنت بقول العربيه دى تعتبر مرجع من كميه اللانسر اللى موجوده فى الشارع

moslem2
05-11-2009, 02:53 PM
هى 1600 اوتوماتيك وجنوط وزوائد بيبقولوا عليها كامل المواصفات ماعدا الفاتحه والجناح فهتأكد بقى هل هى فيها ABS , ومفيهاش العلامه فى التابلوه ولا العلامه مش شغاله ولا ال ABS نفسه مش شغال وربنا يسهل

abo adhm
05-11-2009, 07:04 PM
ياماعه انتو حولتو الموضوع لحاجه شخصيه--------------- انا عندي في السيراطو مش شايف اي فرامل ورا لأن قدام واضح انها ديسكات لكن حاجه مقفوله مش شايف حاجه وبعدين حتي لو ورا طبل معني كده ان الطبل وحش وايهما اقل صيانه انا عيز استفاد

Nissan
05-11-2009, 07:17 PM
الفرامل يا إما ديسكات أو طنابير إية موضوع الطبل و الزمر ده؟
ptmnlo123per154ptmnlo123per154ptmnlo123per154

en6ahmed
05-11-2009, 09:17 PM
السلا عليكم ورحمه الله و بركاته
اولا كل الكلام الي قاله الاستاذ محمد و الاستاذ حازم صحيح 100% و لا شك فيه
العربيه الجراند تريوس ديسكات في الامام و طنابير في الخاف و فيها نظام ABS
اما بالنسبه للسيارات الجديده الي فيها ديسكات في الامام و الخلف فهي لزياده قوه الفرامل

lol
05-11-2009, 09:36 PM
المازدا 3 فرامل وره طبلات وفيها abs

ابو هيما
05-11-2009, 11:54 PM
ألف شكرا للأستاذ pro mada والأستاذ محمد أبيزا ..والله أنتوا الأتنين زى العسل ومناقشتكم ممتعة -والشكر الأكبر هنا للأستاذ حبيب الناس على المعلومات المفيدة والأستاذ حازم خضـر..وبالمناسبة بقى وبما ان الأستاذ محمد أبيزا معنا ..كنت عاوز رأيك وخبرتك يا باشا فى عربية أبيزا موديل 2001 بقوة محرك 1000 سى سى وعاملة 95000 الف كيلو بس من غير تكيف ولأ ساوند سيستم وصاحبها مشترط التسجيل ..كنت عاوز أعرف رأى حضرتك فيها الأول كسيارة عملية وأعتمادية ولأ لأ -وثانيا كنت عاوز أعرف سعرها فى سوق المستعمل أنت شايف حضرتك تعمل كام ..ولك منى ألف شكر
سامحونى يا جماعة أنى خرجت عن الموضوع الأصلى بس بصراحة طالما حضر كينج الأبيزا يبقى لأزم نطلب منه النصيحة ..ولك ألف شكر

mohamed ibiza
06-11-2009, 06:07 PM
لو فعلا عاملة 95 الف كيلو و حالتها نضيفة و مش محتاجة مصاريف في الموتور او العفشه يبقي هتعمل في حدود 33-35 الف

العربية حلوه جدا لو عاملتها بنضافه يعني بنزين 92 و تهتم بالزيوت و الفلاتر و موفره جدا في البنزين و حاجتها متوفره(غالية شوية) و محدش يجيب ميه علي الكنترول او بوابة الانجشكن اثناء غسيل المحرك و كده و العربية عموما ممتازة بس ملحوظة:لو مشيك هادي هتعجبك جدا و بتجري كويس و كل حاجة لو انت بتاع شد و جري و فحت هتستحملك اه لكن مش هتديك اداء قوي لانها 1000 سي سي و المحرك ده محرك اقتصادي يعتمد عليه مش محرك للجري و الاداء العالي

ابو هيما
07-11-2009, 12:00 AM
الف شكر يا أستاذ محمد عل اهتمامك بالرد ..بس كان فى سؤال تانى لو سمحت ومهم ..
أنا من النوع اللى بيسافر وبيتحرك كتير والطبيعة هنا فى جنوب سيناء مطالع ومنازل وملفات كتير ..فهل حضرتك شايف أنها سيارة عملية وثابتة وأهم حاجة متسخنش وتعطل فى الطرق الطويلة وألأهتبقى حوسة وخصوصا الدنيا هنا فاضية من الميكانيكية ما بين دهب ونويبع وطابا ..وأخر حاجة لو سمحت لو أنا أتوفقت فى هذه السيارة مين اللى يقدر يكشف لى عليها ويجبللى من الأخر لو فيها حاجة سواء ماتور او عفشة ..ولك كل الشكر

mohamed ibiza
07-11-2009, 05:01 AM
حضرتك الابيزا معروفة من ناحية الثبات هي ثباتها حلو و لو حطلتها جنط 15 هتبقي احسن و احسن

اما بالنسبة للاعطال فا دي حاجة كلنا معرضين ليها ايا كانت العربية سواء ابيزا ولا جاجوار مش عايز اقولك ان عربية والدي عطلت بينا قبل كده و انت داخل علي بوابات طريق مصر اسكندرية الصحراوي:) و ربك هو اللي بيستر و للعلم هي مرسيدس 280 يعني مش ماركة قليلة بالعكس فا موضوع الاعطال ده اغلبه بيبقي ابتلاء من ربنا و جزء عليك برضه انك تشيك علي عربيتك دايما اللي محتاجاه تجيبهولها ملتزم بمواعيد الصيانة و الزيوت و الفلاتر طالما انت في طرق كلها صحرا و التراب كتير و كده يعني تخليك مهتم بيها و هي هتديك احسن ما عندها هتهمل فيها هتستحملك مش هتقع منك و ده انا متأكد منه و مجربه بس طبعا شوية بشوية هتلاقي العربية بريقها بيطفي و اعطالها تزيد و العربية مش لغز بالعكس الموتور بسيط و اجزاؤه معروفه عايزه حد فاهمها بس و هيجيب اللي فيها

و لو حضرتك اشترتها اطلع بيها علي محمد سمير ورا حديقة بدر في جسر السويس ده للكشف عليها موتور و عفشه

اما بالنسبة لقطع الغيار عندك طبعا المصدر الاول و الاغلي و هو التوكيل و ييجي بعد كده الحرفيين و الوكاله بالنسبة للاستيراد يعني و الجديد عندك فتح الباب-فولكس هاوس-التوفيقية مليانة بتوع فولكس و سيات منهم عبد المسيح و واحد كان اسمه تقريبا هشام لهيطه و غيرهم كتير مليانة بتوع فولكس و سيات و عندك شارع شامبليون فيه ناس كتير منهم سامح ابيزا و فيه منفذ بيع للتوكيل هناك برضه

ابو هيما
07-11-2009, 09:59 AM
بارك الله فيك والف شكر على النصيحة ..أنت بصراحة ماخلتش حاجة .
ربنا يبارك لك وجزاك الله كل الخير وياريت لو انت هنا فى جنوب سيناء تبقى تنورنا ونتشرف أكتر بمعرفتك ..
وعلى فكرة أنا أعمل فى مجال السياحة -تنظيم رحلأت وسفارى بالأضافة الى كل الرحلأت البحرية والغطس -
وده رقم الأيميل بتاعى ramses2004@usa.com :soccer_372:

gtr
07-11-2009, 10:53 PM
الأخ mohamed ibiza (http://www.masrmotors.com/vb/member.php?u=453) انت كلامك صحيح.
لا علاقة بين وجود و عدم وجود ABS و بين شكل الفرامل الخلفية.

أوضح مثال:

الشاحنات. أساسًا تقنية ABS كانت بدايتها في الشاحنات و الحافلات !
و من المعروف أن فرامل الشاحنات الخلفية طبلات دائمًا.

فإذا جاء من يقول : هناك فرق بين الشاحنات و السيارات .. فليستند على أساس علمي.
ما هو الفرق ؟!!!! بل يقال العكس.. بما أن الشاحنات و هي ثقيلة الوزن يها نظام ABS
فمن باب أولى و من الأسهل بكثير أن يتحقق ذلك في السيارات الصغيرة !

إذن, تقنية ABS لا تتطاب كون الفرامل الخلفية على شكل أقراص DISK .

و تقبلوا كلامي فأنا أحاول الاستناد على المنطق و لا أدعي العصمة مع هذا.

waleedashoor
08-11-2009, 04:51 PM
ياه الخناقة جامدة قوى

ولكن ممكن سؤال الى الفريق الذي يقول ان الفرامل ورا لازم ديسكات فى حالة الـabs

لماذا الdrum
ما تنفعش

طب حد عارف (من الناس اللي بتتخانق) كيف يعمل الـabs
أو هو اختصار ايه

الغريبة ان اي حد فى البلد دي بيتقالة ياباشمهندس
طب ليه مابيتقلهوش يادكتور

عارفين ليه

لأن الناس كلها بتكلم وتفتى فى الهندسة بس الطب لا

gtr
10-11-2009, 12:17 AM
ياه الخناقة جامدة قوى

ولكن ممكن سؤال الى الفريق الذي يقول ان الفرامل ورا لازم ديسكات فى حالة الـabs

لماذا الdrum
ما تنفعش

طب حد عارف (من الناس اللي بتتخانق) كيف يعمل الـabs
أو هو اختصار ايه

الغريبة ان اي حد فى البلد دي بيتقالة ياباشمهندس
طب ليه مابيتقلهوش يادكتور

عارفين ليه

لأن الناس كلها بتكلم وتفتى فى الهندسة بس الطب لا


تجاوبًا معك.. ABS هي اختصار
Anti-lock Brake System
أي نظام منع الانغلاق. ذلك لأن الفحمات لا تستمر منغلقة على الأقراص أثناء الضغط على دواسة الكبح.

الآلية :
يتم كبح كل عجلتين متقابلتين بالزاوية في نفس الوقت. أي يتم كبح الأمامي الأيمن مع الخلفي الأيسر
ثم تنفك.
و يتم كبح الأمامي الأيسر مع الخلفي الأيمن.

و هكذا يتم التبديل بشكل سريع جدًا يصل إلى 200 مرة بالثانية. و هذه السرعة تتطلب وجود كمبيوتر لهذا الإنجاز.

الغرض:
توقيف السيارة بدون الخروج عن المسار الذي يحدده السائق.

أنا حاضر لأي استفسار.

Payoo
10-11-2009, 07:30 PM
هناك معلومة مغلوطة يرددها الكثير من الناس وهي أن نظام الـABS مرتبط بشكل وتصميم أسطوانة كبح السيارة (الفرامل) ويعتقد هؤلاء أن التصميم المعروف بأسم Drum لا يمكن ان يكون متصل بنظام مانع الانغلاق ABS ويعتقدوا أن هذا النظام المتطور المانع للإنغلاق مرتبط فقط بالتصميم المسمى Disc

وبالطبع هذه المعلومة خاطئة 100% ومن يعتقد ذلك يفتقرإلى الاطلاع والمتابعة فيما يخص هذا المجال

لذلك نود أن نصحح لهؤلاء أعتقادهم وأن نضيف إليهم معلومة قد تفيدهم

اولا هناك تصميمان للفرامل متعارف عليهم لدى العامة
الأول يكون دائما في مقدمة السيارة وهو ما يسمى بالديسكات وهذا هو شكله

http://www14.0zz0.com/2009/11/10/16/616181023.jpg (http://www.0zz0.com)

http://www14.0zz0.com/2009/11/10/16/267384125.jpg (http://www.0zz0.com)

وأحيانا يتم تركيب نفس هذا التصميم في الفرامل الخلفية أيضا ولا ضرر في ذلك ولا فائدة إضافية تذكر

================================================== ========

ثانيا هناك تصميم اخر للفرامل وهو المعروف باسم الـDrum
وهذه صورة له من الداخل

http://www2.0zz0.com/2009/11/10/16/232817178.jpg (http://www.0zz0.com)


http://www2.0zz0.com/2009/11/10/16/306318560.jpg (http://www.0zz0.com)

http://www2.0zz0.com/2009/11/10/16/316191037.jpg (http://www.0zz0.com)

وكلا التصميمان يقبل أن يتصل ويتفاعل مع نظام مانع الإنغلاق ABS ولكن بعد تعديل بسيط يتم في الشركات المصنعه وهو إضافة حساسات متصلة بنظام مانع الإنغلاق
وأعتقد أن المجال هنا لايسمح بشرح نظرية عمل مانع الإنغلاق وإنما نحن هنا بصدد تعريف قليلي الاطلاع والمعتقدين خطأً بان نظام مانع الإنغلاق لا يوجد سوى في السيارات الموجود بها ديسكات امامية و ديسكات خلفية

وأنا عن نفسي لدي سيارتان الأن كلاهما يوجد بهما نظام الـABS وكلاهما يوجد بهما Drum خلفي و Disc أمامي الاولى هي أسكودا أوكتافيا A4 والثانية هي Grand Terios
وكان لدي سيارة رينو ميجان بها نظام ABS ولكن تصميم الفرامل بها كان Disc أمامي وخلفي

وفي النهاية نرجو من من يدعوا بأنهم متأكدون من شيء ما 1000.000% أن يكونوا ولو على قدر بسيط جدا من العلم او المعرفة أو حتى يكلفوا أنفسهم مشقة الإطلاع لكي لا يجعلوا الناس البسيطة التي تتابع المنتديات وتتخيل أن كل الأعضاء لديهم الخبرة والمعرفة ومن ثم ياخذوا كلامهم بأنه مصدق ونتحمل كمنتدى ذنب نشر المعلومات المغلوطة

شكرا

Payoo
10-11-2009, 08:13 PM
تجاوبًا معك.. ABS هي اختصار
Anti-lock Brake System
أي نظام منع الانغلاق.
هذا التعريف صحيح 100%
ولكن اسمح لي أن اصحح باقي مداخلتك لانه للأسف المداخلة مغلوطة


ذلك لأن الفحمات لا تستمر منغلقة على الأقراص أثناء الضغط على دواسة الكبح.

الصحيح أنه بدون وجود نظام الـABS تظل العجلات منغلقه طالما أن السائق مازال ضاغطا على دواسة الفرامل بقوة
اما دور نظام الـABS هو إفلات العجلة المنغلقة لوهلة لكي لا يجعلها تزحف وتصدر صوت الصرير الذي يصدر نتاج الإنغلاق
وبالطبع إذا إنغلقت العجلة فسوف تنزلق السيارة متجهة في إتجاه الإندفاع الذي كانت عليه قبل إنغلاق العجلة مما يجعل السيارة خارج السيطرة


الآلية :
يتم كبح كل عجلتين متقابلتين بالزاوية في نفس الوقت. أي يتم كبح الأمامي الأيمن مع الخلفي الأيسر
ثم تنفك.
و يتم كبح الأمامي الأيسر مع الخلفي الأيمن.

و هكذا يتم التبديل بشكل سريع جدًا يصل إلى 200 مرة بالثانية. و هذه السرعة تتطلب وجود كمبيوتر لهذا الإنجاز.

هذه النقطة أيضا خطأ
فالصحيح هو أن كل عجلة من العجلات مركب عليها حساس لكي يشعر بإنغلاق العجلة من عدمه أي أن الحساس الموجود على كل عجلة يبدأ العمل عندما تبدا العجلة في الإنغلاق مما يجعله يعمل على الفور ويجعل العجلة تنفلت للحظة او أقل ثم تعود وتقوم بفرملة العجلة مرة أخرى وهكذا إلى أن تتوقف السيارة
http://www2.0zz0.com/2009/11/10/16/931007450.jpg (http://www.0zz0.com)
وتصل سرعة الإفلات والضغط لحوالي 300 نبضة في الدقيقة والمتحكم في هذه العملية هو الجهاز المسؤل عن إعطاء الأمر لكل عجلة على حدى
مما يجعل السائق يشعر تحت قدمة الضاغطة على دواسة الفرامل برجرجة بسرعة كبيره وهي عدد نبضات الإفلات التي يصدرها الجهاز المتحكم في نظام مانع الإنغلاق
http://www2.0zz0.com/2009/11/10/17/906019146.jpg (http://www.0zz0.com)

أي أن إشارات الإفلات والضغط الذي يعطيها نظام الـABS يكون للعجلة التي تحتاج إلى عدم الإغلاق ولا علاقة لها بالمحاور كما ذكرت

فمثلا إذا مشيت بسيارتي على طريق أسفلت جاف ونظيف و وخرجت العجلات اليمنى (العجلة الامامية يمين والخلفية يمين) عن الطريق ومشيت على التراب بهما والعجلات اليسرى على الطريق الأسفلت النظيف الجاف
وفي هذه الحلة قمت بضغط على دواسة الفرامل فماذا سيحدث ؟
عندما يشعر نظام الـABS بان العجلتان الموجودتان على الرمال الناعمة ينغلقوا فإنه سوف يمنعهم من الإنغلاق ويعطي إشاراته إلى العجلة الأمامية يمين والعجلة الخلفية يمين ايضا لكي لا ينغلقا
وستظل العجلتان اليسرتان متحررتان من نظام الـABS طالما أنهما لا يحتاجان إلى منع الإنغلاق


الغرض:
أنا حاضر لأي استفسار.

أتمنى حضورك دائما معنا يا صديقي

Dr. Bolbolan
10-11-2009, 09:03 PM
بعد كلام بايو متهيألى كده الموضوع قتل بحثآ !

أنا بس ح أقول حاجه ! بلاش الكلمات زى بص كويس وانت مابتشوفشى وسعادتك وسيادتك الا فى حالتين !

الآولى : يكون زميل أنتيم قوى وفاهمين بعض و فاهمين ان ده هزار !

الثانيه : يكون الموضوع خناقه بجد ! بس مافيش حاجه تستاهل الخناق ! ودائما تذكروا مقولة أحد الآئمه الآربعه

" رأيى صواب يحتمل الخطآ ورأيك خطآ يحتمل الصواب " ! و ما أحلى التسامح واللى أحلى منه هوه الاعتذار !

Dr. Bolbolan ptmnlo123per122

gtr
11-11-2009, 07:44 PM
دكتور بلبلان.. لك الشكر الجزيل.
لا يليق بالمتحدث إظهار الذات على الآخرين و التعالم.
و قد اشتـُهر عن العلامة المجدد الألباني رحمه الله مقولة:

حب الظهور يقصم الظهور


و العبارات التي مثل بص كويس هي من هذا القبيل.
أنا لم أتلقها, و لكن أفيد الأخوة بهذه المعلومة فقط لا أكثر.
و أنا على كل حال صدري يتسع إن شاء الله لأي شيء.

و أود أن أذكر شيئًا نسيته للزميل (بايو) , و هو أن الآلية التي شرحتها أعلاه إنما هي للشاحنات حسبما نُـقل إلي. أما أنها في السيارات الشخصية بنفس الكيفية.. فهذا مما لا أجزم به.
و قد أوضحت أعلاه أنني لست بمعصوم في نقل الأخبار. و نحن نبقى نتعلم ما دمنا أحياء.

و أرجو من الأخ (بايو) أو غيره وضع رابط لفيديو توثيقي أو نص من موقع تعليمي في مجال السيارات
يشرح الكلام الذي ذكره في كيفية عمل ABS.

وله مني جزيل الشكر.

atgps
12-11-2009, 01:46 AM
السلام عليكم،،
الموضوع ساخن جدا بين الأعضاء وذلك مؤشر جيد لتفاعل الأعضاء.
أنا مع الأخ بايو 100% وخصوصا فى مناشدته للأعضاء (وفي النهاية نرجو من من يدعوا بأنهم متأكدون من شيء ما 1000.000% أن يكونوا ولو على قدر بسيط جدا من العلم او المعرفة أو حتى يكلفوا أنفسهم مشقة الإطلاع لكي لا يجعلوا الناس البسيطة التي تتابع المنتديات وتتخيل أن كل الأعضاء لديهم الخبرة والمعرفة ومن ثم ياخذوا كلامهم بأنه مصدق)، وأظن هذا ما حدث بالفعل فى بداية الموضوع.
وأحب أضيف لما قاله الأخ بايو أن هناك نوعين من نظام الـ ABS
1. نظام رباعى أى مستقل لكل عجلة على حدة.
2. نظام ثلاثى أى مستقل لكل عجلة أمامية ولكن العجلات الخلفية معا وليس كل واحدة مستقلة.
وهذا الرابط به شرح وافى للموضوع
http://www.drivingfast.net/technology/abs.htm

SIMN
29-11-2009, 04:36 PM
طيب لو سمحت هل فرامل اليد هى فرامل ال ABS واية الأختلاف بينهم ودى موجودة فين ودى فين ?

m_o_sakr
29-11-2009, 06:43 PM
الف شكر لكل الإخوه الأفاضل على المعلومات القيمه و المفيده