المساعد الشخصي الرقمي

مشاهدة النسخة كاملة : اى حد محتاج اى معلومه عن رينو


الصفحات : 1 [2]

amro0000
20-01-2011, 01:52 AM
باشا انا الرينو فيجو بتعتي بصراحة عربية ممتازة واداء فوق الهائل بس فية واحد عاوز ياخدها يشتريها المشكله مش في الفلوس بس هل تتوقع الاقي حاجة تستحمل زي رينو ولا تنصحني مبيعهاش ياريت تقولي واكون شاكر لك

amro0000
24-01-2011, 12:07 AM
انا معايا رينو فيجو الي هيا زي الرينو 18 بس ال 2باب اسبور حاله جيدة للبيع للجادين الاتصال علي 0107557220

amro0000
25-01-2011, 12:20 AM
لو سمحت ممكن تقولي ازاي ازبط العربية انا بجد مش فاهملها حاجة الرينو فيجو بتعتي ومحتاج لحد فاهمها خصوصا اني لسة عامل ضفيرة جديدة للعربية ضفيرة كهربة وحاسس ان التابلوة مش راكب صح اوي والواير مش رجع مزبوط وبيرعش وموش عارف مواسير التكيف ماشية ازاي لان الكهربائي معندوش خبرة اوي بلعربية دي يا ريت الاقي حد فاهم العربية دي يكلمني ياريت بجد اتمني

hossamhussein0
16-02-2011, 04:31 PM
لو سمحت ممكن تقولي ازاي ازبط العربية انا بجد مش فاهملها حاجة الرينو فيجو بتعتي ومحتاج لحد فاهمها خصوصا اني لسة عامل ضفيرة جديدة للعربية ضفيرة كهربة وحاسس ان التابلوة مش راكب صح اوي والواير مش رجع مزبوط وبيرعش وموش عارف مواسير التكيف ماشية ازاي لان الكهربائي معندوش خبرة اوي بلعربية دي يا ريت الاقي حد فاهم العربية دي يكلمني ياريت بجد اتمني

بص يا سيدي

عارف شارع عين شمس
هتمشي فيه كانك رايح لاخره ،، و عند المزلقان هتلاقي سنترال واخد ناصية علي ايدك اليمين و بعده سور القطار ، المهم هتدخل من جنب السنترال يمين و هيبقي سور القطار علي ايدك الشمال ،، و بعد 500 متر تقريبا هتلاقي ملات قطع غيار الرينو في كل حته و صنايعية الرينو علي قد ما انت عاوز

و من المحلات المشهورة لقطع الغيار (محل منتصر ) و بجانبة ميكانيكي شاطر جدا راجل عجوز اسمه رشدي "تقريبا" (دماغه لسعه بس ايديه زي الحرير و كان شغال في توكيل رينو في الخارج)

amro0000
17-02-2011, 03:51 AM
ياريت معلومات عن رينو فيجو الاسبور ال 2باب وتكلفة الضفيرة الكهربة الامامية المصنعية وكل حاجة تتكلف كام وارجو الرد منكم وشكرا

model_boy232
17-02-2011, 10:25 AM
انا خلاص قربت اوي انزل اشتري فلوانس بس لسه قلقان لو ممكن اي حد جربها يقولنا رأيه فيها

engsisi
24-03-2011, 09:08 PM
ممكن اى معلومات عن السياره داتشيا نوفا موديل 98 ؟؟؟؟؟؟؟؟؟؟؟؟؟؟؟
وهل ليها علاقه بالرينو ؟ وقطع الغيار ؟ والاداء ؟ والمشاكل ؟ والسعر ؟؟؟؟

aeeed
31-03-2011, 04:37 AM
محتاج وصف لكربراتير رينو رينبو بجميع مداخله ومخارجه

wael a.elkhalek
01-04-2011, 08:00 PM
احب اسأل عن الرينو لاجونا 97 اسعارها و قطع الغيار موجوده ولا لآ ...مع تقديرى

engsisi
05-04-2011, 03:10 AM
ممكن اى معلومات عن السياره داتشيا نوفا موديل 98 ؟؟؟؟؟؟؟؟؟؟؟؟؟؟؟
وهل ليها علاقه بالرينو ؟ وقطع الغيار ؟ والاداء ؟ والمشاكل ؟ والسعر ؟؟؟؟
???????????????????????????

POP EL GAMED
05-04-2011, 11:36 AM
انا خلاص قربت اوي انزل اشتري فلوانس بس لسه قلقان لو ممكن اي حد جربها يقولنا رأيه فيها

العربيه ممتعه جدا فى سواقتها وتقيله وثابته على السرعات الباور الكهربائى حساس جدا والعربيه كتقفيل وامكانيات لا غبار عليها
الفتيس الستيب ترونيك افضل بكتير من اللى كان فى الميجان 2
العربيه كشكل عن نفسى شايف انها فخمه وقيمه
بالنسبه للتسارع فى الاول لحد ما توصل 30 بتحس ان العربيه تقيله شويه بعد كده السحب بيتحسن جدا او يمكن لانى جربتها على الوضع الاوتوماتيك
العربيه موتور وشاسيه (ميجان 2) والاتنين مفيهمش اى مشاكل وده يخلى اى قطعه غيار للموتور ارخص من انه يكون موتور جديد ودى ميزه كويسه بس برضه قطع غيارها الخارجيه مازالت غاليه شويه

POP EL GAMED
05-04-2011, 11:38 AM
محتاج وصف لكربراتير رينو رينبو بجميع مداخله ومخارجه

والله يا فندم انا مش متوفر عندى الرسم التوضيحى بتاعه بس ممكن ادور لحضرتك عليه واول ما الاقيه هبلغك بأذن الله

POP EL GAMED
05-04-2011, 11:43 AM
ممكن اى معلومات عن السياره داتشيا نوفا موديل 98 ؟؟؟؟؟؟؟؟؟؟؟؟؟؟؟
وهل ليها علاقه بالرينو ؟ وقطع الغيار ؟ والاداء ؟ والمشاكل ؟ والسعر ؟؟؟؟

النوفا داتشيا قلبا وقالبا مش رينو
فيه منها بموتور 1400 من رينو وفيه منها بموتور 1300 على ما اتذكر وده من داتشيا واغلب الظن انه هو الموتور الوحيد اللى نزلت بيه مصر
قطع غيارها مش غاليه بس مش رخيصه يعنى مش معنى ان العربيه ممكن تعمل 20 الف ان قطع غيارها بنفس تمن ال128 نفس الموديل لا هى اغلى منها
والغلاء ده بيكون فى قطع الغيار الخارجيه فوانيس شنطه رفرف وهكذا
لكن بالنسبه لقطع الغيار الميكانيكه متوفره عند معظم الناس ومفيهاش اى مشاكل وسعرها معقول
الاداء بصراحه انا ركبتها مره واحده مع واحد صاحبى هى بالنسبه للتسارع كويسه بس مكنتش حاسس ان ثباتها فى الملفات قوى والصالون ضيق شويه يمكن بحكم ان انا ضخم اكون شايف كده
المشاكل مالهاش مشاكل مشهوره بيها ده بيكون حسب العربيه اللى بتشتريها وانت ونصيبك تطلع كويسه او فيها شغل
والسعر موديلات اواخر التسعينات بتعمل فى حدود من18 ل22 حسب الحاله والاوبشنز اللى فى العربيه

sharyasn
11-04-2011, 11:20 PM
السلام عليكم ورحمة الله
تعبت وزهقت من الاشتغالات والموضوع ببساطة كالتالى :
- العربية اولا رينو كليو موديل 2004 اتوماتيك 1400ccصباب 16
- بدأت بضعف فالبطارية بسبب ضعف شحن الدينامو وتم تغيير الدينامو والبطارية وفى هذة الاثناء كان طبعا وعن جهل يتم عمل كابل من البطارية لاخرى وفجأة السيارة لاتعمل على فكرة دة عند كهربائى الله يسامحة متخصص رينو
- اتقال كنترول اتحرق ينفع يتصلح قالوا طبعا اسبوع اصلاح وبعد كده لا يعمل اشترى واحد جديد
- نشترى واحد جديد ويتقال نفك الشفرة عند فلان (علما لن اذكر الاسماء وحسبنا الله ونعم الوكيل) نفك الشفرة ماشى خد ادفع وفك ندور تدور ولمبة الاوتو منورة
- يقول الكنترول بتاع المانيول مش الاتوماتيك روح اشترى واحد اتوماتيك تانى حاضر نروح نشترى فك الشفرة نفك حط سوفت وير نحط تدور تدور ولمبة الاوتو شغالة برضة تانى مش حرام ياجماعة لاعادى فالاخر عاوزين طقم دوارة كامل
- واخير اعمل اية اقلبها مانيوال ولا اقلبها نفسها فترعة ولا من فوق كوبرى لان الموضوع مش موضوع فلوس لا دة موضوع الواحد تعب من النصب والاشتغالات
- عند حضرتك حل
<!-- / message --><!-- مواضيع العضو بوست بت -->

naif99
17-04-2011, 02:57 PM
الى الاخ الفاضل مع التحيه ...
انا اخوك نايف من البحرين
عندي شركة تأجير سيارات ومع الاسف شرينا رينو ميجان 2005 وحاليا اذا نمشي السياره تقطع في المشي يعني اذا اسوقها تقطع وكنا الكهربائ تفصل وترجع او شي كذا من هالقبيل وعموما عندي لاجونا بعد نفس العله ,,, فالرجاء اعطاء الحل بالمصطلحات الانجيلزيه للقطع الغيار وشكرا

مصطفى حلمى
20-04-2011, 02:38 AM
رينو 5 سوبر او تيربو اى معلومة عنها وسعرها

هيثم مصطفى
22-04-2011, 10:54 PM
السادة الكرام
هذه اول مشاركة لى فى هذا المنتدى و ذلك بسبب حبكم الشديد فى الرينو
سؤال بسيط و لكن ارجو الافادة بسرعة و ضروري
معايا 25 الف و عايز اركب رينو
ايه المقترح

waledahmed
01-05-2011, 03:02 PM
السلام عليكم ممكن اعرف اسعار قطع الغيار رينو ابتيما والعربيه ده عمله ليه

waledahmed
01-05-2011, 03:10 PM
السلام عليكم يا باشا اخبار حضرتك ايه
كنت محتاج مساعدتك في السياره الرينو ابتيما
قطغ الغيار اسعارها ايه وتقيم السياره واسف لو كنت ازعجتك ولاكن انا اشتريت العربيه ومعنديش اي معلومات عنها بس العربيه عجبتني حداااااااا
شكرا جزيلا

waledahmed
01-05-2011, 03:12 PM
السادة الكرام
هذه اول مشاركة لى فى هذا المنتدى و ذلك بسبب حبكم الشديد فى الرينو
سؤال بسيط و لكن ارجو الافادة بسرعة و ضروري
معايا 25 الف و عايز اركب رينو
ايه المقترح
انا لسه جايب اوبتيما 22 الف وانا فضلت السياره ده بصراحه علشان السعر كويس ليه

cbn179c
11-05-2011, 08:24 PM
من فضلك يا باشا انا معايا رينو أوبتيما موديل 1990 لسا جايبها من شهر وكنت عايز أعرف أسعار قطع الغيار كلها وبالأخص المساعدين الأمامى والخلفى والفوانيس الأمامية والخلفية والإشارات والطنابير وتيل الفرامل ....... بياريت أماكن وجود قطع الغيار لأنى محتار فيها بالسويس.... وجزاك الله خيرأ

R9 TL
13-05-2011, 12:06 PM
انا معايا رينو 9
والوش عندى اللى هوا 4 فانوس
ينفع اركب الفوانيس العريضه بدون ما اعمل تعديل ؟

واكون شاكر ليك لو توصفلى مكان يكون فيه قطع غيارها حنينه

POP EL GAMED
15-05-2011, 11:13 PM
ارجو من المشرف غلق الموضوع

shay128
20-05-2011, 07:03 AM
السلام عليكم
انا عايز اشتري سيارة رينو رينبو او رينو 19 بس سعرها لا يتجاوز العشريين الف لو ممكن حد يسادني اكون شاكر ليه جداااااااااااااااا
وده رقمي0105147381
0177911118