المساعد الشخصي الرقمي

مشاهدة النسخة كاملة : كل اللي نفسه في حاجة عن اللوجان يدخل هنا


الصفحات : [1] 2

flashfox
07-10-2009, 09:05 PM
طبعا العربية دي بقت لغز الموسم هي عربية زي اي عربية ليها مميزات وعيوب بس الصراحة كل عيوبها بتنتهي بعد التلين وده نظرا لضغط الطلبات عليها و مع اول صيانة 5000كم

و انا حجزت واحدة من التوكيل و الاستلام شهر 12!!

نبدأ اولا التصميم الخارجي كومباكت وشكله كلاسيك و جميل جدا

وهي من الداخل فيها مساحة رهيييييييييييييبة بجد
ما يلي هو سرد لتفاصيل السيارة...و كما تعرفون...الصور أبلغ طريقة لإيضاح الإشياء
1. السيارة من الخارج

تتميز السيارة بخطوط بسيطة...واضحة المعالم بدون تعقيد أو محاولة لإثبات عبقرية التصميم كعادة سيارات رينو...t (http://www.t)
من الأمام:
http://photos-b.ak.fbcdn.net/hphotos-ak-snc1/hs150.snc1/5580_140739984765_507989765_3239305_4837059_n.jpg
http://photos-b.ak.fbcdn.net/hphotos-ak-snc1/hs150.snc1/5580_140734829765_507989765_3239217_8347672_n.jpg



من الجانب:
http://photos-a.ak.fbcdn.net/hphotos-ak-snc1/hs150.snc1/5580_140739979765_507989765_3239304_3019998_n.jpg

من الخلف:
يمكن ملاحظة شريط الكروم أسفل الشنطة...و هو متوافر في الفول أوبشن فقط




http://photos-c.ak.fbcdn.net/hphotos-ak-snc1/hs130.snc1/5580_140739944765_507989765_3239298_7393640_n.jpg
المرايات الجانبية:

http://photos-d.ak.fbcdn.net/hphotos-ak-snc1/hs150.snc1/5580_140740004765_507989765_3239307_4262978_n.jpg
جنوط حديد بطاسات...و كاوتش 185 15

http://photos-g.ak.fbcdn.net/hphotos-ak-snc1/hs130.snc1/5580_140739969765_507989765_3239302_1944319_n.jpg
لمبة الستوب:
http://photos-e.ak.fbcdn.net/hphotos-ak-snc1/hs150.snc1/5580_140734844765_507989765_3239220_7272791_n.jpg

با يوجد توربيدو (البلاستيك الأسود) خلف الكابوت تحت المساحات (كما بالصورة):http://photos-e.ak.fbcdn.net/hphotos-ak-snc1/hs130.snc1/5580_140740009765_507989765_3239308_4556497_n.jpg

.تانك البنزين...فتجه من الخارج:
http://photos-d.ak.fbcdn.net/hphotos-ak-snc1/hs130.snc1/5580_140734839765_507989765_3239219_6928013_n.jpg

وهذه مفاتيح السيارة....واحد مزود بريموت كنترول لفتح و غلق السيارة عن بعد...و الأخر بدون..
مع العلم ان ان المفاتيح مشفرة..أي لا يمكن عمل نسخ منها إلا بالرجوع إلى التوكيل أو أحد المتخصصين...
و مع العلم أيضاً ان الريموت متوافر في الفول أوبشن فقط

http://photos-g.ak.fbcdn.net/hphotos-ak-snc1/hs130.snc1/5580_140734909765_507989765_3239230_3164566_n.jpg
2. السيارة من الداخل:



تتميز السيارة بالوسع الشديد سواء في المنطقة الامامية أو الخلفية أو الشنطة...
التابلوه و العدادات و الكونصوال الأوسط يتميزوا بالبساطة في التصميم...مع عدم إغفال إضافة بعض التكنولوجيا الحديثة
الخامات الداخلية مقبولة إلي حد كبير...و تتفوق علي الفيرنا و اللانوس بدرجة كبيرة...من حيث جودة الخامات و التشطيب..
نبدأ بأهم جزء بالسيارة...و هو الجزء الخاص بمالكها و سائقها....مقعد القيادة...
وضعية القيادة كانت غريبة بالنسبة لي...كنت حاسس اني مرتفع جداً...لكن أعتقد الكرسي كان مرفوع...لأن به خاصية تعديل إرتفاعه...وجدت عيب إخر تتفوق فيه سيارتي البيكانتو بشدة...وهو مساحة الزجاج الامامي...حيث انها كانت ضيقة و غير مريحة في بداية الامر...لكن مع التعود أصبح كل شئ جيداً

عجلة القيادة و تحتوي علي إيرباج للسائق:

http://photos-e.ak.fbcdn.net/hphotos-ak-snc1/hs150.snc1/5580_139660474765_507989765_3221980_1797800_n.jpg





العدادات:
الخلفية البيضاء و شاشة المعلومات في الفول أوبشن فقط
عدادت البنزين و الحرارة...ديجيتال في شاشة المعلومات
http://photos-a.ak.fbcdn.net/hphotos-ak-snc1/hs130.snc1/5580_139660504765_507989765_3221984_8040341_n.jpg

دعونا نلقي نظرة علي وظائف كومبيوتر المعلومات:
القائمة الاولي: إستهلاك البنزين باللتر كل 100 كيلومتر
http://photos-f.ak.fbcdn.net/hphotos-ak-snc1/hs150.snc1/5580_139665014765_507989765_3222213_7642453_n.jpg
القائمة الثانية: المسافة المتبقية حتي نفاذ البنزين بالتنك:
http://photos-g.ak.fbcdn.net/hphotos-ak-snc1/hs130.snc1/5580_139665019765_507989765_3222214_8318373_n.jpg

القائمة الثالثة: المسافة المقطوعة من بداية الرحلة:
http://photos-h.ak.fbcdn.net/hphotos-ak-snc1/hs130.snc1/5580_139665024765_507989765_3222215_5376522_n.jpg

القائمة الرابعة: متوسط السرعة:
http://photos-a.ak.fbcdn.net/hphotos-ak-snc1/hs130.snc1/5580_139665029765_507989765_3222216_7990586_n.jpg

القائمة الخامسة..كم لتر بنزين مستخدم منذ بدء الرحلة:
http://photos-e.ak.fbcdn.net/hphotos-ak-snc1/hs150.snc1/5580_139665009765_507989765_3222212_4087651_n.jpg
القائمة السادسة و الأخيرة: عداد الكيلومتر الاساسي:

http://photos-b.ak.fbcdn.net/hphotos-ak-snc1/hs130.snc1/5580_139665034765_507989765_3222217_7449810_n.jpg
منظر عام للعدادات أثناء الليل:
http://photos-a.ak.fbcdn.net/hphotos-ak-snc1/hs130.snc1/5580_140734874765_507989765_3239224_6563852_n.jpg
زراع المساحات...و به زر التحكم بوظائف الكومبيوتر:

http://photos-b.ak.fbcdn.net/hphotos-ak-snc1/hs130.snc1/5580_140926939765_507989765_3242289_4409282_n.jpg

زراع الإشارات و التحكم في الفوج لايت الامامي و الخلفي...و لمفاجأتي...به زر الكلاكس (حيث لا يوجد كلاكس بالدركسيون)
http://photos-c.ak.fbcdn.net/hphotos-ak-snc1/hs150.snc1/5580_140926944765_507989765_3242290_1809543_n.jpg

مفتاح التحكم في إرتفاع النور الامامي....و الطريف انه لا يعتمد علي موتور في الفانوس مثل باقي السيارات...لكن يعتمد علي واير زي بتاع فرامل العجل:) وعلي فكرة الكشاف بجد بيخلي اللي قدامك يشوف مترين

http://photos-d.ak.fbcdn.net/hphotos-ak-snc1/hs150.snc1/5580_140926949765_507989765_3242291_2473477_n.jpg

ننتقل إلى الكنصول الأوسط:

فتحات التكييف:

http://photos-a.ak.fbcdn.net/hphotos-ak-snc1/hs130.snc1/5580_139666809765_507989765_3222240_523504_n.jpg

سي دي بلاو بونكت..أوديو فقط بدون إم بي 3...لكن صوته محترم و نقي جداً...و بسيط للغاية في الإستخدام...أهم ما يميزه ان لون خلفيته و الزراير الخاصة به...نفس لون الثيم العام للسيارة و هو البرتقالي
يوجد بالسيارة عدد 4 سماعات..2 بالإبواب الأمامية...و إثنين في الرف الخلفي...قايمين بالواجب و زيادة
http://photos-b.ak.fbcdn.net/hphotos-ak-snc1/hs130.snc1/5580_139666814765_507989765_3222241_5649320_n.jpg

وحدة التحكم ببعض وظائف السيارة (من اليمين)
1- الزجاج الكهربائي الأييمن
2- مفتاح غلق و فتح السنتر
3- مفتاح الإنتظار
4- سخان الزجاج الخلفي
5- الزجاج الكهربائي الأيسر
http://photos-c.ak.fbcdn.net/hphotos-ak-snc1/hs130.snc1/5580_139666819765_507989765_3222242_618314_n.jpg
لوحة التحكم بالتكييف:
http://photos-d.ak.fbcdn.net/hphotos-ak-snc1/hs130.snc1/5580_139666824765_507989765_3222243_8265485_n.jpgم نطقة للأكواب و بها طفاية متحركة حسب الحاجة:

http://photos-f.ak.fbcdn.net/hphotos-ak-snc1/hs150.snc1/5580_139666834765_507989765_3222245_4417034_n.jpg

http://photos-e.ak.fbcdn.net/hphotos-ak-snc1/hs150.snc1/5580_139666829765_507989765_3222244_6420651_n.jpg
عصا الفتيس:



زرار التحكم بالمرايات الكهرباء
و زر منع فتح الزجاج الكهربائي
www.**********.net
http://photos-f.ak.fbcdn.net/hphotos-ak-snc1/hs130.snc1/5580_139637674765_507989765_3221477_153392_n.jpg

الزجاج الكهربائي الخلفي:

<table class="ncode_imageresizer_warning" id="ncode_imageresizer_warning_3" width="360"><tbody><tr><td class="td1" width="20">http://www.**********.net/Nile/images/statusicon/wol_error.gif</td><td class="td2" unselectable="on">Click this bar to view the full image.</td></tr></tbody></table>
http://photos-h.ak.fbcdn.net/hphotos-ak-snc1/hs150.snc1/5580_139637689765_507989765_3221479_8159349_n.jpg





هذا مكان تخزين ظريف بالتابلوه...ممكن إستخدامه للمناديل...
http://photos-d.ak.fbcdn.net/hphotos-ak-snc1/hs130.snc1/5580_140734889765_507989765_3239227_3407331_n.jpg

و ده درج التابلوه...مضاء و في أخره يوجد فيشة الكومبيوتر الخاص بالسيارة مغطاه بغطاء بلاستيكي:
http://photos-e.ak.fbcdn.net/hphotos-ak-snc1/hs150.snc1/5580_140734894765_507989765_3239228_441738_n.jpg

ننتقل الأن لسقف السيارة...حيث يوجد جراب ظريف للنظارة:

http://photos-b.ak.fbcdn.net/hphotos-ak-snc1/hs130.snc1/5580_139637699765_507989765_3221481_2167604_n.jpg

الشماسة اليمنى..بها مراية...أما الخاصة بالسائق...فبدون:
http://photos-d.ak.fbcdn.net/hphotos-ak-snc1/hs130.snc1/5580_139637709765_507989765_3221483_7453198_n.jpg

تنجيد الكراسي و الخامة ممتازين...و مبتعرقش السواق زي باقي السيارات
نوع التنجيد ده في الفول أوبشن فقط:

http://photos-d.ak.fbcdn.net/hphotos-ak-snc1/hs130.snc1/5580_140739899765_507989765_3239291_8062007_n.jpg


شكل بطانة الباب...و هي في رأيي جميلة جداً:
اللون الفضي في جميع أجزاء المقصورة موجود فقط في الفول أوبشن ةهنا جه الجمال في ان الاكرة الباب من جوة هي هي الميجان 2

http://photos-h.ak.fbcdn.net/hphotos-ak-snc1/hs150.snc1/5580_139637744765_507989765_3221487_5884519_n.jpg

http://photos-h.ak.fbcdn.net/hphotos-ak-snc1/hs150.snc1/5580_140739919765_507989765_3239295_6554792_n.jpg

عتب السيارة رينو (في الفول أوبشن فقط)
http://photos-c.ak.fbcdn.net/hphotos-ak-snc1/hs130.snc1/5580_140739894765_507989765_3239290_6976421_n.jpg

مساحة الأرجل بالكنبة...ممتازة عن حق...لاحظوا ان كرسي السائق راجع علي أخره...و قعدت علي الكنبة كانت مريحة جداً و الكرسي بالكاد يلمس ركبتي...العربية ممكن تشيل 3 مستريحين قوي و ممكن 4 بس مزنقين شوية..


<table class="ncode_imageresizer_warning" id="ncode_imageresizer_warning_4" width="360"><tbody><tr><td class="td1" width="20">http://www.**********.net/Nile/images/statusicon/wol_error.gif</td><td class="td2" unselectable="on">Click this bar to view the full image.</td></tr></tbody></table>
http://photos-f.ak.fbcdn.net/hphotos-ak-snc1/hs130.snc1/5580_140739909765_507989765_3239293_529844_n.jpg

مساند الرأس الخلفية:
http://photos-g.ak.fbcdn.net/hphotos-ak-snc1/hs150.snc1/5580_140739914765_507989765_3239294_5864135_n.jpg

الشنطة: ممكن أفرش و انام فيها...510 لتر


http://photos-d.ak.fbcdn.net/hphotos-ak-snc1/hs130.snc1/5580_140740049765_507989765_3239315_3798591_n.jpg
العدة: مثبتة علي جانب الشنطة:


<table class="ncode_imageresizer_warning" id="ncode_imageresizer_warning_5" width="360"><tbody><tr><td class="td1" width="20">http://www.**********.net/Nile/images/statusicon/wol_error.gif</td><td class="td2" unselectable="on">Click this bar to view the full image.</td></tr></tbody></table>
http://photos-e.ak.fbcdn.net/hphotos-ak-snc1/hs130.snc1/5580_140740054765_507989765_3239316_2850025_n.jpg

الإستبن...نفس الماركة و المقاس ميشلان صناعة روماني

http://photos-f.ak.fbcdn.net/hphotos-ak-snc1/hs130.snc1/5580_140740064765_507989765_3239317_5174612_n.jpg

3. غرفة المحرك
منظمة بعناية و تقفيلها جيد...

http://photos-g.ak.fbcdn.net/hphotos-ak-snc1/hs150.snc1/5580_140740019765_507989765_3239310_6399478_n.jpg

غطاء المحرك:

http://photos-a.ak.fbcdn.net/hphotos-ak-snc1/hs150.snc1/5580_140740029765_507989765_3239312_7468135_n.jpg

بطارية جافة ماركة تيودور...بترخيص من رينو:

http://photos-h.ak.fbcdn.net/hphotos-ak-snc1/hs150.snc1/5580_140740024765_507989765_3239311_1643289_n.jpg



4-تقييم مبدئي

ملحوظة: بالطبع هذا ليس الحكم النهائي على أداء السيارة...لعدم تعاملي معها بالشكل الكافي و نظراً لعدم وصولها لل3000 كيلو...و هي في رأي المسافة الكافية لتليين السيارة بشكل كامل...لذلك...ما يلي هو مجرد تقييم مبدئي مبني علي قيادة داخل البلد و على طريق سريع لمسافة 50 كيلو متر...و بالطبع قد تتغير وجهة نظري في بعض الأشياء مع مرور الوقت

المحرك

نبدأ ندور العربية...نسمع صوت المحرك و هو عالي بشكل ملحوظ...يعني العربية دي مش من العربيات اللي تبقى قاعد فيها و مش عارف إذا كانت دايرة ولا لأ...بالعكس...صوته -وإن كان خافت- لكنه ملحوظ....

ندي الغيار الاول و نبتدي نتحرك...طبعاً لم أتجاوز ال3000 لفة نظراً ان السيارة لم تكن قد تخطت ال 250 كيلو بعد...و بالتالي لم أجد تسارع مبهر

الغياراين الأول و الثاني تشعر من خلالهم ان صوت الموتور عالي و خشن...لكن يتضائل هذا الشعور بمجرد تعدي سرعة ال 50 كيلو/ساعة...و مع الغيار الثالث و ما بعده

رغم ان المحرك هو نفسه الموجود في الميجان 1...لكن أشعر انه أكثر خشونة منه...نظراً لخبرتي بالميجان 1 لمدة حوالي 6 شهور ...

بالتأكيد سوف يتحسن أداء المحرك و يهدأ بشكل كبير مع مرور الوقت...لذلك لست قلقاً من هذا الشأن لان معظم المشاكل بالتليين

إستهلاك البنزين ممتاز...إلى الأن...الإستهلاك 8.3 لتر لل100 كيلو داخل البلد...و ده رقم جميل بالنسبة لل 1600 في التليين لسه
الفرامل وبرة البلد (الطرق المفتوحة)بتسحب 5.4 لتر لكل 100 كيلو متر ودة طبعا يجعلها خارج المنافسة لان مافيش عربية بتسحب كدة لا لانوس ولا فيرنا!!

فرامل السيارة كانت غريبة في بادئ الأمر...لازم تدوس عليها جامد عشان تديك القوة اللي انت عايزها...مش من لمسة واحدة زي ما انا متعود في البيكانتو...لأ لازم تدوس و تدوس...الكلام ده جوه البلد...لكن على الطريق أداءها سريع و إستجابتها كويسة...و أكيد بعد الصيانة الأداء هايتحسن او بعد التلين

العفشة

من أجمل الأشياء في هذه السيارة هي عفشتها...فعلاً مش مصدقها لحد الآن...لكم ان تتخيلوا ان السيارة أنعم من السكودا أوكتافيا و الجولف 5 و الماتريكس و البيكانتو و الفيرنا و النوبيرا و اللانوس...(انا سايق العربيات دي لمدة طويلة عشان مبقاش بفتي)...و صدقوني السيارة في نفس مستوى نعومة التويوتا كورولا 2005 (العربية دي سافرت بيها عشان مبقاش بفتي برضو)

صوت العفشة متدني للغاية مهما كان عنف النقرة أو المطب...نفس الكلام بالنسبة لتعامل المساعدين و السوست مع المطبات...تشعر انك محمول علي وسادة من ريش النعام او وسادة هوائية...إنفصال تام عن الأرض سواء صوتياً أو إنفعالياً...

في نفس الوقت...العفشة مصممة لأسوء أنواع الطرق...لأن اللي مايعرفش رومانيا (البلد الأم)...تعتبر من أسوء الطرق في العالم و العربية دي متصممة ليهم و لدول العالم الثالث المعروف عن طرقهم انها غير أدمية...عشان كده كان لازم يصمموا العربية للتوافق مع طبيعة هذه الطرق

فقط تأكد انك قمت بتقليل الضغط داخل الإطارات بعد إستلام السيارة...لأن أول مرة سوقتها كرهت نفسي و جالي إرتجاج في العمود الفقري...

الثبات

معقول جداً و أكثر مما أحتاج في عربية بالحجم و السعر ده....هي مش ممتازة في الغرز و المناورات السريعة اوي...لكنها بالأساس سيارة عائلية مش للغرز و التنطيط... و لو نظرنا لمنافساتها لن يكونوا أفضل حالاً بدرجة كبيرة

لكن...السيارة في الطرق الطوالي و القيادة المعتدلة علي سرعة....راسية جداً بدون أي توتر أو إنفعال...مهما كانت حالة الطريق غير مستقرة...عفشتها الناعمة تعطيك الثقة و الأمان..

من الأخر...ثباتها مرضي جداً بالنسبة لي...مش منتظر أكثر من كده

أدوات القيادة

الدركسيون تقل عن اللانوس لكن طبعا بعد كده هايخف...لكن على الطريق السريع مخلي العربية ثابته و مش بتلعب

دواسة البنزين...فيها حاجة غريبة جداً و دي لاحظنها في عربيتين لوجان عندنا...زنة الموتور محسوسة فيها و كأن الدواسة مربوطة في الموتور و بتنقل كل الزنة بتاعت لرجليك...و ده شئ مزعج و غير مريح لكل اللي تعودوا علي العربيات الهادية زي 406 و الميجان

دواسة الفرامل...كما تحدثنا عنها من قبل

دواسة الدبرياج...من أنعم دواسات الدبرياج اللي ضغط عليها في حياتي...مافيش أي مجهود مبذول من ناحيتي عشان أدوس عليها...لكن يعيبها ان لازم تضغط لأخر الدواسة عشان تعرف تنقل...غير كده هاتسمع زعيق التروس...عكس معظم السيارات...نقطة الفصل بتبقى عند نص الدواسة كده

عصا الفتيس...مسكته جميلة و سلس جداً في نقلاته...لم أشعر بأي خشونة أو صعوبة في النقل...يعيبه فقط الإهتزاز مثل السيارات القديمة على السلانسيه...

الكشافات الامامية بتاعتها حكاية كاشفالك الطريق قدامك بشكل مش طبيعي يعني انا على طريق القطامية اللي هو ضلمة كحل في بعض المناطق و بالعربية التاني بولع العالي و الواطي و الضباب و نور الموبايل و الجزمة اللي بتنور و بردو مببقاش شايف كويس اما مع دي فما شاء الله الله اكبر مشغلتش العالي غير مرتين 2 بس و للحظات مش اكثر

ملاحظات أخرى

أماكن زراير الزجاج الكهربائي غريبة و غير مريحة في بادئ الامر...لان كل اللي موجود الزراير في الباب و بعد 4 مرات بالظبط إيديك هتتعود عليه

الكلاكس صوته مزعج جداً جداً...و عامل زي بتاع الأجرة...هو عالي ودة راي كل الناس
كرسي السائق يتم تعديل إرتفاعه بطريقة غريبة جداً...زي كراسي المكتب...دراع ترفعه من تحت و بثقلك تنزله لتحت أو ترفع نفسك عشان يترفع معاك......

قفلة الباب محترمة جداً و مكتومة...مافيش صوت باب تلاجه أو باب الحمام...
مستوى الرؤية في الخلف صعب...و ده نظراً لإرتفاع الشنطة...ممكن تركيب باركينج سنسور...هايحل الأزمة دي و دي مش مشكلة و بتتحل مع ركنتين تلاتة

الكاسيت كما ذكرت قبل كده...صوته ممتاز و إستقبال الراديو رائع بدون الحاجة إلى تركيب الإريال

دبرياجها مريح جدا خصوصا اني جربتو في الزحمة

العربية ناعمة جدا جدا و مريحة جدا و وسعها مش طبيعي

العربية تحس و انت سايقها انها عاوزة تطير فعلا انا مكنتش عاوز اققرص عليها علشان لسة جديدة بقى و بتاع و التليين و كدة بس فعلا ال 3 rpm دي بتيجي في لحظةو اضطر انقل و هي لسة عندها استعداد تكمل


تكيفها راااائع و محستش بفرق في السحب بتاع العربية

صوت الاشارات بتاعتها بقى حلو قوي و مميز مش زي صوت الاشارات اللي في كل العربيات اللي ينرفز لو فضلت شغالة شوية
التقييم المبدئي (النهائي)

انا مقتنع بهذه السيارة بنسبة 100%...هي سيارة تجمع بين الكماليات و العملية و الإسم و القوة و النعومة و السعر في باقة واحدة متكاملة...

بالسعر و الإمكانيات دي و خصوصاً مع الحملية الإعلانية المروجة لها...المنافسين هايجدوا صعوبة كبيرة في التصدي لها و الوقوف أمامها



_________________________________________________
هذه كل الصور التي إستطعت ان ألتقطها للوجان...أرجو ان تنال إعجابكم و ان تكون أعطيتكم فكرة عن ماذا تبدو تلك السيارة و التي تعتبر في وجه نظري الحصان الرابح في تلك الفئة السعرية خلال الفترة القادمة...

نيجي بقي للتوكيل و قطع الغيار
طبعا بتبقي ضمان لكل 100.000كم او 3 سنين

اولا مبيخدوش منك مليم لصيانة ال1000و3000و5000كم ودة بيبقي عبارة عن تغيير زيوت وبعض السيور

والاسعار اللي احنا كلنا شفناها علي النت مش صح لان اللي قارن قارن بين اسعار اللوجان في التوكيل و اسعار قطع اللانوس او الفيرنا خارج التوكيل ودة طبعا غير عادل للوجان ولكن قطع غيارها اصلا من غير جمارك و عليها 12% ضريبة مبيعات يعني تقريبا مكتسحة جميع منافسيها

نيجي لصيانة ال 1000كم ودي بتبقي ب500ج او في الحدود دي لاني سالت من 3 شهور علي الموضوع دة

وطبعا علي الاوبشن دة و السعر انا من راي انها قنبلة الموسم لعشاق الرينو وكل اللي عاوزين يمتلكوا عربية عليها القيمة بجد


نيجي لبعض العيوب اللي كله فاكر انها عيوب بجد
اولاحرارة بسيطة تحت رجل السواق و ظبطتها باني خليت التكيف يطلع من الهوايات بتاعت الرجلين و الهويات العادية
ثانياالمراية اللي في النص رؤيتها مش قد كدة حاسس انها مش كاشفة الدنيا ورايا كويس ودي مع التعود و شوية ضبط تبقي تمام
ثالثاصوت الموتور عالي نسبيا لكن مش دبابة يعني عادي

رابعا الكلاكس بتاعها صوته مزعج جدا و كنت مشفق على الناس اللي قدامي لما كنت بضربوا تحس انو بيزعق


متهيئلي ان كل دة مش مشاكل خالص ودة من وجهة نظري



منقـــــــول

geo
07-10-2009, 11:50 PM
هو حضرتك أ.نادر نبيل ؟

flashfox
08-10-2009, 12:03 AM
لا بس دة عبارة عن تجميع لاكتر من راي يعني تقدر تقول بعدد الاصوات بس انا اضطريت اخد منه الصور لاني معرفتش اجيب احسن من صوره الصراحة و هو ادانا احسن وصف بس انا عدلت عليه بناء علي اراء الناس بس للاسف معرفتش اكملكم المو ضوع


لان الادارة لا تسمح بتعدي ال60 دقيقة

flashfox
08-10-2009, 10:29 AM
ptmnlo123per172ياريت تشركونا مفيش ردود كدة خالص

Ahmed_lol2007
08-10-2009, 11:00 AM
والله العظيم موضوع جميل أوى
تسلم إيدك بجد على الكلام اللى انت كاتبه
انا مكنتش بطيق السيارة دى بس بعد اللى كاتبته خليتنى أعجبت بيها
وبصراحة تستاهل ردود بالجملة
وتقبل مرورى

flashfox
08-10-2009, 11:25 AM
يا باشا مرورك مقبول طبعا نورت موضوعي و بصراحة العربية فعلا حلوة م تقلقش لان رينو مش هاتحط علمتها علي حاجة مش كويسة

serag1500
08-10-2009, 11:57 AM
تسلم لنا مجهود جميل لايضاح معلومات مبهمة
اتمنى لك دوام التوفيق

flashfox
08-10-2009, 12:37 PM
شكرا علي المرور وانا عضو جديد و ارجو تقبلوني وسط اسرة مصر موتورز

د0تامر محمد
08-10-2009, 12:41 PM
مجهود رائع
معلومات متميزة
شكرا جدا

rahieb_100
08-10-2009, 12:44 PM
شكرا يا fox على المجهود
وفعلا الموضوع جيد لان انا بفكر اشترى العربية دى
بس المشكلة انى معنديش خبرة فى العربيات :)
فياريت اى حد اشترى او جرب العربية دى يحكيلنا عن تجربته

flashfox
08-10-2009, 04:59 PM
علي فكرة الموضوع دة عبارة عن تجميع لاراء الناس اللي جربوها هو وموضوع مشاكل اللوجان

hamdmoda
08-10-2009, 07:10 PM
اولا مشكور على المجهود ده
ثانيا من المعروف ان قطع غيار الرينو بصفه عامه غاليه جدا علشان مش متوفره فى السوق
يعنى بالنسبه لقطع الغيار اللانوس والفرنا يكسبوا

m_o_sakr
08-10-2009, 07:56 PM
rbna ybreklk fl 3rbia isA, bs a7b a2lk brdo 3n tgrba mesh bfty y3ny wla 7aga, en el logan kwisa w hia lsa gdida bs, awel mt3ml 25000 aw 30000 km 7tbd2 mshakel yama, aswat tzye2 w aswat mz3ga gdn tol mnta mashi, w 7agat btfk mn b3dha w 7gat 3'riba, w da ll amana fe el logan 7 rakeb eli gia mn romania mesh el m3'rbi, wwa7d s7by gaiebha w rkbtha m3a kter awi w hia lsa gdeda w kant gmila gdn zy mbt2ol kda, bsa3dt ftra kbira mrkbsh m3a el 3rbia w b3den lma rkbtha kant 3mla 7wali 27000 km w kant 7aga zbala kda, agarl Allah y3ny, w hwa kan abl kda m3a verna (wli hia asasn mesh 3dla awi y3ny) w byndm 3la ayam el verna, t5ilo ento b2
rbna m3 as7ab el logan

flashfox
08-10-2009, 08:03 PM
اولا مشكور على المجهود ده
ثانيا من المعروف ان قطع غيار الرينو بصفه عامه غاليه جدا علشان مش متوفره فى السوق
يعنى بالنسبه لقطع الغيار اللانوس والفرنا يكسبوا



اولا شكرا لمرورك الكريم

بس انا بتكلم ان اللي هايجيب جديد مش هايهنها و يصلحها برة التوكيل الكلام دة بعد ما العربية تخرج من الضمان بعد3 سنين وساعتها يبقي يبعها و يغيرها

flashfox
08-10-2009, 08:07 PM
rbna ybreklk fl 3rbia isA, bs a7b a2lk brdo 3n tgrba mesh bfty y3ny wla 7aga, en el logan kwisa w hia lsa gdida bs, awel mt3ml 25000 aw 30000 km 7tbd2 mshakel yama, aswat tzye2 w aswat mz3ga gdn tol mnta mashi, w 7agat btfk mn b3dha w 7gat 3'riba, w da ll amana fe el logan 7 rakeb eli gia mn romania mesh el m3'rbi, wwa7d s7by gaiebha w rkbtha m3a kter awi w hia lsa gdeda w kant gmila gdn zy mbt2ol kda, bsa3dt ftra kbira mrkbsh m3a el 3rbia w b3den lma rkbtha kant 3mla 7wali 27000 km w kant 7aga zbala kda, agarl Allah y3ny, w hwa kan abl kda m3a verna (wli hia asasn mesh 3dla awi y3ny) w byndm 3la ayam el verna, t5ilo ento b2
rbna m3 as7ab el logan

انا بصراحة اعرف ان مفيهاش مشاكل زي دي بس هل انت سألت صاحبك اذا كان هو حصلت معاه اي حاجة بالعربية او مرحش التوكيل يعرف ايه السبب

وشكرا علي مرورك الكريم:joy23:

m_o_sakr
08-10-2009, 08:31 PM
aiwa , ana lma rkbt m3a el 3rbia oltlo eh eli bhdl el 3rbia awi kda, ali mfish wlahi, bs hia el 3rbia ana 7set enha zy mtkon mfshkla aw mfkka mn b3dha, feha aswat kter zy mykon 3iob t2fil, laken el motor kwis w a3dtha ws3a ok, bs el 3rbia 7altha zft 5als, y3ny el vrna bta3to eli ba3ha ( who ngs el est5dam ) kant 3mla 76000km bs kant mska nfsha 3ndy, wna 7ass b32dt el zmb 3lshan ana eli a3dt a2lo sebk mn el verna d w 3'irha, 3lshan ana asln mb7bsh el verna, bs bsra7a tl3t br2bet el logan

l2 hwa lma byro7 el twkil y3ml el sianat, byzbtolo shwit 7agat w btfdl kwisa m3a 1000 aw 2000 km w b3d kda trg3 rema l3adtha el adima
w tb3n fe 7agat mbbtzbtsh fl twkil, bs hwa 3momn est3malo ll3rbia mesh 7lw, bs el verna (eli mesh d5la dma3'i) est7mlt 3nha kter awi awi

geo
08-10-2009, 08:58 PM
aiwa , ana lma rkbt m3a el 3rbia oltlo eh eli bhdl el 3rbia awi kda, ali mfish wlahi, bs hia el 3rbia ana 7set enha zy mtkon mfshkla aw mfkka mn b3dha, feha aswat kter zy mykon 3iob t2fil, laken el motor kwis w a3dtha ws3a ok, bs el 3rbia 7altha zft 5als, y3ny el vrna bta3to eli ba3ha ( who ngs el est5dam ) kant 3mla 76000km bs kant mska nfsha 3ndy, wna 7ass b32dt el zmb 3lshan ana eli a3dt a2lo sebk mn el verna d w 3'irha, 3lshan ana asln mb7bsh el verna, bs bsra7a tl3t br2bet el logan

l2 hwa lma byro7 el twkil y3ml el sianat, byzbtolo shwit 7agat w btfdl kwisa m3a 1000 aw 2000 km w b3d kda trg3 rema l3adtha el adima
w tb3n fe 7agat mbbtzbtsh fl twkil, bs hwa 3momn est3malo ll3rbia mesh 7lw, bs el verna (eli mesh d5la dma3'i) est7mlt 3nha kter awi awi
واضح جدا من كلانك ان استخدامه سيء وبكده عنده في العفشة بسبب طريقة سواقته
انا مش عارف ايه اخبار الmcv بس انا ركبت sedan كانت معدية ال30 روماني وكانت زي الفل زي الزيرو
اعتقد ده حالة فردية

flashfox
08-10-2009, 09:13 PM
aiwa , ana lma rkbt m3a el 3rbia oltlo eh eli bhdl el 3rbia awi kda, ali mfish wlahi, bs hia el 3rbia ana 7set enha zy mtkon mfshkla aw mfkka mn b3dha, feha aswat kter zy mykon 3iob t2fil, laken el motor kwis w a3dtha ws3a ok, bs el 3rbia 7altha zft 5als, y3ny el vrna bta3to eli ba3ha ( who ngs el est5dam ) kant 3mla 76000km bs kant mska nfsha 3ndy, wna 7ass b32dt el zmb 3lshan ana eli a3dt a2lo sebk mn el verna d w 3'irha, 3lshan ana asln mb7bsh el verna, bs bsra7a tl3t br2bet el logan

l2 hwa lma byro7 el twkil y3ml el sianat, byzbtolo shwit 7agat w btfdl kwisa m3a 1000 aw 2000 km w b3d kda trg3 rema l3adtha el adima
w tb3n fe 7agat mbbtzbtsh fl twkil, bs hwa 3momn est3malo ll3rbia mesh 7lw, bs el verna (eli mesh d5la dma3'i) est7mlt 3nha kter awi awi
طب حضرتك ممكن توقلي ايه اللي اتقالو في التوكيل بخصوص دة وخصوصا انه اول واحد اسمع معاه الحكاية دي

flashfox
08-10-2009, 09:55 PM
ايه يا جماعة هو الموضوع مش عاجبكوا

m_o_sakr
09-10-2009, 05:09 AM
slamo 3lekm ya basha, la wlahi el mwdo3 7lw w kl 7aga, ana s2lto 3l twkil, aly enhm nas m7trmin w kl myro7 lw fe 7aga 3yza tt3'ir by3'iroha mn 3'er mnahda wla klam kter, w byzbto el 3rbia, bs hwa ali eno mesh mbsot mn el 3rbia mesh 3lshan hia mesh 7lwa, bs 3lshan t7mlha d3if (mesh .7eml bhdla(y3ny 3rbia 3iza m3amla romnsiaptmnlo123per1106 w d tb3n mesh mmkn ay 7d y2dr ywfro 5sosn f sware3 msr 5astn lw est5damk ll3rbia kter, y3ny hwa aly en el verna kant btst7ml el bhdla 3n el logan 7ta m3 el est3mal el w7sh bta3o

flashfox
09-10-2009, 12:26 PM
شكرا للمعلومة و يارب الناس نستفيد من الموضوع

AbOnOrA
10-10-2009, 08:31 AM
موضوع قيم جداً ومجهودك اكثر من رائع صدقنى بدون مجاملة تسلم ايدك

auto5truck
10-10-2009, 09:49 AM
شاكر لك هذا الموضوع الشيق و الذى أفادنى كثيراً خاصة أنى أتخذت قرار بشراء السيارة ذات السبعة مقاعد (ستيشن) و كنت فى حاجة لمعلومات أكثر أفادنى بها موضوعك.

أشكرك يا أخى الكريم على جهدك

http://www1.istockphoto.com/file_thumbview_approve/901301/2/istockphoto_901301_thank_you.jpg




ptmnlo123per171

flashfox
10-10-2009, 10:29 AM
شكرا اوي علي الكلام الحلو دة الصراحة ويارب اكون افدتكم بخصوص اللوجان و اللي الناس مقلقة منها

flashfox
10-10-2009, 10:30 AM
موضوع قيم جداً ومجهودك اكثر من رائع صدقنى بدون مجاملة تسلم ايدك

بصرحة كلامك دة شرف كبير ليا وشكرا علي المرور

eslam rslan
10-10-2009, 10:33 AM
شكرا على المجهود الجبار دة

abdoon16
10-10-2009, 10:42 AM
الف شكر يا غالي علي مجهودك وايضا علي اهتمامك بأصغر التفاصيل وده اللي لفت انتباهي ودايما تفيدنا يا باشابمشركاتك الجميلة.

flashfox
10-10-2009, 10:42 AM
يا باشا ربنا يخليك و لو عاوز حاجة عن العربية قولي

flashfox
10-10-2009, 10:44 AM
شكرا على المجهود الجبار دة
شكرا علي المرور الغالي اللي نورلي موضوعي

sheekoo
10-10-2009, 03:16 PM
شكرا يا ديب على كم المعلومات القيمة
بس ياريت اعرف سعرها الحقيقى كام ولاستلام بيكون بعد اد اية

flashfox
10-10-2009, 04:42 PM
شكرا يا ديب على كم المعلومات القيمة
بس ياريت اعرف سعرها الحقيقى كام ولاستلام بيكون بعد اد اية

بص يا كبير هي متوفرة في 3 موديلات

الاول:دة بيبقبي فاضي تماما مفهوش لا باور ولا كاسيت ولا ولاعة حتي ودة سعره 55900جم وطبعا في 100 جنيه بتدفعهم تمن ورق العربية عشان الترخيص

التاني:دة بيبقي هاف اوبشن ودة تمنه 62900 جم وبرده ال 100 جنيه ودة بيبقي (تكييف-باور-2زجاج كهربائي امامي فقط)

التالت:ودة اعلي فئة سعرية فيهم بيبقي 66900 جم و ال100 جنيه بردو ودة فيه كل الكماليات علي حق (4زجاج كهرباء-باور-تكييف-سنتر-مفتاح بريموت-اجزاء الداخلية لونها فضي(نواكل) روعة مخلية شكل التابلوه قيم جدا-جراب نضارة-حامل اكواب-كمبيوتر معلومات-جنوط 15 ...) ودة كل اللي انا فاكره عن الكماليات بتاعتها
ممكن تشتريها من 3 اماكن 1-محمد زكي بالقطامية ودة تقريبا بيسلمها في خلال اسبوعين
2-توكيل رينو بتحجز وتستلم شهر 12 موديل 2010
3-ابو الفتوح بيبيعها علي 69000 جم تقريبا

ولو عاوز حاجة تاني قولي وان شاء الله اجبهالك:joy23:

yassin samir
10-10-2009, 06:27 PM
شكرا ااااااااااااااااااا

yassin samir
10-10-2009, 06:28 PM
هى العربيه ده رومانى ولا مغربى

POP EL GAMED
10-10-2009, 06:30 PM
هى العربيه ده رومانى ولا مغربى

العربيه دى تجميع مغربى

flashfox
10-10-2009, 06:32 PM
هى العربيه ده رومانى ولا مغربى
لا كل اللي موجود مغربي و مشكور علي المرور ptmnlo123per122

forensic2000
10-10-2009, 11:07 PM
شكرا مجهود جميل منك
العربية الفاضية منها اللي هي بـ 56 ألف دي فيها كاسيت ؟

mesha881
11-10-2009, 03:54 PM
merci 3ala wasfak el momtaz ll3arabia de la2eny nefsy ashtreha

nooon
11-10-2009, 05:12 PM
ربنا يحفظهالك من كل سوء وتسلم ايدك..... شكرا لك علي هذا المجهود الجبار لأخراج هذا الموضوع بهذه الصورةالجميلة :clapW15:

mokhtar872000
11-10-2009, 06:06 PM
شكرا ليك ياباشا على الموضوع الجميل ده احنا برضه لسه جايبين اللوجان هاف اوبشن من حوالى شهرين وعامله 1500 كم
دلوقتى انا عايز اعرف بالنسبه للصيانه هل فيه صيانه 1000 كم وتغيير زيت ولا اول صيانه هى ال5000 كم بس واوال مره اسمع عن صيانه ال3000 كم دى
واسعار الصيانه ايه يعنى مثلا صيانه ال 5000 حضرتك بتقول مابيدفعونيش مليم ولا حتى تمن الزيت ولا تقصد المصنعيات ؟؟
طب انا دلوقتى عديت ال1000 وعامل 1500 كم هل لازم اغير زيت دلوقتى ولا استنى صيانه ال 5000 ؟؟

لان اخويا اللى كان اشترى العربيه وخلص كل حاجه فيها وبعدين سافر ولما سالته على الصيانه قاللى انهم قالوله اول حاجه ال5000 كم ياريا تفيدنى ياباشا

mokhtar872000
11-10-2009, 07:01 PM
سؤال تانى بالنسبه للبنزين المستخدم فى اللوجان انا بحط 92 وفى الاول كنت فولت 90 بس غطاء التنك مكتوب عليه اوكتان 91 , 95

flashfox
11-10-2009, 07:30 PM
سؤال تانى بالنسبه للبنزين المستخدم فى اللوجان انا بحط 92 وفى الاول كنت فولت 90 بس غطاء التنك مكتوب عليه اوكتان 91 , 95


اولا شكرا لمروكم الكريم احب ارد علي حضرتك يا استاذ مختار انها بتقبل ال90 بس لو حسيت بتقل في السحب بلاش منه احسن ولو حضرتك تتاكد من التوكيل ياريت تفيدنا

flashfox
11-10-2009, 07:33 PM
شكرا ليك ياباشا على الموضوع الجميل ده احنا برضه لسه جايبين اللوجان هاف اوبشن من حوالى شهرين وعامله 1500 كم
دلوقتى انا عايز اعرف بالنسبه للصيانه هل فيه صيانه 1000 كم وتغيير زيت ولا اول صيانه هى ال5000 كم بس واوال مره اسمع عن صيانه ال3000 كم دى
واسعار الصيانه ايه يعنى مثلا صيانه ال 5000 حضرتك بتقول مابيدفعونيش مليم ولا حتى تمن الزيت ولا تقصد المصنعيات ؟؟
طب انا دلوقتى عديت ال1000 وعامل 1500 كم هل لازم اغير زيت دلوقتى ولا استنى صيانه ال 5000 ؟؟

لان اخويا اللى كان اشترى العربيه وخلص كل حاجه فيها وبعدين سافر ولما سالته على الصيانه قاللى انهم قالوله اول حاجه ال5000 كم ياريا تفيدنى ياباشا

بص بص انت لو حاسس بحاجة فيها او هي محتاجة صيانة روح ومترددش وبخصوص الصيانة هم تقريبا بيخدوا حق الزيت بس

flashfox
11-10-2009, 07:47 PM
شكرا مجهود جميل منك
العربية الفاضية منها اللي هي بـ 56 ألف دي فيها كاسيت ؟

لا مافيهاش ولاعة حتي ولا باور سترينج

flashfox
11-10-2009, 10:32 PM
وانا بقدم شكر خااااااااااااص جدا جدا جدا للاستاذ نادر نبيل واللي من غيره مكنتش عرفت اجيب للوجان صور

ringoo
12-10-2009, 02:28 AM
شكرا ليك ياباشا على الموضوع الجميل ده احنا برضه لسه جايبين اللوجان هاف اوبشن من حوالى شهرين وعامله 1500 كم
دلوقتى انا عايز اعرف بالنسبه للصيانه هل فيه صيانه 1000 كم وتغيير زيت ولا اول صيانه هى ال5000 كم بس واوال مره اسمع عن صيانه ال3000 كم دى
واسعار الصيانه ايه يعنى مثلا صيانه ال 5000 حضرتك بتقول مابيدفعونيش مليم ولا حتى تمن الزيت ولا تقصد المصنعيات ؟؟
طب انا دلوقتى عديت ال1000 وعامل 1500 كم هل لازم اغير زيت دلوقتى ولا استنى صيانه ال 5000 ؟؟

لان اخويا اللى كان اشترى العربيه وخلص كل حاجه فيها وبعدين سافر ولما سالته على الصيانه قاللى انهم قالوله اول حاجه ال5000 كم ياريا تفيدنى ياباشا
1- مافيش صيانة 1000
2- اول صيانة صيانة 5000 مجانا
3- لا يوجد بها اى تغيير للزيت
4- اول تغيير للزيت بيكون فى صيانة 10000
5- التوكيل بيقول ان مش لازم تغير الزيت فى صيانة 5000 لو عايز تغيره اشترى زيت وغيره

EgyZizo
12-10-2009, 03:34 AM
1- مافيش صيانة 1000
2- اول صيانة صيانة 5000 مجانا
3- لا يوجد بها اى تغيير للزيت
4- اول تغيير للزيت بيكون فى صيانة 10000
5- التوكيل بيقول ان مش لازم تغير الزيت فى صيانة 5000 لو عايز تغيره اشترى زيت وغيره


جمييييييل .. يعنى أول فلوس بتندفع فى التوكيل بعد عشرتلاف كيلو .. أهو نكون فقنا من تمن العربية ptmnlo123per154

flashfox
12-10-2009, 10:16 AM
بالظبط وشكرا يا رينجو علي المعلومة دي

Gawish
13-10-2009, 11:16 PM
دلوقتى ممكن أعرف الرينو اللوجان ال7 راكب ايه مميزاتها وايه عيوبها

flashfox
13-10-2009, 11:21 PM
دلوقتى ممكن أعرف الرينو اللوجان ال7 راكب ايه مميزاتها وايه عيوبها
لو حضرتك قريت الموضوع هي اللوجان ال 7راكب هي هي السيدان بس الفرق في الشنطة هو هو الموتور والعفشة والكماليات وكله

POP EL GAMED
13-10-2009, 11:52 PM
لو حضرتك قريت الموضوع هي اللوجان ال 7راكب هي هي السيدان بس الفرق في الشنطة هو هو الموتور والعفشة والكماليات وكله

اللوجان السيدان موتور واحد
ال MCV نازله بموتورين
واحد بينزل فى المانيوال هاف اوبشن وده 1600 110 حصان 16 صباب
والتانى بينزل فى الفول اوبشن مانيوال وده 1600 90 حصان 8 صباب
واللوجان الفول اوبشن اوتوماتيك بتنزل بنفس الموتور الاول 1600 110 حصان 16 صباب
والعفشه مختلفه تماما عن عفشه اللوجان السيدان مبتشتركش غير فى المساعدين فقط

flashfox
14-10-2009, 09:35 AM
احب اوضح لحضرتك بعض الحاجات الناقصة اللوجان ال7 راكب مابقاش ينزل منها غير ال1600 سي سي 8صباب لباب العلم بالشئ وما نزل مصر اوتوماتيك غير عدد محدود ودة عرفته من توكيل رينو وانا بحجز اللوجان (ربنا يجيبهابالسلامة)

auto5truck
15-10-2009, 08:29 PM
احب اوضح لحضرتك بعض الحاجات الناقصة اللوجان ال7 راكب مابقاش ينزل منها غير ال1600 سي سي 8صباب لباب العلم بالشئ وما نزل مصر اوتوماتيك غير عدد محدود ودة عرفته من توكيل رينو وانا بحجز اللوجان (ربنا يجيبهابالسلامة)


عفواً
أنا رحت لمعرض البيع فى سور نادى الزمالك يوم الأثنين الماضى و كان فية عندهم سيارة 1600 سى سى 16 صمام محرك 110 حصان فتيس أيزى ترونيك حتى لاحظت أن فيها حاجة متغيرة عن كل مثيلاتها اللى شفتهم فى الشارع و هى أن الأكصدمات مدهونة.

auto5truck
16-10-2009, 03:32 PM
احب اوضح لحضرتك بعض الحاجات الناقصة اللوجان ال7 راكب مابقاش ينزل منها غير ال1600 سي سي 8صباب لباب العلم بالشئ وما نزل مصر اوتوماتيك غير عدد محدود ودة عرفته من توكيل رينو وانا بحجز اللوجان (ربنا يجيبهابالسلامة)

عفواً
أنا رحت لمعرض البيع فى سور نادى الزمالك يوم الأثنين الماضى و كان فية عندهم سيارة 1600 سى سى 16 صمام محرك 110 حصان فتيس أيزى ترونيك حتى لاحظت أن فيها حاجة متغيرة عن كل مثيلاتها اللى شفتهم فى الشارع و هى أن الأكصدمات مدهونة.

أسف
على فكرة أنا راجعت المواصفات اللى ذكرتها على الكتالوج فقط و لما راجعت كلام أخونا flashfoxكويس قمت راجعت المواصفات الموجودة على موقع رينو مصر فوجدت أنها مغايرة للموجود فى الكتالوج اللى أعطاة لى المعرض و ده الرابط اللى علية المواصفات

http://www.renault.com.eg/vn/logan_mcv_f2/p51.html (http://www.renault.com.eg/vn/logan_mcv_f2/p51.html)#

بصراحة الموقف ده خلانى أقف و أفكر مرة أخرى فى شراء هذه السيارة فى الحقيقة هى عاجبانى جداً لكن كون المعرض يدينى مواصفات مغايرة للحقيقة دون أن يذكرها امامى خلتنى أضايق جداً

ringoo
16-10-2009, 04:48 PM
أسف
على فكرة أنا راجعت المواصفات اللى ذكرتها على الكتالوج فقط و لما راجعت كلام أخونا flashfoxكويس قمت راجعت المواصفات الموجودة على موقع رينو مصر فوجدت أنها مغايرة للموجود فى الكتالوج اللى أعطاة لى المعرض و ده الرابط اللى علية المواصفات

http://www.renault.com.eg/vn/logan_mcv_f2/p51.html (http://www.renault.com.eg/vn/logan_mcv_f2/p51.html)#

بصراحة الموقف ده خلانى أقف و أفكر مرة أخرى فى شراء هذه السيارة فى الحقيقة هى عاجبانى جداً لكن كون المعرض يدينى مواصفات مغايرة للحقيقة دون أن يذكرها امامى خلتنى أضايق جداً
الموقع قديم ولم يتم عمل تحديث له من فترة
لاحظ عدم وجود اللوجان الجديدة فى الموقع

Gawish
17-10-2009, 01:01 AM
سؤال بسيط جدا النسخة اللى فيها ال16 فالف بكام
ضرورى جدا
لانى هشترى واحدة خلال ايام؟

auto5truck
17-10-2009, 03:39 PM
عفواً
أنا رحت لمعرض البيع فى سور نادى الزمالك يوم الأثنين الماضى و كان فية عندهم سيارة 1600 سى سى 16 صمام محرك 110 حصان فتيس أيزى ترونيك حتى لاحظت أن فيها حاجة متغيرة عن كل مثيلاتها اللى شفتهم فى الشارع و هى أن الأكصدمات مدهونة.

أسف
على فكرة أنا راجعت المواصفات اللى ذكرتها على الكتالوج فقط و لما راجعت كلام أخونا flashfoxكويس قمت راجعت المواصفات الموجودة على موقع رينو مصر فوجدت أنها مغايرة للموجود فى الكتالوج اللى أعطاة لى المعرض و ده الرابط اللى علية المواصفات

http://www.renault.com.eg/vn/logan_mcv_f2/p51.html (http://www.renault.com.eg/vn/logan_mcv_f2/p51.html)#

بصراحة الموقف ده خلانى أقف و أفكر مرة أخرى فى شراء هذه السيارة فى الحقيقة هى عاجبانى جداً لكن كون المعرض يدينى مواصفات مغايرة للحقيقة دون أن يذكرها امامى خلتنى أضايق جداً


الموقع قديم ولم يتم عمل تحديث له من فترة
لاحظ عدم وجود اللوجان الجديدة فى الموقع

سؤال بسيط جدا النسخة اللى فيها ال16 فالف بكام
ضرورى جدا
لانى هشترى واحدة خلال ايام؟



أنا رحت المعرض بتاع رينو اللى فى سور نادى تانى علشان أفهم الموضوع صح و وجدت أن الرينو لوجان MCV الأوتوماتيك و هما بيقولوا أنها أيزى ترونيك مزودة بمحرك 1600 سىسى 16 فالف 110 حصان و سعر السيارة الأجمالى 110 ألف جنية بتتحجز بـ 10 ألاف ثم الأستلام فى خلال شهر

amho10
20-10-2009, 10:10 AM
بجد ريفيو رائع والعربيه تستاهل الاهتمام ده بس فيه استفسار .. كنت قريت ان الموتور مصمم للانواع المتدنيه من البنزين زي 80 ياترى الكلام ده صح؟

ringoo
21-10-2009, 01:08 AM
بجد ريفيو رائع والعربيه تستاهل الاهتمام ده بس فيه استفسار .. كنت قريت ان الموتور مصمم للانواع المتدنيه من البنزين زي 80 ياترى الكلام ده صح؟
لا مش صح
نسبة انضغاط محرك اللوجان 9.5
اقل انواع البنزين اللى بتستخدمها 90 و 92 و 95 وكل دول ينفعوا للوجان
المقصود بالانواع المتدنية هى الانواع اللى موجودة فى بلد جميلة زى بلدنا بمعنى
بنزين 90 اللى عندنا فى مصر اقل جودة من بنزين 90 فى اوروبا والدول المتقدمة
يعنى المقصود من الجملة جودة البنزين مش رقم الاكتان

amr_nice27
23-10-2009, 12:01 AM
هى فى منها اتوماتك

ringoo
23-10-2009, 01:49 AM
هى فى منها اتوماتك
النسخة السيدان مافيهاش اوتو ماتك مانيول بس
النسخة ال 7 راكب mcv فى منها اوتوماتيك

EgyZizo
23-10-2009, 03:26 AM
غطاء عربية ايه موجود فى السوق ينفع للوجان ..
لأنها لسه مالهاش غطاء ستاندارد على مقاسها ..

pepsi
24-10-2009, 01:46 PM
انا عايزة اعرف نظام حجز العربية اللوجان ازاى وبستنى قد ايه علشان استلمها وبدفع ثمنها كامل عند الحجز ولا بروح احجز وادفع عند الاستلام

ringoo
24-10-2009, 03:05 PM
انا عايزة اعرف نظام حجز العربية اللوجان ازاى وبستنى قد ايه علشان استلمها وبدفع ثمنها كامل عند الحجز ولا بروح احجز وادفع عند الاستلام
حجزها فى التوكيل ب 10000 جندى والباقى عند الاستلام
الاستلام فى شهر 12 او يناير موديل 2010

anakissu
28-10-2009, 01:24 PM
تحيا مصر والشعب المصري والعجص العربي

سوري يا استاذ علي اسلوبي السيء مقارنه باسلوبك الائع اللي خلانا كلنا نحس اننك بتتكلم عن عربيه الاحلام ولا عربيه بطوط في ميكي جيب



سعرها كويس وكل حاجه واختيار مناسب وكل حاجه وكعرفش قطع الغيار بس اكيد هتبقي رخصيه لانها هتملي البلد



بس انت بتبااالغ اوي اوي اوي في وصف العربيه كانها فعلا افضل من اللانسر والتويوتا





اولا الكلاكس اللي في الدرااع ده قمع الاعاقه
صوت الكلاكس مش مشكله ممكن تغيره


انا الفتيس اللي يتهز في اديك دي مصيبه

الدواسه اللي تتهز تحت رجليك دي مصيبتين

وازاي تقول ناعمه وهي بتتهز من فوق ومن تحت




انا معاك العربيه حلوه ونشتريها كلنا وانا لو ناوي اشتري في حدودو دي هشتريها بدل الفيرنا واللللانوس



بس انا شايف انك بتبااالغ اوي اوي اوي اوي اوي اوي والعربيه ماتستحقش كل المجاملات بتاعتك دي


واسف علي هجووومي
سلام عليكم

EgyZizo
29-10-2009, 08:44 AM
أنا استلمت اللوجان من حوالى أسبوعين ..
وموضوع هزة الفتيس دى مش عارف مركزين عليها ليه ، أنا شايف انها بسيطة جداً ، وماكنتش هاخد بالى منها لو ماكنتوش اتكلمتوا عليها.
ومافيش أى مشاكل فى الدواسة .. الدواسة زى الفل ولا بتتهز ولا حاجة.
وبالرغم ان ليها فترة قليلة معايا ، بس أول وأقوى ملاحظة حتى الآن ان العربية فعلاً ناعمة ، مش بتحس فيها بالمطبات ، والعفشة قوية ، وعالية عن الأرض.

وعلى فكرة أن أنا اخترت العربية من وسط اختيارات أخرى أعلى منها سعرياً زى النيو أكسنت والنيسان صنى ، وكل ما يوم يعدى والعربية معايا باقتنع أكتر ان اختيارى كان صائب.

MO
29-10-2009, 09:58 AM
هي فيها سينسور
اول لما تدخل النفق بتنور النو ولاااااااااااptmnlo123per1127

a7lahamada
29-10-2009, 11:12 AM
العربية فيها ايرباج ولا لا ولو سمحت من الاعضاء عايز اعرف هية ولا البرليانس FRV مع العلم بفرق السعر انا بتكلم ن الامكانيات والثبات والموتور علي حد علمي ان الموتور 8 صباب بياكل بنزين كتير وعمرو قصير ه دا صح ولا غط
هي بصراحة شكلها مغري بس عيب الكلاكس دة مستفذ مكانوا غريب جدااااااا واماكن الزجاج بردوا

POP EL GAMED
29-10-2009, 11:22 AM
العربية فيها ايرباج ولا لا ولو سمحت من الاعضاء عايز اعرف هية ولا البرليانس FRV مع العلم بفرق السعر انا بتكلم ن الامكانيات والثبات والموتور علي حد علمي ان الموتور 8 صباب بياكل بنزين كتير وعمرو قصير ه دا صح ولا غط
هي بصراحة شكلها مغري بس عيب الكلاكس دة مستفذ مكانوا غريب جدااااااا واماكن الزجاج بردوا

اولا يا باشا العربيه اللوجان الفول اوبشن فيها ايرباج
موضوع هى ولا البرليانس ده انت اللى تقدر تحكمه لما تروح التوكيل وتتفرج على الاتنين وتركبهم من جوه
الامكانيات زيها زى اى عربيه فول اوبشن(باور-تكييف-سنترلوك-زجاج كهربائى-فوجات-كمبيوتر رحلات-كاسيت CD-ايرباج)يمكن اكون ناسى حاجه بس اعتقد ان دول اهم حاجه
الموتور ال8 صباب موفر فى البنزين اكتر من ال16 صباب جوه البلد لكنه مبيديش اداء فى كفائه ال16 صباب على السرعات العاليه(130 و140)هتلاقى التجميع ضعف بعد ال130
الكلاكس اللى فى دراع النور ده فى فئه الهاف اوبشن والفاضيه الفول اوبشن الكلاكس عادى فى الطاره اللى هى طاره الكليو (لان فيها اير باج)
موضوع اماكن الزراير دى ممكن تتعود عليها بسهوله بمجرد ما تتعامل مع العربيه شويه وهتبقى عادى
ارجو انى اكون قدرت افيد حضرتك واوضحلك النقط اللى كنت بتستفسر عنها

a7lahamada
29-10-2009, 11:28 AM
اولا مشكور كتير علي المعلومة بس انا كنت حابب اعرف راي حضرتك لو مكاني هتختار اية وفيها 2 ولا 1 ايرباج

POP EL GAMED
29-10-2009, 11:33 AM
اولا مشكور كتير علي المعلومة بس انا كنت حابب اعرف راي حضرتك لو مكاني هتختار اية وفيها 2 ولا 1 ايرباج

والله يا باشا انا عن نفسى لا افضل السيارات الصينيه(رأى شخصى بحت)
عن نفسى افضل اللوجان لانها اوسع وشنطتها كبيره جدا وثباتها كويس جدا (لغايه 140 مزودتش عن كده وهى مش عربيتى دى عربيه واحد صاحبى)
عشان كده انا لو مكان حضرتك هجيب اللوجان الفول اوبشن واوفر فرق السعر الكبير بين الاتنين
واللوجان فيها ايرباج واحد للسائق فقط

a7lahamada
29-10-2009, 11:54 AM
شكرااااا جزيلا بجد انا مكسوف من حضرتك

POP EL GAMED
29-10-2009, 11:57 AM
شكرااااا جزيلا بجد انا مكسوف من حضرتك

باشا مفيش اى كسوف ولا حاجه وارجو انى اكون قدرت اجاوب على استفساراتك واحنا اخوات ومفيش فرق عشان تشكرنى ولا حاجه وارجو انك تنورنا فى قسم رينو ومصر موتورز كله
تحياتى يا باشاptmnlo123per122

EgyZizo
29-10-2009, 01:48 PM
الكلاكس اللى فى دراع النور ده فى فئه الهاف اوبشن والفاضيه، الفول اوبشن الكلاكس عادى فى الطاره

معذرة يا بوب ، بس الكلاكس فى الفول أوبشن برضه فى دراع النور، كل اللوجان كده.

EgyZizo
29-10-2009, 01:53 PM
اللوجان موفرة جداً فى البنزين أكتر من عربيات كتير 16 صباب موجودة فى السوق

بخصوص المقارنة مع البريلياس ، فدى محتاجة حد يكون عارف البريليانس واللوجان فى نفس الوقت علشان يعرف يقارن.

بخصوص حساسات النور (تنور لوحدها لما تخش نفق) فدى مش موجودة

أماكن الزجاج والكلاكس ، أنا أخدت عليهم بعد ما ركبت العربية يوم واحد.

dremankhalifa
29-10-2009, 03:16 PM
مرسى على المعلومات الجميله انا ركبتها مع صحابى وعجبنى وسعها جدا وكنت بفكر اشتريها بس انا سمعت ان قطع غيار الرينو غاليه جدااااااا وده اللى خلانى اتردد ايه راى حضرتك فالكلام ده؟

ابو تسبيح
29-10-2009, 03:38 PM
محدش يعرف اخبار اسعار قطع غيارها ايه ... وبيقولوا التقفيل فيه عيوب .

emfarid
29-10-2009, 10:12 PM
مجهود اكتر من رائع

EgyZizo
30-10-2009, 12:48 AM
أسعار قطع الغيار لا تختلف كثيراً عن الكورى مثلاً ..
وهنا أمثلة لأسعار قطع غيار اللوجان

http://fetees.com/servicess/log_1685.html

وبالنسبة للعربية بتاعتى فلم ألاحظ فيها عيب تقفيل واحد.

EgyZizo
30-10-2009, 12:53 AM
عملت النهاردة اختبار بسيط لمعرفة استهلاك البنزين فى مشوار 50 كيلو (40 كيلو منه طوالى ، و10 جوه البلد)
وكان الاستهلاك : 370 كيلومتر للصفيحة، مع العلم ان العربية لسه فى التليين (ماعملتش 300 كيلو)
والمفترض ان بعد التليين استهلاك البنزين بيتحسن عن كده كمان.

oscar
30-10-2009, 01:33 AM
اعتقد ان العربيه دى ممتازه
سعرها ااقل من امكانياتها
عذرا انه زمن اللوجان

oscar
30-10-2009, 01:35 AM
نسيت اقول انها بتعوم وبتمشى على الحيط ودى اول عربيه تنزل بالامكانيات دى

الصيداح
16-11-2009, 12:13 PM
رااااااااااااااااااااااااااائع جدا هذا التقرير المفصل
شكرا لك

waleedashoor
16-11-2009, 01:35 PM
الله ينور يا باشا

العربية جميلة

انا عندي ميجان 2 وصراحة الفرق فى السعر مش قد الفرق الذي لا يذكر فى الامكانيات

بس انا مش مزعلني من العربية دي غير حاجتين
1-مفيش أتوماتيك منها
2-الكلاكس اللى فى الذراع الشمال

EgyZizo
17-11-2009, 01:32 PM
هوا فيه اوتوماتيك من اللوجان ونازل فى الخليج بس للأسف مش نازل فى مصر ..

auto5truck
17-11-2009, 03:26 PM
باركولى يا جماعة

أنا أستلمت اللوجان MCV النهارده الصبح ptmnlo123per154

a7lahamada
17-11-2009, 05:15 PM
اللللللللللللللللللللف مبرووووووووووووووك ياباشا ربنا يحميهال وتحافظ عليهاptmnlo123per171

POP EL GAMED
17-11-2009, 07:09 PM
باركولى يا جماعة

أنا أستلمت اللوجان MCV النهارده الصبح ptmnlo123per154

الف مبروك يا باشا ربنا يديك خيرها ويبعد عنك شرها
ومنتظرين منك تقييم سريع وتقرير كامل بعد اول 1000 كم بأذن اللهptmnlo123per122

yassin samir
18-11-2009, 08:41 AM
انا سمعت ان العربيه ديه موتورها رومانى وليس فرنسى وده مشكله كبيره لان مواتير اروبا الشرقيه غيرمعمره

POP EL GAMED
18-11-2009, 08:43 AM
انا سمعت ان العربيه ديه موتورها رومانى وليس فرنسى وده مشكله كبيره لان مواتير اروبا الشرقيه غيرمعمره

معلش بس احب اعرف من حضرتك انت عرفت منين ان مواتير اوروبا الشرقيه مش معمره؟؟؟؟؟
هل انت شايف ان مواتير اللادا مثلا مش معمره؟؟؟؟؟
ارجو توضيح وجهه نظرك

m_o_sakr
18-11-2009, 01:00 PM
تسلم ايدك
الموضوع ممتاز بصراحه
بس كان عندى سؤال لكل الى جاب العربيه : هل العربيه فعلاً عجباك؟؟

yassin samir
19-11-2009, 08:58 AM
انا كنت اعرف مكانيكى سيارات فقالى ان مواتير اروبا الشرقيه غير معمره لانها لازم تعمالها عمره كل فتره قليله عكس المواتير الكورى معمره الى حد ما اما بالنسبه لباقى السياره من حيث العفسه و الوسع و جسم السياره فاللوجان اجمد بكتير من الانوس و الفريناو كمان مافيش مواتير استيراد للوجان عكس الانوس وكمان صيانه اللوجان صعبه عند اى مكانيكى و احتمال اسعار قطع الغيار تغلى بعد من الناس تشترى العربيه والمهم فى الموضوع سعر اعاده البيع لللوجان
فاكرين الاوبل فكترا لما نزلت فى 1994 كانت عربيه جامده اوى لكن دلوقتى تعال بيعها مش هتالقى حد يشتريها منك وسعرها نزل جامد اوى وصلت 34 الف

a7lahamada
19-11-2009, 09:23 AM
انا كنت اعرف مكانيكى سيارات فقالى ان مواتير اروبا الشرقيه غير معمره لانها لازم تعمالها عمره كل فتره قليله عكس المواتير الكورى معمره الى حد ما اما بالنسبه لباقى السياره من حيث العفسه و الوسع و جسم السياره فاللوجان اجمد بكتير من الانوس و الفريناو كمان مافيش مواتير استيراد للوجان عكس الانوس وكمان صيانه اللوجان صعبه عند اى مكانيكى و احتمال اسعار قطع الغيار تغلى بعد من الناس تشترى العربيه والمهم فى الموضوع سعر اعاده البيع لللوجان
فاكرين الاوبل فكترا لما نزلت فى 1994 كانت عربيه جامده اوى لكن دلوقتى تعال بيعها مش هتالقى حد يشتريها منك وسعرها نزل جامد اوى وصلت 34 الف
طبعا سعر العربية الاوبل لازم ينزل دي موديل 94 يعني شغالة بقالها 15 سنة لازم طبعااا ينزل للسعر دة وموضوع الوجان دة ليها قطعغيار استيراد ومواتير استيراد وكل حاجة في فيصل وبورسعيد وماكن كتيرة

POP EL GAMED
19-11-2009, 09:54 AM
انا كنت اعرف مكانيكى سيارات فقالى ان مواتير اروبا الشرقيه غير معمره لانها لازم تعمالها عمره كل فتره قليله عكس المواتير الكورى معمره الى حد ما اما بالنسبه لباقى السياره من حيث العفسه و الوسع و جسم السياره فاللوجان اجمد بكتير من الانوس و الفريناو كمان مافيش مواتير استيراد للوجان عكس الانوس وكمان صيانه اللوجان صعبه عند اى مكانيكى و احتمال اسعار قطع الغيار تغلى بعد من الناس تشترى العربيه والمهم فى الموضوع سعر اعاده البيع لللوجان
فاكرين الاوبل فكترا لما نزلت فى 1994 كانت عربيه جامده اوى لكن دلوقتى تعال بيعها مش هتالقى حد يشتريها منك وسعرها نزل جامد اوى وصلت 34 الف

احب اقول لحضرتك كلام الميكانيكى ده مالوش اى اساس من الصحه ثم هو فيه ميكانيكى بيقسم المكن بأوروبا الشرقيه والغربيه معتقدش بصراحه
غير كده انا اديت لحضرتك مثال وهو اللادا اللى ماشيه بتحفر فى الارض من سنين كل العربيات اللادا دى مواتيرها بتتعمر كل شويه
بلاش لادا حضرتك لو شفت الداتشيا ال1310 اللى هى نفس شكل الرينو 12 هتلاقيها شغاله تاكسى ومفحوته طول النهار هل برضه دى كمان مش معمره اعتقد ان هى دى العربيه اللى اتاخدت من رينو ومن داتشيا عشان تشتغل تاكسى فى مصر يعنى الشعب متأكد منها ولا ايه رأيك؟؟؟؟
وبالنسبه لوجود حاجه اللوجان استيراد احب اقولك حاجه اللوجان نزلت من حوالى سنه انما اللانوس موجوده رسمى فى مصر من سنه99 يعنى طبيعى انك تلاقى منها استيراد واللانوس كانت موجوده بره موديل 96 ودى عربيه كنت شفتها بعينى نازله معاقين
اقدم حاجه فى اللوجان بره هى موديل 2004 يبقى هل فيه مجال للمقارنه؟؟؟؟؟؟
لو عايز تلاقى حاجه اللوجان استيراد استنى عليها سنه ولا سنتين كمان وهتلاقيها موجوده وهتلاقى قطع الغيار الجديده ارخص بكتير وهتلاقى ميكانيكيه يشتغلوا فيها كمان بس العربيه لسه جديده يعنى نديها فرصه

a7lahamada
19-11-2009, 10:12 AM
هو دة الكلام السلييم الميكانيكي دة عيان بمرض التخريف

yassin samir
20-11-2009, 09:08 AM
شكرا علي الردود كده انا ان شاء الله ناوى احجز واحده علي اخر الشهر

a7lahamada
20-11-2009, 09:50 AM
مبروووك عليك مقدماااا بس خليك في اعلي فئة علشان فيها امكانيات كتيرة

_amr.mostafa_
20-11-2009, 11:05 AM
شكرا جدا على الموضوع المتميز والرائع

محمد مجدى رينوهاوى
21-11-2009, 02:57 AM
شكراا على المعلومات عن اللوجان
اما بالنسبة لقطع الغيار فالعربية لسة بتنتشر فالازم تكون قطع الغيار قليلة شوية بس لازم بتوع قطع الغيار هايشتغلوا فيها طبعاا بعد ما العربية دى بتنتشر بالسرعة وقطع غيارها مش غالية
ولو حد فاكر اللانوس لما نزلت مصر كان فى حد بيشتغل فيها؟؟ دة الميكانيكية كانوا بيخافوا منها وشوفوا بقى دلوقتى اى صبى عند اى ميكانيكى حافظها كلها عن تجربة ثلاث سنوات موديل 99
وبعدين اللوجان بسيطة مش عربية معقدة اساساا دى صيانتها سهلة

auto5truck
24-11-2009, 04:46 PM
شكرا علي الردود كده انا ان شاء الله ناوى احجز واحده علي اخر الشهر

توكل على الله دى عربية تحفة

أنا لسة مستلم Logan MCV جميلة جداً و سبحان الله لما سوقتها من المعرض للبيت حسيت أنى سايق أتوبيس مع أنى مش أول مرة أركب عربيات كبيرة

auto5truck
24-11-2009, 05:02 PM
احب اقول لحضرتك كلام الميكانيكى ده مالوش اى اساس من الصحه ثم هو فيه ميكانيكى بيقسم المكن بأوروبا الشرقيه والغربيه معتقدش بصراحه
غير كده انا اديت لحضرتك مثال وهو اللادا اللى ماشيه بتحفر فى الارض من سنين كل العربيات اللادا دى مواتيرها بتتعمر كل شويه
بلاش لادا حضرتك لو شفت الداتشيا ال1310 اللى هى نفس شكل الرينو 12 هتلاقيها شغاله تاكسى ومفحوته طول النهار هل برضه دى كمان مش معمره اعتقد ان هى دى العربيه اللى اتاخدت من رينو ومن داتشيا عشان تشتغل تاكسى فى مصر يعنى الشعب متأكد منها ولا ايه رأيك؟؟؟؟
وبالنسبه لوجود حاجه اللوجان استيراد احب اقولك حاجه اللوجان نزلت من حوالى سنه انما اللانوس موجوده رسمى فى مصر من سنه99 يعنى طبيعى انك تلاقى منها استيراد واللانوس كانت موجوده بره موديل 96 ودى عربيه كنت شفتها بعينى نازله معاقين
اقدم حاجه فى اللوجان بره هى موديل 2004 يبقى هل فيه مجال للمقارنه؟؟؟؟؟؟
لو عايز تلاقى حاجه اللوجان استيراد استنى عليها سنه ولا سنتين كمان وهتلاقيها موجوده وهتلاقى قطع الغيار الجديده ارخص بكتير وهتلاقى ميكانيكيه يشتغلوا فيها كمان بس العربيه لسه جديده يعنى نديها فرصه

هو طبعاً الأخوة الميكانيكية مع الأحترام الشديد لهم كثير منهم يفتى بدون علم و قلة منهم هى التى على علم لذا يجب الحذر من المعلومات المأخوذة منهم.

بخصوص الفرق بين اليابانى و الأوروبى عموماً بدون شرقى و غربى فالمحركات اليابانى معمرة قد يصل عمر المحرك بالزمن 5 ألى 7 سنوات حال الأستعمال الخفيف و بالمسافة 600 أو 700 ألف كم حال الأستعمال الكثير و لكن بعدها تبدأ المحركات فى الأنهيار التام بدون مقدمات و قد تصل حالتها للتلف التام الذى يتوجب تغييرها بالكامل.

أما المحركات الأوروبية بجميع أنواعها فهى تستمر بالعمل بشكل جيد مدة 6 سنوات متتالية أو 400 ألف كم و فى حالة العمرة تعيش نفس الزمن و لكن بشرط جودة العمرة و أجزائها تتحمل كل أجراءات العمرة من خرط و تجليخ لذا يمكن لهذا المحرك أن يتم له عمرة و أثنتين و ثلاثة قبل أجراء أء تغيير فى أجزائة التى تم خرطها من قبل مثل الكرنك أو كراسى الكرنك أو أذرع البيلات.

EgyZizo
25-11-2009, 01:59 AM
تسلم ايدك
الموضوع ممتاز بصراحه
بس كان عندى سؤال لكل الى جاب العربيه : هل العربيه فعلاً عجباك؟؟

جــداً جــداً جـــداً ..
مشيت بيها 2000 كيلو حتى الآن
ومش مقصرة معايا فى حاجة ، وماليش عليها أى ملاحظات سلبية

عن المميزات فهى عشرة على عشرة فى انها مابتحكش فى أى مطب حتى لو محملة ، تجميعها سريع ، عايزة تجرى، عفشة مريحة ، وثابتة على السرعات العالية (بالنسبة لى 120 عشان ماجاتش فرصة إنى أجرب سرعة أعلى)، الفرامل ممتازة وبتسعف لو عايز تهدى من سرعة كبيرة، التكييف ممتاز، وطبعاً الأسرة كلها بيقعدوا مرتاحين والعيال بيرمحوا فى الكنبة اللى ورا. رحت مشوارين للمطار أوصل قرايبى وماكنتش أقدر أعملها قبل كده عشان الشنطة ماكانتش بتاخد فكنا بنأجر ميكروباص، لكن شنطة اللوجان دولاب ماشاء الله.
مافيش عندى أى عيوب تقفيل والحمد لله ، ومافكرتش فى أى صيانة قبل المعاد لأن مافيش مشاكل.
وفيها حاجة ظريفة جداً برضه وهى ان الدبرياج بتاعها خفيف جداً ، هوااااا ، ودى كانت مفاجأة سعيدة عشان عندى مشكلة بسيطة فى الركبة الشمال.

السلبيات : موضوع ارتفاع الشنطة لأنى مش واخد عليه فى العربيات اللى سقتها قبل كده، فباتضايق شوية لما آجى آركن ركنة ضيقة، بس دى حليتها بأنى ركبت كاميرا خلفية بتورينى المسافة بينى وبين العربية اللى ورايا.

وكمان كان نفسى تبقى أوتوماتيك ، بس الحلو مايكملش ..

ILOVE mitsubishi4ever
01-12-2009, 05:54 PM
ممكن حد يقولي ينفع اجيب الوجان وادفع 25 الف جنيه و500قسط او اكتر سنه

Moh.Osama
08-12-2009, 05:14 AM
ممكن حد يقولي ينفع اجيب الوجان وادفع 25 الف جنيه و500قسط او اكتر سنه


بص يامعلم انت بتدفع 10% مقدمه والبقى معاك لغاية 60 شهر وانت ومقدرتك بقىptmnlo123per154

ashrefnada
08-12-2009, 01:24 PM
الف شكر على المعلومات الجميلة وانا فعلا حشتريها ان شاء اللة بس انا سمعت انك ممكن تحطلها بنزين80 ياريت تفيدنا فى هذة النقطة والف الف شكر ليك

ringoo
08-12-2009, 03:34 PM
نسبة انضغاط محرك اللوجان 9.5 ولذلك لا يمكن استخدام بنزين 80
من الممكن استخدام بنزين 90 ومن الافضل استخدام بنزين 92

mohamed6069
08-12-2009, 03:36 PM
العضو المحترم flashfox
ليا تعليق علي طريقة نقلك لموضوع غيرك بنفس الصور ونفس التعليق وكانك انت اللي سوقتها وكانك انت اللي عندك بيكانتو وكانك انت اللي عندك خبرة بالميجان 6 شهور !!
هل هذا اسلوب للنقل؟
مع ان هناك الموضوع الاصلي موسوعة ماشاء الله عن اللوجان من العضو نادر نبيل
ولفت نظري ملحوظة انك ذكرت ان فيه صيانة 1000 وصيانة 3000 وصيانة 5000 مع ان الجميع يردد ان اول صيانة 5000 كم !!
اخيرا اشكرك علي المجهود وتلك كانت ملاحظاتي
وشكرا

ringoo
08-12-2009, 04:02 PM
العضو المحترم flashfox
ليا تعليق علي طريقة نقلك لموضوع غيرك بنفس الصور ونفس التعليق وكانك انت اللي سوقتها وكانك انت اللي عندك بيكانتو وكانك انت اللي عندك خبرة بالميجان 6 شهور !!
هل هذا اسلوب للنقل؟
مع ان هناك الموضوع الاصلي موسوعة ماشاء الله عن اللوجان من العضو نادر نبيل
ولفت نظري ملحوظة انك ذكرت ان فيه صيانة 1000 وصيانة 3000 وصيانة 5000 مع ان الجميع يردد ان اول صيانة 5000 كم !!
اخيرا اشكرك علي المجهود وتلك كانت ملاحظاتي
وشكرا
استاذ محمد عامل ايه وايه اخبارك
موضوع النقل دة احنا اتكلمنا فيه قبل كدة والاستاذ فلاش تفضل مشكورا و تفهم الموقف
فا احنا عايزين نطوى الصفحة دى ومانتكلمش فيها ويا ريت فلاش ميردش عشان مش عايزين مشاكل انا رديت مكانك بعد اذنك
تانى حاجة اول صيانة للوجان هى 5000 كيلو ودة ما يمنعش انك لو عندك اى ملحوظة فى العربية مضيقاك وضروري انها تتصلح فى اقرب وقت انك تتصل بالتوكيل تطلب عمل صيانة للعربية (توكيل رينو محترم اوى فى موضوع الصيانات دى ) ومش شرط اى حد فينا يقول معلومة تبقى صح بس الصح ان احنا نصحح لبعض يعنى انا لو غلط فى معلومة الاستاذ فلاش يدخل يصحح لان احنا كلنا اخوات
تحياتى ليك ولفلاش وكل سنة وانتم طيبين

moral
09-12-2009, 01:27 AM
من فضلكم انا لى سؤال لكن بعد ان اشهد ان العربية 100فل وممتازة لكن انا ينقصنى فيها الانذار فهل لو ركبتة خارج التوكيل تخرج من الضمان مع العلم ان التوكيل ليس عندهم هذة الخدمة

maxim82
09-12-2009, 02:02 AM
هية بكام زيرو

ringoo
09-12-2009, 02:19 AM
من فضلكم انا لى سؤال لكن بعد ان اشهد ان العربية 100فل وممتازة لكن انا ينقصنى فيها الانذار فهل لو ركبتة خارج التوكيل تخرج من الضمان مع العلم ان التوكيل ليس عندهم هذة الخدمة
طالما الحاجة اللى ركبتها خارج التوكيل مش عاملة مشاكل فى العربية يبقى خلاص عادى ما عدا وحدات الرفع التوكيل بيقول انها بتبووووظ بعد فترة قصيرة مش مهمة بصراحة بالنسبالى
على فكرة ممكن تتصل بفرع الاسكندرية ممكن يركبولك الانذار هما متساهلين فى الامور دى اكتر من القاهرة بيامة عشان ضغط الشغل
العامرية ... الكيلو 24 طريق اسكندرية /القاهرة ... ت /4700165 03 ... 0101675740
هية بكام زيرو
الفاضية 55900
الهاف 63900
الكاملة 66900

mohamed6069
09-12-2009, 12:27 PM
استاذ محمد عامل ايه وايه اخبارك
موضوع النقل دة احنا اتكلمنا فيه قبل كدة والاستاذ فلاش تفضل مشكورا و تفهم الموقف
فا احنا عايزين نطوى الصفحة دى ومانتكلمش فيها ويا ريت فلاش ميردش عشان مش عايزين مشاكل انا رديت مكانك بعد اذنك
تانى حاجة اول صيانة للوجان هى 5000 كيلو ودة ما يمنعش انك لو عندك اى ملحوظة فى العربية مضيقاك وضروري انها تتصلح فى اقرب وقت انك تتصل بالتوكيل تطلب عمل صيانة للعربية (توكيل رينو محترم اوى فى موضوع الصيانات دى ) ومش شرط اى حد فينا يقول معلومة تبقى صح بس الصح ان احنا نصحح لبعض يعنى انا لو غلط فى معلومة الاستاذ فلاش يدخل يصحح لان احنا كلنا اخوات
تحياتى ليك ولفلاش وكل سنة وانتم طيبين

اشكر العضو الصديق المحترم ringoo وان شاالله تكون بخير
وشكر لكل من يساهم بمعلومة مفيدة
وتحياتي

a_helaly2004
09-12-2009, 12:51 PM
السلام عليكم
فى حد يعرف اسعار قطع غيار اللوجان اسعارها ايه
ومتوفرة ولا لآ
شكرا

ringoo
09-12-2009, 05:16 PM
السلام عليكم
فى حد يعرف اسعار قطع غيار اللوجان اسعارها ايه
ومتوفرة ولا لآ
شكرا
الموضوع دة فيه بعض اسعار قطع الغيار
http://www.masrmotors.com/vb/showthread.php?t=5378
جميع قطع الغيار متوفرة داخل التوكيل عادى مفيش اى مشكلة
على فكرة عندى فى اسكندرية فى تاجر عنده جميع قطع الغيار الميكانيكية بما فيها قطع غيار الماتور
ودى بوادر خير وموضوع قطع الغيار دة مش حاجة مقلقة بالنسبة لعربية بتنتشر بسرعة الصاروخ زى اللوجان
بكرة نلاقى قطع الغيار صينى وتيوانى وفرنساوى وكل بلاد المنشأ وبكل الاسعار وفروقات الجودة
على فكرة قطع غيار اللوجان دة منجب دهب واتفتح لتجار قطع الغيار هم حيقولوا لا للشغل

flashfox
10-12-2009, 10:29 PM
من فضلكم انا لى سؤال لكن بعد ان اشهد ان العربية 100فل وممتازة لكن انا ينقصنى فيها الانذار فهل لو ركبتة خارج التوكيل تخرج من الضمان مع العلم ان التوكيل ليس عندهم هذة الخدمة
لا والف لا اياك تركب انذار لانه هيخرجها من اضمان وغير كدة العربية متامنة من السرقة وانت افتحها بالريموت وسيبها 10ثواني وهتفل لوحدها وغير كدة العربية مبتنورش لو جيت تقفلها بالريموت وفي باب مفتوح

وانا من راي مش هتحتاجو

انا نعايا لوجان ومعايا نفس الموضوع

flashfox
10-12-2009, 10:31 PM
بقدم شكر خااااص جداجدا للاخ رينجوو

ringoo
11-12-2009, 05:41 PM
بقدم شكر خااااص جداجدا للاخ رينجوو
يا باشا مفيش اى حاجة تستدعى الشكر احنا اخوات و انا تحت امر اى حد
واتمنى ان اكون مفيد لنفسى ولغيرى

mokhtar872000
11-12-2009, 06:15 PM
لا والف لا اياك تركب انذار لانه هيخرجها من اضمان وغير كدة العربية متامنة من السرقة وانت افتحها بالريموت وسيبها 10ثواني وهتفل لوحدها وغير كدة العربية مبتنورش لو جيت تقفلها بالريموت وفي باب مفتوح

وانا من راي مش هتحتاجو

انا نعايا لوجان ومعايا نفس الموضوع


'باشا انا معايا الهاف اوبشن فيها سنتر بس فى المفتاح مش بريموت يعنى افتح بالمفاح يفتح الاربع ابواب بس طبعا من غير ريموت دلوقتى انا عايز اركبريموت وانذار هل ينفع اشتريه من بره ويركبوهولى فى التوكيل وياخدوا المصنعيه انا من دمياط وهاعمل الصيانه فى توكيل اسكندريه ولو نفع هياخدوا كام تقريبا انا سالت عليه عند اشهر واحد بتاع اكسسوارات عندنا قاللى فى من 150 ل 200 بس قعد يقولى التوكيل هيبوظ ومش هيعرف تعالى اما اعملهولك قلتله والضمان قاللى محدش هيعرف حاجه دلوقتى صيانه ال5000 قربت وانا عايز اركب الانذار بالريموت اعمل ايه ؟

moral
11-12-2009, 11:04 PM
لا والف لا اياك تركب انذار لانه هيخرجها من اضمان وغير كدة العربية متامنة من السرقة وانت افتحها بالريموت وسيبها 10ثواني وهتفل لوحدها وغير كدة العربية مبتنورش لو جيت تقفلها بالريموت وفي باب مفتوح

وانا من راي مش هتحتاجو

انا نعايا لوجان ومعايا نفس الموضوع

شكرا لردك وتعاونك معى لكن انا مشكلتى ليست فى سرقة السيارة !!!!!!!!!!!!!!!! ولكن مشكلتى ان فى مجموعه من الكلاب استلمت العربيه وحبتها وتجلس عليها طول الليل واصبحت العربيه ملكا لها وحين اطردها من عند العربيه تنظر الى ولا تهتم
وجربت عدة اشياء منها وضعت غطاء فتمزقت منه اجزاء كثيره من اظافرها الحاده وبالتالى قامت باحداث خدوش كثيرة فى الكابوت والسقف والشنطه ووضعت نفتالين علىالغطاء لتهرب من الرائحه ووضعت بودرة صراصير وكل هذا بدون فائدة ففكرت فىالانذار وذلك بعد ان وضعت سم فى قطع لحم بالعظم لكى تحبها وااةاةاةوالف اةاةاةاةاةماتت!!!!!!!!!!!!!!!!!!القطط وليست الكلاب!!!11!1!1!هل يوجد حل ثانى غير الانذار؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟*

EgyZizo
12-12-2009, 12:09 AM
'باشا انا معايا الهاف اوبشن فيها سنتر بس فى المفتاح مش بريموت يعنى افتح بالمفاح يفتح الاربع ابواب بس طبعا من غير ريموت دلوقتى انا عايز اركبريموت وانذار هل ينفع اشتريه من بره ويركبوهولى فى التوكيل وياخدوا المصنعيه انا من دمياط وهاعمل الصيانه فى توكيل اسكندريه ولو نفع هياخدوا كام تقريبا انا سالت عليه عند اشهر واحد بتاع اكسسوارات عندنا قاللى فى من 150 ل 200 بس قعد يقولى التوكيل هيبوظ ومش هيعرف تعالى اما اعملهولك قلتله والضمان قاللى محدش هيعرف حاجه دلوقتى صيانه ال5000 قربت وانا عايز اركب الانذار بالريموت اعمل ايه ؟

انا مركب انذار وأعرف ناس كتير مركبين انذار وحاجات تانية والتركيبات كانت كلها بره التوكيل وماخرجوش من الضمان ولاحاجة وبيعملوا صياناتهم عادى ..

ringoo
12-12-2009, 12:17 AM
شكرا لردك وتعاونك معى لكن انا مشكلتى ليست فى سرقة السيارة !!!!!!!!!!!!!!!! ولكن مشكلتى ان فى مجموعه من الكلاب استلمت العربيه وحبتها وتجلس عليها طول الليل واصبحت العربيه ملكا لها وحين اطردها من عند العربيه تنظر الى ولا تهتم
وجربت عدة اشياء منها وضعت غطاء فتمزقت منه اجزاء كثيره من اظافرها الحاده وبالتالى قامت باحداث خدوش كثيرة فى الكابوت والسقف والشنطه ووضعت نفتالين علىالغطاء لتهرب من الرائحه ووضعت بودرة صراصير وكل هذا بدون فائدة ففكرت فىالانذار وذلك بعد ان وضعت سم فى قطع لحم بالعظم لكى تحبها وااةاةاةوالف اةاةاةاةاةماتت!!!!!!!!!!!!!!!!!!القطط وليست الكلاب!!!11!1!1!هل يوجد حل ثانى غير الانذار؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟*
ههههههههههههههههه والله الموقف يفطس من الضحك دى مش كلاب دول وحوش
بس بصراحة الموضوع دة ميتسكتش عليه يعنى مش كفاية بيقعدوا عليها لا وبيغلسوا كمان

ringoo
12-12-2009, 12:24 AM
'باشا انا معايا الهاف اوبشن فيها سنتر بس فى المفتاح مش بريموت يعنى افتح بالمفاح يفتح الاربع ابواب بس طبعا من غير ريموت دلوقتى انا عايز اركبريموت وانذار هل ينفع اشتريه من بره ويركبوهولى فى التوكيل وياخدوا المصنعيه انا من دمياط وهاعمل الصيانه فى توكيل اسكندريه ولو نفع هياخدوا كام تقريبا انا سالت عليه عند اشهر واحد بتاع اكسسوارات عندنا قاللى فى من 150 ل 200 بس قعد يقولى التوكيل هيبوظ ومش هيعرف تعالى اما اعملهولك قلتله والضمان قاللى محدش هيعرف حاجه دلوقتى صيانه ال5000 قربت وانا عايز اركب الانذار بالريموت اعمل ايه ؟
حقولك على حاجة يا مختار باشا
هل لو ركبت حاجة برة التوكيل تخرج من الضمان ؟ لأ
ولكن لو حصل لقدر الله عطل فى ضفيرة الكهربة اذا التوكيل عنده حجه انك لعبت فى الضفيرة خارج التوكيل اذا الضفيرة خارج الضمان
هل توكيل اسكندرية حيركب الانذار ؟ نعم
ان شاء الله حيركبه توكيل العامرية متساهل اكتر من المقطم والعبور فى موضوع التركيبات الكهربية دى بس هما بيعترضوا على وحدات الرفع
اللى انت حتعمله ايه ؟
حتشترى الانذار وتروح بيه الصيانة عادى جدا وتطلب انك تركب الانذار فى التوكيل مع دفع مصنعية التركيب
طب لو رفضوا ؟
يبقى توكل على الله ركبوا خارج التوكيل وان شاء الله مايكونش فى مشاكل ولا اعطال وناس كتير عاملة كدة
وطمنا ياباشا ايه اخبارك واخبار لوجى معاك فى الفترة الاخيرة

moral
12-12-2009, 12:28 AM
ههههههههههههههههه والله الموقف يفطس من الضحك دى مش كلاب دول وحوش
بس بصراحة الموضوع دة ميتسكتش عليه يعنى مش كفاية بيقعدوا عليها لا وبيغلسوا كمان

شكرا لتعاطفكم معنا وهل حضرتك ترى ان هذا الحل يكون له نتيجه فعاله؟؟؟؟؟؟؟؟؟؟؟؟؟

ringoo
12-12-2009, 04:19 AM
شكرا لتعاطفكم معنا وهل حضرتك ترى ان هذا الحل يكون له نتيجه فعاله؟؟؟؟؟؟؟؟؟؟؟؟؟
يا باشا انا ماقولتش على اى حل للموضوع انا بهزر معاك
بس بجد موضوع الكلاب دة صعب جدا بالذات انهم منسجمين جدا مع القعدة على العربية
هو الحل انك تزهئهم من القعدة على العربية بان حضرتك تركن العربية تحت البلكونة مثلا
و اول ما تشوف كلب على العربية تحدف عليه شوية ماية الكلاب مش بتحب الماية
والمفروض انه يحصل ان الكلب تلاقيه قاعد على العربية تضربه بعصاية ضربة جامدة
عايز اقولك انك تخلى القعدة على سقف العربية جحيم لكن طول ما حضرتك طيب معاهم حيتمادوا اكتر
واوعدك لو لقيت اى تجارب سابقة مع موضوع الكلاب حقولك عليها واوعا تكون زعلت انا كنت بهزر
على فكرة حضرتك ممكن بردو تركب انذار ‍‍spy 2 way الانذار دة معاه شاشة واى خبطة فى العربية بتظهر عندك فى الشاشة وبالتالى اى كلب حيقعد على سقف العربية حتظهر عندك على الشاشة وتقوم رايح مديله شوية ماية او تنزل تضربه بعصاية بجد الحل دة كويس قولى ايه رايك فى الحلول دى تنفع ولا لأ
تحياتى لحضرتك وكل سنة وانت طيب :waving:

EgyZizo
12-12-2009, 10:41 AM
فيه حل ماعرفش مدى فعاليته ، بس ماتضحكوش ، لأنى ضحكت لما قريته .. لكن اللى عمله بيجزم بأنه فعال 100% ..

الحل هو التبول على الغطاء ثم تغطية العربية ، وبالطريقة دى مستحيل كلب يقرب منها ..

moral
13-12-2009, 12:19 AM
ringo باشا انا عارف انك بتهزر انا والعائله بنضحك وده هم يبكى وهم يضحك واناشاكر لتفكيرك فى هذه الحللول واناذهبت عند سبير كار وركبت الانذار spy 2 wayلانى وجدته انسب شىء وفعلا الكلاب ولادالكلاب لما بيطلعوا عليها بيظهر على شاشة الريموت فابنزل احاول اضربهم فابيجرو وسوف ابلغك باخر اخبارى معهم انشاء الله

moral
13-12-2009, 12:24 AM
فيه حل ماعرفش مدى فعاليته ، بس ماتضحكوش ، لأنى ضحكت لما قريته .. لكن اللى عمله بيجزم بأنه فعال 100% ..

الحل هو التبول على الغطاء ثم تغطية العربية ، وبالطريقة دى مستحيل كلب يقرب منها ..
طريقه صعبة التنفيذ لكن اشكرك على معاونتى فى هذه الازمه

EgyZizo
13-12-2009, 12:49 AM
أكيد صعبة ، ومقرفـــة كمان .. ههههه

waleedashoor
13-12-2009, 08:00 PM
هما سؤالان:
يا ترى يعمل الموضوع ده والغطاء في مكانة؟؟؟؟؟؟
ولا ياخده فى البيت يزبطوا براحته ولو الموضوع خسع اى حد يساعده
السؤال الثاني العربية يكفيها كام لتر
ولا حسب السي سي

flashfox
13-12-2009, 08:02 PM
هما سؤالان:
يا ترى يعمل الموضوع ده والغطاء في مكانة؟؟؟؟؟؟
ولا ياخده فى البيت يزبطوا براحته ولو الموضوع خسع اى حد يساعده
السؤال الثاني العربية يكفيها كام لتر
ولا حسب السي سي

اولا التانك بياخد 50 لتر وياريت توضح السؤال

ايهاب محمد نظمى بدوى
13-12-2009, 11:41 PM
شكرا جزيلا - تحليل رائع

ringoo
13-12-2009, 11:54 PM
ptmnlo123per1117:thinkW19:ptmnlo123per1117
ptmnlo123per131ptmnlo123per186ptmnlo123per186 ptmnlo123per131

EgyZizo
14-12-2009, 12:42 AM
هما سؤالان:
يا ترى يعمل الموضوع ده والغطاء في مكانة؟؟؟؟؟؟
ولا ياخده فى البيت يزبطوا براحته ولو الموضوع خسع اى حد يساعده
السؤال الثاني العربية يكفيها كام لتر
ولا حسب السي سي


يا باشا ، الموضوع مش مستاهل تعب ..
هم كوبايتين عصير قصب للبواب ، واعتبر المهمة انقضت ..

وفى حالتنا التفويلة 1 لتر ، وبتكفيك أسبوع .. بعدها تحتاج تفول تانى ...

شسيبلاتن
17-12-2009, 05:09 PM
السلام عليكم
لو سمحتم حد يقلي سعر الرينو لوجن فول ابوبش في مصركاش او تقسيط
ومن اين احصل عليها

خطوه لأعلى
17-12-2009, 05:28 PM
بجد تقرير اكتر من رائع منتظره من زمان

Prince2003
17-12-2009, 10:30 PM
السلام عليكم

10000000000000 مبروك و ربنا يباركلك فيها

أنا أول مرة أكتب فى المنتدى الجيل و المفيد جدا لينا بس فى حاجة ملاحظها ان الناس نسيا حاجة مهمه فى تقيم اللوجان و هى ان المفروض العربية عشان تتقيم صح وسط باقى العربيات ان نحطها فى مكانها السعرى صح.

يعنى مينفعش نقيم عربيتين مع بعض ويكون وحدة عليها جمارك ة التانية معلهاش.

عشان كدة لازم نساوى بين الظروف كلها عشان يكون عندنا تقيم حقيقى ز ده يكون ياما نعامل كل العربيات ان معلهاش جمارك أو نعملهم على أن كلهم عليهم جمارك عند التقيم وده الاسهل فى حالة الوجان ( نوحد المقامات :HAPPY_~211:).

كده محتاجين نحسب قيمة اللوجان لو عليها جمارك

نشتغل على العربية ال ب 62 الف
نفرض ان التوكيل كسبان 12 الف ( مش كسبان حاجةptmnlo123per111)
+ 5 مصاريف الشحن و التخزين مثلا
+ 15 % ضريبة مبيعات و بالتالى العبية تقريبا 39 الف

يعنى لو عليها جمارك تكون ب
39 + 39*.4 (جمارك) + 39*.15 ( مبيعات) + 5 مصاريف + 12 مكسب

78 الف جنية بالكمال و التمام

أرجو من خبراء المنتدى أعادة تقيم مقارنة اللوجان ( مواصفات +مستوى الامان+ حودة الصناعة)فى المستوى السعرى ده

عشان بفكر ربنا يكرمنى و أجيب وحده على اساس التقيم

etsh1413202
20-12-2009, 02:11 AM
اولا السلام عليكم ..... دي اول مشاركه ليا فى المنتدى المحترم ده

فعلا موضوع جميل وكل حاجه وربنا يباركلك في عربيتك يا ريس
بس انا فعلا اتعصبت اما قرأت اسعار قطع الغيار ............ يا راجل انت بتهرج ........ دى كده اسعارها فظيعه خالص
اما طقم تيل مش عارف ب300 وكام وفانوس ب500 وكام ............... يا ريس ده كده اللانوس برنس فى اسعارها

انا كان معايا لانوس ....... شديت العربيه شده كامله يعنى يعتبر غيرت الصاج كله والاربع فوانيس و عفشه كامله وطنابير ومش عارف ايه وبلاوي اد كده ورشتها ........... كل ده ب4000 جنيه ........... ده لو على كلامك في اسعار اللوجان عايزالها بتاع 6 مليون جنيه مصاريف هههههههههه

بس هي واضح انها عربية محترمه بس لو قطع غيارها فعلا كده تبقى مش محترمه خالص

والف مبروك مره تانيه

EgyZizo
21-12-2009, 12:50 AM
اولا السلام عليكم ..... دي اول مشاركه ليا فى المنتدى المحترم ده

فعلا موضوع جميل وكل حاجه وربنا يباركلك في عربيتك يا ريس
بس انا فعلا اتعصبت اما قرأت اسعار قطع الغيار ............ يا راجل انت بتهرج ........ دى كده اسعارها فظيعه خالص
اما طقم تيل مش عارف ب300 وكام وفانوس ب500 وكام ............... يا ريس ده كده اللانوس برنس فى اسعارها

انا كان معايا لانوس ....... شديت العربيه شده كامله يعنى يعتبر غيرت الصاج كله والاربع فوانيس و عفشه كامله وطنابير ومش عارف ايه وبلاوي اد كده ورشتها ........... كل ده ب4000 جنيه ........... ده لو على كلامك في اسعار اللوجان عايزالها بتاع 6 مليون جنيه مصاريف هههههههههه

بس هي واضح انها عربية محترمه بس لو قطع غيارها فعلا كده تبقى مش محترمه خالص

والف مبروك مره تانيه

المشكلة مش فى سعر قطع الغيار ، لأن سعر قطع غيار اللوجان فى التوكيل مقارب لأسعار قطع غيار الكورى فى توكيلهاتها .. يعنى مثلاً أرخص من قطع غيار الأكسنت ..
الميزة اللى حضرتك بتتكلم عنها هى توفر قطع الغيار التقليد أو الاستيراد خارج التوكيل ودى بتبتقى أسعارها كويسة وبتفرق كتير ، ودى فعلاً ميزة للانوس عن اللوجان وعربيات تانية كتير ..

بس لما تعرف ان لوجان بتتسوق فى 55 دولة (قطع غيارها مرطرطة بره ) ، وان عليها ضرب نار فى مصر وقوايم انتظار لمدة ست شهور ، يبقى تستنتج بسهولة ان فى خلال سنة او اتننين بالكتير هتلاقى قطع غيارها متوفرة وهتلاقى استيراد .. وكل اللى انت عايزه ، لأن التجار مش هيسيبوا التورتة دى تروح عليهم.

ومش ذنب اللوجان ولا يقلل من احترامها انها لسه نازلة مصر من شهور قليلة ، ومالهاش قطع غيار فى المحلات ، يعنى كانوا يجيبوها لمين ؟؟؟

flashfox
21-12-2009, 09:42 AM
وجهة نظر سليمة وخاصة ان نزل منها دلوقتي قطع غيار هندي

zkralla
01-01-2010, 09:44 PM
المشكلة مش فى سعر قطع الغيار ، لأن سعر قطع غيار اللوجان فى التوكيل مقارب لأسعار قطع غيار الكورى فى توكيلهاتها .. يعنى مثلاً أرخص من قطع غيار الأكسنت ..
الميزة اللى حضرتك بتتكلم عنها هى توفر قطع الغيار التقليد أو الاستيراد خارج التوكيل ودى بتبتقى أسعارها كويسة وبتفرق كتير ، ودى فعلاً ميزة للانوس عن اللوجان وعربيات تانية كتير ..

بس لما تعرف ان لوجان بتتسوق فى 55 دولة (قطع غيارها مرطرطة بره ) ، وان عليها ضرب نار فى مصر وقوايم انتظار لمدة ست شهور ، يبقى تستنتج بسهولة ان فى خلال سنة او اتننين بالكتير هتلاقى قطع غيارها متوفرة وهتلاقى استيراد .. وكل اللى انت عايزه ، لأن التجار مش هيسيبوا التورتة دى تروح عليهم.

ومش ذنب اللوجان ولا يقلل من احترامها انها لسه نازلة مصر من شهور قليلة ، ومالهاش قطع غيار فى المحلات ، يعنى كانوا يجيبوها لمين ؟؟؟
يا باشا بالفعل نزل قطع غيار استعمال خارج فى الحرفييين ونزل قطع غيار صينى وتيوانى وتركى والبقية تأتى
هو واضح أن الاخ الى بيتكلم عن قطع الغيار ما اخدش باله أنها اسعار توكيل
سعر فانوس اللانوس الاصلى بره التوكيل ب 425 جنيه وممكن يكون مضروب كمان فى حين فانوس اللوجان فى التوكيل وبضمان سنه ب 510 جينه تقريبا

auto5truck
02-01-2010, 10:33 PM
http://www.ra7ala.com/vb/attachment.php?attachmentid=98&stc=1&d=1262465524


هى دى عربيتى اللوجان الجديدة أستلمتها من حوالى شهر

TeGo
14-01-2010, 04:35 PM
تقرير جميل جدا ووفى بالمعلومات

شكراً

ahmedbatman
18-01-2010, 02:17 AM
thanksss mannnnn

Mohamed Magdy
22-01-2010, 02:16 PM
السلام عليكم
ربنا يبارك لك فيها يارب
انا قررت نهائيا شراء اللوجان
وذلك بعد مقارنات كثير ومتابعة لكل كبيرة وصغيرة فى هذه السيارة
وباذن الله يكون قرار موفق
ptmnlo123per122

ashraf tbana
22-01-2010, 03:04 PM
شكرا لك علي المجهود الرائع

ahmedbatman
22-01-2010, 06:19 PM
thankssssssssssssssssss

الخطابي
23-01-2010, 01:18 PM
تسلم على هذا الموضوع الرائع
بس عند سؤال كم يبلغ سعر المحرك الموتور تقبل تحياتي
علي العراقي

MOHAMR
27-01-2010, 06:48 PM
انا اشكرك علي هذة المعلومات القيمة الوافية والمدعومه بصور وشرح وافي .... باك الله فيك

ahmed-alaa
28-01-2010, 02:00 AM
تسلم ايدك وربنا يباركلك فيها ويكفيك شرها ويكفيك مطبات مصر والله احسن تقرير قريتو عن اللوجان

hisham853
29-01-2010, 04:22 PM
بصراحة تقرير رائع و معلومات قيمة مشكوووووووووووور

Amr_Eissa
29-01-2010, 06:56 PM
تقرير وافي جدا بارك الله فيك

raaeef
08-02-2010, 12:16 AM
شكرااااااااااا... بس انا عندي سؤال هل المشاكل بتاعت الفرامل و صوت الموتور هاتروح بعد التليين؟؟؟

MANO14
08-02-2010, 12:31 PM
والله تشكر جداً على تقريرك الرائع وربنا يحفظهالك من كل شر آمين.
وعن نفسى أنا كل يوم بيزيد اقتناعى باللوجان وإن شاء الله على أخر السنة هأخد القرار النهائى فى الشراء و90% هتكون اللوجان بإذن الله وشكراً لك ومستنين أخر الأخبار..:)

a_helaly2004
09-02-2010, 01:40 PM
سمعت عن اللوجان ان صاجها مش متين وغالبيتة من الفيبر

السائلة الحائرة
11-02-2010, 06:41 AM
شكرا على الموضوع ويارترى حضرتك استلمتها لانك كاتب شهر 12 وهل تنصحنى بشرائها لانى متحيرة بينها وبين البروتون ساجا الجديدة المانيول ارجو الافادة

flashfox
11-02-2010, 02:05 PM
سمعت عن اللوجان ان صاجها مش متين وغالبيتة من الفيبر
صاجها مش فيبر ولا حاجة بس هو الاكصدام الامامي والخلفي زي كل العربيات ودة بيخف من وزن العربية وبيبقبي سهل في رد صدماته

flashfox
11-02-2010, 02:08 PM
شكرا على الموضوع ويارترى حضرتك استلمتها لانك كاتب شهر 12 وهل تنصحنى بشرائها لانى متحيرة بينها وبين البروتون ساجا الجديدة المانيول ارجو الافادة
اه انا من مستلمين شهر 12 وهي موديل 2010
وبصراحة العربيتين حلوين ودة عن تجربة ولكن المشكلة في الساجا الصالون اضيق من اللوجان وكمان الشنطة اصغر
ساجا 400 لتر و لوجان 510 لتر ودي اكبر شنطة وصالون في الفئة دي

وانا من راي اللوجان احسن

m-medo
19-02-2010, 12:53 AM
هو اللوجان نزلتلها قطع غيار بره التوكيل ولو فى صناعتها ايه

flashfox
22-02-2010, 08:15 AM
اه في منها برة التوكيل وبتبقي يا صيني با هندي وفي منها التيواني

خالداعزالناس
22-02-2010, 08:48 AM
لا لا دا مجهود عظيم
انت صورت اللسياره وكتبت عنها
لدرجه فاقت دليل المستخدم المرفق مع السياره
الملف دا يطبع وهو خير رفيق للسياره
اللسان يعجز عن الشكر اما هذا المجهود

السائلة الحائرة
24-02-2010, 03:08 AM
هل اشتريها من التوكيل نفسة وهو مكانة فين فى القاهرة وهل بالحجز ولا اشتريها من المعارض اللى بتبقى فى الجريدة الاهرام يوم الجمعة مين الاحسن

flashfox
25-02-2010, 09:52 PM
هل اشتريها من التوكيل نفسة وهو مكانة فين فى القاهرة وهل بالحجز ولا اشتريها من المعارض اللى بتبقى فى الجريدة الاهرام يوم الجمعة مين الاحسن
انا اشترتها من التوكيل وهي بالحجز والاستلام بعد 3 شهور بسعرها الاصلي
اما المعارض بيبقوا مغلين شوية

tarek elbadry
26-02-2010, 12:16 AM
الف شكر بجد موضوع قيم جداptmnlo123per171

walidouida
26-02-2010, 12:43 PM
السلام عليكم
هل يستطيع اي ميكانيكي مستواة معقول يعني ان يتعامل مع اللوجان ام لابد من الرجوع للصيانة في كل شيء يعني انا مثلا من المنوفية لذلك مش معقول اي حاجة تحصل في العربية اسافر لبتوع الصيانة وما هو اقرب مركز صيانة للمنوفية وما هو افضل مركز لصيانة الرينو في الجمهورية مع خالص الشكر والتقدير

EgyZizo
26-02-2010, 01:45 PM
أنا فى شبين الكوم ومعايا اللوجان
وان شاء الله مش هتحتاج للميكانيكى فى حاجة طالما بتعمل صياناتك الدورية فى مواعيدها
أنا جايبها من 5 شهور ولم أحتاج لميكانيكى فى حاجة.
على أى حال فيه مركز صيانة معتمد جنب طنطا
وأفضل مركز صيانة بتاع المقطم.

walidouida
26-02-2010, 03:30 PM
أنا فى شبين الكوم ومعايا اللوجان
وان شاء الله مش هتحتاج للميكانيكى فى حاجة طالما بتعمل صياناتك الدورية فى مواعيدها
أنا جايبها من 5 شهور ولم أحتاج لميكانيكى فى حاجة.
على أى حال فيه مركز صيانة معتمد جنب طنطا
وأفضل مركز صيانة بتاع المقطم.

شكرا استاذي العزيز
ارجو معرفة اخبار السيارة معاك عاملة اية وهل لو لسة حاتشتري برضة حتشتري اللوجان ولا هتغير ؟
ما لون سيارتك ؟
مع الشكر

medobenz
26-02-2010, 04:35 PM
مجهود رائع
معلومات متميزة
شكرا جدا
<!-- / message --><!-- sig -->

EgyZizo
27-02-2010, 01:29 PM
شكرا استاذي العزيز
ارجو معرفة اخبار السيارة معاك عاملة اية وهل لو لسة حاتشتري برضة حتشتري اللوجان ولا هتغير ؟
ما لون سيارتك ؟
مع الشكر

السيارة زى الفل ، مشيت بيها 4500 كيلو ومديانى أكتر من اللى أنا متوقعه الحقيقة ..
ولونها فيرانى
ولو لسه هاشترى ، برضه كنت هاشتريها ..

يعنى العربية بصراحة مافيهاش أى عيب من أى ناحية
العيب الوحيد واللى اتمنى أنه يكون مؤقت هو ارتفاع سعر قطع الغيار وعدم توافرها إلا فى التوكيل حالياً
لكن أنا متفائل إلى حد ما فى النقطة دى لأن بالفعل بدأت قطع غيارها تنزل عند التجار بأسعار معقولة
فإن شاء الله فى خلال سنة كده واللا حاجة الصورة دى هتتغير قبل ما ضمان العربية يخلص.

ringoo
27-02-2010, 06:15 PM
السيارة زى الفل ، مشيت بيها 4500 كيلو ومديانى أكتر من اللى أنا متوقعه الحقيقة ..
ولونها فيرانى
ولو لسه هاشترى ، برضه كنت هاشتريها ..

يعنى العربية بصراحة مافيهاش أى عيب من أى ناحية
العيب الوحيد واللى اتمنى أنه يكون مؤقت هو ارتفاع سعر قطع الغيار وعدم توافرها إلا فى التوكيل حالياً
لكن أنا متفائل إلى حد ما فى النقطة دى لأن بالفعل بدأت قطع غيارها تنزل عند التجار بأسعار معقولة
فإن شاء الله فى خلال سنة كده واللا حاجة الصورة دى هتتغير قبل ما ضمان العربية يخلص.
بصرة يا زيزو انا كمان عامل 4500 كيلو وعربيتى فيرانى ptmnlo123per122

حسام فهمي
27-02-2010, 09:14 PM
مجهود اكثر من رائع ومش عارف اطلع فيه حاجه انت لم تكتبها ناقص تشتريلنا العربيه وترخصها وتجبهالنا شكرا علي كل ما كتبته والي الامام

SPACEEVIL
04-03-2010, 08:40 AM
شكرا على الموضوع الجميل ده وإن شاء الله ناوى عن قريب أجيب السيارة دى لأنها عجبانى جدا
وبالمناسبة توكيل الرينو فى الإسكندرية فين لو سمحت ؟؟

ringoo
04-03-2010, 05:10 PM
شكرا على الموضوع الجميل ده وإن شاء الله ناوى عن قريب أجيب السيارة دى لأنها عجبانى جدا
وبالمناسبة توكيل الرينو فى الإسكندرية فين لو سمحت ؟؟
سان ستيفانو ..... 153 شارع عبد السلام عارف
بين محطة ترام سان ستيفانو ومحطة ترام قصر الصفا
.................................................. ....
العامرية .... الكيلو 24 طريق مصر اسكندرية الصحراوى
بعد كوبرى مرغم بحوالى 6 كيلو

kotkat111
11-03-2010, 11:01 AM
logan hatchbak what about

3amor
12-03-2010, 09:03 AM
جزاك الله خيرا موضوع جميل فعلا و بفكر اشتريها بس خايفة من حاجتين التقفيل و قطع (الغيار) ممكن تكون غالية اوى
لكن انا و رغم خبرتى ال0 فى العربيات اعتقد انها سيارة جميلة مقارنة بالسيارات اللى فى فئتها خصوصا الفيرنا- و اللانوس اعتقد كانت زمان حلوة -

mido_1010
14-03-2010, 11:11 AM
جزاكم الله خيرا بس عايز اتاكد من الكلاكس لانى اتصلت بالوكيل وقالى ان الكلاكس فى الدركسيون

ringoo
14-03-2010, 05:47 PM
جزاكم الله خيرا بس عايز اتاكد من الكلاكس لانى اتصلت بالوكيل وقالى ان الكلاكس فى الدركسيون
الكلاكس فى دراع النور ... الدراع الشمال .... وانا عن نفسى متبرمج معاه عادى جدا

ysedawy
14-03-2010, 09:44 PM
مشكور على المجهود ده

mido_1010
16-03-2010, 02:06 PM
متشكر جدا ليك يا رنجو بس الوكيل ليه قالى كده معلش انا مش فاهم ليه انا على فكره اتصلت بالمبيعات سور نادى الزمالك وهو الى قالى كده ده حتى قالى ان الكلاكس الى فى الجمب ده فى العربيات بتاعت زمان والله قالى كده
ممكن تكون فى عربية نزلت جديدة يوكن فيها الكلاكس فى الدركسيون وشكرا
رنجو انا عايز اجيب العربية ده عجبانى اوى بجد قولى هى معاك من امتى وبص قولى بالله عليك ب امانة اشتريها ولا لا اوك
*

sandarosy
16-03-2010, 05:49 PM
أستاذ رينجو بك
اشتريت لوجان E1 من اسبوعين ولم أجد الدراع اللي بيرفع الكرسي فيها, هل ياترى ده بس في E2 فقط؟
سؤال آخر لو تكرمت:
صيانة ال 1000 وال 5000 بيعملوا إيه فيها؟ و بتتكلف كام؟ وهل هناك فرق في اذا كنت هاعملها في المقطم ولا في مزود الخدمة االمعتمد يوسف موتورز في العجوزة؟ عشان الزحمة يعني
وهل فيه مشكلة ادارية لو طنشت الصيانة في ميعادها؟

وشكرا

ringoo
16-03-2010, 06:57 PM
متشكر جدا ليك يا رنجو بس الوكيل ليه قالى كده معلش انا مش فاهم ليه انا على فكره اتصلت بالمبيعات سور نادى الزمالك وهو الى قالى كده ده حتى قالى ان الكلاكس الى فى الجمب ده فى العربيات بتاعت زمان والله قالى كده

طبعا انا مصدق حضرتك .. وممكن يكون موظف جديد فى الكول سنتر ومش عارف حاجة ولو انى بردو اشك فى كدة
لكن الكلام الصح ان الكلاكس فى الدراع الشمال بتاع الاشارات ومفيش اى مشكلة فى التعود عليه هم يومين بالكتير وحتنسى الكلاكس اللى فى نصف الدركسيون

ممكن تكون فى عربية نزلت جديدة يوكن فيها الكلاكس فى الدركسيون وشكرا
ممكن يكون بيتكلم على عربية تانية وفى عربية رينو جديدة نازلة (الفلوينس) ممكن يكون بيتكلم عنها او حصل سوء تفاهم
رنجو انا عايز اجيب العربية ده عجبانى اوى بجد قولى هى معاك من امتى وبص قولى بالله عليك ب امانة اشتريها ولا لا اوك

اولا ان شاء الله انا كلامى كله بما يرضى الله علشان محدش فينا حيستفاد حاجة غير ان احنا نفيدج بعض لوجه الله
انا معايا العربية من حوالى 4 اشهر هى طبعا فترة غير كافية ان احكم على السيارة ومدى اعتماديتها
لكن حتى الان فهى ممتازة جدا على الاقل بالنسبة لى لانها بتلبى جميع احتياجاتى من السيارة
استخدامى للعربية ما بين طرق زحمة وطرق سريعة كل يوم بحكم عملى على طريق مصر اسكندرية الصحراوى
العربية الحمد لله جميلة ومريحة جدا فى الطرق السريعة تسارع السيارة جيد ومرضى جدا (مش محتاج اكتر من كدة علشان تمشى على طرق سريعة شد وحرق وكل حاجة )
صالون السيارة جميل وواسع جدا ... شنطة بحر كاسيت وسماعات صوتهم نقى جدا
تكييف جيد ولا يلاحظ تاثير كبير على السحب او استهلاك البنزين
العربية تحس فيها بالامان لانها واخدة 3 نجوم فى اختبارات السلامة الاوروبية .. صاجها قوى ... فراملها جيدة جدا .. وتحتوى على اير باج للسائق
استهلاك البنزين فى الزحام جيد (8 او 8.5 لتر لكل 100 كيلو) استهلاك ممتاز على الطرق السريعة يصل الى 5.8 لتر لكل 100 كيلو على حسب ظروف الطريق وحالت الاطارات من ضغط وحسب طريقة القيادة
شكل العربية جميل بالنسبة لى بالاضافة لاوبشن محترم جدا من كمبيوتر رحلات وارتفاع و انخفاض كرسى السائق والمرايات الكهربا والزجاج كهرباء والفوج لايت والعواكس الخلفية
طبعا الكلام على الفل اوبشن
............................................
ملاحظاتى على العربية
1- قبل 5000 كيلو كان عندى هزة فى دواسة البنزين وهزة فى الفتيس كانت جامدة وملحوظة نوعا ما
بعد ال 5000 وبعد تليين العربية هزة دواسة البنزين اختفت .. هزة الفتيس قلت عن الاول بكتير
2- العربية عريضة والشنطة عالية مما يجعل من بعض ابعادها صعبة الرؤية طبعا مع التعود بتحفظ ابعاد العربية
3- الدركسيون تقيل شوية ... مش عارف بس الناس بتقول عليه تقيل لكن انا عاجبنى جدا علشان بمشى على طرق سريعة كتيير والتقل دة بيعطى للعربية اتزان جيد جدا
هو بالنسبالى ميزة ممكن يكون بالنسبة لحد تانى عيب عموما انا مش بستخدم من الدركسيون غير نصف لفة بتتلف بيد واحدة بدون مشكلة
مش عارف بقى هل الشعب المصرى بقى ضعيف ولا انا اللى قوى والا ايه
.........................................
فى النهاية وبدون تحيز انا بحب العربية دى جدا وبحترمها جدا ... وانا انصح اى حد انه يشتريها وانا ضميرى مرتاح علشان انا كان لى تجارب قيادة مع معظم السيارات فى هذه الفئة بدون الدخول فى مقارانات
الحمد لله صفقة رابحة بكل المقاييس وكل مليم بيدفع فيها حلال
..........................................
نصيحتى قبل شراء اللوجان
1- اعرف اسعار قطع الغيار وهل هى مناسبة لامكانياتك المادية
2- الفول اوبشن كويسة جدا كسيارة عصرية
*
يا رب اكون مانستش حاجة واى استفسار انا تحت امرك

ringoo
16-03-2010, 07:06 PM
أستاذ رينجو بك
اشتريت لوجان E1 من اسبوعين ولم أجد الدراع اللي بيرفع الكرسي فيها, هل ياترى ده بس في E2 فقط؟
معلوماتى انه فى الفل اوبشن فقط
سؤال آخر لو تكرمت:
صيانة ال 1000 وال 5000 بيعملوا إيه فيها؟ و بتتكلف كام؟ وهل هناك فرق في اذا كنت هاعملها في المقطم ولا في مزود الخدمة االمعتمد يوسف موتورز في العجوزة؟ عشان الزحمة يعني
وهل فيه مشكلة ادارية لو طنشت الصيانة في ميعادها؟

وشكرا
صيانة ال 1000 غير متوفرة فى القاهرة ... لكن هى متوفرة فى فرع العامرية ومش بيتعمل فيها حاجة مجرد تشك على سوائل السيارة ولو فى ملاحظات لحضرتك يحلوها فى التوكيل ولو عندك ملاحظات لا تستدعى التاخير لصيانة ال 5000 روح على طول
...........................................

صيانة ال 5000 هى اول صيانة رسمية للوجان يتم فيها تربيط العفشة + ما حدث فى صيانة ال 1000 + لو عايز تغيير الزيت حيغيروه ودة بيبقى بناء على طلبك لان الزيت ممكن يتغير على 10000 كيلو بدون مشاكل
...........................................
صيانة ال 1000 وال 5000 مجانا
.........................................
نصيحة منى الصيانات الاولى للسيارة خليك فى التوكيل افضل و فى الصيانات الخفيفة زى 5000 و ال 10000 روح توكيل العبور مش بيكون زحمة
لو طنشت صيانة ال 5000 تخرج من الضمان وبيكون معاك سماح 1000 كيلو ... طبعا هو الموضوع بيكون ودى اكتر من كدة لكن دة المتعارف عليه وبلاش اهمال فى صيانة العربية علشان تفضل سيارة جيدة على طول ان شاء الله وحط الكلمة دى على طول حلقة فى ودنك زى ما حتصون السيارة حتصونك

sandarosy
16-03-2010, 08:47 PM
شكرا ياباشا على المعلومات

mido_1010
16-03-2010, 10:37 PM
اخ رينجو جزاكم الله خير الجزاء وانا بشكرك جدا على ردك ليه وان شاء الله نكون اصدقاء
انا باذن الله هاشترى العربية عشان انا مصدق كلامك وارتحت له بس ربنا يسهل وان شاء الله هاشتريها قسط وانا ناوى اشتريها من التوكيل عشان مش عايز اتعامل مع البنك بس ربنا يسهل ادعيلى وبرجاء التواصل ان شاء الله

ringoo
16-03-2010, 11:03 PM
شكرا ياباشا على المعلومات

العفو يا فندم تحت امرك ومبروك على العربية وربنا يباركلك فيها

اخ رينجو جزاكم الله خير الجزاء وانا بشكرك جدا على ردك ليه وان شاء الله نكون اصدقاء
انا باذن الله هاشترى العربية عشان انا مصدق كلامك وارتحت له بس ربنا يسهل وان شاء الله هاشتريها قسط وانا ناوى اشتريها من التوكيل عشان مش عايز اتعامل مع البنك بس ربنا يسهل ادعيلى وبرجاء التواصل ان شاء الله
يا باشا الله يخليك وانا لى الشرف ان اكون صديق حضرتك
وان شاء الله ربنا يوفقك لما فيه الخير وتشترى عربية بنت حلال تلبى احتياجاتك واحتياجات عائلتك
اهم حاجة ان حضرتك ما تستعجلش ... اسأل ودور واعرف امكانيات ومميزات وعيوب كل العربيات
اللى فى نفس الفئة السعرية وشوف اكتر واحدة بتلبى احتياجاتك اكتر وتصلى صلاة استخارة وتتوكل على الله
فى بردو عربية جديدة من بروتون اتفرج عليها وسامع الناس بتشكر فيها وقارن بينها وبين اللوجان وان شاء الله موفق
واى استفسار انا تحت امرك

mido_1010
16-03-2010, 11:32 PM
ربنا يصلح حالك يا رنجو متشكر
انت تقصد الساجا بس بصراحةانا دخلت دماغى الوجان من كتر ما قريت عنها على فكره انا قريت كتير من ردودك هنا فى المنتدى وردود الناس مش عارف ليه مش عايز ادور على عربية تانية من نفس الفئة انا الى عجبنى فى العربية ده ما شاء الله المتانة الى انا سامع عناها منكم هنا فى المنتدى وكمان هى عليه يعنى تنفع اوى فى الطرق المصرية بس خايف من موضوع قطع الغيار
فى سؤال معلش يا رنجو بتقل عليك هو لما اروح اجيب العربية مهم جدا اخد معاية واحد فاهم عشان لو فيها حاجه مش مظبوطة اعرفها ولا اطمن عشان انا بجبها من الوكيل
انا على فكرة لسه مبتدء جدا فى موضوع العربيات ده يعنى مكنش عندى عربية قبل كده ب

p3_ahmed
17-03-2010, 03:04 PM
ولا يهمك انت ممكن تجيبها ديلفري اصلا

ringoo
17-03-2010, 06:01 PM
ربنا يصلح حالك يا رنجو متشكر
انت تقصد الساجا بس بصراحةانا دخلت دماغى الوجان من كتر ما قريت عنها على فكره انا قريت كتير من ردودك هنا فى المنتدى وردود الناس مش عارف ليه مش عايز ادور على عربية تانية من نفس الفئة انا الى عجبنى فى العربية ده ما شاء الله المتانة الى انا سامع عناها منكم هنا فى المنتدى وكمان هى عليه يعنى تنفع اوى فى الطرق المصرية بس خايف من موضوع قطع الغيار


من مميزات اللوجان انها مصممة للطرق الغير ممهدة ... والكلام دة على الواقع حقيقى جدا من مواقف عديدة سواء شوارع مكسرة او سواء مطبات وخلافه واللوجان ممتازة جدا فى هذا الامر
.................................
زى ما قولت لحضرتك قبل كدة .. انا من خلال تجربتى مع اللوجان وتوكيلها ... فانا بنصح بيها اى حد بقلب جامد ..
فهى عربية جميلة فى فئتها بل وتتفوق عليهم فى معظم المميزات وملاحظات العربية مقبولة جدا لان جميع العربيات
بها ملاحظات ولكن بتفرق فى ان الملاحظات تكون غير جوهرية وغير مؤثرة على اداء العربية
..........................................
بالنسبة لقطع الغيار ... لو رجعت لمشاركتى الاولى حتلاقينى كاتب فى النصائح انك تعرف اسعار قطع الغيار وتشوف هل هى اسعارها غالية ولا لأ بالنسبة لامكانياتك المادية مع العلم انك معاك ضمان 3 سنوات او 100 الف كيلو ضد عيوب الصناعة
وليس للاجزاء الاستهلاكية مثل تيل الفرامل
.........................................
اسعار قطع الغيار مقبولة جدا جدا بالنسبة لانها عربية جديدة وقطع غيار العربية حاليا موجود خارج التوكيل سواء فى القاهرة او فى اسكندرية
..........................................
القطعة الوحيدة اللغز اللى فى اللوجان هى المراية الجانبية للوجان المغربى فهى غير متوفرة خارج التوكيل
ومتوفرة داخل التوكيل بسعر 1200 جنيه ... طبعا سعرها غالى بس دة حال جميع المرايات الكهرباء
لانها بتحتوى على شاسية وماتور مع العلم ان المراية للوجان الغير كهرباء (لوجان هاف اوبشن) بتكون فى حدود 500 جنيه ودى طبعا ضريبة الرفاهية
عموما ان شاء الله ماتغيرش المراية غير بعد 30 سنة (وعموما فى تجار رينو اكدوا انها حتكون موجودة خارج التوكيل فى خلال شهرين تلاتة )


فى سؤال معلش يا رنجو بتقل عليك هو لما اروح اجيب العربية مهم جدا اخد معاية واحد فاهم عشان لو فيها حاجه مش مظبوطة اعرفها ولا اطمن عشان انا بجبها من الوكيل
انا على فكرة لسه مبتدء جدا فى موضوع العربيات ده يعنى مكنش عندى عربية قبل كده ب


طبعا يفضل لما تروح تستلم العربية يكون حد قريبك او صديقك معاك حتى يونسك فى اول ساعات تسوق فيها العربية ويا حبذا لو اشترى عربية قبل كدة
لكن عامتا مفيش مشكلة لو استلمت لوحدك لانهم بيعملوا للعربية كشف pdi بالاضافة ان احنا ممكن نقولك تستلم ازاى من خلال تواصلنا على المنتدى اهم حاجة انك وانت بتستلم ما تبصش لوش العربية علشان عينك متزغللش وتبقى عايز تنطلق وخلاص لأ يوم الاستلام تخليك جامد وماسك نفسك علشان لو لاقيت اى ملحوظة يكتبهالك فى ايصال الاستلام
بالاضافة انك لو فى اى ملحوظة ظهرت فى العربية فى ال 5000 كيلو الاولى بتتعمل على طول فى الصيانة
و لا تتردد فى انك تسأل اى سؤال .... اسأل واستفسر وماتستعجلش ... لان شراء السيارة دة قرار مصيرى حيدفع فيه فلوس احنا تعبانين فيها
وان شاء الله ربنا يوفقك لما فيه الخير

mido_1010
17-03-2010, 09:10 PM
شكرااااا جدا اخ رنجو وانا النهارده رحت شوفت العربية فى التوكيل سور نادى الزمالك
العربية تحفة بجد فخمة جدا انت عارف عجبنى فيها انها فخمة اوى بس برضه هاسالك سؤال ممكن
انا هاجبها قسط وسالت الراجل المتخصص للقسط قالى على نظام القسط بس الشئ الى مفهمتوش انه طلعلى الكارت بتاعه وكان كارت خاص ب كونتكت كار وقالى ان احنا بقينا شركة واحده ده انا مش فهمه مع ملاحظة انه عرف انى عايز اجيب العربية قسط اسلامى يعنى لازم الى هاقسط معاه يكون مالك السيارة عشان كده انا مفهمتوش هو قالى ان احنا اسمنا شركة كونتكت العالمية للسيارات ده تتبع الشركة المصرية العالمية للسيارت
انا بفكرك انى رحت التوكيل نفسة والراجل ده كان قاعد على مكتب هناك ممكن تفهمنى لو سحمت هل فعلا كونتكت تبع المصرية العالمية ولا لا
على فكرة انا اتصلت به على الموبيل بعد ما مشيت وهو برضه اكد عليه انهم مالكين العربية ده طبعا مهم جدا بالنسبة للتقسيط الاسلامى وجزاكم الله خيرا على حسن المتابعة وربنا يحفظك انت وعربيتك *

ringoo
17-03-2010, 10:40 PM
شكرااااا جدا اخ رنجو وانا النهارده رحت شوفت العربية فى التوكيل سور نادى الزمالك
العربية تحفة بجد فخمة جدا انت عارف عجبنى فيها انها فخمة اوى بس برضه هاسالك سؤال ممكن
انا هاجبها قسط وسالت الراجل المتخصص للقسط قالى على نظام القسط بس الشئ الى مفهمتوش انه طلعلى الكارت بتاعه وكان كارت خاص ب كونتكت كار وقالى ان احنا بقينا شركة واحده ده انا مش فهمه مع ملاحظة انه عرف انى عايز اجيب العربية قسط اسلامى يعنى لازم الى هاقسط معاه يكون مالك السيارة عشان كده انا مفهمتوش هو قالى ان احنا اسمنا شركة كونتكت العالمية للسيارات ده تتبع الشركة المصرية العالمية للسيارت
انا بفكرك انى رحت التوكيل نفسة والراجل ده كان قاعد على مكتب هناك ممكن تفهمنى لو سحمت هل فعلا كونتكت تبع المصرية العالمية ولا لا
على فكرة انا اتصلت به على الموبيل بعد ما مشيت وهو برضه اكد عليه انهم مالكين العربية ده طبعا مهم جدا بالنسبة للتقسيط الاسلامى وجزاكم الله خيرا على حسن المتابعة وربنا يحفظك انت وعربيتك *
هو كلام الراجل صحيح الى حد بعيد ..... لكن للاسف موضوع التقسيط انا مش بفهم فيه كويس علشان كدة مش حقدر افيدك
لكن انا ححطلك اللينك بتاع تقسيط كونتاكت بعد اذن ادارة المنتدى .... وهى شركة مشهورة ومعروفة للجميع
ويا رب اللينك يكون مفيد ليك اضغط هنا (http://www.contactcars.com/CarPayment.asp)
ويا ريت اى حد عنده معلومات عن التقسيط يقولها
وبالتوفيق ان شاء الله

mido_1010
17-03-2010, 11:10 PM
اخ رنجو معلش انا لسه شايف موضوع على منتدى تانى بيقولو فيه ان فى واحد فانوسة اتكسر ولما راح التوكيل ملاقاش عندهم ولا لا فى اى مكان على فكرة الراجل اتعتقد من الموقف ده مع انه معجب جدا من العر بية بس الكلام ده كان شهر 5 2009
وشكرا جدا على الموقع انا عارف الموقع ده ربنا يبارك فيك
ياريت تكون المشكله ده اتحلت عند التوكيل وانت عارف انا لو سالت هايقولو ان كل حاجة متوفرة

mido_1010
18-03-2010, 10:08 AM
وهل في شكوى منها ان العربية بتعوم بعد سرعة ال 100 اقصد بتكون خفيفة معلش يا رنجو انا عمال ادور عن اى معلومة عنها معلش انت عارف انا هاجبها قسط ولازم اسال عنى كل حاجه وربنا يبارك فيك على حسن متبابعتاك وانك بفتيد نس كتير بتسال عنها
جزاكم الله خيرا

Prince2003
18-03-2010, 10:23 AM
السلام عليكم

أنا كنت زورت فرع المعادى و قالى ان المقدم يكون على الاقل 25 % و اكبر مده 5 سنين بفايده 8.7% للسنه و قالى ان التأمين اجبارى بس مجبش سيرت كونتكت فى الكلام فى حين ان كونتكت فايده اعلى و مفيش تأمين ( البرنامج الاسلامى)

ياريت لو حضرتك توفرتلك معلومه تبقى تعرضها عشان الجميع يستفاد

شكرا و لبنا يوفقك

mido_1010
18-03-2010, 10:39 AM
الفايدة 11% فى البرنامج الاسلامى على 5 سنوات ده مع شركة كونتكت

Prince2003
18-03-2010, 10:47 AM
متهيألى كده ان كونتكت أفضل من الناحيه الشرعيه عشان مفيش تأمين الاجبارى

mido_1010
18-03-2010, 11:00 AM
انا معاك صح بس اعتقد انك ممكن تلاقى حد تانى عندة نفس النظام ده

Prince2003
18-03-2010, 11:11 AM
هو أنا مدورتش كتير لسه بس من كام معرض سألتهم كانوا يقولوا مقدم كبير زى 40% و فايده بتوصل اكتر من 18 % وكمان على ثلاث سنين بس ( المباشر طبعا ) و كان أحسن حاجه هى التوكيل بس كان مضيقنى قصه التأمين الأجبارى بس مع كونتكت أظن أحسن من التوكيل و ربنا يسهل الحال أجهز المقدم و أبدأ أدور بجد

السلام عليكم

mido_1010
18-03-2010, 12:54 PM
على فكرة التوكيل هو هو كونتكت انا رحت امبارح

ringoo
18-03-2010, 04:58 PM
اخ رنجو معلش انا لسه شايف موضوع على منتدى تانى بيقولو فيه ان فى واحد فانوسة اتكسر ولما راح التوكيل ملاقاش عندهم ولا لا فى اى مكان على فكرة الراجل اتعتقد من الموقف ده مع انه معجب جدا من العر بية بس الكلام ده كان شهر 5 2009
وشكرا جدا على الموقع انا عارف الموقع ده ربنا يبارك فيك
ياريت تكون المشكله ده اتحلت عند التوكيل وانت عارف انا لو سالت هايقولو ان كل حاجة متوفرة
فعلا كل حاجة موجودة فى التوكيل من قطع غيار اللوجان ولو حاجة مش متوفرة اخرك يوم ما تتأخر 3 ايام بالكتير ويوفروهالك
والكلام دة كان من فترة لكن ماسمعتش عن حد .. التوكيل اخر عليه قطعة غيار حاليا بالاضافة ان فى ناس خارج التوكيل عندها جميع قطع غيار رينو لوجان ما عدا المرايات الكهربا فقط ...

ringoo
18-03-2010, 05:11 PM
وهل في شكوى منها ان العربية بتعوم بعد سرعة ال 100 اقصد بتكون خفيفة معلش يا رنجو انا عمال ادور عن اى معلومة عنها معلش انت عارف انا هاجبها قسط ولازم اسال عنى كل حاجه وربنا يبارك فيك على حسن متبابعتاك وانك بفتيد نس كتير بتسال عنها
جزاكم الله خيرا
يا استاذ ميدو اسأل براحتك علشان تعرف العربية مناسبة ليك ولا لأ لان زى ما قولتلك مفيش حد عنده اى مصلحة
..........................................
اولا مافيش حد اشتكى من ثبات اللوجان بالعكس دى ميزة جديدة فى هذه الفئة من السيارات واللى بيجمع هذه الميزة على الترتيب
1- اللوجان والساجا
2- شيفورلية لانوس
3- هيونداى فيرنا
عموما انا بحس بالامان حتى سرعة 140 ك/س طرق غير جيدة ولكن فى خط مستقيم او فى ملفات غير حادة وممكن تتخطى اى سيارة على هذه السرعة باللوجان (يعنى اللى بنقول عليها غرزة لكن مش غرزة مقفولة )
لكن لا تنتظر ثبات من اى سيارة فى هذه الفئة على سرعة مثل 140 ك / س وتاخد بيها ملف حاد وتقول العربية مش ثابتة
لا فى هذه الحالة مش بتكون عيب عربية لكن بتكون عيب سواق .. لكن فى الطرق المستقيمة او الملفات الغير حادة فالسيارة ولله الحمد جيدة جدا فى هذا الامر
..............................................
كلما زادت السرعة كلما خف وزن السيارة وارتفعت عن الارض وانا كل يوم بمشى بيها على الصحراوى و الحمد لله العربية مش بتخزلنى سواء فى اى مو‍قف طارئ او سواء فى موقف محتاج فيه السرعة او التسارع
.............................................
موضوع الثبات دة مش حيعدى عليا لو كان عيب فى العربية كنت قولتوا فى المشاركات الاولى

mido_1010
18-03-2010, 08:25 PM
شكرا جدا بص بقى يا رنجو انا حبيت العربية ده بجد لما رحت شفتها وبرضه من كلامك عليها ان شاء الله الشهر القادم اجبها ان قدر الله ذلك
بس انا دلوقت بدور على شركة بتقسط يا ريت لو تعرف اى مكان شركة قولى

ringoo
19-03-2010, 12:01 AM
ان شاء الله يا استاذ ميدو ربنا يوفقك للاختيار الافضل وبردو مفيش مانع فى خلال الشهر دة تقرا كتير عن اللوجان
وعن العربيات اللى فى نفس الفئة السعرية وتشوف انهى عربية بتلبى احتياجاتك يعنى تعطى لنفسك فترة من الوقت للمقارنة
واستخير ربنا قبل اى شيئ واى استفسار انا تحت امرك

mido_1010
19-03-2010, 04:53 AM
ان شاء الله هاستخير بس انا بصراحة مدورتش على اى عربية تانية من نفس الفئة
بصرحة انا مش عجبانى الانوس,ولا الفرنا عشان مش عاليين بس الساجا معرفش حاجه عنها
بصراحة افضلهم من حيث الفخامة والارتفاع الوجان وطبعا من كلامك يا استاذ رنجو الثبات وقوة العفشة وحجات كتير انتم حكيتو عنها عشان كده انا بفضل لوجان وربنا يبارك فيك وفى سيارتك

mido_1010
19-03-2010, 05:07 AM
سؤال معلش استاذ رنجو
انا عجبانى الفول اوبشن بس خايف من موضوع المرايات ده
هو ينفع اركب مرايان عادية على الفول اوبشن يعنى فى حالة كسر المرايا ان قدر الله
ومعلش ممكن اعرف اية اللاجزاء الى فى الفول اوبشن معرضه للكسر او التغير عشان اعرف اختار الفول او الهاف وشكراااااااااااااااا

ringoo
19-03-2010, 12:55 PM
سؤال معلش استاذ رنجو
انا عجبانى الفول اوبشن بس خايف من موضوع المرايات ده
هو ينفع اركب مرايان عادية على الفول اوبشن يعنى فى حالة كسر المرايا ان قدر الله

للاسف صعب تركب المرايات العادية بدل الكهربا لكن مش مستحيل لسبب بسيط ان المرايات العادية بتتظبط يدوى من داخل السيارة عن طريق دراع صغير فى القايم الامامى
علشان تركب مراية عادية فى الفل اوبشن لازم توفر مكان الدراع الصغير دة وبالتالى حتخرم فى القايم او بمعنى اصح حتخرم فى المكان اللى هو استكمال الطابلوه ودة طبعا مبدأ مرفوض فى عربية جديدة
مع العلم ان مراية اللوجان قوية جدا جدا وانا حصل معاية مواقف كتير واختبارات للمراية والحمد لله محصلش حاجة

ومعلش ممكن اعرف اية اللاجزاء الى فى الفول اوبشن معرضه للكسر او التغير عشان اعرف اختار الفول او الهاف وشكراااااااااااااااا

هو مافيش حاجة معرضة للكسر ... لان دة بيعتمد على طريقة القيادة وحفظ ابعاد العربية
وعموما اللى ممكن يتكسر هو المراية الجانبية ودة شيئ يعلمه الله لان دة بيكون قضاء وقدر ومفيش حد بيغير مراية كل شوية يعنى
دى مش قطعة مستهلكة ابدا بمعنى اخر لو ماحصلش اى حادث يبقى مش حتبوظ لوحدها
....................................
القطع الخارجية للوجان الفل اوبشن مقارنتا بالهاف اوبشن هى
1- الفوج لايت ممكن تتكسر لو لا قدر الله وعملت حادثة
2- شريط الكروم اللى فى الشنطة الخلفية وبردو لو لا قدر الله وعملت حادث
....................................

اللى انا عايز اقوله ان موضوع الاجزاء المعرضة للكسر دة لا يخص اللوجان على وجه الخصوص ولكن دة حال جميع السيارات بمختلف فئاتها ..
يعنى ممكن واحد معاه عربية بى ام ومرايته الكهربا او الضم تتكسر
والموضوع دة بيدخل فيه عوامل كثيرة اغلبها لا يكون لنا دخل بيها واولها قضاء ربنا ورعونة الاخرين
.................................................. ...
عموما واجبى ان اقول لحضرتك على كل حاجة والقرار يكون ليك
الرفاهية مش ببلاش لا ليها ضريبة سواء مع اللوجان او مع اى عربية تانية
مفيش فى مصر عربية بتنزل برماية عادية سعرها زى نفس المراية كهربا لا اقل واجب بيكون سعرها الضعف
لو لقدر الله فى يوم حصل لحضرتك حادث بسيط نجم عنه كسر المراية الكهربا وحيكون سعر المراية غالى
يبقى خليك فى الهاف اوبشن اوفر فى هذا الشأن لكن فى نفس الوقت ال 4 الاف جنيه الفرق بين الفل والهاف بتاخد بيهم اوبشن كتير
1- اير باج للسائق
2- انخفاض وارتفاع كرسى السائق
3- كمبيوتر معلومات
4- فوج لايت
5- شكل جمالى افضل وعصرى باستخدام الفوج وشريط الكروم الخلفى
6 - الفرش الداخلى مختلف
7- شكل العدادات مختلف
8- الشكل الداخلى مختلف بالحليات النيكل على فتحات التكييف والابواب
9- مفتاح بريموت كونترول غير متوفر فى الهاف
10- مرايا جانبية كهربا
11- زجاج خلفى كهربا
كل دة باربع الاف جنيه فرق لك ان تتخيل لو ركبت اير باج فى الهاف اوبشن حتتكلف كام
ولكن ارجع واقول الرفاهية لها ضريبتها وحضرتك سيد قرارك تشوف ايه المناسب ليك
الرفاهية ام الاقتصادية
وربنا يكفينا شر الحوادث وشر الطريق جميعا

محمود محسن
19-03-2010, 04:40 PM
موضوع بجد جميل جداً وصدقنى حضرتك غيرت نظرتى عن العربيه ديه وصدقنى انا كنت بفكر اجيب لانوس ودلوقت بفكر فى رينو لوجان لك منى كل الشكر والتقدير ....
محمود محسن

mahmoud desouky
20-03-2010, 02:21 AM
سلام عليكم ربنا يبارك لك فى العربيه الاول و يستر طريقك
بصرحه انا بفكر وبقارن اشترى العربيه اللوجان انا اولا معايا دوجان 1600 سىسى
بس انا انزعجت لما لقيت ان الموتور 8 صباب وليس 16 مش عارف انت رايك ايه مقارنه انت زيى ركبت عربيات قبل كده واتمنى انك تكتب لنا حاجتين اسعار قطع الغيار فى تقرير وتانى حاجه مصاريف الصيانه الفعليه فى كل مره للستفاده واخيرا ان شاء الله لما اشترى هقولك وارجو الرد وشكرا

mahmoud desouky
20-03-2010, 02:51 AM
سلام عليكم سوال مهم جدا
صحيح صاج اللوجان فيبر ومش صاج؟

mahmoud desouky
20-03-2010, 02:53 AM
سلام عليكم
صحيح الصاج للرينو عامه فاير ومش صاج طبعا ينطبق على اللوجان؟ ارجو الافاده

mido_1010
20-03-2010, 10:15 AM
انا بفضل طبعا الفول اوبشن وربنا يستر ان شاء الله انا سالتك كده عشان انا لسه متعلم سواقة جديد وطبعا خابف على العربية بس كل شئ بقدر الله يعنى حتى لو بسوق كويس وسواق قديم برضه ممكن اى حاجه تحصل ان قدر الله
بس على فكره انا بقيت اسوق كويس والحمد لله
بص يا استاذ رنجو انا اخت بكلامك انت احسن منى كتير فى خبرة العربيات وانت اكيد عملت مقارنة بالعربيات الى فى نفس الفئة واعتقد انك قولت ان اللوجان احسن عربية فى فئتها
ومن ناحية قطع الغيار انا راى فعلا ان شاء الله ان العربية هاتنتشر كتير وفعلا ان اشاء الله هايكون قطع غيارهتبقى كتير خارج التوكيل بس هل ده معناه انها هاتكون رخيصة مش كده ولا ايه
وان شاء الله لنا لقاء اخر وجزاكم الله خير الجزاء

timer205
20-03-2010, 10:21 AM
فعلا سارة جميلة مريحه اقتصادية اعتقد انها هتكون فعلا بديل لسيارات كتيرة من نفس الفئة

ringoo
20-03-2010, 05:29 PM
انا بفضل طبعا الفول اوبشن وربنا يستر ان شاء الله انا سالتك كده عشان انا لسه متعلم سواقة جديد وطبعا خابف على العربية بس كل شئ بقدر الله يعنى حتى لو بسوق كويس وسواق قديم برضه ممكن اى حاجه تحصل ان قدر الله
بس على فكره انا بقيت اسوق كويس والحمد لله
بص يا استاذ رنجو انا اخت بكلامك انت احسن منى كتير فى خبرة العربيات وانت اكيد عملت مقارنة بالعربيات الى فى نفس الفئة واعتقد انك قولت ان اللوجان احسن عربية فى فئتها
ومن ناحية قطع الغيار انا راى فعلا ان شاء الله ان العربية هاتنتشر كتير وفعلا ان اشاء الله هايكون قطع غيارهتبقى كتير خارج التوكيل بس هل ده معناه انها هاتكون رخيصة مش كده ولا ايه
وان شاء الله لنا لقاء اخر وجزاكم الله خير الجزاء
ربنا يوفقك يا ميدو لما فيه الخير ان شاء الله
ومفيش شك ان اللوجان مع الانتشار الكبير فى وقت قليل حينعكس على اسعار قطع غيارها خارج التوكيل ودة شيئ موجود بالفعل زى ما قلت قبل كدة بغض النظر عن موضوع المرايات الجانبية اللى اتكلمنا فيه قبل كدة
بالاضافة انك ان شاء الله مش حتحتاج قطع غيار لفترة كبيرة انت معاك ضمان 3 سنوات مع الحفاظ على صيانة العربية
فى مواعيد الصيانة الدورية وان شاء الله العربية حتكون كويسة جدا معاك

ringoo
20-03-2010, 05:46 PM
سلام عليكم ربنا يبارك لك فى العربيه الاول و يستر طريقك
بصرحه انا بفكر وبقارن اشترى العربيه اللوجان انا اولا معايا دوجان 1600 سىسى
بس انا انزعجت لما لقيت ان الموتور 8 صباب وليس 16 مش عارف انت رايك ايه مقارنه انت زيى ركبت عربيات قبل كده واتمنى انك تكتب لنا حاجتين اسعار قطع الغيار فى تقرير وتانى حاجه مصاريف الصيانه الفعليه فى كل مره للستفاده واخيرا ان شاء الله لما اشترى هقولك وارجو الرد وشكرا
سؤال مهم طبعا اسمحلى ارد على حضرتك
ايه اللى يهمنا من موضوع 8 او 16 صباب ؟
اللى يهمنا 3 نقاط استهلاك البنزين و التسارع وصوت الماتور
1- استهلاك البنزين للوجان ممتاز جدا يصل الى 5.8 لتر/100 كيلو على الطرق المفتوحة دى تجربتى الشخصية
لكن هو بيصل 5.2 لتر / 100 كيلو فى افضل الظروف سواء الريح فى ظهر العربية او حالة الطريق او حالة الاطارات وطريقة القيادة وجودة البنزين المستخدم
....................................
الاستهلاك داخل المدينة لا يتعدى ال 8.5 لتر لكل 100 كيلو ودة استهلاك جيد جدا مقارنتا مع السيارات السيدان من نفس الفئة السعرية
نوع البنزين اللى بتكلم عنه 92
....................................
2- بالنسبة للتسارع فهو جيد الى جيد جدا فى اللوجان 0 الى 100 فى 11.5 ثانية مش محتاج اكتر من كدة
...................................
3- صوت الماتور عالى شوية خاصا فى او 5000 كيلو وهى مرحلة تليين العربية وبالاخص الماتور
بعد 5000 كيلو الصوت بيهدى جدا
...................................
بصراحة انا راضى جدا عن اداء ماتور اللوجان خاصا بعد التليين .... بتعمل اى حاجة ..عايز تشد .. عايز تحرق .. عايز تنطلق من الثبات كله موجود الحمد لله
....................................
بالنسبة لاسعار الصيانات

اول صيانة ان شاء الله حتكون على 5000 كيلو مجانا
ثانى صيانة 10000 ...... 129 جنيه
ثالث 15000 ..............مجانا
رابع 20000 .................... 362
25 الف كيلو.............. مجانا
30 ................... 269 جنيه
35 ................... مجانا
40 ................... 362 جنيه
45 ................... مجانا
50................... 129 جنيه
55 .................. مجانا
60 ................... 1133 جنيه
65.................... مجانا
70 ................... 129جنيه
75................... مجانا
80................... 362 جنيه
85................... مجانا
90................... 269 جنيه
95.................. مجانا
100................... 362 جنيه
دى اسعار الصيانات للوجان الاسعار دى من غير ثمن الزيت (ليك الحق تغير الزيت كل 5000 كيلو او 10000 كيلو ) زى ما انت عايز
ووالاسعار من غير ضريبة المبيعات
سعر الزيت العادى 120 جنيه 5000 كيلو يعنى
سعر الزيت التخليقى 292 جنيه 10000 كيلو
.................................................. .
بالنسبة لاسعار قطع الغيار حتلاقى بعض الاسعار فى اللينك دة
http://www.masrmotors.com/vb/showthread.php?t=5378

harani
20-03-2010, 08:17 PM
السلام عليكم يا عم رينجو
عندي سؤال يا غالي
ايه الفرق بين كليو و لوجان
من حيث كل شئ المساحة الداخلية التكييف القوة الشنطة الارتفاع عن الارض قوة العفشة و غيرها و غيرها
لو ممكن مقارنة تفصيلية
عاجز عن الشكر يا عصابة الرينو :HAPPY_~211:

ringoo
20-03-2010, 11:38 PM
السلام عليكم يا عم رينجو
عندي سؤال يا غالي
ايه الفرق بين كليو و لوجان
من حيث كل شئ المساحة الداخلية التكييف القوة الشنطة الارتفاع عن الارض قوة العفشة و غيرها و غيرها
لو ممكن مقارنة تفصيلية
عاجز عن الشكر يا عصابة الرينو :HAPPY_~211:
لا والله للاسف ما صادفنيش انى امتلكت او حتى جربت الكليو لكن طول عمرى بسمع سمع خير عن الكليو بصراحة
ومن قال لا اعرف فقد افتى

mido_1010
21-03-2010, 10:33 PM
استاذ رنجو كيف احوالك اخبارك ايه ان اشء الله تكون على احسن حال انا حابب اعرفك انى ماشى فى موضوع اللوجان وربنا يسهل وبدور على مكان كويس بالقسط والله المستعان ويا ريت لو حد يعرف يا جماعة عن مكان يقسط تقسيط اسلامى والله المستعان ودعواتكم
على فكره يا رنجو وانا على منتدى تانى اتعرفت على اخ كويس جدا اشترى العر بية وكان سايب رقم موبيله وكلمتة وطبعا الحمد لله شكرلى جدا فى الوجان وقالى ان كان فية هزة فى الفيتيس وبعد ال 50000 كيلو اتعملت فى الصيانة وده طبعا بسيطة وعلى كلن العربية يا جماعة جميلة جدا
وان شاء الله عايز اخد رايك فى حاجة كده هبقى اكتبلك تانى ان شاء الله وسلاااااام

mido_1010
22-03-2010, 01:21 PM
استاذ رنجو فى موضوع قراتة عن اللوجان فى منتدى تانى بس استغربت جدا من الكلام انا نسختة وهاتشوفة دلوقت بالله عليك لو تحاول ترد على كل الى كتبة ده عشان هو كده قلقنى على فكره هو لسه كاتب الكلام ده النهارده وانا عارف انك مشترك برضه فى المنتدى الى هو كتب فيه الكلام ده !!!!!!!!!!!!!!!!!!!!!!!!!!!
ده تقرير واحد اشترى العربية وعملت معاها 10000 كيلو


كل عربيه ليها مميزات وعيوب
مش عيب اما اعترف بعيوب عربيتى
ومش عيب اما افتخر بمميزات عربيتى
من ناحيه السرعه
العربيه فى السحب فهى بتسحب وبتشد جامد
صوت الماتور عالى احيانآ واحيانآ لا ... معرفش ايه السبب
لدرجة انى بحس برعشة العربيه والبربيز الخلفى بيترعش جامد
وخصوصآ على الغيار الرابع والخامس
ولسه فى دواسة البنزين رعشه محسوسه لغايت دلوقتى ... ( بس مش زي الاول )
والفتيس بيترعش رعشه بسيطه جدآ اما تكون ممور بس ... غير كده لاء
العربيه مبتعومش بسهوله على السرعات العاليه ثابته ثبات معقول
استهلاكها للبنزين موفره جدآ
ميزة العربيه انها عاليه عن الارض ... مستحيل تحك فى مطب مهما كان نوعيته
فراملها تحس انها ساقطه لتحت لازم تدوس لغايت الاخر
بس جامده جدآ العربيه بتكلبش فى مكانها
الدبرياج ناعم وسلس
الباور تقيل نوعآ ما ... بس ميزته انه مديك الثقه فى ثبات العربيه
الفرش والكراسى مريحه جدآ جدآ وناعمه
الكنبه اللى ورا كل صحابى بيقوله عليها مريحه اوى
لدرجة ان اللى بيركب معايا بيقعد ورا .... انا معرفش السر ومجربتش اقعد ورا لغايت دلوقتى
التكييف لا هو ضعيف ولا هو قوى ... يعنى وسط
فى الجو الحار جدآ بيحتاج وقت طويل عشان يبرد العربيـه
الغرز والكلام الفاضى ده مش مناسب للعربيه دى ...
مش بتاعت تنطيط وغرز وخمسات وفرك ولعب ... امشى بيها محترم هتحترمك
الكاوتش نوعه جيد ومقاسه جيد جدآ ومدى ثبات للعربيه
الشنطه واسعه وبرحه .. انا حطيت واحد صحبى فيها وقفلت عليه ... كانت عملية تهريب :d
الاضاءه بتاعة العربيه لونها مريح
والفاونيس نورها عالى وخصوصآ نور الضباب
صوت الاشارات هادى وجميل لو معلى الكاسيت مش هتسمعه نهائى
المرشدير فى عضه بحس ان التروس بتتكسر !
بس لو اتعاملت معاه براحه هيستجيب معاك ومش هتلاقى حاجه
لمبة المارشدير لمبه واحده بس ... كانت حاجه غريبه اول ما اشتريتها فكرت ان اللمبه التانيه محروقه !
وانا مش شايف اي داعى او سبب يخليهم يعملوها لمبه واحده بس
ومش شايف اي سبب برضو يخليهم يعملو لمبه تانيه ورا مع لمبات الضباب
ده عيب مش ميزه
..........................................
صاج العربيه ضعيف جدآ ..... وده اكبر عيب فيها
وخصوصآ السقف والكبوت والرفارف ...
...................
تقفيل العربيه ضعيف جدآ جدآ جدآ وبه اخطاء لا تعدو وهذكر بعضها
اولآ الاكصدام الخلفى فيه فروقات بسيطه
ثانيآ الفوانيس الخلفيه فيها فروقات بسيطه
ثالثآ كاوتش العازل فوق السقف فى اخره وهو نازل على الشنطه مقطوع وتحس انهم قطعينه بموس
كاوتش العازل فى الابواب من تحت عند الفواصل مش راكبه فى بعض كويس
وكاوتش العازل بتاع الزجاج الامامى والخلفى على الهوى بيتهزو اما بترفع الازاز
الازاز بيعمل صوت وهو طالع او نازل وفى اخره تحت بتسمع صوت هبده
ده غير انه بطيئ الحركه
وفى نفس الوقت بيضعف اضاءه العربيه فى الفوانيس الاماميه !
حاول تدقك وانت شايف الفوانيس فى مرايه وانت وواقف هتلاقى النور بيضعف وانت بترفع الازاز
زراير او المفاتيح اللى موجوده فى كل باب وبيقفل عليه عشان يبان فى الشاشه ان فى باب مفتوح ولا لاء
مش متركبين كويس
من يومين بالصدفه كده لاقيت مفتاح مخلوع من مكانه هو والكاوتشه اللى عليه
الحمد لله ان الكاوتشه مضعتش
قومت مركب الكاوتشه كويس على المفتاح وقومت مدخلهم فى الصاج مسكو بس مش جامد
اي خبطه فيهم من حد هيركب هتلاقيهم وقعو !
............................................
تقريبآ اتكلمت عن كل حاجه
انا قولت اللى شايفه سواء فى بعضها مشاكل فرديه او جماعيه ... معرفش
ودى وجهة نظرى ورئى الشخصي فى العربيه
وياريت بلاش ردود استفزازيه من بعض الاخوه المحترمين
او اتهامهم بأنى عدو اللوجان وانى مش مالكها
لان كل اللى قولته ده اكبر دليل على انى مالك للوجان
ومستعد لأى اثباتات لكده
يعنى الاتهام ده من الاخر مالوش اساس من الصحه
ولا انا تابع لشركه منافسه ولا انا تابع لأى توكيل
ولا انا كاره او محب للوجان او لأى ماركه اخرى
احب اشوف نقاش وردود بنائه ووجهات نظر واسأله واستفسارات
.

mido_1010
22-03-2010, 01:25 PM
استاذ رنجو
انا عملت علامة تعجب !!!!!!!!!!!!!!!!!!!!!!!!!!!!!!! على كلامة هو مقصدكش انت عشان متفهمش غلط ويا ريت تبقى ترد عليه وترد عليه ربنا يبارك فيك

ringoo
22-03-2010, 05:48 PM
استاذ رنجو
انا عملت علامة تعجب !!!!!!!!!!!!!!!!!!!!!!!!!!!!!!! على كلامة هو مقصدكش انت عشان متفهمش غلط ويا ريت تبقى ترد عليه وترد عليه ربنا يبارك فيك
ههههههههه يا ميدو مافيش سوء تفاهم ولا حاجة انا حقرأ الكلام اللى مكتوب وارد عليه هنا بعيد عن دوشة هناك ptmnlo123per154
وان شاء الله حفهمك كل حاجة ولو فى حاجة صح حقولك بكل امانة زى ما احنا متعودبن
انتظرنى

ringoo
22-03-2010, 06:36 PM
كل عربيه ليها مميزات وعيوب
تمام
مش عيب اما اعترف بعيوب عربيتى
كلام جميل
ومش عيب اما افتخر بمميزات عربيتى
تمام
من ناحيه السرعه
العربيه فى السحب فهى بتسحب وبتشد جامد
تمام
صوت الماتور عالى احيانآ واحيانآ لا ... معرفش ايه السبب
حضرتك عامل 10000 كيلو ليه ماقولتش فى التوكيل ممكن يكون عندك مشكلة
صوت الماتور مش عالى لكن مع اذدياد السرعة وارتفاع عدد لفات الماتور طبيعى فى
اى عربية فى الدنيا ان الصوت يعلى وبما ان اقصى عزم للوجان يظهر عن 3000 ار بى ام
اذا لازم تكون عارف ان صوت الماتور حيعلى ابتدائا من او 3000 ار بى ام ودة نتيجة وصول الماتور اقصى عزم له
(اه انا افتكرت على فكرة الاستاذ بيمون اللوجان بنزين 80 ومش عايز صوت الماتور يعلى )


لدرجة انى بحس برعشة العربيه والبربيز الخلفى بيترعش جامد
وخصوصآ على الغيار الرابع والخامس

لا الكلام دة مش بيحصل معايا ولا شوفته فى عربيت صديق معاه اللوجان الرومانى
ممكن يكون صوت الماتور بيكون عالى شوية عند سرعة 120 ك / س

ولسه فى دواسة البنزين رعشه محسوسه لغايت دلوقتى ... ( بس مش زي الاول )
ممكن تكون خفيفة عندى وعندك محسوسة الله اعلم

والفتيس بيترعش رعشه بسيطه جدآ اما تكون ممور بس ... غير كده لاء
تمــــــام

العربيه مبتعومش بسهوله على السرعات العاليه ثابته ثبات معقول
تمــــــام

استهلاكها للبنزين موفره جدآ
تمــــــام

ميزة العربيه انها عاليه عن الارض ... مستحيل تحك فى مطب مهما كان نوعيته
تمــــــام

فراملها تحس انها ساقطه لتحت لازم تدوس لغايت الاخر
بس جامده جدآ العربيه بتكلبش فى مكانها
مش فاهم يعنى ايه ساقطة لتحت ممكن يكون عندك مشكلة وانت مش حاسس
لكن عموما تمام واستجابة الفرامل بتكون قوية بعد نص شوط الدواسة
لو عايز اول ماتدوس على دواسة الفرامل العربية تقف دى سهلة جدا وممكن التوكيل
يعمل رجلاش للفرامل بمعنى اسهل يقرب تيل الفرامل للطنابير وبالتالى التيل يفرمل فى اول الدواسة
لكن دة حيكون عيوبه تحميل على تيل الفرامل وحيخلص بسرعة
الدبرياج ناعم وسلس
تمــــــام

الباور تقيل نوعآ ما ... بس ميزته انه مديك الثقه فى ثبات العربيه
تمــــــام
مع العلم ان انا كل قيادتى بيد واحدة الشمال على الدركسيون واليمين بتلعب فة الكاسيت والفتيس

الفرش والكراسى مريحه جدآ جدآ وناعمه
تمــــــام

الكنبه اللى ورا كل صحابى بيقوله عليها مريحه اوى
لدرجة ان اللى بيركب معايا بيقعد ورا .... انا معرفش السر ومجربتش اقعد ورا لغايت دلوقتى
تمــــــام

التكييف لا هو ضعيف ولا هو قوى ... يعنى وسط
فى الجو الحار جدآ بيحتاج وقت طويل عشان يبرد العربيـه
طبيعى جدا

الغرز والكلام الفاضى ده مش مناسب للعربيه دى ...
مش بتاعت تنطيط وغرز وخمسات وفرك ولعب ... امشى بيها محترم هتحترمك
عين العقل
بس انا بفرك وبغرز والعربية مش بتقول لا ... مش لعب .. لكن ساعات بحتاجها
مفيش حد بيمشى فى شوارع مصر مش بيحتاج ياخد غرز بس دى عايزة قلب الاول قبل العربية

الكاوتش نوعه جيد ومقاسه جيد جدآ ومدى ثبات للعربيه
تمــــــام

الشنطه واسعه وبرحه .. انا حطيت واحد صحبى فيها وقفلت عليه ... كانت عملية تهريب
تمــــــام

الاضاءه بتاعة العربيه لونها مريح
والفاونيس نورها عالى وخصوصآ نور الضباب
تمــــــام

صوت الاشارات هادى وجميل لو معلى الكاسيت مش هتسمعه نهائى
تمــــــام

المرشدير فى عضه بحس ان التروس بتتكسر !
مبالغة جدا
طالما الفتيس زعق .. يبقى انت مش دايس دبرياج كويس

بس لو اتعاملت معاه براحه هيستجيب معاك ومش هتلاقى حاجه

لمبة المارشدير لمبه واحده بس ... كانت حاجه غريبه اول ما اشتريتها فكرت ان اللمبه التانيه محروقه !
وانا مش شايف اي داعى او سبب يخليهم يعملوها لمبه واحده بس
مش عارف ايه مدى الفرق لمبة واحدة ولا اتنين العربية مش حترجع للخلف مثلا ولا الدنيا حتكون ضالمة
مش فاهم بصراحة النقطة دى

ومش شايف اي سبب برضو يخليهم يعملو لمبه تانيه ورا مع لمبات الضباب
يعنى لو صادفك فى يوم زمشيت فى شبورة مش حتشغل الضباب الخلفى علشان اللى جاى من وراك يكون شايفك

ده عيب مش ميزه

عموما لو دى مشكلة كبيرة بالنسبالك وانت بتركن ا و راجع بضهرك ابقى شغل نور الشبورة الخلفى حيبقى عندك لمبتين يمين وشمال شغالين
اتحلت ptmnlo123per154
..........................................
صاج العربيه ضعيف جدآ ..... وده اكبر عيب فيها
وخصوصآ السقف والكبوت والرفارف ...
لا اختلف بشدة
لا يوجد فى اللوجان صاج ضعيف غير الرفارف الخلفية فقط .. دى اضعف اجزاء الصاج
وة مش فاللوجان بس دة فى معظم العربيات فى الدنيا

...................
تقفيل العربيه ضعيف جدآ جدآ جدآ وبه اخطاء لا تعدو وهذكر بعضها
تمــــــام

اولآ الاكصدام الخلفى فيه فروقات بسيطه
مقصود وليس عيب تقفيل ... وتوضيح اكتر الفرق دة حوالى 3 ملم اكتر من كدة تراجع التوكيل

ثانيآ الفوانيس الخلفيه فيها فروقات بسيطه
تمــــــام

ثالثآ كاوتش العازل فوق السقف فى اخره وهو نازل على الشنطه مقطوع وتحس انهم قطعينه بموس
متفق معاك
(استاذ ميدو ابقى شوف الجزء دة وانت بتتفرج على العربية وقوللى رأيك هل هى مشكلة حقيقية ام فى تهويل )

كاوتش العازل فى الابواب من تحت عند الفواصل مش راكبه فى بعض كويس
قولهم فى الصيانة يلحموه باى لزق

وكاوتش العازل بتاع الزجاج الامامى والخلفى على الهوى بيتهزو اما بترفع الازاز
الله اعلم لكن دة لو عندك يبقى مشكلة فردية يحلوها فى الصيانة دى كلها حاجات سهلة يعنى

الازاز بيعمل صوت وهو طالع او نازل وفى اخره تحت بتسمع صوت هبده
تمــــــام

ده غير انه بطيئ الحركه
اختلف معاك ليس بطئ سرعته طبيعية جدا ودة امان ومش حتفرق الازاز يتقفل فى خلال 3 ثوانى من 4 ثوانى

وفى نفس الوقت بيضعف اضاءه العربيه فى الفوانيس الاماميه !
حاول تدقك وانت شايف الفوانيس فى مرايه وانت وواقف هتلاقى النور بيضعف وانت بترفع الازاز
طبيعى جدا

زراير او المفاتيح اللى موجوده فى كل باب وبيقفل عليه عشان يبان فى الشاشه ان فى باب مفتوح ولا لاء
مش متركبين كويس
اعتقد مشكلة فردية

من يومين بالصدفه كده لاقيت مفتاح مخلوع من مكانه هو والكاوتشه اللى عليه
الحمد لله ان الكاوتشه مضعتش
الحمد لله

قومت مركب الكاوتشه كويس على المفتاح وقومت مدخلهم فى الصاج مسكو بس مش جامد
اي خبطه فيهم من حد هيركب هتلاقيهم وقعو !
............................................
تقريبآ اتكلمت عن كل حاجه
انا قولت اللى شايفه سواء فى بعضها مشاكل فرديه او جماعيه ... معرفش
ودى وجهة نظرى ورئى الشخصي فى العربيه
رأيك يحترم وربنا يباركلك فيها وان شاء الله كل مشاكلك تتحل

وياريت بلاش ردود استفزازيه من بعض الاخوه المحترمين
او اتهامهم بأنى عدو اللوجان وانى مش مالكها
لان كل اللى قولته ده اكبر دليل على انى مالك للوجان
ومستعد لأى اثباتات لكده
فى ايه يا عم فى حد داسلك على طرف :HAPPY_~211:

يعنى الاتهام ده من الاخر مالوش اساس من الصحه
ptmnlo123per111 هو فى ايه يا ميدو

ولا انا تابع لشركه منافسه ولا انا تابع لأى توكيل
تمــــــام
ولا انا كاره او محب للوجان او لأى ماركه اخرى
واضح انك مشترى العربية وانت مش مقتنع بيها لانك مستنى للعربية على غلطة

احب اشوف نقاش وردود بنائه ووجهات نظر واسأله واستفسارات
.
وارد جدا تلاقى فى اى عربية عيوب تقفيل اهم حاجة ان العيوب تكون مقبولة للمشترى
بس هو انا نفسى اسأل اللى كاتب الموضوع سؤال ... هو عمل ايه فى صيانة الالف وال5000 وال 10000

ringoo
22-03-2010, 08:20 PM
تقفيل العربيه ضعيف جدآ جدآ جدآ وبه اخطاء لا تعدو وهذكر بعضها
تمـــام
.
تصحيح
مش تمام ...... تقفيل العربية جيد جدا فى هذه الفئة من السيارات
مبالغ جدا

mido_1010
23-03-2010, 10:39 AM
شكرا جدا على ردك الوافى استاذ رنجو ردك حكاية
مش عارف ليه هو شكله متحامل على العربية اعتقد ده مشكله فردية عنده ولازم يروح يظبط كل ده عند التوكيل
ان شاء الله فى اسئلة كتير رنجوهبقى اكتبهالك متزهقش منى

mido_1010
23-03-2010, 12:01 PM
سؤال كل مرة بنسى اساله
ايه الفرق بين 8 صباب و16 صباب

mido_1010
23-03-2010, 12:04 PM
معلش نسيت اقولك
ان شاء الله لما اجيب العربية ايه المفروض اغيرة خلى بالك انا اول مرة اركب عربية
يعنى امتى بغير الزيت واجات ده وده على حسابى ولا على الضمان
يعنى ازاى اتابع العرببية كل شويه وايه المفروض انه بيستهلك
شكرا
ربنا يحفظك ويصلح حالك

ringoo
23-03-2010, 04:59 PM
سؤال كل مرة بنسى اساله
ايه الفرق بين 8 صباب و16 صباب
مواتير ال 16 صباب بتكون اقوى ودة لانها بتخرج عدد احصنة اكتر يعنى مثلا اللوجان بتنزل عندنا بماتورين
1- 8 صباب 90 حصان ودة اللى موجود فى السيدان
2- 16 صباب 110 حصان ودة اللى موجود فى بعض فئات ال MCV
......................
وهنا قوة الماتور لا تنعكس على عمره الافتراضى لكن ال 16 صباب بيكون اقوة لدفع السيارة بقوة اكبر
وومش بيبان فى السرعات الاولى لكن بيبان اوى فى السرعات العالية وبيكون تجميعه اسرع من تجميع ال 8 صباب
و حتى انت لو لاحظت فى المواتير ال 16 صباب بيكون السرعة القصوى اعلى من السرعة القصوى لماتور 8 صباب
طبعا مع افتراض انهم الاتنين نفس ال CC

ringoo
23-03-2010, 05:16 PM
معلش نسيت اقولك
ان شاء الله لما اجيب العربية ايه المفروض اغيرة خلى بالك انا اول مرة اركب عربية
يعنى امتى بغير الزيت واجات ده وده على حسابى ولا على الضمان
يعنى ازاى اتابع العرببية كل شويه وايه المفروض انه بيستهلك
شكرا
ربنا يحفظك ويصلح حالك
ان شاء الله تستلم على خير
بالنسبة ليك انت حتابع صياناتك فى التوكيل ودة مهم لانك لو متابعتش صيانات التوكيل حتخرج برة الضمان
صيانات التوكيل كل 5000 كيلو واحدة مدفوعة وواحدة مجانا طول فترة الضمان
بتغير الزيت كل 5000 كيلو او كل 10000 كيلو حسب رغبتك و كل حاجة ليها زيت مخصوص ليها
وطبعا تغيير الزيت والقطع الاستهلاكية على حسابك .. الحاجة اللى تتغير بس فى الضمان هو عيب الصناعة
.............................
القطع الاستهلاكية دى بتختلف من شخص لاخر حسب طريقة قيادة كل شخص ونوع الطرق اللى بيمشى فيها
يعنى مثلا الكاوتش ممكن تغيره على 40000 كيلو
تيل فرامل كل 15 20 25 الف كيلو على حسب قيادتك وطريقة ضغطك للفرامل
.........................
بالنسبة لمتابعتك انت لعربيتك فهى بتتلخص فى
1- الكشف على ضغط الهواء فى الاطارات كل اسبوع ... لو حتملى نيتروجين تكشف على الضغط كل شهر
2- تكشف كل فترة وليكن اسبوعين على سوائل العربية زيت وماء ريداتير ودة بيكون من خلال مقياس للزيت
وبيكون بين العلامة ال MIN و العلامة ال MAX ونفس الكلام على ماء الريدايتير لكن الماء بيكون لونه اخضر
وبيكون فى طرمبة لونها ابيض فاتح بتظهر من خلالها مستوى المياه ولازم لا يقل عن العلامة ال MIN و لا يزيد عن العلامة ال MAX
من الحاجات الضرورية اللى لازم تعرفها انك لو لاقيت ماء الريديتير ناقص عن العلامى السفلى متزودش بمياه من الحنفيه لان مياه الحنفية بها املاح تؤزى العربية
المياه ليها مياه مخصوص اسمها المياه الخضرا .. وبتتباع فى البنزينات فى جراكن وفى كارفور والاماكن دى
:waving:

mido_1010
23-03-2010, 10:26 PM
مش عارف اقولك ايه اخ رنجو لسانى يعجز عن الشكر ptmnlo123per171
جزاكم الله خير الجزاء
بجد والله متشكر جدا على معلومة قولتها

mido_1010
23-03-2010, 10:37 PM
رنجو انت ماشاء الله عليك بتفهم كويس جدا فى العربيات وانا انشاء الله هاستفاد منك كتير
عايو اقولك حاجه انا معرفش طبعا العربيات الى فى نفس الفئة حلوه ولا لا
بس انا لما بقول لااصحابى انى هاشترى ان اشء الله لوجان يقولولى اشترى الكورى احسن عشان قطع الغيار وكمان عشان لما تيجى تبعها متخسرش فيها كتير
ممكن معلش تقولى رايك فى الاكسنت والانوس والفرنا والافيو راى بس مش تفاصيل
اقصد انت بخبرتك ده اعتقد انك ركبت عرية منهم وانا برضه متاكد ان اللوجان احسن منهم بس برضه معلش اريك بالله عليك يا رنجو يهمنى
بس اوعة تكون زهقت منى انا على فكره والله حابب اللوجان جدا وكل يوم بدعى ربنا وبستخيرة انا الحمد لله دائما بستخير قبل ما اشترى اى حاجة

ringoo
24-03-2010, 06:37 PM
رنجو انت ماشاء الله عليك بتفهم كويس جدا فى العربيات وانا انشاء الله هاستفاد منك كتير
عايو اقولك حاجه انا معرفش طبعا العربيات الى فى نفس الفئة حلوه ولا لا
بس انا لما بقول لااصحابى انى هاشترى ان اشء الله لوجان يقولولى اشترى الكورى احسن عشان قطع الغيار وكمان عشان لما تيجى تبعها متخسرش فيها كتير
ممكن معلش تقولى رايك فى الاكسنت والانوس والفرنا والافيو راى بس مش تفاصيل
اقصد انت بخبرتك ده اعتقد انك ركبت عرية منهم وانا برضه متاكد ان اللوجان احسن منهم بس برضه معلش اريك بالله عليك يا رنجو يهمنى
بس اوعة تكون زهقت منى انا على فكره والله حابب اللوجان جدا وكل يوم بدعى ربنا وبستخيرة انا الحمد لله دائما بستخير قبل ما اشترى اى حاجة
ربنا يخليك يا ميدو وشكرا على مجاملتك الجميلة
بالنسبة لموضوع سعر اعادة البيع فدة لسة ماظهرش بشكل واضح فى اللوجان لانها لسة عربية جديدة لكن متوقع لها سعر اعادة بيع جيد
ودة لانها سعرها اصلا رخيص وبالتالى كدة كدة الخسارة فى اعادة البيع ... خسارة غير فادحة زى مثلا عربية زى الميجان لان الميجان غالية وبالتالى بيظهر فيها ضعف سعر اعادة البيع
واللوجان من العربيات اللى حتكون من اكتر العربيات المنتشرة فى بلدنا وبالتالى حينعكس على قطع غيارها بالاضافة انها بها الكثير من المميزات عن مثيلاتها من نفس الفئة
.....................
حاجة تانية عايز اتكلم فيها وهى احتياجاتك من العربية
يعنى انت لو مخطط انك حتبيع قريب اعتقد انك لو اشتريت فيرنا او لانوس حيكون افضل لان سعر اعادة بيعهم جيد جدا لان قطع غيارهم رخيصة ومنتشرة جدا ودة نتيجة انهم موجودين فى السوق من فترة كبيرة 12 سنة لانوس و 5 او 6 سنين فيرنا
.........................
بالنسبة لسعر قطع غيار اللوجان فهى بالتاكيد اغلى من مثيلاتها ودة بردو لسبب ان العربية لسة جديدة ولسة حتتفرج على قطع غيار اللوجان لما حينزل منها الصينى وعيش بقى فى رخص قطع الغيار مع العلم ان انا مش بشترى هذه النوعية من قطع الغيار مهما كانت رخيصة انا بشترى الاصلى دائما الا فى بعض الاجزاء الخارجية للسيارة
...........................
بالنسبة لافضل سيارة فى هذه الفئة فدة بيرجع لاحتياجاتك انت مش حد تانى
يعنى مثلا عايز اقصى عربية فيها تسارع وقوة ماتور يبقى الفرنا مع ميزة رخص قطع الغيار مع بعض العيوب زى ضيق الكنبة وعدم وجود وسائل امان للظروف الطارئة مع عدم وجود فكر من صانع السيارة لثباتها على السرعات العالية
.........................
اقصى عربية رخصا لقطع الغيار فهى اللانوس مع صالون جيد مع بعض العيوب مثل انخفاض السيارة عند التحميل
وبعض العيوب الميكانيكية البسيطة واللى بتتغير فى اول عمر السيارة .. وهى اضعفهم قوة ماتور لانه بيخرج 87 حصان لكن ماتور اللانوس ملائم للسيارة فهو ليس عيب
.....................
اخر عربية حتفكر فيها هى الافيو ... مليانة مشاكل ومشاكلها اشهر من النارعلى العلم بالاضافة ان سعر قطع غيارها غالية سيبك منها خالص
........................
بالنسبة للوجان فهى الاكثر عزلا للصوت والاكثر راحة و وسع ومتعة فى القيادة والاكثر رفاهية مع بعض العيوب مثل ارتفاع اسعار قطع الغيار بعض الشيئ ودة نتيجة انها لسة جديدة .. و ارتفاع السيارة من الخلف لتفادى المطبات والطرق الغير ممهدة اثر على التصميم الجمالى الخلفى لها بعض الشيئ ( بتلكك بصراحة )
.........................
بالنسبة للاكسنت هى عربية محترمة وبنت ناس لكن فى فرق سعر 10000 جنيه بينها وبين اللوجان عشان كدة مش حنتكلم يامة عنها ومع ذلك فا اللوجان فيها ميزة مش موجودة فى الاكسنت زى الايرباج
........................
وفى النهاية استفسر زى ما انت عايز يا ميدو واحنا اخوات
و مهما كانت العربية اللى حتشتريها انا حباركلك وحفرلك جدا ودة اللى انا عايزه انك تختار العربية المناسبة ليك انت
مش المناسبة لحد تانى لان الاحتياجات من السيارة بتختلف من شخص لاخر
تقبل تحياتى وربنا يوفق وتحت امرك فى اى استفسار

mido_1010
24-03-2010, 08:10 PM
جزاكم الله خيرا على فكرة انا استخرت والحمد لله مستريح للوجان كتييييييييييييييييير
انا الحمد لله حبيت اللوجان كتير ومستريح ليها خالص وانا على فكره ان شاء الله مش مخطط للبيع الا اذا قدر الله ذلك لا بالعكس ان شاء الله انا عجبانى الوجان والله كل مره بروح المعرض بروح اركبها بجد فى فرق كبير بنها وبين الانوس والفرنا
هى عجبانى وان شاء الله انا حاسس انها هاترخص كتير لانها ماشاء الله بتكتر اوى فى مصر
وربنا يسهل انا بجهز عشان اعر ف اجيب من فين بالظبط ادعيلى بالله عليك
على فكره ارتفاع السيارة بالنسبالى مهم جدا وانت اكيد عارف بتتلكك صح ههههه شكرا جدا ليك يا رنجو
ان شاء الله هاجيب العربية من التوكيل بس هما قالولى انها لسه هاتيجى على شهر تقريبا

ringoo
24-03-2010, 10:29 PM
جزاكم الله خيرا على فكرة انا استخرت والحمد لله مستريح للوجان كتييييييييييييييييير
انا الحمد لله حبيت اللوجان كتير ومستريح ليها خالص وانا على فكره ان شاء الله مش مخطط للبيع الا اذا قدر الله ذلك لا بالعكس ان شاء الله انا عجبانى الوجان والله كل مره بروح المعرض بروح اركبها بجد فى فرق كبير بنها وبين الانوس والفرنا
هى عجبانى وان شاء الله انا حاسس انها هاترخص كتير لانها ماشاء الله بتكتر اوى فى مصر
وربنا يسهل انا بجهز عشان اعر ف اجيب من فين بالظبط ادعيلى بالله عليك
على فكره ارتفاع السيارة بالنسبالى مهم جدا وانت اكيد عارف بتتلكك صح ههههه شكرا جدا ليك يا رنجو
ان شاء الله هاجيب العربية من التوكيل بس هما قالولى انها لسه هاتيجى على شهر تقريبا
ان شاء الله ربنا يوفقك لما فيه الخير ... والف مبروك وان شاء الله مش حتندم على اختيارك ابدا لانها فعلا صفقة رابحة بكل المقاييس
ومتنساش تبلغنا بكل جديد وتعمل موضوح محترم زيك كدة علشان تفيد اى حد محتاج معلومات
وانا ما زلت معاك فى اى استفسار

hussein alhossary
25-03-2010, 10:36 AM
تسلم ايدك على المجهود ده وانا على فكره لسه بفكر اشترى عربيه وما كنتش حاطط العربيه دى فى المقارنات بس بعد كلامك لازم اشوفها وادرسها برده وربنا يكرمك

mido_1010
25-03-2010, 01:53 PM
ربنا يبارك فيك يا رنجو
رنجو ممكن بس اعرف ايه الفرق بين الهواى والنيتروجين وكيفية ملئ العجل بالنتروجيبن

ringoo
25-03-2010, 05:03 PM
ربنا يبارك فيك يا رنجو
رنجو ممكن بس اعرف ايه الفرق بين الهواى والنيتروجين وكيفية ملئ العجل بالنتروجيبن
موضوع النيتروجين دة بيختلف من شخص لاخر والاراء كلها ما بين مؤيد ومعارض
لكن النيتروجين فيه ميزة انه لا يتأثر بدرجات الحرارة بشكل كبير مقارنتا بالهواء الجوى
الميزة المهمة بالنسبة لى انه بيحتفظ بضغط الاطار فترة اكبر من الهواء العادى
يعنى لو انت بتكشف على ضغط الاطار كل اسبوع مع الهواء
بتكشف كل شهر مع النيتروجين
لكن بالنسبة للاداء انا مش حقدر اقرر لان انا حسيت بفرق ملحوظ لكن انا لما مليت
الاطارات نيتروجين كانت العربية لسة جديدة وكنت لسة ما ظبطش ضغط الاطارات واول ظبط كان نيتروجين
وغالبا العربيات الجديدة بيكون الضغط على 38 او 40 ودة طبعا ضغط عالى لكن دة لزوم تخزين العربيات لحين شرائها
وبالتالى انا مش حقدر اقرر هل هو بيخلى العربية انعم ولا لأ للسبب عاليه
لكن انا اضمن انه ملوش اى انعكاس سلبى سواء على اداء العربية او على ثباتها على السرعات
...........................
ماتنساش لما تشترى العربية اى كان نوعها تظبط ضغط الاطارات
:waving:

kokytoky
25-03-2010, 10:10 PM
استاذ رينجو ....نرجوا انك تكون بالف صحه و عافيه...بص يا سيدي انا اشتريت لوجان من شهر و هي ماشاء الله عربيه روعه بجد بس في شويه استفسارات...انا مشيت 1200 كيلو و مرحتش صيانه الألف ..فيه داعي لكده؟...سمعت ان العربيه بتيجي بحاجه اسمها زيت التخزين و انه لازم يتغير صحيح الكلام ده؟....ليه صوت الموتور عالى لما العربيه بتقرب من 3000 rpm ؟ ..في اى نصايح ممكن تقولها لينا ... للأمانه و مش عشان انا جبت العربيه ديه...اللي يجيب عربيه غير اللوجان باقل من 75 اللف ...يبقى غلط في حق نفسه و فلوسه...الله بنور على شرحك و امانتك فى الموضوع ده

ringoo
25-03-2010, 11:40 PM
استاذ رينجو ....نرجوا انك تكون بالف صحه و عافيه...بص يا سيدي انا اشتريت لوجان من شهر و هي ماشاء الله عربيه روعه بجد بس في شويه استفسارات...انا مشيت 1200 كيلو و مرحتش صيانه الألف ..فيه داعي لكده؟...سمعت ان العربيه بتيجي بحاجه اسمها زيت التخزين و انه لازم يتغير صحيح الكلام ده؟....ليه صوت الموتور عالى لما العربيه بتقرب من 3000 rpm ؟ ..في اى نصايح ممكن تقولها لينا ... للأمانه و مش عشان انا جبت العربيه ديه...اللي يجيب عربيه غير اللوجان باقل من 75 اللف ...يبقى غلط في حق نفسه و فلوسه...الله بنور على شرحك و امانتك فى الموضوع ده
اولا الف مليون مبروك على شراء الجميلة لوجان وربنا يبارك لحضرتك فيها ويكفيك شرها ويعطيك خيرها
بالنسبة لصيانة ال 1000 كيلو فهى ليست اول صيانة رسمية للوجان بل صيانة ال 5000 هى اول صيانة رسمية
صيانة ال 1000 غير متوفرة غير فى فرع التوكيل بالكيلو 24 طريق مصر اسكندرية الصحراوى ( العامرية )
ودة نتيجة قلة الضغط وكبر حجمه بالنسبة للفروع الاخرى
لو حضرتك من اسكندرية فروح اعمل صيانة الالف لو معندكش حاجة ضرورية ومش عايز تروح ماتروحش لكن لازم تروح صيانة ال 5000
..........................................
بالنسبة للزيت فزيت اللوجان الستوك اللى نازل مع العربية زيت تخليقى وممكن تغيره على صيانة ال 10000 كيلو بدون مشاكل اهم حاجة انك تتابع مستوى الزيت فى الماتور زى العادة
لو عايز تعمل اجراء وقائى علشان تكون متطمن وتغير الزيت غيره فى صيانة ال 5000 ودة حسب رغبتك ويا ريت وانت فى صيانة ال 5000 تطلب منهم يكشفوا على الزيت
مع العلم ان انا شخصيا مش لاقى اى داعى لتغيير الزيت وكل حاجة بالكشف بتبان
.........................................
بالنسبة لصوت الماتور بيعلى عند 3000 ار بى ام ودة لان اقصى عزم لماتور اللوجان عند 3000 د / ق
لكن انت ماينفعش تحكم حاليا على صوت الماتور عندك لانك لسة ما خلصتش تليين
وعاما صوت الماتور بيهدى بعد 3000 كيلو ... وبيهدى جدا بعد 5000 كيلو وحضرتك حتلاحظ دة بنفسك
وحتلاحظ ارتفاع فى الاداء بصورة تدريجية سواء فى سحب السيارة او سواء فى تقل الدركسيون
كل حاجة بتليين فى خلال عمر السيارة الاولى وهى اول 5000 كيلو وبعد الصيانة العربية بتكون فايقة جدا
.........................................
والحمد لله ان ربنا وفقنا فى شراء اللوجان وهى فعلا عربية محترمة جدا وتستاهل كل ملبم ادفع فيها
والف مبروك يا فندم وتحت امرك فى اى استفسار ولو فى حاجة مش واضحة قولى عليها وانا افسرهالك اكتر
.......................................
تقبل تحياتى

kokytoky
26-03-2010, 04:46 PM
ياسيدي اللف شكر على ردك الجميل

sandarosy
26-03-2010, 08:20 PM
أ. رينجو بك
هازعجك تاني, اتحملني
لوجان E1 , لما أرجع للخلف النور الخلفي اليمين بس بينور, ده طبيعي ولا لأ؟
كمان السماعة الشمال صوتها ضعيف جدا, إزاي أظبطها؟
وهل سمعت عن الشمع إللي بيحطوه على العربية فيقلل اتساخها بالتراب؟
مشكور

mahmoud desouky
26-03-2010, 08:38 PM
سلام عليك مستر رينجو يشرفنى انى اتكلم واخد رايك ونكون اصدقاء
لاحظت من كلامك موضوع التسارع بتقول او فهمت انها مش جديه هل ده راجع انها 8 صباب وهل دى مشكله فعلا ملحوظه
تانى حاجه مش فاهم برضه اولا انا معايا دوجان 1600 بقالها معايا حوالى 15 سنه بس ناوى اغيرها وفكرت فى اللوجان بصراحه مقلق من موضوع 8 صباب هل ده ماثر اوى وبعدين يعنى ممكن اجيب بيها 160 عادى اجرى بيها ولا ايه مش فاهم وياريت لو تعرف حد عمل بيها مثلا 20000 او اقل واخبارها ايه معاها
معلش مستر رينجو دوشتك بس انا سعيد انى باخد رايك

ringoo
26-03-2010, 10:44 PM
أ. رينجو بك
هازعجك تاني, اتحملني
عيب ماتقولش كدة مفيش ازعاج ولا حاجة

لوجان E1 , لما أرجع للخلف النور الخلفي اليمين بس بينور, ده طبيعي ولا لأ؟
طبيعى هى لمبة واحدة للمارشدير

كمان السماعة الشمال صوتها ضعيف جدا, إزاي أظبطها؟
بص هو انا مش فاكر اسم الاوبشن بالظبط اللى فى الكاسيت اللى بيظبط الموضوع دة لكن انا حقولك على الزرار
اللى بيخلى سماعات تشتغل وسمعات لأ وليه اوضاع كتير وانت لما حتقلب فيه حتفهم اللى مكتوب

http://www10.0zz0.com/2010/03/26/21/372879549.jpg
وهل سمعت عن الشمع إللي بيحطوه على العربية فيقلل اتساخها بالتراب؟
انا بستخدم نوع المانى اسمه سونكس وهو بوليش وواكس فى نفس الوقت وشغال معايا كويس جدا
وبيقلل ان العربية تلم تراب وبيخليها سهلة التنظيف
والسوناكي حاليا اخر مرة شوفته فى كارفور كان فى حدود 74 جنيه وكل لون ليه علبة بدرجات اللون دة يعنى ازرقات احمرات اخضرات كدة يعنى

مشكور

العفو يا باشا

ringoo
26-03-2010, 11:08 PM
سلام عليك مستر رينجو يشرفنى انى اتكلم واخد رايك ونكون اصدقاء
لاحظت من كلامك موضوع التسارع بتقول او فهمت انها مش جديه هل ده راجع انها 8 صباب وهل دى مشكله فعلا
معلش اعزرنى بس انا مش فاهم حضرتك .... وبردو مش عارف ايه المشكلة فى تسارع اللوجان لان مفيش اى مشكلة فيه بالعكس اللوجان تسارعها جيد جدا وممكن تشد مع اى عربية بقلب جامد
ملحوظه
تانى حاجه مش فاهم برضه اولا انا معايا دوجان 1600 بقالها معايا حوالى 15 سنه بس ناوى اغيرها وفكرت فى اللوجان بصراحه مقلق من موضوع 8 صباب هل ده ماثر اوى وبعدين يعنى ممكن اجيب بيها 160 عادى اجرى بيها ولا ايه مش فاهم وياريت لو تعرف حد عمل بيها مثلا 20000 او اقل واخبارها ايه معاها
معلش مستر رينجو دوشتك بس انا سعيد انى باخد رايك
انا بس عايز اعرف ايه مشكلة ال 8 صباب لا هى اول عربية تنزل 8 صباب ولا هى اخر عربية حتنزل 8 واقرب مثال عندنا هى الدايو لانوس ربنا يبارك لملاكها
فى مواتير عاملة ارقام كويسة جدا ولسة متعمرتش ودة دليل ان مفيش اى علاقة بين عدد الصبابات واعتمادية الماتور ومدى عمره اللى بيحدد دة هو سائ السيارة وطريقة قيادته لها وعمل الصيانات الدورية وتغيير زيت الماتور فى مواعيده ومدى فهمه لعربيته وكيفية قيادتها
..................................................
بالنسبة للسرعات العالية انت ممكن تجيب 160 و 170 و 180 عادى جدا بس هل فى طريق حيسمح بكدة
عموما انا اقصى سرعة لى مع اللوجان حتى الان كانت 165 فى طريق سيئ (مصر اسكندرية الصحراوى) عند بوابة اسكندرية ومعرفتش ازود عن كدة لان حالة الطريق اصلا لا تسمع بهذه النوعية من السرعات وربنا يكفينا شر الطريق
.............................................
طيب علشان نكون واقعيين هو ايه اللى يهمك فى ماتور العربية ال 8 صباب
تسارع واستهلاك بنزين
اللوجان تسارعها جيد جدا بالاضافة ان استهلاكها للبنزين جيد جدا
عموما حضرتك لو بتفكر تبيع الدوجان وتشترى لوجان فانا احب اطمنك انك حتتنقل نقلة كويسة جدا جدا وحتحس بفرق ملحوظ بين فكر الصانع اللى صنع الدوجان وبين فكر الصانع اللى صنع اللوجان
.......................................
فى نفس الوقت لو حضرتك بتدور على عربية توصل بيها لاقصى سرعة فا الفيرنا موجودة وماتورها قوى وهى خفيفة وبالتالى فهى اعلى تسارع واعلى عربية توصل لسرعات عالية فى هذه الفئة من السيارات بالاضافة ان ماتورها 16 صباب يعنى سرعة سحب العربية على الغيار الخامس حتكون ممتازة لكن فى نفس الوقت العربية غير مهيأة انها تمشى على هذه السرعات
بالذات في ما يخص الثبات والامان

mahmoud desouky
27-03-2010, 02:38 AM
ربنا يكرمك يا مستر رينجو ومتشكر على ردك
تفتكر موضوع هزه الفتيس دى بتكون من ايه من موتور مثلا وتانى انا اعرف ان الرينو بتعتمد على تكونولوجيا انها بتستخدم فايبر بدلا من الصاح ودى متاكد منها بس مش عارف اللوجان كده ولالا
وصلت لكم كيلو دلوقت يا مستر رينجو وربنا يستر طريقك

geo
27-03-2010, 08:16 AM
رينجو باشا يا مقتع المنطقة
وحشتني مشاركاتك:waving:
الرينو بتعتمد على تكونولوجيا انها بتستخدم فايبر بدلا من الصاح ودى متاكد منها بس مش عارف اللوجان كده ولالا
الفبر غالي واللوجان عربية اقتصادية
ومتقلقش لو هي فبر فأمانها عالي وواخدة 3 نجوم
بس هي مش فبر هي صاج

geo
27-03-2010, 08:29 AM
انا مش فاكر اسم الاوبشن بالظبط اللى فى الكاسيت اللى بيظبط الموضوع دة
قصدك ال balance يا باشا؟

mido_1010
27-03-2010, 12:06 PM
جزاكم الله خيرا رنجو

sandarosy
27-03-2010, 12:47 PM
رينجو بك
أشكرك بشدة
ptmnlo123per154ptmnlo123per154

mido_1010
27-03-2010, 02:37 PM
رنجو انت من الاسكنرية اجدع ناس وانا بحبها جداااااااااااااااااااااا على فكره انا من القاهرة واساسا من اسوان وطبعا انت عارف بلادنا التانية اسكندرية اغلبية الاسوانية قاعدين فى اسكندرية عشان كده برضه بحبها

ringoo
27-03-2010, 05:33 PM
ربنا يكرمك يا مستر رينجو ومتشكر على ردك
العفو يا فندم وتحت امرك

تفتكر موضوع هزه الفتيس دى بتكون من ايه من موتور مثلا
هو فعلا من الجزء الواصل بين الماتور وبين الفتيس و الجزء دة مختلف فى اللوجان عن الميجان مثلا
ودة لان هذا الجزء فى الميجان اكثر امتصاصا للصدمات
(المادة المستخدمة فى صناعة هذا الجزء فى اللوجان اكثر صلابة وفى الميجان اكثر ليونة ولذلك فتيس الميجان لا يهتز ودى نظرية اقتصادية فى سيارة اقتصادية )
لكن عموما هزة الفتيس لا تذكر ولا تؤثر على اى اداء دى هزة بسيطة جدا جدا والفتيس مش بيتهز غير على وضع المور

وتانى انا اعرف ان الرينو بتعتمد على تكونولوجيا انها بتستخدم فايبر بدلا من الصاح ودى متاكد منها بس مش عارف اللوجان كده ولالا
بص انا حقولك على حاجة للامانة
معظم ملاك اللوجان يعتقدون ان الاكصدامات صاااج وانا منهم ... لكن انا فى الفترة الاخيرة ابصم بالعشرة ان الاكصدامات فبر
لكن بردو للامانة فى جملة واحدة ( تسلم دماغ اللى اخترعه )

وصلت لكم كيلو دلوقت يا مستر رينجو وربنا يستر طريقك
وصلت ل 6000 كيلو حتى الان بفضل الله

ringoo
27-03-2010, 05:35 PM
رينجو باشا يا مقتع المنطقة
وحشتني مشاركاتك:waving:
الله يخليك يا جو وانا تحت النظر ياباشا
الفبر غالي واللوجان عربية اقتصادية
ومتقلقش لو هي فبر فأمانها عالي وواخدة 3 نجوم
بس هي مش فبر هي صاج

كلام سليم جدا 3 نجوم فى اختبار سلامة بصعوبة اختبار السلامة الاوروبى شيئ مش سهل على اى سيارة اقتصادية

sandarosy
27-03-2010, 06:40 PM
أستاذ رينجو بك
بصراحة انت منور المنتدى
ونصائحك كلها في الصميم
ولديك لكل سؤال جواب
فجزاك الله خيرا
دلوقتي سؤال جديد:
أنا السنتر عندي في المفتاح -لايوجد ريموت-
بس الشنطة مش بتفتح أو بتقفل مع السنتر, يعني لازم أفتح وأقفل بالمفتاح,,, ده طبيعي ولا محتاج تظبيط؟
وشكرا مقدما

mahmoud desouky
27-03-2010, 11:32 PM
انت مفهمتش قصدى يا رينجو انا بقصد على الرفارف و البادى بتاع العربيه فايبر مش صاج رينو بتعمد على كده مش عارف انت شايف ايه ده صح ولا غلط فى اللوجان

mido_1010
27-03-2010, 11:45 PM
مستر رنجو هل عندك معلومات عن لوجان 2011 ولا لا
على فكره متفهمش من كلامى انى مسنيها تنزل لا مش كده
بس الظروف ان شاء الله انا ماشى فى الموضوع والله المستعان ودعواتك
وربنا يحفظك ويجزيك خيرا