المساعد الشخصي الرقمي

مشاهدة النسخة كاملة : تجربتي المتواضعة مع الدايو لانوس S


وائل السويفي
30-06-2008, 04:45 PM
بسم الله الرحمن الرحيم

احب اشاركم تجربتي المتواضعة مع عربيتي مع الأخذ في الاعتبار ان سيارتي السابقة هي نصر 127 مما يعني اني انتقلت نقلة كبيرة جدا

النوع : دايو
الموديل : لانوس S
السنة : 2008
اللون : سماوي (بيبي بلو)
عداد الكيلو : اكثر من 3000 كم

ما اعجبني:
الوسع الداخلي جميل جدا مقارنة بالفيرنا
درجة العزل المعقولة طالما انت على 90
قابليتها للترويش الشيك
الشنطة سعتها جيدة

ما لم يعجبني:
خامات التابلوه والبلاستيك المستخدم
نور الشبورة مشتغلش من تالت يوم !!!!!! عيوب فيوزات

الكماليات والاكسسوار:
فرش جلد اسود
طقم دواسات
غطاء ووتر بروف
عراقات شكل الكراسي الريكارو (بس طبعا اشتريتهم قلة خبرة وغباء هو في حد يشتري عراقات جلد؟؟)
طقم نواكل : مرايات - فوانيس خلفية - مقابض - رشاشات المساحة - مثلث خلف الشباك الخلفي
شريط جلد حامي الاكصدامين


استهلاك البنزين حتى الآن:
اسوأ استهلاك كان 200 كم في الصفيحة = سرعة فوق 110 كم/س + تكييف طول الوقت
احسن استهلاك كان 300 كم في الصفيحة = سرعة لا تزيد عن 90 كم/س + بدون تكييف

ملاحظة: انا ساكن في فيصل وشغلي في القطامية فاغلب طريقى سريع على الدائري.


ان شاء الله انزل الصور قريب جدا


ظروف التجربة:
اولا السيارة لم تكمل الـ5000 ... يعني لسه بدري عليها
ثانيا انا مش خبير في السيارات انا مجرد واحد بيحب مشاركة تجربته
ثالثا ودا الاهم ان التقييم ناقص كتير فمستني مشاركتكم واسئلتكم علشان يكمل التقييم

أخوكم وائل السويفي

Semsem999999
30-06-2008, 04:47 PM
ربنا يارب يباركلك فيها يا وائل ويملهالك بركه ويديك خيرها ويكفيك شرها يا رب

ومستنيين الصور ضروري

AbOnOrA
30-06-2008, 04:58 PM
ربنا يديك خيرها ويكفيك شرها يارب

بس ناقص تقولنا رايك ايه فى العفشة سواء محملة او فاضية (راكب واحد بس)

islam_galal
30-06-2008, 06:10 PM
ربنا يباركلك فيها
المهم الثبات أخباره إيه - الانوس سمعتها وحشة في النقطة دي

وائل السويفي
30-06-2008, 06:33 PM
ربنا يديك خيرها ويكفيك شرها يارب

بس ناقص تقولنا رايك ايه فى العفشة سواء محملة او فاضية (راكب واحد بس)


تمام يا باشا سؤال في محله

العفشة طبعا سيئة جدا مع الحمل وخصوصا الاوزان

انما فاضية بتيقى عادية

وائل السويفي
30-06-2008, 06:36 PM
ربنا يباركلك فيها
المهم الثبات أخباره إيه - الانوس سمعتها وحشة في النقطة دي


اسلام باشا
والله طول ما انا سايق على 90 العربية تمام والتحكم تمام

انما عديت ال 100 وانت طالع يتلاقي الدركسيون خف جدا جدا جدا

طبعا اللانوس معروفة انها طالما عدت ال 120 المؤشر بيبقى عايز يطير والعربية نفسها تحس انها معرضة تتقلب وتتطيش في اي لحظة

طبعا دا احساسي

ahmedsalah
30-06-2008, 06:49 PM
عن تجربة النوبيرا والانوس عفشتهم ناعمة بس زى ما قال الاستاذ وائل مع التحميل بتحك فى المطبات جامد بس ممكن عفشة سبور تظبها خاصة بخصوص الثبات بس طبعا هتبقى انشف فى المطبات يعنى ميزة وعيب فى نفس الوقت

TAREK ZIAD
30-06-2008, 07:25 PM
ألف مبروك عليك اللانوس .... يا ترى إيه أخبار الصيانة و التوكيل وأى فرع أفضل؟؟؟؟

grnada
05-07-2008, 06:50 AM
مبروك يا ابو جمانه و ربنا يبارك لك فيها
و يرزقك خيرها و يمنع عنك شرها


اخوك ابو ادهم:w6w200504111340266d

AbOnOrA
05-07-2008, 07:11 AM
اهلا بيك يا ابو ادهم نورت مصر موتورز

MoSHaX
13-07-2008, 06:16 AM
مبــــــــــــــــــــــــــــــــــــــــــــــــ ـــــ :w6w2005041122063463 ـــــــــــــــــــــــــــــــــــروك عليك

انا كمان لون عربيتى سمــــــــــــ :w6w200504111340266d ــــــــــــــاوى بس انا موديل 2006 هى عربية كويسة ... وبتستحمل كمان (العربية دى مبنية على اساس محركات الاوبل 94و95) بساحب انصحك شوية نصايح
العربية واطية جدا ... فا المطبات خدها بحذر وخاصة لو مركب معاك اكتر من شخص وكمان الفرامللللللل سيئة جدا انا عملتها معايا مرتين قبل كدة ,,,الاولى خبط فى بوكس شرطة:w6w200504112235376e
والتانية فى ضابط شرطة عربيتة بيجو (ملعونة) حطمت باب سيارتى.angryhead
كلة دة بسبب الفرامل فمصحكش بالسرعات العالية لانك مش هتقدر توقف العربية؟؟

وربنا يفيك شرها

POP EL GAMED
21-07-2008, 01:54 PM
ربنا يباركلك فيها ويديك خيرها ويكفيك شرها
(نصيحه منى حاول تجنط عشان الجنوط الاسبور هتفرق معاك جامد فى الثبات)

Nour_peugeot
27-10-2008, 04:21 AM
ربنا يبركلك فيها و يكفيك شرها

انا عيز اسال سوال

انا كنت سمعت ان مها تشغيل التكيف العربية عزمها بيقل جدا ده صحيح ؟؟

tareqsheir
31-10-2008, 08:22 PM
مبروك ياباشا

magdiy
01-11-2008, 05:52 PM
مبروكه عليك - بس هيه 2008 لانوس و لا لانوس شفلريه لان فيه ماس بتقول انها نازله 2009 شفرليه و انا مش عارف دا صح و لا مجرد اشاعه

hamadamdph
02-11-2008, 02:16 PM
والله يابني انت بساطة اسلوبك حتخليني اجيب لانوس
انا فعلا كنت عايز واحد احس انه زيي مش يقعد يتكلم كلام مجعلص
وربنا يبارك لك فيها

wael432001
08-11-2008, 05:27 PM
ما شاء الله لا قوة الا بالله ، بس ياريت الصور بسرعة مستنيك

د احمد اسماعيل
13-11-2008, 01:26 PM
ربنا يباركلك فيها

tamer1977
17-11-2008, 02:57 PM
الله يباركلك فيها بس الدايو عموما ورق كانت معايه نوبيرا بس جبت تويوتا يارس بس اليبانى يوكل

Seada
02-12-2008, 06:55 PM
مبروك عليك يا باشا وربنا يكفيك شرها

uioprty
08-12-2008, 02:53 AM
ربنا يارب يباركلك فيها يا وائل ويملهالك بركه ويديك خيرها ويكفيك شرها يا رب


كدة ممتاز اووووووووووووووووووووي

Michael_Lanos
09-12-2008, 12:04 AM
ربنا يباركلك فيها يا عسل

wael432001
09-12-2008, 04:16 PM
ربنا يكرمك ويبارك فيها ويكفيك شرها

PoweRPassioN
23-01-2009, 10:08 PM
ألف مبروك عليك اللانوس ptmnlo123per171

وائل السويفي
24-01-2009, 03:16 PM
الله يبارك لكل من شارك في هذا الموضوع بالقراءة او اضافة رد

المهم انا ان شاء الله هاكمل العشرين الف في خلال يوم او اتنين

وانتظروا تقريري بعد صيانة العشرين ان شاء الله.

Michael_Lanos
07-02-2009, 01:47 AM
اللانوس كييفه حك فى المطبات مع الركاب

MosTafaFox
08-02-2009, 01:30 PM
انا سمعت ان الانوس الجديدة اللى هى شيفرولية علوها شوية او عملو فيها حاجة علشان المطبات

وواحد صاحبى معاه الانوس القديمة بيقولى ان مهندس فى التوكيل قالوه ممكن يعليهالو 2 سم وده هيظبط المطبات وفى نفس الوقت مش هيخليها تعوم منة الكلام ده صح ولا غلبط

mimo alex
11-02-2009, 10:53 AM
الاخ سامح مابروك عليك وربنل يكفيك شرها ولي سؤال هل في فرق بين لانوس شيفروليه ولانوس دايو
وخاصه العفشه والصيانه
جزاك الله خير ومبروك مره تانيه

ahmed_eng2001
11-02-2009, 02:04 PM
mbrouk ya wael , w rbna yebareklak feha
i have a frind had Lanos , she was very good , and its spare parts was cheap , and he was happy with it

محمد_فراج
12-02-2009, 05:43 PM
الف مبروك يا استاذ وائل انا معايا برده لانوس عيوبها زى ما قلت بالضبط ومميزاتها زى ماقلت بالضبط الفيوزات والعفشه والبنزين
والمميزات دواخل وموتور

بس للاسف ثبات ما فى بعد 100 او 120 كلم
ويعنى انا عندى شويه تعديلات ناوى ان شاء الله اعملها ف العربيه بس مستنى شويه كده اما اغير العربيه او اشترى واحده مستقله بيا او اوضب وللتوضيب عندى شغل كويس للعربيه دى ممكن تركب جنط عريض بس العربيه دى عشان تركب جنط لازم توضب عفشه ف ممكن تركب يايات رياضى تقوى العفشه وده ف حد ذاته يعمل ثبات ممتاز للعربيه بس يحمل ع الموتور ف ممكن تركب فلتر رياضى وانا جربته بيجرى العربيه وممكن تركب علبه شكمان بس الصوت مزعج للى وراك وسلك بواجى رياضى وبواجى 3 شعله ولو غاوى ممكن تركب سبويلر اهو يساعد ف الثبات
ارجو الرد والتعليق http://up.almsloob.com/uploads/images/almsloob-613dc68083.jpghttp://up.almsloob.com/uploads/images/almsloob-ec2c852654.jpg
http://up.almsloob.com/uploads/images/almsloob-884e381043.jpg

samirayad
13-02-2009, 12:16 PM
دعواتى لك بالبركه فيها من عند الله.........ودى أهم حاجهptmnlo123per171

محمد_فراج
14-02-2009, 05:03 AM
الله يباركلك فيها ويديلك خيرها ويكفيك شرها

محمد_فراج
17-02-2009, 02:43 AM
ربنا يبركلك فيها و يكفيك شرها

انا عيز اسال سوال

انا كنت سمعت ان مها تشغيل التكيف العربية عزمها بيقل جدا ده صحيح ؟؟
على السرعات العاديه جوا البلد بيقل العزم ولكن على الهاى واى والسرعات العاليه بيفرق بس حاجه بسيطه مش كيتر

هيمو
17-02-2009, 04:10 AM
ربنا يديلك خيرها ويكفيك شرها ويباركلك فيها ان شاء الله

saifofa
21-02-2009, 04:31 AM
بصراحة انا موش معاك انتا واي حد تاني في عدم سبات الانوس لاني معاية الانوس 1 مودل 99 ورافع العربية ومع ده باسفر بيها يومياً ومشي مابيكونش اقل 120 -140
ابوسيف

yoko
21-02-2009, 12:38 PM
بصراحة انا موش معاك انتا واي حد تاني في عدم سبات الانوس لاني معاية الانوس 1 مودل 99 ورافع العربية ومع ده باسفر بيها يومياً ومشي مابيكونش اقل 120 -140
ابوسيف
أعتقد إن الواحد لما بيكون قصده سرعات عاليه يعتي فوق ال١٦٠ على الأقل بالنسبالي وأقل من كده ده الطبيعي وبره مصر السرعات العاليه فوق ال١٨٠

tarekshokry2007
02-03-2009, 02:54 PM
الف مبروك المهم معندكش اخبار عن الافيو

turbom
03-03-2009, 02:10 PM
أولا الف مبروك علي العربية و ربنا يباركلك فيها يا رب .....معلش انا ليا تعليق بسيط و طبعا اختلاف الرأي لا يفسد للود

قضية.....الانوس عن تجربة ثابته كويس جدا علي الطريق ,,,و عن نفسي وصلت بيها و انا راكب لوحدي لحوالي 140 km/h و كانت عادية

جدا و ثابتة و مشتكتش من حاجه و وصلت و انا راكب معايا ناس في العربية لبعد ال 100km/h و لا كان فيه اي مشاكل

د0تامر محمد
24-03-2009, 03:33 PM
لاتطلب من الانوس اكثر من قيمتها فى المجمل هى سياره ممتازه والثبات معقول جدا انا جبت بسياره صديقى 150 على طريق اسكندريه الصحراوى والله عجبتنى مع انى راكب اوبل ملكه الثبات

DK.Cupo
24-03-2009, 03:49 PM
ربنا يباركلك في العربية ويكفيك شرها يارب
ptmnlo123per122

waelmhamed
04-04-2009, 12:00 AM
ربنا يباركلك فيها ويكفيك شرها

أرجوا إيضاح درجة الثبات وجودة العفشة

DK.Cupo
04-04-2009, 12:11 AM
ربنا يباركلك فيها يا وائل ويكفيك شرها

بيرو
08-04-2009, 03:49 PM
يا جماعة انا عايز اشترى ومحتار جداااااااا

بين الفيات سيينا ... وبين الدايو الانوس ... وبين الفيرنا

حد ياجماعة يدينا راى قاطع

وشكرا

بيرو
08-04-2009, 03:52 PM
بالمناسبة انا سمعت ان السيينا مش تمام اوى
هل هذا الكلام صحيح ولا مش مظبوط

ekramyhamdin
28-04-2009, 12:34 PM
جزاك الله خيراً

mokhtar872000
30-04-2009, 03:41 AM
يا جماعة انا عايز اشترى ومحتار جداااااااا

بين الفيات سيينا ... وبين الدايو الانوس ... وبين الفيرنا

حد ياجماعة يدينا راى قاطع

وشكرا


نصيحه بلاش السيينيا مش منتشره خالص غير الكلام اللى بيتقال انها تقفيل صينى الله اعلم ان كان كويس او لا وبعدين اللانوس متجربه بقالها 11 سنه وزى الفل واعتماديه وقطع غيار متوفره ورخيصه وسعر اعاده بيع ممتاز


الف مبروك لصاحب الموضوع على العربيه وربنا يباركلك فيها

ابو النواجي
19-05-2009, 03:04 PM
ربنه يبركلك فيها يا وائل ويكفيك شرها وعلي مهلك في الدائري علي فكره عربيتي دايو لانوس s سماوي موديل 2008 عدت حوالي 22000 ك سفرت بيها كتير وجريت بيها تقريبا استهلاك البنزين زيك بالضبط عربيه كويسه
لغاية دلوقتي بس حافظ علي الصيانه اول باول وتغيير الزيت في الميعاد والفلاتر ونضافة الموتور بالهواء باستمرار

عبدالمجيد احمد
27-05-2009, 07:53 PM
ربنا يباركلك فيها بس من تجربتي المتواضعه معاها خد بالك من فراملها ماتبقاش زي اول ماجبتها ومش فعاله اوي يمكن عشان abs مش فيها تاني حاجه لو استخدامك شديد عليها خد بالك من الرشاشات بس موتورها كويس وعفشتها بتعيش لو من غير سباقات وطرق مش ولا بد يعني من الاخر احترمها دي مش للشد

mokhtar872000
28-05-2009, 03:52 PM
ربنا يباركلك فيها بس من تجربتي المتواضعه معاها خد بالك من فراملها ماتبقاش زي اول ماجبتها ومش فعاله اوي يمكن عشان abs مش فيها تاني حاجه لو استخدامك شديد عليها خد بالك من الرشاشات بس موتورها كويس وعفشتها بتعيش لو من غير سباقات وطرق مش ولا بد يعني من الاخر احترمها دي مش للشد


عندك حق ياباشا اللانوس عربيه محترمه جدا بس للاستخدام الهادىء والمتزن يعنى سياره اسره وسفر وتشيلك وزى الفل انما الشد والكلام ده اللى عايزه يروح يجيبله لامبورجنى ولا فيرارى

أشرف محمود فراج
05-06-2009, 08:31 PM
[واخبار قطع الغيار اية والصيانة

elmanahry
25-06-2009, 04:40 PM
لى خبرة مع اللانوس انه بعد شراؤها بايام العربية فقدت قدرتها على التسارع وطبعا لظروف سكنى فى الصعيد سقتها من المنيا الى الصيانة بالقاهرة وعرفت من التوكيل انها وساخة بالبنزين وفعلا تم تصليحها ورجعت بها على سرعة 160 لتجربتها وبعد عام اتكتمت السيارة وسارت ببطء وذهبت للتوكيل بها شبه زاحفا وعرفوا فورا العيب الذى لم يعرفه ميكانيكى وهو ان علبة الشكمان تمتلئ بالماء لان تسخين الموتور يجب ان لايزيد عن دقيقتين والسيارة الجديدة بتعرق وبعد غيار علبة الشكمان رجعت السيارة للانطلاق الشكمان فى السيارة مصرى وله عيوبه

emo samier
30-06-2009, 02:00 PM
صباح الفل كنت عاوز استفسر من حضرتك انا عاوز اشترى جديد وافاضل بين الفيرنا 1600 والا نوس ايهما افضل وايهما عملى اكتر ولو جبت الفيرنا احسن المانيوال ولا الاوتوماتيك وايهما عملى بدون مشاكل رغم انى قد سمعت ان الرخيص فى الاوتوماتيك مش مطلوب

emo samier
30-06-2009, 02:12 PM
ptmnlo123per1127صباح الفل كنت عاوز استفسر من حضرتك انا عاوز اشترى جديد وافاضل بين الفيرنا 1600 والا نوس ايهما افضل وايهما عملى اكتر ولو جبت الفيرنا احسن المانيوال ولا الاوتوماتيك وايهما عملى بدون مشاكل رغم انى قد سمعت ان الرخيص فى الاوتوماتيك مش مطلوب

maged said
21-07-2009, 07:44 PM
الف مبروك على العربيه ربنا يبارك لك فيها

د.محمد نور
01-08-2009, 11:18 PM
السلام عليكم ورحمة الل وبركاته
انا مهتم جدا بالسيارات والنواحى المكانيكية والفنية لكنى الان محتار جدا فى اختيار سيارة فى حدود 40000 علما انى طبيب كثير التنقل ارجو الافادة وشكرا جزيلا لاهتمامكم

د.محمد نور
01-08-2009, 11:25 PM
الفيرنا اقوى لكنها اضيق واقل ثبات من اللانوس اوعى تجيب اتوماتك ودة كلام احد معارفى من التوكيل نفسه لان الاتوماتك محتاج ماركة جامدة زى الاوبل او التويوتا

http://www.masrmotors.com/vb/images/icons/tah.gif

د.محمد نور
01-08-2009, 11:28 PM
معقوله فهى عربية شعبية ومنتشرة

تامر حسن
02-08-2009, 01:58 AM
الف مبروك وكان اختيارك موفق لان اللانوس عربية ممتازة وحققت نجاح عن الفيرنا

تامر حسن
02-08-2009, 02:02 AM
بس انا بسمع ان اللانوس ذى مبيقولواانها بتاكل بنزين وانهابتعمل 300 كيلو فى الصفيحه كويس جدا

mcgyver
03-08-2009, 01:23 PM
انا معايا لانوس 2001 والماتور بتاعها هنج منى شيلت الماتور الى فيها وحطت افيو هل ده صح ولا غلط بس هوه ماشاء الله الغيار التانى بيجيب معايا اخره 90ياريت اعرف ده صح ولا غلط

Emgrand
04-08-2009, 04:50 AM
هى لانوس s يعنى لانوس 2 ؟

Emgrand
07-08-2009, 08:25 PM
هى لانوس s يعنى لانوس 2 ؟


ما معنى s ?

maged said
07-08-2009, 10:25 PM
استاذ mazen mazen (http://www.masrmotors.com/vb/member.php?u=14705) لانوس s دى يعنى مش كامله نص يعنى تكيف وباور وكاست بس

اما لانوس sl يعنى كامله تكيف وباور وكاست وزجاج كهرباء واريل كهرباء وسنتر

Emgrand
08-08-2009, 03:35 AM
شكرا يا حج ماجد
sl=fo
:260309~146:

ahmedhilmy
09-08-2009, 05:37 AM
مبروكة عليك و ربنا يديك خيها و يمنعك شرها

Glucose
14-08-2009, 11:56 PM
يا جماعة انا الحمد لله جبت دايو لانوس 2007 وباحط فيها بنزين 90 لكنه غالي من اسبوع قابلت واحد صاحبي معاه لانوس 1 وقاللي انه بيحط 80 والعربية ماشية معاه كويس انا محتار اينعم انا طبعا نفسي احط 80 لكن اغلب الناس بيقولوا لازم 90 عشان الموتور من الاخر انا عاوز اعرف : (1)هو ينفع احط 80
(2)ولو لازم 90 ايه السبب (عشان بس افهم)

Emgrand
17-08-2009, 05:57 AM
يا جماعة انا الحمد لله جبت دايو لانوس 2007 وباحط فيها بنزين 90 لكنه غالي من اسبوع قابلت واحد صاحبي معاه لانوس 1 وقاللي انه بيحط 80 والعربية ماشية معاه كويس انا محتار اينعم انا طبعا نفسي احط 80 لكن اغلب الناس بيقولوا لازم 90 عشان الموتور من الاخر انا عاوز اعرف : (1)هو ينفع احط 80
(2)ولو لازم 90 ايه السبب (عشان بس افهم)
بنزين 80 مخلوط ب 90 يصلح للانوس التاكسى ؟ (http://www.masrmotors.com/vb/showthread.php?t=11841)

EMO
18-08-2009, 11:18 PM
انا ركبت دايو لانوس لمدة 4 سنوات و هي الحقيقه سياره عمليه مريحه و تستحمل البهدله و قطع غيارها متوفره و سعرها معقول و كمان التوكيل و الصيانه الحقيقه هايل بس الواحد لما يروح يعمل الصيانه لازم يعمل حسابه يقضي هناك day use

EMO
18-08-2009, 11:26 PM
مازن
انا كنت بأحط 92 و أخدها مني احد الأصدقاء وحط فيها بنزين 90 لمدة شهرين و قال انه مش لازم نحط 92 لأنه مش فارق و فضلت فتره حاسه ان العربيه مش بتسحب معايا و تقيله رجعت تاني ل 92 و الحقيقه كان الموضوع فارق جدا عشان كدا اكين ال 90 هيفرق كتير عن 80

bostato
20-08-2009, 12:24 AM
والله يا استاذ وائل اانا رأيي في العربيه دي انها محترمه جدا
موفره في البنزين , حمالة اسيه , حاجتها رخيصه , متورها كويس اوي
عيوبها :
واطيه , قطع الغيار مبتقعدش ,مش راسيه تماما , يعني مش امينه
افضل استخدام ليها يكون داخل المحافظه فقط يعني مش في سفر ولا جري اخرها 120 وايقى مكارمك
بس مش وحشه بالنسبه لفئتها وسعرها

mahmoud noureldeen
30-08-2009, 03:47 PM
الف مبروك انا لسه مشترى جوليت 2004 تعتبر هى اللاتوس مافيش فرق غير الشكل والعربية لحد دلوتى ممتازة وياريت لو حد مجربها يقولى رايه فيها

waelfarid
24-09-2009, 03:30 AM
الله يبارك لك فيها ويعطيك خيرها ويكفيك شرها وماتندمش علي ايام الفيات كل وقت وله اذان

draiy
03-10-2009, 12:40 AM
ربنا يباركلك فيها بس انا عايز أسألك لو هاتشترى عربية تانية فى نفس متوسط السعر هتختار اللانوس وللا هاتفكر فى حاجة تانى انت شايفها احسن

makkahboy
07-10-2009, 02:39 AM
والله صراحة انا عندي سيارة موديلها 98 ماشاءاالله تبارك الرحمن حلوة وراسية انا من ساكن مكة وانتم عارفين مكة كيف بالمطبات والحفر واكرفها جدة ومكة وطايف وماشاءاالله بس دحين مشكتلي استهلاك بالنزين بعض الشي مو مرة يعني احسها احيانا تاكل بنزين واحينانا لا وبعدين عندي قربعة مع المطبات في الدرسكون ولما اشغل المكيف احس ضعف واضح في النمرة الاولى والثانية في العزم فا جيبوني الله يعطيكم العافية اخوكم حسين من مكة..

king mimo20
07-10-2009, 03:43 AM
:062059~133: ربنا يباركلكhttp://sports.makcdn.com/imgs/News/204344/Feature.jpg

m_o_sakr
13-10-2009, 03:50 PM
الف مبروك انا لسه مشترى جوليت 2004 تعتبر هى اللاتوس مافيش فرق غير الشكل والعربية لحد دلوتى ممتازة وياريت لو حد مجربها يقولى رايه فيها

el 3rbia el joliet mmtaza w sbatha a7sn men el lanos bkter awi (3n tgrba kan m3aia joilet) w hia 3rbia mmtaza w rbna ybreklk fiha isA

flashfox
15-10-2009, 01:10 PM
جميل بس ماتزال العفشة والفرامل والثبات احد اقوي العيوب

makkahboy
16-10-2009, 02:37 PM
ايش هيا العفشة؟؟ ممكن احد يشرح ليا انا من السعودية

m_o_sakr
17-10-2009, 11:49 AM
ايش هيا العفشة؟؟ ممكن احد يشرح ليا انا من السعودية

السوست و المساعدين و المقصات و كل نظام يعليق العربيه

makkahboy
18-10-2009, 09:30 PM
طيب ايش اسوي فيهم اخرجهم ولا ايش انا بخلي السيارة ثابتة في الخط ابي اخليها افضل من اول وبعدين عندي سوال البنزين عندنا في السعودية في نوعين الاحمر والاخضر 95-91 ايش احط الافضل للسيارة معي دايو لانوس موديل 98
وبالنسبة ابي طريقة فك الطبلون عندي عشان عندي الريشة حت السرعة ما تمشي تمام وبعض المبات محروقة ياريت واحد من الشباب اليبين يقلي الرطيقة واكون شاكر له ..

NASERELFHHAM
02-11-2009, 11:06 AM
شكرا للمعلومات القيمه

negmelpahr
17-11-2009, 01:02 PM
ربنا ييباركلك فيها وعقبال ال 30000 وتقولنا رايك فيها ايه

sheekoo
08-12-2009, 01:34 PM
ربنا يديك خيرها ويكفيك شرها

بلاشانت
29-01-2010, 09:15 PM
على فكره هى عربيه ممتازه ومعرفش اذاى بتقولو عيبها الثبات انا مشيت بيها 180 فى طريق شرم الشيخ حوالى 40كيلو وكانت ذى الفل.......

LIONKING2008
17-02-2010, 02:28 PM
الى الاعضاء الكرام
انا عربيتى دايهاتسو شارد 90 وناوى ابيع عاشان اشترى زيرو
فى حدود 65000 جنية
ومحتار بين ( اللانوس / الفيرنا / اسبرانزا 516 / نيو ساجا / اللوجان)
انا شغال فى المهندسين وساكن فى مدينة نصر يعنى متوسط الحركة بالسيارة فى حدود 60 كم يوميا
عاوز حد يفيدنى اشترى ايه
مع العلم انا ممكن ابيع العربية بعد 5 سنين مثلا او اكتر شوية
مع تحياتى للجميع

LIONKING2008
21-02-2010, 11:35 AM
السلام عليكم
ايه يا شباب
حد ينورنى
اشترى ايه؟؟؟

abdo verna
02-03-2010, 01:45 AM
الف مبروك على السيارة...........
سيارة حلوة بس هي مبيلقش عليها اي تظبيط
عزلها للمتور وما خرج السيارة سيء جداااااااا
بالاضافة الى صوتها النشاز
واحب اقول ان عفشة النوبيرا واللانوس تعبانين
خصوصا ان اللانوس تعليقها الخلفي بيتعب بسرعة
معلش انا بحب اقول رأيي بصراحة

EHAB ALI
02-03-2010, 03:49 PM
ربنا يديك خيرها ويكفيك شرها يارب

OMR MOAAZ
09-03-2010, 01:00 PM
تقيمك شديد الموضوعية

luckyman
09-03-2010, 05:47 PM
اجهزة تعليق اللانوس زفت وبمعنى اصح ودة مش اسلوبى ابدا فى التقييم ربش زباله وسيارة غير امنة بالمرة على الطرقات السريعة حتى لو لم تكن مسرع يعنى بصراحة اابتسامة الوحيدة التى سوف تحصل عليها هى من موزع السيارات الذى قام ببيع السيارة لك على كل الاحوال هى كانت سيارة جيدة فى عصرها ووقتها لانها اول سيارة جعلت المصريين يمتلكون سيارة فل اوبشن بسعر معتدل بعد عصر الدوجان والشاهين واللادا والفيات الخ بالنسبة للناس اللى كانت بتستخدم هذا النوع من السيارات من بل فهى طبعا سيارة مثالية بالنسبة لهم على العموم لكل وقت اذانة ولكل عصر مقايسة ومعاييرة ومش ممكن نفضل نتكلم عن اللانوس واحنا فى 2010 زى ما لغاية دلوقتى فى ناس بتتكلم عن 128 سيارات توقف انتاجها عالميا منذ ما يفارب العشر سنوات ولكم منى جميعا خالص الشكر والاحترام

Bendary
09-03-2010, 06:10 PM
اجهزة تعليق اللانوس زفت وبمعنى اصح ودة مش اسلوبى ابدا فى التقييم ربش زباله وسيارة غير امنة بالمرة على الطرقات السريعة حتى لو لم تكن مسرع يعنى بصراحة اابتسامة الوحيدة التى سوف تحصل عليها هى من موزع السيارات الذى قام ببيع السيارة لك على كل الاحوال هى كانت سيارة جيدة فى عصرها ووقتها لانها اول سيارة جعلت المصريين يمتلكون سيارة فل اوبشن بسعر معتدل بعد عصر الدوجان والشاهين واللادا والفيات الخ بالنسبة للناس اللى كانت بتستخدم هذا النوع من السيارات من بل فهى طبعا سيارة مثالية بالنسبة لهم على العموم لكل وقت اذانة ولكل عصر مقايسة ومعاييرة ومش ممكن نفضل نتكلم عن اللانوس واحنا فى 2010 زى ما لغاية دلوقتى فى ناس بتتكلم عن 128 سيارات توقف انتاجها عالميا منذ ما يفارب العشر سنوات ولكم منى جميعا خالص الشكر والاحترام

عزيزى Luckyman بعد التحية
احترم رايك فى السيارة لانوس - واسمح لى ان اعرض وجههة نظر قد تبدو مختلفه معك
أولا: معظم السيارات الموجوده فى السوق فى نفس الفئة السعرية حتى 70الف ج ليس بها عوامل امان
air bag - ABS وهكذا
اذن فان كل من : لانوس - فيرنا - فيفا - لوجان - اسبرانزا 516 (ويمكن ساجا كمان - لا اعرف بالظبط )
كلهم يتساوون فى هذه الخاصية
ثانيا : انا شخصيا معى لانوس شيفروليه 2010 - جربتها فى السفر لوحدى او بحمولة كامله - بصراحة زى الفل مفيش اى مشاكل فى الثبات او الامان - علما باننى لست من هواه السرعة يعنى بالكتير 100 - 120 كم /ساعة
وحتى لو راكب مرسيدس عمرى ما هزود عن السرعة دى - لانى اؤمن ان السيارة ليست الا وسيلة مواصلات ، كما انه عند السرعات العالية فانك تفقد كل مميزات الامان ويصعب التحكم فى اى سيارة مهما كانت
ثالثا : موافقك ان لكل وقت اذانه - لكن لا تنكر ان اللانوس مازالت مطلوبة فى السوق وتستحوذ على شريحه كبيرة جدا من السوق المصرى ، واعتقد انها ستعمر كمان 10 سنين .
رابعا : يمكن فعلا عفشة اللانوس مش اد كده (ويمكن تتفوق عليها اللوجان فى هذه الجزئية ) لكن هذا لا ينفى ان اللانوس من اكثر السيارات ملائمة للمستهلك المصرى والاجواء المصرية ،، ومعلش لو معاك هامر ومشيت بيها فى شوارع المحروسة برده هتخاف على العفشة بتاعتها من البهدلة .

ارجو تقبل وجهة نظرى ، ولسيادتكم وافر الاحترام والتقدير

Bendary
09-03-2010, 06:16 PM
الى الاعضاء الكرام
انا عربيتى دايهاتسو شارد 90 وناوى ابيع عاشان اشترى زيرو
فى حدود 65000 جنية
ومحتار بين ( اللانوس / الفيرنا / اسبرانزا 516 / نيو ساجا / اللوجان)
انا شغال فى المهندسين وساكن فى مدينة نصر يعنى متوسط الحركة بالسيارة فى حدود 60 كم يوميا
عاوز حد يفيدنى اشترى ايه
مع العلم انا ممكن ابيع العربية بعد 5 سنين مثلا او اكتر شوية
مع تحياتى للجميع

اخى العزيز :
1- شخصيا لست من هواة الصينى
2- برجاء متابعة موضوعات المنتدى حيث يوجد موضوعات كثيرة جدا شرحت بالتفصيل / وقارنت بين اللانوس والفيرنا واللوجان
3- نيو ساجا تستاهل التفكير فيها لانها تتمتع بنفس امكانيات السيارات المذكورة ولكن أرخصهم تقريبا

ربنا يوفقك للاختيار المناسب

luckyman
09-03-2010, 06:49 PM
خالص تقديرى وشكرى لك على مداخلتك لكن لازلت اللانوس اكثر سيارة ضمن فئتها سيارة امنة بشكل خطر اى فى حدود الدنيا انا لا اتكلم عن وسائل الامان كجهاز منع انغلاق المكابح والوسادة الهوائية الخ لكن سلوك السيارة يا سيدى بغض النظر عن مستوى السائق دقة التوجية الاستجابة الخ هى فى حدود الدنيا كما اننى ذكرت انها غير امنة حتى لو لم تكن مسرع ولك ان تجرب ذلك بنفسك فى منطقة امنة وواسعة خارج منطقة فيها مرور للسيارات وجرب ان تسير بسرعة 45 كيلو متر وتضغط فرامل لافتراض انك قابلت عائق ما او اى مفاجاه وقل لى رأيك بعدها مهما تحاول السيطرة على السيارة ربما تجدها تحدف يمين او شمال علاقتك بالتحكم بالسيارة تكون منتهية

Bendary
09-03-2010, 08:04 PM
خالص تقديرى وشكرى لك على مداخلتك لكن لازلت اللانوس اكثر سيارة ضمن فئتها سيارة امنة بشكل خطر اى فى حدود الدنيا انا لا اتكلم عن وسائل الامان كجهاز منع انغلاق المكابح والوسادة الهوائية الخ لكن سلوك السيارة يا سيدى بغض النظر عن مستوى السائق دقة التوجية الاستجابة الخ هى فى حدود الدنيا كما اننى ذكرت انها غير امنة حتى لو لم تكن مسرع ولك ان تجرب ذلك بنفسك فى منطقة امنة وواسعة خارج منطقة فيها مرور للسيارات وجرب ان تسير بسرعة 45 كيلو متر وتضغط فرامل لافتراض انك قابلت عائق ما او اى مفاجاه وقل لى رأيك بعدها مهما تحاول السيطرة على السيارة ربما تجدها تحدف يمين او شمال علاقتك بالتحكم بالسيارة تكون منتهية
للامانه هاجرب واقولك
ولكن عموما احييك على ارائك الموضوعيه

luckyman
09-03-2010, 08:39 PM
انا اللى بشكرك على مداخلتك وسعة صدرك وخالص الامنيات بطريق امن

abdo verna
12-03-2010, 01:34 AM
ptmnlo123per1147

esammobarak
17-03-2010, 06:29 PM
انا لسه شارى لانوس 99 من اسبوع واحد فقط وقبل كده كان معاى 127 موديل 83 وكانت اول سيارة فى حياتى اشتريها واتعلم عليها وفضلت معاى من 2001 ولغية الان وعمرى ماسقت اى عربية غير 127 بتعتى فتخيلوا الفرق بقى لما اركب لانوس كنت باقول انا مش عايز حاجة تانية من الدنيا انا كده عديت وعشت الرفاهية ولكن خلال هذا الاسبوع من يوم السبت وحتى الان لاحظت الاتى العربية فعلا بعد ال120 بتبقى خفيفة جدا ومش ثابتة خالص وانا كنت فاكر ان العربية فيها عيب قلت لما اشوف حاجات تانية علشان اروح للتوكيل اظبط بقى كل حاجة وكمان حاولت اقف بيها فاجاة الحقيقة العربية صرخت جامد جدا وطلع دخان من العجل قدام وحسيت العجل اتنحل فى الارض ومع ذلك لم تقف وكلت المطب المحترم برده وحاجة كمان لما اخدت اولادى افسحهم بالعربية الجديدة بعد يومين ( عقبال ما اتمرنت بقى عليها ) مافيش مطب العربية ماحكتش فيه واخر حاجة احب اقولها انى جربت امبارح وحطيت لها بنزين 80 الحقيقة ماشية كويس بس حاسس انها مخنوقة شوية انا ما اشترتها حطيت فيها 92 وتانية مرة 90 الفرق بينهم لم يكن واضح بالنسبة لى لكن ال80 الفرق وضح بس انا مضطر احط 80 علشان فرق السعر انا كل يوم من القاهرة للعاشر والعكس و127 نموذج فى استهلاك البنزين

وديه تجربتى انا مع الانوس وشكرا

abdo verna
04-05-2010, 11:17 AM
السلام عليكم00000والله يا جماعة انا مش مصدق ان في حد محتار بين الفيرنا والانوس!!!مع ان في فرق رهيب انا شايفه في الماتور والشكل والعفشة بين الاثنين000وطبعا كله في صالح الفيرنا000يكفي ان ماتور الانوس يعتبر بدائي جدا والميزة الوحيدة انه في انجكشن ولولا هذا الفرق لاصبحت مثل ال128وطبعا فرق السي سي000انا املك الفيرنا منذ سنتين وماشاء الله عربية جميلة مع العلم ان قريب لي باع الانوس وجاب فيرنا بعد مقرفته00هناك عيوب لاي سيارة ومن عيوب الانوس 1/صوت المحرك العالي 2/سيور الماتور بتخرب بسرعة 3/نظام الردياتير تبريد هواء يعني مينفعش تزود ميه غير من القربة واذا ثقب الردياتير الماتور بيسخن 3/بتسحب بنزين اكثر من الفيرنا ده غير لم تشغل التكييف 4/عزلها زبالة 5/وضعية القيادة غير مريحة بمقارنتها بالفيرنا 6/الفرامل فقيرة ده كلام الميكانيكية الخصلك الموضوع في كلمتين <السيارة اللي عيوبها اكثر من مميزاتها تبقى تعبانة> واتمنى ان اكون قد افدتptmnlo123per1140

corsair
04-05-2010, 12:04 PM
الله عليك يا ابو فيرنا كلام مفيش بعد كدا

اشرف حجازي
05-05-2010, 11:13 PM
مبروك عليك الدايو يا عم وائل وفعلا ثبات الدايو علي السرعات العالية محل تساؤل اظن مثلا ان الفيرنا احسن منها في الثبات وصححوني لو غلط ....عموما اي سيارة لا تقبل الاهانة فاكرمها تكرمك:clapW15:

Bendary
06-05-2010, 01:13 PM
عموما اي سيارة لا تقبل الاهانة فاكرمها تكرمك:clapW15:

الله ينور عليك

اشرف اوربت
25-05-2010, 04:36 PM
ربنا يديك خيرها ويكفيك شرها يارب

السيد العيسوى
25-08-2010, 01:04 PM
مشكووووووور 000000

محمد_فراج
31-08-2010, 06:56 AM
سلام عليكم
.................................................. .................................................. .........
مبروك عليكم اللانوس يا جماعه الناس جايبه عربيات جديده ومدفوع فيها دم قلبهم احنا نقول للناس العربيه كويسه وممتازم وناعمه بس محتاجه محافظه ومش بتاعت جرى موتورها جميل وقوى بس متجريش بيها لان امكانيتها بالنسبه لسعرها اسعار السيارات تبدأمن 100 الف اكيد جدا هيبقى فى اختلاف من سعر اللانوس ل 100 الف ف كل حاجه ............
عيوب السياره نظام الفرامل ممكن تغير النظام كله وتركب نظام abs وهيبقى ممتاز للعربيه وصدقنى الفرامل هتحرم تعملها معاك بس لسه شويه حاجات.......نظام التعليق روح لمركز صيانة عفشه ووطى العربيه وعشان الثبات هات كاوتش عريض ويفضل كاوتش وجنط عريض هيثبتلك العربيه بقوه ف الارض وانا جربت .........ع 190كلم هتبقى مكلبشه ف الارض اما التكييف فهو مناسب جدا ولا يوجد عليه اى تعليق ونظام العزل بتاعها معقول _____يعنى احنا برده ف شارع ولازم نحس باللى حوالينا.......واخر عيب الموتور ضعيف وبدائى (موتور اللانوس هو هو موتور الاوبل يعنى موتور المانى بتكنولوجيا المانى وممكتاز الموتور عمره حوالى من 15 ال20 سنه و250 الف كلم وبيتهيألى انه مناسب جدا .........لو عايز تتكلم عن ضعف الموتور ممكن نعمل حاجه صغيره نجيب بوجى 3 شعله ونركبها ف الموتور ودى هتدى عزم شديد للموتور فى حالة تركيب الجنط لانه هيحتاج قوة موتور جديده وممكن تجيب مروحة تشارجر للفلتر وتركبها فيها هتخليلك العربيه عربية سباق.........وشكرا واتمنى ان اكون قد افدت...

agamemnon
16-09-2010, 10:05 AM
مبروك و ربنا يكفيك شرها

سيد محمود عبده
06-10-2010, 01:52 AM
أخوكم فى الله سيد محمود أعمل سمكرى سيارات أريد معلومات عن مقاسات شاسيه وحوض السياره الدايو وهل هناك فرق بين لانوس1 ولانوس2

shaker_alz
07-10-2010, 07:07 PM
ربنا يبارك ويزبد

الدملاوي
07-10-2010, 07:21 PM
الى الاعضاء الكرام
انا عربيتى دايهاتسو شارد 90 وناوى ابيع عاشان اشترى زيرو
فى حدود 65000 جنية
ومحتار بين ( اللانوس / الفيرنا / اسبرانزا 516 / نيو ساجا / اللوجان)
انا شغال فى المهندسين وساكن فى مدينة نصر يعنى متوسط الحركة بالسيارة فى حدود 60 كم يوميا
عاوز حد يفيدنى اشترى ايه
مع العلم انا ممكن ابيع العربية بعد 5 سنين مثلا او اكتر شوية
مع تحياتى للجميع


أنصحك الأن ونحن في نهاية 2010 باللوجان فهي سيارة أثبتت اعتمادية عالية في السوق المصري كما سبق وفعلت في الأسواق العالمية

توكل على الله

أطيب تحية

ROSE4U

ابوعاصم83
10-10-2010, 08:14 PM
عن تجربة النوبيرا والانوس عفشتهم ناعمة بس زى ما قال الاستاذ وائل مع التحميل بتحك فى المطبات جامد بس ممكن عفشة سبور تظبها خاصة بخصوص الثبات بس طبعا هتبقى انشف فى المطبات يعنى ميزة وعيب فى نفس الوقت
انا جديد فى العربيات وبفكر اشترى لانوس سؤالى يعنى ايه عفشة سبور ما هو تقييمك الكلى للانوس وهل الاوتوماتيك منها كويس
شكرا

acounter01
11-10-2010, 02:43 PM
ربنا يبارك لك فيها
العربية الانوس ثباتها بالنسبة لعربيات كتير معققول جدا

foolh_old_man2010
09-11-2010, 07:12 PM
انا معىتاكسىلانوس بسياباشا انا جربت السياره اولما استلمته عملت 180كفى الصفيحهواستويت وبعدذلك البته غاز

خالداعزالناس
28-01-2011, 03:37 PM
سياره دايو .... الأكثر شهره
سيارات دايو .... بالرغم من قله موديلانها
لكنها بيعت بأعداد فاقت الخيال :14369D~149:

cupfox
13-05-2012, 05:45 AM
السلام عليكم ورحمة الله وبركاته
اولا احب اشكرك على الموضوع الجميل والمفيد جدا الي اكتشفته بالصدفة فقررت التسجيل في السايت مخصوص لكي انقل لكم تجربتي في اللانوس
انا معايا لانوس 1 من 12 سنة وكنت جايبها زيرو من اول دفعة خرجت من المصنع واحب اقولك عن خبرة وعشرة 12 سنة معاها انها عربية اكثر من محترمة وذالك عن تجربة عملية وحاافسرلك كل بند على حدا:
اولا العفشة : من احسن العفشات ( واسال اي خبير عفشة ) لانها مفيهاش اي مشاكل بس هي واطية شوية لكن اكيد اعلى من الفيرنا والانسر بكتير و العربية فعلا خفيفة على السرعات الكبيرة ولكنها بقت اكثر ثباتا بعد لما ركبتلها جنوط 14 الاصلية ( استيراد ) ومساعدين مونرو وكاوتش كونتننتل ( الماني ) ومتسترخصش وحتلاقي فرق رهيب
ثانيا الموتور : الموتور يعتبر جبار في السفر ( وهو نفس كفاءة الانوس 2 الكاملة وذالك لوجود حساسات مش موجودة في الانوس 2 الفاضية) حيث اني لاامشي بيها اقل من 150 ابدا واقصى سرعة وصلتلها 195 وهي تعتبر في السفر اثبت من عربيات كثير وخاصة الفيرنا و اللانسر لانهم اخرهم 170 على شرط انك تركب الوجيهات الاصلية بنفس الود الموجود في الكتالوج لان الحرف الواحد في الكود غير مطابق للعربية تماما ( لان معظم اناس بتروح تجيب بوجيه لانوس على حسب السن وحدش بيفكر يجيب على حسب الكود )
ثالثا الصالون كبير
رابعا الفرامل : جيدة جدا بس بشرط انك تركبلها طنابيرها وتيل الفرامل الاصلي والماستر الاصلي ال gm ومتسمعش كلام التجار الي بيقنعوك بالطنابير المصري ( الي نازلة حاليا في الانوس 2 والشيفروليت ) والماستر الكوري ( مش gm )وعلى فكرة لازم تغير زيت الفرامل كل سنة ( ومتسمعش كلام الميكانيكي ) لانه بيفقد خواصة ومبيمسكش فرامل ( نفذ كل الي موجود في كاتلوج العربية بالحرف ومتسمعش كلام فتي الميكانيكية)
خامسا العزل : جيد جدا ( غير الي موجود في الانوس 2) على فكرة الانوس 2 تم تجميعها بعد 2001 بخامات معظمها مصري غير الي كانت موجودة في الانوس 1( الي كل مكوناتها كوري ) وانا بتعب جدا في اني اجيبها من التوكيل بدون مااركبها عنده
في النهاية الفيرنا بالنسبة للانوس صفر وتعتبر عربية فاشلة بجميع المقاييس ( عدا الكوري منها ) ماسكة نفسها بس صغيرة
وعلى فكرة جرب تركب الانوس 1 واركب الانوس 2 وقولي رايك
في النهاية عايز تخلي العربية محترمة متركبلهاش اي قطع غيار غير الاصلية وانسى كل الموجود في السوق ( الي بيتقال عليه ايطالي والماني وياباني كله صيني مضروب مبيعمرشلكن الاصلي بيعمر) وركبلها رشاشات هيونداي 1500 واوعى تجيب رشاشات دايو
وفي النهاية اسف على الاطالة

ahmed aeka
20-07-2013, 06:30 PM
ربنا يباركلك فيه ويكفيك شرها اللهم امين

رمضان شوقى
23-09-2013, 08:25 PM
ثبات السيارة على سرعة 120 جيدجدا فانا لا اتعدى سرعة 120 خالص

JAZZAR
08-12-2013, 12:52 PM
جزاك الله خيراً....:THUMB_~112::THUMB_~112::THUMB_~112::THUM B_~112::THUMB_~112: