المساعد الشخصي الرقمي

مشاهدة النسخة كاملة : ملف السيارة الأصلى محروق


Free Bird
25-10-2012, 06:03 AM
السلام عليكم وعيد سعيد على كل الإخوه الأعضاء ..
معلش .. أنا عضو لسه جديد ومش عارف إذا كان المكان ده مناسب لعرض مشكلتى ولا لأ .. بس أرجو من أصحاب الخبرة مساعدتى فى الموضوع ..
أنا بشترى عربيه أوكتافيا فانتازيا 2010 من المالك التانى لها .. والمشكلة تنحصر فى الآتى :
المالك الأول إشترى العربية زيرو وعمل الملف بتاعها ورخصتها فى بورسعيد وكله تمام .. حصلت الثورة .. ملفات المرور إتحرقت ومن ضمن الملفات ملف العربية ديه ..
المالك التانى إشترى العربيه وهو من القاهره .. ولما حب يرخصها فى القاهره .. أعطوه ( تصريح تسيير سياره ملاكى ) مؤقت لمدة 3 شهور لغاية الملف الأصلى بتاع العربيه ماييجى من بورسعيد .. والراجل ماشى بالتصريح ده ..
أنا بقى عايز أشترى العربيه من المالك التانى .. روحنا الشهر العقارى قالوا ماينفعش بتصريح .. هاتوا شهادة بيانات من المرور .. المهم طلعنا شهادة البيانات من مرور القاهرة وكل البيانات فيها سليمة ..
مشكلتى أنا كالآتى .. لو إشتريت العربية .. أشتريها بتوكيل ولا أحسن أعمل عقد مسجل ؟؟ مع العلم إن رخصة العربية فيها لسه سنة ..
طيب أنا من إسكندريه .. لما هروح أرخص .. أكيد هيدونى ( تصريح تسيير سياره ملاكى ) مؤقت لمدة 3 شهور برده لغاية الملف الأصلى ( اللى هو إتحرق فى بورسعيد ) ما ييجى إسكندريه .. وطبعآ مش هييجى ..
طيب أنا لو عايز أعمل رخصة إيه الحل ؟؟ وإيه تداعيات السيناريو اللى أنا حكيته ده ؟؟
مع العلم إنى كشفت على العربيه فى مرور القاهره برقم اللوحة بتاعتها والعربية طلعت سليمة ..
ده الموضوع بإختصار .. أرجو من أصحاب الخبرة مساعدتى ولكم جزيل الشكر والتقدير ..

محمد صالح - المحامى
25-10-2012, 02:27 PM
العربية موديل حديث . ممكن يكون فى نسخة من الملف محفوظة على الكمبيوتر علشان كدا لما كشفت عليها لاقيتها سليمة وكمان انت طلعت شهادة بيانات ذى ما بتقول
بالنسبة للتسجيل اعمل عقد مسجل ومتمضيش مكان المستشرى .
دة افضل الحلول

adamlion
25-10-2012, 02:41 PM
كلاام جميل وذو خبرة وخلفية قانونية ولااحد ممكن يضيف احسن من كده نصيحة تحياتى.
مع الشكرللاستاذ/محمد صالح .
ROSE4U

mhamdy75
25-10-2012, 03:05 PM
العربية موديل حديث . ممكن يكون فى نسخة من الملف محفوظة على الكمبيوتر علشان كدا لما كشفت عليها لاقيتها سليمة وكمان انت طلعت شهادة بيانات ذى ما بتقول
بالنسبة للتسجيل اعمل عقد مسجل ومتمضيش مكان المستشرى .
دة افضل الحلول


:vctry::14FEAD~151::Bravo:

Free Bird
25-10-2012, 07:56 PM
العربية موديل حديث . ممكن يكون فى نسخة من الملف محفوظة على الكمبيوتر علشان كدا لما كشفت عليها لاقيتها سليمة وكمان انت طلعت شهادة بيانات ذى ما بتقول
بالنسبة للتسجيل اعمل عقد مسجل ومتمضيش مكان المستشرى .
دة افضل الحلول
شكرآ جزيلآ أستاذ محمد على النصيحة .. جزاكم الله كل خير ..
عندى سؤال .. ليه مامضيش مكان المشترى ؟ طيب أمضى فين ؟
ولسيادتكم خالص التقدير ..

محمد صالح - المحامى
25-10-2012, 10:13 PM
متمضيش مكان المشترى فى العقد المسجل علشان لو مضيت مكانة يبقى انت ملزم بنقل ملكية السيارة فى المرور باسمك خلال شهر .
انما فى حالة ترك خانة المشترى بدون امضاء لن تتقيد بمدة الشهر وسوف تكون المدة مفتوحة
الموضوع دة لو الرخصة لسة باقى على تجديدها فترة طويلة
=================
وعند الترخيص هيخلوك تمضى مكان المشترى

Free Bird
26-10-2012, 04:22 AM
متمضيش مكان المشترى فى العقد المسجل علشان لو مضيت مكانة يبقى انت ملزم بنقل ملكية السيارة فى المرور باسمك خلال شهر .
انما فى حالة ترك خانة المشترى بدون امضاء لن تتقيد بمدة الشهر وسوف تكون المدة مفتوحة
الموضوع دة لو الرخصة لسة باقى على تجديدها فترة طويلة
=================
وعند الترخيص هيخلوك تمضى مكان المشترى
يا باشا الف شكر وجزاك الله عنا كل خير ..

samehlila
26-10-2012, 04:41 AM
بسم الله الرحمن الرحيم
بص يا باشا لو العربية باسم الراجل التاني اللي هتشتري منه هتخليه يروح المرور و يعمل ملف فرعي للسيارة بيتحط فيه شهادة بيانات و شهادة مخالفات واورنيك فحص و شهادة صلاحية طفاية حريق و صورة بطاقة آخر مالك للسيارة علشان اثبات مكان المرور التابع له السيارة
و بعد كده هتنقلها عادي جدا لاي مكان و الافضل بعد كده ان حضرتك ماتمضيش مشتري لانك ملزم بنقلها خلال شهر و ماتعملش توكيل من توكيل علشان ساعات بيعملوا علية مشاكل في المرور
و مبروك العربية